|
|
 بت تجيد الانجليزية بطلاقة ,, ولكن ,,,
|
بت تجيد الانجليزية بطلاقة ,, ولكن ,, تعترض !!
السلام عليكم ورحمة الله تعالي وبركاتة ,,,
انا جيت افتش لي موضوع اقراهو ,, شوفت لي ناس هنا في المنبر الرائع الجميل ده ,, يكتبو ( الموضوع ) بالانجليزي !!
ما لفت نظري الموضوع ,, قدر ما لفت نظري الكتابة بالانجليزي ,,
اتغظت غيظ شديد جدا ,, مش لاني ما بعرف انجليزي ..
لا ,, ده ما السبب ,, ( لاني والحمد لله اجيد الانجليزية وبطلاقة )
اعتراضي علي الكتابة بالانجليزي ,,
انا لا اتحدث عن نفسي ,, لاني والحمد لله تعلمت في بلد اهلها يتحدثون الانجليزي بطلاقة ,,
(كدي انسو كلامي ده كوولو ,, وخليكم معاي هنا ,, ده ما لب الموضوع )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
( لب الموضوع ,, ) تكتب بالانجليزي لييييية ؟؟!!!
نحن سودانيين في بلد اسمه السودان ,,
ولينا اكتر من كم وثلاثين سنة التعليم متردي في السودان ,,
لدرجة انتهي مستوي التعليم في السودان ,,
.. وخاصة تعريب الجامعات السودانية زاد الطين بله ,,
بمعني انو معظم السودانيين ,, ثقافتها عربي ,,,
يعني مييييح في الانجليزي ,,
( كدي اتكلم ليك بالبلدي كدي ,, وبدون خجل )
نحن جميعا في بلد متخلف اكاديميا ,, ومدمر من جميع النواحي !!
معظمنا متخلفين سوي كان علي المستوي التعليمي او الحضاري او الاقتصادي اوالتكنلوجي ,,
متخلفين عديييل كدي ,, من جميع النواحي ,,
لو مكضبني ,, افتحو موسوعة جينيس للارقام القياسية ,,
( ويكبيديا ) لانها اكثر صدقا ,,
حتلقونا في كل شيء نحن طالعين الطيش !!
متخلفين حضاريا وتكنلوجيا وفي كل شيء ,, نحن الطيش ,,
ومحاربين اقتصاديا ,, ثورة الانقاذ ما قصرت ,, يقصر الملح ,, انتهت مننا نهاية بطل ,, حتي
( الخزينة فاااضية يا كافي البلا تكافي البلا !!)
عدمانين القرش ,, ناس محطمين ,, !!
تقوم تكتب بالانجليزي ؟!!! لييييه ؟؟!!
البخليك تكتب بالانجليزي شنو ؟؟!!
يعني نحن مقطعين الثقافة بالانجليزي ؟
شاطرييين يعني نحن في الانجليزي ؟؟!!
(اي معظمنا هاجر ومقيم خارج السودان ,, بطريقة مخيفة جدا وتدعو للشفقة ,, وقد يكون معظمنا تأثر بثقافة البلد المقيم بها الفرد ,, وبقا زول مثقف وواعي اكتر من الغلابة القاعدين جوه السودان ,, ولم ينال قسط من التعليم العالي ,, والحياة المعيشية الكريمة ,, ما عدا الكيزان والموالين للنظام وناس النظام زااتم ديل بره اللعبة ,, )
بس ده ما بديك الحق عشان يا زيد او عبيد ,, تقوم تتفلسف وتكتب بالانجليزي ,, !
ياخ حرام عليك !!
اانا بشوف مافي داعي اطلاقا ,, للكتابة بالانجليزي ,, لان معظمنا لا يجيد الانجليزية ,,
المثل بقول لو انت عاوز تقنع حد وتفهمه بما يجيش بخاطرك .. من اللباقة والفهم ,, أن تتحدث له بلغتة لكي يفهمك ويفهم قضيتك ,,
الليلة ما ممكن انت عاوز تخاطب ليك مجتمع وتوصل ليهو فكرتك .. تتحدث له بلغة لا يفهمها !!
ده اذا كان الغرض من الكتابة توصيل المضمون والفكرة للناس ديل ,,
اما اذا كان الغرض اتفلسف واقول للناس شوفوني ,,
أنا أحسن منكم ,, بجيد الكتابة الانجليزية !!
وانا مثقف بجيد لغة لا يفهمها الكثيرون منكم ,,
يبقي ده شيء تاني ,,
يا سااااااااااااااااتر !! انت والزمن علينا ؟؟!!
تحياتي واحترامي لكم جميعا ,,,
|
|
 
|
|
|
|
|
|
|
 Re: بت تجيد الانجليزية بطلاقة ,, ولكن ,,, (Re: عواطف علي)
|
حبابك استاذة عواطف
لا يهم الكتابة باي لغة
المهم التعليم
من اسوء الاشياء في سودان اليوم الكارثي هو سوء التعليم
لا مستقبل جيد بدون تعليم جيد
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: Mohamed Adam)
|
هلا ,, هلا اخي محمد ادم ,,
مافي سبب يخليكم تكتبو بالانجليزي ,, اطلاقا ,,
خلاص اكتبو الجملة الماممكن تتقري باللغة العربية دي ,, فقط ,, بالانجليزي
وحاولو فسروها ليهم بالعربي علي قدر ما تقدروا ,,
يعني ما تخلو الناس فاتحين خشمهم وما فاهمين الكلام البتكتبو فيهو ده ,,
ياخ لي مصلحتك انت زاااااتك ,,
عشان الناس دي ترد ليك ,, الفئة المهمشة دي ,, عشان تفهم ,,
ما نالت قسط من التعليم والحياة المعيشية الجيدة ,, علي الاقل تلاقي ليها كلمة كلمتين تقراهم وتتثقف بيهم شوووويه وتقدر كمان ترد ,,
صدقني الناس المهمشين والتعبانيين ديل والما بعرفوا الانجليزي ديل ,, مرات بتلقاهم فاهمين ومستوعبين الحاصل اكتر من الناس المثقفة وبتعرف انجليزي ديك ,,
لانهم داقشين وضايقين الحنضل وكلامكم ده ,, واقع ليهم في جرح ,, ايوه صدقني ,,
الناس المهمشين ديل ,, هم الاصل ,,
هم اصحاب القضية الحقيقية ,,
مات همشوهم ,, اكتبوا ليهم باللغة العربية عليكم الله ,,
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: شهاب الفاتح عثمان)
|
سلام دكتور شهاب ,, مرحبتين حبابك ,,
لا يا دكتور ,,
كدي افهمني ,,,
انا قصدي لمن الزول ينزل لي موضوع هنا في المنبر المفروض ينزله باللغة العربية ,,
الفلسفة ما سمحة , ,,
لانه ما دام المنبر ده منبر سوداني ,, نتوقع الغالبية العظمي ما بتعرف انجليزي ,, فعشان تخاطب الناس دي .. فلابد من الكتابة بالغة العربية ,,
لان الناس دي ما كلها ثقافتها انجليزي ,,
هنا معظم االناس ما بتفهم انجليزي ,,
فلابد من المواضيع هنا تكون باللغة العربية ,, ده قصدي ,,
بغض النظر عن المعمعة العايشينها ,, كدي علي الاقل خلو الناس دي تفهمكم ,,
نزلو مواضيعكم باللغة العربية ,,
تحياتي واحترامي ’’
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: قصي محمد عبدالله)
|
ما تنسي ,, اسمك ,, أكتبو بالانجليزي ,, هههههه
وصي يا وصاية والقليب صفايه هههههههههههههههههه
تحياتي واحترامي ,,
(عدل بواسطة عواطف علي on 04-17-2014, 09:11 AM)
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: قصي محمد عبدالله)
|
اخوي قصي ,, عليك الله ما تنسي ,, انت ناسي كاتب اسمك بالعربي ,, ( قصي محمد عبدالله )
ارجع لي ملفك الشخصي واعمل تعديل ,, اكتبو بالانجليزي ,,
الاسم . .. قصي !!
