تصوير الزملاء في سرير المرض و عرض صورهم في المنبر .. عادة غير محمودة ...

(عدل بواسطة يحي قباني on 10-31-2014, 10:50 PM)

Quote: سلام عليكم يا هندسة من أسخف الصور التي رأيتها جثمان الراحل محمود عبد العزيز في المشرحة أو مكان شبيه في المستشفى و في اتنين واقفين متصورين و عاملين بقروا عليه الفاتحة!! تخيل في لحظة زي دي وقفوا و اتخذوا وضعية التصوير عشان المصور ياخد اللقطة وما تستبعد يكون عادوها كم مرة لغاية ما وصلوا للقطة المناسبة !!

Quote: ‎ شكرا أستاذي قباني علي الملاحظة التي لا تغيب علي فطنتك إنها فعلا عادة دخيلة لكن نسوي شنو مع الكسب السياسي الرخيص تحياتي ____ الحليلة

Quote: سلام قباني، كلامك صحيح وشخصياً موافق عليه. لكن برضو ما ننسى إنو في مرضى بيكونوا عايزين الصور دي تتنشر، كأنو المرض فيهو قشرة ........ يذكرني الكلام ده واحدة من النكات الحايمة في الواتساب (أكيد مرت عليك)، لما واحدة طالعة من العملية وخاتين ليها أنبوب واللاّ مصيبة في حلقوما وهي بتأشر للدكتور .... الدكتور لما غلبو يفهم هي عايزة شنو ...... شال الأنبوب وسألها، قالت ليهو: كلمو أختي تكتب في قروب الواتساب إنو حليمة عيانة. قبل يومين شفت أحد أعضاء المنبر عامل ثامب أب Thumb Up للصورة ........ يبقى أكيد هو موافق عليها.