|
|
 انتو الحاصل شنو
|
قال القدال
لقينا عوجنا قايم بينا
ما عرفناهو
نسينا مجامر التجريب علي برد المحن والعادة
قسينا الظاهر الباطن
وقت حنيننا كان الزحمة شالت من قلبنا الرحمة
دحين كيف الدبارة وقت تمش في الزيفة وحيدك
|
|
 
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
نسمع واحد اغتصب بنتا
ننفعل ونزعل ونغضب ونسخط
بكرة ينزلو كم واحدة تم اغتصابها
نغضب برضو ووو
ينزلو اغتصاب اطفال
ينزلوا اغتصاب وقتل
ويكون كأنه عاديا
ويفقد البعض اهتمامهم
و
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
التدجين داير اكبرها براها غلبتني
قالوا
البربو القرود شان يلعبوهن
بجيبو قرد وارنب .. يطلب من الارنب يعمل حركة .. والارنب بغلبو .. يقوم يضبحو قدام القرد
بعد كم مرة كدة يطلب من القرد يعمل حركة وينجح القرد
فقط
انهم نسوا
الانسان هو الكائن الوحيد الذي يستطيع ان يفكر
ان يضحي
ان يري ماليس هو منظورا الآن
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
ما معقول ولا يصدق
كميات الفساد المهولة ثم يتناسي الناس .. وتتراجع تلك الفظائع للوراء في اذهان الناس
اكبر حملة مخدرات في العالم
تقتيل واغتصاب بالجملة
اعتداء بارقام فلكية من المال العام
فساد في مؤسسات يفترض انها تعبدية
ووو
ووو
وكان تلك صارت طبيعة الاشياء مصداقا لقول القدال
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
بل حتي داخل المنبر
المساككة واللتاتة والاساءات
وجل الاعضاء من المثقفين والمتعلمين .. والذين يعيش كثيرا منهم في اوطان تعتبر قولهم هنا جريمة يعاقبون عليها
اللامعقول هو ما صار عليه حالنا
يقول ليك ما تسكت ليهو بطلع ليك في راسك .. نبذك نبذو .. شتمك اشتمو .. جاك مشمر قابلو عريان
ليه ؟!
هو ليس عدوا .. بل الاختلاف في الفهم والفكر والموقف السياسي او الاخلاقي او الديني .. وبدل نفهم وجهات نظر بعض تتوسع شقة الخلاف بيننا وننتقل لوضع لا علاقة له ب منبر حوار
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
الحاصل ياود أبوسن في جريدة الصيحة عدد اليوم
هنالك عريس تم ضربه بواسطة أهل العروس بعد
ان دخل الصالة وقام بالرقيص معها حسب الصيحة
رقيص اسلو لكن أظن المسالة اكبر من ذلك يعني
ربما يكون عمل حاجة لاتجوز امام الناس شفت
كيف الأخلاق عرفت الحاصل شنو
-------
بعد ده يجئ واحد يقول السبب الحكومة
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
الاختلاف في وجهات النظر يا حفيظ ..
السياسية أو الدينية أو الفكرية أو أياً ما كانت ليست هي المعضلة ..
فالناس في الدنيا دي كلها بتختلف ..
لكن ماهي مآلات إختلافهم ؟؟ !! ..
الاشكال الحقيقي يتمثّل في الأرضية العطنة ..
التي تم التمهيد لها وبعناية لتكون ساحة للنزال الفكري والمعرفي ..
والتي أفرزت لنا الضيق بالرأي الآخر .. ورفضه جملة وتفصيلاُ ..
بل ومحاولة وأد أي إتجاه مخالف ..
كان من مناهضي النظام أو من مؤيديه ..
لأن أي جدال حتماً سيصل الى هذه النقطة تحديداً ولو بعد حين ..
يأخ حتى الاختلافات الفردية العادية دي والكورة قلبت لنفس الفهم ..
يبقى نحن مشكلتنا الاساسية تتمثل في اقتلاع ..
