الهجرة للسويد (اللجؤ، الدراسة، العمل)

مرحبا Guest
اخر زيارك لك: 03-19-2024, 04:00 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-22-2014, 02:57 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الهجرة للسويد (اللجؤ، الدراسة، العمل)

    الهجرة للسويد (اللجؤ، الدراسة، العمل)
    في السويد ما عندنا لوتري، مع إنو الهجرة في حدي ذاتها بقت لوتري كبير جدا..
    يا إما تمش معاك كويس يا إما كمان أمورك تتلخبط..
    للذين يفكرون في الهجرة لهذا البلد الإسكندنافي "البارد"
    من أجل مستقبل أفضل...مع إنه القصة دي ما مضمونة..وفيها مخاطر,,
    للذين يتسألون هل تَسَوي الهجرة للسويد كل تلك المغامرة؟

    للذين يتسألون عن الدراسة في السويد..الموضوع ما ساهل..الكويس فيهو إنك لو عملت دكتوراه في أي جامعة سويدية يحق لك الإقامة الدائمة في السويد ويمكنك إيضا الإستغناء مؤقتا عن الجنسية السودانية كجواز بعد الحصول علي الجنسية السويدية..
    داير تشتغل..لازم تتعلم اللغة السويدية...سنة ونص بالكتير بتكون جضمت اللغة....
    كمان إذا لقيت من يهواه قلبك أو قلبكِ وإتزوجت ممكن برضو تتحصل علي إقامة...

    العلاج والدراسة للأطفال مجانا وكمان تأخد علي راس كل طفل حوالي 150 دولار في الشهر...

    نسبة للظروف التى يمر بها المهاجرين السودانيين وغير السودانيين نفتح هذا البوست للرد علي تساؤلاتكم هنا أو في الخاص أو في الفيسبوك..
                  

10-22-2014, 03:06 PM

اسامه خليفه
<aاسامه خليفه
تاريخ التسجيل: 03-29-2008
مجموع المشاركات: 2022

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    سلام يا ابو السيوف

    وشكرا لهذا البوست الهام وكما عودتنا ..

    هل تقصد يا سيف اذا الواحد قدر دخل السويد باي نوع من اشكال الفيزا يمكنه تسوية وضعه بشكل قانوني ؟

    تحياتي ...
                  

10-22-2014, 03:46 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    أسامة كيف حالك
    Quote: هل تقصد يا سيف اذا الواحد قدر دخل السويد باي نوع من اشكال الفيزا يمكنه تسوية وضعه بشكل قانوني ؟


    يعتمد علي هدفك من الزيارة إذا كانت فيزا شينقن عادية عليك تسوية أمورك خلال الفترة القانونية للفيزا..إذا الهدف للدراسة وتحصلت علي القبول لابد من الخروج والتقديم من بلد إقامتك..
    إذا كان الهدف تقديم لجؤ لازم يكون حار حار..يعنى ما تتفسح وبعداك تقول داير أقدم طلب لحؤ..لكن ممكن نسمح ليك بخمسة يوم تجر نفس شوية..
    كان صادفك الحب,,فخير البر عاجله وبنديك إقامة لمدة ستة شهور تجدد حسب معاملتك لبتنا...أية سيك ميك خلال سنتين تشيل جوازك وتغادر..
    حتى لو دخلت ساي من غير فيزا فما عندك حلل غير تقديم طلب لجؤ.
                  

10-22-2014, 03:54 PM

خالد عبد الحليم سعيد
<aخالد عبد الحليم سعيد
تاريخ التسجيل: 04-30-2010
مجموع المشاركات: 830

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    سلامات يا ابو السيوف وضيوفه

    شكرا للبوست التنويرى دا
    ارجو الاسهاب فى موضوع الدراسه دى بالذات الدكتوراه

    وشكرا
                  

10-22-2014, 04:14 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    خالد عبدالحليم كيفك
    دي البوابة والمعلومات بالنسبة للدراسة في السويد...
    https://studyinsweden.se/

    الحصول علي منحة دراسية حسب إجتهادك ومتابعتك للموقع..حاليا المعهد السويدي http://http://www.si.seعندهwww.si.seعنده فرص لمنح للسودان. يمكن زيارة موقهم مباشرة ومتابعة الإعلانات من هناك..لو عندك أية جهة بتمولك, الحصول علي القبول ما صعب من الجامعة السويدية..
    زمان الدراسة كانت مجانا لكن دلوقت بتكلف حوالي 13 ألف دولار في السنة..مسألة تمويل الدكتوارة دي تعتمد علي تقديمك لعدة منح ومانحين للحصول علي تمويل ثابت..
                  

10-22-2014, 04:30 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    بالنسبة للشخص الذي يود تقديم طلب لجؤ,,
    الرجاء مراجعة هذا الفديو...

                  

10-22-2014, 04:36 PM

ALWALEED ALSHEIKH
<aALWALEED ALSHEIKH
تاريخ التسجيل: 01-11-2013
مجموع المشاركات: 884

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: كان صادفك الحب,,فخير البر عاجله وبنديك إقامة لمدة ستة شهور تجدد حسب معاملتك لبتنا..

    لكن كدة يا سيف سهلتها خالص لأسامة خليفة
    اتا قايلو بسأل ساكي ليهو قراية و لا شغل
    و كان للمعاملة أسامة ما بقصر كلو كلو
    بعد اسبوع بتلقى بتكم جارية بايدينا و كرعينا عشان تخلص اوراقو
    غايتو الله يعين أم ياسر هو بدون السويد لافي الكرة الأرضية من الشرق للغرب
    يا أسامة هوى ما تشعلق في كلام سيف الفوق ده
                  

10-22-2014, 04:42 PM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: ALWALEED ALSHEIKH)

    سلام الغالي سيف
    ده موضوع حيوي
    االرجاء الاسهاب فيه
    احكي ياخ
    احكي كل شي خلينا نتنور شوية
                  

10-22-2014, 04:50 PM

اسامه خليفه
<aاسامه خليفه
تاريخ التسجيل: 03-29-2008
مجموع المشاركات: 2022

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: ALWALEED ALSHEIKH)

    Quote: لكن كدة يا سيف سهلتها خالص لأسامة خليفة
    اتا قايلو بسأل ساكي ليهو قراية و لا شغل
    و كان للمعاملة أسامة ما بقصر كلو كلو
    بعد اسبوع بتلقى بتكم جارية بايدينا و كرعينا عشان تخلص اوراقو
    غايتو الله يعين أم ياسر هو بدون السويد لافي الكرة الأرضية من الشرق للغرب
    يا أسامة هوى ما تشعلق في كلام سيف الفوق ده


    ازيك يا وليد وابوالسيوف وضيوفك الكرام ...