اسم الاب ,, محمد ,, علي اسم المصطفي عليه الصلاة والسلام
اسم الجد ,, عبدالله ,, علي اسم والد المصطفي عليه الصلاة والسلام
اكيييد من اسرة عربية اسلامية دينية ومشبعة باخلاق الرسول صلي الله عليه وسلم ,,
والرسول صل الله عليه وسلم لسانه عربي ,,
معني الكلام ده ,, الزول ده عربي حتي النخاع !!!
سمح ليه عاوج لسانه ؟؟!!!!!!!!!!
هههههههه
تحياتي واحترامي ,,
(عدل بواسطة عواطف علي on 04-17-2014, 09:25 AM)
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
أستاذة عواطف سلامي وتحياتي
Quote:
اخوي قصي ,, عليك الله ما تنسي ,, انت ناسي كاتب اسمك بالعربي ,, ( قصي محمد عبدالله )
ارجع لي ملفك الشخصي واعمل تعديل ,, اكتبو بالانجليزي ,,
الاسم . .. قصي !!
اسم الاب ,, محمد ,, علي اسم المصطفي عليه الصلاة والسلام
اسم الجد ,, عبدالله ,, علي اسم والد المصطفي عليه الصلاة والسلام
اكيييد من اسرة عربية اسلامية دينية ومشبعة باخلاق الرسول صلي الله عليه وسلم ,,
والرسول صل الله عليه وسلم لسانه عربي ,,
معني الكلام ده ,, الزول ده عربي حتي النخاع !!!
سمح ليه عاوج لسانه ؟؟!!!!!!!!!!
هههههههه |
أؤيد رايك بنسبة 99 %
المطلوب هو الكتابة بلغة يفهمها أهل المنطقة، وأعلم تماما أن الموجودون هنا مهرة في عدد من اللغات غير العربية،
وكل حساباتي في كل مواقع التواصل باللغة العربية،
وأعتبر الكتابة باللغة الإنجليزية مع قوم لغتهم الأساسية العربية فلسفة لا داعي لها!!!
كل ذلك موقن به تماما...............
كتبت بالإنجليزية مرة واحدة لدينق في شكل رسالة بسيطة موجهة له ، أكثر من هي رد على موضوع،
والشاذ أو النادر لا يدخل ضمن القاعدة،
أها بعد داك الموضوع سحبو زكريا بادعائه أني ذبحت اللغة من الوريد للوريد،
وبحسب تخصص - والتخصص في اللغة غير التحدث بها - فقط أردت منه أن يخيط أماكن القطع ويوقف النزيف حتى نستفيد مستقبلا من أخطائنا اللغوية!
المهم، وللتأكيد : أنا ضد التعامل بلغة غير لغة أهل الدار، إلا للضرورة التي تستجوب ذلك، ولا مفر إلا باستخدام لغة أخرى.
مداخلتي هنا باللغة الإنجليزية(....................!Wow) كانت فقط من باب تأجيج الموقف للحصول على المزيد من ردود الفعل ،
هههههههههههههههههه
تحياتي وتقديري
(عدل بواسطة قصي محمد عبدالله on 04-17-2014, 01:48 PM)
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
النصيحة باب النبي يا أخت عواطف:
اللغة الإنجليزية عندها قوة شرائية عالية جداً جداً جداً..
دع عنك الإنقاذ وما إلى ذلك من تعريب جامعات وتدهور نظام التعليم
ولا تدهور السودان الوطن الما بقي واحد ذاتو ده... وما قد كان وما سيكون...
ودي الحقيقة....... في سوق الله وأكبر ده.... عديل كدي...
أول ما تلوك ليك كلمتين باللغة الإنجليزية أو تكتبم... الواطة دي كلها تقعد تعاين ليك..
حكمة الله....!!!
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: Azhari Nurelhuda)
|
سلام عواطف وضيوفها
تعرفي ياخية مرة نقلت خبر من مصدره الانجليزية , اها لمو فيني ومعاهم اخوي قصي ده الرد ليك بلغة الفرنجة , لامن تبت واستغفرت وعزمت ما أكتب بيها , والهدف لم يكن استعراضي ,, حاشا وكلا , لكن الخبر كان جديد ومامتوفر إلا بالانجليزية
انا شخصيا ماشايف فيها حاجة لو اتت للإستشهاد كمصدر
ثم ثانيا
بعضنا في بلد لا تتوفر فيها كي بورد عربي والكتابة بالكي بورد الافتراضي مرهقة , فيا يكتب عربي بحروف انجليزية او انجليزي راسو عديل , وانا شايف افضل يكتب انجليزي راسو عديل اسهل من العربي بالحروف الانجليزية
ف شنو
الموضوع ما فارق كتير لو كان تداخل في بوست , لكن مايكون بوست عديل ف ده مكانو المنبر الانجليزي
كامل الود
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
أختنا عواطف علي
سلام مربع
غايتو أنا حاختلف معاك
وأقول ليك ليه
تعرفي يا عواطف أنا مقيم في دولة عربية من يوم دخلتها ما غشتغلت لي شغل بيكتبوا لفيه عربي
الكتابة كلها بالإنجليزي
بالرغم من إني إشتغلت مترجم كمان
لكن المراسلات الرسمية كلها بالإنجليزي وبتترجم عند الطلب فقط بالعربي لمن لا يعرفون الإنجليزي
ثانياً تعرفي أول مرة أكتب في الجوال بالعربي كان يوم 12 شهر أبريل 2014 يعني قبل كم يوم
وجدت صعوبة شديدة جداً في كتابة الرسائل بالعربي
لأني أول مرة إستخدم الواتساب
تعرفي بقيت أعمل شنو .. بقيت اسجل رسالة صوتية بالعربي طبعاً وأرسلها تفادياً للكتابة بالعربي
يا عواطف الكيبورد دا لمن نكتب لام ألف بالهمزة عاوز ليهو (شفت) ولمن ةنعمل شنو كدا عاوز ليه حركة تانية
لكن بالإنجليزي أررررررررررررررر تكتب ومافي حاجة توقفك
كحتى الغلطات في الإسبلنق بالإنجليزي لو حدثت بسبب الطباعة الكلمة بتتقري وبتوصل معناها للقارئ
لكن بالعربي لمن تغلط تدخل في حيص بيص
الحاجة التانية والمهمة في دول الخليج دي كولها الشغل كله في الشركات بالإنجليزي
حسابات وهندسة وغيرها وغيرها
تخيلي عندي ولد في grade 4 قبل شهرين إكتشفنا بالصدفة إنه ما بعرف يكتب ولا يقرأ عربي خالص
أها جرينا جبنا ليهو مدرس خاص يا دوب بقى يتهجأ ويقرأ
لكن تعالي شوفي كتابتها وقرايته بالإنجليزي أي موضوع ممكن يقراه ويدخل في القوقل ويشوف الكلمات الجديدة
والحكمة ما بيشوف معناها بالعربي بشوف التفسير بتاعها بالإنجليزي يعني English <> English ديكشنري
بإختصار اللغة الإنجليزية بقت هي لغة العلوم والبيزنس والتكنلوجيا
شفتي ليك واحد بتاع تقنية معلومات IT ببرمج ولا بيعمل اي حاجة بالعربي ؟
وتقنية المعلومات دي بقت هي العمود الفقري لكل الأعمال حالياً
يعني بإختصار الما بعرف إنجليزي قولي ليه يتعلم إنجليزي نصيحة لوجه الله
حاولي أعملي بحث دراسي في أي موضوع ما حتلاقي اي مراجع عربية مفيدة حتكوني مضطرة لإنك تفتشي مراجع إنجليزية
ولو الموضوع بتاع البحث حيتكتب بالعربي تقومي تترجمي المراجع وتستفيدي منها
شفتي كيف !!
