الصوارمى ...قاليكم الجنجويد لم يعتدو على سعادة العميد ..ده كلام ده .

Quote: الصوارمي يوضح ملابسات الإعتداء على العميد عصام مصطفى سرور بالضعين نفى أن يكون الجنجويد إعتدوا عليه 10-12-2014 11:14 PM الخرطوم (سونا) صرح العقيد الصوارمي خالد سعد الناطق الرسمي باسم القوات المسلحة أن ما تعرض له العميد الركن عصام مصطفى سرور قائد الفرقة 20 بمدينة الضعين من اعتداء مساء الأمس بمدينة الضعين قد جاء في إطار محاولته إقناع جمهرة من المواطنين أثاروا الشغب بالمدينة ومنعوا قطاراً قادماً من مدينة نيالا متوجهاً للعاصمة من التحرك . وأبان في توضيح أن الفهم الخاطئ لبعض المواطنين حدا بهم للإعتداء على السيد قائد الفرقة بالضرب . هذا وقد اجتمع سيادة العميد الركن عصام صباح اليوم بقواته بقيادة الفرقة موضحاً لهم ملابسات الحادث وأنه الآن يتمتع بصحة جيدة وعافية ، مؤكداً على قوة وصلابة القوات المسلحة وأنه في سبيل الوطن يهون علينا أن نضحي بأرواحنا ولا نهتم لما نعانيه من صعاب من أجل تنفيذ الواجبات الملقاة على عاتقنا نافياً أن يكون قد تعرض لأي تعذيب أو اعتقال من أي جهة منوهاً إلى أنه لولا ان الجو الماطر بالمدينة لا يسمح لأخرج قواته في طابور سير يجوب المدينة إحقاقاً للحق وإظهاراً لمدى مقدرة القوات المسلحة على التصدي والقيام بواجباتها على أكمل وجه . هذا وقد انتهت الأزمة تماماً وواصل القطار سيره لمدينة الخرطوم . من ناحية أخرى أفاد العقيد الصوارمي خالد سعد أن ما رشح من أخبار عن إختطاف ثلاثة طلاب حربيين صوماليين يحتاج لبعض التوضيح ، فهؤلاء الطلاب لم ينتسبوا يوما للكلية الحربية السودانية وإنما تقدموا بطلب للإلتحاق بالكلية ولم يتم قبولهم وتم مخاطبة السفارة الصومالية بذلك فاستلمتهم وقامت بتوزيعهم على بعض الأسر الصومالية المقيمة بالخرطوم ولا يصح أبداً نسبة الطلبة المختفين للكلية الحربية السودانية .

Quote: اما كون العميد الركن ...يعتدى عليه مواطنين عزل وهو بزيه الرسمى ...فتلك هى الكارثة بحق.

Quote: تعرف يا أستاذ، في خمسينات القرن الماضي واحد من أولاد الدناقلة كان الوالد ، عليه السلام، أحضرهم للتجنيد في القيادة الشرقية بالقضارف ، في يوم من الأيام الوالد عرف إنه محبوس ، فراح للراحل القائمقام (العقيد) علي صالح سوار الدهب قائد القيادة الشرقية، كواسطة كي يطلق سراحه. لكن علي صالح قال للوالد أسمح لي يامولانا ، نحن ماسجناه عشان سكر في الإنداية ولكن كونه عسكري يدقوه ملكية دي حاجة نحن ما بنتسامح فيها. هكذا كان جيشنا... فماذا هم فاعلون بجنرالهم هذا؟؟؟ تحياتي

Quote: ده الذا تبرير ذكره النافي الرسمي الصرمة.... ( لولا ان الجو الماطر بالمدينة لا يسمح لأخرج قواته في طابور سير يجوب المدينة إحقاقاً للحق وإظهاراً لمدى مقدرة القوات المسلحة على التصدي والقيام بواجباتها على أكمل وجه .)

Quote: رصد صلاح سليمان جامونشر في الراكوبة يوم 12 - 10 - 2014 تحت عنوان - العميد يضربه الجنجويد - كتب الاستاذ جمال الهادي عضو صفحة السائحون علي الفيس بوك منشوراً جاء فيه : أنه اثناء تفتيش قطار الغرب احتج العميد(عصام مصطفي) علي الاسلوب الفج الذي يتبعه الجنجويد فقاموا بضربه وتعذيبه وهو عميد في القوات المسلحه .. حيث إتضح لاحقاً أنه ضابط بالقوات المسلحة وتحدث مع (الجنجويد) بإعتبارهم قوات مسلحة بصورة عسكرية حازمة وفيها احتجاج علي توقيف القطار وإنزال كل (الحمولة) بغرض النهب تحت ذريعة وجود أسلحة بالقطار . وكان أحد منسوبي ما يُسمي بقوات الدعم السريع (الجنجويد) قد ذكر في التاسع من اكتوبر الجاري أن (تفتيش القطار في مدينة الضعين كان حسب المعلومات المضللة بأنه يحمل سلاح إلا أن التيم الأمني الذي كُلِّف بتفتيش القطر لم يجد شئ وكل ما اثير اشاعة لإثارة المواطن). وأكّد الشاعر الشهير محمد الحسن بن عوف علي نفس الصفحة بأن الشخص الذي قامت قوات الجنجويد بضربه هو اللواء عصام مصطفى..قائد الفرقه 20 الضعين. وتسائل كثير من المتداخلين عن درجة الهوان الذي وصلته القوات المسلحة .. وقال أكثرهم هل سترد القوات المسلحة ؟. جدير بالذكر أن إنسان دارفور لم ولن يندهش لمثل هذا الفعل من عصابات الجنجويد ، ذلك أن العصابات ظلّت ومنذ أكثر من عشرة أعوام تقتل وتنهب وتغتصب أهل الهامش بدعم من حكومة المركز، وبالرغم من تضرر كثير من سكان الخرطوم في الشهور الأخيرة من عصابات الجنجويد عن دخولها الخرطوم تحت مسمي قوات الدعم السريع، إلا أن حادثة الإعتداء علي ضابط برتبة الجنرال تعتبر نقطة تحول في نشاط هذه العصابات التي لم تعُد تكترث لأحد هذا ما أكده القائد الجنجويدي حميدتي في تصريحاته الشهيرة في وقت سابق من العام الجاري ، أخطرها ما تفوه به قائد مليشيا الدعم السريع مؤكداً أن الحكومة ليس لديها جيش ليدافع عنها وعن هيبتها المزعومة في بسط الأمن في المناطق الملتهبة في دارفور، جبال النوبة والنيل الأزرق، لذا دفعت لقواته الأموال وقامت بتسليح المرتزقة الذين قام بتجميعهم من "عرب" دارفور ومالى وأفريقيا الوسطى للدفاع عن مركز السلطة في الخرطوم.

