|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: سليمان القرشي)
|
Quote: مسدار النصيحة - محمد الحسن أبنعوف هبة ريح نصايبك يا المقوله بضري كتري في المحن من شينه ما تنصري إن جيتك مدنقر (وشي) ماني موريتبقي نضال معيبه .. وبت قريد مي سري
يا ريس صباح الخير وياها الحالة خمسة سنين نجابد في القراية رجالة خلاص كمل الصبر والأمور بطالةوإحنا ولاد رواعيه وعقبال ترباله
قضينا الخدمة في الميدان كتال وبساله ومضغنا الصبر في صي نسايمو علاله بعد جبنا الشهادات البوظف شالهود ناسك مدير ... إلا الكفاءة عطاله
الدكتور وحاتك جوكي سايق الرقشة وأب شنبات مصاقر البيت مع ناس عشه يا حرس ام مسور الا كديب لا حشهولـ أنقد بالسنبك تجيبو الكشه
أكلو لحمنا ناس الحله قالو عطاله مراتاً طلب مرات كتار عتاله بعد ما رضينا يا ريسنا نبقى عمالهفتحولنا الحدود للحبشه والبنقاله
بطانتك خمرت فوقنا القبيله فطير واقع المغصه والغبنه الملازمو خطير شباب أتلزم العركم ودوا وقصطيربعد ما عيشو فتق ليش بتدي الطير
يا ريس جزم شعبك رقد موجوع ولا هماهو تاني حضارة المشروع الظلم المرض علمنا لحس الكوعوالسد أبره في قش للمضايقو الجوع
جوامع الفشخره البتصلو فيها براكم تسو كم مدرسة لشعب جاري وراكم ؟ الحرص المدجج اهس كان ضاراكميوم البعث قابلني ان بقيت باراكم .
جت استوزرو الكيزان وملكو السوق ناسين ساقية الدنيا الدوام بتسوق الصفاقه اسه والنقايزه عسوقما ببروكه ساعة جره الواسوق ..
ما بتتوظف الولد الحكومة اتخلت شومالك ضهر ساساق وروحن سلت خلاف الطلبه والمهن الحسابه مخلتإن الجيش أباك ضعت وقنيصتك جلت
ـ بنات العفه والعزه وسترت الحال إن أبن العوج والشين تراهو الحال إما يخوضن العوجه ومشي الأوحال ولا تحفي ساساقه جري وترحال
ـ وزير الداخلية سلام الليلة يوم منكورك أولاد الكبار خربوهو جت مشكورك ما دام العوج والشين مرق من كوركتبقى العوجه فيهم ولا في عسكورك
عسكور المرور أدو البسوقو إشارة وقوفو ناضمم ضحكو وغمتلو صرار أنا والقاعده جنبي العوحه ما بتتضارهقالت فوق قصد غايتو المعيشه بصاره
شرف الكاكي في الغرزة وحكرتو غريشه وتلقاهم جامعات في قهاوي الشيشة اضان الشرطة طرشت ولا عينها عميشةأما الدولة فاهمة والمواطن كيشة ..
