|
|
 الراجل العديل والزين ,, ما بشتم النسوان ,, ( قصيدة )
|
الزول العديل والزين
الزول العديل والزين ما بشتم النسوان
لا بقول كلام يخدش ,, لا بجرح الاخوان
كلامو ليك درر .. تلقاهو زول فنان
*****
والراجل الشكال ,, تحلف تقول ده كديس
حاشاهو ماهو حسيس ,, فرحان كأنه عريس
تلقاهو ديما يسب ,, وفي نظرو هو القديس
*****
الراجل الشافع ,, نجاض كلام لاذع
لانه العوير شافع ,, وكلامو ما نافع
ولي امو ما شافع
معقولا يا راجل ؟
رجالة بالقوة ؟؟؟!!!,
****
البشتم القوارير .. يا ناس عديل ده عوير
تلقاهو ناقص دين ,, وفي الحوبا ما هو جدير
خشمو الزفر بصلة,, مائع كما الجرجير
****
الرجالة زاتها طبع ,, ما بدفعوها دفع
لا عمله بالدولار ,, لا شتيمه لا بوبار
*****
عاوز تشيل حالي ؟!!
بي عقلك الخالي .. شقلت افكاري !!
****
الراجل الصنديد تلقاهو ديما همام ,,
والداهو امو تمام
في قلبو نور واسلام .. وفي نضمو ذوق وكلام
جنتيل عديل يا سلاااااااااام
***
بت علي
(عدل بواسطة عواطف علي on 04-24-2014, 08:38 AM)
(عدل بواسطة عواطف علي on 04-24-2014, 08:46 AM)
|
|
 
|
|
|
|
|
|
|
 Re: الراجل العديل والزين ,, ما بشتم النسوان ,, ( قصيدة ) (Re: سيف النصر محي الدين)
|
سلاااام
ما لي غرض بالديانات الاخري ,,
لهم دينهم ولي دين ,,
خلي اصحاب دياناتهم يعملو ليهم قصائد علي حسب ديانتهم
لاني سودانية مسلمه ,,
الديانات والاجناس الاخري لا يفهمون لغتنا الدراجة ولا نفهم دارجيتهم ,,,
لهم لهجاتهم ولنا لهجتنا السودانية التي نعتز بها ونعبر بها ,,
هههههههههههه
لك التحايا والاحترام ,,,
(عدل بواسطة عواطف علي on 04-24-2014, 09:09 PM)
| |
|
|
|
|
|
|
|
|
 Re: الراجل العديل والزين ,, ما بشتم النسوان ,, ( قصيدة ) (Re: عواطف علي)
|
Quote: الديانات والاجناس الاخري لا يفهمون لغتنا الدراجة ولا نفهم دارجيتهم ,,,
لهم لهجاتهم ولنا لهجتنا السودانية التي نعتز بها ونعبر بها ,, |
أعتذر للقراء والاعضاء وخصوصًا "سوداني عجوز" (عمنا أرنستو) ... فأنتم منّا ونحن منكم ... وهذا الكلام لا يعبّر عن كل المسلمين السودانيين ...
... المهم ....
| |
|
|
|
|
|
|
|
|
Re: الراجل العديل والزين ,, ما بشتم النسوان ,, ( قصيدة ) (Re: عواطف علي)
|
بت علي سلام،
الكلام جملة كله حكم ونصائح ووصايا،
خلينا نفصل بعض العبارات:
1/ | Quote: لا بقول كلام يخدش ,, لا بجرح الاخوان |
1/ في كلام كبااااااااااااااااااار،
واحدين عادنو ذوق راقي ورفيع، و واحدين حاسبنو كلام جارح و خادش للحياء!
ما في اتفاق على هذه النقطة.
2/ Quote: تلقاهو ديما يسب ,, وفي نظرو هو القديس
|
2/ في سب وشتم ، وفي رد السب ورد الشتم!
3/ Quote: لانه العوير شافع ,, وكلامو ما نافع
|
3/ أها الكلام المانافع ده نعرفو كيف عشان نقول الزول داااااااااااااااااااك عوييييييييييييييييييييييييير وكلامو ما نافع!
4/ Quote: البشتم القوارير .. يا ناس عديل ده عوير
|
4/أها دي بالذات في الأسافير إثباتها صعب...
