|
|
 عندما قال سعودي دراج: "بسم الله الرحمن الرحيم" شلنا نعلاتنا وفَــتْ مرقنا
|
الزمان: انتخابات الديموقراطية 1986
المكان: الخرطوم بحري .. ميدان المدرسة الأميرية
الشخصيات: شخصي الضعيف وابن أخي
في ذلك الوقت كان النشاط الحزبي على أشده، وكانت دعايات الأحزاب الانتخابية ما تديك الدرب، تلقى دعاية لحزب الأمة وطائفة الأنصار، ودعاية لحزب البعث العربي الاشتراكي: (لن يحكمنا البنك الدولي، لن تحكمنا بقايا مايو) و( أمة عربية واحدة ذات رسالة خالدة)، وايضا ملصقات الجبهة الإسلامية القومية وقتها (سجل اسمك لحماية أرض السودان) وكنا ونحن صغارا، نقوم بوضع همزة في حرف اللام من (سجل) ونقوم بحزف الألف والهمزة من حرف الكاف في كلمة (اسمك) ليصبح المعنى: (سجك سمك لحماية أرض السودان) شقاوة وكده ^__^، وكان بالطبع هنالك ملصقات الحزب الشيوعي السوداني و( يا محمد أحمد همتك صوتك أمانة في ذمتك ما تخلي سادن قمتك)، كانت هنالك دعايات أيضا حزب الإخوان المسلمون ومرشحهم وقتها في دوائر الخريجين د. الحبر يوسف نور الدائم، وملصقات الحزب القومي السوداني ومرشحه الأب فيليب عباس غبوش، وأيضا الحزب الاتحادي الديموقراطي ومرشحه محمد عبد الجواد، وكانت ملصقات الحزب الاتحادي تحمل علم الاستقلال وشخصيات علي الميرغني ومحمد عثمان الميرغني والأزهري والشريف حسين الهندي .. وكانت أيضا إعلانات جماعة أنصار السنة المحمدية والتي لم تشارك في العملية الانتخابية، إلا الأستاذ يوناس بول (بصورة فردية) .. والغريبة ذاك الوقت (بخيالنا الطفولي) كنا نظن أن طائفة (الأنصار) وجماعة أنصار السنة هما شيء واحد، وكانت ميولنا كنا وقتها في خامسة/ سادسة ابتدائي، كانت ميولنا غير ثابتة وكانت تتوزع في ميول الكبار الذين حولنا، فإذا جلسنا مع ناس حزب أمة نميل لحزب الأمة ونقول أننا عندنا نكبر حندي أصواتنا لحزب الأمة، أيضا حزب الأمة كان مستفيد من الشعور القومي والوطني تجاه الامام المهدي ودوره في محاربة الاستعمار، وكنا أيضا نميل أحيانا للجبهجية وكانت ظاهرة موضة (الكوزنة) فالشاب لو عمل ليهو دقن يقولو بقى كوز والبت لو لبست طرحة يقولوا اتكوزنت، وكنا أحيانا نميل للاتحادي الديموقراطي بحكم انتماء الأسرة للطائفة الختمية .. المهم في ظل كل هذا الخضم (الديموقراطي) لم تنحرف ميولنا لليسار أبدا والحمد لله.
