|
Re: إنبهلت ...... (Re: ود الباوقة)
|
بطل التهريج يا ود الباوقة... قرفتنا الله لا يكسبك دنيا وأخرى.. وكمان بقيت زى القرد الجايبه معاوية..
الناس بتموت زى الجراد فى زمن الانقاذ.. وأت جاى تهضرب هنا فى حوش بكرى ؟
| |
|
|
|
|
|
|
Re: إنبهلت ...... (Re: nour tawir)
|
بطل التهريج يا ود الباوقة... قرفتنا الله لا يكسبك دنيا وأخرى.. وكمان بقيت زى القرد الجايبه معاوية..
الناس بتموت زى الجراد فى زمن الانقاذ.. وأت جاى تهضرب هنا فى حوش بكرى ؟.......... ...............ليه كدا بس يا نور
| |
|
|
|
|
|
|
Re: إنبهلت ...... (Re: nour tawir)
|
عمر الباسطة الوااااحدة دي؟ عصام عندو خبر؟ كان تجيب الفيديو داك بتاع الولية بتاعة المريسة والجراد. كان حيكون احسن من الباسطة
| |
|
|
|
|
|
|
Re: إنبهلت ...... (Re: ابو جهينة)
|
عشان يا ود الباوقة السودانيين وصلوا الحد.. وبقوا ما مستحملين الهبشة... من كتر أهانة الانقاذ الانت بتدافع عنها وتّروج ليها بشكل محموم.. أهانة جوة السودان وبرا.. هسى الحاصل لينا فى مصر دى ... طّير النوم من عين أى زول الا أت.. وقبل كدا اتفضحنا فى السعودية... والكويت.. وقبلها نيجيريا..الخ يعنى الا يختوها ليك عديييل ؟ أت الجايب لى روحك الهوا بدون أى مبرر. وكل يوم يلّطشووا فيك فى المنبر دا, قدام الله وخلقه.. وبرضوا ما فيش فايدة.. الجابرك شنو يا ود الباوقة ؟
بعيد من شغل المكاواة بتاعة المنبر.. أت لمن تخت راسك فى المخدة عشان تنوم... فى زمتك.. ضميرك ما بينهزك ؟
| |
|
|
|
|
|
|
Re: إنبهلت ...... (Re: nour tawir)
|
Quote: عشان يا ود الباوقة السودانيين وصلوا الحد.. وبقوا ما مستحملين الهبشة... من كتر أهانة الانقاذ الانت بتدافع عنها وتّروج ليها بشكل محموم.. أهانة جوة السودان وبرا.. هسى الحاصل لينا فى مصر دى ... طّير النوم من عين أى زول الا أت.. وقبل كدا اتفضحنا فى السعودية... والكويت.. وقبلها نيجيريا..الخ يعنى الا يختوها ليك عديييل ؟ أت الجايب لى روحك الهوا بدون أى مبرر. وكل يوم يلّطشووا فيك فى المنبر دا, قدام الله وخلقه.. وبرضوا ما فيش فايدة.. الجابرك شنو يا ود الباوقة ؟
بعيد من شغل المكاواة بتاعة المنبر.. أت لمن تخت راسك فى المخدة عشان تنوم... فى زمتك.. ضميرك ما بينهزك ؟
نور تاور |
الله ينور عليك محل ما تقبلي يا نور
| |
|
|
|
|
|
|
Re: إنبهلت ...... (Re: جمال ود القوز)
|
ود الباوقه .. ها الاسد .. خبارك.. لسع حارس البكان ده.. عفيت منك طب. شوقنا بحر ليك ولود الصايم معاويه العامل رايح.. وللجميع مودتي.. مانعانا القرايه أم دق والغربة الإجبارية.. على أمل العودة قريباً.