مع خالص تحياتي
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: Asim Fageary)
|
سلام
انا شايفة كتابتك هسع حلااااته ,, حلوه شديييد ,,
اولا ,, عاوزة اقول ليك كتابتك واااضحة وضوح الشمس ,,
ثم ثانيا ,, انت واولادك حالة نادرة ,,
بالرغم من انك مترجم وعمرك وفي حياتك كلها ما كتبت عربي ,,
كتابتك بالعربي واااضحة وممكن تواصل تكتب بالعربي ,,
تعال كدي نسعلك ,, يسعلوك من الخير ,,
لمن كنت صغير ,, امك وابوك وباقي اخوانك ,, الله يحفظهم ويخليهم ليك يارب ,,
كانو انجليز ؟ يعني انت من اصل انجليزي ؟ واصحاابك في الشارع لمن كنت صغير كانوا انجليز ؟
اقصد الشارع كله كان يتحدث الانجليزية ؟ الوسط الانت كنت عايش فيهو من صغرك ,, كانو رطانه ؟
يعني خواجات ؟
ما مشكلة ,, احتمال كولكم تكونواكده ,, ما بتعرفوا عربي ,,
بس هسع انا شايفة كتابتك واااضحة ,, خلاص انتهت المشكلة ,,
اكتب بالغربي ,,
عشان خااطر الناس الغلابة الما بعرفوا انجليزي ,,
وبعدين المشكلة شنو لمن تكتب ليك موضوع بالعربي لي ناس اصلهم عرب ؟؟!!
( اللغة الإنجليزية بقت هي لغة العلوم والبيزنس والتكنلوجيا )
انت عارف ليييه ؟؟ لانهم ناس بعتزو بي لغتهم .. فرضو لغتهم علي كل شعوب العالم ..
ليه نحن ما نعتز بلغتنا العربية التي هي لغة الاسلام ؟ المفروض اللغة العربية تكون اللغة المسيطرة علي العالم ,,
الانجليز اذكياء ,, فرضوا لغتهم علي العالم ,,
اما العرب ,, فهم ,, الله يكون في االعون ,,
نسيت اقول ليك انا ما غلطانة ,, كدي امشي احسبها بينك وبين نفسك في ساعة صفاء ,,
حتلاقي كلامي مظبوط وعين العقل ,,
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
سلام اخي ابو سن ,,
فيها شنو ؟!!
فيها انك بتخاطب ناس عرب في منبر معظم رواده يتحدثون العربية ,,
ثقافة ام اهلهم عربية ,, ناس معظم غلابه ما بعرفوا الانجليزي ,,
عجلة التطور مرت من تحتهم وههم ما دارين ,, ناس غبش ,, ناس السودان الطيبين ,, ناس لا ليهم في التور ولا في الطحين ,,
ناس قدر بهم الزمن وسلط عليهم ثورة الانقاذ ,, بدل ما تنقذهم ,, غطست حجرهم ,,
ناس معظمهم ما بعرفوا انجليزي ,,
الارض بتتكلم عربي ,, كلمهم عربي ياخ ,, ما تكونوا انتو والزمن عليهم ,, هههههه خليهم يفهمو ليهم كلمة كلمتين ينوروا بيها عقولهم ,,
انت الفئية المثقفة والواعية علموهم ,,
انا ما عاوزة زول يزعل من كلامي ده ,,
اكتب باللغة العربية ,, اعتز وافتخر بلغتك العربية ,, لغة الاسلام ,, لغة سيدنا المصطفي عليه السلام ,,
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: Azhari Nurelhuda)
|
سلام ,,
انا زاااتي مرات بنطق بعض الكلمات من غير قصد باللغة الانجليزية ,,
ده شيء عااااادي جدا .. وكلامك صاح وفي محلو ,,
لانه ما بتكون مركز ,, ولانه انت عارف الشخص القدامك ده ح يفهمك ,, لانك عايش مع وسط معظمه متشبعين بي ثقافتك ,,
لانك انت ما بتخاطب كل مرة سيد اللبن ,, او سواق الكاروا ,, او بياع الطماطم ,,
( كنت عاوزه اقول ست الشاي ,, للاسف ستات الشاي كلهم من الفئة المثقفة والمتعلمة في السودان بس الظروف جارت عليها وخلتها تكسب من عرق جبينة تبيع الشاي مثلا )
ما علينا انا مرات كلامي كتير ,,
عاوزه اقول ليك مافي مشكلة ,, لمن تخاطب حد في الحياة العامة خاطبو بالانجليزي او دخل شويه كلمات انجليزية ,, دي ما القضية الانا بتحدث عنها ,,
انا بقول هنا ,,,
اكتبو هنا باللغة العربية عشان الناس تفهمكم ,,
لانه الكتابة ما زي الكلام ,, لانه لمن تكتب بتكون مدرك ,, وبتكون عارف بتسوي في شنو .. لانها دي كتابة ما تخاطب بالسان ,,
اتكلم زي ما عاوز بالانجليزي ,, انا زاتي قاعدة اخد راحتي وبتكلم انجليزي زي ما عاوزه ,,
بس ارجووووووك ,, بتوسل ,, وبلح ,, باصرار ,, قوي ,,
اكتب باللغة العربية ,,
تحياتي واحترامي
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
Quote: سلام
انا شايفة كتابتك هسع حلااااته ,, حلوه شديييد ,,
اولا ,, عاوزة اقول ليك كتابتك واااضحة وضوح الشمس ,,
ثم ثانيا ,, انت واولادك حالة نادرة ,,
بالرغم من انك مترجم وعمرك وفي حياتك كلها ما كتبت عربي ,,
كتابتك بالعربي واااضحة وممكن تواصل تكتب بالعربي ,,
تعال كدي نسعلك ,, يسعلوك من الخير ,,
لمن كنت صغير ,, امك وابوك وباقي اخوانك ,, الله يحفظهم ويخليهم ليك يارب ,,
كانو انجليز ؟ يعني انت من اصل انجليزي ؟ واصحاابك في الشارع لمن كنت صغير كانوا انجليز ؟
اقصد الشارع كله كان يتحدث الانجليزية ؟ الوسط الانت كنت عايش فيهو من صغرك ,, كانو رطانه ؟
يعني خواجات ؟
ما مشكلة ,, احتمال كولكم تكونواكده ,, ما بتعرفوا عربي ,,
بس هسع انا شايفة كتابتك واااضحة ,, خلاص انتهت المشكلة ,,
اكتب بالغربي ,,
عشان خااطر الناس الغلابة الما بعرفوا انجليزي ,,
وبعدين المشكلة شنو لمن تكتب ليك موضوع بالعربي لي ناس اصلهم عرب ؟؟!!
( اللغة الإنجليزية بقت هي لغة العلوم والبيزنس والتكنلوجيا )
انت عارف ليييه ؟؟ لانهم ناس بعتزو بي لغتهم .. فرضو لغتهم علي كل شعوب العالم ..
ليه نحن ما نعتز بلغتنا العربية التي هي لغة الاسلام ؟ المفروض اللغة العربية تكون اللغة المسيطرة علي العالم ,,
الانجليز اذكياء ,, فرضوا لغتهم علي العالم ,,
اما العرب ,, فهم ,, الله يكون في االعون ,,
نسيت اقول ليك انا ما غلطانة ,, كدي امشي احسبها بينك وبين نفسك في ساعة صفاء ,,
حتلاقي كلامي مظبوط وعين العقل ,,
تحياتي واحترامي ,, |
Quote: بالرغم من انك مترجم وعمرك وفي حياتك كلها ما كتبت عربي ,,
كتابتك بالعربي واااضحة وممكن تواصل تكتب بالعربي ,, |
يظهر في حتة في كلامي راحت منك
أنا ما قلت ليك ما بكتب عربي .. قلت ليك في الجوال ما بعرف أكتب عربي بسهولة
لكن على اللابتوب ساهل لأن الكيبورد كبير ما زي حق الجوال
ثانياً في الجوال الحركات بتاعة (الشفت) وتغيير الوضعية عشان الحروف صعبة
تجي تقولي لي في حياتك ما كتبت عربي
ما أهو أنا في المنبر دا بكتب عربي
لكن برضو في الشغل وفي الحاجات العلمية والمهنية الإنجليزي هو السائد يعني أنا بجرة قلم من فرد أقوم أغير النظام في العالم وأكتب عربي
في الشغل وأقول ليهم يان كدا يان ما عاوز ......... أكل العيش صعب يا أختي
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: Asim Fageary)
|
سلام ,,
انته الفهمتني غلط ,, منو القال ليك اكتب في محل شقلك بالعربي ؟؟!!
