|
|
 هل دي بلد ممكن تمشي لي قدااام؟؟؟!!!
|
Quote: * في حواره مع الزميلة الهدف قال الألماني أوتوفيستر المدير الفني لفرقة المريخ إن الهلال فريق عادي بالنسبة إليه، والأهلي شندي الفريق الثاني في السودان!!
* قوية يا أوتو.. قوية!
* عندما تولى أوتوفيستر تدريب المريخ في العام 2007 أجريت معه حواراً مطولاً من داخل البص الذي أقل بعثة المريخ من العاصمة الجزائرية الجزائر إلى مدينة الشلف.
وقتها كان الإعلام الهلالي يتغنى بتصنيف فريقه في قائمة أفضل أندية العالم التي يصدرها الاتحاد الدولي للتاريخ والإحصاء الكروي، ويتغزل في عالميته!
* سألت أوتوفيستر عن مزاعم الإعلام الأزرق عن عالمية فريقه، فضحك ورد بسخريته المعهودة: (ربما كانوا يقصدون الهلال السعودي)!
* كانت للمريخ مباراة مع الهلال بعد فترة وجيزة من تاريخ مباراة الشلف.. سألته عنها، قال: لن يستطيع الهلال هزيمتي ولو لعب أمامي عشر مباريات، ما لم تحدث إصابات أو إيقافات يمكنني أن أعطيك تشكيلتي للمباراة منذ اليوم، وذكرها لي، وطلب مني نشرها.
* بالفعل لعب أوتوفيستر المباراة بذات التوليفة التي ذكرها لي داخل البص المتجه إلى الشلف، وفيها تقدم المريخ بالهدف الأول على الهلال بقدم موسى الزومة، وانتهت المباراة بالتعادل.
* أمس قال أوتوفيستر: حالياً الأهلي شندي هو الفريق الثاني في السودان بعد المريخ، أما الهلال فأعتبره مثل بقية الأندية، ولا أضع حساباً كبيراً له!
* أوتوفيستر كلامو زي السكر!!
* في داعي يا خواجة للتصريحات التعسفية دي؟
* يعني يا أوتو.. الجماعة ديل ولا علي بالك؟
* ولاك جاعلهم؟
* قلت لي عاديين.. زي الباقين؟
* مع إنهم خاتين لي نفسهم حيثيات!
* وعاملين لينا ضجة إزعاج!!
* كلام أوتو منطقي.
* سليم في السليم!
* أحسن تقييم!
* التقى الهلال بالأهلي قبل عشرة أيام من الآن.. واتضحت الأفضلية!
* العلقة كانت قوية.. في عقر الديار الهلالية!
* الثنائية الأهلاوية.. فجرت الثورة الحجارية!
* واحد بي أدب وذوق.. والتاني من شندي فوق!
* الأول بالكعبية.. والتاني من المحمية!
* واحد عادي.. والتاني من سقادي!
* الأول تكلة.. والتاني كتلة!
* واحد (عادل) وحالم.. واحد ظالم وغاشم!
* النمور كشفوا المستور!!
* الما مصدق يسأل أحمد (عادي)!
* قلت لي يا خواجة عادي.. يعني ما مستورد؟
* MADE IN GBLO ؟
* يا خواجة أخير ليك تعمل حسابك!
* كورتنا مع العادي الما فايت الناس بي غادي قربت!
* والجماعة ديل نياشييييين!
* تصويباتهم ما بتخيب!
* كان لبدوا ليك بي حجر بلحقوك الطريفي!
* الطريفي زول الراية.. ما الطريفي زول النصيحة!
* فلقوهو ودمموهو.. ونكروهو حطب!
* قالوا فلقو مندس.. شفت كيف؟
* نكروهو بي الشرطة كمان!
* إنت يا خواجة باقي عمر.. وما حمل طقيع!
* قبلك كروجر أخد حجر في عطبرة لمن عرف حاجة!
* قلت لي عادي ما مميز.. لا بشغل فراغ لا حيز؟
* زي أرقام الشرائح بتاعة السوق العربي؟ كل رقم من حتة؟
* ألحق يا محمد عبد الماجد وصيف الوصيف طلع عادي.. (زي الزبادي)!
* قلت هلال كابو؟ يجازي محنك يا أبا ذر الكدرو!
* عادي.. وأمسخ من الزبادي!