| |
|
|
|
|
|
|
Re: إنبهلت ...... (Re: ود الباوقة)
|
اسماعيل : حصلنا على دعم مالى من السعودية..نتوقع مزيدا من الانخفاض فى سعر العملات لتحسن علاقاتنا مع دول الخليج
10-21-2014 11:16 PM
أ ش أ كشف الوزير بالمجلس الأعلى للاستثمار بالسودان مصطفى عثمان إسماعيل، عن حصول السودان على دعم مالى سعودى عقب الزيارة التى قام بها أخيرا الرئيس السودانى عمر البشير إلى المملكة العربية السعودية، قائلا "إن تلك الزيارة أفلحت فى عودة العلاقات بين البلدين لمجراها الطبيعي". وقال إسماعيل فى تصريحات صحفية اليوم الثلاثاء إنه تم الاتفاق على التزامات بين الدولتين فى الجانب السياسى والاقتصادى، مؤكدا أن الاقتصاد السودانى سيشهد تحسنا خلال الفترة المقبلة، ولافتا إلى أن التحسن سيمضى بالتدرج. وتوقع الوزير السودانى مزيدا من الانخفاض فى سعر العملات الأجنبية مقابل الجنيه، مشيرا إلى أن الانخفاض النسبى الحادث فى سعر الدولار مقابل الجنية، ليس مؤقتا كما رآه البعض، وعزا ذلك لتحسن علاقات السودان مع السعودية والإمارات والكويت والبحرين.
| |
|
|
|
|
|
|
Re: إنبهلت ...... (Re: ود الباوقة)
|
Quote: وكل يوم يلّطشووا فيك فى المنبر |
اشك ان هذا اسلوب اخت في المنبر
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كلمة يلطشوا فيك اخر مرة سمعتها في سوق عناقريب السجانة
زمااااااان
| |
|
|
|
|
|
|
Re: إنبهلت ...... (Re: ود الباوقة)
|
الذيذ من تفاح الباوقة شايف مشاركاتك تجاوزت 3.6000 مشاركة اجمعهم فى كتاب لو فيهم ما يفيد !!!! بس ما يكون كلهم من النوع ده (إنبهلت) ونوع البوست الفتحتو وفتحت منو ............................................. الاقتصاد الببهلوا الانتاج الكلام ده طالب اولى ابتدائى بعرفوا
تنبهل من وين ؟؟؟؟؟؟؟ نناقش ولا حتفرح من زى القبلوا
| |
|
|
|
|
|
|
Re: إنبهلت ...... (Re: عبدالرحمن يسن حسين)
|
ملاحظة اولى يالذيذ
اى بوست فتحتو بلقى لبك تكرار المشاركة (والحسابه بتحسب ) زيادة عدد مشاركات هنا تكرر ثلاث مرات مشاركة واحدة (للجميعابى ) راجع
ملاحظة تانية انتقى مفردات مناسبة بحجم الموضوع (إنبهلت) (ماسورة ) وهكذا
ده عشان (حب فى الله)
وبجيك للبهله الاقتصادية لامن تكون فاضى وعندك زمن لى وللنقاش فى رعاية الرحمن
| |
|
|
|
|
|
|
Re: إنبهلت ...... (Re: ود الباوقة)
|
Quote: اسماعيل : حصلنا على دعم مالى من السعودية |
ودى حاجة مفرحة يعنى ! انتو ما بتستحوا ما سمعتوا واليد العليا خير من اليد السفلى حتشحدوا وتمدوا قرعتكم كدا لى متين ؟
| |
|
|
|
|
|
|
Re: إنبهلت ...... (Re: يوسف أبو صالح)
|
إتا يا عمر ما سوداني ؟ ما قاعد تمشي إجازات ؟ ما بتشوف أهلك و جيرانك و ناس حلتك و الحال الوصلو ليهو ؟ ما بتشوف ناسكم السراقين و المختلسين ؟ و لا إنت بتجي كل يوم تهرجل بي كلام لزوم الونسة بس ؟
الله يعينك يا عمر على مصيبتك الإنت فيها .