    يا ابو اثيل بالله البحصل في السودان وعشان الواحد يبقي زي البشر مش يجوز ليهو يعمل اي حاجه ... دا يا وليد سوديه .. سودييييييه يعني مش اي كلام ههههههههه تسلم يا ولي ..
                  

10-22-2014, 05:34 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامه خليفه)

    Quote: بعد اسبوع بتلقى بتكم جارية بايدينا و كرعينا عشان تخلص اوراقو


    والله يا باشمهندس

    خيركم يا ناس السعودية واصل لحدي هنا...

    عندنا واحد من أولادنا مشي طلب يد بنية سويدية من أهلها...قالو ليهو عندنا شورة..أدينا فرصة نشاور أهلنا...

    عم البنية الخواجة.. شغال في السعودية..ضربوا ليهو قالو ليهو البت دي جاها راجل أجنبي، رأيك شنو؟

    قال ليهم الرجل جنسو شنو؟

    قالوا ليهو سودانى...

    قال ليهم عرسوا ليهو طوالي....سودانى؟ ديل أحسن ناس عاشرتهم في السعودية...

    بعدين ود خليفة ده خلي يجرب الخواجيات الكافرات ديل...عشان يغيير رايو..
                  

10-22-2014, 05:43 PM

saif khalil
<asaif khalil
تاريخ التسجيل: 01-30-2005
مجموع المشاركات: 1529

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامه خليفه)

    اها يا ابو السيوف
    عايز تودي الناس لام طرقن عراض
    بلدكم اليومها ما بكمل دي..
    هسة الزينا دا تاني بتعلم لغة في سنة ونص؟؟!!!!
    هم ناسكم ديل انجليزي الله والرسول دا مابينو مالهم؟؟؟!!!
                  

10-22-2014, 07:00 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: saif khalil)

    مرحب بيك يا ناصر حسين

    الحديث والحكي عن السويد لا يخلص ولا ينتهي..
    والحديث عن موضوع البوست ممكن تتكتب فيه كتب...

    --------------------------------------------------------

    بالنسبة للناس العندهم تأشيرة شينقن أو ما عندهم تأشيرة وهم داخل دولة تابعة للشينقن يمكنك دخول السويد بدون تأشيرة وأحيانا بدون جواز حتي إذا تحركت من مطار داخل حدود الشينقن.

    يعنى إذا دخلت إيطاليا بتأشيرة شينقن او دخلتها إيطاليا من غير جواز وفيزا يمكنك السفر من مطار في إيطاليا الي السويد من غير تأشيرة..

    بس تختوا المانيا..
                  

10-22-2014, 07:48 PM

Abu Baker Ahmed Abdel Rahman
<aAbu Baker Ahmed Abdel Rahman
تاريخ التسجيل: 01-02-2013
مجموع المشاركات: 673

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote:
    بس تختوا المانيا..


    لو طالب مقيم فى المانيا وبعد يخلص دائر يقد سلك على السويد وعيالو فى السودان. الخيارات والفرص شنو؟

    تسلم
                  

10-22-2014, 08:48 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: Abu Baker Ahmed Abdel Rahman)

    Quote: اها يا ابو السيوف
    عايز تودي الناس لام طرقن عراض
    بلدكم اليومها ما بكمل دي..
    هسة الزينا دا تاني بتعلم لغة في سنة ونص؟؟!!!!
    هم ناسكم ديل انجليزي الله والرسول دا مابينو مالهم؟؟؟!!!


    والله يا أبو السيوف أنحنا بلدنا جد جد طرقها عراض ما كلام ساي..

    فشنو...تعالوا أمشوا في مناكبها...

    بلدنا دي محتاجة دماء حارة..دايرين شباب..وأطفال...

    أنحنا ياخي حِبيبة الإنجليزي العندنا ده باظ..
                  

10-22-2014, 09:03 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: لو طالب مقيم فى المانيا وبعد يخلص دائر يقد سلك على السويد وعيالو فى السودان. الخيارات والفرص شنو؟


    أبوبكر..
    عدة خيارات:
    أهم شيئ تستفيد من إقامتك في المانيا وتجيب أسرتك..

    الخيارات ما بقدر أذكرها ليك هنا..رقم تليفونى في البروفايل رسل رقم تيلفونك وبرجع بمكالمة توضيحية قصيرة..
                  

10-22-2014, 09:07 PM

الامين موسى البشاري
<aالامين موسى البشاري
تاريخ التسجيل: 08-09-2009
مجموع المشاركات: 15391

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    طوووووووبة كبيرة في البوست دا


    احكي يا ابو السيوف ياخ!
                  

10-22-2014, 09:41 PM

اسامة محمد ابوبكر
<aاسامة محمد ابوبكر
تاريخ التسجيل: 01-17-2013
مجموع المشاركات: 249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: الامين موسى البشاري)

    اخي سيف السلام عليكم
    بوست جميل جداً

    Quote: أنحنا ياخي حِبيبة الإنجليزي العندنا ده باظ


    ده مربط الفرس في السويد , اللغة السويدية و التعامل اليومي باللغة السويدية إضافة لانو الشعب السويدي بصفة عامة ما يحب التحدث باللغة الإنجليزية مع العلم معظم السويديين يجيدون الإنجليزية
    هو السبب الأساسي البخلي الإنجليزي يبوظ و ممكن العربي كمان ههههههههههههههههههههههه
    ولدي عاوز يسالني عن معني كلمة سويدية بالعربي قال لي بابا ايش يكلمون بالعربي وهو قاصد معناها شنو بالعربي هههههههههه

    لو الله هون ممكن اساهم معاك و يا ريت اخي سيف نركز على الايجابيات و السلبيات في السويد و المشاكل التي تواجه الاسر الوافدة الى السويد نتيجة لاختلاف الثقافات و التقاليد بين المجتمعات
    فتك بعافية
                  

10-22-2014, 11:33 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامة محمد ابوبكر)

    الأمين البشاري
    مرحب بيك تب

    طيب نحكي عن البوليس السويدي...
    بوليس حنكوش ومسالم جدا..
    ياخي ديل لو البوليس فكه طلقة ساي في حرامي، يخلوا الحرامي ويمسكو في البوليس يقولوا ليهو فاكى فيهو طلقة ليه..
    لو لقوك سكران بودوك الحراسة لحدي ما تفتح بعداك بفكوك...
    ياخي ديل لو في مجوعتين عامل شغب في أم بدة مثلا..يشوفوا المجموعة الغلطانة يشحنوها في باصات وينزلوها في الحاج يوسف ويقولوا ليهم يلا أرجعوا ام بدة..
    مرة طفلة ضاع منها التيدي بير (بت ام لعاب)، أمها عملت إعلان في باب العمارة.. البوليس شاف الإعلان قام صوروا وعمل إعلان بحث عن تيدي بير..الخبر إنتشر في القنوات العالمية..لمن ما لقوه رسلوا للطفلة تيدي بير جديد، ده غير ما ارسله الشعب السويدي لتلك الطفلة...