في قوارير بكتبن كلام تحلفي تقولي رجال،
الأسماء حقت قوارير ما فيها شك،
لكن الأسلوب بتاع رجال وبدون أدنى شك!
فمن الصعب التأكيد بأن الكاتب يتبع لجنس الإسم!
تحياتي وتقديري للمسمية نفسك بت علي .
| |
|
|
|
|
|
|
|
|
|
Re: الراجل العديل والزين ,, ما بشتم النسوان ,, ( قصيدة ) (Re: قصي محمد عبدالله)
|
سلام ,,
الاخ قصي ,,
ده شعر حلمنتيشي
الشعر الحلمنتيشي فيهو الكلام الدارجي ,,
رائك شنو في القصيدة دي ؟
اختلاف الراي لا يفسد للود قضية ,,
كوز السجم
انشاء الله يا كوز .. كل قروشك تنسرق ماتنفعك
تاريك تبلع في البلد وما في شيتن يمنعك
إنشاء الله يا كوز السجم بطنك الممدود
هناااااك يترتعك
القاك واقع في الزلط وما ارفعك
واللوري جاري ,, ومن هناك بلا فرامل يدرشك
سواقو عدمان القرش .. ومن الغضب ما يرحمك
ونسوانك القاعدات هناك من الشبع ,,
لا تلقا فيهن واحدي تبكي تودعك
إنشاء الله يا كوز السجم ,, قروشك المسروقة دي ,,
ماتنفعك
كوز السجم ,, حتي الحمار شافك عدييل
دون إحترام
شحد الله زاااتو يكسرك
شافك بدون إحساس تعيش والسرقة عاااادي بتسعدك
زاتو الحرام غاطس هناك في كرشتك
ما قالو ليك عشيتك حرام ؟!
حتي الحمار
ما إحتج قــام .. جدع السرج ومرق اللجام
عشان يساعدك يرفعك ..
عارفك سجم عارفك رماد خارب البلد
حتي البشاكير تدعمك
بشكيرك المليان رماد .. بي ######و زااتو يرقصك
وزير دفاعك بالنظر ما حتي فكر ينقذك
والله ياكوز السجم حاسدك عديل
كل الشباب سابو البلد .. شالو الشهادات هاجروا
وخير البلد ,, لاميهو كلو في كرشتك
وعلى العليك دمك تقيل
كل الشعوب دي بتكرهك
تفكير بليد وأكل الحرام ما بنفعك
إنشاء الله حوتا يبلعك
وتمساح كبير ومن البراري يقرمشك
كوز السجم خليني اسرح بالخيال
واشوف رئيس بدل الكديس
يحمي الوطن وأديك مضاعف مكسبك
علشان تشوف كسب الحلال وحلاتو كيفن تنفعك
لا كنته تغرق في الديون
لا نار جهنم تلسعك
لو انته جربته الحلال
وكان أبيت ....
نارا سعيرا تحرقك
بت علي
دي برضها من الاشعار الحلمنتيشية ,,
لدي الكثير والكثييير من الاشعار الحلمنتيشية وعندها معجبين كتااااااااااااااار رائك شنو ؟
لو لا اختلاف الاراء ,, لبارت الاشعار الحلمنتيشية هههههههههههههههههههههههههههههههههههههههههه
احترم رائك ,,
لك التحايا والاحترام ,,
(عدل بواسطة عواطف علي on 04-26-2014, 01:34 AM)
| |
|
|
|
|
|
|
|
|
|
Re: الراجل العديل والزين ,, ما بشتم النسوان ,, ( قصيدة ) (Re: عواطف علي)
|
انحطاط ( كوز ) !!!!!!!!
عندما ينحط كوز السجم !!