الدورية تمرق والعساكر شاده والسارينه تنبج في الظلط مي راده أولاد الكبار بالثابتة في كم مادهفد تلفون يدق ترجع تقبل صاده
التقرير بجيك كل يوم تمام يا ريس والمؤمن فطن قالك رسولنا وكيس اسه بقولك الحق إن لحقت العيسقبل ما يمرقوك أبان دقون متيس
الهيروين زرد جامعااتنا عرض وطول والفنان بغني مع الوزير مسطول لوري البنقو يا ريس بخش على طولقصر يد حكومتك والحكاية تطووووول
شريف نجيريا مبسوط من ندى وصاحباته وفي ماي دوقري فرشولهم شرفنا سباته بعد ما كنا في كرن أم لبوس همباتهيات من فينا ديوس راسو تحت الباتـــــــــا
في جده ونواحي دبي بقينا حكاية وجرن بنوت مهيرة على الرزيلة حفايه جوازنا أب صقر كسرن جناحو بغاياوالسوداني ########ن غفير أندايــــــــــــه
وخابر نضمي يا ريس بجيك في محلك وراجين فوق جمر بندور نشوف راس حلك يا فشيت غبينتنا أم ضلامنا حلكولا نوارك الوجعة ونصد ونخلك
واسندي علينا يا بلد ام تنايه نصايبك وعضي علينا في ساعة الوجع بي نايبك أقدلي وشيلينا هموم صغيرك وشايبكرجال في الشينة والوجعة المغبي حبيابك
ما بنفوتك إن بخلت وطاتك وجفت وما بنزحزح أن تقلت يمين وإن خفت كراعن ما مشت في حر هواك وإتحفتإن كال الرماد فيها الضحيوه وسفت
أبينا السفر والاغتراب في جده وعهداً يا وطن إن شاء الله مافي مرده بنوم في التراب ونخت ضراعنا مخدهبنعيش في هواك إن شاء الله نأكل رده .. |
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: مني عمسيب)
|
ولِمَ لا؟
لدينا محمد الزبير محمود وقصي محمد عبدالله ... ولدينا من الأغبياء والخبثاء والأمنجية والحريصين على المصالح الحزبية الضيقة والعنصريين والذكوريين والإستعلائيين والكتّاب والشعراء الركيكين عدد يفوق صلوات البرعي على النبي ...
فما الضير في إضافة شاعر يجمع الركاكة بالإستعلائية والذكورية والعنصية والغباء والهوس الديني في "ربعية" واحدة بطريقة غير مسبوقة ...
ليس في المنبر مجالاً ليزداد سوءًا بإضافة شاعر سيء (وعلى العليهو معارض )
فقط نتمنى أن يسهم هذا المنبر في تقدّم اعضائه وقرائه نحو الأفضل ...
سوف لن نتأسف لو استجاب بكري للنداء ... على الأقل نواجه المتشوعر بنقدنا .. ونطالع رده (إن كان لديه ردود )
... المهم ....
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: مني عمسيب)
|
ولِمَ لا؟
لدينا محمد الزبير محمود وقصي محمد عبدالله ... ولدينا من الأغبياء والخبثاء والأمنجية والحريصين على المصالح الحزبية الضيقة والعنصريين والذكوريين والإستعلائيين والكتّاب والشعراء الركيكين عدد يفوق صلوات البرعي على النبي ...
فما الضير في إضافة شاعر يجمع الركاكة بالإستعلائية والذكورية والعنصية والغباء والهوس الديني في "ربعية" واحدة بطريقة غير مسبوقة ...
ليس في المنبر مجالاً ليزداد سوءًا بإضافة شاعر سيء (وعلى العليهو معارض )
فقط نتمنى أن يسهم هذا المنبر في تقدّم اعضائه وقرائه نحو الأفضل ...
سوف لن نتأسف لو استجاب بكري للنداء ... على الأقل نواجه المتشوعر بنقدنا .. ونطالع رده (إن كان لديه ردود )
... المهم ....
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: مني عمسيب)
|
Quote: لدينا محمد الزبير محمود وقصي محمد عبدالله ... ولدينا من الأغبياء والخبثاء والأمنجية والحريصين على المصالح الحزبية الضيقة والعنصريين والذكوريين والإستعلائيين والكتّاب والشعراء الركيكين عدد يفوق صلوات البرعي على النبي ...