* وهو كان عادي.. مع الأمل.. يدرن بالهبوب.. ويغلب بالكتاحة؟
* كان ما عادي.. يفلّق بالراحة.. ويعمل مناحة؟
* كلام أوتو صحيح.. الهلال والنمور نقاطهم واحدة!
* SAME SAME !!
* والكورة الجاية بيناتهم في دار جعل!
* محل السوط بشح.. إن ما ما قدرو زح!
* تلبوا يا نمور!
* فوتوا العادي لي غادي!
* في استاد الخرطوم الهلال كان عادي.. لكن في شندي الموضوع حا يكون ما عادي!
* وحبي ليك حب ما اعتيادي!!
* الأهلي هناك يقعد يقوم علي كيفو!
* وفوق رقاب الناس مجرب سيفو!
* قلت لي عااااادي؟
* شفت الخواجة ده حقار كيف يا كابو؟
* الجماعة فريقهم عادي.. وكورتهم عادية!
* غايتو أنا البعرفو إنو الناس ديل حجرهم ما عادي!
* الحجارة عندهم هُبر هُبر!
* كان ما طقطقوك بالكرعين.. بطقطقوك باليدين!
* أمانة ما نياشين!
* كان ما مصدقني يا أوتو أسأل الطريفي!
* وكان ما مصدق الطريفي أسأل ناس الحوادث.
* غايتو تحوطاً كدي جهز ليك خوذة موتر يا أوتوفيستر!
* يا حكومة أسمعي أوتو.. العادي ما بستاهل الدعم المادي!
* المليارات مفروض تمشي نادي البطولات!
* والباقي يمشي لي تيم أحمد (عادي)!
* خبر الغد: الهلال يخطط لإبرام توأمة مع نادي أسيك (العادي).. أقصد العاجي!
* تاني نحن (عادي) حا نكتب بي طريقة أوتو!
* (عاديك) يناديك!
* وحبي ليك حب ما اعتيادي!
* يا محمد عبد الماجد.. قالوا (العادي) من اتعظ بغيره!
* آخر خبر: (عادي) الهلال للتربية البدنية! |
عمود كبد الحقيقية لمزمل ابو القاسم في جريدته الصدى
يوم الثلاثاء 15/4/2014م...
بلايه ديل صحفيين ..
حسبي الله ونعم الوكيل بس
|
|
 
|
|
|
|
|
|
|
 Re: هل دي بلد ممكن تمشي لي قدااام؟؟؟!!! (Re: محمد عبد الرحيم جمعة)
|
Quote: ان طال السفر /محمد عبد الماجد
ما يأخذه الاهلي بالحكام نعوضه عنوة واقتدارا من المريخ
< الحمدلله ان الدوري الممتاز السوداني يلعب فيه فريق (المريخ) العاصمي.
< الحمدلله على هذه (النعمة) والتى نعوض دائما بها ما نفقده من (نقاط) بسبب حكام الاتحاد العام لكورة القدم ..والذين لا يصلحوا حتى لسلق البيض.
< ديل (الفرجة) كتيرة عليهم.
< علاقتهم بقوانين كورة القدم مثل علاقة جون سينا باغاني الحقيبة.
< ديل بتجبوهم لينا من وين؟..من تلاجة موز ام من تلاجة البطاطيس ؟ ...وهم بهذا (البرود) لا يرمش لهم رمش مع ظلمهم الواضح هذا للهلال.
< اعتاد الهلال ان يعوض بالمريخ ..وان نأخذ منه في كل موسم (6) نقاط لا خلاف حولها ولا جدال.
< (6) نقاط هدية.
< (6) نقاط جاهزة.
< (6) نقاط ديلفيري.
< بنشيلها زي (سندوتش) الطعمية ...وانت ماشي كدا.
< يمكن لكم بالرجوع الى سجل الدوري الممتاز سوف تجدوا الانتصارات العريضة التى حققها الهلال على المريخ.
< لذلك فان المريخ يمثل لنا (طرمبة)..نتزود منها ..ونعوض هذا الذي يفعله (الحكام) في الهلال.
< صيدة ..وما بنفقد قدامها اي نقطة.
< المريخ امام الهلال ايضا يسانده (الحكام) بشكل واضح وصريح ..لكن الهلال امام المريخ يعرف ان ينتصر على المريخ وعلى الحكام ، لأن المسؤولية في مباريات القمة تكون كبيرة ، عند لاعبي الهلال.