Quote: التعليقات 10-13-2014 12:10 PM وتلبس اسكيرتو مع فنلة كارينا علشان تمرقنا من حكاية الجيش جيشنا ايام زمان في الحرب لما يشتد عليهم الحصار بياكلو الضفادع والسحالي ويتلذذو باكل الثعابين النية كده اسالوه التمرد في دارفور بدا متين ? [لحسة كوع] #1125159 [Sultan] 0.00/5 (0 صوت) 10-13-2014 11:10 AM التعليقات #1124819 [حجاج] 1.00/5 (1 صوت) 10-13-2014 12:04 AM والله مهازل ...وين الناكر الرسمي باسم القوات (المصلحة) عشان ينفي لينا الخبر ده ويقول لينا دي مؤامره اريد بها انتقاص هيبة القوات (المصلحة) أكيد .... رد الصوارمي ؟؟؟؟؟؟؟ التعليقات #1124768 [sultan] 5.00/5 (1 صوت) 10-12-2014 10:02 PM الصوارمي يوضح ملابسات الإعتداء على العميد عصام مصطفى سرور بالضعين 10-12-2014 08:44 PM صرح العقيد الصوارمي خالد سعد الناطق الرسمي باسم القوات المسلحة أن ما تعرض له العميد الركن عصام مصطفى سرور قائد الفرقة 20 بمدينة الضعين من اعتداء مساء الأمس بمدينة الضعين قد جاء في إطار محاولته إقناع جمهرة من المواطنين أثاروا الشغب بالمدينة ومنعوا قطاراً قادماً من مدينة نيالا متوجهاً للعاصمة من التحرك . وأبان في توضيح لوكالة السودان للأنباء // سونا// أن الفهم الخاطئ لبعض المواطنين حدا بهم للإعتداء على السيد قائد الفرقة بالضرب . هذا وقد اجتمع سيادة العميد الركن عصام صباح اليوم بقواته بقيادة الفرقة موضحاً لهم ملابسات الحادث وأنه الآن يتمتع بصحة جيدة وعافية ، مؤكداً على قوة وصلابة القوات المسلحة وأنه في سبيل الوطن يهون علينا أن نضحي بأرواحنا ولا نهتم لما نعانيه من صعاب من أجل تنفيذ الواجبات الملقاة على عاتقنا نافياً أن يكون قد تعرض لأي تعذيب أو اعتقال من أي جهة منوهاً إلى أنه لولا ان الجو الماطر بالمدينة لا يسمح لأخرج قواته في طابور سير يجوب المدينة إحقاقاً للحق وإظهاراً لمدى مقدرة القوات المسلحة على التصدي والقيام بواجباتها على أكمل وجه . هذا وقد انتهت الأزمة تماماً وواصل القطار سيره لمدينة الخرطوم . من ناحية أخرى أفاد العقيد الصوارمي خالد سعد أن ما رشح من أخبار عن إختطاف ثلاثة طلاب حربيين صوماليين يحتاج لبعض التوضيح ، فهؤلاء الطلاب لم ينتسبوا يوما للكلية الحربية السودانية وإنما تقدموا بطلب للإلتحاق بالكلية ولم يتم قبولهم وتم مخاطبة السفارة الصومالية بذلك فاستلمتهم وقامت بتوزيعهم على بعض الأسر الصومالية المقيمة بالخرطوم ولا يصح أبداً نسبة الطلبة المختفين للكلية الحربية السودانية سونا خ.ي [sultan] #1125147 [PANORAMA] 0.00/5 (0 صوت) 10-13-2014 10:54 AM سبحان الله ديل شكل الناس الحاكميننا مافيهم مثقال ذرة من الرجولة قاعد تاكل شنو في الغرب ماحاسي بالاوضاع وغلاء المعيشة وكيف سمحت ليك نفسك بامتصاص تعينات العسكر كلما رسلو ليك دايرين تعينات تقول مافي [PANORAMA] #1125127 [SUDANI] 5.00/5 (1 صوت) 10-13-2014 10:36 AM حي انا مؤهلاتك مطابقة للمواصفات والمقاييس الشرعية لخرفان الاضاحي ليه الحكومة ماشحنتك للسعودية مع خرفان الاضاحى شحم ولحم [SUDANI] #1124819 [حجاج] 1.00/5 (1 صوت) 10-13-2014 12:04 AM والله مهازل ...وين الناكر الرسمي باسم القوات (المصلحة) عشان ينفي لينا الخبر ده ويقول لينا دي مؤامره اريد بها انتقاص هيبة القوات (المصلحة) [حجاج] #1124814 [Osmanaboali] 5.00/5 (1 صوت) 10-12-2014 11:57 PM الفتاه لمن شرفها يروح بترمي نفسها البحر .انت شرف عسكريتك اتمرمغ بالتراب وتتصور كمان وتشتكي .(لايسلم الشرف الرفيع من الاذى===حتى يراق على جوانبه الدم) لو كنت حر كان دافعت عن شرف العسكرية حتى لو كان الثمن حياتك لكن اتعودت على الشيات والمكيفات عشان عامل زي الفيل..وحب الذات. [osmanaboali] #1124809 [سوداني حر] 3.13/5 (4 صوت) 10-12-2014 11:47 PM هههههههههههههههه دا عميد شنو عامل زي ندي القلعة ربنااااااااااا يرحم الجيش السوداني [سوداني حر] #1124794 [عصمتووف] 1.00/5 (1 صوت) 10-12-2014 11:16 PM حالتة يرثي لها ما هو لاد فعل زملاء اللواء او العميد في ذلك بل باقي الجنود اليس هي عمل محبط لمعنويات جيش النظام بصراحة شفقتة علية لكن يدل علي معدن الرتب الكبيرة القيادية في القيادة العامة والاهم هذا الفعل اتمني ان تتمرد القوات المسلحة وتعود لصوابها بعد ما تسربلت بزي اشبة بزي الشكات الامنية او عمال المحلية اعتبروها بشارة خير [عصمتووف] #1124765 [البقاري] 0.00/5 (0 صوت) 10-12-2014 09:56 PM دمه كتير شكلة شارب مريسة [البقاري] #1124764 [زول اللة] 0.00/5 (0 صوت) 10-12-2014 09:53 PM القرنتى المسلح حاول يلعب على حبلين ويزيد النار حطب لكن اللعبة انكشفت وتم رصدة من