الله اكبر ,,!!
اكتب في محل شقلك انجليزي او اي لغة انت عاوزه ,, واتكلم بالانجليزي زي ما عاوز ,,
انا ليس لي الحق ولا السلطة بي اني الزمك تتكلم بي اي لغة ,, ليس من حقي ,, وانا لا اتعدي حدودي ,,
بس العاوزاهو منكم يا جماعة ,, اكتبو هنا بقدر الامكان ,, بالغة العربية ,,
لو سمحتو وتكرمتو ,,
لان الغالبية العظمي يتحدثون العربية ,,
حاول اكتب هنا بالعربية ,,
ولو اكيبورد ثقافته انجليزية ,,
حاولو شوفو ليكم كيبورد يتفاهم بالعربي علي قدر استطاعتكم ,,
لان يا جماعة الخير في ناس كتااااار ما بفهمو الانتو قاعدين تكتبوهو ده ,, خاطبوهم بي لغتهم ,,
عشان الفكرة والمضمون يصل الي مستوي فهمهم ,,
معظم الناس دي , ... ثقافتها عربية ,, ده الانا قصدتو ,,
اكتب باللغة العربية ,, هنا ,, في هذا المنبر ,, فقط ,,
وبعدين ارطن باقي اليوم كلووو انجليزي ,, مافي مشكلة ,,
تحياتي واحترامي ’’
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
تحية طيبة لك وأنت تتناولين طرحاً كهذا
يعتبر من مواضيع الساعة والتي من المفرض
أن تناقش من خلال كل المنابر إبتداءً من منابر
المساجد إنتهاءً بالمنابر الإفتراضية
أتفق معك تماماً بلا أدنى شك وفي ذات الوقت
أنادي بشدة أن يكون تناول اللغة الإنجليزية
في التخاطب بيننا او الكتابة وما إلى ذلك بالقدر
الذي تفرضه الضرورة فقط وليس زيادة
لأننا زي ماقلتي لنا لغتنا ولنا لهجتنا التي يجب
أن نعتز بها ونفاخر بها
هسي اهل اللغة الانجليزية اقصد الخواجات
عمرنا ماسمعناهم وقرينا ليهم حاجة بالعربي
ولامن يتناولو العربي بالله العظيم الواحد التقول
خاتين ليهو صخرة تحت لسانو او أن يتناولونه
إستهزاءً ######رية قاتلهم الله .
من باب الطرفة :
---------------
صديقي الراحل / معتصم الجلابي عيه رحمة الله
قال لي ذات مرة :
يا أخي اللغة العربية دي مرات تحتاج لتفسير مصاحب
قلت ليهو كيف يعني ؟؟
قال لي : مرة قريت لوحة مكتوب عليها كازينو حماد العائم
أها لليلة أنا ماعارف العائم منو ؟؟ الكازينو ولا حماد ؟؟؟
ألف رحمة ونور
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: معتصم سليمان)
|
لا اله الا الله محمد رسول الله ,,
مشكوووور بي حرارة علي ردك الرائع الجميل ,, كم انت رائع ؟!!!
تسلم ,, تسلم ,, انت الوحييد البردت قلبي ,,
انا من قبيييل حلقي نشف مع الجماعة المصرين يكتبو باللغة الانجليزية وانا قاعدة ارد ليهم لامن ريقي نشف ,,
نشفو ريقي الله يقطع ابليسهم ,,
ناس مكاجرين خالص خالص ,, نحن اصلو السودانيين كده ,,
نحب المكاجرة ,, نموووت في شيء اسمو غلاط ,,
فرحتني والله الله يفرح قلبك ,, اول زول يفرح قلبي متل الفرح ده ,,
الناس التانيين الله يقطع ابليسهم واحد واحد ,,
نشفو ريقي ,,!!!!
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
Quote: لا اله الا الله محمد رسول الله ,,
مشكوووور بي حرارة علي ردك الرائع الجميل ,, كم انت رائع ؟!!!
تسلم ,, تسلم ,, انت الوحييد البردت قلبي ,,
انا من قبيييل حلقي نشف مع الجماعة المصرين يكتبو باللغة الانجليزية وانا قاعدة ارد ليهم لامن ريقي نشف ,,
نشفو ريقي الله يقطع ابليسهم ,,
ناس مكاجرين خالص خالص ,, نحن اصلو السودانيين كده ,,
نحب المكاجرة ,, نموووت في شيء اسمو غلاط ,,
فرحتني والله الله يفرح قلبك ,, اول زول يفرح قلبي متل الفرح ده ,,
الناس التانيين الله يقطع ابليسهم واحد واحد ,,
نشفو ريقي ,,!!!!
تحياتي واحترامي ,, |
وتسلمي من كل شر يا أخت عواطف
وان شاء الله دائماً مبسوطة
وزي ماقلتي نحن ناس كتير مننا يقولو ليهم
شرق وهم يكونوا عارفين انو شرق بس مكاجرة
سااااااااااااااااي يقولو غرب
الله المستعان بس
شكراً ليك جداً ياواعية
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
تحية عواطف
بل اتي المكاجرة واتي النشفتي ريقي
قلت ليك ان كان الرد علي سبيل الاستشهاد آتيا به من المصدر , او لا يملك لوحة تحكم عربي لديه
الكلام ده كلو اختزلتي في مصر يكتب بالانجليزي و مكاجر ?
اخذتي ظاهر القول دون تمعن
لقد ابتسرتي قولي
ههههه كدي راجعي ابليسك انتي
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
سلام ,,
قصي محمد عبدالله ,, الخواجة ,,
باكر بتتعلم العربي مافي مشكلة ,, ما تزعل ,,
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: الطيب مصطفى)
|
سلام ,,
ما تزعل ,, ههههههههههههه
الفوق ده عربي ,,
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
جاوبتك .. جاوبتك ,, قلت ليك ,,
ما مشكلة حاولو علي قدر ما تقدروا ,, لو كان الكيبورد ثقافته انجليزي ,,
شوف ليك حل ..
يعني الصنع الكيبورد حقك ده ,, ما صنع غيره ؟؟
بطلو مكاجره ,,
لك التحايا والاحترام ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
الأخت عواطف سلام
لا اله الا الله محمد رسول الله ,, مشكوووور بي حرارة علي ردك الرائع الجميل ,, كم انت رائع ؟!!! تسلم ,, تسلم ,, انت الوحييد البردت قلبي ,, انا من قبيييل حلقي نشف مع الجماعة المصرين يكتبو باللغة الانجليزية وانا قاعدة ارد ليهم لامن ريقي نشف ,, نشفو ريقي الله يقطع ابليسهم ,, ناس مكاجرين خالص خالص ,, نحن اصلو السودانيين كده ,, نحب المكاجرة ,, نموووت في شيء اسمو غلاط ,, فرحتني والله الله يفرح قلبك ,, اول زول يفرح قلبي متل الفرح ده ,, الناس التانيين الله يقطع ابليسهم واحد واحد ,, نشفو ريقي ,,!!!! تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالماجد موسى)
|
Quote: عدد البوستات: 84
تاريخ التسجيل: 03-03-2014
محل الاقامة: الامارات
:
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى:
التلفون:
الجامعة/المعهد:
الحالة الاجتماعية: Single
العنوان الدائم:
الفنان المفضل: عثمان حسين
اللون السياسى:
النوع: Female
الهوايات المفضلة: كتابة الشعر وقراءته
الوظيفة: ادارية
تاريخ الميلاد: 1/1/ 1977
درست المرحلة الابتدائية فى ......و سنة....: مدرسة ابو حشيش الابتدائية
|
Female دي كاتبها بالإنجليزي ليييييييييه
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
سلام ,,
اولا المعلومات المكتوبة دي صاح حقتي .. بس مغلوطة ما حقيقية ,,
ثانيا ما كتبتها انا بي نفسي ,, كتبوها لي ,,
لاني اوكلت من يكتبها نيابة عني عشان يعمل لي حساب في سودانيز اون لاين ,,
واعطاني كلمة السر
يعني أدوني المفتاح وجيت داخله تووووش ,, من غير بذل مجهود في سرد المعلومات الحقيقيقة ..