كان دار الحزب الشيوعي السوداني في حي الدناقلة جنوب ناصية يفتح غربا ويفتح كذلك شمالا في ميدان الأميرية، وكان تقام به فعاليات الحزب، وكان الشيوعيون يلجأو لأسلوب (خبيث) لجذب صغار السن كي يكونوا نواة لحزبهم، فكانوا يقومون بتشغيل أفلام كرتون، دخلت دار الحزب الشيوعي مرة واحدة فقط، وكان عمري وقتها 10 سنوات تقريبا، وذلك مع مجموعة من أولاد الحي، والهدف مشاهدة فيلم الكرتون، بعد خروجنا لقينا رجل لا يظهر من شكله أنه يتبع لأي طائفة دينية، سوداني عادي وحليق اللحية ومسبل البنطلون، قال لينا: تاني ما تخشوا هنا .. ديل كفار!! وفعلا لم أدخل الدار مرة أخرى ولكن بقيت هذه الكلمة ترن في أذني كثيرا .. كفار؟؟ كيف كفار يعني؟ سودانيين زينا وكفار؟؟ وأصبح هذا الموضوع يشغل تفكيري وكان وقتها هنالك ندوة ضخمة سيقيمها الحزب الشيوعي بميدان المدرسة الأميرية لمرشحه بمنطقة بحري (سعودي دراج)، فقلت لابن أخي: تعرف مافي طريقة نتأكد الناس ديل كفار وللا مسلمين إلا بي شي واحد، نحضر الندوة دي، الزول ده لو قال (بسم الله الرحمن الرحيم) معناتو مسلمين ما كفار لأنو مافي كافر بقول بسم الله الرحمن الرحيم، ولو ما قال بسم الله الرحمن الرحيم معناتو كفار .. (شوف خيال الطفولة كيف ^__^) .. كنا أيضا نريد التأكد : هل سعودي دراج هو نفسه سعودي للدراجات البيأجر العجلات للأولاد؟ لأنو كنا قايلين دراج دي ياها ذاتا للدراجات .. المهم!
في يوم الندوة المشهود حرصنا على الحضور من بدري (الموضوع كنا مهتمين بيهو اهتمام ما عادي) وكان عندنا شغف كبير جدا للمعرفة، من بدري جينا وقعدنا في الكراسي بتاعت السيور المؤجرة من سعودي للأفراح وهو نفسه بتاع العجلات، والساوند وبراميل الموية الباردة كلو من سعودي، قعدنا في آخر كراسي في الصف الأخير (ثقافة الطفل السوداني تهيب الناس الكبار وأن المقاعد الأمامية للكبار)، قاعدين زينا وزي أي ناس كبار ومهتمين بالندوة (هسي يجيني واحد يقول لي دي ثمار الديموقراطية ^__^) .. المهم لمن ظهر شيوعي دراج أو سعودي دراج كان لابس جلابية أنصارية وعمة* أول ما شفناهو اتأكدنا من القصة الأولى إنو سعودي دراج ليس هو نفسه سعودي للدراجات .. وبقيت القضية الثانية: هل يقول بسم الله الرحمن الرحيم أم لا يقولها؟ وبدأ سعودي دراج أول كلمة فقال: (بسم الله الرحمن الرحيم) .. ولحظتها أنا وود أخوي شلنا نعلاتنا وفت مرقنا، وقلت ليهو: الناس ديل مسلمين ما كفار!! والله غايتو أطفالا أطفالا كنا .. أنا من بحري!
ـــــــــــــــــــــــــــــــــــــــــــــــــــــ
الحاشية:
*الشوايعة مكارين بعد أن كانوا في الستينات يلبسون البدل الأفرنجية والجينز الوسـخـان ويفلفلوا شعرهم، وبناتهم يلبسوا جكسا في خط 6 أحمر في أحمر .. بقوا في الثمانينات وما بعدها يلبسوا اللباس القومي السوداني جلابية وعمة للرجال وثوب سوداني للنساء.
** نكتة لم تحدث:
واحد شيوعي كان زعلان من امتلاء المسجد في دروس السلفيين وخواء دار الحزب الشيوعي، فلجأ لحيلة، مشى ميدان الرابطة ولقى شفع الحلة بلعبوا كورة .. قال ليهم: انتو قاعدين هنا والبيبسي في الجامع بلاش؟ وانطلق الصبية للمسجد ويقال أن المسجد مغلق من يومها بانتظار البرادعي وهانز بليكس.. نجح الشيوعي في إفراغ المسجد ولكنه لم ينجح في ملء دار الحزب!