القبائل ، والمصالحات ستتم رغم كيد الكائدين [زول اللة] #1124750 [الرزيقى ود الضعين] 0.00/5 (0 صوت) 10-12-2014 09:35 PM هذا الضابط متهم من موطنين شرق دارفور بانه يعمل لبذر الفتن وتاجيج الاحتراب بين القبائل ويقوم بتزويدهم بالعتاد الحربى والذخائر مما ادى الى افشال عدد من المصالحات القبلية [الرزيقى ود الضعين] #1124723 [مهيرة] 5.00/5 (2 صوت) 10-12-2014 09:02 PM يا حليل جيشنا الكان يهز و يرز و أجبر جمال عبد الناصر علي التراجع من حلايب !!! من ضعفه و هوانه صار مرتزقة حميدتي و محمد عطا ( يشلخون ) لواءاته أمثال عصام مصطفي !!! [مهيرة] #1124693 [ود الضعين] 4.00/5 (1 صوت) 10-12-2014 07:39 PM ما في ضابط جدير في الدنيا كلها و فى مناطق العمليات ويقود معارك قتالة في ظل حرب مستمر لاكثر من عشرة سنوات ويكون سمين ومكرش وكله شحم وودك كانه جسمه ما فيهو اى عضلة ، هل فعلا هذا الشخص يتمتع باللياقة البدنية التى تمكنة من غوض اى معركة ، [ود الضعين] #1124647 [دلدوم] 5.00/5 (4 صوت) 10-12-2014 06:18 PM اللهم اجعل كيدهم فى نحرهم وين الجيش انتهى الجيش زمان والموجودين الان كلهم كيزان انتهى الجيش والدليل ان وزيره اللمبي (الدفاع بالنظر) لن ولم نتعاطف معك أيها الكوز لقد فقدنا الكثير من شبابنا فى انتفاضة سبتمبر واتهموا بالتخريب من قادة الكيزان لن نتعاطف معكم مهما تدعوا من قومية القوات المسلحة [دلدوم] #1124641 [ود الركابي] 5.00/5 (7 صوت) 10-12-2014 06:13 PM اول مرة في حياتي اشوف ليه ضابط بالجيش السوداني العظيم يعرض نفسه للاعلام يصوروهوا ويقول جلدوني . يأخي جندي قديم مابيعملها . ثم ده جسم طابط ده ولا جسم جزار بتاع لحمه . يخس عليك تقول لااهلك ولا عيالك ولااصحابك ولا جيرانك شنو . تقول ليهم انا خايب . ليه مااخرجت سلاحك ومت موتة رجال الزمان الكانوا بياكلوا الجمر في معرض القوات المسلحة بحدائق مايو زمان .. يخس يخس يخس عليك . انا شاعر بخجل حقيقي .. [ود الركابي] #1124628 [لت وعجن في القديم] 5.00/5 (2 صوت) 10-12-2014 05:48 PM المفروض اي ضابط او عسكري جسمو مرخرخ ذي اخونا دا يضرب بنفس الطريقة دي حتي يعرف يؤدي واجبو الزول دا ما شغال قاعد تحت الكيفات ، قال قئد متحرك ؟؟ اول تتحرك هو وبعدين الكلام [لت وعجن في القديم] #1124589 [باسطة] 0.00/5 (0 صوت) 10-12-2014 05:01 PM اللواء عصام مصطفى ؟؟ وين النقيب تيَه كوكو ؟؟ [باسطة] ردود على باسطة South Africa [كعوك] 10-12-2014 09:31 PM جيش فيهو نزار .وائل .عصمت دا جيش . #1124572 [باسطة] 5.00/5 (2 صوت) 10-12-2014 04:35 PM ( إن قوات الدعم السريع قد رفعت رأس قوات الشعب المسلحة عالياً ) هذا كلام من خطاب الوزير ( وزير الدفاع بالنظر ) و هو كلام خطير جداً كما أورد كثير من الخبراء العسكريين حينها و لكن الأحداث تثبت كل مرة أن قوات الدعم السريع أو قوات المساندة أو قوات الجنجويد طبعاً تعددت المسميات حسب الظروف و القوات المجرمة واحدة ., تثبت الأحداث في كل مرة أن هذه الفلول لم ترفع رأس القوات المسلحة بل رفعت القوات المسلحة زاتها . ( ؟؟ ) . ملحوظة من التاريخ و للتاريخ : وقف الجنرال البريطاني أمام الشهيد البطل عبد الفضيل الماظ و كان لا زال ممسكاً بمدفعه بكلتا يديه و هو ميت فوقف الجنرال البريطاني و أدى له التحية العسكرية ، و قال إن هذا ضابط مثال يحتذى عازه قومي كفاك عازه غطي قفاك [باسطة] #1124558 [Nagid] 5.00/5 (3 صوت) 10-12-2014 04:16 PM ده جسم وكرش عسكري [nagid] #1124556 [Mohamed] 5.00/5 (6 صوت) 10-12-2014 04:10 PM يا شباب واضح من البيانات المرسلة على الأثير أن هذا الرجل (العميد) لا ينتمي الى الجيش السوداني، بل هو عميد بجهاز الأمن والمشاط (الوطني).. وقد قبضت عليه مليشيات قبلية (من الرزيقات) تشتبه في ضلوعه في إذكاء الحروب بينهم وقبائل المعاليا، من خلال توزيع السلاح المجاني على الطرفين وذلك مواصلة للدور الإنقاذي في بذر الفتن بين قبائل الغرب وذلك لتشويهها أمام الرأي العام .. ومواصلة المخطط القديم والمعروف. لكن يبدو أن هذه القبائل قد شبعت مهانة وبدأت أخيرا تكتشف اللعبة القذرة.. وعليه فقد قامت بتأديب هذا المأفون ونشر صوره ... وتتواصل فضائح الإنقاذ. [Mohamed] #1124516 [أفريقى] 5.00/5 (11 صوت) 10-12-2014 03:00 PM أنا لو فى مكانك ما عندى غير خيارين لا ثالث لهم الخيار الأول أستدعى الكتيبة والجبخانة تتكلم وكلام تانى ما عندى يمين بالله ودمقنعة من الجنجويد ديل ما أخليهو أما الخيار التانى أطلع طبنجتى قدام العساكر بتاعينى وأدى نفسى طلقة والسلام . طبعا انت لا عملتا ده ولا ده عارف ليه ؟ عشان دخولك الجيش لا معاينة لا إمتحان من بيتكم وأدوك الرتبة يا حليل زمنا فى الجيش زمن الزبط والربط هسى بالله ما بتخجل من شكلك ده ده جسم ضابط فى الجيش ... أنا لحدى هسى عمرى 65 سنة وبمارس سباحة وجرى وخيل لان روح العكسرية جوانا وفينا والهيبة موجودة مش زيكم [أفريقى] #1124497 [SESE] 5.00/5 (1 صوت) 10-12-2014 02:28 PM هل كان هذا الرجل لوحده في مواجهة الباشبوزق ام كان معه عساكر من الجيش ولماذا وقفوا متفرجين وقائدهم يجلد بهذه الطريقة البشعة..؟ السؤال: ما هو موقف القيادة العامة وزملاء الضابط من ضباط وضباط صف وجنود بالقوات المسلحة...؟ اذا سكت الجيش ككيان له مجد وتاريخ على هذه الفعلة النكراء وعدت بدون عقاب للباشبوزق يكون ذلك مؤشر حقيقي على وفاة الجيش وعلى الشعب السوداني نصب سرادق العزاء وتلقي التعازي في ما تبقى من الجيش.... في الماضي كان الضباط والجنود الجنوبيون اول من يبدي تزمره واستياءه ويعلن التمرد نتيجة اية اهانة تحلق بهم وهم يرتدون الكاكي ويشهد بذلك ثورتهم في كسلا التي تعرف بثورة الجهادية السود ثم ثورة 1924 بقيادة على عبداللطيف وعبدالفضيل الماظ ثم ثورة الدكتور جون قرنق ودخوله الى الغابة بدلا عن تأديب الفرقة 105 والتي ارسله الرئيس جعفر نميري لتأديبها والاشراف على نقلها الى الشمال...... هل بقي هناك في الجيش السوداني رجل حر له دم يغلي ويزأر لكرامة الجندي حين تنتهك حتى يأخذ الحق لهذا الضابط المغلوب على امره ثم يفجره انقلاباً ينهي به حكم الطغمة الفاسدة التي اهانت الجيش وسلبت منه كل اسباب العزة والكرامة التي الملازمة للجندي منذ تأسيس الجيش السوداني الى ان جاءت الانقاذ وحولت الجيش الى مجرد كلاب صيد تطارد الخصوم وتحرق القرى والحلال على رؤس الغلابة....... [SESE] #1124493 [ملتوف يزيل الكيزان] 5.00/5 (5 صوت) 10-12-2014 02:21 PM الطن ضاع باقي العرض والله اي فتاة من بنات بلدي ارجل من اي ضابط في الجيش او الشرطة او الامن. ديل خرجيين الانقاذ .لان الانقاذ علوج استولو على السلطة و من بينها الكلية الحربية ، وكان شعار الكلية الحربية "مصنع الرجال" ولما الت للانقاذ اصبحت "مصنع العلوج" وهذا شعار الترابي القدر يشذذ جميع تلاميذه. وهم الان بصدد اعلان السودان فى اعلا التصنيف في ترويج الدعارة. و يا شباب عليكم بتخزين الملتوف و اي سلاح متاح عشان تقومو بصد الجنجويد عن عروضكم. اماتكم و اخواتكم امانة في اعناقكم. فالجنجويد قادمون لاغتصاب كل من ليس لها حامي مسلح يحميها. الوطن ضاع باقي العرض. [ملتوف يزيل الكيزان] #1124492 [الشافو خللو] 5.00/5 (3 صوت) 10-12-2014 02:20 PM يستاهل وعقبال وعبرة للأخريـــن الذيــن صنعو الجنجــويــد وخلى الجنجويــــــد ديــــل ذاتو يمشو الخرطوم يسقطو النظام الذى صعنعهم اللهم أجعل كيدهم في نحورهم .. [الشافو خللو] #1124483 [لؤي العبيد] 5.00/5 (1 صوت) 10-12-2014 02:07 PM يا جاموس وصلت بك إلى هذا الكذب يا كذاب يا منافق . [لؤي العبيد] ردود على لؤي العبيد Egypt [صلاح سليمان جاموس] 10-12-2014 05:26 PM يا ود العبيد. . شكلك عايز تهاجم شخصي من اجل الهجوم فقط! !! ..وإلا؟؟؟ فأين الكذب والنفاق في نقل الخبر؟؟؟؟!!!! .. وانا استشهدت بشخصين احدهما الشاعر المعروف ود ابن عوف شاعر مسدار النصيحة للسفاح البشير... نسأل الله الحفظ من الجداد !!!!!!!. #1124479 [تفشقي] 4.75/5 (5 صوت) 10-12-2014 02:03 PM عاجبك كده يا محمد عطا المولي عباس مرحوم آمر قوات الدعم السريع !!! عاجبك كده يا عمر هبنقا البشير القائد الأعلي للقوات ( المشلحة ) !!! الله يرحمك يا أبو كدوك و انت تستعد لغزو اثيوبيا لمجرد استفزاز ( سرية ) صغيرة من الجيش السوداني !!! و ليس اهانة ضابط عظيم بحاله !!! [تفشقي] #1124468 [اسامة] 4.00/5 (3 صوت) 10-12-2014 01:52 PM بدل مّا تشتكي لينا امشي اجلد ابو ريالة [اسامة] #1124464 [Shah] 4.96/5 (8 صوت) 10-12-2014 01:46 PM مادام عميد أو لواء فى جيش الكيزان ... ما يضربوهو نحن مالنا نحن. [shah] #1124454 [صابر الصابر] 3.50/5 (2 صوت) 10-12-2014 01:26 PM دا عميد كلية ولا عميد اسرة [صابر الصابر] #1124403 [احمد ابو القاسم] 4.00/5 (3 صوت) 10-12-2014 12:39 PM والصرمه الناطق الرسمي ماقال اى حاجه ولو بالكضب كعادته ؟!!!!!!! [احمد ابو القاسم] #1124399 [Aljaali] 3.00/5 (4 صوت) 10-12-2014 12:34 PM كل عام وانتم بخير زمااان زمن نميري في مدينتا الحصاحيصا ناس البوليس اعتقلوا ضابط في القوات المسلحة بمشكلة كانت في الاستاد اثناء مباراة وتمت قيادته للسجن واتذكر ان ذلك الضابط جلس في السجن تقريباً نصف ساعة وهو كان قائد كتيبة وقبل ان تكمل الساعة جاءت فرقة تابعة للضابط المعتقل وتم تكسير السجن وضرب العساكر ضربا مبالغ فيه وبما فيهم رتبة نقيب وكان حدث مشهور جدا حتى خاف المواطنين من ذلك لان مركز الشرطة كان داخل الحي ولان عساكر الجيش لما وصولوا مركز الشرطة (النقطة )اول مافعلوه كلهم قفزوا من المجروس حق الجيش وكلهم في وضع استعداد ضرب نار وهم ملقيين على الارض والجزء الاخر دخل النقطة وضرب بقية العساكر وكسروا الزنزانة وخرج الضابط .... بالله شوف الفرق [aljaali] #1124394 [شخلول] 5.00/5 (7 صوت) 10-12-2014 12:29 PM سعادتو كان ضمن الاستقبال الحار لقوات الجنجويد عند وصولها الضعين قادمة من شمال كردفان.