انا بت مهيرة ابلغ قلم .. ووجودك الناقص رقم
شوفته القلم ؟؟ شايفه القلم خلاك بلم
( كوزا ) بليد ينطح شديد زي الغنم
الانحطاط اسلوبك العدمان فهم
الانحطاط الانحطاط ظاهر عليك .. ما شايفو في اسلوبك علم ؟
اسلوبك العدمان قيم ؟
ابعد بعيد قبال اشوتك بالقلم
شوفته القلم ؟؟ شايفه القلم خلاك بلم
والانحطاط مافي القلم ,, الانحطاط داخل عديل ,,
في تفكيرك المليان وهم
الانحطاط مافي القلم ,, الانحطاط في فهمك المليان سجم
و عقلك العدمان فهم .. بشوتو بي جرة قلم
انا بت مهيرة ,,
وانت السجم ,,تعبان شديد ,, قلة فهم
الانحطاط مافي القلم .. الانحطاط في فكرك المليان سجم
راسك المفلس وهم .. وجودك الناقص رقم
عواطف علي
دي برضها من اشعاري الحلمنتيشية ,, هههههه ولها معجبين كتاااااااااار
اخي قصي ,,
احترم رائك ,,
اختلاف الراي لا يفسد للود قضية ,,
لك التحايا والاحترام ,,,
(عدل بواسطة عواطف علي on 04-26-2014, 01:30 AM)
| |
|
|
|
|
|
|
|
|
 Re: الراجل العديل والزين ,, ما بشتم النسوان ,, ( قصيدة ) (Re: عواطف علي)
|
بت مهيرة سلام وتحية
Quote: انحطاط ( كوز ) !!!!!!!!
عندما ينحط كوز السجم !!
انا بت مهيرة ابلغ قلم .. ووجودك الناقص رقم
شوفته القلم ؟؟ شايفه القلم خلاك بلم
( كوزا ) بليد ينطح شديد زي الغنم
الانحطاط اسلوبك العدمان فهم
الانحطاط الانحطاط ظاهر عليك .. ما شايفو في اسلوبك علم ؟
اسلوبك العدمان قيم ؟
ابعد بعيد قبال اشوتك بالقلم
شوفته القلم ؟؟ شايفه القلم خلاك بلم
والانحطاط مافي القلم ,, الانحطاط داخل عديل ,,
في تفكيرك المليان وهم
الانحطاط مافي القلم ,, الانحطاط في فهمك المليان سجم
و عقلك العدمان فهم .. بشوتو بي جرة قلم
انا بت مهيرة ,,
وانت السجم ,,تعبان شديد ,, قلة فهم
الانحطاط مافي القلم .. الانحطاط في فكرك المليان سجم
راسك المفلس وهم .. وجودك الناقص رقم
عواطف علي
دي برضها من اشعاري الحلمنتيشية ,, هههههه ولها معجبين كتاااااااااار |
بغض النظر عن نوعية القصيدة،
تقفي العبارات( جعل قافية) ليس من الشئ السهل،
و لأن كل كلمة لها مرادفات عدة...
فاختيار المناسب لكل عبارة أيضا ليس بالأمر الهين!
هذا بغض النظر عن جلب كلمات أخرى،
وتحوير كلمات من حروف إلى أفعال ومن صفات إلى ظروف..
أيضا أمرا في غاية الصعوبة والحساسية.
نعود للقصيدة......
والتي بلاشك كل بيت فيها يحكي عن قصة مريرة بحسب رؤية بت مهيرة!
نعود...
بت مهيرة تشوفها قصيدة حلمنتيشية!
الكوز بشوفها ذم!
حزب آخر بشوفها مرة فخرلهم، ومرة هجاء للكوز ، ومرة حسرة لعازة!
راي:
اقتراح تعديل بسيط لتصبح كالآتي:
ابعد بعيد قبال أشوتك ألم..
بتعرف الألم ؟؟ شايفه الألم خلاك صنم
هههههههه
بالمناسبة :
كيف ينحط الكوز وهو أصلا(بحسب رأيك) سجم؟
لأن...
ناس الرياضيات بقولوا سالب في سالب بموجب،
يعني انحطاط السجم رقي ورفعة!
المهم:
منتظرين قصيدة حلمنيشية أخرى( على حد قولك) في حزب آخر...
ليس بالضرورة المدح أو الذم...
فهما رؤيتان يحددهما المؤلف...
قبل التحية والتقدير:
ما هو الكوز؟ نتمنى تعريف بسيط من خلاله نميز بين الاشخاص،
تعريف لا ينتهي بانتهاء الشخصيات المعروفة،
ولكنه يبقى علامات نعرف بها الكوز حتى وإن تخفى في حزب آخر!
تحياتي وتقديري...
| |
|
|
|
|
|
|
| |
مني عمسيب
سيف النصر محي الدين
تبارك شيخ الدين جبريل
فيس بوك
تويتر
انستقرام
يوتيوب
بنتيريست