|
|
|
 Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
هنالك صديقان عزيزان زاراني قبل أيام وفتحنا هذا الموضوع
وللعلم هذان الصديقان من الناس الذين لا يُمكن أن يزايد علي وطنيتهما أحداً
وبحكم أننا جيران فكثيراً ما نلتقي في أحد بيوتنا .
جاءتني فكرة في أن أنقل هذا الحوار علي الملأ لنستفيد من آراء الآخرين في هذا الأمر
سواء من الأعضاء عبر عضويتهم أو من الآخرين عبر منفذ الفيسبوك ... وساقوم بتلخيص المحاور التي تحدثنا فيها في مداخلة لاحقة.
| |
 
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
بالطبع كانت معنا زوجتي في بعض أجزاء الحوار
وجاء صديق آخر ولكن في نهاية الحوار .... وتقريباً عندما إنتقل النقاش لشئ آخر
وقبل ما أقوم بتلخيص ما وصلنا إليه إختلافاً وإتفاقاً
أود أن أشير بأن الصديقان العزيزان علي درجة علمية كبيرة ومعرفة بأحوال البلاد معرفة فوق الجيدة
بل من الممكن أن أقول بأنهما لم يتوقفا عن الإستذادة بالمعارف علي الإطلاق ......
ولكنا جميعاً ...... لم نكن من المتخصصين (في مجال السدود) .. أو ما له علاقة بذلك.
لذلك كان نقاشنا وفقاً لمعارفنا التي نكتسبها بشكل يومي عبر الوسائط المختلفة (كتاب ... صحيفة ... مجلة ... برامج تليفزيونية ... مكالمات تليفونية .... إلخ)
والأهم أن المتخصصين السودانيين في هذا المجال مُقلون ........ ما عارف ليه؟
لذا كان هذا البوست !
فأرجو أن نجد ما يضيف لنا .... (أو لأكُن أكثر دقة) .. ليضيف لي ... وإحتمال لغيرى من القراء في هذا الجانب ..... (لأنني لم أستشر أحداً في إفتراع هذا البوست)
لكل ذلك أتمني من كل الذين لديهم علم أن يفيدونا بما عندهم والآن الشعب السوداني كله (أعضاء في هذا المنبر عبر النافذتين) ... وأعتقد بأن هذا موضوعاً جاداً.
-----------------
لقد إستمعت كثيراً لما يُسمون بالخبراء المصريين ..... ولكن هؤلاء يعملون (لصالح أوراقهم) ..... وهذا حقهم ..... ولكنه لم تقع علي عيني (دراسة من متخصص/ين سودانيين) ... كأن الأمر لا يهمهم علي الإطلاق
وإن كان هنالك قصوراً من جانبي في أنني لم أبحث جيداً .... سيقابله بالطبع قصوراً من جانبهم في عدم إستخدام الإعلام بشكل جيد أيضاً.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
الاخ عاطف لك تحياتي......موضوع البوست هام جدا انا غير متخصص ولكني قريب بعض الشيئ إذ انني مهندس زراعي.....وجهة نظري ان مساوئ السد بالنسبةلنا أكثر من فوائده.....انظر فقط الي مدي الضرر الذي يمكن ان يسببه في حالة انهياره خاصة ان المنطقة جزء من الاخدود الافريقي العظيم او قريبه جدا منه......احتمال الانهيار حتي ولو كان بنسبة واحد من مليون لايستدعي المجازفة لان المخاطر المترتبة علي الانهيار مهولة.......ماهي الفوائد التي سوف نجنيها وهل لا توجد مصادر اخري لهذه الفوائد???????
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: azhary taha)
|
العزيز أزهرى
لك من التحايا أفضلها
وشكراً كثيراً علي إهتمامك بموضوع البوست
لقد إختصرت علي مهمة إختصار (تفاصيل الحوار الذى إستمر لأكثر من ساعتين)
لأن ما ذكرته قد ذُكر (بالنص) وأضيف وأقول بأن قولك أعلاه أخذ منا تقريباً
نصف زمن حوارنا.
بكده إنت عفيتني من التلخيص الذى (يشبه الترجمة الفورية في صعوبتها)
لأن القول الذى يقوله أى إنسان في لحظة ما له ظروفه من نواحي كثيرة
المهم أن عمل السد علي حدودنا (ولم يكُن علي بُعد يقلل آثاره علينا إذا حدث زلزالاً أو أياً من البراكين) في المستقبل يجب أن يُثيرنا
فكان هنالك رأياً آخراً من أن مثل هذه الأشياء يُستشار فيها أراء الخبراء من أفضل مكاتب الخبراء في العالم. فكان رأيي وأحد الأصدقاء
هل قامت الدولة التي يُمكن أن تتضرر أكثر من غيرها (والأولي في الضرر) ... السودان (بعمل الدراسات من جانبها)؟
خاصة وأن أمراً كهذا عمره طويلاً جداً ..... وسيؤثر علي أجيال قد تصل سنينها (لملايين السنين).
فهل نمارس السياسة (بطريقة رزق اليوم باليوم)؟
| |
|
|
|
|
|
|
|
|
اخر مرة سمعتوا بنهيار سد متين?
السد ده ح يتبنى بمواصفات عالمية. موضوع فى الاعتبار نوع الارض تحت السد....كمية المياه اللى ح تحملها البحيرة و نوع السد نفسه.