لو كتبتها بي نفسي كنت تعمدت وكتبتها باللغة العربية .. وكنت كتبت معلوماتي الحقيقية ,,
والله علي ما اقول شهيد ..
وبعدين تعال هنا ,, حسستني انا في محكمة ,, هههههه
انا ما اتكلمت عن البروفائل ,,
اكتبو في البروفائل انشاء الله بي اللاتيني ,, ما مشكلة ,,
المشكلة عندي المواضييييع ,,
انا تحدثت عن كتابة المواضيع عشان الناس تفهم مضمون المعلومه العاوزين تنزلوها عشان الناس تستفيد ,,
البروفائل ما ذات اهمية كيثيرا ,,
لانه ممكن تكون معلوماته مغلوطة زي حالتي دي ,,
لان المعلومات العرضتها لي دي صاح مكتوبة في بروفائلي ,, بس دي ما حقيقية كلها ,,
وجد بها بعض الغلطات الغير مقصودة من الكاتب الكتبها لي ,,
وبعدين نحن السودانيين جنس ده هو المغطس حجرنا ,,
الغلاط ,,
والمكاجرة ,,
خلاص يا زول ,,
اكتب بالانجليزي بس كتير من القراء انا متأكدة ما ح يقروا البوست بتاعك ,,
لانه ما بعرفوا انجليزي ,,
انا نصحتك مجرد نصيحة ,,
ما كتبت البوست ده للمشاكل والمناكفات والمكاجرات ,,
كتبته عشان حسيت انها فعلا مشكلة ,,
كتابة المواضيع بالانجليزي فعلا مشكلة ,,
البروفائل العرضته ده وفاكر جبت الديب من ديله ,, امسكو رجعه في بكانو ههههه
انا قصدت البروفائلات اوووعة تاني يوم القاك منزل برفائلات الجماعة كووولها خااتيها لي مكتبي ,, ههههه
البروفائلات ما عندها ذنب رجعها محلها ,,
واستهدي بالله ,,
وخت الرحمن في قلبك واكتب مواضيعك بالعربي لو سمحت ,,
بروفائلك اكتبه باللاتين ما عندي فيهو مشكلة
ده ياهو الاسعجال زاااتو المغطس حجرنا وموقف حالنا ,,
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
للقب: محمد حسن محمد ادم
: .
عدد البوستات: 138
تاريخ التسجيل: 22-08-2012
محل الاقامة: New brunswick. NJ. 08901
:
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى: محمد حسن محمد ادم
التلفون:
الجامعة/المعهد: حقوق القاهرة بالخرطوم
الحالة الاجتماعية: Married
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....: سنار
درست المرحلة الثانوية فى ......و سنة....: سنار
درست المرحلة المتوسطة فى ......و سنة....: سنار
شاعرك المفضل:
عدد الاطفال: 2
معلومات اضافية:
مكان العمل:
مكان الميلاد فى السودان: أمدرمان
هههههههههه
زي ما خميت البروفائل بتاعي وجيت جاري بيهو ,,
هاك ,, ده بروفائلك خم وصر ههههههههههههههههههه
مافي حد احسن من حد ,, انت براااك البتعرف تخم ؟؟ برااك العندك عضلات ؟
بالمناسبة .. بروفائلك ده ,, ما عندو اي دخل ,, انا بتكلم عن سرد المواضيع باللغة العربية ,,
الدخل البروفائل شنو ؟؟
بالمناسبة بروفائلك تقييل قطع نفسي .. الله يقطع ابليسك .. انت جعلي صاح ؟؟
وانا شايقية ,,
حماقة الجعلي مع قوة قلب الشايقية ,, ضحكت الناس علينا ,, ههههههههه
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالماجد موسى)
|
سلام افهم من كده شنو ؟ ههههههههههه
راضي تكتب المواضيع باللغة العربية ,, صاح ؟؟
هههههههههههههههههههههههههههههه
الله يقطع ابليسهم دي ,, يعني ,, ( الله يزيح الشيطان من قلوبهم ,, دعوة رائعة ) ما شتيمة ,, الله يقطع ابليسك هههههههههههههههههههههه
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
Quote: الشوفينية الدخلها شنو هسه
وهي كلمة اجنبية وبديلها هو العنصرية القومية بالعربي |
أساسها هو الاعجاب المغالى بالشئ
(وتم استخدامها بشكل واسع كتعريف للمغالاه فى الانتماءات القبلية او العنصرية او القوميه .... الخ)
وهنا تعني اعجاب الزول بلغته الانجليزية وعاوز يستعرض بيها
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: وضاح عبدالرحمن جابر)
|
مرحبا وضاح
ياخ طول بالك
قاصد عواطف الابدت اعجابها بكلمة اجنبية وهي تهاجم اللغة الاجنبية
انا شخصيا بكتب بالعربي , دارجي او فصحي ولا أكتب بلغة اجنبية , وما شايف فيها مشكلة ,,
بعدينك اللغة الاجنبية ما بقت مشكلة شيل اي نص دون ان تعرف لغته فرنسي ولا ياباني او ايطالي ووديهو محرك قوقل للترجمة , ودي ما صعبة لي زول بستعمل النت
عموما
استعمال النت ماداير غبش ولا اولاد مصارين بيض , اي زول بستعمل موبايل ممكن يخش نت ,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
Quote: ( لب الموضوع ,, ) تكتب بالانجليزي لييييية ؟؟!!!
نحن سودانيين في بلد اسمه السودان ,, |
سلام عواطف
إنتي في الكتابة بالإنْقِلِش
في ناس هنا بتكتب عربي
عليِّ الْلَّيمان عاوز ترجمة علي الشريط
زي ناس المغرب وتونس والجزاير
مرات يجيبوهم في الجزيرة يتكلموا والترجمة علي الشاشة.
والغريبة اسمو المغرب العربي.
ـــــــــــــــــــــــــــــــــــــــــــــــــــــــ
رِيليتد:
انا محيِّرني التوانسة ديل ـ بستعملوا كلمة (مَعَنَاتَا) دي بي كثرة
يحشروها في الكلام سبب بلا سبب .. مرة حاضر لقاء لمدرب تونسي
قعدت اعد في استعماله للكلمة دي نامن الوترة راحت لي.
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالعزيز الفاضلابى)
|
سلام ,,
اللغة العربية الفصحي وااااضحة وصريحة وممكن اي زول عربي يفهما ,,
لكن انت بالنسبة لي كلامك للمغاربة ولغتهم ..