< لذا ننتصر على المريخ بحكامه.
< عليه فان نقاط الاهلي شندي الذي أخذها من الهلال عبر (لجنة الحكام)..سوف يعوضها الهلال في مباراة القمة القادمة.
< بالحضري.
< بي سيحة.
< بي لجنة الحكام.
< بالاتحاد العام.
< بالسلطة...من غير سلطة.
< بي باصات الوالي.
< من غير باصات.
< بي اي حاجة ..سوف ينتصر الهلال على المريخ في قمة الممتاز.
< اصلو اي قمة في الممتاز نحن اسيادها.
< المريخ تعود على اللحاق بالهلال وتصدر الممتاز عبر خدمات الاندية الاخرى التى تقدمها له.
< في كل البطولات المحدودة التى حققها المريخ في بطولة الممتاز حققها عن طريق الاخرين.
< لا يستطيع ان يستأسد المريخ على الهلال..لأن المريخ (فريسة) جاهزة للهلال.
< يلتهمها في رفق ومتعة كبيرة.
< لذلك فاننا نقول ان فرحة المريخاب بانتصار (الحكام) على الهلال في المباراة الاخيرة ..هي فرحة قصيرة الاجل ..والهلال قادر على الرد عليها في القمة القادمة.
< من عجب ..ان المريخ اصبح لا يملك ان يفرح اعلامه وجماهيره..لذلك هم يفرحون بانتصارات الاخرين على الهلال.
< اكتفوا بهذا القدر من الفرح.
< لا يملك المريخ إلا ان يكون تابعا للاهلي شندي او النيل الحصاحيصا او اي فريق اخر استطاع ان ينتصر على الهلال بواسطة الحكام.
< اما المريخ في حد ذاته فهو سريع الذوبان امام الهلال ..لا يصمد (5) دقائق امام بشه.
< خسارة الهلال امام (الحكام) جاءت في وقتها تماما ..وقد قدمت لنا المباراة الصورة واضحة وكشفت لنا (الظلم) الذي يمكن ان يتعرض له الهلال.
< عرت لنا المباراة ما يمكن ان يتعرض له الهلال من (الحكام) لذا وجب الحذر ..وعلى مجلس ادارة نادي الهلال ان يضع حدا لهذه التجاوزات التى تحدث من قبل حكام المباراة.
< الظلم الذي تعرض له الهلال في المباراة كان يمكن ان يحدث كارثة كبرى ..وكان يمكن ان يفقد حكم الرأية حياته ..بسبب سياسات الاتحاد العام والذي يأتي لمباريات الهلال بحكام بهذا الضعف ..او بهذه القدرة على ظلم الهلال مع سبق الاصرار والترصد.
< اننا ننشد عدل الحكام ..ليس من اجل الهلال ..وانما من اجل استمرار المنافسة ..وحتى لا يدخل مثل هذا السلوك المرفوض ..والشغب غير المقبول الذي يمكن ان يكون من قبل جماهير الهلال.
< صعب على جماهير الهلال ان تصبر على مثل هذه التجاوزات ويحرم فريقها من (اهداف) شرعية ..في الوقت الذي نجد فيه ان حكام مباريات المريخ يمتلكون من الجرأة ومن قوة العين ان يمنحوا المريخ في (20) دقيقة ضربتين جزاء.
< لقد فاز المريخ في الموسم الماضي بالممتاز عن طريق ضربة جزاء منحت له امام النيل الحصاحيصا والاخر يلعب في ارضه ووسط جمهوره.
< وجاء حكام (الهنا والسرور) واصبحوا كلما استعصت الاهداف على المريخ منحوه ضربة جزاء ..ثم اضافوا من عندهم (ضربة جزاء) اخرى تمنح فوق الضربة الاولي كهدية مجانية.
< ما يحدث للمريخ ..يحدث عكسه في الهلال ..فيولد ذلك مثل هذا الشغب الذي حدث في مباراة الهلال والاهلي شندي الاخيرة.
< لمحاربة هذا الشغب ...وللقضاء على مثل هذه الظواهر لا بد من حكام شرفاء ..وعادلون ...لا يتلونون ولا ينفذون اجندة خارجية.