فما الضير في إضافة شاعر يجمع الركاكة بالإستعلائية والذكورية والعنصية والغباء والهوس الديني في "ربعية" واحدة بطريقة غير مسبوقة ... |
الحمدلله فلتنا بِإعْحوبة مِن البشرِية الفوق دي.. ثُم دنا على الحَوض لِشرب شربه لا يظمأ بعدها أبدا
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: تبارك شيخ الدين جبريل)
|
يا تبارك قال ليك في الحديث النَبوي الشريف [لَلَّهُ أَشَدُّ فَرَحًا بِتَوْبَةِ عَبْدِهِ حِينَ يَتُوبُ إِلَيْهِ مِنْ أَحَدِكُمْ كَانَ عَلَى رَاحِلَتِهِ بِأَرْضِ فَلَاةٍ فَانْفَلَتَتْ مِنْهُ وَعَلَيْهَا طَعَامُهُ وَشَرَابُهُ]. والبرجع مِن ضفة الإنقاذ بنفرح بيهو، إنت نوعك ده ما بسمح لِزول إنو يتوب، عاوزو يسير في ضلالو بِوشو، عاوِز الكافِر يظل كافِر، والكوز ما يفوت بكانو، والدباب.. الجنجويد.. السلفي.. ما دايِر زول يتزحْزح مِن فجتو قَيد أُنْمُلة والغريبة إنت كُل يوم في شأن، دايم التغيير.. التحَوُل.. التبديل.. إنت وصلت المرحلة الإنت واقِف فوقا -لو كانت سمحه ولا شينه- بعد تغييرات وتبدُل مفاهيم وكُل مفهوم جديد عِنْدو حال.. لازِم ولابُد نخلي الباب مُوارِب، ما نسِدو في وش البشر، لأنك ما أكتر مِن بشر، وإنت ما بتملُك الحقيقة ولا جزء مِن ربعها، إتواضع يا تبارك مُش إنت البحدِد ده يرجع وده يبقى في فجتو.. أنا في بِداية ناس الإنقاذ حمدت رب العالمين إنو خلصنا مِن الأحزاب وسفاهتا، كُنت مؤيِد الإنقاذ، لقيتا بتسوي الما بتقولو، قلبت، وقلبت علي وسَودت أيامي، وبقيت ضدها، وفُت ليهُم البلد بعد الدق ما كِتِر علي، هسِع أنا مع الإنقاذ لأنها بتصُد عني عنت حركات الغرابا المُسلحة البتقول بِتحرير السودان، البحدِد إنو عزام فرح وطني أو خايِن منو؟ منو.. منو.. إنت مُساهمتك في الوطنية شنو علشان أصلاً ترفُض رجوع فُلان ولا عِلان؟! الإنقاذ دي ليها 24 سنة عملت شنو؟
حباب الجانا.. حباب ود أبنعوف
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: عزام حسن فرح)
|
سلامات ياتبارك
موقف غريب وعجيب منك! يعني لو كان الرجل كوز او دباب بيكون خلاص اتقفل باب الوطن في وشو؟!
على الاقل ياخي يحمد ليهو اتساقو وصدقو مع نفسو.. لمن كان بيفتكر ان الجنة على بعد رصاصة شال سلاحو ونظم اشعارو في تمجيد الجهاد والشهداء، ولمن تبين له ان هذا محض تجارة وخداع، سل لسانو وكتب ماكتب من اشعار ومسادير
ثم انو ياخي اسي الناس شغالة ومافقدت الامل في عتاة الكيزان والدبابين اللي يومي ويومك ده وبعد كل هذه السنين لسة منتظرين الحور العين ولسة لابسين كاكيهم وبيجاهدو في اخوانهم في الوطن! لسع الناس شغالة عليهم ومافقدت فيهم الامل باسم الاخوة والوطن، فما بالك انت ماعايز تقبل توبة طلائع الكيزان البراهم تبين لهم الحق ورجعو ليك وياهم هديل معاك في خندق واحد وعينهم وقلبهم على بقية اخوانهم... اخوانك بان تعالو لوطن يسعنا جميعا، لو كنت حاتحارب زي ديل الحايفضل ليك منو ياتبارك؟ حقو ياخي نوسع قد الغربال شوية، الراجل ديك كانت قناعاتو واسي غيرها لو كان افسد او سرق او قتل فتعال حاكمو بي قانون او لو مافي طريقة قانون اصلبو هنا في نص المنبر ده، غير كده الماضي حقو ده يظل مجرد رأيه القديم الاتراجع منو اسي، يعني الزول مايغير رايو كلو كلو ولا شنو!
