الرجل السوداني عادةً لمن يجي يعرس بيكون....

مرحبا Guest
اخر زيارك لك: 03-19-2024, 11:21 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-09-2014, 03:28 PM

احمد سيد احمد
<aاحمد سيد احمد
تاريخ التسجيل: 01-23-2013
مجموع المشاركات: 1257

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الرجل السوداني عادةً لمن يجي يعرس بيكون....

    Quote:
    الرجل السوداني عادةً لمن يجي يعرس بكون عمره قريب الأربعين و صلعته أكبر من كرشه..و عادةً العروس بتكون بنت صغيرة و يادوب مخلصة جامعة...هو بكون في رأسه حاجات معينة و هي إنو يعرس و يرجع البيت يلقى طبيخ و ملاحات و أطايب،،،و إنو يجيب أولاد بسرعة،،،و إنو مرتو تمشي معاه المناسبات و تخدم الضيوف و الأهل....البنت بتكون مخلصة جامعة و إمكن تكون عايزة تقرأ و تكمل و تشتغل.....إلخ
    و ده سيناريو متكرر..و جزء من المشكلة الفرق في العمر و عدم الإتفاق و التخطيط بين الإتنين قبل الزواج
    أنا دائماً بعتبر الحياة دي هي عبارة عن مدرسة بتتعلم فيها من أخطاء الناس التانية و في الآخر هي إمتحان...أعمامي كلهم متزوجين أجنبيات و ما مبسوطين و لذلك قررت إنو مستحيل أتزوج أجنبية أو عربية...ود خالتي عرس و عمره قريب الأربعين و حسه أولاده لسه صغار و هو زول شكله كبييييير و عشان كده قررت إنو العرس المبكر مهم شديد...بت خالتي عرست واحد أكبر منها شديد بعد قصة حب و عرست بعد تخريجها بيوم و ما عملت الإمتياز لأنو ما كان عايز يستنى و حسه بقى عمرها ثلاتين سنة و عايزة تقرى تاني لكن قالوا ليها شهادتك ما معترف بيها من غير إمتياز و لازم ترجعي تعملي إمتياز تاني....قريبة زوجتي عرست قبل ما تخلص قراية و الآن ما عندها شهادة،،،يعني ضيعت أربعة سنين من عمرها و ما تمت قراية عشان قررت تعرس و الآن ندمانة إنو أخواتها كلهم معاهم شهادات و هي ما عندها

    أنا إتعلمت من القصص الزي دي...قررت أعرس بدري من سودانية تكون خلصت قرايتها و فرق السن بينا يكون متقارب.....أنا لمّن قررت أعرس كان عمري خمسة و عشرين سنة...ما كنت خلصت الزمالة و كان فاضل لي آخر جزء..جدي وقتها سألني ليه عايز تعرس و إنت لسه ما خلصت تخصصك، الدنيا طارت؟ و كلام كتير زي ده.....زوجتي إتعرفت عليها عن طريق ابن عمي يعني ما في بينا قصة حب في الجامعة و كلام من النوع ده.....لكن وقتها كنت نسبياً مكون نفسي و أهلي ساعدوني و قبل ما أكمل سبعة و عشرين سنة كنت عرست....زوجتي جامعية و أنا من الأول كنت واضح في إنو مستحيل أرتبط بواحدة غير جامعية أو ما عندها طموح...خلصت جامعة و كانت عايزة تعمل ماجستير لكن أمها رفضت و قالت ليها تعالي خشي معاي المطبخ أعلمك الطبيخ لأنو ده أهم ماجستير..طبعاً أمها عرست قبل ما تكمل جامعة و ده إمكن أهم العوامل في موضوع الزواج ده...الزول الأمه ما قرت جامعة أو عمرها ما إشتغلت بكون عادةً عايز يعرس واحدة ست بيت و متفرغة لخدمته...الزول الأمه شغالة بكون عايز واحدة شغالة و جامعية..بس طبعاً كل قاعدة عندها إستثنائات

    بعد العرس زوجتي قررت تقرأ..أمها قالت ليها ما تضيعي وقتك و حاولي جيبي أطفال بأسرع وقت..إحنا كنا إتفقنا إنو ما حنجيب أطفال في أول سنتين لحدي ما نعرف بعض كويس و نسافر و نشوف الدنيا و نمشي و نجي..في السنتين ديل أي زول سألنا ليه الحمل إتأخر و ليه ما جبتوا عيال و لازم تمشي تكشفوا قبل الوقت يتأخر..أي زول قلنا ليه إحنا متفقين ما نجيب عيال إلا بعد سنتين ما صدقنا

    المهم بعد ما جبنا عيال هي قررت إنها ما تشتغل لحدي ما العيال يكبروا و ده كان قرارها و أنا إحترمته

    فااااا شنو....المهم الإتفاق....ما عيب إنك تقول لمرتك ما عايزك تشتغلي طالما إنك فهمتها كده قبل الزواج...و برضو ما عيب إنو واحدة تقول أنا ما عايزة أشتغل و عايزة أقعد في البيت و ده ما بيعني إنها ما عندها طموح أو إنو راجلها ما بشجعها...الموضوع ده لو طلعوا منه الأهل و الأمهات و القرايب بيعمر