ده شيء. الشى التانى...انا الان ما بقدر اقول لو انهار السد ح يحصل شنو بالضبط. محتاجة اشوف خرط تضاريس المنطقة من السد ل حدود السودان او حتى اول حته معمورة فى السودان. لانه لو المنطقة مسطحة تماما المياه ح تنتشر فى سطح الارض و ما اظن تغرق السودان. فى الدنيا و عند التخطيط لمشاريع ذى دى فى computer models بتتعمل عشان نعرف ح يحصل شنو فى حالة انهيار السد. و ما اظن الاثيوبين طنشوا الدراسات دى.
ده عن انهيار السد
عن موضوع المياه....هل فى ضرر لنصيب السودان من المياه?
الاجابة على السوال ده بتعتمد على كيفية ادارة السد. يعنى الاثيوبيين عاوزين يملوا السد فى كم سنة. لو سنيين قليلة معناه فى كم سنة ما ح يكون فى مياه فى النيل الازرق. اذا ح يملوه على راحتهم...ممكن يملوه فلا فصل الخريف بس. و ده كل بعتمد على : هل اثيوبيا ناوية تلتزم باتفاقة مياه النيل???
مواضيع الخزانات دى صعب التنظير فيها من غير معلومات كافية و دراسات دقيقة. انا من حوالى 10 سنوات شغالة فى مشروع لبناء خزان. دى بس الدراسات قبل حتى تصميم الخزان. عشان كد القول بانه الخزان مضر او مفيد ما ساهل.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: Hafiz Bashir)
|
سلامات Hafiz Bashir
انا حقيقة ما عارفة اصلا الموقف السودانلا الرسمى شنو من سد النهضة!!1
لكن انا لو كنت وزير الرى السودانى (او وزير الموارد المائية...او اى كان المسؤل من الموضوع ده) لو كنتا فى محل الزول ده, كنتا طالبتا اثيوبيا بالدراسات دى. اى مشروع كبير ذى ده بيكون اتعمل ليه environmental impact statement ...باى مواصفات.
و برضوا ما عندى فكرة اذا كان (الان) فى اى جهة ممكن تجبر اثيوبيا انها تتعاون مع السودان و تديه الدراسات دى. انا شخصيا لو كان عندى زمن كنتا عملتا computer model و شفتا ممكن يحصل شنو. ممكن اعتمد على المعلومات المتوفرة فى الانترنت و غالبا ح احتاج اشترى ديتا عن التبوغرفى و كمية المياه flow اللى بتصل النهر فى منطقة الخزان. وزارة الرى السودانية مفروض يكون عندها المعلومات و الامكانيات و الكفاءات انها تعمل الشغل ده.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: dardiri satti)
|
Quote:
لقد إستمعت كثيراً لما يُسمون بالخبراء المصريين ..... ولكن هؤلاء يعملون (لصالح أوراقهم) ..... وهذا حقهم ..... ولكنه لم تقع علي عيني (دراسة من متخصص/ين سودانيين) ... كأن الأمر لا يهمهم علي الإطلاق
وإن كان هنالك قصوراً من جانبي في أنني لم أبحث جيداً .... سيقابله بالطبع قصوراً من جانبهم في عدم إستخدام الإعلام بشكل جيد أيضاً. |
أعلاه كانت الفقرة الوحيدة التي ذكرت فيها المصريين (بحذافيرها) .... والأمر يهمهم من جانب مختلف عن جانبنا.
ولم أقُل إطلاقاً بأنهم قالوا بانهم (خايفين علينا) ... وبالطبع سوف لن أُصدقهم إن قالوا ذلك
لذلك إستغربت يا صديقي (درديرى) من قولك ....... وهذا البوست مختلف .... خلينا من البوستات الأخرى.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: dardiri satti)
|
شقيقي مهندس ري منذ 1978 وعمل بخزان سنار و الدمازين . سألتو ايام هوجة السد . قال لي كلام لا اتذكر تفاصيله ولكن عموما رسخ منه القليل
السد العالي مبني ليهو كم سنة وما انهار .. تطورت هندسة السدود وتلافي مخاطرها . وبلاشك السد سيبني علي مواصفات عالية الدقة والتنبؤات
السودان سيستفيد من السد فائدة قصوي .. سنكون محتاجين للتنسيق مع اثيوبيا لمعرفة جدول فتح ابواب الخزان .
سنضمن تدفق للمياه طول العام مع التحكم فيها . فقد كانت مياهنا تذهب هدرا
ستدخل مناطق اخري للزراعة ومواسم زراعة جديدة لا اتذكرها لطول المدة
واضاف
كلامي دة وتقريبا كل مهندسي الري بالسودان يرون ان السد فائدة للسودان . وسيحفظ لنا مياها مهدرة لعدم قدرتنا علي تخزينها وسيحفظ منسوبا معقولا للنيل الازرق طول العام
واضاف ابلغنا الحكومة برأينا الفني
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عبدالحفيظ ابوسن)
|
Quote:
ياخوي انت هسع الاتكلم معاك منو .......؟؟؟
جايي كدا ناطي لي في حلقومي من الصباح !!!!!
انا بتكلم مع نصر......... انت الدخلك شنو؟؟؟؟
هههههههههههههههههه!!!!!!!!!!!!!