اما بخصوص اشعارو الذكورية والعنصرية .. فهل ياتبارك عايز تحاكمو هو براهو على منظومة كاملة؟!!
ياتبارك ياخي وانت العارف نحن شعب بدوي وبدائي جدا، الذكورية ضاربة في اعمق اعماقنا، شعراء البدو من زمن قفا نبكي ولغاية الليلة شعرهم بيمجد للذكورية والعنصرية ، الشاعرات ايضا بيشكرن ويمجدن في الفارس الاصم مقنع الكاشفة وقلام الفقر وبتاع!! مامعقول انت تكون عايز تحمل محمد الحسن اسقاطات المنظومة وتراكمات الاجيال دي كلها! ماذا يصنع الرجل وهو اتربى في البيئة دي؟ العنصرية موجودة في كل خلية من خلايانا على كل المستويات، انت فاكر الناس كلها اتعلمت وعاشت في فرنسا واحتكت بالعالم المتقدم وعرفت الحاصل؟ البتعمل فيهو انت اسي مع الزول ده ممكن جدا اسي اطلعو ليك عنصرية وذكورية ثقافية انت قاعد تمارسها على مجتمعات اقل تنورا وتطورا في مجال الحقوق والتساوي والتوازن الجندري.. عايزنا نحن البدو ديل من وين نعرف ليك انو زي مسادير الافتخار دي تعتبر تمجيد للذكورية؟؟ هو الذكورية دي ذاتها شنو؟ نعرف ليك من وين اذا كان المستنيرين من امثالك قاعد يمارسو علينا استعلاء ثقافي وبدل ماينورونا قاعدين يتمسخرو علينا!
ياتبارك غايتو اسمح لي اوجه ليك صوت لوم شديد اللهجة، لانو امثالك من المستنيرين هم الذين يعول عليهم هذا الوطن عشان يستمر وطن واحد متعدد الثقافات والاعراق، لو ماقمتو بي دوركم ياتبارك، فاقعدوا اتفرجوا علينا ونحن نتقسم حتة حتة وماتنسوا تحللوا اسباب التقسيم وتنظروا فيما كان يجب ان يكون!
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: مني عمسيب)
|
Quote: إتواضع يا تبارك مُش إنت البحدِد ده يرجع وده يبقى في فجتو.. |
حاضر ... ________________________________
القصة ما قصة هلال-مريخ وانت مع منو ... القصة انت مع شنو؟ وانت لو مع مفاهيم نوع [الراجل افضل من المرا] و [الجعلي افضل من النوباوي] و [المسلم افضل من العلماني] و [ود القبايل افضل من الشماشي] و [الهمباتي ارجل من الافندي] و [العذراء أفضل من بائعة الهوى] .. كدا الحكاية بتكون جاطت ... بغض النظر عن اسم الحزب المكتوب في بطاقة العضوية الفيها اسمك وصورتك ... بمعنى ... انت لو حامل المفاهيم الـ(بقطية) دي بتكون استعلائي ذكوري عنصري وعندك درجة من الفاشيستية قد تزيد أو تنقص بمقدار تطبيقك للرؤية الأحادية في مشاركاتك السياسية اليومية ... دا كلّو تحصيل حاصل لإختيارات الناس لمواقفها ومفاهيمها أنا - تبارك شيخ الدين - ما بقدر اغيّر فيهو حاجة بالتواضع أو التكبّر (لو افترضنا انو التكبّر وليس الإستعلاء هو النقيض الموضوعي للتواضع)
فهذا الـ(بقطي) [وواضح انو المصطلح نجر اخدر] لو كان عضو في الحزب الشيوعي - مثل عاطف مكاوي - يكون شيوعي-كوز ... ولو كان شاعر معارضة مثل محمد الحسن ابنعوف يكون شاعر معارضة-كوز ... وأعوذ بالله من كلمة "كوز" ...
أو كوزة مثل منى عمسيب هذه .. تنجضنا بهذا الفنان ...
... المهم ....