|
|
  
|
|
|
|
|
|
|
 Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: ياسر منصور عثمان)
|
| Quote: وايضا ملصقات الجبهة الإسلامية القومية وقتها (سجل اسمك لحماية أرض السودان) |
لعنة الله عليهم ولعنة الشعب السوداني عليهم .. منذ ذاك الوقت وحتى تاريخه لم تحمي ارض ولم تحمي مواطن ولم تحمي عرض مسلم او عرض مواطن يتبع لسلطانها .. (سجل اسمك لحماية ارض السودان) يعني انها تعلم ان حماية ارض السودان غاية كل سوداني ومع ذلك فرطت في ارضه وتتوعده باجزاء اخرى ... لعنة الله عليها ان هي الهت السوداني الاصيل في قوت يومه فاصبح لا يفرق بين الحلال والحرام ، فان حصل على الحرام لا ينازعه ضميره من شدة الفاقه . علق احد جيراني والناس تتحدث عن جار آخر لهم على انه قد استطاع ان يأتي كل يوم وكيسه مليئ باللحم والخضروات والفاكهه - يعني الحد الادنى من الحياة الكريمة المطلوبة لكل مواطن - هذا الشخص بسيط راتبه لا يكفيه اسبوع ونظرا لعمله كموظف ( قبانه ) استطاع ان يملأ كيسه بما ذكرته بعاليه من مال الحرام ... المهم نتيجة الموضوع هو ما ارديكم الاستماع اليه ، كان تعليق الجالسين و المستمعين ليس كما قد يتوقعه اي انسان . كان تعليق احدهم وهو يهز راسه بالرضا قائلا : يستاهل رجل مسكين وقال التاني : ماشاء الله استفاد وقال آخر والله فلان دا الواحد بتمنى ليهو كل خير ... هذه هي الشخصية السودانية الجديدة المتغيره التي ستورث السودان فاذا كان الاب او اللام حرامية ماذا سيورث الابناء غير الفهلوة والشطارة الممنوعة ؟ مالذي يضمن ان العدد القليل المتبقي من السوداني الصالح سيعيد للسوداني شخصية الزول المعروفة والتي هي رصيدنا الوحيد في الحياة وبها يحترمنا الاخرين .
ناسف اذا قلبت البوست الى حزن وانتم جئتم لتفرحوا .. ناسف
عبدالكريم الاحمر
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: محمد جلال عبدالله)
|
| Quote: هل يقول بسم الله الرحمن الرحيم أم لا يقولها؟ وبدأ سعودي دراج أول كلمة فقال: (بسم الله الرحمن الرحيم) .. ولحظتها أنا وود أخوي شلنا نعلاتنا وفت مرقنا، وقلت ليهو: الناس ديل مسلمين ما كفار!! والله غايتو أطفالا أطفالا كنا .. أنا من بحري! |
سمعت في التراث الاسلامي ان الشيطان هو من يجري ويرتعد عندما يسمع البسلمة ....
ورغم ان البوست يصب في تبسيط المواقف السياسية والمساهمة في اعوجاجها .......لان الندوة السياسية ليست خطبة جمعة ......ولا دور الاحزاب والميادين العامة هي مساجد حتي يذكر فيها اسم الله .......بعدين ما رايك اذا قال سعودي دارج بسم الله الرحمن الرحيم في سره .....؟
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: الزبير بشير)
|
الأخ / ibrahim alnimma
Quote: سمعت في التراث الاسلامي ان الشيطان هو من يجري ويرتعد عندما يسمع البسلمة ....
ورغم ان البوست يصب في تبسيط المواقف السياسية والمساهمة في اعوجاجها .......لان الندوة السياسية ليست خطبة جمعة ......ولا دور الاحزاب والميادين العامة هي مساجد حتي يذكر فيها اسم الله .......بعدين ما رايك اذا قال سعودي دارج بسم الله الرحمن الرحيم في سره .....؟ |
لا يخفى عليك أن السياق ليس هو السياق
ونحن لم نخف ولم نرتعد وقد كنا أطفالا وقتها (إلا لو بتعتبرنا شواطين صغار) وش ضاحك
أما لو قالها في سره (فبحسب عقلنا الطفولي وقتها) كنا سنأخذ بقول من يكفرون الشوايعة
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: محمد جلال عبدالله)
|
الحبيب محمد جلال
الشيوعيون لو بيختشوا المفروض ما اتكلموا في الديمقراطيه بعد انقلاب نميري .
