|
|
 الندية المفرطة ...
|
قيل في الاثر
ادي العجين لخبازو ولو ياكل نصو
وفي رؤاية (الرغيف )
بس نقول شنو
|
|
 
|
|
|
|
|
|
|
|
Re: الندية المفرطة ... (Re: الجنيد حمد)
|
الدكاترة يالستة
ايام التطعيم وما ادراك ما التطعيم
بتجي عربية المحلية لافة بفوق الحلال وفيها مكرفون (بشخشخ) وبتلقى الزول التكلم فيه (عرقو يتخلت)
وشغال يكورك طعم طفلك ضد (السحائي الشلل السعال الديكي السل الملاريا الدفتيريا التتنس الدوسنتاريا ....الخ (امراض)
شخصياَ بمشي اتطعم عشان المصل بتاع السحائي خاتنو في حافظة زي بتاعة الداندرمة (جادي )
ما علينا زي ما قالت الفنانة ديك
الصباحية كدي والحروم مارقات يفزعن للويقود والفزع الصباحي بكون في الحالات الطارئة يعني امس العصير كان في موت
فجائي لزول كده. وفجائي دي يعني عمرو فوق للمائة وراقد في الاسبتالية كمين شهر اها نسبة لفروقات الوقت الحريم ما بكون مرقن
للفزع لانهن في حالة سكلي وكتيح رماد حينها
اها
اتلملن وهاك (ياقطيعة) اقصد ونسة ناس قدام ما جوا لسة ما ظنيت الخبر (وصلم)
اجي اجي ما هو ابراهيم كان قاعد ومشى يكلمهن من ساعة الموت ووووو
ثم
والله الليلة مجدي من الصباح ميرود
كر علي يا بت امي
سلامتو
هي مالو
يا حليلو والله
مسكين
وطوالي بخشن في التشخيص
ده لعب (الفلل) في السخانة النهار كلو يزوزي
هوي ها ده اكل المر
اها اديتوه شنو
والله قلت اوديه بعدين الاسبتالية لو لقيت عربية ماشة لقدام
اسبتالية شنو لو مشيتي بدوه كلوركين ساي والله
انا عندي حبوب كينين قاعدة كدي بديك ليهن حبتين بس ويقوم زي السلام عليكم
هوي ها الكينين بتطرشوا ساي اديهو الفانسدار اصلو حبوب الفانسدار دي سمحة شديد
عليك الله
اي والله
؟؟؟
لا دكتور ولا يحزنون في صاج الكسرة بشخصو حالة المريض وبعالجوه قبل ما يشوفوه
...................................
هوامش
سؤال جادي الدفتيريا دي شنو
الويقود - حطب القطن او قصب العيش او دفيس يستخدم في عواسة الكسرة والعصيدة والذي منو
الفزع - رحلة الذهاب والاياب لاحضار الويقود
الكلوركين - الفانسدار - الكينين ( حبوب هرونا بيهن هري)
| |
|
|
|
|
|
|
|
|
|
Re: الندية المفرطة ... (Re: الجنيد حمد)
|
قال
السودانيين ماشاء الله عليهم يفهمون في كل شئ
والله في في الثقافة في العلوم في الصحة في كل شئ يدرون
ما حصلت حد مثلهم
غايتو نقول
سمح
وسمح السمح
نان ده بسموه شنو .؟؟؟
..........................................
من اجمل رسائل اليوم
قالوا الجنيه دخل في التاسع عقبال يتحل بالسلامة
| |
|
|
|
|
|
|
|
|
|
Re: الندية المفرطة ... (Re: الجنيد حمد)
|
صفّر يا حكم الزمن انتهى
مدرب الفريق اجتهد سنوات وسنوات ليصل الى مرحلة احتراف مهنة التدريب
شئ كورسات وشئ محاضرات واشرطة فيديو ... الخ (معينات العمل)
وفي اول خسارة للفريق تسمع العجب ---- حبيبي اداني تحية
الناس وكل الناس طلعوا مدربين
ما كان يطلع بشة لو لعب بمهند الطاهر من البدأية ياخ المعز ما كان يحرس
وكان ماكان وكان .... كان اكسيكي در
حيكومات تجي وحيكومات تغور
تحكم بالحجي
بالدجل الكجور
مرة العسكري كسار الجبور
يوم باسم النبي تحكم القبور
تعرف ياصبي مرة تلف تدور
ولا تقول بري او تحرق بخور
هم ياالفنجري يا الجرف الصبور
كل السقتو مات
باقي علي التمور
وارضك راقده بور
لا تيراب وصل لا بابور يدور
والماهية اف
عيشة هاك وكف
في هذا الزمن
تف يادنيا تف
| |
|
|
|
|
|
|
|
|
|
Re: الندية المفرطة ... (Re: الجنيد حمد)
|
قال القدال
والويقود بعيرات الدخان
وفي العين
وفي الفشفاش يسوي عمايلو
وشن فايدة مديدة الحلبة
والويقود وشالو اليانكي
كيفك يا صاحب
علي الجزيمة للعلاج اليقا يخرب الييوت ده , تبل ليك كركدي وقرض وعرديب وتشربهم الكمدة بي الرمدة , دكاترة شنو الشغالين فحوصات ديل ,, اسماء فحوصات زي اسبيرات العربية وبي خومة قروش
يا صاحب
نحن شعب فقير اصابني بما ليس لنا قدرة عليه , ساءت السلطة فساءت صحة البيئة وكان وزيرها مامون حميدة !
| |
|
|
|
|
|
|
|
|
|
Re: الندية المفرطة ... (Re: عبدالحفيظ ابوسن)
|
الحبيب ود ابسن مساء الخير
الحال ما بطال اهو مواصلين نزيف الايام
صدقت
ساءت الاحوال وساء الوطن ما به وما فيه
.
.
لا حلم بجيب البر ولا حدوت
......
كنت وبعض الاصدقاء ممن لا تستهوينا مقاعد الدراسة وتربيع الايادي امام الاستاذة
المبرر الوحيد الذي اقنعنا به انفسنا
انو بعدين خريج الهندسة بشتغل استاذ وخريج التمريض بكون شغال بماكينة طبيب
وخريج العلوم باحث في التأريخ ..... الخ
وشوف النتائج
دمار في كل مكان
والحال ما بسر لا عدو لا صليح
وصية لذوي الاختصاص اي زول ينجض شغلانتو
الجربندية بقت آفة السودان
و
نبنيك ايوا سوا سوا
منو وجديد
ايد ابوي
على
ايد اخوي
على
ايدنا
على
ايد وايد
تجدع بعيد في لجة من رأس ميضنة
حيكومة الفقر الدمار الكضبنة والصهينة
.
.
.
....
حين يأتي اتعجب كيف تنام الرئة اليسرى قرب ضجيج القلب
| |
|
|
|
|
|
|
| |
الجنيد حمد
عبدالحفيظ ابوسن
فرح الطاهر ابو روضة
فيس بوك
تويتر
انستقرام
يوتيوب
بنتيريست