    مرة جاي راجع من مشوار حوالي الثالثة صباحا..
    الدنيا صيف والشمس يا داب شرقت والشارع فااااااض ما فيه حركة.،
    كنت سائق عربيتى في كبري سرعته سبعين كيلومتر في الساعة..
    العربية الوراي جرت فينى نور طويل..
    عاينت في المرايا الداخلية لقيت مكتوب كلمة بوليس في كبوت العربية..
    ما هدنت من سرعتى وحاولت أفتح ليهم طريق..
    بعد نص دقيقة كنتكو لي وقفت..
    جانى واحد منهم طلب منى الرخصة..
    بعد شوية جانى راجع شايل دفتر في يده قال امضي هنا..
    قلت ليهو ده شنو؟؟
    قال لي غرامة: إنت سايق 110كيلومتر في الساعة في شارع سرعته 70 كيلومتر
    قلت ليهو ما بمضي: أنا ما كنت سايق 110
    قام سحب رخصتى وقال سوق عربيتك دي لحدي بيتك وتانى ما تسوقها..
    بعد ثلاثة يوم جاتنى رخصتى راجعة داخل جواب
    الجواب كان من سلطات البلدية وفيها خطاب بقول رجعنا ليك رخصتك لانه البوليس ما عنده حق يسحب رخصتك حسب ملابسات القضية، ويمكنك ممارسة القيادة حتى تأريخ إنعقاد محكمة للفصل في القضية..
    يا زوول مشيت المحكمة بعد شهر، البولسين والمدعي العام ..
    التهمة السواقة 110 في شارع 70
    سألتهم قيستو سرعتى كيف؟
    قالوا كانوا ماشين ورأي وبعاينوا لعداد عربيتهم.
    سألتهم: طيب محتاجين مسافة قدر شنو عشان تحصلوا علي مقياس صحيح لسرعتى؟
    واحد فيهم قال ثلاثة لخمسة كيلومتر..
    إتلفت علي القاضي وقلت ليهو يا "مولانا" المسافة من نص الكبري لحدي ما وقفونى كانت أقل من كيلومتر..
    القاضي قال لي: يا زوول سرعتك كانت كم خلينا من كلام البوليس، كدي قول الحقيقة!!؟؟
    قلت ليهو والله يا مولانا يعنى 80 او 90 لكن ما 110
    القاضي: خلاس تدفع غرامة 200 دولار بدل سحب الرخصة..
                  

10-23-2014, 06:48 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: Yohann Gad
    لابد من نشر الاسلام وتعليم هولاء الكفار نكاح الجهاد ورضاعة الكبير ونكاح الصغير - هلموا ايها المسلمين وهاجروا الي هذا البلد المسالم حتي نعرفه علي الاسلام الحقيقي
    ‏اليوم‏ في ‏10:13 صباحاً‏

    يوهان قاد

    هذه شعوب مضطهدة في بلدانها تبحث عن حماية من ظلم حكامها المجرمين الظلمة..وليس الأمر كما تعتقد..


    الأخ خالد علي
    الإجابة علي سؤالك وصلتك في الخاص

    للفائدة العامة وللذين يبحثون عن وسيلة للتعرف علي مجالات الدراسات العليا والبحث العلمى في المجال الطبي عليكم بالموقع أدناه:

    Ki.se
                  

10-23-2014, 09:12 AM

الصادق عز الدين

تاريخ التسجيل: 01-18-2013
مجموع المشاركات: 1034

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    ما هي أفضل ثلاث جامعات معترف بها تمنح درجة الدكتوراة في الإدارة
    وكم تكلفة الدراسة تقريبا
    كم تكلفة المعيشة شهريا (إيجار ومواصلات ومعيشة) تقريبا
                  

10-23-2014, 09:27 AM

ناصر حسين محمد
<aناصر حسين محمد
تاريخ التسجيل: 01-09-2013
مجموع المشاركات: 5233

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: الصادق عز الدين)

    الاخ سيف
    تحية مرة اخرى
    ياريت تحكي لينا عن فرص الاستقرار لوافد جديد اذا افترضنا انو امورو سلكت
    كم يحتاج حتى يستقر تماما
    لكي اسهل الامر عليك
    يعني في الخليج الاستقرار يعني العمل وبداية جني المال
                  

10-23-2014, 11:20 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: ناصر حسين محمد)

    أخونا أسامة محمد أبوبكر
    ياخي مرحب بيك للمشاركة في تنوير الناس..
    والدعوة مفتوحة لناس السويد بأي صورة يروها مناسبة..
                  

10-23-2014, 11:55 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    سؤال من الفيسبوك
    أنا من المتابعين لموضوعك في سودانيس عن السويد.
    قرأت من ضمن شرحك أنه يمكنك الدخول للسويد والتقديم للهجرة او اللجوء من أي من دول اقليم الشنغن بعد ان تكون دخلت الي تلك الدولة بتأشيرة الشنغن.
    سؤآلي هو هل هذا الوضع لا يتعارض مع إتفاقية دبلن ؟ أرجو الشرح الدقيق..
    هذا السؤآل لأني حسب معلوماتي أنه إذا تحصلت علي تأشيرة شنغن من سفارة فرنسا مثلاً .. لا يحق لك طلب اللجوء في أي من الدول الموقعة علي إتفاقية دبلن إلا في الدولة التي منحتك التأشيرة.
    إنتهي السؤال

    قبل ما اجاوب علي هذا السؤال في نقطة مهمة جدا جدا في قضايا اللجؤ لازم تختوها في اﻹعتبار وهي قضية المصداقية. دي بترتب عليها حقك في الحصول علي حماية وتقيم طلبك بصورة عادلة ودقيقة.ده باﻹضافة لإنها بتاثر علي مستقبلك الدراسي والعملي والحياتى..

    حصولك علي تأشيرة من دولة معينة لا يعنى بالضرورة أن تتقدم بطلب لجؤ فقط في نفس الدولة..لكن كمان ما تدخل تلك الدولة وتتجدع إسبوع وبعداك تجي تقول داير اقدم لجؤ في السويد...
    إذا تحصلت علي تأشيرة من سفارة فرنسا ممكن تدخل فرنسا وتغادر للسويد مع توضيح اﻷسباب التى دعتك لفعل ذلك...
    الناس الدخلت لايطاليا بالذات وما عندها جواز ممكن تقطع تذكرة سفر علي اية خطوط مسافرة لاية مدينة سويدية..في الغالب الاعم لا تسال عن جواز وعندك وصولك ليس هناك نقطة جوازات..اما اذا تم توقيفك تتقدم بطلبك ويا حبذا لو قدمت طلبك علي طول من غير تاخير..
    اخذ تاشيرة فيزا من سفارة دولة تابعة للشينقن لا يمنعك من تقديم طلب لجؤ في دولة أخري.ودي نقطة مهمة جدا..

