|
|
|
 Re: صار كل الشعب تاجر !!! (Re: عبدالحفيظ ابوسن)
|
علوية موظفة متوسطة الدرجة
وبالإضافة إلي أنها موظفة راجلها تاجر حطب دخان
ف بتوزع الطلح والشاف للموظفات بالاقساط ,
الموظفة تكلمها الليلة , وبكرة تجي شايلة الطلبية
والدفع نهاية الشهر
فهي مشغولة طوال الشهر
يا شايلة حطب
يا بتخلص في دين
وما فاضية
| |
 
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
وعلي موظف
وبالإضافة لأنو موظف , اخوهو مغترب في الخليج
برسل ليهو الموبايلات , وهو بقوم بعرضها لناس الشغل وللمصالح التانية , تشتري منو بالاقساط والسعر حسب القسط
تستلم الموبايل الدايرو , ولو داير الموبايلات الحديثة الغالية دي ,, بي الطلب ,, لأنها ما مرغوبة , يكلم اخوهو واخوهو يرسلها من هناك
فهو مشغول جدا جدا ,, ومافاضي
يا بعرض في بضاعة
ولا بخلص في قسط
ولا مرق مشوار لمصلحة تانية بخصوص ما يخصه
ولا ضارب حجة في غشيتك وغشيتني واكلتني
فهو مشغول والله وما فاضي
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
سيد حسن مدير كبير في مصلحة برضو كبيرة
وضعو كويس , لو محتاج قروش بعمل اجتماع عاجل لمناقشة الخطة , والاجتماع داير نثريات , فبطلع ليهم حافز اجتماع وبخت اسمو اول زول بطلع ليهو بي كم مليون
وبرضو بحكم وظيقتو وده تعبير قانوني فأي اجتماع بحصل في المصلحة بكون عودو راكب
وبحكم منصبو برضو بكون عضو بحكم وظيفتو في لجان بتقوم للمصلحة العامة وعودو راكب
ده غير السفريات
لو خالتو ماتت بطلع مأمورية وبكب البنزين وبمشي العزاء وبجي راجع بطلع حق المأمورية ولأنو رجل امين بطلع للسواق برضو نثرية مأمورية
ف شنو
عندو قروش
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
ف سيد حسن
عندو مال فائض عن حوجتو وبدل يقعد ساي احسن يقلب بيهو في السوق
ومركزو ما بسمخ ليهو يشتغل دلالي , لأنو منصبو رفيع وحساس
ف شغال تاجر عربات واراضي وبيوت
شغل نضيف
ما بحب الدوشة
لو عندك عربية للبيع او داير تشتري منو , تعال ليهو في المصلحة , لأنو بعد 3 ظهرا ده زمن حق اسرتو وهو رجل يقدس الحياة الاسرية ,, يقدس دي كيف ! ما عارف والله لكن بقدس فعلا
فهو مشغول جدا جدا جدا بالإعداد لإجتماعات او في كتابة الشيكات او قيضها او في مكاتب التواثيق
وزي ما عارفين تجارة العربات والبيوت دي فيها مشاكل وكسر وغش
فهو مشغول وما فاضي
لا شايف حسن ولا علوية زاتو
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
موظفين الأراضي برضو بقوا سماسرة يا أب سن
قبل أسبوعين جاء واحد صاحبنا من السودان
مشى طلع شهادة بحث بغرض البيع لي بيتو
قبل الشهادة ما تطلع اتصل عليه واحد قال ليهو : داير في البيت كم ؟
يا النبي نوح
الشهادة ما طلعت من وين عرفتو إني داير أبيع ومن وين عرفتو رقم تلفوني
الزول المعاه قال ليهو: لو قلت ليه الكلام دا ممكن الموظفين يعاكسوك
لأنهم هم الأدوه رقمك
ودايرين حقهم طبعاً
غايتو بعد ما سمعنا الحكاية الحكاها حيدر الزين في واحد من بوستاتو
اللي بتقول: لامن حكومة دارفور تفلس تضرب للمتمردين عشان يعملوا هجمات هنا وهناك
غايتو الله يكون في عونو الشعب السوداني البطل
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
تقوم ماسورة بيتكم تتكسر
وانت زول عارف القانون
توصيلات الكهربا والموية خارج المنزل مسؤولية ناس الكهربا والموية , ومفروض ما تدفع قرش واحد