تاني هم منافقين ضد الحكم الراسمالي و كلهم في امريكيا, طيب الكواريك لي شنو ، احسن تنادوا بالراسماليه التي تاويكم الان ، وعايشكم في الدول الغربيه الراسماليه الامبرياليه.
ياخوي ديل ما ناس سياسه بس معايش .
عليك الله تاني ما تجيب سيره الاموات لانو الضرب علي الميت حرام .
الشيوعيون شغالين في السودان عكس عكس هم ضد اي حكومه ذي( الدغلوب) ما اعرغوا الا يعيشوا في المياه العكره .
الزبير الختمي
عاش ابو هاشم
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: الزبير بشير)
|
الشيوعين ايدو مايو هذا كلام صح ........ولكن لو كان تايد مايو بخرجك من ملة الديمقراطين ، لماذا كان الميرغني ضمن مايو حتي الانتفاضة ؟ لماذا كان يبعث لهم برسائل تايد في كل عيد "25 مايو " حتي الانتفاضة وهل قاد الميرغني يوم معارضة ضد نميري ؟ واين هو اليوم ؟ هل يقف مع نظام ديمقراطي؟ هو جزء من كل المجازر التي يتعرض لها شعبنا ......ولم يثنيه عن دعم البشير تزوير الانتخابات التي وقف عليها شاهداً .......يا عمي ديمقراطية شنو البعرفها طائفي ........
| Quote: اتحالف مع من يا اخ ياسر هات الحقبه الحكوميه امكن ضربنا الزهايمر . |
يعدين انت ما بتقرا التاريخ يا عمي الشيخ .........التجمع الوطني الديمقراطي ما كان الميرغني حليف للشيوعين فيهو؟ انت كمان ما متابع ؟ ما يو لما ايدها الشيوعين لم يكونو لوحدهم ومايو كان واقف معها كل الشارع السوداني وعندما اختلفو معها دفعو ثمنا غاليا يعرفه كل سياسي .......ورغم انهم انتقدو نفسهم في هذا التجرية الا ان الميرغني والترابي والصادق المهادي دخلو مايو ووقفو ضد رغبات الجماهير الي رحل نميري هم كانو في حبالو ....او لا تقرأون التاريخ؟
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: ibrahim alnimma)
|
Quote: لشوايعة مكارين بعد أن كانوا في الستينات يلبسون البدل الأفرنجية والجينز الوسـخـان ويفلفلوا شعرهم، وبناتهم يلبسوا جكسا في خط 6 أحمر في أحمر .. بقوا في الثمانينات وما بعدها يلبسوا اللباس القومي السوداني جلابية وعمة للرجال وثوب سوداني للنساء.
** نكتة لم تحدث:
واحد شيوعي كان زعلان من امتلاء المسجد في دروس السلفيين وخواء دار الحزب الشيوعي، فلجأ لحيلة، مشى ميدان الرابطة ولقى شفع الحلة بلعبوا كورة .. قال ليهم: انتو قاعدين هنا والبيبسي في الجامع بلاش؟ وانطلق الصبية للمسجد ويقال أن المسجد مغلق من يومها بانتظار البرادعي وهانز بليكس.. نجح الشيوعي في إفراغ المسجد ولكنه لم ينجح في ملء دار الحزب! |
ركيك
| |
|
|
|
|
|
|
|
|
 Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: محمد جلال عبدالله)
|
| Quote: كان دار الحزب الشيوعي السوداني في حي الدناقلة جنوب ناصية يفتح غربا ويفتح كذلك شمالا في ميدان الأميرية، |
كنت فى ذاك الوقت قد تركت لعب كرة القدم فى رابطة الدناقلة فى فريق الصداقة وكان شارع غانا واولاد شارع غانا من لعيبة اللهيب والنيلين هم الاقرب الى نفسى
عادل تسعة ..
كمال احمد ..
الثعلب
كدوس
عبد الحميد طايوقا
حسن غانا ..
