آسفين يا حردلو ... أنحن يمين نضمينا بقي ما في أكتر منو .. ( تقولي شنو .. ود اليمني )

مرحبا Guest
اخر زيارك لك: 04-25-2024, 09:52 PM الصفحة الرئيسية

منتديات سودانيزاونلاين

مكتبة الفساد

ابحث

مدخل أرشيف اراء حرة و مقالات

News and Press Releases

اتصل بنا

Articles and Views

English Forum

ناس الزقازيق

مدخل أرشيف الربع الاول للعام 2014م

نسخة قابلة للطباعة من الموضوع ارسل الموضوع لصديق اقرا المشاركات فى شكل سلسلة

« | »
اقرا احدث مداخلة فى هذا الموضوع »

04-21-2014, 01:14 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

آسفين يا حردلو ... أنحن يمين نضمينا بقي ما في أكتر منو .. ( تقولي شنو .. ود اليمني )
ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن .. يمين .. جُمَال الشيلْ ونحن .. يمين .. نَضِمنا قليلْ ، رحم الله الحردلو و رحم الله عثمان اليمني <mcg /><mcl /> (عدل بواسطة يحي قباني on 04-21-2014, 03:25 AM)

04-21-2014, 01:18 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
-1- تقول لِى شنو وتقولى لِى منو ، -2- أنحنَا السَّاسْ ونَحنا الرَّاسْ ونحن الدّنيا جبناهَا وبَنيناها.. بِويت ..فى بِويتْ وأسْعل جدى ترهاقَا وخلى الفَاقة .. والقَاقا -3- تقول لِى شنو وتقول لِى منو ، -4- تَالا أبوى .. بعنخى لَزَمْ وتَالا اللُمْ..أَبوىْ أوْلبَابْ وأمى مهيرة بتْ عبودْ وأخويا المهدى ..سيد السيفْ والخلى النصارى تقيفْ هناك ..فى القيفْ ، -5- تقول لِى شنو وتقول لِى منو ، -6- ونحن الشينْ ونحن الزينْ ونحن العقبه والعتمور ونحن القِبله .. والقرعانْ ونحن الشانْ ونحن النانْ أتينا عشانْ نسوى الدّنيا للإنسانْ تقول لِى شنو وتقول لِى منو ،

04-21-2014, 01:21 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
-8- ونحن الصّافى والوَافى ، ونحن الشّافى والكافِى ، ونحن الزادْ ونحن العِينه والزِيّنه ، ونحن – يمين – أهالينا أهلى سرورْ ووكَتين ينزل المستورْ تَرَانَه النور -9- تقول لِى شنو وتقول لِى منو ، -10- ونحن الجبنه واللبريقْ ونحن قداحنا سَاوات ضيقْ ونحن بيوتنا مفتوحاتْ مَسَاىْ .. وَصباحْ ونحن وشُوشنا مطروحاتْ مَسَاىْ وصباحْ ونحن السَمحه والقَمحه ونحن الطله .. واللمحه ، ونحن الصِيدْ ونحن العيدْ ، -11- تقولى لِى شنو وتقولى لِى منو ، -12- ونحن عُزَازْ ونحن حَرَازْ ونحن هَشَابْ ونحن قُمُوحْ ونحن تُمُورْ ونحن عُيُوشْ ونحن النيلْ وَكضَاب – يا زويل – منْ قالْ إنّك .. تانى لينا متيلْ ، تقولى لِى شنو وتقولى لِى منو ، -13- ونحن الحَجه والتوبه ، ونحن الهِجره .. والأوبه ، ونحن كُتَارْ ونحن كُبَارْ ، ونحن – يمين – جُمَال الشيلْ ونحن – يمين –نَضِمنا قليلْ ، -14- تقول لِى شنو وتقول لِى منو ، -15- ونحن مِحايه نحن طِرايه نحن فِدايه نحن سِمايه نحن حجاب ونحن اللوحْ ونحن شَرَافه فى الدنيا ونحن كِتاب عِلمْ مفتوحْ على كل البُلودات ..نُورْ ، ونحن – يمين – مَداين نورْ ، ووشنا نورْ ،