| |
|
|
|
|
|
|
Re: إنبهلت ...... (Re: kamal omer)
|
والله الا يكون اسهال :)
اتق الله في نفسك يا باوقشن
دعوات الناس كسرت سيدك عمر البشكير وخلتو محبوس في السودان ذي الجرذ وكلو امراض
وانت ما حمل الدعوات دي , واستفزازك للناس والله بتلقاهو قريب .. انتبه انت في خطر عظيم
خليت نور تاور الزولة الرائعة دي تنفعل وتغضب شوف في كم نور تاور
غايتو الله يعينك على نفسك الامارة بالسوء
وماتسمع كلام الناس البقولو ود الباوقة ما فاحش ولا بذئ , والله ما في فحش ولا بذاءة اكتر من استفزاز المساكين والغلابا
واسر الضحايا ضحايا سيدك القاتل البشير , وومشردي الخدمة المدنية الخربتو بيوتم , والارامل والايتام
وديل دعواتم مافي حجاب بينا وبينا ربنا
كسرت سيدك خلتو ذي الملدوغ يمشي ذي فرامة الخدرة
ثم ثانياً الجاهل الاسمو مصطفى عثمان دا شايف انو الشحدة بتسند ليها دولة ؟
والسعودية البشحدوها دي مش كانوا بنبزوها لما كان الطبال يونس محمود في اذاعة امدرمان
بصف الملك فهد بانه الفهد الذي ترعر في ايدي الامريكان ؟
والله نظامكم دا العاهرة اشرف منو بمراحل , ولا مقارنة
| |
|
|
|
|
|
|
Re: إنبهلت ...... (Re: خضر الطيب)
|
ألأخ/ودالبوقة السلام عليكم..يا أخى من حقك تكتب زى ما تكتب هو السودان ده حقنا برانا ما إنت واحد منو..لكن قول المعقول والظاهر...العملة الصعبة لو نزلت بديل أدونا قروش وديل دعمونا حا تطلع ثانى وحاتكون فترة مؤقته فقط وهذا ليس دليل عافية..
Quote: كتبت الاخت نور تاور
Quote: قرفتنا الله لا يكسبك دنيا وأخرى.
واردفت
Quote: وكمان بقيت زى القرد الجايبه معاوية..
|
ألأخت نور تاور السلام عليكم ..هذا ليس أسلوبك المعهود فى الطرح والحوار.........ما عهدناكى هكذا......
ألأخ/خضر الطيب السلام عليكم وأحسن الله عزائكم فى الوالد مرة ثانية...
Quote: اتق الله في نفسك يا باوقشن
دعوات الناس كسرت سيدك عمر البشكير وخلتو محبوس في السودان ذي الجرذ وكلو امراض وانت ما حمل الدعوات دي , واستفزازك للناس والله بتلقاهو قريب .. انتبه انت في خطر عظيم
خليت نور تاور الزولة الرائعة دي تنفعل وتغضب شوف في كم نور تاور
غايتو الله يعينك على نفسك الامارة بالسوء
|
إنتوا يا جماعة بتشوفوا كيف؟؟ألأخ/ودالباوقة ما بستفز شخص دى حاجات مقتنع بها يبقى ربنا ما بحاسبوا عشان هو ما متعمد يأذى أحد..كيف نقبل الطرف ألأخر دى مهمة...
بعدين البخط ألأحمر دى ..هل دعاء كل الناس هو الوصل البشير للحتة دى بس يبقى دعانا ما صادق ده كان مفروض ينعدم من الوجود خالص
ربنا هو الذى يسير ألأمور ودعاء بعض الناس مردود لهم ما نبقى نتعلق فى حاجات ساى وربنا قادر على تصريف ألأمور.....حقوا الناس ما تنفعل ساى وربنا يصلح حال الوطن والشعب الصابر على القهر والجوع والبلاء.....تحياتى للجميع.
| |
|
|
|
|
|
|
Re: إنبهلت ...... (Re: ismeil abbas)
|
ود الباوقة سلام
Quote: كشف الوزير بالمجلس الأعلى للاستثمار بالسودان مصطفى عثمان إسماعيل، عن حصول السودان على دعم مالى سعودى عقب الزيارة التى قام بها أخيرا الرئيس السودانى عمر البشير إلى المملكة العربية السعودية، |
شئ مؤسف أن يعتمد السودان على الشحدات الخارجية لتسيير عجلة الإقتصاد وبعدين قروش الشحدة دي زي المخدر تزول بزوال المؤثر وحترجع حليمة لقديمها
| |
|
|
|
|
|
|
Re: إنبهلت ...... (Re: ود الباوقة)
|
اسماعيل : حصلنا على دعم مالى من السعودية ..