دي ما بقولو عليها لغة ,, دي لهجة ,,
اي لغة عندها لهجة ,, واللهجات كتيرة ,,
حتي الانجليزي عنده لهجات ,,
ما تفتكر الانجليز ما عندهم لهجات ,,
انا البقصدو ,, اللغة العربية الفصحي ,,
كل الدول العربية عندها لهجة تختلف عن الدولة الاخري ,,
نحن العرب عندنا لهجات كتييييره ,,
ممكن اي دولة ما تفهم لهجة الدولة الاخري ,,
بس في النهاية لمن كلنا نتكلم باللغة العربية الفصحي ,, بنفهم بعض كل العرب ,,
يا جماعة الخير ,,
انا بقصد باللغة العربية الفصحي المفهومه لكل الشعوب العربية ولا اقصد لهجة ,,
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عبدالحفيظ ابوسن)
|
Quote: أهلا بعواطف
كلامك دا حقيقه ولكن:
هنالك بعض الكلمات والجمل بتكون قويه شديّد بالإنجليزي وبتدي مضمون عميق.. ..
كما أن اللغه الإنجليزيه أصبحت لغه حيّه هي لغة:
الإقتصاد، السياسه ، الثقافه ، الإتصالات ، البحث العلمي... وبالذات فلتة المعلومه! |
خالفك الصواب والله ويشهد الله
كان انزل قرآنه باللغة الأنجليزية التي تعتبرها مرات معبرة
أتقف معك لو قلت أنك تجيد الكتابة باللغة الأنجليزية لكن أن تصف ان اللغة الأنجليزية بتدي
مضمون عميق
قد تكون هي لغة البحث العلمي
لغة الاتصالات
لغة الاقتصاد
لكن لم ولن تكون لغة الثقافة والسياسة في يوم ما
مشكلتنا نتنصل للفي يدنا ونجري خلفهم ولو دخلوا حجر ضب دخلنا وراءهم
اللغة العربية من أغنى اللغة مفردة وتجد للمفردة مترادفات كل واحدة اعمق وادق من سابقتها
قلَّ ان تجده في لغة حية اخرى
لو قلت ان اللغة العربية ما لغة عقود ومعاهدات لاتفقنا معك لكن قول الفرنسية تحل محلها
انا من ذات نفسي احب ان يكون كل ما يكتب الاعضاء باللغة العربية إلا في حالة موضوع منقول من لغة اجنبية
وأن يكون فيه النقاش باللغة التي نعرفها
وأحب ان اكتب كمان أكثر بالعامية السودانية الغنية بمفردتها العميقة حتى لا تندثر
بعد دخلو مفردات غريبة على عاميتنا السودانية
عشت اكثر من نصف حياتي في بلاد فرنج لكن ما نسيت قولي ولساني بل عمقت وتعمقت في أهتمامي بالمفردة العامية السودانية
وهذا منبر اسمه سودانيزونلاين
انا كدا وكل زول بعجبو الصاري
شكرا اختي عواطف
اتفق معك في بداية ما رميتي له لما نكتب باللغة الانجليزية ؟
لكن لا أتقف معك أننا شعب متخلف وإن عمدوا لكي نكون متخلفين عن الركب والحشاش بملى شبكتو
الثقافة النبوغ في العلم ليس حكر على تعليم أكاديمي والحمد الله أصبح المجال مسموح وكل معلومة متوفرة
وسهل الحصول عليها وتاني بقول الحشاش بملى شبكتو ...
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: خالد علي محجوب المنسي)
|
( لكن لا أتقف معك أننا شعب متخلف وإن عمدوا لكي نكون متخلفين عن الركب والحشاش بملى شبكتو )
ح تتفق ,, مش علي كيفك !!
ولا علي كيفي !!
علي كيف الاحصائيات ,,
للاسف نحن شعب متخلف ,, ايوه نحن متخلفين ,,
انا بعرف برووف في جامعة السودان يدرس ( شريعة وقانون )
متخلف !
منططين عيونكم كده تعاينو لي مااالكم ؟؟ !! ههههه ( انا في كامل قواي العقلية )
انا متأكدة هسع فتحت النار عليا ..
ومتأكد كمان ح يجوني عشرات الردود عشان يردوا عليا ,,
كيف يكون ( بروف ) ويدرس في جامعة الخرطوم ( شريعة وقانون ) ومتخلف ؟!!
اسمعو ده وبطلو ده !!
البت دي مجنونة ولا شنو ؟
لا ,, اكييد البت عندها سلك عريان ,,
تعال معاي .. اوضح ليك ,,
التوضيح ,,
الامية حاليا ليس امية القراءة والكتابة ,,
لان معظم العالم ده بقرأ ويكتب الا ما ندر ,,
الامية في كيف انت تقدر تتعامل مع جهاز الحاسوب ,,
ايوه ,,
الامية هي ( امية الكمبيوتر ) ,,
الامية حالية في عصر التكنلوجيا ,,
امية كمبيوتر ,,
ولست امية قراءة وكتابة !
ده كلام صحيح ومظبوط مئة المئة ,,
البروف ده الذي ذكرته اعلاه ,, ( امي )
ما تستغربوا ,,
لا يفقة شيء في اجهزة الحاسوب !!
لا يفقه شيء !!
لاننا يا جماعة الخير ,, السودان متخلف تكنولوجيا ,,
ايوه ,,
متخلفين تكنولوجيا !!!
للست هناك اجهزة حاسوب في الجامعات للطلبة ! ,,
غير متوفرة ,,
ما تقولو لي جامعة مأمون حميدة هههههه
وجامعة فلان وعلان ,,
( ديل ناس العز وأكل الوز ,, ديل بعيديين عن بقية الشعب المدروشين )
شوفو حامعات الغلابة ,, جامعات الشعب الغلبان ,, معظم الجامعات في السودان ,,
حتي كلية التقنية ,, يدرسوهم احيانا نظري !! الكلية التي لا يمكن الاستغناء عن جهاز الحاسوب عند الطلبة ..
غير متوفر لكل طالب حاسوب خاص بيهو ,,
الكلام كتييير بس انا ما عاوزة املا روؤسكم بالهم والغم !! ( جرعة ,, جرعة )
لو ما مصدقني افتحو موسوعة جينيس للارقام القياسية ,,
وشوفوا اخر عشرة دول متخلفة منو ؟ افتحو ويكبيديا لانها اكثر صدقا ,,
للاسف ايوه نحن متخلفين !!
وسجمانين ورمدانين ,,
في اي شيء في الموسوعة ,, نحن الطيش !!
في كل شيء !! في ابسط مطلبات الحياة ,, نحن الطيش !
حتي في الفساد السياسي ,, نحن اكتر دوله فيها فساد !!
كل شيء كل شيء ,, متخلفييييييين !!
تحياتي واحترامي ’’
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: وضاح عبدالرحمن جابر)
|
سلام كتير
بأمانة اعتزاز الشخص بلغته ودعمو ليها مهم
وبين كل هذا هناك ظروف قد تضطر الواحد يكتب بالانجليزي زي كلام عاصم - وأسامة في نفاج الفيس
بس بشكل عام أحسن الواحد يحب لغتو ويحرص إنو يكتب بيها
في زمن بعيد من عقدين ونصف العقد - قابلت فرنسيين - بما إني لا أعرف فرنسي ونسيت العلمونا ليهو زاتو في الثانوي (ناس أستاذ بكري هنا) فحاولت اتواصل معاهم بالانجليزي البنعرفو .. بالله الناس ديل بالتكتلم أبو يتكلمو بالانجليزي .. وقد أكبرت فيهم الحتة دي كتير.. قلتا شوف الناس ديل بحبو لغتم كيف .. لاحظت نفس الشي عند الأتراك - بعشقو لغتم - لدرجة إنو كان في دكتور في جامعة إيجة في كلية العلوم - متخصص في الكيمياء النووية - قاري لحدي الدكتوراة بلغتو التركية وما بعرف في الانجليزي التكتح.. بل كان بيطلب مني أدردش معاهو بالانجليزي لأنو ما بعرف يتكلم بيها وكنت أسكن معه وطالب قريب ليهو فترة 4 شهور..
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: مجاهد محمد الهادي)
|
سلام ,,
اعتزاز الواحد بي لغة مفخرة للانسان ,,
لكن لمن الواحد يتكلم بالانجليزي لي ناس الغالبية منهم يتحدثون العربية ,, وهو يتعمد يتحدث بالانجليزي ,,
ما ليها الا تفسير واحد بس علي حسب اعتقادي ,,
شوفوني ,,,
شوفوني يا جماعة ,,
انا انسان متعلم ومثقف واكثر منكم حنكة ومقطع الشطارة وديلهاا !!
