|
|
 كابوس فضييييع ,, ( النظام ولا الشلوخ )
|
كابوس فظيييع !!!
كل شيء ولا الشلوخ !!
أنا امس رقدت نمت جاءني كابوس فظييع ,,
رقدت وبطني مليااانة اكل ..
اكلت كتيير في العشاء .. جاءني كابوس فظييع ,,
قال ايه ؟ ,,,
ناس البشير تنحو عن الحكم ,, وجونا ناس تانين مسكو الحكم في السودان ,,
وأنا في العهد الجديد ده ..
مشيت السوق ,,
ركبته ركشة ,,
جيت احاسب لقيت ,, عبد الرحيم ( اللمبي )
قال لي : لو سمحتي .. الحساب ..
لقيتو ليك مساعد ركشة . .. يلملم قروش الركاب ,,
عاينت اشوف السواق منو ؟ لقيتو عمر البشير ..
قال لي شوفتيني زمان وانا بقول في الخطاب ؟ ههههههههههههههههههه
( ضحك ضحكته المعهودة ديل )
اكتر من ثلاتين سنة قاعد اضحك فيكم ,,
انزلي شوفي الرئيس الجديد الجاكم ده ..
مش انا كنت احسن منو ؟
علي الاقل كنت بهزر معاكم .. وانتو كنتو بتمووتو من الضحك ,,
هسع ديل نزلو قرار قالوا اي بت لازم تتشلخ علي حسب القبيلة ..
مافي ولا بت ما مشلخه
( عشان ما تضيعو في بلاد المهجر ,, وتختفي السنحه السودانية منكم انتو البنات بالزااات )
انزلي يا شايقية ,,
( هبشت جضيماتي ,, لقيتهم مشلخات ..
قلت سجم خشمي الواطة دي في خشمي !!
نااس النظام الجديد شلخونا نحن البنات ما خلو ولا بت ما مشلخة ,,
والماب تتشلخ ,, حلال فيها الضبح ,, يقطعو ليها راسها طوااالي ,, بدون نقاش )
قام عمر البشير واصل حديثه معاي ..
قال لي :
كويس انو رجعو ليكم زمن الشلوخ وشلخوكم بالغصب ,,
والماب بتتشلخ فيكم ,,
مافي ليها غير الضبح !!
بضبحوها عدييل ,,
بالله مش كان زمني انا واللمبي العبيط ده احسن ؟؟؟
قلت لي عمر البشير ...
انا في عرضك ,,
اقلبوها مرة تانية وتعالوا للحكم ,,
والواطة دي في خشمي لو تاني فتحت خشمي وكتبت فيك قصيدة معادية للنظام ..
أنا كان مالي ومال الشقاوة دي ؟؟!!
انا تبت .. مش انا تبت يا رئيس ؟؟
تبت تاني ما بكتب قصائد ..
عمر البشير قال لي : نان القصيدة دي الكتبها منو ؟ كتبتها امي ؟
رايكم شنـو نفتـح مسـاحـات للكذب ؟؟!!
ويا امة نقعد نتفق .. يا كلو زول يقعد يطبل للنظام
معقولة بس ؟ نقعد نكذب للزمن ؟ راس مالنا يبقى
الاغتراب ؟؟
لا قادرة اتحمل فراق اهلي الحنان
لا قادرة اتحمل كمان ظلم البشاكير والهوان
بهــواك انا وطني العزيز .. وبقيت غريب الكنته
شايلني وتشابي ,, وكنته ف جواك دوام
لكن غرورك وعزتي كانن بدايات الصراع
and#65275; انت رضيان تعترف بي عزتي ,, and#65275; قلبي راضي
الاحتقار
ده صراع رهيب مابين غرورك وعزتي
وحالتنا صارت جوع ونار
فيها ايه ؟؟ كيزانا ديل لو يرضو يحترمو القرار ؟؟ !!
سودانا عدمان القرش لا مويه لا ضل لا خدار
اوعاك يا بشكير تقول ,, اتحملو ,, دي بس ظروف ..
وبعدين حراميتك كتااار
ما انت بي ظلمك علينا خليتنا نتخذ
القرار
نطلع الشارع نكورك ,, والجوع كمان هاري الصغار
كل ما نجيك باليمين ,, نلقاك في اقصى
اليسار
تذكر أيامنا الزمااااان ؟؟
سودانا كان سلة غلال .. وعلمنا بالعز يعترف وكان منار
خليتو زي دلقان قديم ,, خجلان يرفرف بانكسار
إن شاء الله باكر ننتصر ,, يا بشه تسقط وتتشنق عز النهار
بت علي
عمر البشير شمتان فيني ,,
قال لي :عجبتني فيك الشلوخ ,, يا حلات الدنيا عليك وانتي مشلخة !!
قلته لي عمر البشير التوووبة لي حبوبة ,,
قام نط العوير اللمبي ..