تمشي تبلغ ,, ويوعدوك خير , ولتأكيد الجدية يسألوك من رقم تلفونك وبيتكم بالضبط ,, وخلاس امشي نحن بنجي
ما يجو ,, تجي بكرة ,, يطلعو ليك الدفتر
آي مسجل اسمك , لكن عندنا بلاغات قدامك
خامس يوم
تفهم انو دي ورشة تجارية
تسوق العمال من جوة المصلحة والعين تشوف , في نص ساعة يظبطو ليك امورك وتدفع القروش المتفق عليها
و
المرة الجاية تمشي للاسطي عديل بدل الموظف
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
عم بلة فراش المصلحة
بالإضافة لوظيفته العمالية فهو صبي المراسيل
إكتشف عم بلة ان معظم المراسيل للخضار والسكر والشاي والزيوت
فصار خضرجيا لناس المصلحة ,, واتصلحت معاهو شوية فبقي بدل يترسل بشتري الخضار جملة , واشتهر وسط مباني المصالح ,, لأنو خضارو سمح ,, واتصلحت شوية فصار خضرجيا وبتاع سكر وشاي وزيت
وبقا مشغول مافاضي لحمل السيركات والحوامة وسط المكاتب
وتغاضي عنه الموظفون لأنو بمهلهم لي نهاية الشهر
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
الناس علي دين ملوكها
الوزراء بسافروا لأداء بعض الاعمال التي لاتطلب سفرهم , فبالسفارة جيشا عرمرم مسؤوليته ان يقوم بأكثر ما يقوم به الوزير , لكن الوزير شغال بنظرية سافروا ففي الاسفار سبعة فوائد
والوزراء رجال اعمال يمارسون عملهم الخاص اثناء تأدية مهام منصبهم الوزاري ,, والمنصب زاتو مفيد للعمل ,, وسمعت في مقطع فيديو وزير اتحادي مرموق وصاحب كل التشكيلات الوزارية يقول في لقاء تلفزيوني ردا علي انه يعمل عملا خاصا وهو وزير فقال
انا ما كيشة !
يعني عامل حسابي
ونحن المواطنين ناس قريحتي راحت عارف انو الشركة الفلانية تتبع للوزير الفلاني , والبضاعة الفلانية جابها الوزير الفلاني
تحول جهاز الحكومة لتجار ,, فتحول الموظفين برضو لتجار
والساقية لسة
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
نحمد الله كل الموظفين في الهرم الوظيفي شغالين تجار , سألت مهندس إنشاء وموظف في مؤسسة هندسية
ياخ وقت امورك ظابطة ما تستقيل وتتفرغ لي مقاولاتك
قال لي
الشغل البقدر اعملو من خلال الوظيفة ما بقدر اعملو لو استقلت , هسة انا بمشي لي زميلي الموظف اطلب من خدمة ومجانا وبعملها لي , لو استقلت بقروشي بتغلبني
وبارك الله في من نفع واستنفع
وحقي وين ? ده مصطلح جديد حتي لإجراء مافيهو تجاوز زاتو ,
المهم
الناس دي قالبة قلب يحيرك
البيت كلو شغال , المرة سافرت دبي تجيب بضاعة ,, جات راجعة الراجل مشي وين ما تعرف
الناس دي تلهث ومافاضية ,, لافاضية لي اولاد ولا علاقات اجتماعية ولا تثقيف ,, العلاقات كلها علاقات عملية
والعيال وين ?
أييييييييك مرقو من بالي !
ما ياهم ديل البتنقدو فيهم يوماتي
مافي زول زاتو فاضي يربيهم
وهم برضو بتاجروا
الحكومة شغالة تجارة مافاضية للشعب
والشعب شغال تجارة مافاضي للعيال
والعيال هم تجار الغد !
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
من النفاج
مرحب مدثر حسن
وحبابك
آي صاح
الواحد يمشي برة يشتغل شغل الجن ,, ونفس الشغل ده لو اشتغلو هنا كان بقي غنيان وصلح البلد ,, لكن الماسكين البلد ديل كحكومة ما بخلوك تشتغل وبعاكسوك
غايتو معادلة ماتقدر تدين فيها من هرب خارج الوطن وفي نفس الوقت ماتقدر تسامحو في تناقض غريب !
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
يا عبد الحفيظ .. فى حديث ما متأكد من صحتو بقول أنو تسعة أعشار الرزق فى التجارة ..
أسلمة مجتمع دى ولا مش أسلمة يا متعلمين يا بتوع المدارس ..