< من ثم فان الهلال مطلوب منه ان يراجع حالة (الاستهتار) ..والفوضى التى دخلت عليه اخيرا بسبب الاحتفالات والزيارات العديدة التى قامت بها شخصيات سيادية لمعسكر الهلال في توقيت صعب ومزعج ..فانعكست على الهلال بهذا الخلل الذي ظهر به في المباريات الاخيرة ..وكان سببا في تشتيت ذهنية لاعبي الهلال.
< ويمكن ان نثبت ذلك ان عبداللطيف بويا والذي كان نجم مباراة الهلال وليوبار ..وكان افضل لاعب في المباراة ...جاء وكان اسوأ لاعب في مباراة الهلال والاهلي شندي.
< هذا الفتور الذي ظهر على بويا واظهره بهذا الضعف ..سببه (الجوائز) العديدة التى منحت للاعب عبداللطيف بويا ..والاشادات الكبيرة التى سمعها اللاعب فجعلته يظهر في مباراة الهلال والاهلي شندي مثل (الراعي) الذي وجد نفسه نجما ..واصبح يكرم من قبل كل الوسائط.
< لا بد من انه هو ايضا في حالة (توهان) الان.
< نحن نعرف انه مهما كان الفريق كبيرا ، وقويا في كورة القدم لابد له من الخسارة ..ليس هنالك ناديا استمرت انتصاراته وبطولاته دون انقطاع او من غير فواصل.
< الخسارة امر لا بد منه في كورة القدم ...الفرق الكبيرة تخسر عندما تتوه وعندما يعرف (الغرور) طريقا اليها فيكون الاستهتار وعدم المسؤولية.
< وتخسر ايضا عندما تتعرض لظلم الحكام ..وان كنا نرى ان ظلم الحكام امر مقدور عليه اذا كانت هناك مسؤولية.
< استطاع أوجسبورج ان يضع حدا لانتصارات بايرن ميونخ التي امتدت لـ (53) مباراة دون هزيمة في البوندزليجا.
< بايرن ميونخ خسر امام فريق متواضع وبعد (53) انتصارا لم تتخلله (خسارة).
< اندية الدوري الانجليزي ايضا شيليسي وليفربول ومانشيتستر سيتي ايضا تتعرض لخسائر فجائية.
< برشلونة نفسها في الدوري الاسباني خسرت امام بلد الوليد الذي يحجز موقعه في مؤخرة الروليت.
< كذلك خسر ريال مدريد ..وفقد فرصة تصدره للدوري الاسباني بسبب خسارة لم تكن متوقعة.
< الهزائم يمكن ان تأتي على هذه الصورة الفجائية.
< لكن هذا ايضا يجب ألا يجعلنا نغض الطرف عن الخلل الذي كان من جانب الهلال.
< رغم سوء التحكيم ..كان الهلال ايضا سيئا.
< استهتار ..وفتور في الاداء ..واخطاء في التمرير واخطاء في التسليم ..ومدرب ما قادر يعمل اي حاجة.
< النابي كان قبل كل الناس يحتاج الي هذه الخسارة ..حتى يخرج من هذا الوهم الذي صنعه لنفسه.
< اعتماد النابي على عدد محدد من اللاعبين ...جعل الهلال ينهار عندما لم يشارك عمر بخيت.
< علما ان الهلال فيه اكبر من مجموعة من اللاعبين اصحاب الامكانيات الكبيرة.
< لكن نصرالدين النابي كان لا يرى ابعد من التشكيلة الاساسية التى يحدث فيها تغيير إلّا اذا حدث (طاريء).
< لم يجهز النابي سيدي بيه وسيمبو وخليفة والمعز ووارغو وصلاح الجزولي ومحمد عبدالرحمن بشكل جيد.
< حطم بعضهم (نفسيا)..وبعضهم حطمه بدنيا وهو يبعده عن المشاركة حتى في مباريات سهلة للهلال.
< اما مجلس الهلال فعليه ان يبعد لنا الهلال من (التهويم) السياسي الذي عاش فيه الهلال في الفترة الاخيرة.
< فقد بدأت الزيارات السياسية للهلال من رئيس البرلمان ثم والي الخرطوم ثم نائب رئيس الجمهورية ..وتوالت على هذا النحو حتى اعتقد لاعبو الهلال انهم اتوا بكأس العالم للاندية.