يخسيييييييييييييييييييييييييييييييييييييييييييييي ... والله فعلاً الإختشو ماتو .. بالله عليكم دي حاجة الواحد بفرح ليها ولا بصرح بيها ؟؟؟ شابكننا نأكل مما نزرع ونلبس مما نصنع ...!! وقرعتكم طول السنة ممدوه تشحدوا في الدول وفي رجال الأعمال .. ما خليتو قطر والسعودية والأمير الوليد بن طلال .. الخ
عالم ما بتختشي ولا بتحس أعوذ بالله ..
| |
|
|
|
|
|
|
Re: إنبهلت ...... (Re: محمد العامري)
|
Quote: ألأخ/خضر الطيب السلام عليكم وأحسن الله عزائكم فى الوالد مرة ثانية...
Quote: إنتوا يا جماعة بتشوفوا كيف؟؟ألأخ/ودالباوقة ما بستفز شخص دى حاجات مقتنع بها يبقى ربنا ما بحاسبوا عشان هو ما متعمد يأذى أحد..كيف نقبل الطرف ألأخر دى مهمة...
بعدين البخط ألأحمر دى ..هل دعاء كل الناس هو الوصل البشير للحتة دى بس يبقى دعانا ما صادق ده كان مفروض ينعدم من الوجود خالص
ربنا هو الذى يسير ألأمور ودعاء بعض الناس مردود لهم ما نبقى نتعلق فى حاجات ساى وربنا قادر على تصريف ألأمور.....حقوا الناس ما تنفعل ساى وربنا يصلح حال الوطن والشعب الصابر على القهر والجوع والبلاء.....تحياتى للجميع. |
بارك الله فيك اخي اسماعيل عباس , وجزاك الله كل خير و لا اراك الله مكروهاً في عزيز
لا اشك بانك تتفق معي بأن دعوة المظلوم ليس بينها وبين الله حجاب , و المظلومين في السودان او خارج السودان كثر
ليس مقياس اذا كانت هذه الدعوات قد صادفت لحظة استجابة او لم تصادف
ولكن في النهاية تظل دعوات تظلم من متضررين من هذا النظام الفاسد الجائر
اذا كان عمر عبد القادر ود الباوقة انتمى لهذا النظام عن قناعة وهو عقائدي كما تعتقد , لماذا لم نراهو في الصفوف الامامية مقاتلاً في صفوف ما يسمى بالدفاع الشعبي و الدبابين مثل اساسي الذي لم ينكرها و اعترف بانه كان مخدوعاً و ما اسهل خداع البسطاء
على حسب اعتقادي هو مجرد منتفع من هذا النظام وما اكثر امثاله , فالرجل معروف تاريخه ( شعب اي حكومة ) تاريخه يقول بانه وخلال فترة وجوده في العراق كان ينتمي لحزب البعث
هل نعتبر تلك الفترة كانت قناعاته بان حزب البعث هو الحزب الصادق والذي شكل قناعاته ؟
هو بلاشك وحسب تقديري مجرد منتفع من تلك الانظمة
| |
|
|
|
|
|
|
Re: إنبهلت ...... (Re: ود الباوقة)
|
كتب السيد عز الدين الفحل ...
" ليس من الحكمة وجود الشقاق بين السودان و المملكة السعودية "
ونسأله : هل من الحكمة أن تبادر الإنقاذ المملكة بالعداء ؟؟ .. وتكيل لهم السباب والشتائم فيما كان يعرف بالحديث السياسي الذي تألق فيه الرائد يونس ونجح نجاحاً باهراً في تدمير العلاقات بين السعودية والسودان .. هل من الحكمة أن تطعن الإنقاذ المملكة في خاصرتها وتأتي بسفن الأسطول الإيراني لتتجسس وتتحسس على الأمن السعودي من البحر الأحمر ؟؟؟؟؟؟
(مالكم كيف تحكمون ) ؟؟ السعوديون ليس بهذا الغباء ..! وما أدخلته الإنقاذ في نفوس السعوديين لن يمحوه الدهر ..!! لذا كل من يعتقد بأن العلاقات السعودية السودانية سوف تعود علاقات طيبه فهو واهم .. واهم
| |
|
|
|
|
|
|
Re: إنبهلت ...... (Re: عزالدين عباس الفحل)
|
قال عز الدين الفحل " السياسة كر وفر "
يا شيخنا السياسة كر وفر ده مبدأ يتم تطبيقه مع الدول الأعداء ، لكن السعودية دولة مسلمة ومسالمة وفي حالها فلماذا يتم معها اتباع هذا الأسلوب ؟؟ والمشكلة أنو جماعتنا هم البدأوا بهذا العداء ..!! بس مشكلتهم ما كانوا حاسبنها صاح بسبب ضيق الأفق السياسي وما كانوا حاسبين حسابهم لي يوم بكرة لما إمشوا للسعودية مادين قرعتهم ..!!