قال : الحمدلله عجبني ليكم يا بنات ..
الرئيس الجديد شلخكم .. وخلاكم كوولكم حبوبات ,,
مع فارق السن ,, والتوقيت ههههههههههههه
فجاءة راسي ضرب حافة السرير
وصحيت من النوم ,,
وقمت شربت لي مويه باااردي ,, من التلاجة
ومشيت ولعت النور وعاينت لي جضيماتي ,,
لقيتم الحمد لله ما مشلخات
,, قعدت اهتف ,, سير ,, سير يا البشير ,,
قلته بيني وبين نفسي ,,
عمر البشير ( قدرنا ,, ونحن قدره )
,رب ضارة نافعة ,,
كل شيء ولا الشلوخ ,, ههههههه
تحياتي واحترامي لكم جميعا ,,,
|
|
 
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: عواطف علي)
|
لا اله الا الله....
والله اتي مصرمة وناصحة...
ان شالله بي بركة جدي كرداش لا اشلخوك لا افصدوك...
نحن ديل مخيرين فينا...
مو الوسيم ده....
هادي اضنينا
وديك الامواس...
امشي نومي تاني ملانة شعيرية...
الف تحية ومحبة للزولة العسل..
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: عبدالعزيز عثمان)
|
سلام ,,
تسلم ,, تسلم اب عاج اخوي دلاق المحن ,,
تسلم يا عبد العزيز ,, انشاء الله يوم شكرك ما يجي , ,,
شوفته الحكم الجديد عمل فيني شنو ؟؟ شلخوني ..
بس الحمد لله كان كابوس فظييييع ,,
وتسلم انته من الشلوخ .. يشلخوك لييه ..
تبري وتستبري ,, تبري يا يمه ,,
وبعدين انا ما كنت مأكله شعيرية ,, كنت مأكله مكبوس ( رز مع لحم )
وكبس عليا النوم وعينك ما تشوف الا الجماعة لمو فينا وشلخوني شلوخ عدوك داك ,,
ركبت الركشه وقابلت عمك ( عمر البشير ومعاهو العوير عبد الرحيم )
اشمتو فينا وفكو قبينتم فيني ,,
ما خلو لي صفحه ارقد عليها ,,
لمن قعدت ليهم في الواطه وقعدت اشيل واشكر فيهم واعتذر ,,
قلت للبشير ,, يحرم عليا تاني اشيل لي قلم واكتب لي قصيدة معادية لي نظامك ,,
لمن صحيت لقيتو كابوس ,,
بعيد عنك وعن القارئيين ,, كابوس فظييييع ,,
لك االتحايا والاحترام ,,
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: عواطف علي)
|
لا حول ولا قوة الا بالله والصلاة والسلام على رسول الله..
واما تفسير هذا الكابوس الكارثي أن لحوار أفضى لتسوية أوضاع البشير ورهطه ولهطه مقابل تنازله عن الحكم لصالح الإسلاميين من لدن المؤتمر الوطني والشعبي وغازي بقيادة العميد ود إبراهيم والسائحين بمباركة الترابي كزعيم روحي لا يموت ولا يفنى ولا يستحدث من العدم والله اعلم ..
| |
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: محمد حيدر المشرف)
|
محمد حيدر ,, سلام ,,
مرحبتين حبابك ,,
قلت لي تفسيره ياهو كدي .. ياخ انا مالي ومالم تاني ؟
مالي ومالم بعد الشلوخ الشوفتها دي ؟؟ !!
البخليني اتشاقا تاني شنو ؟
يمسكو الحكم ولا يتفلقو ؟؟
هي اصلها خربانه .. خربانه .. السودان ده لو مسحو التاريخ بي استيكة وكتبو من جديد مرة تانية ما نافع ..
السودان انتهي نهاية بطل شجاع ,,
خمسين سنة تاني ولا زيادة ما اظن تقوم ليهو قائمة ,,
انا شلته يدي منو ,, بي بصله تاني ما نافع ,,
الا في حالة وااااحدي بس وحتمال تنفع واحتمال تفشل ,,
يصادروا الاموال الانسرقت دي والممتلكات والفلل والعمارات والمشاريع المسروقة دي ويدخلوهاا تااااني في الخزنة الفاضية دي يمكن ,, يمكن ينصلح الحال والله اعلم ,,
لك التحايا والاحترام ,,18
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: الطاهر الطاهر)
|
سلام ,,
الطاهر الطاهر ,,
انت عاوز تقول الشلوخ حلوات ؟ ياخ حرام عليك !
مااااالها خلقة ربنا ؟
مافي احلي من خلقة ربنا .. ياخ افرض الشلوخ حلوات وتخليني حلووووة زي تاجوج ,,
اقعد عشان يقطعو لي جضيماتي بالموس ؟!!
