|
يابكري ده بيت كل السودانيين خلينا نساهم معاك
|
بكري ان شاءالله دايما بيتك وقلبك مفتوح لكل السودانيين بكل الوانهم وسحناتهم واتجاهاتهم السياسية شكرا لك للم شمل كل السودان في العالم وربطهم بوطنهم واهلهم وحقيقة المنبر هو قهوة الصباح وجريدة الصباح وصالونك جميل ومكيف واول ماتخش تشعر بي راحة واستجمام لكن فجاة يجوك اطفال الجيران خاشين وهاك يا ازعاج شي كورة وشي قيم تكنولوجي وشئ موسيقى ازعاج شديد يطيروا ليك فرحة دخولك المنبر في راسك الشفع ديل هي الاعلانات المزعجة جدا طبعا هناك رسسوم سنوية لحجز المساحة اقتراح عايزين نساهم بدل تدفع انت كل سنة من جيبك كفاية جدا انك فاتح البيت كل سنة يدفع الاشتراك بعض الاعضاء كمنطقة السنة دي مدني بعديها ناس كوستي الوقفو ليهم بيع الشارع ناس المنطقة الشرقية على ان يكون شامل حجب الاعلانات هل من مثني ؟
|
|
|
|
|
|
|
|
Re: يابكري ده بيت كل السودانيين خلينا نساهم معاك (Re: عادل خياري)
|
صباحاتك بيض اخي عادل خياري .. اها اول ما قلتا دفع الجماعة يتاوقو ويزوغو هههههههه اقتراحك جميل واعتقد انو فعلا حيحل مشكلة الإعلانات "الما في محلها دي" .. لكن الدعايات دي برضو مهمة لتقييم المنتدى وكل تسجيل دخول مهم لعمل Optimization ..
عايزين اقتراحات تانية يا حبيب ..
| |
|
|
|
|
|
|
|