    حاليا في قرار جديد بيقول يمكن النظر في طلبك حتى إذا أتيت من دولة أخري من دول الشينقن دون أن تتكفل السويد برعايتك وحمايتك طيلة فترة اﻹنتظار التى قد تصل إلي 18 شهرا حتى اتخاذ قرار بشان طلبك..لكن دي عملية متعبة ومرهقة ومكلفة وما مضمونة..لكن هناك من يراها خيار أفضل من الوضع الذي هو فيه...
                  

10-23-2014, 12:52 PM

Ibrahim Farah

تاريخ التسجيل: 01-16-2013
مجموع المشاركات: 88

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    الأخ سيف سعد (ود حاجة كثيرة)
    ماهي الاسباب المقنعة التي تجعل السلطات السويدية الموافقة على منح اللجوء لطالبه؟
    بمعنى....الحنك شنو؟

    وتحياتي لك وللأسرة الكريمة

    إبراهيم فرح ( ود ست النساء)
                  

10-23-2014, 01:15 PM

Asim Fageary
<aAsim Fageary
تاريخ التسجيل: 04-25-2010
مجموع المشاركات: 7810

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: Ibrahim Farah)


    معلومة هامة عن اللجوء في السويد

    إتفاقية جنيف والتي تلزم السويد بها لا تمنحك حق طلب اللجوء في السويد إذا دخلت السويد عبر إحدى الدول الموقعة على الإتفاقية

    برجعوك للدولة التي كنت بها قبل دخولك السويد إذا كانت تلك الدولة موقعة على إتفاقية جنيف الخاصة باللجوء

    ... يا سيف قول رايك شنو في الموضوع دا ؟




                  

10-23-2014, 03:05 PM

طه داوود
<aطه داوود
تاريخ التسجيل: 04-29-2010
مجموع المشاركات: 375

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: Asim Fageary)

    الاخ سيف، تحية طيبة..
    واضح من المداخلات المتعددة إنو السودانيين سواء كانوا في الداخل أو في الخارج ببحثوا عن ملادات آمنة (السويد وأخواتها)..
    الله يعين الجميع.
    استفساري عن الدراسات العليا (ماجستير،، دكتوراة):
    هل هناك جامعات سويدية تدرس باللغة الانجليزية؟ ولا لازم الواحد يتعلم اللغة السويدية؟
    التحيـة.
                  

10-23-2014, 07:51 PM

اسامة محمد ابوبكر
<aاسامة محمد ابوبكر
تاريخ التسجيل: 01-17-2013
مجموع المشاركات: 249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: طه داوود)

    Quote: ... يا سيف قول رايك شنو في الموضوع دا



    الاخ عاصم السلام عليكم ورحمة الله تعالي
    بعد وصول الشخص الي اوروبا عبر اي وسيلة كانت تعتبر الدولة التي دخل عن طريقها الشخص الى اوروبا صاحبة الحق فى النظر و معالجة قضية الشخص الذي يرغب فى التقدم بطلب للاقامة باوروبا ولا يحق لاي دولة اخري النظر في طلب الشخص الا بعد الرجوع الى الدولة صاحبة الحق او الدولة الملزمة بالنظر فى القضية المعنية حسب ما تنص عليه اتفاقية دبلن للدول الاعضاء.
    الدولة الملزمة بالنظر فى القضية هي الدولة الاولي التي اخذت بصمات اليد لصاحب الطلب و سفارات الدول تعتبر جزء من الدولة و الان كل سفارات الدول الاوربية فى العالم تلزم كل الاشخاص الراغبين فى السفر اليها سواء للسياحة او العمل او الدراسة او الزيارة او اي سبب اخر باخذ بصمات اصابع اليد و تحفظ فى سجل البيانات لتلك الدولة و يحق لكل الدول الاوربية الاعضاء فى اتحاد دول الشنقن بالاطلاع عليها (( بريطانيا ليست عضو فى اتحاد دول الشنقن لذا هي غير معنية بالامر )).
    اجراءات التقديم لطلب اللجؤ او الاقامة فى اوروبا
    مثلاً تحصل عاصم على تأشيرة بغرض السياحة الى فرنسا وكانت مدة الاقامة فى فرنسا 30 يوم تبدأ من تاريخ الدخول الى فرنسا وليس من تاريخ صدور التأشيرة , وصل عاصم الي فرنسا يوم 1-1-2015 يجب علي عاصم مغادرة فرنسا قبل يوم 31/1/2015 و يستطيع عاصم ان يزور كل الدول الاعضاء فى اتحاد الشنقن دون اي اعتراض من اي دولة و يستطيع مغادرة اوروبا خلال الفترة القانونية للاقامة عبر اي دولة اوربية غير فرنسا , عاصم قرر السفر الي السويد و التقدم بطلب للجوء بالسويد فى هذه الحالة اذا تقدم عاصم مباشرةً بعد دخوله السويد بطلبه مكتب الهجرة السويدية يقوم بالاتصال بمكتب الهجرة فى فرنسا و الاستفسار عن امكانية النظر فى طلب عاصم من قبل الفرنسيين و اذا وافق الفرنسيون يقوم مكتب الهجرة السويدي بترحيل عاصم الي فرنسا للنظر فى طلبه و اذا رفض الفرنسيون استقبال عاصم للنظر فى طلبه يكون مكتب الهجرة فى السويد هو المسؤول عن الطلب و النظر فى الطلب


    بجيك راجع كان لله هون
    فتك بعافية
                  

10-23-2014, 09:07 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامة محمد ابوبكر)

    مساء الخير ياجماعة
    آسف علي التاخير...

    رد للأخ الصادق عزالدين..
    في الرابط ادناه ستجد قائمة بجميع الجامعات السويدية
    المعترف بها بالاضافة لموقع كل جامعة علي الانترنت
    كمان طريقة التواصل مع الجامعة..
    حقيقة جميع الجامعات السويدية مستواها متقارب.
    لكن اجابة علي سوالك افضل الجامعات هي: أوبسالا،
    استوكهولم، لوند وجوتنيبرج..تلقاهم في اعلي اللستة في الرابط.

