|
طلب مساعدة في البحث بتاعي، كلاكيت مرّة تانية
|
المرّه دي حتكون قصيرة جداً، ما زي المرّة الفاتت... في جزئية محتاجه إعادة منكم لو سمحتم... المشرف في المرّه الاولى اتفاجأ من عدد الناس الساهموا معاي... وبالجد شاكره جداً ليكم، النتائج طلعت مريحة ووحاسمة إلى حد كبير... بس الجزئية دي محتاجين نعيدها...
المره الفاتت كان في 60 صورة.. المرة دي العدد أقل بكتير...
اها.. قلتو شنو؟
|
|
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: مريم بنت الحسين)
|
أنت مدعو إلى المشاركة في مشروع بحثي تقوم به: مريم أحمد مصطفى الحسن أنا طالبة دكتوراه أدرس في Informatics Research Centre (IRC), Henely Buisness School, University of Reading. البحث قائم على مشاركتكم عبر الموقع الذي تم تصميمه لأجل هذه الغاية، أود أن أؤكد لكم أن خصوصيتكم سيتم المحافظة عليها بصورة كاملة، ولن يتم كشف أي من معلوماتكم الخاصة التي تقومون بتزويدها على الموقع. البيانات التي يتم جمعها لغرض البحث فحسب ولن يتم استخدامها لأي أغراض أخرى. يمكنكم البدء عبر هذا الموقع:
http://s487961854.onlinehome.us/
المدة التي تحتاجونها على هذا الموقع مدة تتراوح ما بين 10-15 دقيقة كحد أقصى، شاكره لكم مساعدتكم
مريم أحمد مصطفى الحسين
| |
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: elhilayla)
|
elhilayla... ألف ألف شكر على الدعم والتشجيع والمساهمة في المرّتين... اول ما انتهي من تحليل البيانات بتاعت المرّه دي، حأكتب ليكم ملخّص عن البحث والنتائج الوصلت ليها... حيكون تدريب كويس لي اني اشرح البحث بلغة ما متخصصة، عشان اوري نفسي اني هاضمة البعمل فيه ولا بضيّع في وقتي ساي
| |
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: أيمن الفاضل)
|
ياسلام يا مريومة
بتذكر زمان دخلتي المنبر وكنتي طالبة جامعية
اتزوجتي ونحن هنا
وولدتي وباركنا ليك البيبي
ومشيتي في خط الوصفات المطبخية ..واتألقتي ..وبقيتي مدرسة قايمة بي ذاتا في الوجبات الصحية وسريعة
كتبتي وأبدعت
وناقشتي الناس في مواقفك ورأيك وما قصرتي
حصلت المقادير ورحلوا ليك ناس غاليين وبكيتيهم وبكيناهم معاك ...
أها طال الزمن وحسة رجعت المنبر وانتي بتحضري في الدكتوراة ..والناس بساندوا فيك وواقفين معاك ..
ياسلام ياسلام على رحلة حياة انسانة واضحة وضوح الشمس..وجميلة ..وذكية وراقية ..بين اهلك وعشيرتك ..والصداقات المضمونة ..
قبل ما أكون من ضمن البساعدوك في البحث تكلميني أنا بنفع؟؟ عشان زمني ضيق ..وجريني كتير...ويمكن الشي البتسوي فيهو ده ما مجال أنا بعرفو كتير
ارسلو لي ولادي يساعدوك؟؟
ما دايرة أخذلك ..لكن للضمان كده..ما دايرة (أتورط) ...هههه
حبيبتي ربنا يعينك وينصرك..لك ولأسرتك التحية
| |
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: Tumadir)
|
يا سلاااااام يا تماضر... مليتي قلبي بمحبة كبيرة وفرح بي كلامك ده وانا بقرا قصة حياتي قدامي.. وانها مرّت قدّامك... الواحد كل هدفه في الدنيا دي انه يخلي ذكرى حسنة وان شاء الله أكون من المذكورين بالخير عندكم...
انت تنفعي ونص وخمسة... واساسا هو ما مصمم لمتخصصين ... أولادك لو بدخلوا سودانيزأونلاين ممكن يشاركوا (واتشّرف)... لانه مجتمع الدراسة ضمن سودانيزأونلاين سواءاً الناس البكتبوا فيها أو البتابعوها...
الله يديك العافية ويملا يومك محبة وسعادة وسرور...
| |
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: أيمن الفاضل)
|
أيمن الفاضل... التاق ده كلمات بنضيفها للصور عشان نوصفها او عشان نقول رأينا فيها أو أي شي يكون عنده علاقة بي الصورة أو بينا... انت حر تماماً في الكلمات التختارها عشان تعمل تاق.. المطلوب انك تعمله لي 15 صورة... وبعداك بجيك سؤال عشان تختار لغة (عربي أو انجليزي)، بعد تختار بتجيك نفس الصور مرّة تانية...
اتمنى يكون شرحي مفهوم...
ألف شكر على وقتك
| |
|
|
|
|
|
|
Re: طلب مساعدة في البحث بتاعي، كلاكيت مرّة تانية (Re: مريم بنت الحسين)
|
طمطم يا جميل... معليش دي غلطتي انا... المطلوب انك تكتبي كلمات للصور دي تعبّر عن اي شي يخطر على بالك... يعني الصور القدامك دي تكتبي ليها كلمات توصفها او توصف احساسك بيها او تذكرك بي حاجه او اي شي يخطر على بالك متعلق بالصور دي... وما في اجابات خاطئة... العندك ادينا ليها.. مافي سقف اعلى ولا ادنى على الكلمات... على كيف.. الشويه كويس والكتير كويس والوسط كويس... اتمنى اكون وضّحته
| |
|
|
|
|
|
|
| |