هذا الداء الذي كتم أنفاس الوطن طويلاً ..
حتى أوصولنا لمرحلة أكل لحم الحمير ..
أي بؤس وانحطاط أكثر من هذا .. !! ..
واحد قريبي يحدثني قبل كم يوم ..
قال لي الحمير قبضوهم في ربكـ ..
قلت ليهو كيف وصلن هناكـ بالسرعة دي ..
ياربي يكونوا ركبن سياحي ولا شنو ؟؟!! ..
أها ما يقومن يقطعن الكبري ويجوكم ..
أصبحنا نسخر حتى من مآسينا ..
ونتندر على أنفسنا وحالنا المايل ..
وهكذا صرنا ..
وصلنا والوطن الى مرحلة اللاعودة ..
والتعود على كل قبيح ومستهجن ..
إستمرأنا كل شيء وتعودناه .. أصبح العيب ليس عيباً ..
والابتذال ولغة السفاهة هي ما يهلل له الناس ...
أوصدوا في وجه الفضيلة ألف باب ..
لأن مفرخة القبح تعمل بجد في نشر مفاهيم أقبح وأفذر ..
كل صباح جديد ..
إن لم يذهب بيت الداء ..
سيبقى القبح ..
وسيظل الحال في حالو ..
فلن يستقيم الظل والعود أعوج ..
أو كما يقول صديقي حين ييأس ..
من أي جدال منطقي والعودة لنقطة اللاعودة ..
( يبخّروا فيها وهي تفسّي ) ..
هذا هو حالنا .. وما أوصلتنا اليه هذه الطغمة ..
وخد بالكـ ..
نشر القبح ليس صدفة بل هو صنعة محبوكة ..
تقتضيه الأرضية التي تم التمهيد لها آنفاً ..
ليبقى الحال كما هو ..
وتبقى المنظومة بكاملها باقية ..
عارفكـ مابتدور الحتات الزي دي لكن الله غالب ..
إستحملنا شوية .. فقد اقتحموا كل حياتنا ..
وأصبحنا مجرد ( تفصيلة صغيرة ) ..
عديمة القيمة ..
| |
|
|
|
|
|
|
|
|
|
Re: انتو الحاصل شنو (Re: جمال ود القوز)
|
مرحبا مسلمي
تشكر ياخ
تعرف رغما بساطة الفكرة وسذاجتها فالسبب الرئيسي هو الحكومة .. استباحت القيم وفاضلت بين الناس ..
قلت لي العريس دقو نسابتو قبل يخش علي بتهم .. رغما عن المثل السوداني
النسيب عين شمش
الحكومة اشعلت الفتيل واوقدت الزناد فلا تستطيع هي بمؤسساتها ان تسيطر علي الحريق .. فالسيطرة عليه سيتطلب ان تحاكم من كان السبب وسيعود الامر لها
تتذكر ال5 بواخر ولا كم هن .. اها التحقيق وقف والضابط تم نقله .. 5 بواخر دي تكفينا كلنا شان نخش في غيبوبة
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
| Quote: وجل الاعضاء من المثقفين والمتعلمين |
بل كل الأعضاء مثقفين ومتعلمين،
الواحد بيكتب ويقرأ ، المانع شنو من إنو يكون مثقف ومتعلم.
مالازم يحفظ جداول الضرب ولا يتكلم فرنسي ولا يحفظ أسماء الفنانين أو لاعبي كرة القدم الأوربيين.
Quote: يقول ليك ما تسكت ليهو بطلع ليك في راسك .. نبذك نبذو .. شتمك اشتمو .. جاك مشمر قابلو عريان
ليه ؟! |
لمن يجيك واحد يهاجمك في شئ خارج الرأئ المكتوب لك الحق أن تقفلو أو تفتح معه باب نقاش آخر...
لكن لازم تلفخو وتقفل الباب في وشو لو جاك شاتم وساب!
وتزيد كثافة اللفخ إن كان الشتم خارج المكتوب.