    متوسط الاعاشة هي حوالي 1000 دولار وهي تقريبا قيمة المساعدة
    من صندوق الطلاب للطلاب المقيمين في السويد (فقط للطالب المقيم اقامة دائمة).
    لكن يمكن تقليل هذه التكلفة بمشاركة السكن مع أكثر من طالب..

    http://english.uk-ambetet.se/highereducation/highereducationinstitutions.4.4149f55713bbd917563800011041.htmlhttp://english.uk-ambetet.se/highereducation/highereducation...917563800011041.html

    الرابط بنتهي بكلمة html
    بتلقي جدول بكل الجامعات السويدية المعترف بها والدرجة العلمية التى تمنحها. في نهاية الجدول بتلقي رابط بوديك علي مواقع وعناوين الجامعات كلها..

    نسبة لسبب تقني سوف اعدل في المداخلة وأضيف الرابط..
    الدخول من الموبايل متعب...

    (عدل بواسطة سيف اليزل سعد عمر on 10-23-2014, 09:16 PM)

                  

10-23-2014, 09:21 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: الاخ سيف
    تحية مرة اخرى
    ياريت تحكي لينا عن فرص الاستقرار لوافد جديد اذا افترضنا انو امورو سلكت
    كم يحتاج حتى يستقر تماما
    لكي اسهل الامر عليك
    يعني في الخليج الاستقرار يعني العمل وبداية جني المال


    الأخ العزيز ناصر حسين

    برجع ليك بشوية تفصيل...
                  

10-23-2014, 09:32 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: ماهي الاسباب المقنعة التي تجعل السلطات السويدية الموافقة على منح اللجوء لطالبه؟
    بمعنى....الحنك شنو؟


    إبراهيم فرح..زمن والله عجيب..
    قالوا الحي بلاقي في بورد بكري...

    وصلتنى صورة حديثة للوالدة ربنا يدها العافية...

    الأسباب المقنعة هي المصداقية وما يثبت هويتك...
    تكون ثابت وتعاين للخواجة او الخواجية في عيونو جووووه.
    تكون هادي ومستمتع بسرد التفاصيل بدون ما تحس إنك مجبر عليها..

    تحياتى لأهل الفريق والأحبة، الأهل والجيران..

    سيف سعد..
                  

10-23-2014, 09:59 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote:
    معلومة هامة عن اللجوء في السويد

    إتفاقية جنيف والتي تلزم السويد بها لا تمنحك حق طلب اللجوء في السويد إذا دخلت السويد عبر إحدى الدول الموقعة على الإتفاقية

    برجعوك للدولة التي كنت بها قبل دخولك السويد إذا كانت تلك الدولة موقعة على إتفاقية جنيف الخاصة باللجوء

    ... يا سيف قول رايك شنو في الموضوع دا ؟


    مرحب يا عاصم
    كلامك نظريا وقانونيا صحيح لكن يمكن تجاوزه عمليا...

    إذا كانت الحالة كما وصفها الأخ أسامة أعلاه فسوف يتم رفض الطلب بالسبب الذي ذكرته وذكره الأخ أسامة..

    لكن يمكن تجاوزه بعدم دخول ذلك البلد للمدة لا تتعدي أربعة وعشرين ساعة..بعداك المسألة مسألة تبرير تخضع للظروف مختلفة لعدم تقديم
    طلب لجؤ في بلد الدخول (فرنسا). مسألة البصمة التى توضح مكان إستلام التأشيرة لا علاقة لها بالموضوع..ممكن تأخد تأشيرة من السفارة الفرنسية
    وتدخل فرنسا لمدة يوم ومنها تسافر للسويد..المشكلة ظهور البصمة مقرونة مع تقديم طلب لجؤ في فرنسا...
    الموضوع الأساسي هو المصداقية، يعنى لو إقتنعت السويد بضرورة حمايتك فيمكن التغاضي عن مسألة العبور من دولة تحت الإتفاقية..

    لتجنب المرور بتلك الدول يمكن إستخدام الخطوط الإثيوبية، القطرية والأماراتية..
                  

10-23-2014, 11:18 PM

اسامة محمد ابوبكر
<aاسامة محمد ابوبكر
تاريخ التسجيل: 01-17-2013
مجموع المشاركات: 249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: لكن يمكن تجاوزه بعدم دخول ذلك البلد للمدة لا تتعدي أربعة وعشرين ساعة..بعداك المسألة مسألة تبرير تخضع للظروف مختلفة لعدم تقديم
    طلب لجؤ في بلد الدخول (فرنسا).


    المشكلة اخي سيف في حال ظهور بصمات الشخص الطالب للجوء في أي دولة من دول الشنقن ليس له الحق في التبرير لانه لن يتم فتح ملف للتحقيق معه ولن يتم سؤاله لماذا
    لم يتقدم بطلبه في ذلك البلد لان الاجراء الأول هو اخذ البصمات و التحقق من عدم تطابقها مع أي بصمات في قاعدة بيانات أي دولة من دول اتحاد الشنقن (( سوف أقوم بتفصيل ذلك لاحقاً ))


    Quote: البصمة التى توضح مكان إستلام التأشيرة لا علاقة لها بالموضوع..ممكن تأخد تأشيرة من السفارة الفرنسية
    وتدخل فرنسا لمدة يوم ومنها تسافر للسويد..المشكلة ظهور البصمة مقرونة مع تقديم طلب لجؤ في فرنسا


    اخي سيف هذه واحدة من المفاهيم الخاطئة التي تواجه طالبي اللجوء في السويد , سفارة الدولة في أي مكان في العالم هي جزء من أراضي تلك الدولة و كل المعاملات التي تجري في داخل حرم
    السفارات تعامل كالمعاملات التي تجري داخل أراض الدولة المعنية اما مشكلة ظهور البصمة مقرونة مع تقديم طلب اللجوء في (( فرنسا )) سوف اوضحها في المداخلة بعد المداخلة التالية لو ربنا
    مد في الاعمار
    فتك بعافية اخي
                  

10-23-2014, 11:35 PM

اسامة محمد ابوبكر
<aاسامة محمد ابوبكر
تاريخ التسجيل: 01-17-2013
مجموع المشاركات: 249

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامة محمد ابوبكر)

    / مواصلة الرد على الاخ عاصم
    اذا دخل الشخص الى اوروبا بطريقة غير شرعية (( يعني بدون ما يعمل اي بصمة فى اي سفارة من سفارات دول الشنقن )) و تم القبض علي الشخص فى اي دولة اوروبية و أخذت بصماته فى تلك الدولة و لكنه لم يتقدم باي طلب للجوء فى تلك الدولة و جاء الي السويد باي وسيلة كانت و تقدم بطلب للجوء فى السويد يتم معه اجراء نفس المعاملة السابقة (( سؤال فرنسا للنظر فى الطلب ))
                  