تحياتي
بعدين يا عاطف مكاوي
ياخي وين طفشت البوست بتاع جهيمان؟؟
جبته آخر الليل وسحبته
وأنا عاوز أعمل فيهو مداخلة مهمة ،
تصبح الواطا ألقاه مافي؟؟
بررررررررررررررررررضو
تحياتي |
يا درديرى
الواضح إنك خلطت بين شخص آخر وشخصي
فأنا لم أكتب إسم (جهيمان) منذ أن بدأت أكتب في المنابر (علي الإطلاق)
وجني وجن أدخل في حاجات فيها مناطق لعبادات البشر .... وإن كنت قد تناولت بعض الحركات المتطرفة ولكن في حدود بعيدة عن أماكن العبادة (يعني في حدود أقوالهم)
أما (جهيمان فله علاقة بأماكن ) لم ولن أقربها.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
موضوع سد النهضة موضوع استراتيجي لدول حوض النيل الأزرق التلاتة مصر اثيوبيا والسودان ويجب النظر إليه من زاوية جيوبولتيكية
توتر العلاقات بين الدول الثلاثة ووجود أنظمة شمولية قابضة فيها يجعل من الصعب الوصول لحقائق مجردة وللأسف يلعب العامل السياسي دور مهم أكتر من العوامل الأخرى
للأسف حكومة السودان لم تدير الملف بصورة إستراتجية تراعي مصالح البلد علي المدي الطويل ولكنها إستغلت الموقف لجني مصالح آنية بسياسة لعب دور الوسيط المحايد وكأن الأمر لا يهمها بعد ما رأت تكالب كل من مصر وأثيوبيا لكسب السودان لجانبها
نهر النيل تقريبا هو النيل الأزرق بإعتباره يرفد النيل بمعظم مياهه وكذلك الطمي الذي شكل أخصب بقعة علي وجه الأرض هي دلتا النيل في شمال مصر.
مصر تعتمد تماما علي مياه النيل في الري والشرب وهو أمر حياة وموت لها خاصة في ظل تناقص إمدادات النيل لظروف مناخية والزيادة الهائلة في عدد سكان مصر ولذلك تنظر لموضوع قيام السد بريبة وخوف كبير رغم تطمينات اثيوبيا.
فأثيوبيا في حال قيام السد سيكون في يدها زر التحكم في مياه النيل الأزرق الخارجة من أراضيها وهو ما يقلق مصر علي المدي البعيد وكذلك قيام السد يفقد مصر اغلب الطمي الذي يصلها وهو ما يسبب في زيادة مشكلة دلتا النيل التي أصلا أصبحت تنخفض بمعدلات مستمره مما جعل مياه البحر المالحة تتغلغل
إليها لتؤثر في خصوبتها وقد تجعلها غير صالحه للزراعة تمام
أثيوبيا تحتاج لمياه النيل للكهرباء في المقام الأول وهي بلد فقيرة جدا في مصادر الطاقة الأخري وأصبحت الحاجة لمصادر طاقة رخيصة ومستدامة أمر هام وحياة أو موت لها خاصة في ظل مشاريع النهضة الصناعية الكبير التي تحتضنها وطموحات أثيوبية لتصبح نمر أفريقي صناعي .
مقارنة بين سد الهضة والسد العالي. السد العالي بني لثلاثة أسباب رئيسيه هي التحكم في مياه النيل لاستغلالها بصورة منتظمة طوال العام ودرء مخاطر فيضان النيل الي كانت تهدد القري والمدن المصرية سنويا وتتلف المحاصيل وتوليد الكهرباء الرخيصة.
للسببين الأولين أختارت مصر بناء السد في أقصي حدودها الجنوبيه مع السودان دون مراعاة للمنطقة وسكانها وآثارها وأغرقت البحيرة أراضي سودانية مأهولة دون ان يجني السودان فائدة من قيام السد.
في حالة سد النهضة أثيوبا هدفها الأساسي هو الكهرباء والكهرباء فقط لا غير. لذلك إختارت أقصي نقطة في حدودها الغربية مع السودان لبناء السد لعدة أسباب أهما طبوغرافية الهضبة الأثيوبية التي تجعل من الصعوبة بناء السد فوق أعالي الهضبة وخطورة قيام بحيرة خلفه وكذلك لتجميع
كل المياه في أخر نقطة للنيل الأزرق قبل مغادرته للحدود.
لو إستثنينا مخاطر إحتمال إنهيار السد لأخطاء تصميمية أو كوارث طبيعية وهو سيناريو لا قدر الله لو حدث ممكن أن يمسح الخرطوم من الوجود وهو الوتر الذي يعزف عليه المصريون لإرهاب السودانيين حتي يعارضوا قيام السد. غير ذلك لن يتضر السودان من ناحية بيئية من قيام السد
فوائد السودان من السد يمكن بالتنسيق مع الأثيوبيين 1. التحكم في مياه النيل في مواسم الامطار لدرء مخاطر الفيضان 2. وكذلك توفير مياه للري بالراحة وهو وسيلة ري رخيصة لزراعة أراضي شرق السودان الحدودية مع أثيوبيا بري منتظم بدل الاعتماد علي الامطار وتقلباتها. 3. وكذلك شراء طاقة كهربائية
رخيصة من فائض أثيوبيا. لكن كل هذا يحتاج لعلاقات سياسية مستقرة ومستديمة بين البلدين مع حل مشاكل الحدود المختلف عليها.
أسوف أنزل 3 فيديوهات لثلاثة حلقات أعدها بروفيسور نرويجي معروف في جامعة بيرغن مختص في مياه النيل من ناحية جيوبوليتيكيه وقام ببثها التفزيون النرويجي قبل مدة واطلق عليها حرب النيل وهي تغطي الأمر بصورة شاملة وفيها لقاءات مع رؤوساء دول المنطقة وخبراء وسياسين وتصوير بديع لم أري مثله علي طول النيل الأزرق.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
سلامات أسامة البلال
شكرا على المداخلى الدسمة. لكن عندى تعليق على الجملة دى:
| Quote: لو إستثنينا مخاطر إحتمال إنهيار السد لأخطاء تصميمية أو كوارث طبيعية وهو سيناريو لا قدر الله لو حدث ممكن أن يمسح الخرطوم من الوجود |
من وين جاء الكلام ده? هل فى اى computer model بيدعم الكلام ده ?