< فقد لاعبو الهلال تركيزهم بينما كان فريق الاهلي شندي في معسكر مقفول لمدة (15) يرتب فقط في مكر وفي دهاء للانقضاض على الهلال وهو في حالة فرحه تلك.
< الذي ننادي به ...ونسأل عنه مجلس ادارة نادي الهلال هو الانتباه الي مراجعة الهلال كليا في تسجيلات الهلال.
< معظم الاجانب في الهلال خارج نطاق الخدمة ..وليس هناك فائدة ملحوظة من اجانب الهلال.
< لا بد من احداث ابدال واحلال في فترة التسجيلات القادمة ..من اجل ان يكون الهلال قادرا على المنافسة على اللقب الافريقي.
< خسارة الفريق الاخير ..كشفت لنا الكثير ..وقدمت لنا الوضع في ظل ضغوط يمكن ان يتعرض عليها الهلال في الكثير من المباريات.
< حكام مباريات الهلال في ظل هذا الاتحاد (المسيس) لن يكونوا افضل من حكام مباراة الهلال والاهلي شندي ..والذين عاسوا في الملعب (ظلما).
< سوف يتعرض الهلال لمثل هذه الظروف ..وربما اسوأ من هذا الذي تعرضنا له ...ان لم يكن الهلال قويا وجبارا فانه سوف يفقد مرة اخرى.
< ان اول فوائد مباراة الهلال الاخيرة انها قدمت لنا (الخسارة) في وقت يمكن الادراك فيه.
< وجميل انها جاءت قبل مباراة المريخ ...حتى يأخذ الهلال من تاره من (الحكام) في ممثلهم الشرعي فريق المريخ.
< اما الاهلي شندي ..فاننا نقول انه يلعب بمسؤولية ..وتركيز فقط امام الهلال.
< امام المريخ يفشل في ان ينتصر حتى والمريخ يلعب بـ (10) لاعبين والاهلي شندي يلعب في ارضه ووسط جمهوره.
< هذه الروح (القتالية) التى يلعب بها الاهلي شندي امام الهلال نتمنى إلا تكون دوافعها اشياء اخرى ليس لها علاقة بكورة القدم.
< ملحوظة : الاهلي شندي اصبح تابعا للمريخ مثل النيل الحصاحيصا تماما.
هـــوامـــــــــــــــــش
< ما حدث في مباراة الاهلي شندي كان يمكن ان يحدث في مباراة ليوبار...لذلك احمدوا الله كثيرا على ان الخسارة جاءت في مباراة يمكن التعويض عنها.
< اداء الهلال امام ليوبارد لم يكن افضل من اداء الهلال في مباراة الاهلي شندي.
< فقط التحكيم في مباراة الاهلي شندي كان اسوأ.
< اعتدنا على ظلم التحكيم في مباراة الهلال والاهلي شندي التى تكون في شندي..لكن ظلم الحكام للهلال وهو يلعب في الخرطوم ..امر غريب ..وقوة عين لم نشهدها من قبل.
< ناس المريخ يا دوب عادت ليهم الروح.
< اشكروا الحكام.
< معاوية الجاك رجع يكتب تاني عن المريخ.
< عصام الحاج وين؟.
< نحن لو عارفين (الرويحة) بترجع ليكم ...كان خسرنا ليكم من بدري.
< على الاقل ..عشان ما تطلبوا (التأجيل) لمباراة القمة.
< ديل ما كانوا بنستروا لو لم يخسر الهلال.
< كان مشاكلهم ح تصل القسم الشمالي.
< لذلك مفروض تشكروا صلاح ادريس.
< وتعملوا ليه (تكريم) في القلعة الحمراء.
< صلاح ادريس كل ما خلاص (تقطعوا) بيدكم (روح).
< لكن ما تنسوا عليكم انكم خرجتوا من دور الـ (64).
< من (التمهيدي).
< وانكم قاعدين لا شغلة ولا مشغلة.
< لمن تسافروا ..بتسافروا (الحصاحيصا).
< المريخ عنده مباراة (خارجية) مع النيل الحصاحيصا.
< خارجية يعني خارج العاصمة.
< يعني ح تلعبوا في تونس.
< مفتاح الحصاحيصا كم؟.
< النيل دا مفروض ما تسافروا ليه ..عشان نقاط المباراة يمكن (تحويلها) من الحصاحيصا.
< تحويل النقاط.
< ....