السودان داير ميتين سنة عشان يلحق باقى العالم .. حكومة ماسكنها الناس الدسو السكر و الفحم فى التمانينات .. الناس تتوقع منهم شنو غير كدا ؟
| |
|
|
|
|
|
|
|
|
|
Re: صار كل الشعب تاجر !!! (Re: وليد عكاشة)
|
تحو لت حياتنا كمهنين وفنين 180درجة من منتجين الي عطالة وبايعي الفول وحلاوة كرملة
وسجائر في المحطات وضاعت كفاء ات وخبرات نادر ان تتكرر الي اشبح غارقة في هموم العيش
كنت في النقل الميكانيكي ونحن جالسين علي طرابيز مكالتب الورش
الرئيسية
فجاءة دخل علينا تلاتة شباب عرفنا منهم انهم
مندوبين مشتريات
اخدو يثمنو في اثاثات المكاتب والماكينات التي نشتغل عليها
في فبراير 2000 صرفو لكل واحد ستمئة جنيه قصدي لكل عامل
واتشتتنا في البلاد نبحث عن الرزق وبكينا في ذاك المكان العزيز علينا
وتعلمنا فيه وتدربنا فيه المهن الفنية عالية الدقة
كل ما امر من بالطريق للخرطوم لا اطيق ان اري الخراب الذي حصل
في المؤسسة العامنة للنقل الميكانيكي الخرطوم بحري
التي كنت اعمل بها في ورشة الماكينات (قسم الخراطة ) حيث تخصت في جلخ الكرانك شافط
ووماكينات التفريز لسندرات المحركات من البنطون وحتي الشاحنات في يوم ما كنت بفرز ماينكات
كل السفن والبنطون والمعديات التي تعمل علي النيل
ملاذنا كان في اخر المحطات في انتظار الرزق
والشخبيط في رمال ضل الضحي
وضاعت كفاءلات وخبرات نادر ان تتكرر الي اشبح غارقة في هموم العيش
لك الله يابلد
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
اوووووو
أي امرأة حامل بتلد بي عملية , لامن بقت ملاحظة
الولادة الطبيعية بتكلف 200 ألف , والعملية بتكلف من 3 مليون وانت طالع , حسب سعر الدكتور
ويستغل الطبيب مهنته في التوضيح ليك بأنو لازم تلد بعملية وخطورة غير ذلك , والهدف كلو ما تدفعه من قروش
انتهت اخلاق المهنة وشرفها وبقت
تجارة
فأثري بعضهم ثراءا فاحشا
وماتنسي الفحوصات
فبعضهم يمتلك المعمل او شريكا فيه
ف بعمل ليك
فحوصات شاملة
ممكن تكون ما محتاج ليها اصلا
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
مرحب وليد
وحبابك
مر علي شفاهة لكن ما متأكد منو
لكن
كدي هسه شوف ناس بيل غيتس وبتاع الفيس بوك و الواتس طارو راحو بالنت بس , ولا لعيبة الكورة ولا الممثلين ولا المؤلفين والفنانين ووو
يعني التجارة دي فيها نظر
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
مرحبا باسط
وحبابك
صدقت
تحول المزارع لي سجين
وتحول العامل لعاطل
النقل الميكانيكي و مصلحة الاشغال
النقل الميكانيكي قطاع حكومي يشتري العربات للحكومة ويصينها , ولكل عربة حكومية ملف منذ دخولها السودان , ويتعامل مباشرة مع الدولة المنتجة , فلا فساد ولا صيانة فواتير
مصلحة الاشغال لها ملفات بكل المنازل الحكومية والمباني الحكومية , تبنيها وتصينها , ومسؤولة عن كهربتها ومويتها , ولا تبيعها
ذلك حين كان السودان دولة
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
ومع التجارة ظهر الكسر
ولإنها تجارة طفيلية نابعة من دولة تتبع خط الرأسمالية الطفيلية , فالطفيل لا ينتج غذاءه بنفسة بل يعيش عالة علي غيره
فظهرت المضاربات وحلم الثراء السعيد , والتجارة المربوطة بالفساد السياسي والتجارة المربوطة بالفساد التنفيذي
وسمعنا ورأينا قصصا يشيب لها الغراب
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
...Quote:
....والناس علي دين ملوكها
.. |
..
.. ..
..
..و احل الله البيع ....و حرّم الربا...
...
...طبعا البيع ده ....بيع اي شي ...فهؤلاء قوم لم و لازال ولن يتورعوا في بيع اي شئ و لو من لحمهم في اوســــــــخ ماخور كوني من اجل قطعة نقد ...والوطن و ناسو ليس استثناء!!!!؟؟؟
..اما الربا فهو ....تمومة جرتق للبيع .... و لايعني اي شئ بالنسبه للبيع و بالنسبه لهم ... حتي لو كان ربا بيع الوطن .... وبيع شعوبو ...و بالطبع ...ربا مال السحت من فساد ضرب باطنابه كل مؤسسات الدوله ليس باستثناء ايضا!!!!
..
..