مستحيل (اكرر..مستحيل) زول يقدر يعرف ح يحصل شنو فى حالة انهيار الخزان ملم يتعمل model للموضوع ده. او يكون حصل قبل كده وفى زول شافه بعينه.
اى كلام عن فوايد او مضار السد بيعتمد تماما على انه اثيوبيا ناوية تدير السد كيف!!!! و اذا كانت ناوية انها تلتزم باتفاقية مياه النيل!!!!
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
يا إسمارت أنا الموضوع مجرد دراسة لتاريخ النيل الأزرق وطبغرافية المنطقة.
الخرطوم ظلت كل عام تتعرض لمخاطر لفيضان النيل الأزرق ويسبب في كثير من الدمار
وهناك فيضانات شهيرة أدت لدمار كبير في العاصمة وعطلت الحياة فيها وأصبحت معلم اريخي يؤرخ به. أشهها فيضان 1946 وفيضان 1988
أذكرفي فضان 1988 كنت طالبا في الجامعة أسكن في داخلية البركس . غمرت مياه الفيضان داخليات البركس حتي إضطر الناس لإستخدام المراكب
موقع الرطوم عند لتقي النيل اأزرق بالنيل الأبيض يضعها في وجه مدفع فيان النيل الأزرق حيث يشكل النيل الأبيض حايط صد لمياه النيل الأزرق المندفعه
بقوة فترد وتفيض في الخرطوم وتغرق جزرة توتي. ويمكن تشبيهه بظاهرة التسنامي
إذا كان دا بيحدث في ظل الظروف العادية فما بال ب 600 مليار متر مكعب من المياه محجوزة وراء سد رتفاعه 17 متر وطوله 1800 متر.
وعلي بعد 1400 كلم ودرجة انحدار شديدة
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: رؤوف جميل)
|
الأخ عاطف مكاوي وضيوفه الكرام
لكم جميعاً الود والتحايا الطيبات
بوست جميل ونقاش مفيد للغاية
Quote: سلامات الاخوان عاطف مكاوى و أسامة البلال
السد لو انهار (و ده احتمال ضعيف جدا) المياه ما ح تمشي فى مجر النهر بس لحدى ما تصل الخرطوم. المياه ح تنتشر فى فى مساحة كبيرة جدا خارج مجرى النهر فى ال 1400 كلم اللى بتفصل بين السد و الخرطوم.
لو لقيت لى فيديو فى النت للموضوع ده بنزله. اكيد فى مياه كتيرة ح تصل الخرطوم لكن ما لدرجة تدمير الخرطوم و لا حتى قريب من كده |
كلام سليم جداً ووجهة نظر صائبة .... بالإضافة إلى أن هذه المياه بعد تفرقها في مساحة الأراضي التي يبلغ طول ضلع واحد فقط منها 1400كلم سيصل جزء يسير منها إلى الخرطوم ولن يتم حجزه في الخرطوم حتى يحاصرها ويشكل مشكلة بل أن مجرى النهر والسهول المطلة عليه كافية لاستيعاب المياه المتدفقة .. هذا إن لم تكن فكرة إنهيار السد من أساسها فكرة "ساذجة" أطلقت لأسباب سياسية قصد منها الضغط المبكر على السودان ....
تحياتي وتقديري
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
سلام عاطف وشكرا على البوست
تحياتي سمارت, كتبتي Quote: السد لو انهار (و ده احتمال ضعيف جدا) المياه ما ح تمشي فى مجر النهر بس لحدى ما تصل الخرطوم. المياه ح تنتشر فى فى مساحة كبيرة جدا خارج مجرى النهر فى ال 1400 كلم اللى بتفصل بين السد و الخرطوم.
لو لقيت لى فيديو فى النت للموضوع ده بنزله. اكيد فى مياه كتيرة ح تصل الخرطوم لكن ما لدرجة تدمير الخرطوم و لا حتى قريب من كده |
الخرطوم الفيضان السنوي العادي ابو من غير 600 مليار متر مكعب إضافية بجهجها و يكاد يغرقها !
ثم الـ 1400 كيلو دي ما خلاء بس بل مدن وحلال و قرى ومشاريع ورواعية و دناكي و سكة حديد و قهاوي وكنابي و عابري سبيل ومحميات طبيعية و أمم و خلق كثير, الخرطوم ليست السودان فقط
أقول كلامي دا وانا أؤيد حديثك عن المودل و الدراسة و الداتا قبل الإفتراضات الزي دي
| |
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: محمد البشرى الخضر)
|
كلامك صح تماماً يا ود البشرى.
بس كلامي كان رد علي اخونا البلال عن خراب الخرطوم (تحديدا) تماماً في حالة انهيار السد.
ح تغرف مناطق اخري كتيرة جداً قبل ان تصل المياه الخرطوم.
انا عارفة انه كلامي الجاي ده ما ح يعجب ناس كتيرة جداً، لكن ح أقوله و اتوكل علي الله.
ما في شك ان حياة الناس في اي مكان قيمتها واحدة. و ما في روح زول أغلي من روح زول تاني. لكن ده - للأسف- ما بيتطبق علي الممتلكات. اغلب المناطق اللي بيمر بيها النهر قبل الخرطوم منطلق
Rural
و قيمتها ما ذي قيمة الخرطوم اللي تعتبر urban
في المنطقة الللي انا شغالة فيها، مستوى الحماية للمدن حوالي 200 سنة. يعني المدن عندها
Levees
ممكن تحميها من عواصف ممكن تحصل كل 200 سنة. ده معناه انه في المتوسط ممكن زول ذيي يعيش و يموت و ما يحضر عاصفة ذي دي. لكن المناطق ال rural بتكون عندها مستوى حماية اقل من كده كتير جداً.