فقط قطعا لطول الطريق المشئوم.[/b[
| Quote: وبدل نفهم وجهات نظر بعض |
الفهم صعب ، لكن ممكن نتفهم من أجل إبداء الآراء الأخرى إن كان مسار البساط أحمدي.
| |
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
Quote: قلت لي العريس دقو نسابتو قبل يخش علي بتهم .. رغما عن المثل السوداني
النسيب عين شمش |
ودابوسن سلام تاني الحاصل شنو شفنا النسيب يخجل من نسيبته ومابفجهم ويقعد في نصهم ولابياكل مع نسيبته ولاقدامها يتكلم الكعب الحاصل شنو في عريس حلاله يعمل. معاه الحلال حقه قدام الناس لاعاين للدين ولاعاين لعوايد السودانين ولا احترم أهلها والعجيب في الامر في القصة انه تم تهريبه هو وعروسته انا في الحتي دي بلوم أهلها زي ده يستاهل يقلعوها منه وتاني بي عينه مايشوفها ويكون بينهم السلام شنو عرفت الحاصل شنو في أخلاق الناس كيف الشي ده من غزو ثقافي مابشبه الأخلاق والدين ولابشبه السودان وسوينا برانا في رقبتنا
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
مرحبا قصي
وتحية عطرة
تعلم القراءة والكتابة لا يتيح لصاحبه وعيا ما لم يطور نفسه بالقراءات الجادة والصارمة والمرهقة .. لتكتسب وعيا حقيقيا تحتاج لأن تبذل جهدا .. لذا يقول الناس
القلم ما بزيل بلم
نعم بمكن لنا ان نرد الصاع صاعين .. فخزانة العربية مليئة بالالفاظ المساعدة في ذلك والشعر ايضا ..ولكننا نسئ لانفسنا وان اننصرنا .. فهذا نصرا يشبه الهزيمة ولا يضيف شيئا للانسان من معرفة او تطوير سلوك
ولو اتبعنا هدي الاسلام لكان كافيا .. فقد امرنا ان نقول سلاما بدلا من رد الصاع صاعين .. وعلي من شأن الكاظمين الغيظ والعافين عن الناس .. وبل ارتفع سموا بأن نراه كأنه ولي حميم
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
رب ضارة نافعة
موبايلي انضرب فيروس فرمتو وفقدت الاسماء . ورجعت تعليقات الفيس
مرحب سلمي ياخ
1 تعليقات
تسجيل الدخول إلى فيس بوك لنشر تعليق
Salma Salama
تعرف يا حفظى "ندى خالى البحبه جدا اسمه عبدالحفيظ ونناديه حفظى " الحكاية ومافيها انه بقى ما عندنا تربية… مشاهدة المزيد نعم مافى تربية خمسة وعشرين سنة او تزيد بنشوف فى الاعوج وساكتين .. امس بشوف فى تلفزيون البلد دى برنامج اسمه شكرا امريكا ، الم يقل المولى سبحانه لئن شكرتم لازيدنكم؟ بالفعل ، اعجبتنى القصة "واحد زبال بسوق عربية الزبالة ، كل صباح بمر على المتسولين وهم نيام يخت اكياس الفطور فى محل رقادهم بدون ما يشوفوهو اقسم بالله بكيت لمن شرقت ، ولمن انتشرت عفته وامانته واسانيته كرمه التلفزيون بعشرة ايام اجازة فى واحدة من اجمل بلاد الدنيا ومنحوه للمنظمة البرعاها هو وزوجته مبلغ ضخم من المال عشان شغله الانسانى دا ما يقيف ..؟
منذ 4 ساعات
1 شخص واحد
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
يا عبدالحفيظ يا خوي تشكر على الكلام الصادق والحقيقي، بعض الحقائق موجعة، لا عليك من بعض من يحاولون حرف موضوع النقاش بترهات ساذجة
والمقصودين بهذا يعلمون أنفسهم، عليهم أن يعلموا بأن الله شاهد على ما يتفوهون به ولو كان ذلك فتيلاً، ومحاولة طمس الحقائق لا تنطلي إلاّ على فاقدي الحس
الإنساني. شكراً لك للكتابة المسئولة التي تتحفنا بها دائماً ومتبع راتب لكتاباتك.