الجماعة ماقصروا ردوا ليه التحية باحر منها.التسويه كرت فى القرض تشوفوه فى جلدها [شخلول] #1124391 [أيام لها إيقاع] 4.88/5 (4 صوت) 10-12-2014 12:26 PM دة بكون من الدفعات التي تخرجت في عهد الإنقاذ أحسن حاجة عملتها الإنقاذ تدمير هذا الجيش سبب الكوارث والبلاوي عليكم الله دي هسي خلقة عميد ؟ مرخرخ كدة الله يقرفو ############ الباطل [أيام لها إيقاع] #1124379 [Radona] 5.00/5 (3 صوت) 10-12-2014 12:13 PM لا شك ان من يقرأ هذا الخبر يحس بالقرف والذل والمهانة الجيش السوداني رمز الرجولة والعزة والكرامة اهدرت كرامته على هذا النحو المشين وغير المقبول وما زال السؤال قائما من هم الجنجويد ؟ وكيف يرضى الجيش السوداني بوجود هكذا قوات تمارس مهام قتالية ودستوريا القتال هو من شان القوات المسلحة ( الجيش) هل يستطيع هكذا جيش تحرير حلايب وشلاتين والفشقة او يصد الاعتداءات الاسرائيلية هل انحصرت مهام الجيش في الحروب الاهلية التي تدار من اجل السلطة والمال ويترك الوطن تحتل اطرافه ؟ افيدونا افادكم الله فقد فقدنا القدرة على التفكير ونحن في حالة ذهول تماما!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟ظظ [radona] #1124360 [Amin] 4.88/5 (6 صوت) 10-12-2014 11:57 AM أٌهين الجيش يوم تلاعب به صبية الجبهة وأقمحوه في سياساتهم وحكموا به أُهين الجيش حين لم يحترم خيار الشعب وحريته أُهين الجيش حين قاده عمر البشير وعبد الرحيم وبكري أُهين الجيش حين تورط في صراعات سياسية وحروب داخلية وجرائم إنسانية ضد أبناء بلده أُهين الجيش حين شُردت كفآته وأُبعد خيرة رجاله وأصبح يأتمر بأمر الأُمراء. أُهين الجيش حين أصبح السلاح في أيدي الجنجويد والقبائل المجلوبة من خارج الوطن ومليشيات النظام أُهين الجيش حين تقاسمت دول الجوار حدودنا وأراضينا وهو يطارد مخالفي المؤتمر الوطني لم تُبق لنا ولم يتبق دمعاً نزرفه عليك يا جيشنا [Amin] #1124353 [أسمر جميل فتان] 4.84/5 (9 صوت) 10-12-2014 11:51 AM المصيبة انك قائد كتيبة كان احسن لك تموت في مكانك من ان تنحني ليهم للضرب يا عميد وجاي لميييين عشان ينصفك ويطبطب عليك اهه البشير؟؟ ام ابودفاع بالنظر؟؟ ام للصوارمي ؟؟ حايربتوا على كتفك ويقول ليك شنو؟؟؟ تفتكر "شااااااااطر يا عصومي" ولا يهمك بنلم الموضوع وحانجيب الجماعة ديل يعتذروا ليك في حتتك دي ما تتعب تمشي كويس يا فالح عسل بس بالله عليك خليك كده دايما ولما تمشي لناس الفرقة بتاعتك تاخد التمام بتاعهم حاول كده تنفخ صدرك زي زماااااان واملاه هواء ولو ما قدرت خلي جنبك مكنة بنشر بتاعت الهواء عشان تتنفخ بيها بس ما عرف يعبوك هواء من وين يا عميد الهنا؟؟؟!!!!! * * * * * * اخخخخخخخخخخخخخخخخخخخخخخخخخخخخخخخخخخخ تعالي يا عصومي اوصف ليك مكان داخلية البركس بتاعت البنات ممكن تحتاجوا تسوا ليهم هجوم تااااااااااني لانو بيشكلوا تهديد لتراب الوطن الغالي علينا كلنا !!!! ويا خوفي انو يضربوك هناك كمان !!!! وصدق من قال الجيش السوداني زادوا موية؟؟؟؟!!!! [أسمر جميل فتان] #1124350 [المشتهى السخينه] 5.00/5 (4 صوت) 10-12-2014 11:48 AM الشعب السودانى دائما يستهين ببلده ومستقبله ..قوات حميدتى من المرتزقه الاجانب الان هم القوة الغالبه فى السودان وممكن ان يستولوا على السلطةبعد هروب قادة الجبهة الاسلاميه الى قصورهم فى الخارج و كما فعل الحوثيون فى اليمن ..ويكون رئيسكم القادم حرامى قادم من مالى او تشاد .واول من يؤيده سبدرات واسماعيل الحاج موسى وعلى شمو واحمد البلال وابو العزايم .. [المشتهى السخينه] #1124343 [مواطنييين] 5.00/5 (2 صوت) 10-12-2014 11:45 AM وهو واقف مفنوس كده زي الداير يرقص رقبه [مواطنييين] ردود على مواطنييين Norway [ahmed] 10-12-2014 07:10 PM احترم شنو تقولوا انت كمان....بالله شكلوا دا شكل ضابط ؟؟؟ دا سواق كارو؟ الشعب ينتظر باحر الانتظار لتصفيه هؤلاء و امثالك وتكوين جيش جديد من الشباب والمخاصين للبلد لنعتز به ؟ Sudan [ابو مصطفى] 10-12-2014 03:08 PM احترم نفسك انت بتتكلم عن ضابط فى القوات المسلحة يا حمار #1124332 [علي باحش الدكوك] 5.00/5 (4 صوت) 10-12-2014 11:36 AM تعرض ضابط برتبة العميد في جهاز الأمن والمخابرات لضرب المبرح على أيدي فرسان القبائل الضعين، نشطاء: أصيب العميد الركن/ عصام مصطفى، الضباط بجهاز الأمن والمخابرات الوطني في السودان، بجروح وصفت بالبليغة أثر تعرضه للضرب المبرح علي أيدي فرسان القبائل بمدينة الضعين، حاضرة ولاية شرق دارفور المضطربة. وتأتي الأحداث على خلفية ورود معلومات للعقدة/فرسان القبائل بالمنطقة عن وجود شنحة سلاح قادمة من الخرطوم بأحدي القطارات، خاصة بجهاز الأمن والمخابرات الوطني، بغرض توزيعها على أبناء القبائل المتحاربة (الرزيقات والمعاليا)، وذلك لمزيداً من الأقتتال القبلي بين أبناء قبائل المنطقة. وعلى ضوء هذه المعلومات، قام العقدة/فرسان القبائل بحجز القطار المذكور بغرض تفتيشه والسيطرة على الأسلحة قبل وصولها لأيدي المتحاربين، إلا أن قائد قوة الحراسة بالقطار، وهو برتبة العميد في جهاز الأمن والمخابرات، رفض السماح للفرسان بتفتيش القطار وأنزال الأسلحة، مما أدى لأشتباكات بين الفرسان وقوة حراسة القطار، أستطاع من خلالها فرسان القبائل من طرد قوة الحراسة والسيطرة على القطار وتفتشيه وأنزال الأسلحة المشكوك في وجهتها، بعد أسر قائد القوة العميد الركن/ عصام مصطفى. يذكر بأن إدارات أهلية بارزة ومثقفين وناشطين، قد وجهوا أتهامات صريحة لقادة وضباط الأجهزة الأمنية "الجيش، الشرطة وجهاز الأمن والمخابرات" بالضلوع في الحروب والصراعات القبلية الأخيرة بين قبليتي الرزيقات والمعاليا، وتمويلها بالمال والسلاح وبذر الشرارة الأولى لأحداثها. يذكر بأن قبليتي الرزيقات والمعاليا خاضت معارك ضارية في الرابع من شهرى شوال الماضي بمنطقة أم راكوبة، سقط على أثرها أكثر من 300 قتيل من الطرفين، وخلفت أعداد مهولة من الجرحى، إلى جانب أعداد كبيرة من النازحين. وتكررت في الأونة الأخيرة الأتهامات الموجهة للأجهزة الأمنية من قبل الإدارات الأهلية والمثقفين والنشطاء في مجال حقوق الأنسان بالمنطقة للأجهزة الأمنية بضلوعها في الصراعات والحروب القبلية التي تنتظم هذه المناطق. يذكر بأن حروب دامية، دارت بين قبائل الرزيقات والمسيرية، الرزيقات والمعاليا، المعاليا والحمر، المسيرية والمسيرية فيما بينهم، سقط على أثرها أعداد كبيرة من القتلى والجرحى وتسببت في تدهور الموسم الزراعي وحركة الرعي وأنسياب حركة المواصلات والغلاء الفاحش للمواد التموينية بالمنطقة. وتأتي عملية القطار الأخيرة كأول بادرة لترجمة شكوك وهواجس أبناء هذه القبائل حول دور الأجهزة الأمنية في الحروب والصراعات من السر للعلن. فرسان القبائل أو ما يعرف محلياً بالعقدة (عقدة الخيل) يمثلون الجيش الشعبي للقبيلة لدى القبائل العربية في غرب السودان، وهم من تقع عليهم مسئولية حماية القبيلة وحدود حاكورتها والفذع عندما الملمات ونهب قطعان أفراد القبيلة ... والعقدة يحظون بأحترام أفراد القبيلة والإدارات الأهلية والأستجابة لطلباتهم من الرجال والمال على وجه السرعة. بالإضافة لتمجيدهم بواسطة الحكامات وشعراء البادية. [علي باحش الدكوك] ردود على علي باحش الدكوك Norway [ود قندي] 10-12-2014 09:16 PM الزول دا أدوه سوطين بسوط عنج. ذمان سمعت لي زولا بتكلم عن البطان (بضم الباء وفتح الطاء) اها دا عينة من البطان مع الرأفة والتخفيف لانو الجلدو كان راكب حصان أنظر الي آثار الجلد. رواية الفتنة مقبولة. Saudi Arabia [ود الركابي] 10-12-2014 05:59 PM كلام معقول ومنطقي . سلمت .. [حامد عوض] 10-12-2014 04:09 PM ده الخبر الصحيح والمنطقي والمصدق #1124328 [بيكو] 4.00/5 (1 صوت) 10-12-2014 11:35 AM انا الشيء المحيرني هو قائد يعني بيقود ايه ووين الناس الهو بيقودهم والله اذا فعلا هو قائد ومحترم كان قواته غيرت لون الارض الي احمر ولا يخرج نفاخ نار من الجنجويد [بيكو] #1124327 [منشى] 5.00/5 (1 صوت) 10-12-2014 11:33 AM يستاهلوا , جيش احتلت الاجانب اراضيه الحدوديه وهو واقف يتفرج و يقتل ابناء شعبه من قبل دراويش و لم يقل بقم و يجيبوا ليهم زول حرامى الحمير لا علم و لا كياسه ولا ادب و لا شاف فى عمروا حاجه اسمها كليه و يبقوا جنرال زى حميدتى اللى كان بيقول انو هو بخش القصر عشان يشرب شاى مع بشبش و بتلفون يلقى النياشين اللى حولوا , يبقى تانى منتظرين شنوا؟ يا حليل زمان ايام الجيش جيش يجى واحد يقطع بس زراره من قمصيوا يودوا فى داهيه , زمن عز و كرامه . عشان كدا حاجه اسموا انقلاب عسكرى تانى ما ح يحصل الى الابد .. من دا واضح الجنود ممقوصين و لا تسرى عليهم الاوامر ... و الله مهزله. [منشى] #1124323 [بيكو] 0.00/5 (0 صوت) 10-12-2014 11:31 AM والله هذا الضابط ان كان ينتمي لقبيلة من قبائل دارفور اخدوا ليه حقة اهله لان الزمن ده تحميك قبيلتك وليس الحكومة ولا غيرها لسع والله يا اهل السودان حتشوفوا العجب مع الجنجويد لان دارفور ما بقي فيها شيء يستفيد منه الجنجويد وما في طريقة غير انهم يسحفوا الي باقي الولايات [بيكو] #1124312 [طارق نور] 4.88/5 (4 صوت) 10-12-2014 11:23 AM تستاهل أكتر من كده و عقبال كل قادتكم جلد و مهانة بالصف, حتى تعلموا ما هو دوركم فى حماية الوطن و المواطنين وليس حماية عرش دكتاتور فاشى ظالم لا يعرف غير ما يبقيه على كرسى عرشه, القائم على جماجم الأبرياء تستاهل أكتر من كده أو تبقى راجل و تورى السودان أنو الجيش أسود و رجال ما ..... [طارق نور] #1124299 [كمال] 5.00/5 (3 صوت) 10-12-2014 11:17 AM هو كان ما الجيش دا زادوهو موية هسي المرخرخ دا خشا الجيش كيف .. كرش و كلو مطوطوة ؟!!! نميري لحدي ما اتوفى الله يرحمه كان جسمه رياضي و مشدود و كان في شبابه بيرفع عجل على كتفه لوحده بدون اي مساعدة [كمال] ردود على كمال Sudan [سام] 10-12-2014 02:47 PM والله تعليقك كنت ابحث عنه بين السطور فعلا تعليق في محلة وكت عميد في الجيش يمسحو بيه الواطة ذي كدي المواطن يعملو فيه شنو والبيحمية منو تري عينت المكنز لحم وجعبات ده والله ما يقدر يجر عشان يحمي نفسة لمان يلطشوه اصلو الرد بعيد عنه كمان قال يحمي شحنة اسلحة في قطار وقائد كتبية تلقاهه ده النوع البسلم عهدته لعدوة قبل بدء المعارك الله لا كسبك خرية وعميد كمان والله ذي كان حصلت زمن نميري كان الدم وصل الركب بلا جنجويد بلا عفن ؟؟؟؟؟؟ Sudan [hassan] 10-12-2014 12:35 PM ما قلت الا الحق ضباط الجيش كلهم متل العينة دى كروش وجضوم ولحم مرخرخ وعفيت من الجنجويد والعقبى للوزير بالنظر #1124293 [//Ahmed//] 5.00/5 (1 صوت) 10-12-2014 11:15 AM لو حدث ذلك معك تستاهل ، ولا تستحق شرف هذا الزى العظيم ، لو كنت فى مانك كنت جردت قوى من القوات المسلحة ضد هذه الملشيات المارقة ومسحت بها الأرض ... حتى ترد للجيش هيبته ومكانته وبعدها تموت ميتة شريفة وانت مطمئن فى قبرك بعد هذا الهوان ... [//ahmed//] #1124291 [راشد] 5.00/5 (2 صوت) 10-12-2014 11:14 AM خلي يدوهو فوق راسو هو بعد الهوان ده كلو لا هسع قاعد في الجيش يعمل شنو؟ [راشد] #1124287 [الرشيم الاخضر] 5.00/5 (5 صوت) 10-12-2014 11:13 AM ده عميد جيش ولا مراسلة قناة لبنانيه يا زول التصوير ليك شنو قبل تخيط جروحك اسحب ليك كتيبه وولع وخلي النيران تجلع الجنجويد اخد تارك بي يدك هسي فرقك شنو من المواطن العادي تتصور عشان تستعطف منو يا أسد المعارك يا تمساح الدميره [الرشيم الاخضر] ردود على الرشيم الاخضر [شخلول] 10-12-2014 03:06 PM ياخى الراجل متصور عشان ياخد حافزو من دمغة الجريح.دى قروش متلتلة!! #1124284 [ماجد] 5.00/5 (2 صوت) 10-12-2014 11:12 AM من باب الرجولة سوق معاك كتيبة و امسح الجهلة الجنجويد ديل من الخريطة .. بدل تعرض لينا جروحك الشفناها على مواطنين and#65275; سلطة لهم و and#65275; جاه [ماجد] #1124261 [أغبش ساكت] 0.00/5 (0 صوت) 10-12-2014 10:57 AM لواء ينهان ويتجلد بهذه الطريقة المزبلة لهو إستهتار بالشعب العظيم في عدم إحترام قواته المسلحة ... إحالة عاجلة لوزير الدفاع ... ننتظر لنري [أغبش ساكت] #1124256 [زول ساكت] 5.00/5 (6 صوت) 10-12-2014 10:55 AM واخيرا لحق الجيش بالسكة حديد وسودانير والخطوط البحرية السودانية ومشروع الجزيرة وهلم جرا والقائمة تطول في عهد الانقاذ [زول ساكت] ردود على زول ساكت Sudan [جرح الوطن ما زال كبير] 10-12-2014 12:20 PM لايك #1124249 [مندهش] 5.00/5 (1 صوت) 10-12-2014 10:51 AM الان لقدتأكد لي بان البشير حكم 25 عاما . عميد في الجيش ويضرب وتحت امراته كتيبة . اقسم بالله سوف احرقها من وقفت قدمي الى وقفت البشير [مندهش] ردود على مندهش Saudi Arabia [//ahmed//] 10-12-2014 11:51 AM تحت امرته كتيبة بدل ما يمشى القيادة ويصدر اوامره ويحرير القطار من أيدى هذه العصابة ويمسح بهم الأرض... مشى المستشفى .. أه... الله يرحمك يا قيادات الشعب المسلحة ... قضوا على الجيش ورجاله من أجل هذه المليشيات المتفلته ، ونحن دولة تجاور أكبر الجيوش فى المنطقة عدة وعتاد ألا وهو الجيش المصرى ، ونحن قائد كتيبة لدينا يندق بالصوط الصوط الواحد ده .. ديل يرجعوا حلايب ؟! يا حليلك ياتراب الوطن هنت حتى على الأعداء .. #1124246 [المهندس سلمان إسماعيل بخيت على] 5.00/5 (3 صوت) 10-12-2014 10:48 AM تستاهل الشغلك معاهم شنو اكيد انت استخدمت نفوذك وضربت شخص ضعيف عشان كده ربنا