ده طبعا ما معناه انه لو حصل شيء للناس العايشة في المناطق دي، الحكومة ح تعمل ميته. الحكومة ح تعمل كل شيء ممكن عشان إنقاذ حياة الناس ديل.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
تحية
موضوع جدير بالبحث والتناول...الاعلام السوداني فشل في تقديم الاضاءات والتنوير المطلوب من ذوي الاختصاص...
تبحث اثيوبيا عن الموارد كقضية استراتيجية وبناء السدد يحقق لها ذلك عن طريق ناتج الكهرباء...يعطيها السدد قوة استراتيجية اضافية..القانون الدولي يلزمها التنسيق لايجاد وتكوين ادارة مشتركة مع الدول ذات المصلحة والتي يؤثر السد في نطاقها المائي.. هذا من ناحية.
من خلال الادارة المشتركة تتحقق الدول المعنية من الاخطار المحتملة,معدل انسياب المياه حسب الاتفاقيات الدولية المبرمة, وكافة المسائل الفنية المرتبطة بالموضوع.
السد سيساعد في تفادي الفيضانات في السودان لكن اذدياد سرعة المياه سيحرم بعض الاماكن من الطمي لاغراض الزراعة...سرعة المياه ستقلل من مناسيب التبخر وبالتالي تقليل الامطار في بعض المناطق..يستفيد السودان من التوليد الاثيوبي من الكهرباء بسعر متدني ..
يؤثر السد علي مصر خلال فترة انشاء الخزان والمحددة بخمس سنوات لذلك طلبت مصر مشاركة اثيوبيا ماديا لتقصير المدة ولم توافق اثيوبيا( باعتبار ان ذلك سيكون خصما علي وضعها الامني الاستراتيجي السياسي)
لازالة المخاوف وتقريب وجهات النظر بين مصر واثيوبا قام السودان مؤخرا ونجح في انتزاع موافقة من اثيوبيا علي عرض امر الجوانب الفنية للسد علي فريق دولي متخصص يقدم الرأي العلمي .
القانون الدولي يلزم الاطراف المعنية الاتفاق حول الادارة المشتركة...وامكانية اعادة النظر في اتفاقية مياه النيل وكانت مصر تعارض ذلك علي الدوام باعتبار ان الاتفاقية االحاليةتمنحها وضع تفضيلي لكن الوضع الراهن سيجعلها تذعن لاعادة النظر في الاتفاقية لاسيما ان الفوائض المائية العائدة للسودان تستفيد منها مصر علي الدوام, بمعني ان السودان ظل غير مستفيد من نصيبه بسبب فشل سياساته التنموية الزراعية في جميع العصور السياسية حتي الان.
شكرا عاطف وسنعود بعد البحث والاستقصاء..والقراية ام دق..عن موضوع في غاية الاهمية..
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: elhilayla)
|
اود ان الخص المشكلة بطريقة علمية بعيدا عن السياسة والاحقاد :
1- المعايير الدولية المتعارف عليها لتشييد اي سد تقوم اولا بعمل دراسات بيئية معمقة تقيم تلك الآثار وترتب السلبية منها والايجابية.
2- ضمان تلك الدراسات البيئية دراسة المخاطر التي يتسبب بها السد في حال تعرض لمخاطر الانهيار وسوف اركز علي هذه النقطة بالذات لان المعارضين لقيام السد تقلقهم تلك المخاطر المحتملة.
3- اذا ثبت ان الدراسات البيئية المخاطر بها كبيرة يجب العمل علي تقليلها الي الحد المقبول ويكون ذلك بعدة طرق اهمها تعديل التصاميم وغيرها من الاجراءات واذا اتعذر تقليل تلك المخاطر يمكن الغاء المشروع برمته .
4- البنك الدولي ومؤسسات التمويل الدولية لا تقدم اي قروض لاي مشروع سد ما لم يستوفي تلك الشروط ويلتزم بمعايير السلامة .
سد النهضة بحجم بحيراته البالغه 76 مليار متر مكعب , انهيارة يسبب كارثة كبيرة للسودان بل يكسح كل وسط السودان وتدمير كل البنيات التحتية القائمة علي النيل الازرق ويدمر خزان الروصيرص وسنار ومروي وتدمير كل القري والمدن علي ضفة النيل الازرق . هذا ليس تخمين بل حقيقة وعندما تقوم وزرارة الري والدفاع المدني بعمل تحذير من الفيضانات يكون التدفق فقط في حدود مليار واحد عند محطة الديم عند الحدود الاثيوبية فما بالك بتدفق 76 مليار مضافا اليها 7 مليار من سد الروصيرص ومليار من سد سنار و12 مليار من سد مروي . ارجع واقول احتمالية الانهيار ضعيفة ولكن عواقبة كبيرة وخطيرة علي السودان والشيئ المهم ان مخاطرة لا تتحملها اثيوبيا صاحبة السد ولكن المخاطر تقع علي السودان . من هذا المنطلق يعارض الكثير من الخبراء السودانيين قيام السد بهذا الحجم ولايعارضون قيام سدود في اثيوبيا ويطلبون فقط ان تشيد اثيوبيا عدة سدود باحجام معقولة لا تهدد امن السودان وهناك دراسات سابقة بانشاء عدد من السدود قامت بها مؤسسات امريكية لصالح الحكومة الاثيوبية ولكن الاثيوبين فضلوا بناء سد واحد عوضا عن عدة سدود. قد يقول قائل لماذا لم ينهار السد العالي اقول السد العالي احتمالية انهياره واردة وان كانت ضعيفة مثل سد النهضة ولكن المخاطر يتحملها المصريون ومخاطر سد مروي يتحملها السودانيون وهكذا اذا لماذا نتحمل مخاطر سد دولة اخري هذا هو السؤال المغلق لعدد من الخبراء السودانيين بعيد عن اي توجهات سياسية .