10-24-2014, 06:58 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: اسامة محمد ابوبكر)

    Quote: Mohamed Hassen Abdallah
    بعد السلام والاحترام يا اخوي سيف
    ما تنوِر الشباب عن الفرص الدراسية
    والمنح بدل تدودرم كدة ...
    إتا وصفك دة وخااااااصة بحكاية اختو
    ألمانيا دي للناس الجاية لجوء وكدا ...
    . وكيف يعني زول ماعندو باسبورت بلدو
    يقدر يمشي من ايطاليا للسويد ؟؟؟؟
    وطبعا حكاية زول جا قراية وعايز
    يقعد لجوء ما ب السهولة دي ..
    ماعايز احبط الناس ولكن الواضح
    كويس مثلا لو اخدت تأشيرة
    من السفارة الايطالية ومشيت قدمت لجوء
    في السويد ممكن يرجعوك ايطاليا لان
    بصمة التاشيرة بتظهر وبالتالي
    هي المفترض تقدم فيها طلب اللجوء ...
    وسأعود ان شاألله
    ‏اليوم‏ في ‏03:02 صباحاً‏


    الاخ محمد حسن عبدالله
    من الفيسبوك
    عفوا ونستميحك عذرا..لم أقصد تجاهل مداخلتك والأسئلة التى طرحتها..
    لكن كنت بفتكر إني جوابت عليها..
    بخصوص الفرص الدراسية والمنح روابط مواقع الجامعات موجود في المدخلات أعلاه وكذلك برامج الدراسات العليا..
    وسوف أضع روابط أخري متخصصة مثل مذكرة تتعلق بدراسة الدكتوارة.

    Quote: . وكيف يعني زول ماعندو باسبورت بلدو
    يقدر يمشي من ايطاليا للسويد ؟؟؟؟

    ممكن. قبل حوال شهر تابعت رحلة ملئية بالمخاطر للشابين تحركوا من دولة عربية الي إيطاليا عن طريق البحر.
    لا أريد الدخول في تفاصيل تلك الرحلة ولا أنصح بها. وبفتكر مهما حصل لا تسوي السويد كل تلك المخاطر البحرية.
    تحركوا من إيطاليا عن طريق البر مرورا بفرنسا بإستخدام سيارات وقطارات وبصات ووصلوا السويد في حوالي خمسة ايام
    بدون جوازات علي الإطلاق. كما تعرف إن الحركة داخل دول الشينقن أصبحت من غير نقاط جوازات سوي إجراءات كنترول تتم من حين الي آخر.

    موضوع البصمة والتاشيرة ومكان طلب اللجؤ فيه نقاش في المداخلات أعلاه. ما اريد أن أقوله في هذا الخصوص.
    إنو الحصول علي تأشيرة بصورة رسمية لا تمنع الشخص ممارسة حقه في طلب لجؤ ولا تقلل من مصداقيته. كل حالة
    لها خصوصيتها وتناقش لوحدها حسب ظروفها. طلب تأشيرة من دولة معينة لا يعنى بالضرورة تقديم طلب فقط في تلك الدولة.

    لك العتبي حتى ترضي..
    لك خالص التحايا
                  

10-24-2014, 08:25 AM

Hani Arabi Mohamed
<aHani Arabi Mohamed
تاريخ التسجيل: 06-25-2005
مجموع المشاركات: 3514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    الآن 90% من الشعب السوداني يبحث عن ملاذ آمن
                  

10-24-2014, 11:04 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: Hani Arabi Mohamed)

    Quote: استفساري عن الدراسات العليا (ماجستير،، دكتوراة):
    هل هناك جامعات سويدية تدرس باللغة الانجليزية؟ ولا لازم الواحد يتعلم اللغة السويدية؟


    الأخ طه داؤد
    بالنسبة للدراسات العليا فهي باللغة الإنجليزية..
    لكن تعلُم اللغة السويدية بالنسبة للطلاب الدكتوراة أصبح فرض وواجب لأنه بعد أربعة سنوات دراسة للدكتوارة يحق لك الحصول علي إقامة..يعنى الموضوع مالازم لكن لو داير تعيش وتستقر هنا فاللغة السويدية واااجب....
    في الرابطة أدناه تجد كل ما يتعلق بالدكتوارة...

    http://www.doktorandhandboken.nu/http://www.doktorandhandboken.nu/
                  

10-24-2014, 02:32 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    من يملك إقامة في دولة تابعة للإتحاد الأوروبي يمكنه الهجرة للسويد
    في أول مايو تم إصدار القرار الآتي:
    الشخص الذي يملك حق الإقامة الدائمة لمدة خمسة سنوات علي الأقل في أية دولة من دول الإتحاد الأوروبي يحق لها التقدم بطلب يعطيه الحق بصفة مقيم دائم. هذا القرار يعطيك بعض الحقوق التى يملكها مواطن الإتحاد الأوروبي. هذا يعنى يمكنك الإقامة في دولة أخري من دول الأتحاد الأوروبي بغرض العمل والدراسة...
    بس في شرط واحد:
    هذا الحق لا يشمل من لديهم إقامة دراسية، لأنها غير دائمة ولا يشمل من لديه أسباب لجؤ إنسانية. ينطبق فقط علي إقامة لجؤ لأسباب سياسية وإقامة بسبب العمل..أو أسباب أخري مثل الزواج..

    بالمناسبة مواطنين إيرلندا وبريطانيا والدنمارك لا يشملهم هذا القرار.

    القرار يشمل الدول أدناه..معليش مكتوبة بالسويدي..لكنها واضحة علي ما أعتقد.

    Quote: Belgien, Bulgarien, Cypern, Estland, Finland, Frankrike, Grekland, Italien, Lettland, Litauen, Luxemburg, Malta, Nederländerna, Polen, Portugal, Rumänien, Slovakien, Slovenien, Spanien, Sverige, Tjeckien, Tyskland, Ungern och Österrike.
                  

10-24-2014, 06:41 PM

عثمان الشريف اسحاق
<aعثمان الشريف اسحاق
تاريخ التسجيل: 01-08-2013
مجموع المشاركات: 220

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    سلام سيف اليزل سعد عمر


    افهم انو لو زول لاجئ سياسي بدولة فرنسا مثلا يقدر يقيم ويسكن وله
    حقوق مثل اللاجئي السياسي الاخر المقيم بالسويد
                  

10-24-2014, 08:38 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: عثمان الشريف اسحاق)

    Quote: افهم انو لو زول لاجئ سياسي بدولة فرنسا مثلا يقدر يقيم ويسكن وله
    حقوق مثل اللاجئي السياسي الاخر المقيم بالسويد


    مرحب عثمان الشريف
    الإجابة نعم

    أول حاجة الواحد لازم يقدم طلب لسلطات الهجرة التى يقيم في بلدها.