    ____________________
    منقووووول
                  

10-23-2014, 04:22 PM

محمد فضل الله المكى
<aمحمد فضل الله المكى
تاريخ التسجيل: 03-29-2008
مجموع المشاركات: 4846

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: احمد سيد احمد)

    .
    ,
    .
    الجِن بِتداوا ..... كعبه الإندِراوه !!؟؟
                  

10-23-2014, 04:43 PM

اميرة السيد

تاريخ التسجيل: 07-09-2010
مجموع المشاركات: 5598

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: محمد فضل الله المكى)



    يا احمد انا عاوزة اكمل ليك الجملة الفي عنوان البوست,,
    الرجل السوداني عادة لمن يجي يعرس بيكون.........( عميان)....
    الكلمة دي ما من عندي ولكن قريتها قبل كده في جريدة سودانية
    تنتقد تصرفات الرجل السوداني عند الزواج.... وانا قلتها ليك هنا في سبيل الدعابة فقط....
    ولكن المهم ان الموضوع مهم جدا جدا وبيتناول فعلا مشاكل حقيقية وواقعية وتحصل كل يوم
    والضحايا في النهاية هن البنات....
    ودمت بالف خير وصحة وعافية
                  

10-23-2014, 05:12 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: اميرة السيد)

    Quote: فااااا شنو....المهم الإتفاق
    تحياتي أحمد
    مافي الإقتباس هو الزبدة, حتى نموذج تجربة صاحب المقال قد لا ينفع مع آخرين لذا فكما قال : المهم الإتفاق

    شكرا أحمد على نقل المقال
                  

10-23-2014, 11:14 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 8199

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: محمد البشرى الخضر)

    Quote: والضحايا في النهاية هن البنات....

    غايتو يابت عبدالرحيم الرجال ديل تطير عيشتُن
    دايما مارقات نفسكن ضحايا ونحن الجلاد
    حتى نامن يموت زول فى الحِلة ساكت
    قبل لايعرفوه الميت مرة ولاراجل
    النسوان يقولن ليك ـ المات منو؟ ليييه مايقولن الماتت مِنىْ
    نان هى وكت جاء يعرِّسا رسَّل اخوهو اللصغر منّو؟ مالا
    ماكانت شايفا الصلعة؟
    ..............
    موضوع واعد وقابل للانفجار .. بس غتغت عليه مايشوفوهو
    ناس اسمارت وبت عمسيب ـ وطاتك اصبحت
                  

10-24-2014, 07:26 AM

Hani Arabi Mohamed
<aHani Arabi Mohamed
تاريخ التسجيل: 06-25-2005
مجموع المشاركات: 3514

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: عبدالعزيز الفاضلابى)

    وهي وقت وافقت عليه وهو عندو 49 سنة ...مشبراها وباراتها رفضت الشباب القدرها بحجة انهم ما جاهزين ولسع في بداية حياتهم؟

    طيب ...

    الشكية فوق كم ؟
                  

10-24-2014, 08:14 AM

محمد الجيلى
<aمحمد الجيلى
تاريخ التسجيل: 01-24-2009
مجموع المشاركات: 1363

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: Hani Arabi Mohamed)

    شفقتن تطير
                  

10-24-2014, 08:34 AM

Dania Elmaki
<aDania Elmaki
تاريخ التسجيل: 08-16-2007
مجموع المشاركات: 1503

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: محمد الجيلى)

    اريتني لو كنت راجل في السودان.

    سوقكم حار و الواحد مهما كان عولاق بيلقى البتعرسوا. ياخي انا بعرف واحد كاتل تلاته ارواح و لقى بنت قدر بناته عرسته. لي عودة
                  

10-24-2014, 09:29 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 24567

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: Dania Elmaki)

    Quote: واحد كاتل تلاته ارواح

    ثلاثة بس؟
    في واحدين كاتلين قرى عديييييل كل يوم بعرسو
    المصيبة سوقهم ماشي والجكس يبيع الشباب عشان خاطرهم
                  

10-24-2014, 11:50 AM

محمد فضل الله المكى
<aمحمد فضل الله المكى
تاريخ التسجيل: 03-29-2008
مجموع المشاركات: 4846

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: حيدر حسن ميرغني)

    >
    .
    Quote: [Q مهما كان عولاق بيلقى البتعرسوا.



    دي أحلى ( عولاق ) تمر علي !
                  

10-26-2014, 10:20 AM

الزبير بشير
<aالزبير بشير
تاريخ التسجيل: 08-11-2009
مجموع المشاركات: 1770

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: محمد فضل الله المكى)

    مشكور علي نقل المقال

    افرازات عهد الانقاذ

    الحاجه البتحير اقول ليك ما جبتو اولاد ، هو الاولاد بيجيبهم كيف
                  

10-26-2014, 06:55 PM

احمد سيد احمد
<aاحمد سيد احمد
تاريخ التسجيل: 01-23-2013
مجموع المشاركات: 1257

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الرجل السوداني عادةً لمن يجي يعرس بيكون.... (Re: الزبير بشير)

    السلام عليكم جميعا

    وشكرا ليكم على اثراء الموضع وبعثه من الركام

    انا ذاتي نسيتو هههههههههه

    ارجع اذاكرو واجيكم تاني
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de