| |
|
|
|
|
|
|
|
|
|
Re: إلي أي مدي يمكن أن يكون الهدف من قيام لسد النهضة سياسيا؟ (Re: elhilayla)
|
يا الحليلة
| Quote: إلي أي مدي يمكن أن يكون الهدف من قيام السد سياسيا؟ |
أنا برضو داير أعرف الإجابة
يعني يكونوا الحبش ديل في قعدة كدا
قامت طارت ليهم جنية
(ما تفتش لينا حرب مع مصر والسودان ديل، زهجنا من عدم الحرب)
السد يخدم مصالح الإثيوبين (الإقتصادية والإجتماعية) تماما
ولكن السؤال بالنسبة لنا هو
(موضوع البوست)
هل بنستفيد ولا بنتضرر من السد
زي ما المصريين والحبش فتشوا لمصالحهم
نحن تفتش لمصالحنا
(وبالله يا السودانيين أرتاحو شوية ، المصريين أدري بمصالحهم ما محتاجين مساعدة منكم)
ونتلاقي الثلاثة (وأكثر)
عشان نشوف التنازلات تكون كيف ووين
ونتفتش للمصلحة المشتركة
وتخفيف الضرر علي كل المتشاركين في حوض النهر
| |
|
|
|
|
|
|
|
|
|
Re: إلي أي مدي يمكن أن يكون الهدف من قيام لسد النهضة سياسيا؟ (Re: Nasr)
|
Quote:
السد يخدم مصالح الإثيوبين (الإقتصادية والإجتماعية) تماما |
الأخ نصر
سعيد جدا بمداخلتك وحقيقة تعجبني جدا مداخلاتك التي لا تخلو من
حس الدعابة اللطيف كما وأنها أيضا تحمل بين جنباتها نكهة علمية لا تخطئها أنف
مصابة بالزكام
دعني أولا أتفق معك فيما ذكرته وأعتقد جازما أن السد يخدم مصالح كثيرة
للأثيوبيين . فعلي مستوي التوليد أظن أن المكسب كبير جدا إذا وضعنا في الإعتبار أن جيبوتي
بالكامل سيتم تزويدها بالطاقة الكهربية من السد : والسودان بالطبع وإن كنت أظن أن الكهرباء للسودان من باب
- الرشوة الخفية- إلا أنها لا تخلو من مكسب دنيوي وبالطبع الإكتفاء الذاتي للدولة
أرجع لسؤالي - المشاتر-
من خلال قراءات في الكثير من المتغيرات مؤخرا - أولها - إعادة تأهيل الأسطول الجوي لأثيوبيا ووجود الأيادي الواضحة
لأسرائيل في ذلك ما يدعم الفكرة السياسية للسد خاصة وأن لإسرائيل أطماع من القديم في مياه النيل علي مستوي حصة تصلها
لتفي بأغراض الزراعة لسيناء والنقب
في الوقت الراهن سنترك هذا الأمر ونركز معك وعاطف في موضوع البوست: بنستفيد والا بنتضرر من السد
وأكيد سنستفيد بمقدم الأخ الفاتح الخبير في هذا الخصوص
نتواصل
ــــــــــــــــ
الحليلة
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
بحكم تاهيلي الاكاديمي وعملي اليومي في مجال الخزانات فانا متابع لسد النهضة الاثيوبي والرابط ادناه يقود لتقرير اللجنة الدولية
http://www.internationalrivers.org/files/attached-files/international_panel_of_experts_for_ethiopian_renaissance_dam-_final_report_1.pdfhttp://www.internationalrivers.org/files/attached-files/inte...-_final_report_1.pdf
رغم فوائد السد للسودان الا ان السد نفذ على عجل و عدم شفافية وان الدراسات البيئية and Dam Breach Analysis were not never done or hidden
http://www.internationalrivers.org/files/attached-files/international_panel_of_experts_for_ethiopian_renaissance_dam-_final_report_1.pdfhttp://www.internationalrivers.org/files/attached-files/inte...-_final_report_1.pdf
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
انهيار سد النهضة (لا سمح الله) - وهذا ما المح اليه تقرير لجنة الخبراء الدوليين - سيؤدي لانهيار سد الروصيرص ثم خزان سنار ويرسل حوالي 100 مليار متر مكعب من المياه وموجة مياه بارتفاع 145 متر عند بداية الانهيار لمسافة ادناها حدود السودان الشمالية.