    عندنا في السويد إسمها EG-uppehållstillstånd

    بعد الحصول علي تلك الوثيقة يمكنك الإنتقال لأي دولة والإستقرار فيها.

    أكرر القرار لا يشمل بريطانيا، إيرلندا والدنمارك..
                  

10-24-2014, 10:38 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    فرص الإستقرار لوافد جديد...
    فرصة الإستقرار لوافد جديد ليست كما الخليج يا ناصر حسين..

    الشخص الذي يأتى طالبا للحماية عن طريق طلب لجؤ يتم تسكينه في معسكر للآجيئين والذي يضم جنسيات من دول عديد. المعسكر في السويد ممكن يكون مجموعة من العمارات في مدينة صغيرة أو لكوندة أو فندق او أي نوع من السكن المناسب. إما يكون فيه خدمات طعام أو تطبخ لوحدك..
    حاليا توجد مشاكل بخصوص إيجاد سكن مناسب للطالبي اللجؤ بسبب زيادة أعداد طالبي اللجؤ خاصة من سوريا وإريتريا.
    من المتوقع أن ناخد حوالي مائة ألف لاجئي هذا العام. العدد الحالي لهذا العام حوالي سبعين ألف تقريبا..بسبب هذا الإزدياد فسوف تطول مدة إنتظار القرار للفترة قد تصل الي العام أو أكثر..اليوم صدر قرار حكومي بتخصيص عشرين بالمائة من ميزانية العون الدولي لمقابلة تكاليف رعاية وحماية طالبي اللجؤ.

    عموما عندنا مشكلة كبيرة جدا جدا جدا في السكن. لو تحصلت علي إقامة سوف تنتظر حتى يوفر أحد المجالس البلدية لك سكن وإعاشة. من المفترض عليك القبول بالسكن الذي تقدمه لك الدولة وفي أي مكان في السويد. إذا رفضت العرض وداير تسكن محل الناس الكتار عليك تدبير سكن لوحدك ومغادرة المعسكر خلال اربعة أسابيع.

    الحياة الجديدة تتطلب تعلم اللغة السويدية.. زي ما قلنا تحتاج لحوالي سنة ونص.طيلة هذه الفترة تتكفل الحكومة بالإعاشة والسكن. الحصول علي عمل ليس بالساهل لكن الموضوع يعتمد علي مدي إجتهادك وعلاقاتك في البحث عن عمل..

    بالنسبة للناس العندها مؤهلات عالية في مجالات مرغوبة زي الطب الهندسة من الضروري تعلم اللغة والتركيز علي مهنتهم بدل الإنخراط في العمل في مجالات أخري. بالنسبة للأطباء ممكن أنزل بعض المعلومات في مداخلة جديدة..

    بالنسبة للطلاب بتاعين الدراسات العليا أهم شيئ توفر السكن قبل الحضور للسويد. بعض إتحادات الطلاب بتوفر سكن طلابي عبارة عن غرفة واحدة ومطبخ مشترك. وده سكن رخيص وبكون عادة قريب من الجامعة.

    اي نوع من العمل يعنى إستقلاليتك وحريتك في الحركة زي ما داير.،الاعتماد علي الإعانات الحكومية يفرض عليك بعض القيود زي بتاعة جاهز الامن السودانى..
                  

10-25-2014, 10:02 AM

حامد الغبشاوي
<aحامد الغبشاوي
تاريخ التسجيل: 08-21-2012
مجموع المشاركات: 800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    العزيز سيف اليزل
    لك التحية
    علي هذا البوست
    بالنسبة للدراسات العليا سوي كانت ماجستير او دكتوراه
    هل هنالك منح مجانية تقوم بها الحكومة او الجامعات السويدية
    ام كلها علي النفقات الخاصة





    ....................................
    مع خالص التحايا لكل أعضاء وزوار البوست
                  

10-25-2014, 10:12 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    العمل كطبيب:
    السويد في حوجة شديدة للأطباء والممرضين/الممرضات والصيادلة
    أدناه الخطوات التى توضح كيفية تقيم شهاداتك ومقدراتك الطبية إذا كنت طبيب متخصص او طبيب عمومي. بعدها تتحصل علي تصريح لممارسة مهنة الطب.
    الخطوات تتلخص في إجتياز امتحان اللغة وإمتحان مهارات وفترة ستة شهور تجريبية. الخطوات أدناه حسب شهادتك وحسب تخصصك.
    إذا كنت حامل للجواز السودانى ودرست الطب في جامعة في دول الإتحاد الأوروبي يمكنك البحث عن وظيفة عمل في أي جامعة سويدية. في حالة حصولك للعمل سوف تتكفل الإدارة الطبية في المنطقة بتخصيص معلم لك لتدريس اللغة السويدية.
    شفتو الكلام ده كيف...

    بالنسبة للتمريض هناك إمتحانات يجب إجتيازها مع تعلم اللغة..


    Quote: Profession: Doctor of medicine
    The information on this page applies to you as a trained doctor of medicine in a country outside the EU.
    In Sweden, doctors of medicine have an exclusive right to practise their profession and the professional title is protected. This means that only a person who holds a licence to practise or a locum appointment is allowed to use the title and exercise the profession.
    Applies to all
    Step 1. Start by applying for an assessment of foreign training Step
    2. Show certified knowledge of the Swedish language

    Applies to doctors of medicine without considerable medical experience:
    Step 3a. Pass a medical knowledge test
    The purpose of the test is to ensure that you have basic medical knowledge #####alent to a person with a Swedish
    doctor of medicine degree. The test consists of a theoretical and a practical part.
    Step 3b. Pass internship
    The internship consists of at least 18 months of internship divided between different fields of practice. It concludes with a knowledge test.
    Applies to doctors of medicine with considerable medical experience and a certificate of specialist qualification
    Step 3. Pass probationary service
    The probationary service consists of six consecutive months within the relevant field of practice. The objective is to assess your medical knowledge in relation to the knowledge needed to receive a Swedish licence to practise, your judgement, your way of relating to patients and your general aptitude as a doctor of medicine.

    Applies to all
    Step 4. Pass a course on Swedish medical legislation
    The objective of the course is to make sure that doctors of medicine in Sweden have the necessary basic knowledge of the framework of Swedish society and of current legislation that applies to the profession.

    Step 5. Submit a formal application for a licence to practise. You can do this only after points 1-4 above have been fulfilled.


    لمزيد من المعلومات يمكنك زيارة هذا الموقع
    Socialstyrelsen.se

    بالتوفيق
                  

10-25-2014, 01:16 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    السويد دولة إليكترونية..
    يمكنكم من خلال الانترنت دراسة موضوع العمل او الدراسة او اللجؤ قبل الشروع في أي قرار.