وكتيييير كتيييير في ناس هنا يكتبو بالانجليزي عشان يكونوا ناس مميزين !!!
علي حسب اعتقادهم ,,
بس هم ما فاهمين الناس بتضحك عليهم !!
وحاجة تغيظ ,,
انا الليلة ممكن اتعامل مع الوسط الانا عايشه معاهو ومعظم يتحدثون الانجليزية بالانجليزي ,,
هنا ده مكانها ,,,
, ااتحدث لانجليزي علي كيييف كيفك ,,
ومرات ممكن في اثناء ما تتحدث مع الاشخاص المثقفين المعاك البفهمو انجليزي ,, غصبا عنك بتطلع منك بعض الكلمات بالانجليزي..
دي ما فيها حاجة اطلاقا ,,
انا زااااتي كدي ,,
مراات برطن التقول انا ما بعرف البكتح في العربي ,,
بس لمن اجي اكتب في منبر وصرح كبير زي ( سودان اون لاين ) ده ,,
بحاول اوصل المعلومة للناس عشان تستفيد ,,
وبكون عاااارفه معظم الناس هنا بتتحدث العربية ,,
وفي ناس كتاااااار مساكين ما بعرفوا الانجليزي ,,
ليه انا اتحدث معاهم بالانجليزي ؟؟
كدي وروني سبب وااااحد بس !! عشان احرجهم ؟
ولا عشان اقول ليهم شوفوني ؟؟!!
شوفوني ..
يلا شوفوني انا بعرف انجليزي التقول الثقافة ما بتجي الا بالانجليزي !! هههههههه
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
Quote:
للقب: محمد حسن محمد ادم
: .
عدد البوستات: 138
تاريخ التسجيل: 22-08-2012
محل الاقامة: New brunswick. NJ. 08901
:
عنوان مكتبتى بسودانيزاونلاين دوت كم :
FaceBook Page:
Skype Name:
اكلات مفضلة:
الاسم الحقيقى: محمد حسن محمد ادم
التلفون:
الجامعة/المعهد: حقوق القاهرة بالخرطوم
الحالة الاجتماعية: Married
العنوان الدائم:
الفنان المفضل:
اللون السياسى:
النوع: Male
الهوايات المفضلة:
الوظيفة:
تاريخ الميلاد:
درست المرحلة الابتدائية فى ......و سنة....: سنار
درست المرحلة الثانوية فى ......و سنة....: سنار
درست المرحلة المتوسطة فى ......و سنة....: سنار
شاعرك المفضل:
عدد الاطفال: 2
معلومات اضافية:
مكان العمل:
مكان الميلاد فى السودان: أمدرمان
هههههههههه
زي ما خميت البروفائل بتاعي وجيت جاري بيهو ,,
هاك ,, ده بروفائلك خم وصر ههههههههههههههههههه
مافي حد احسن من حد ,, انت براااك البتعرف تخم ؟؟ برااك العندك عضلات ؟
بالمناسبة .. بروفائلك ده ,, ما عندو اي دخل ,, انا بتكلم عن سرد المواضيع باللغة العربية ,,
الدخل البروفائل شنو ؟؟
بالمناسبة بروفائلك تقييل قطع نفسي .. الله يقطع ابليسك .. انت جعلي صاح ؟؟
وانا شايقية ,,
حماقة الجعلي مع قوة قلب الشايقية ,, ضحكت الناس علينا ,, ههههههههه
تحياتي واحترامي ,,, |
الاستاذه عواطف
تحيه واحترام
خامسا
انا احب اللغة العربية شديد ولا الحد لسواها
وانا مع الأسف لا شايقي ولا جعلي
بل أدهي وأمر
رباطابي مريخابي (يعني جاي من المريخ)
وبعدين يابت الناس كدي النسعلك مااالك زعلانه ومتحمسه كده للغه واحده ما الدنيا أصبحت قريه
مرحب بيك في عالم سودانيز بالعربي
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
بعدين خلي برفايلي في محلو
انا قاعد هنا في المنبر ده لي مدة وماشي بالحيطه ومحدش جاب لي بروفايل ولا موبايل
جيتي انت فجاه كده من غير احم ولا دستور خاتاني في نص الصفحة
أمكن انا شارد من زول ولا داسي القصه من ام العيال
ولا اي حاجه كده
فبالله عليك المره الجايه ما تعمليني بالمثل
يعني انا أجيب بروفايلك ........انت تردي علي بالإنجليزي ...ترسلي لي وجه عابس ....
اي حاجه بس الا برفايلي
سمح
شكرا
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
سلام ,,
انت برااااااك عملتها في نفسك ,,
القال ليك عتل البروفائل حقي من الرف وتجيبو ليا هنا وسط الناس منو ؟؟؟!!
انا كانوا قاعدين معاي ناس كتاااار لمن جئتني خامي بروفائلي ,,
كلهم قعدوا يضحكو عليا ضحك شديد ولي هسع قاعدين يتريقو عليا ..
يعني انت عملت لي ربكة هنا في المكتب ,,
خليت الما اشتري ,, يتفرج !
حلال عليك ,, وحرام عليا ؟
بس تاني حسك عينك تعمل حركة زي دي ..
بشيل بروفائلك المرة الجاية ما بجيبو ليك هنا في المنبر ..
بمشي عدييييل للمدام واقول ليها شوفي الاستاذ ( حسن ) عامل حساب في منتدي مشهور واديها العنون ,,
والباقي انت تمو خيال ,,
انا بتك يا علي ,,
قائلني هينه ولا لينه ؟؟ ولا مقطوعه لينه ؟؟
هع ,, انا بتك يا مهيرة ,,
لك التحايا والاحترام ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
سلام ,,
رباطابي مريخابي = جعلي
علي ما اعتقد ,, انا بسمع بقولوا الرباطاب فرع من قبيلة الجعلية الكبيرة ..
والشوايقة ,, اولاد عم الجعليين
يعني كلامي صاح ,,
انا مؤمنة بي قضيتي الا وهي ..
الكتابة باللغة العربية هنا في البوست ,,
وبعدين انا صاح متحمسة للقضية ,,
بس ما زعلانه ,,
لانك لو مشيت قريت كل الردود دي ح تلقاني برد بطريقة مسالمة جدا وبطريقة فكاهية ولطيفة جدا ,,
حتي ردود الناس المتحنفشين للصراع والمناقرة ..
بختصر ردي معاهو شديد تحاشيا للمشادات الكلامية اما انت ,,
فحالة حنفشة نادرة ,, نادرة جدا هههههههه , ..
عندما قراءت ردك ,, دموعي نزلت من الضحك ,,
ردك كان رد زول متسرع ومتحنفش بس بي طريقة فكاهية فريدة من نوعها ,,
فلذلك كان ردي لك بنفس طريقتك ,, فلذا ,, حملت لك بروفائلك بطريقة لا تخلو من الفكاهه وكان ردي اكثر فكاهه ,,
بس ده كل الموضوع ,, ههههههههه
اما من ناحية تخميني بأنك جعلي ,,
فأنت ود عم الجعليين ( رباطابي ) يعني تخميني ما راح بعيد هههههههههههههههههههههههههه
أنا تخميني ما بقع واطة ,, خخخخ
لك التحايا والاحترام ,,
( ما تنسي ,, تعال تاني,, )
(عدل بواسطة عواطف علي on 04-18-2014, 10:16 AM)
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
ياعواطفنا النبيله
شايفه أهو رفعنا الكلفة طوالي
سادس وعشرون :
الرباطاب اولاد عم المساخه فقط
وأحب أهنئك علي شايقيتك لأنو انا اشجع الشايقيه واعتبرهم احرف فريق
قال نعوم شقير عن مكي شبيكه :
(انه لما دخل جيش الدفتردار أراضي السودان لم يجد اي مقاومه تذكر الا في أراضي الشايقيه )
بعدين انتي تقولي لي ارجع وفاتحه ليك صفحه بهناك عن الشلوخ والأحلام يعني نتابعك وين
بالله عليك نحن ناس كبار في السن أركزي بينا في حته واحده
تحيات لك ومرحب مره تانيه وبصراحة كده صفحاتك كلها ظريفه (لاحظي احب استعمل كلمه صفحه اكتر من بوست ) لانها عربيه
شكرًا ونتلاقي تاني في صفحه جديده
لك الود
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
سلام ,,,
المساخة يا اخوي حسن ما مشكلة ,, كفاية القلوب تكون بيضاء ونضيفة ده اهم شيء وانتو كذلك ,,
المساخة بتتعالج ,, تلم فيك شايقية بتعدلك ..