لقد قررنا انا وزميلي في العمل وهو مهندس اثيوبي ضليع في مجال السدود أيضاً اجراء دراسة لتحديد مدي تاثير انهيار سد النهضة على السودان وحجم الخسائر البشرية والمادية. هذه دراسة مضنية وتأخذ وقتاً طويلا لكنها ستبصر بحجم الكارثة المتوقعة.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
نورد ادناه بعض الملاحظات من وعن التقرير والسد:
1. شكت لجنة الخبراء الدوليين من عدم اكتمال الدراسات التصميمية للسد او احتمال ان بعض الدراسات قد أنجزت لكنها حجبت عن اللجنة
2. خلصت اللجنة الى ان الدراسة الهيدرولوجية بدائية ولا ترقى من حيث الدقة والتفصيل لتصميم سد بحجم سد النهضة
3. اوصت اللجنة بالتحقق من ثابتية جسم السد بعد المستجدات الجيوتقنية الإضافية
4. دراسة انكسار السد لم تجرى او أجريت لكنها اخفيت
5. اثارت اللجنة تحفظات عميقة على أداء السد اثناء الفيضانات القصوى وان تصميمات السد اساءت تقدير اقصى فيضان بمقدار الربع مما يترتب عليه سد لا يقوى علي تحمل الفيضانات القصوى PMF
6. اوصت اللجنة بأجراء مزيدا من الدراسات المكثفة عن الاثار البيئية والاجتماعية – الاقتصادية المترتبة على الحياة والسكان ادني السد. هذه هي اهم الدراسات التي تجري في العالم المتحضر وتأخذ زمناً طويلا ولابد ان تجاز قبل البد في انشاء اي سد. في حالة سد النهضة -والذي خطط في سرية تامة وصمم على عجل وساعدهم على ذلك عجز حكومتنا وانشغالهم بالتعدي على المال العام -لم تجري دراسة الاثار البيئية بصورة جادة.
7. الميلان العالي للنهر وبحيرة السد بنسبة %3 تزيد من احتمالية الضغط الهيدروليكي على جسم السد وعدم ثباته وهذا الجانب للأسف لم يدرس ويضمن في التصميمات.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: الفاتح)
|
الاخ الفاتح
تحياتى
الرجاء لو امكن نشر التقرير لاهميته او الاشارة الى اى مصدر ممكن نستفيد منه فى هذا الامر الاستراتيجى
وخصوصا ارى ان هناك انقسام حول مدى تأثير وخطورة السد
والاخطر اللذين يرون الامر مجرد اجندة مصرية
المعارضون للسد يتبعونها
الحكومة السودانية واقعة تحت الضغوط الاثيوبية والمصرية وما قادرة تتخذ قرار علمى يحفط حقوق السودان
وامس صرح احد المسؤلين التنفيذين انهم لم ينشروا غير 30% من المعلومات حول السد لظروف امنية .
ماعايزين يملكوا الشعب المعلومات لاسباب امنية
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: الفاتح)
|
الاخ الفاتح
تحياتى
الرجاء لو امكن نشر التقرير لاهميته او الاشارة الى اى مصدر ممكن نستفيد منه فى هذا الامر الاستراتيجى
وخصوصا ارى ان هناك انقسام حول مدى تأثير وخطورة السد
والاخطر اللذين يرون الامر مجرد اجندة مصرية
المعارضون للسد يتبعونها
الحكومة السودانية واقعة تحت الضغوط الاثيوبية والمصرية وما قادرة تتخذ قرار علمى يحفط حقوق السودان
وامس صرح احد المسؤلين التنفيذين انهم لم ينشروا غير 30% من المعلومات حول السد لظروف امنية .
ماعايزين يملكوا الشعب المعلومات لاسباب امنية
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: عاطف مكاوى)
|
اخي رؤوف، ليس أي هنالك معلومات يمكن ان تخفى في عالمنا اليوم حيث الانترنت عالية السرعة والحوسبة السحابية والأقمار الصناعية التي ترصد بدقة فائقة والطائرات بدون طيار ذات الاحجام متناهية الصغر وتطير على ارتفاعات شاهقة. لعل ما يقصده المسؤول النجيب هو ان الدراسات التصميمية لسد النهضة بدائية وغير مكتملة بنسبة %30 لعدم توفر المال اللازم او لعدم أهمية من يسكنون ادني السد داخل السودان.
التقرير برمته سرب في مارس 2014 وضع في موقع مؤسسة الأنهار العالمية على الرابط:
http://www.internationalrivers.org/files/attached-files/international_panel_of_experts_for_ethiopian_renaissance_dam-_final_report_1.pdfhttp://www.internationalrivers.org/files/attached-files/inte...-_final_report_1.pdf
او استعمال قوقل للحصول عليه وعلى معلومات أخرى كثيرة عن سلامة هذا السد الهامة بالنسبة لحياة شعبنا الصابر.
http://www.internationalrivers.org/files/attached-files/international_panel_of_experts_for_ethiopian_renaissance_dam-_final_report_1.pdfhttp://www.internationalrivers.org/files/attached-files/inte...-_final_report_1.pdf
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: الفاتح)
|
يا رؤوف
Quote: وخصوصا ارى ان هناك انقسام حول مدى تأثير وخطورة السد
والاخطر اللذين يرون الامر مجرد اجندة مصرية
المعارضون للسد يتبعونها |
إنقسام الرأي طبيعي وضروري كذلك
خاصة في المشاريع الكبيرة وخطيرة وتمتد آثارها لآلاف السنين
في بلدنا دي (أمريكا)
هناك إنقسام في الرأي حاد بين الذين يرون ضرورة إستخراج النفط من الصخر
(دا الرخص النفط الآن)
وبين الذين يقولون بخطورة ذلك علي البيئة
دايريين رأي علمي يوازن بين الفوائد المرجوة من السد
مع المضار والخسائر المحتملة
ويجب إستصحاب حقيقة أن مصالح السودان ومصر
في موضوع السد
وفي مياه النيل عموما
ليست متطابقة
المصريين بيعانوا لمصالحهم
(سكانهم في زيادة ودايريين موية أكثر كل مرة)
وطبعا دا علي حساب مصالح السودان
وهذا ما فعلوه في كل إتفاقيات مياه النيل
وفي ناس في السودان تهمهم مصالح مصر أكثر من مصالح السودان
(بعض هؤلاء كان يزود المصريين في مفاوضات مياه النيل في 1959 بأسرار دقيقة يسرقونها من داخل أضابير الدولة السودانية
ولذلك جاءت إتفاقية مياه النيل مجحفة في حق السودان ....برضو عملاء مصر في السودان كانوا مبسوطين)
زي ديل هم البتبنوا رأي مصر في موضوع السد
أحباب مصر (السودانيين) ديل بيخوفونا جدا
لو كان في السد مصلحة للسودان
ومضرة لمصر
برضو ما كويس
لأنه مصر ما حتسيبنا في حالنا
لو في طريقة تقلل مخاطر السد علي كل من إثيوبيا والسودان ومصر يكون كويس
يا الفاتح
رأيك شنو في مقالات بروفسر محمد رشيد قريش في هذا الموضوع والمنشورة في سودانايل
http://sudanile.com/index.php/2008-05-19-17-39-36/1021-5-3-0-1-6-8-8/74236---6------http://sudanile.com/index.php/2008-05-19-17-39-36/1021-5-3-0...-8-8/74236---6-------
بعنوان
شهادتي للتاريخ (6): سد النهضة : قراءة علمية وتحليلية أولية
الجارقون العلمي شديد فيها
لو ممكن تبسيطه
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: Nasr)
|
سلامات اخ الفاتح
Quote: انهيار سد النهضة (لا سمح الله) - وهذا ما المح اليه تقرير لجنة الخبراء الدوليين - سيؤدي لانهيار سد الروصيرص ثم خزان سنار ويرسل حوالي 100 مليار متر مكعب من المياه وموجة مياه بارتفاع 145 متر عند بداية الانهيار لمسافة ادناها حدود السودان الشمالية.
