|
|
|
 Re: من الذى اختار البحارى رئيساً للمجلس الاعلى للجاليات وبالسعوديه80%من المغتربين ومافيها جالية مرك (Re: صديق الموج)
|
شفت الراجل مستضاف في النيل الأزرق ويتحدث عن رئاسته للمجلس الأعلي للجاليات السودانية بدول الاغتراب
وبراي سألت نفسي؟؟
الزول دا الرأسو منو؟ ولي شنو؟؟
وحنكو شنو؟
والمجلس زاتو وين؟؟ وفيه منو؟؟ وعايزين يسووا شنو؟؟؟
وبالضرورة تكون هنالك مجالس اصغر من المجلس الأعلي دا
وين رؤساء هذه المجالس...وقاعدين يعملوا في شنو؟؟؟ ووين هم زاتهم...
والمجلس دا جمعيتو العمومية منو؟؟؟ الدنيا والعالمين الحايمين في المغترب ...واللا ناس محددين؟؟
وماهي مسؤليات وواجبات هذا المجلس ورئيسه تجاه العالمين الحايمين وشغالين بره ديل..؟؟
والقال ليهم يعملوا مجلس منو؟؟
وهل شغالين متطوعين ام بيدوهم اراضي حوافز...
والبحاري دا زاتو هو منو؟؟
وقاعد في يات جخنون؟؟؟
هسي البحاري دا بصفته رئيس المجلس الأعلي للجاليات....بلحق ويفزع...كان الناس دارتو في حاجة ؟؟
| |
 
|
|
|
|
|
|
|
|
Re: من الذى اختار البحارى رئيساً للمجلس الاعلى للجاليات وبالسعوديه80%من المغتربين ومافيها جالية مرك (Re: صديق الموج)
|
الأخ صديق الموج سلام
علي الحلف الناس دي بتكضب جنس كُضُب. وأهلنا قالوا: (الكُضُب ما عندا عضم بخنق).
شوف كلام مصطفى إسماعيل فوق... أنا قاعد في بلاط حكومة صاحبة الجلالة كوين اليزابيث 2 من ثلث قرن .. ما سمعت برئيس مجلس الجاليات دي .. وقالوا عملوا مظاهرات في لندن وهلم جرا... غايتو حُكّام وكضابين يطرشنا إلا في السودان الحبيب.
إختيار هذا الرجل ذكرني باختيار رئيس إتحاد الرعاة .. قعدنا في إجتماع وقمنا بصمّة خشمنا.. بعد شوية قالوا لينا رئيس الإتحاد عازمكم عشاء!! قلنا هو الزول دا منو وسووه متين؟
مشينا العشاء سألنا هنا وهنا عرفنا أن الراجل خال نافع علي نافع وعنده شوية جمال في البطانة!!
أحد أبناء عمومتي من البقارة .. يمتلك شوية ألوفات من الأغنام والماشية .. قال لي: الزول دا سووه رئيس فوقنا عنده سعية أكتر مننا؟ قلت له: دا قريب نافع. ودي صفة عندهم كافية تسوي الواحد وزير. وسكت قريبي.
دحين دايرين الزول دا يجينا هنا في لندن عشان نتفاهم معاه ونشوف كان عنده بخور بنشم ولا كو!
تحياتي
كبـّاشي الصـّـافي
.
| |
|
|
|
|
|
|
|
|
Re: من الذى اختار البحارى رئيساً للمجلس الاعلى للجاليات وبالسعوديه80%من المغتربين ومافيها جالية مرك (Re: Alshafea Ibrahim)
|
المجلس الاعلى للجاليات السودانية بالخارج يطالب برفع العقوبات عن السودان PDF طباعة إرسال إلى صديق
الخميس, 31 أكتوبر 2013 13:05
طالبت الدكتورة نجوى قدح الدم ، امين امانة المنظمات الدولية بالمجلس الاعلى للجاليات السودانية بالخارج ، ضمن اجتماعات الجمعية العامة للامم المتحدة فى انعقاد دورتها الثامنة والستين بنيويورك مؤخراً ، طالبت برفع العقوبات عن السودان وشعبه عبر مذكرة كانت قد قدمتها للسيدين جون اليسون ، ووزير الخارجية الامريكى جون كيرى وعدد من رؤساء الدول التى شاركت فى الاجتماعات
وقالت قدح الدم ان المذكرة تعتبر من اهم اجندة مشاركة المجلس بالاجتماعات وهى تعتبر امتداداً للمساعى المتواصلة للمجلس مع الفعاليات الدولية من اجل التجاوب مع قضايا السودان وخاصة رفع العقوبات الجائرة المفروضة عليه من قبل الولايات المتحدة منذ اكثر من عقدين من الزمان ، ووصفت مشاركة المجلس فى اجتماعات الجمعية العامة للامم المتحدة بجانب عدد من المنظمات الاخرى ، بانها منحة من الله لكى يرفع عبرها المجلس كمنظمة مجتمع مدنى سودانية بالخارج قضايا السودان لمنصة الامم المتحدة .
وتقدمت امين امانة المنظمات الدولية بالمجلس الاعلى للجاليات السودانية بالخارج الدكتورة نجوى قدح الدم بالشكر للسفارة السودانية بامريكا لتعاونها وسعيها الجاد لاكمال اجراءات مهمة مشاركتها فى الاجتماعات .
http://www.sswa.sd/ar/index.php?option=com_contentandview=ar...ontpageandItemid=228
| |
|
|
|
|
|
|
| |
صديق الموج
cantona_1
أمير السماني يس
عبد الوهاب المليك
nazar hussien
ياسر منصور عثمان
محمد إبراهيم علي
Deng
munswor almophtah
ادم الهلباوى
فيس بوك
تويتر
انستقرام
يوتيوب
بنتيريست