< عاجل : ناس الاهلي شندي ديل مرات بصدقوا.
|
تكتبوا زيما عاوزين ونحن ما بنرد .. يهبشوكم تكوركو
وكمل كمل يامزمل ..
| |
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: محمد عبد الرحيم جمعة)
|
أمير السماني يس
يبدو أنك من أنصار سيد البلد ، وهذا خيارك ، العنوزان خلاني أقول يا ربي في شنو البلد إستجمت أكتر مما هي مسجمة لقيت الحكاية في كبد الحقيقة وكبد الحوت ، البلد إجمالاً لا عيب فيها إنما العيب فينا بلا إستثناء ، وكل المتغيرات التي حدثت في البلاد سببها نحن ، معارضة كنا أو موالاة. الراجل كتب بنضارات حمر وله الحق في ذلك فالكثير منالجماعة بكتبو بي نضارات زرق وتقل درجة اللون بالنسبة للأندية الأخرى لضيق ذات اليد.
الكورة واحدة من الأشياء التي أصابتها السياسة في مقتل فبقت غير مدورة وغير ممتعة وغير مقنعة ، والحال كذلك يبقى هناك بصيص أمل وضؤ خافت في نهاية النفق ربما ذات مرة يعيد البلاد لمقامها التي ترجو أنت وأنا ونحن لها.
وحتى ذلك الحين أدعوك للإستمتاع الليلة اليوم
ريال مدريد – برشلونة 30ر10 مساء
الريان القطري – الجزيرة الإماراتي 55ر6 مساء
الشباب السعودي – إستقلال طهران الإيراني 35ر8 مساء
بنفيكا البرتغالي – بورتو البرتغالي 45ر10 مساء
مانشيستر سيتي – سندرلاند 45ر9 مساء
إيفرتون – كريستال بالاس 45ر9 مساء
وعلى فكرة مريخ الفاشر يلعب عصر اليوم ضد الهلال الساعة 30ر4 مساء
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: almulaomar)
|
يا ارصد اخوي يا صفوة ماكان في داعي للاحراج دا وتجيب الدليل من حقهم
يا امير السماني يا مشجع سيد البلد يعني حسع نقول على جنس كلامك دا
حق ادروب تشوفوا وحقكم ما تشوفوا
غايتو قالوا البيكرهك في الضلمة يحمر ليك
واصلوا متين البلد كان ماشي لي قداااام
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: حمزاوي)
|
| Quote: ولماذا يا أخي أمير تتوقع بأن ما يخرج من أفواه صغار كتبة الإنقاذ سوف يختلف عما يخرج من أفواه كبارهم من شاكلة: |
بالفعل أخي الصادق ... نحن نعيش ازمة في كل شيء..
ازمة في التصريحات..
واختيار الالفاظ..
وازمة في الكُتاب (بضم الكاف)..
وازمة في القراء (لانهم هم من يقرون ما يكتبه الكتاب)..
لله المشتكى ونساله ان يلطف بنا..
شاكر مرورك عزيزي..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: حمزاوي)
|
| Quote: ولماذا يا أخي أمير تتوقع بأن ما يخرج من أفواه صغار كتبة الإنقاذ سوف يختلف عما يخرج من أفواه كبارهم من شاكلة: |
بالفعل أخي الصادق ... نحن نعيش ازمة في كل شيء..
ازمة في التصريحات..
واختيار الالفاظ..
وازمة في الكُتاب (بضم الكاف)..
وازمة في القراء (لانهم هم من يقرون ما يكتبه الكتاب)..
لله المشتكى ونساله ان يلطف بنا..
شاكر مرورك عزيزي..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: أولاً: ألف مرحب بيك أمير السماني "أبو محمد" منور.
ثانياً:لا يوجد كبد ولا حقيقة وليس ثمة كرة لدى الهلال أو مريح أو أهلي شندي.رأي. |
الحبيب الرائع محمد جمعة ...
تسلم كتير على الترحيب ... وانشاء الله نكون اضافة مع الفطاحلة ...
أجد نفسي اشاركك الرأي .. فما نراه الآن.. يؤكد صحة رائك ..
دمتا بخير..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: أولاً: ألف مرحب بيك أمير السماني "أبو محمد" منور.
ثانياً:لا يوجد كبد ولا حقيقة وليس ثمة كرة لدى الهلال أو مريح أو أهلي شندي.رأي. |
الحبيب الرائع محمد جمعة ...