لقد قررنا انا وزميلي في العمل وهو مهندس اثيوبي ضليع في مجال السدود أيضاً اجراء دراسة لتحديد مدي تاثير انهيار سد النهضة على السودان وحجم الخسائر البشرية والمادية. هذه دراسة مضنية وتأخذ وقتاً طويلا لكنها ستبصر بحجم الكارثة المتوقعة. |
ارتفاع 145 من سطح الارض فى كل السودان من الحدود الاثيوبية لحدى الشمالية ?
لو سمحتا اخ الفاتح لو عندك data بتاعة توبقرفي للمنطقة رسلها لى.
من قوقل حسبت (تقريبا) المسافة بين الخرطوم و الحدود الاثيوبية. لقيتها اكتر من 400 كيلو بشوية. و لو فرضنا ان الموية ح تجى داخلة الحدود السودانية فى منطقة عرضها حوالى 200 كيلو ( و ده تبسبط شديد). و المياه ح يكون ارتفاعها 145 متر...لقيت انه محتاحين حوالى 11,600 مليار متر مكعب من المياه.
400*200*10^6 = 80,000,000,000 متر مربع
ح اضرب فى ارتفاع 145 متر و اقسم على المليار.
يعنى عشان يحصل ارتاع االمياه 145 متر فى الخرطوم, و كان عرض الفيضان حوالى 200 كيلو...احنا محتاجين اكتر من 11 الف مليار متر مربع
و طبعا انت عارف انه فى trevell time و تبخر و فى infiltration
انا عارفة انى محتاجة X-sections للمنطقة عشان اقول ان المياه ح تجى بعرض كم. لكن ده تقريب منى.
افتراضك بتاع ال 145 متر ده باعتبار انه:
The average width of the flood plain x-section is about 10 Km
و ده ما احتمال مستحيل. لكن محتاج معلومات عن سطح الارض فى المنطقة
اذا كنت انت وزميلك الاثيوبى (اكيد انتو الاثنين عندكم خبرة اكتر منى) لو محتاجين مساعدة
to run Hec_Ras or HEC-FDA
or FLO-2D
i might be able to help.
| |
|
|
|
|
|
|
|
|
|
Re: سؤال : هل من المُمكن علي المديين القريب والبعيد أن يتضرر السودان من (سد النه (Re: الفاتح)
|
باشمهندس الفاتح
سلام
أرجو المراجعة والتأكيد على إرتفاع سد النهضة هل 145 متر أم 170 متراً حسب ما قرأت فى إحدى المواقع
وهل إرتفاع السد يحسب من سطح الأرض حول النهر (سطح الأرض عند ضفافه) أم من قاع النهر؟
وأاكيد أعلى منسوب لإرتفاع المياه يتم التحكم فيه بحيث يكون اقل من إرتفاع السد،
وأعتقد فى حالة إنهيار السد خطر الفيضان يعود لكمية مخزون المياه التى ستندفع فجأة
لتجتاح الأراضى حوالى مسار مجرى النهر، وسرعة تدفقها بسبب شدة الإنحدار
والخطر يتزايد فى إنتشار فيضان المياه فى كل منطقة مشروع الجزيرة حيث
ستسرى المياه فى قنوات نظام رى المشروع .. فيعم الفيضان منطقة ذات
كثافة سكانية عالية!
الكلام عن الإنذارت المبكر دا كلام بتاع عالم أول .. فى السودان لو أنذروا الحكومة
والسكان حيحصل شنو .. ترتيبات در الفيضان كلام ما حيحصل .. إخلاء الناس
وين العربات الكافية ووين الطرق ويمشوا وين ؟
| |
|
|
|
|
|
|
|
عاطف مكاوى
azhary taha
smart_ana2001
قسم الفضيل مضوي محمد
Hafiz Bashir
Nasr
عبدالحفيظ ابوسن
أسامة البلال
بابكر قدور
محمد البشرى الخضر
elhilayla
محمد الكامل عبد الحليم
عمران بابكر بدري
الفاتح
بكرى ابوبكر
مصعب عجاج
فيس بوك
تويتر
انستقرام
يوتيوب
بنتيريست