04-21-2014, 01:28 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
-16- تقول لِى شنو وتقول لِى منو ، -17- ونحن الحِنه والجرتقْ ونحن الزفه والسيره ، ونحن ..أبشرى والشبال ، ونحن السَىْ ونحن الوَىْ ونحن الرقبه .. والتُمْ تُمْ ونحن اللَمْ .. يكون فى الدنيا ..متلنا ..لمْ -18- تقولى لِى شنو وتقول لِى منو ، -19- ونحن العَاجْ ونحن الصَاجْ ونحن البوشْ ونحن الحوشْ ونحن الناسْ وكتين الديارا ..يباس وإن درت العديل والزين تعال يا زول ، وإن كست الكعب والشين أرح .. يا زول -20- تقولى لى شنو وتقول لى منو ، -21- ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، -22- ونحن فَزَعْ ونحن وجَعْ ونحن اليُمه ..واليَابَا ونحن أريتو بالتَابَه ، ونحن – يمين – إذا حَرّتْ ، نخلى الواطه ..رُقَابه ، -23- تقولى لِى شنو وتقولى لِى منو ، -24- ونحن زَغَاوه والعطرونْ ونحن الدُونَا ..مافيشُ دونُ ونحن وِلاد مَلك خِرتيتْ وسَابَ الجرْ وحجَر السِكه ، والتاكا ، وسيّدنا الفى الجبل ..دَاكَا ونحن – يمين – نضِمنا كُتُرْ وشيَتنا كُتُرْ وأسعَل ناس كَرن والطُورْ ، وأسعَل كَررى .. والعَتْمُورْ وأسعل – يا جنَاَ – الخرتُومْ ، وشوف كيفن زعلنا كُتُرْ ، وشوف كيفن فرحنا كُتُرْ ، أنحنا الـ للرجال خُوسَه ، ونحن – يمين – جِنَات موسى ،

04-21-2014, 01:39 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
-25- تقولى لِى شنو وتقول لِى منو ، -26- ونحن الدوكه والضُلاله ، والدونكه ، ونحن الدانقه ، والراكوبه ، والواطه ، ونحن الفَكَه والشِبكَه ونحن الحجزه .. والعكَه ، ونحن الجُودْ ، ونحن أسودْ ، ونحن النَانْ ، حديثنا إذا أرِدتو رُطَانْ وحين دايرين ..نسوى بَيَانْ ، -27- تقول لِى شنو وتقول لِى منو ، -28- ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ، -29- أقيف لِسَعْ وأقيف وأسمعْ ، ونحن صديرى منضوم ويلْ نحن القَرمصيص ..بلحيلْ ، ونحن التوبْ ونحن الووبْ وناس حبوبْ وناس حَرّمْ ونحن إذا رأينا كبيرْ نقيف طولنا ..ونقولْ لُه ..حَبَابْ ونديه البُكَان ..ترحابْ ونحن. اليَانَا ديل .. يا زولْ وتسعلنى .. وتقول لِى منو وتقولِى شنو ، -30- أقيف لسعْ وأقيف .. وأسمعْ ونحن التَايَهْ والاندايَهْ والزِريعهْ والعيزومهْ واتفضلْ ، ونحن الرايَه مرفُوعه ونحن الكُلفَه مرفُوعه ونحن حلفتَ ... مدفوعه -31- تقول لِى شنو وتقول لِى منو ، -32- وأما عجيبْ وأما غريبْ ، وأقيف لسعْ وأقيف .. وأسمعْ ، -33- أنا الكَعَب البسوى الويلْ وأنا الزول السَمِحْ ..بلحيل ، وداير ..منَِّهُمْ .. يَاتُو ..، تقولى لِى شنو وتقول لِى منو ،

04-21-2014, 03:28 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
ونحن السورْ ونحن الحُورْ ، ونحن بناتنا محروساتْ ونحن وِلادنا ضُلالاتْ ونحن أُماتنا ياهِنْ ..ديلْ ، وجِيب ورينى زيىِّ منو ، وتقول لِى شنو وتقول لِى منو ، ______________________ الحصل لينا شنو ؟ الظاهر انسختنا !!!

04-21-2014, 03:48 AM

يحي قباني

يحي قباني
تاريخ التسجيل: 08-20-2012
مجموع المشاركات: 18708

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: آسفين يا حردلو ... أنحن يمين نضمينا بقي ما في أكتر منو ... تقولي شنو .. ود اليمني (Re: يحي قباني)
ونحن الخَلوهَ والدايره ، ونحن تَكيه العايره ، ونحن الضُّلْ ، ونحن الكُلْ ، ونحن سبيل غريب الليلْ ، ونحن صباح مسافر الليلْ ، ونحن فَنَاجرةَ الدّنيا ، ونحن حَبَابْ حديثنا حَبَابْ تعال شَرِف .. وشوفنى منو ، وتقولِى شنو ، وتقولِى منو ، ______________________ ما قلت لينا انحنا ( الكل ) يا حردلو ؟ ما قلت انحنا حباب و حديثنا حباب !! الفرقنا و فرق دروبنا شنو ؟

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]