    أدناه موقع إدارة الهجرة
    في الصفحة الاولي إختار اللغة العربية لقراءة المعلومات باللغة العربية..

    لا تدفع أموال لأي شركة او سمسار او وسيط للحصول علي تأشيرة او إقامة عمل (في الغالب الأعم والموضوع يرجع لتقيمك الشخصي بالطبع)

    http://www.migrationsverket.se/Privatpersoner.htmlhttp://www.migrationsverket.se/Privatpersoner.html
                  

10-25-2014, 06:30 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: Elfeil MoHamed
    اخونا سيف اليزل بالله لو امكن عايزين شرح وافي منك والشباب الفي اوربا كيفية الحركة من يوم الزول يخش اوربا بي فيزا سياحية وبعد داك الممكن يحصل شنو او الزول يعمل شنو ..
    منذ ساعة


    القانون بقول لا يحق لك إختار دولة للحماية بل عليك تقديم طلب في أول دولة تدخلها في أوروبا..
    يعنى إذا دخلت فرنسا ما تطول فيها القعدة وبعداك تقدم الطلب كان في فرنسا كان في السويد..
    لازم تقدم الطلب حار حار..

    إذا داير تقدم طلب للحماية واللجؤ في السويد رتب أمورك بحيث تحجز تذكرة للسفر للسويد من أول دولة تدخلها..
    طالما عندك جواز وعندك فيزا للشينقن ممكن تركب طيارة للسويد..قدم طلب بأسرع فرصة وأدعمه بأوراق ثبوتية، ما بالضرورة الجواز.
    حاول تنسق مع شخص في أوروبا لمساعدتك في شراء التذكرة عن طريق الإنترنت..
    إهتم بمظهرك وطريقة تعاملك في داخل مطارات اوروبا..

    سؤالك بعداك البيحصل شنو؟
    قد يقبل طلبك او قد يرفض..
    إذا تم رفض طلبك بسبب المرور بدولة أوروبية موقعة علي الإتفاقية، يمكنك البقاء في السويد بعيدا عن أعين الشرطة لمدة سنة ونصف.
    بعد مرور تلك الفترة يمكنك التقدم بطلب جديد وسوف تسقط مسألة مرورك بدولة أوروبية في الطلب الثانى (فقط في السويد والنرويج).

    بالنسبة للناس العندها بصمة هناك بعض الأساليب المعروفة لمحاولة إخفاء البصمة لكنها غير مضمونة وربما يعاد الفحص عدة مرات للتأكد من عدم مرورك بدولة أوروبية.

    أتمنى أن أكون قد أجبت علي أسئلتك..
                  

10-25-2014, 08:25 PM

محمد نور عودو
<aمحمد نور عودو
تاريخ التسجيل: 01-08-2013
مجموع المشاركات: 6179

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    سلامات
    سيف اليزل سعد
    البوست دا ذكرني وكالة الحجر الأسود والهجرة إلي هولندا
    في نهاية التسعينيات.
    نتمني التوفيق لكل الذين يريدون الهجرة الي السويد (لجؤ. الدراسة. العمل)
                  

10-26-2014, 08:19 AM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: محمد نور عودو)

    Quote: بالنسبة للدراسات العليا سوي كانت ماجستير او دكتوراه
    هل هنالك منح مجانية تقوم بها الحكومة او الجامعات السويدية
    ام كلها علي النفقات الخاصة؟

    الأخ حامد الغبشاوي
    نعم هناك منح دراسية مجانية تقدمها الحكومة عن طريق المعهد السويدي. تجد الرابط أدناه.
    هناك أيضاً منح من خلال مشاريع بحثية ممولة من الإتحاد الأوروبي او الحكومة السويدية او غيرهما.
    لكن تلك المنح لا تكون معلنة او معروفة الي في إطار تضيق. هذا النوع من المنح يكون عادة في إطار الإقسام العلمية.

    Studyinsweden.se/scholarships
                  

10-26-2014, 02:34 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    الأخوة
    هانى عربي
    محمد نور عودو
    اسامة بابكر

    لكم خاص الشكر..تبقت محاولة أخير وهي تلخيص البوست في مداخلة واحدة أخيرة..

    لكم وللجميع خالص الود والتحايا..
                  

10-26-2014, 06:54 PM

Ibrahim Farah

تاريخ التسجيل: 01-16-2013
مجموع المشاركات: 88

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    Quote: إبراهيم فرح..زمن والله عجيب..
    قالوا الحي بلاقي في بورد بكري...

    وصلتنى صورة حديثة للوالدة ربنا يدها العافية...

    الأسباب المقنعة هي المصداقية وما يثبت هويتك...
    تكون ثابت وتعاين للخواجة او الخواجية في عيونو جووووه.
    تكون هادي ومستمتع بسرد التفاصيل بدون ما تحس إنك مجبر عليها..

    تحياتى لأهل الفريق والأحبة، الأهل والجيران..

    سيف سعد..

    الف شكر يا سيف وجعل الله هذا البوست في ميزان حسناتك
    وتحياتي لك وللأسرة الكريمة وبلغهم اشواقنا
    ومصير الحي يلاقي
    إبراهيم فرح/ الرياض
                  

11-12-2014, 05:41 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: Ibrahim Farah)

    إبننا إبراهيم فرح

    لك عاطر التحايا. وسلامى لكل الناس والأهل من طرفكم في بلد الغربة والسودان...
                  

11-12-2014, 05:51 PM

سيف اليزل سعد عمر
<aسيف اليزل سعد عمر
تاريخ التسجيل: 01-11-2013
مجموع المشاركات: 9476

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الهجرة للسويد (اللجؤ، الدراسة، العمل) (Re: سيف اليزل سعد عمر)

    معلومتان جديدتان.

    الأولي بالنسبة لمقدمي طلب اللجؤ: حاليا تطول فترة إنتظار التحقيق حول أسباب طلب اللجؤ قد تصل إلي ستة أشهر. اما الحصول علي قرار (إيجابي أو سلبي) قد تصل لمدة عام كامل..


    الثانية تتعلق بالأطباء مقدمي طلب اللجؤ من سوريا: وجهت السلطات السويدية بالإسراع في تعليمهم "اللغة السويدية الطبية" بينما هم في حالة إنتظار للبث في طلباتهم وذلك إختصاراً للزمن وسرعة إستيعابهم في المجال الطبي لسد النقص الحاد في الأطباء في السويد، قامت بلدية جوتبوري بتنفيذ هذا التوجيه وسوف تتبعها بلدية سوندسفال في شمال السويد.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de