سلط عليك اشباهكك هؤلاء عشان يؤدبونك وينتقموا منك اللهم اضرب الظالمين بالظالمين وأخرجنا من بينهم سالمين [المهندس سلمان إسماعيل بخيت على] ردود على المهندس سلمان إسماعيل بخيت على Saudi Arabia [المهندس سلمان إسماعيل بخيت على] 10-12-2014 04:21 PM شوف يا [عدو الانقاذ] وأظنك كاذب فأنت صديق للأنقاذ بس مكسوف تقولها البارح القائد العام للقوات المسلحة الرئيس البشير قال لن تكون حلايب سببا للحرب مع مصر طيب جيش بالضخامة دى كله عشان شنو عشان الحركات المسلحة السودانية مهام الجيش ليس ضرب ابناء البلد لإختلاف الرأى الجيش لحفظ وحماية الحدود وحدودنا منتهكة فى ثلاثة الى أربعة مواقع وبرضو تقول لى ( كيف ترضي بالذل والهوان لجيش بلادك ) أنا قلت لك المنية ولا الدنية الموت ولا التخازل عن تحرير حلايب حتى لو كان المحتل مصرى دى الأرض والارض عرض Qatar [ابوغفران] 10-12-2014 01:12 PM يستاهل اكثر من ذلك وصدق المثل ( التسوى كريت فى القرض تلقا فى جلدا ). Saudi Arabia [عدو الانقاذ] 10-12-2014 11:50 AM هههههههههههههه اكيد شغال معاهم ###### من كلابهم يستاهل الدق Sudan [مندكورو] 10-12-2014 11:31 AM معقولة يا (باشمهندس) ؟!!!! كيف ترضي بالذل والهوان لجيش بلادك؟ ولا تقل لي مليشيا النظام فهذا غير صحيح ليس كل افراد الجيش السوداني كيزان ففيهم رجال وطنييون ينتظرونكم ان تخرجوا للشارع وتبدأوا في اشعال الشرارة ليهدموا دولة الكيزان علي رؤوس المجرمين وعيب عليك مرة اخري (الشماتة) لانها ليست من شيم الرجال, #1124245 [سن ألفيل] 4.00/5 (4 صوت) 10-12-2014 10:45 AM ما هو رأي الجيش المصري او ما هو رأي الجيش الاريتري أو ما هو رأي الجيش التشادي أو ما هو رأي الجيش الاثيوبي !!!!!!!!!!!!!!!!!!!!!!!!! [سن ألفيل] #1124244 [ابو حمدي] 0.00/5 (0 صوت) 10-12-2014 10:43 AM لازم يتم محاسبة هؤلاء وعسكريا ولا داعي لخلق مزيد من الفتن والتناحر والبلد ماناقصة [ابو حمدي] #1124238 [عبدالكريم الاحمر] 0.00/5 (0 صوت) 10-12-2014 10:38 AM هم الجنجويد ديل مين العملهم [عبدالكريم الاحمر] #1124236 [سوداني] 5.00/5 (2 صوت) 10-12-2014 10:37 AM با جماعه دي اسمها نيران صديقة او ممكن نقول تصرف فردي من المواطنين المسلحين والله اعلم [سوداني] #1124235 [راجع للوطن] 5.00/5 (1 صوت) 10-12-2014 10:37 AM لانعرف فتنة ولانعرف خوف...قوات الشعب المسلحة رمز العزة والاباء والملثمين ليسوا سودانيين حتى كيف نضمن انهم سودانيون....العزة لجيش السودان وقوة دفاعه وقوات الشعب المسلحة ولاعزة للمفحطين الملثمين السراريق ابان عراريق. [راجع للوطن] ردود على راجع للوطن Saudi Arabia [كاره الشيوعيين والكيزان] 10-12-2014 02:19 PM كتر خيرك يا راجع للوطن الجيش السوداني شرف لكل مواطن سوداني وإذا الكيزان دخلوا ليهم مجموعة فيهم يجب التفريق بين أكارم الرجال وأراذل الرجال وما زال يبقى هو جيش السودان . كيف ضابط برتبة عميد يقود كتيبة تحرس قطار ، اعلى رتبة ممكن تقود مثل هذه الكتيبة هي رائد . شيء محزن !!!!!!!!!! #1124227 [دجانقو] 5.00/5 (1 صوت) 10-12-2014 10:33 AM عميد استخبارات وقائد فرقة بالضعين ولم يتعرف بعد علي الجنجويد او مايعرف بقوات الدعم السريع - يدخل معهم في مشادة كلامية ويغيب عليه حقيقة هذه القوات والتي يعلمها اصغر بتاع اورنيش في اقصي بورسودان - اذا كان هذا عميد استخبارات فعلي الجيش السلام [دجانقو] #1124223 [انقاذي سادر في فساده] 5.00/5 (1 صوت) 10-12-2014 10:28 AM هذا يؤكد ان بلادنا صارت بلا جيش وتحت رحمة العصابات وقطاع الطرق من المليشيات المختلفة الناهبة لمالنا ودمنا [انقاذي سادر في فساده] #1124216 [شهنور] 5.00/5 (2 صوت) 10-12-2014 10:14 AM وانا بقول الجيش يستاهل اكثر من كده كان بيتفرجو لمان شهداء سبتمبر بقتلو فى الميدان.

Quote: 10-12-2014 04:35 PM ( إن قوات الدعم السريع قد رفعت رأس قوات الشعب المسلحة عالياً ) هذا كلام من خطاب الوزير ( وزير الدفاع بالنظر ) و هو كلام خطير جداً كما أورد كثير من الخبراء العسكريين حينها و لكن الأحداث تثبت كل مرة أن قوات الدعم السريع أو قوات المساندة أو قوات الجنجويد طبعاً تعددت المسميات حسب الظروف و القوات المجرمة واحدة ., تثبت الأحداث في كل مرة أن هذه الفلول لم ترفع رأس القوات المسلحة بل رفعت القوات المسلحة زاتها . ( ؟؟ ) . ملحوظة من التاريخ و للتاريخ : وقف الجنرال البريطاني أمام الشهيد البطل عبد الفضيل الماظ و كان لا زال ممسكاً بمدفعه بكلتا يديه و هو ميت فوقف الجنرال البريطاني و أدى له التحية العسكرية ، و قال إن هذا ضابط مثال يحتذى عازه قومي كفاك عازه غطي قفاك [باسطة]