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: تبارك شيخ الدين جبريل)
|
المهم سلمااااااات ...
اقتباس : أو كوزة مثل منى عمسيب هذه .. تنجضنا بهذا الفنان ..
يا مهم عليك الله ما تشوه سمعتي ههههههههه يا ثقفوني انا ضهباااااااانة ما بعرف الناس دي تصدقوا ؟ كدي وروني المعانا ومع الخيانة عشان تاني ما اتلوم معاكم واكون شبهه ههههههههههه وحاة الرسول بخم وبجيب لكن خامة شنو علي الله لما يوم اقرص بـ عقرب هههههههههه , اها من الليلة بسيب الخم ولو ما اتاكدت من كل الشوالات ما بدخل يدي بذات قعر الشوال هههههههههه . مشكور يا المهم علي تشوية السمعة هههههههه لكن بلبد ليك .. والهجمات المرتدة محفوظة ههههه وتسلم يا مهم . ولي قدام .
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: تبارك شيخ الدين جبريل)
|
Quote: عايزنا نحن البدو ديل من وين نعرف ليك انو زي مسادير الافتخار دي تعتبر تمجيد للذكورية؟؟ هو الذكورية دي ذاتها شنو؟ نعرف ليك من وين اذا كان المستنيرين من امثالك قاعد يمارسو علينا استعلاء ثقافي وبدل ماينورونا قاعدين يتمسخرو علينا! |
طبعًا اكتشاف انو ما يعجبكم في شعر محمد الحسن ابنعوف ... انما هو عيب في الشخصية السودانية وسبب بلاويها ... وليس علاجًا لتلك البلاوي ... أمر يشق على نفس كل ذو همة ...
اسمع صوت المرا ... المرا صوت السلام ... المرا صوت الدولة ...
... المهم ....
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: تبارك شيخ الدين جبريل)
|
.Quote: يا مهم عليك الله ما تشوه سمعتي ههههههههه يا ثقفوني انا ضهباااااااانة ما بعرف الناس دي تصدقوا ؟ كدي وروني المعانا ومع الخيانة عشان تاني ما اتلوم معاكم واكون شبهه ههههههههههه وحاة الرسول بخم وبجيب لكن خامة شنو علي الله لما يوم اقرص بـ عقرب هههههههههه , اها من الليلة بسيب الخم ولو ما اتاكدت من كل الشوالات ما بدخل يدي بذات قعر الشوال هههههههههه . مشكور يا المهم علي تشوية السمعة هههههههه لكن بلبد ليك .. والهجمات المرتدة محفوظة ههههه وتسلم يا مهم . ولي قدام . |
بت عمسيب اللى الضرس عرديب ولا يهمك واثقين منك يازوله عادى طول عمرك عارفنك معانا ولا بتشبهيهم ولا بتشبهى الخيانة وعلى رائك لى قدام،،،
| |
|
|
|
|
|
|
Re: يا باشمهمدس بكري.. الهمباتي محمد الحسن ابنعوف واقف بره ما قادر ادخل. يوجد ترحاب . (Re: مني عمسيب)
|
محمد الحسن ابنعوف
يا بلد البعوسو الناجمه حدك وين… مع المدغوك حيه وقالو ده التمكين… بعد غشونا بالتقوى وكتاب الدين…. عقب سرفوك بالبنقو وملوك هروين… حلول متكامله يالوالى ووزير الزيف…. ماها علف جداد كضاب ولا عيش ريف… خمسه حوايا يا ريس بدخلن كيف… كان ماك ات متيس والبجيبها حريف… تمويل البنوك البمرق الدولار… محصور عن رفاقتك يا رئيس العار… كان ما نحنا خيب والمعانا سغار… ما بتستوردو الخرشه وتقولو فشار… يا تحاكموهن الضحوى وقرار اعدام…. ولا سلاحنا برطن وتانى مافى كلام… فقه الستره والغتغيت بقيتو نعام… ده الودرنا يوم مشت الشعوب قدام
| |
|
|
|
|
|
|
|