شيخنا ... الدخلتها الإنقاذ في السعودية ما بتطلع ....!! بطلوا الجقلبة والنفاق السياسي والهرجلة المكشوفة ، كلام علاقات أزلية وبطيخ ده ما عاد بأكل عيش حكومتك بدأت بوش القباحة والبادئ أظلم ...
| |
|
|
|
|
|
|
Re: إنبهلت ...... (Re: عبدالرحمن يسن حسين)
|
= مصطفى عثمان اسماعيل سبق وصرح في العام 2012 في الفيديو أدناه بأن مداخيل السودان من تصدير الذهب سوف تصل إلى أربعة مليارات من الدولارات أي بما يوازي المبلغ التي كان يفترض أن تذهب للخزينة العامة من أموال النفط قبل فصل الجنوب ولكنها اختفت داخل مغارة علي بابا و كروش أهل "الإنقاذ" .
/english.cntv.cn/program/newsupdate/20120321/106496.shtml
دعك من المساعدات السعودية والقطرية وأموال الإغاثات أين تبخرت أموال البترول إذا كانت كل السدود والكباري وغيرها من منشآت تم تمويلها بقروض أجنبية ربوية وبأقسى أنواع الفوائد؟
وفي حوار شهير مع الراحل غازي سليمان اُجري معه في العام 2012 قال (أن إسحق أحمد فضل الله أخبره بأن حجم المال المنهوب من المصارف بلغ (250) مليار جنيه سوداني، بينما كان العجز في الموزانة وقتها (25) مليار جنيه فقط، بما يعني أن الحكومة اذا كانت جادة في جمع هذه الأموال المنهوبة من المصارف، لما كان هنالك عجز في الموازنة العامة).
وأضاف غازي: (أن الذين نهبوا هذه الأموال لايزيد عددهم عن (25) شخصاً كلهم ينتمون إلى المؤتمر الوطني).
كفاكم انبهالاً وانهبالاً في الاستخفاف ... .. .
| |
|
|
|
|
|
|
Re: إنبهلت ...... (Re: الصادق عبدالله الحسن)
|
سلام ود الباوقة....
(. شئ مؤسف أن يعتمد السودان على الشحدات الخارجية لتسيير عجلة الإقتصاد وبعدين قروش الشحدة دي زي المخدر تزول بزوال المؤثر وحترجع حليمة لقديمها ) شكرًا الأخ سفيان.. ود الباوقه الحرامي التلب لشيخ حسبو سرق 300 مليون من بيت واحد بس!!!! نحن كان ختينا اللصوص ديل ما بنشحد ولا بنمد قرعتنا للسعودية.... كلام مخجل جدا مع الأسف الشديد....
| |
|
|
|
|
|
|
Re: إنبهلت ...... (Re: nour tawir)
|
Quote: فلا تشتكى مرة أخرى حينما ترتد اليك بضاعة الانقاذ الخاسرة.. |
الاخت نور
انا لم اشتكي
ولكن اردت التهذيب في الرد فقط لا غير
مع التحية
| |
|
|
|
|
|
|
Re: إنبهلت ...... (Re: ود الباوقة)
|
ود الباوقة كان همه كله يشغلكم عن ذكرى 21 اكتوبر
عشان كده كل يوم بيجب ليه كلام هو زاتو ما مقتنع بيه يرميه لينا ويتخارج.
ما هو كله جهاد ....