تسلم كتير على الترحيب ... وانشاء الله نكون اضافة مع الفطاحلة ...
أجد نفسي اشاركك الرأي .. فما نراه الآن.. يؤكد صحة رائك ..
دمتا بخير..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: تكتبوا زيما عاوزين ونحن ما بنرد .. يهبشوكم تكوركو
وكمل كمل يامزمل .. |
حبابك اخي ارصد .. ود المايقوما.. فان كانت مايقوما شرق النيل فانت وانا جيران.. فسكني وتربتي وحياتي الجريف شرق كركوج..
يا حبيي الكريم..
محمد عبد الماجد ورمضان وغالبية الذين يكتبون كل يوم هم على شاكلة واحدة ...
صحيح انا هلالابي وعلى السكين .. بس ليس الهلال الذى اره الان.. وعلى فكرة ارفض من اكثر الرافضين لتسمية الهلال بسيد البلد.. لان ذلك في اعتقادي اسم غير شرعي وليس من حق اي كان ان يطلق عليه نفسه هكذا اسم ولكن هو الإعلام الذي يجلس على تلته مزمل ومحمد عبد الماجد؟؟
فهو عليك .. لان الاثنان عندي شي واحد وفهمي..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: تكتبوا زيما عاوزين ونحن ما بنرد .. يهبشوكم تكوركو
وكمل كمل يامزمل .. |
حبابك اخي ارصد .. ود المايقوما.. فان كانت مايقوما شرق النيل فانت وانا جيران.. فسكني وتربتي وحياتي الجريف شرق كركوج..
يا حبيي الكريم..
محمد عبد الماجد ورمضان وغالبية الذين يكتبون كل يوم هم على شاكلة واحدة ...
صحيح انا هلالابي وعلى السكين .. بس ليس الهلال الذى اره الان.. وعلى فكرة ارفض من اكثر الرافضين لتسمية الهلال بسيد البلد.. لان ذلك في اعتقادي اسم غير شرعي وليس من حق اي كان ان يطلق عليه نفسه هكذا اسم ولكن هو الإعلام الذي يجلس على تلته مزمل ومحمد عبد الماجد؟؟
فهو عليك .. لان الاثنان عندي شي واحد وفهمي..
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: يبدو أنك من أنصار سيد البلد ، وهذا خيارك ، العنوزان خلاني أقول يا ربي في شنو البلد إستجمت أكتر مما هي مسجمة لقيت الحكاية في كبد الحقيقة وكبد الحوت ، البلد إجمالاً لا عيب فيها إنما العيب فينا بلا إستثناء ، وكل المتغيرات التي حدثت في البلاد سببها نحن ، معارضة كنا أو موالاة. الراجل كتب بنضارات حمر وله الحق في ذلك فالكثير منالجماعة بكتبو بي نضارات زرق وتقل درجة اللون بالنسبة للأندية الأخرى لضيق ذات اليد.
الكورة واحدة من الأشياء التي أصابتها السياسة في مقتل فبقت غير مدورة وغير ممتعة وغير مقنعة ، والحال كذلك يبقى هناك بصيص أمل وضؤ خافت في نهاية النفق ربما ذات مرة يعيد البلاد لمقامها التي ترجو أنت وأنا ونحن لها.
|
..
مرحب اخوي الملا عمر..
بالطبع انا من انصار الهلال .. وليس من انصار سيد البلد.. لان البلد دي حقت اي سوداني ....
وللاسف هكذا هو اعلامنا .. اللابس نظارة حمراء واللابس نظارة زرقاء وكل ماخذ حسابه.. ومظبط منفعته..
وبالفعل السياسة هي من اوصلت (كورتنا) الكانت (ونستنا) لهذا الوضع المخزي..
بارك الله فيك
وشاكر مرورك الجميل
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: يبدو أنك من أنصار سيد البلد ، وهذا خيارك ، العنوزان خلاني أقول يا ربي في شنو البلد إستجمت أكتر مما هي مسجمة لقيت الحكاية في كبد الحقيقة وكبد الحوت ، البلد إجمالاً لا عيب فيها إنما العيب فينا بلا إستثناء ، وكل المتغيرات التي حدثت في البلاد سببها نحن ، معارضة كنا أو موالاة. الراجل كتب بنضارات حمر وله الحق في ذلك فالكثير منالجماعة بكتبو بي نضارات زرق وتقل درجة اللون بالنسبة للأندية الأخرى لضيق ذات اليد.