وبعدين حكاية البروفائلات دي ما تلعب فيها لانه انت الخسران ,,
بس رائك شنو لمن لقيت بروفائلك قاعد قدامك في الطاوله ؟ تلاقيك اتهجمت ومسكت راسك ههههههههههههههههه
انا قلت الزول ده لو مجنون ,,
ما مشكلة كووولنا مجانين ,, انا مجنونة اكتر منو ,,
هو قائل مافي زول مجنون في الدنيا دي ولا شنو ؟؟
انا بوريهو الجن الكلكي اللابس ملكي الاكبر من جنو ,,
يعني عاوز يخوفني .. انا بطلع ليهو الجن ده من راسو ده ههههههههه
تحياتي واحترامي ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
| Quote: ما مشكلة كووولنا مجانين ,, انا مجنونة اكتر منو ,, |
انا متين رفعت جناين انا كل القصه لقيتك مادايرانا نكتب غير بالعربي
قلت النشوف البت دي جات من وين لقيتك كاتبه النوع بالإنجليزي وكمان الحاله الاجتماعيه
وبس
عموما انا اتعلمت الدرس وتاني انا ما بجيب بروفايلك وانت خلي بروناي لي في حالو
اتفقنا؟؟؟
بعدين القال ليك منو الشايقيه بتعدل الرباطابي ؟
يومك سعيد
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: محمد حسن محمد ادم)
|
في تقديرى الكتابه بالإنجليزية تدل على العجز في اللغة العربيه ولكن لا ادرى كيف لا نتقن لغتنا التى هى من اقدم اللغات ولا تتطور ولا تتجدد معاجمها ومراجعها كما يحدث في قواميس الانجليزيه , سألت البرفسور الذي يعلمنا الانجليزيه كيف يتهجا لى كلمه بالانجليزي فحاول ثلاث مرات وفشل فاعتذر لى وقال اليوم انا مرتبك لاحقا ساقولها لك وضحك
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: رحمه فضل المولى عجك)
|
سلاام ,,,
الاخت رحمة ,,
يفترض أن نفتخر بي لغتنا العربية ونفرضها فرضا علي الاخرين حتي تصير لغة عالمية ,, اييه المانع ؟
الانجليزية صارت لغة العالم لان اهلها يفتخرون بها ولا يتحدثون الا بها .
. فرضوها فرضا علي كل شعوب العالم .. بينما لغتنا هي لغة الاسلام والمسلمين لم تجد طريفها للانتشار !!
هل تعرفين لماذا ؟؟
لاننا نحن العرب نخجل ونستحي من لغتنا العربية ولا نعيرها انتباها !!
واهمين بأن اللغة العربية لغة سهلة بينما الانجليزية اكثر صعوبة !!!
والعكس هو الصحيح ,,
ممكن ومن السهولة جدا ان تتعلم اللغة الانجليزية ,, ولكن من الصعوبة أن تتعلم اللغة العربية لو انت لم تكن في الاصل هي لغتك الام ,,
بمعني ان اذا انت لم تكن تنطق العربية واردت ان تتعلمها فهي في غاية الصعوبة ,,
لان بها التنوين ( الضمه والكسرة والسكون والفتحة والجر وهلم جرا )
اذا لمن تكن في الاصل عربيا ,, فتعلم اللغة العربية صعب جدا ,,
اما الانجليزية التي يفتخرون بها اهلها وبعض العرب ( المغيبين ) فهي سهلة ,, بل سهلة جدا ..
لك التحايا والاحترام ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
شكرا اختى عواطف على المداخله ولكن لدى ملاحظه انت تقولين اخت رحمة فانا رجل ولست بانثى وفعلا اسمى في اكثر البلدان العربيه اسم مؤنث وحتى في السودان ولكن البقاره فقط يسمونه للاولاد ولكن ولقد سمعت احد الشيوخ يقول وما ارسلناك الا رحمة للعالمين والرحمة المهداة فالاولى اسم والثانيه صفة للرسول الكريم
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: سيف النصر محي الدين)
|
سلام ,,
انا لست لي السلطة عليكم اطلاقا لكي احدد لكم باي لغة تكتبون ,,
ولكن ,, مجرد اقتراح ,, او راي ,, ,, ووجهة نظر ,,
وهذا راي الشخصي ,, لست لي الحق بأن الزمن اي كان منكم ,,
ولكن لي الحق بأن اقول راي الشخصي ,, واطرح اقتراحاتي ,,
وكان مجرد اقتراح ,,
ولك ما شئيت ,,
حتي لو كتبت بالاتيني ليس لي الحق بأن أوافق ,, او ارفض ,,
ولكن ,,
لي الحق بان اضع اقتراحاتي ,,
لا ن الكتابة باللغة العربية حتما سوف يقراها الكثيرون ,, والاستفادة منها ,,
اما الكتابة باللغة الانجليزية لا يفهمها الكثيرون منا ,,
فلك ما شئيت !! ( ان تضع كلاما انجليزيا مطروحا ,, للعرض )
تحياتي واحترامي ,,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: رحمه فضل المولى عجك)
|
سلااام ,,
اوووووه ,, اسفة !! اسفة جدا جدا ,,
السيد / رحمة ,, المحترم ,,
( لك العتبي حتي ترضي )
انا بعتزر ,,
لك التحايا والاحترام ,,
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: عواطف علي)
|
ح تتفق ,, مش علي كيفك !!
Quote: ولا علي كيفي !!
علي كيف الاحصائيات ,,
للاسف نحن شعب متخلف ,, ايوه نحن متخلفين ,,
انا بعرف برووف في جامعة السودان يدرس ( شريعة وقانون )
متخلف ! |
معيارك وضعنا كلنا متخلفين
| |
|
|
|
|
|
|
|
|
|
Re: بت تجيد الانجليزية بطلاقة ,, ولكن ,,, (Re: خالد علي محجوب المنسي)
|
Most of the members here are not" Arab" in the first place,so they have the liberty to use whatever language that is more convenient for them
شكرا اخى سيف النصر انت ذكرت نقطه مهمه جدا اكثر الاعضاء في المنبر هم ليس عرب فنحن لا يهمنا اعراقهم وانما المهم ان تكون بيننا لغة مشتركه ولذلك العربيه هى الاقرب فلماذا نحن لا نستفيد من التجارب السابقه انظر الى دولة جنوب السودان ليس فيهم عربى واحد ولكن لا زالوا محتفظين بعربى جوبا
| |
|
|
|
|
|
|
| |
شهاب الفاتح عثمان
Mohamed Adam
Azhari Nurelhuda
عبدالحفيظ ابوسن
Asim Fageary
معتصم سليمان
عبدالماجد موسى
محمد حسن محمد ادم
وضاح عبدالرحمن جابر
عبدالعزيز الفاضلابى
خالد علي محجوب المنسي
مجاهد محمد الهادي
رحمه فضل المولى عجك
سيف النصر محي الدين
حسين نوباتيا
فيس بوك
تويتر
انستقرام
يوتيوب
بنتيريست