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
شكرا سلمي
شفتي نحن عكس .. بنحتفي بالفساد .. وبقينا ما بنخجل منو
مشاريع كتيرة جدا حاول القيام بها المغتربين لخدمة المدينة فواجهتهم الصعاب .. لو داير تساعد ما تقدر
مكنات طبية واجهزة طبية عجزوا عن ادخالها .. ادوية تتم مصادرتها ..
عمل الخير بقا صعب في السودان .. انت مواجهة بآلة ضخمة من الجشعين المسنودين ..
ف شنو
بقا الامر عادي فقدنا المقاومة ..
الصديق معاوية الزبير حاول يعمل مكتبة مجانية .. ومشيت سألت
لازم اذن من السلطات .. ولازم جرد لعناوين الكتب
وتصديق وووو
وبعد دة جمارك
المبادرات الفردية يتم اجهاضها
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
انتشرت صور لقتلي من الزيود والمسيرية .. وبل تمثيل للجثث وتصوير جماعي معها
تقبل الله القتلي شهداءا جراء فوضي السلطة واشعال فتيل العنصرية والتناحر القبلي
تحولت تلك القبائل الآمنة والمستقرة والمتعايشة في سلام علي مدي السنوات في وفاق وضوابط اهلية وعرف .. تحدث بينهم الاحتكاكات ولكنها تطفأ اهليا وبتوافق
اقل وصف ان تلك مجزرة تتحملها السلطة .. تتحملها بتساهلها في انفراط الامن وسهولة الحصول علي السلاح
اتمني ان تعمل الآلية الشعبية في اطفاء تلك النار وتدخل العقلاء من الطرفين
ولا حولا ولا قوة الا بالله
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
تحياتي ودعكر
اتفق معك دون شرط في مداخلتك المميزة
اللغة الاستخفافية والسخرية من الآخر .. والتقليل من شأنهم واستفزازهم ... ثم الاساءة لهم والاساءة لاسرهم صارت لا تثير حفيظة احد ولا استغرابة
بقينا كضما معود علي الكفت
فثخن الجلد وثخنت المشاعر وتبلدت
وبقينا نشوف العوج ونعمل نايمين ..
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
12-01-2014 11:25 PM
ﺍﻟﺨﺮﻃﻮﻡ ( ﺳﻮﻧﺎ ) - ﺻﺎﺩﻕ ﺩ. ﻋﺒﺪ ﺍﻟﺮﺣﻤﻦ ﺍﻟﺨﻀﺮ ﻭﺍﻟﻲ
ﻭﻻﻳﺔ ﺍﻟﺨﺮﻃﻮﻡ ﻋﻠﻰ ﺇﻧﺸﺎﺀ ﻣﺴﻠﺦ ﻭﻣﺼﻨﻊ ﻟﻠﺤﻮﻡ ﺑﻐﺮﺏ
ﺃﻡ ﺩﺭﻣﺎﻥ ﻛﺄﻭﻝ ﻣﺼﻨﻊ ﻓﻲ ﺍﻟﺒﻼﺩ ﺑﻤﻮﺍﺻﻔﺎﺕ ﻋﺎﻟﻤﻴﺔ
ﻳﻘﻮﻡ ﺑﺘﺼﺪﻳﺮ ﺍﻟﻠﺤﻮﻡ ﺍﻟﺴﻮﺩﺍﻧﻴﺔ ﻟﻸﺳﻮﺍﻕ ﺍﻷﻭﺭﺑﻴﺔ .