امال المسلمي بيقول ليه (المجاهد ود الباوقة) في شنو...
| |
|
|
|
|
|
|
Re: إنبهلت ...... (Re: nour tawir)
|
=
مصطفى عثمان اسماعيل سبق وصرح في العام 2012 في الفيديو أدناه بأن مداخيل السودان من تصدير الذهب سوف تصل إلى أربعة مليارات من الدولارات أي بما يوازي المبالغ التي كان يفترض أن تذهب للخزينة العامة من أموال النفط قبل فصل الجنوب ولكنها اختفت داخل مغارة علي بابا و كروش أهل "الإنقاذ" .
/english.cntv.cn/program/newsupdate/20120321/106496.shtml مليارات الوزير المنبهلة وتصريحات الوزير الأكثر إسهالاً وانهبالاً في الجزء الأخير من الفيديو المبثوث في العام 2012.
وحسناً أن كل التصريحات عن (تمزيق الفواتير) وشعارات (نأكل مما نزرع) تبخرت في الهواء وأصبح الشعار هو (نأكل مما ننتسول) بعد أن أصبح طوق نجاة اقتصاد السودان هو المساعدات والإعانات السعودية وأموال الإغاثات القطرية.
فأين تبخرت عشرات مليارات الدولارات حصيلة ريع البترول إذا كانت كل السدود والكباري وغيرها من منشآت تم تمويلها بقروض أجنبية وبأقسى أنواع الفوائد الربوية؟
وفي حوار شهير مع الراحل غازي سليمان اُجري معه في العام 2012 قال (أن إسحق أحمد فضل الله أخبره بأن حجم المال المنهوب من المصارف بلغ (250) مليار جنيه سوداني، بينما كان العجز في الموزانة وقتها (25) مليار جنيه فقط، بما يعني أن الحكومة اذا كانت جادة في جمع هذه الأموال المنهوبة من المصارف، لما كان هنالك عجز في الموازنة العامة).
وأضاف غازي: (أن الذين نهبوا هذه الأموال لايزيد عددهم عن (25) شخصاً كلهم ينتمون إلى المؤتمر الوطني).
كفاكم انبهالاً وانهبالاً في الاستخفاف ... .. .
| |
|
|
|
|
|
|
Re: إنبهلت ...... (Re: nour tawir)
|
شكراً اخت نور على ألاستجابة وده من أصلك الطيب..أتمنى أن يسود الود وألأحترام بيننا جميعاً وأن نتحاور بأدب نختلف أو نتفق نظل إخوة.
| |
|
|
|
|
|
|
Re: إنبهلت ...... (Re: محمد حمزة الحسين)
|
وزير الزراعة والري: زراعة 50 مليون فدان سابقة لم يشهدها التاريخ القريب فى السودان
اعلن المهندس ابراهيم محمود حامد وزير الزراعة والري ان السودان زرع فى العروة الصيفية اكثر من 50 مليونا من الافدنة الزراعية لم يشهد التاريخ القريب مثلها مقارنة بمتوسط الخمسة اعوام الماضية والتى بلغ متوسط زراعتها ال37 مليون فدان . وأوضح فى تصريحات ادلى بها صباح اليوم لبرنامج (مؤتمر اذاعي) بثته اذاعة ام درمان أن الموسم الزراعى الصيفى كان غير مسبوق فى مستوى كمية الامطار وتوزيعها
| |
|
|
|
|
|
|
Re: إنبهلت ...... (Re: ود الباوقة)
|
مشيدا ومحييا كل الذين ساهموا فى التحضير الجيد سواء بتوفير المدخلات الزراعية من وقود وتقاوى وأسمدة على مستوى السودان شملت كل الجهود الرسمية والشعبية التى بذلت والتى مكنت من زراعة مساحات لم يشهد التاريخ القريب مثيلا لها . و قال ان التقديرات الاولية تشير الى انتاج ما يقارب 7ملايين طن ذرة مقارنة بأنتاج مليون واحد متوسط الخمسة اعوام التى مضت مضيفا بأنه تمت زراعة اكثرمن 7 ملايين فدان سمسم و5 ملايين ونصف المليون فدان فول سوداني
| |
|
|
|
|
|
|
|