الكورة واحدة من الأشياء التي أصابتها السياسة في مقتل فبقت غير مدورة وغير ممتعة وغير مقنعة ، والحال كذلك يبقى هناك بصيص أمل وضؤ خافت في نهاية النفق ربما ذات مرة يعيد البلاد لمقامها التي ترجو أنت وأنا ونحن لها.
|
..
مرحب اخوي الملا عمر..
بالطبع انا من انصار الهلال .. وليس من انصار سيد البلد.. لان البلد دي حقت اي سوداني ....
وللاسف هكذا هو اعلامنا .. اللابس نظارة حمراء واللابس نظارة زرقاء وكل ماخذ حسابه.. ومظبط منفعته..
وبالفعل السياسة هي من اوصلت (كورتنا) الكانت (ونستنا) لهذا الوضع المخزي..
بارك الله فيك
وشاكر مرورك الجميل
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: ارصد اخوي يا صفوة ماكان في داعي للاحراج دا وتجيب الدليل من حقهم
يا امير السماني يا مشجع سيد البلد يعني حسع نقول على جنس كلامك دا
حق ادروب تشوفوا وحقكم ما تشوفوا
غايتو قالوا البيكرهك في الضلمة يحمر ليك
واصلوا متين البلد كان ماشي لي قداااام |
الاخ العزيز حمزاوي..
مشكرو على المرور الانيق..
انا كنت مشجع الهلال ولا يعني لي اسم سيد البلد شيء..
صدقني للاسف الكراهية والحقد منذ ان دخلت المجتمع الرياضي ونحن نتشرب المر..
ليس لدي كراهية مع مزمل أو غيره او حتى الاحمر الذي كان وهاجاً..
ولكن اكره ما يفعله مزمل وامثاله من اثارة الفتن وزيادة المشاكل وتعكير الأجواء..
واعتقد انهم يجنون ما يجنون لأنفسهم..
وما يزعجني ان الناس تقرأ لهم ليس حباً فيما يكتبون لكن كل يريد أن ينتقص من الأخر..
والكورة وين ..
الكورة راحت من زماااان
والناس ماشة ..
ونحن راجعين..
اخيراً
بالفعل اكد على كلامك
بان هذا البلد اصلاً مافي يوم مشت لي قدام
منذ ان قامت..
تحياتي
| |
|
|
|
|
|
|
|
|
|
Re: هل دي بلد ممكن تمشي لي قدااام؟؟؟!!! (Re: أمير السماني يس)
|
Quote: ارصد اخوي يا صفوة ماكان في داعي للاحراج دا وتجيب الدليل من حقهم
يا امير السماني يا مشجع سيد البلد يعني حسع نقول على جنس كلامك دا
حق ادروب تشوفوا وحقكم ما تشوفوا
غايتو قالوا البيكرهك في الضلمة يحمر ليك
واصلوا متين البلد كان ماشي لي قداااام |
الاخ العزيز حمزاوي..
مشكرو على المرور الانيق..
انا كنت مشجع الهلال ولا يعني لي اسم سيد البلد شيء..
صدقني للاسف الكراهية والحقد منذ ان دخلت المجتمع الرياضي ونحن نتشرب المر..
ليس لدي كراهية مع مزمل أو غيره او حتى الاحمر الذي كان وهاجاً..
ولكن اكره ما يفعله مزمل وامثاله من اثارة الفتن وزيادة المشاكل وتعكير الأجواء..
واعتقد انهم يجنون ما يجنون لأنفسهم..
وما يزعجني ان الناس تقرأ لهم ليس حباً فيما يكتبون لكن كل يريد أن ينتقص من الأخر..
والكورة وين ..
الكورة راحت من زماااان
والناس ماشة ..
ونحن راجعين..
اخيراً
بالفعل اكد على كلامك
بان هذا البلد اصلاً مافي يوم مشت لي قدام
منذ ان قامت..
تحياتي
| |
|
|
|
|
|
|
| |
أمير السماني يس
الصادق عبدالله الحسن
محمد عبد الرحيم جمعة
ارصد محمد جلال
almulaomar
فيس بوك
تويتر
انستقرام
يوتيوب
بنتيريست