,,,
بالله انت من بحرى الجميلة
ــــــــــــــــ
تصدق يا محمد العم سعودى دراج كان من اكثر قيادات الشيبوعيين معرفة فى بحرى
كان قائداً للعمال فى النقل الميكانيكى
كان ذى سمــت سودانى اصيل
كان مهدداً لنا فى الجبهة الاسلامية حال كونه مرشح لانتمائه الى بحرى
فجاء خيار ناس بحرى فى الجبهة الاسلامية ان يتم انزال شخص من بحرى يكون له نفوذ ووجود فى بحرى اكبر من سعودى دراج
فوقع الاختيار على الشيخ الماذون امام مسجد محمود بكرى فى حلة الختمية العم عباس حسن التوم ليكون مرشحاً عن الجبهة الاسلامية
ثم جاءت رؤية الحزب المركزية ان يكون المرشح مهدى ابراهيم محمد وقد كان وفزنا بالدائرة
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: ياسر منصور عثمان)
|
Quote: كنت فى ذاك الوقت قد تركت لعب كرة القدم فى رابطة الدناقلة فى فريق الصداقة وكان شارع غانا واولاد شارع غانا من لعيبة اللهيب والنيلين هم الاقرب الى نفسى
عادل تسعة ..
كمال احمد ..
الثعلب
كدوس
عبد الحميد طايوقا
حسن غانا ..
,,,
بالله انت من بحرى الجميلة
ــــــــــــــــ
تصدق يا محمد العم سعودى دراج كان من اكثر قيادات الشيبوعيين معرفة فى بحرى
كان قائداً للعمال فى النقل الميكانيكى
كان ذى سمــت سودانى اصيل
كان مهدداً لنا فى الجبهة الاسلامية حال كونه مرشح لانتمائه الى بحرى
فجاء خيار ناس بحرى فى الجبهة الاسلامية ان يتم انزال شخص من بحرى يكون له نفوذ ووجود فى بحرى اكبر من سعودى دراج
فوقع الاختيار على الشيخ الماذون امام مسجد محمود بكرى فى حلة الختمية العم عباس حسن التوم ليكون مرشحاً عن الجبهة الاسلامية
ثم جاءت رؤية الحزب المركزية ان يكون المرشح مهدى ابراهيم محمد وقد كان وفزنا بالدائرة |
حياك الله يا فكي
أتذكر جيدا تلك الأيام وكيف كانت المنافسة محتدمة بين مهدي إبراهيم وباقي المرشحين
لدرجة أن الدائرة 31 بحري كانت آخر الدوائر في الفرز
وأن نتيجتها ظهرت في ساعة متأخرة من الليل
والله يا فكي ,, رغم كل شيء لكن كنا كويسين الوكت داك ^___^
| |
|
|
|
|
|
|
|
|
|
Re: عندما قال سعودي دراج: andquot;بسم الله الرحمن الرحيمandquot; شلنا نعلاتنا وفَــتْ مرقنا (Re: محمد جلال عبدالله)
|
Quote: فوقع الاختيار على الشيخ الماذون امام مسجد محمود بكرى فى حلة الختمية العم عباس حسن التوم ليكون مرشحاً عن الجبهة الاسلامية
ثم جاءت رؤية الحزب المركزية ان يكون المرشح مهدى ابراهيم محمد وقد كان وفزنا بالدائرة |
ثم بعد ذلك تنكرنا لام الديمقراطية ونكلنا بالكل حتي اللذين صوتو لنا عشماً في الديمقراطية ....مواصلة بلسان اخونا بدرالدين ........بدرالدين يذكر او تذكر ولا يتحسر علي الدريمقراطية وربما يتحسر فقط علي الجوء والسن وووو ......ويحول الحوار السياسي الي استلطاف شخصي مثل قوله عمن سعودي دراج ووووووووو وكان وليست قضية عامة وسياسية اكبر من شخوص واختلاف بين نظرة فرع الجبهة الاسلامية ببحري ومركزيتها التي نفذت الانقلاب وطرحت مهدي ابراهيم بديلا لمرشح المنطقة ...........
| |
|
|
|
|
|
|
| |
محمد جلال عبدالله
محمد الشيخ أرباب
ياسر منصور عثمان
عبدالكريم الاحمر
hassan bashir
ibrahim alnimma
الزبير بشير
بدر الدين اسحاق احمد
خالد العبيد
فيس بوك
تويتر
انستقرام
يوتيوب
بنتيريست