ﺟﺎﺀ ﺫﻟﻚ ﻟﺪﻯ ﻟﻘﺎﺋﻪ ﺍﻟﻤﻄﻮﺭﻭﻥ ﺍﻟﻤﺘﺤﺪﻭﻥ ﺑﺤﻀﻮﺭ ﻭﺟﺪﻱ
ﻣﺮﻏﻨﻲ ﻣﺤﺠﻮﺏ ﺭﺋﻴﺲ ﻏﺮﻓﺔ ﺍﻟﻤﺼﺪﺭﻳﻦ ﻭﺃﻛﺪ ﻭﺟﺪﻱ ﺍﻧﻪ
ﺳﻴﺘﻢ ﻷﻭﻝ ﻣﺮﺓ ﺇﺩﺧﺎﻝ ﺗﻘﺎﻧﺔ ﻣﺘﻄﻮﺭﺓ ﻓﻲ ﺗﺠﻬﻴﺰ ﺍﻟﻠﺤﻮﻡ
ﻟﻠﺼﺎﺩﺭ ﺣﺴﺐ ﺍﻟﻤﻮﺍﺻﻔﺎﺕ ﺍﻟﻤﻄﻠﻮﺑﺔ ﻋﺎﻟﻤﻴﺎً ﻣﺸﻴﺮﺍً ﺇﻟﻰ
ﺃﻥ ﺩﺭﺍﺳﺎﺕ ﺍﻟﺠﺪﻭﻯ ﺍﻟﺘﻲ ﺃﺟﺮﻳﺖ ﻋﻠﻰ ﺍﻟﻠﺤﻮﻡ ﺍﻟﺴﻮﺩﺍﻧﻴﺔ
ﻭﺍﻷﺳﻮﺍﻕ ﺍﻟﺘﻲ ﺳﺘﺼﺪﺭ ﻟﻬﺎ ﺃﻛﺪﺕ ﻧﺠﺎﺡ ﺍﻟﺘﺠﺮﺑﺔ
ﻭﺳﺘﺤﻘﻖ ﻃﻔﺮﺓ ﻧﻮﻋﻴﺔ ﻭﺳﻤﻌﻪ ﻛﺒﻴﺮﺓ ﻟﺼﺎﺩﺭﺍﺕ ﺍﻟﻠﺤﻮﻡ .
ﻣﻦ ﺟﻬﺔ ﺃﺧﺮﻯ ﺃﺷﺎﺩ ﻭﺍﻟﻲ ﺍﻟﺨﺮﻃﻮﻡ ﺑﺘﺠﺮﺑﺔ ﺍﻟﻤﻄﻮﺭﻭﻥ
ﺍﻟﻤﺘﺤﺪﻭﻥ ﻭﺍﻟﺸﺮﺍﻛﺔ ﺍﻟﺘﻲ ﺗﻤﺖ ﺑﻴﻦ ﺭﺟﺎﻝ ﺍﻷﻋﻤﺎﻝ
ﺍﻟﻠﺒﻨﺎﻧﻴﻴﻦ ﻭﺍﻟﺴﻮﺩﺍﻧﻴﻴﻦ ﺑﺘﻄﻮﻳﺮ ﻭﺗﻮﻃﻴﻦ ﺻﻨﺎﻋﺔ ﺍﻷﺩﻭﻳﺔ
ﺍﻟﺒﺸﺮﻳﺔ ﻣﻦ ﺧﻼﻝ ﻣﺼﻨﻊ ( CDC ) ﺍﻟﺬﻱ ﻭﻓﺮّ ﺃﻧﻮﺍﻉ
ﻣﺨﺘﻠﻔﺔ ﻣﻦ ﺍﻷﺩﻭﻳﺔ ﻣﺤﻠﻴﺎً ﺑﻤﺎ ﻳﺪﻋﻢ ﺳﻴﺎﺳﺔ ﺍﻟﺪﻭﻟﺔ
ﺑﺎﻟﺘﻮﺳﻊ ﻓﻲ ﺻﻨﺎﻋﺔ ﺍﻟﺪﻭﺍﺀ ﺩﺍﺧﻞ ﺍﻟﺒﻼﺩ.