لا انا ما دايرة اكون حلوة ,,
حتي لو بقيت اشبه القرد .. ياخ انا ما بحب الشلوخ ,,
أمشي اتشلخ انت ,,
هسع لو قالو ليك اتشلخ تقوم ترجع في كلامك ,,
بطل حركات ,,
انت عاوزني ازعل منك ولا شنو ؟
اوووعة تاني تقول لي اتشلخي ,, والشلوخ سمحات ,,
ههههههههه
تحياتي واحترامي ,,
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: عواطف علي)
|
هي أضغاث أحلام ، والكابوس الجاك دا عقاب لأنك مليتها فل وجيرانك جعانين بعدين من أين لك هذا الأكل البجيب الكابوس دا يا سيدتي يبدو أنك تعيشين في عالم تاني الأمة أختزلت الوجبات الغذائية في وجبه ونص والنصف زاتو فيهو وعليهو والعيشه أم ضنب هي آخر ما أزجاه المشروع الحضاري للشعب المسكين.
أما عمر البشير في النوم فشيلي شيلتك ربما تفلسي فلسه لم تخرمي للتعريفه ، واللمبي في النوم إذا كان لابس بنطلون ونضارات فحا تزرك كتاحة في فسحه كبيرة ما تلقى التضاري بيهو منها وكان سافي ولابس عراقي حا تقعي في بلاعه في نص سوق الخضار وتحتاجي لأربعة صابونات عشان ترجعي لوضعك الأول
==
دائماً الأحلام الشينة على شاكلة حلمك الناس ما بتحكي بيها وتأكلها في حنانها حتى لا تتحقق وتصبح واقع
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: almulaomar)
|
سلام ,,
( الناس ما تصدق تلاقي جنازة وتشبع فيها لطم !! ههههههه )
ده مجرد سرد سياسي ,,
الهدف منو ,,
الناس تقوم تفكر وتطلع بفكرة ,,
الجاي مش ح يكون احسن من الرائح !!
لك التحايا والاحترام ,,,
| |
|
|
|
|
|
|
|
|
|
Re: كابوس فضييييع ,, ( النظام ولا الشلوخ ) (Re: عواطف علي)
|
أهلاً وسهلاً عواطف علي في بوستكم
بصراحة الجنائز أكثر من أن تحصى عشان كده يتعب جداً من يحاول مجرد محاولة أن يلطم ناهيك عن اللطم بشبع والحى أبدأ من الميت خاصة إذا كان هذا الميت ميت بغبينتو كحال معظم الجنائز ، التصور رائع - لكن فألك حسن إن شاء الله - وأتصور شخصياً أى حاجة بعد هؤلاء حا تكون أحسن وحتى لو لم تكن ممكن نصبر عليها شوية على أمل أن ينصلح الحال وإلا فإن لصبرنا حدود لن تصل بأي حال من الأحوال إلى ما وصلت إليه في عصر المسلسلات المكسيكية طولاً من الناحية الزمنية.
حلمت في هذه اللحظة وأنا الذي نادراً ما أحلم أن الجماعة زاردنهم زردة شديدة وهناك قاضي ينظر إلى المتهمين تبعاً ومباشرة حيث أن نضاراته الطبية تدلدلت وتدلت حتى بقى بينها وبين الشنب مقدار سنتمتر واحد حتى يخيل للناظر أن مولانا إذا عطس طارت نظارته قبل رزاز العطسة إلى إذا إستخدم منديلاً قطنياً يعني كلينكس ومولينكس وفاين وهاو آر يو لن تنفع.
أها الجماعة عاملين ليهم جرد عن ممتلكاتهم وأفراد أسرهم ومعارفهم لقوا الحكاية بايظه خالص دي زي ما بقولوا الفرنجة الفكس أسيتس ولسه ما جينا لي الفساد الإداري طوال الفترة – برنامج أى شخص يريد حكم البلاد بعد هؤلاء القوم في تقديري المتواضع يحتاج إلى كثير من الإخلاص وكثير من الوطنية وكثير من الصدق وكثير من الصبر وشئ من الحظ لأن التركة ثقيلة تنوء بحملها العصبة أولي القوة والتغيير قادم لو لم يجي ثماره الجيل الحالي – وهو أمر واقع – فليكن لأجيال القادمة. أها في هذه الأثناء طراخ يقوم واحد من شرامة الحي برمي نص طوبة حمرا في نص زنكي عرش الأوضة التي أتفيأ ظلالها رغم الحر وقومي يا النومه طيري وتلخبط الحلم بالقدر الذي ظننت ظن أن السؤ وأدخلت دون قصد عتوت أسود ######لــــه بيجية وديك فوشي في الحلم.
| |
|
|
|
|
|
|
| |
عبدالعزيز عثمان
محمد حيدر المشرف
الطاهر الطاهر
almulaomar
فيس بوك
تويتر
انستقرام
يوتيوب
بنتيريست