1 | 0 |
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
12-01-2014 11:33 PM
ﺍﻟﺨﺮﻃﻮﻡ: ﻏﺮﻣﺖ ﻣﺤﻜﻤﺔ ﺍﻟﻨﻈﺎﻡ ﺍﻟﻌﺎﻡ ﺑﺎﻟﺤﺎﺝ ﻳﻮﺳﻒ
ﻓﻨﺎﻧﺔ ( 25 ) ﺃﻟﻒ ﺟﻨﻴﻪ، ﻭﺇﺑﺎﺩﺓ ﺍﻟﻤﻌﺮﻭﺿﺎﺕ (ﺍﻟﺼﻮﺭ )
ﺑﻌﺪ ﺇﺩﺍﻧﺘﻬﺎ ﺑﻤﺨﺎﻟﻔﺔ ﺍﻟﻤﺎﺩﺓ ( 154 ) ﻣﻦ ﺍﻟﻘﺎﻧﻮﻥ
ﺍﻟﺠﻨﺎﺋﻲ ﺍﻟﺘﻲ ﺗﺘﻌﻠﻖ ﺑﺎﻷﻓﻌﺎﻝ ﺍﻟﻔﺎﺿﺤﺔ . ﻭﺗﺸﻴﺮ ﻭﻗﺎﺋﻊ
ﺍﻟﺒﻼﻍ ﺇﻟﻰ ﺃﻥ ﺍﻟﺸﺎﻛﻲ ﺩﻭّﻥ ﺑﻼﻏﺎً ﻓﻲ ﻗﺴﻢ ﺷﺮﻃﺔ
ﺍﻟﺤﺎﺝ ﻳﻮﺳﻒ ﺑﺄﻥ ﻟﺪﻳﻪ ﻋﻼﻗﺔ ﻣﻊ ﺍﻟﻤﺪﺍﻧﺔ، ﺣﻴﺚ ﻗﺎﻣﺖ
ﺑﺎﻟﺘﻘﺎﻁ ﺻﻮﺭ ﺧﺎﺩﺷﺔ ﻟﻠﺤﻴﺎﺀ ﻟﻬﺎ ﺗﻢ ﺇﺭﺳﺎﻟﻬﺎ ﺇﻟﻰ ﺍﻟﺸﺎﻛﻲ
ﻋﺒﺮ ﺍﻟﻮﺍﺗﺴﺎﺏ، ﻭﺗﻢ ﺗﻨﺎﻗﻠﻬﺎ ﻭﺳﻂ ﺍﻟﺸﺒﺎﺏ.
ﺍﻟﺘﻴﺎﺭ
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
اها خبر الفنانة دة مربك
عندو علاقة معاها !! كيف يعني ؟ علاقة شنو البتخليها ترسل صور فاضحة ليها تم إلتقاطها بواسطتها هي وليس شخص ثاني !!!
طيب يا السيد الشاكي انت رضيت تعمل علاقة معاها .. ياخ انستر اول انت واسترها ..
شوف وصلنا وين !
احذف الرسايل ورسل ليها قول ليها كدة عيب وغلط
وعلي قناعة مافي بت بترسل صور شخصية عادية ساي ان لم تثق في المستقبل ثقة شديدة
يا نااااااس انسترو واستروا اخواتكم
| |
|
|
|
|
|
|
|
|
|
Re: انتو الحاصل شنو (Re: عبدالحفيظ ابوسن)
|
السيد الرئيس يطلق حديثا حول مشروع الجزيرة .. امام جمع من الصحفين .. ثم يتم نشر الحديث .. فينكره مناصري النظام وينفي المكتب الصحفي الخبر
حاجة يغلبك تعلق عليها زاتو ..
تقول شنو
قال المثل
ان شاء الله البعرفونا ما يحضرونا
| |
|
|
|
|
|
|
| |
عبدالحفيظ ابوسن
elsawi
محمد المسلمي
عادل البراري
جمال ود القوز
فيس بوك
تويتر
انستقرام
يوتيوب
بنتيريست