..تعرف يا ود ابوسن ... و انا اتصفح المنبر واقراء في بوستك هذا .... رجعت بي الذاكره ... للوراء و كنت حينها في عطبره ...رجعت بي لخبر تداولته كل الصحف حينها ..و لو رجعت ليها في الارشيف حتلقي الخبر ده....ايام ...دولار ....ريال ....شيك سياحي .... و هرولة الشباب ما بين عرصات السوق العربي ...و بنك البركه ...مع ظهور ما يسمي بالبنوك الاسلاميه ...اي ما بعد المصالحه و كان الترابي حينها نائب عام ... و يبدو انها كانت البدايات الاوليه و الخبيثه والناعمه ... لعرض البلد و ناسو و خيراتو في المزاد العلني و سوق الله و اكبر لــبــــــارونات الخليج و الاسلام السياسي و البيوتات الصهيوإسلاميه من مــعـــرصي العولمه .......الخبر كان يعبر في محتواه عن صراع دائر بين بعض ممن تبقي من شخصيات وطنيه في داخل بنك السودان ... وباعتباره البنك الوطني الرئيسي و المسؤؤل الاول عن مباشرة و الاشراف علي مجمل العمليات الاقتصاديه ...و التنمويه ...في البلد بما يحفظ سيادتا ...وكي لا تصبح في لحظة ما عرضه للبيع لمن يمتلك ما يمتلك من كنوز سليمان ...او ارصدة البنك الدولي ...و خزائن عصابات نادي باريس ....و طبعا ده شئ طبيعي في اي بلد من بلدان الدنيا دي لها بنوكها التي تحمي سيادتها و انسانها .....وفق السياسات و الرؤي الاقتصاديه التي تضعها تلك البنوك بخبرات كوادرها المتراكمه و مستشاريها ...وحوجات مواطنها في التنميه ...و...و....الخ ...مع حركة السوق العالمي...ومن ضمن هذه السياسات بالطبع وضع سقوف ائتمانيه لمجالات الاستثمار المختلفه و للمستثمرين انفسهم ....لايسمح لايا كان بتجاوزها ....بمعني مبسّط ... و عشان ما اخش في نقه كتيره ....لو في مستثمر عندو مليار المليارت واضعاف اضعاف ما يمتلكه بنك السودان و البنوك المجاوره...و داير يجي يكوبها كلها في البلد و يستثمرا .... بالطبع ....لا يسٌمح له بذلك ... ببساطه لانو لو سمح له بذلك لن يكون هناك وفي كل البلد من له قول و صوت اعلي من مثل ذلك مستثمر ....لا رئيس و لا غفير و لا وزير و لا وزاره!!!؟؟ ..اها ....القــــــــواد الاسمو الترابي ده ....جا قنن المساله من مكتبو كنائب العام ....(الحقيقه ما متأكد انو كان لسه نائب عام ...و اللا نقولوه لمستشار من غير استشاره ؟؟؟) لكن في الغالب كان نائب عام لانو المسأله كانت خاصه بقوانين بنك السودان ..و تناولت الصحف هذا التقنين و تلك الفتوي في اخبارها.... ... التي سارت عليها ركبان البنوك و الي الان .... و الفتوي كانت .....بالطبع في تضاد مع قوانين بنك السودان
...
..و قال فيها انو..... حرام و ضد الشرع ان يحدد بنك السودان سقف محدد لاي مستثمر يملك اضعاف ما هو محدد من البنك؟؟؟؟!!!....و بالتالي يجب إالغاء تحديد سقوف الائتمان للمستثمرين!!!!؟؟؟؟ و يبدو انو دي فتوي برضها علي فقه (و احل الله البيع ) ....اها تعرف يا صديق ....من ديك و عيييييييييييييييييييييييييييييييك .....البلد و ناسا إدقّ عليهم جرس في مزاد العولمه لبـــــارونات الخليج و امثالم زي نجيب ساويرس ..عشان يدفعو و يشترو.. و اللي ما يشتري ...يتفرج ؟؟؟؟و تعرف ده واحد من الاسباب الرئيسيه .... الخلت العصابات دي و من خلفها و امامها البنوك الاسلاميه ناس فيصل و صالح عبد الله الكامل و بقية الكرور....سريع ....سريع يعجّلوا بانقلابم في 30 يونيو 89 ....بدلا من حرقها و بايديهم زي ما حصل مع بنك فيصل فرع شارع الجمهوريه ؟؟؟؟!!!.لانو الانتفاضه عاجلا ام اجلا كانت ســايره في تحقيق سيادة البلد و سيلدة مواطنيي البلد عليها ...و هسع جايين يطرحوا الديمقراطيه الرفضو التوقيع حتي علي ميثاقا ابان فترة الانتفاضه .... شفت الشغل و الفهلوه و اللعب علي الدقون ده كيف؟؟؟
.
.
.
| |
|
|
|
|
|
|
|
|
|
Re: صار كل الشعب تاجر !!! (Re: Hololy)
|
مرحبا هولولي
وحبابك
نعم احل الله البيع وحرم الربا وأكل اموال الناس بالباطل
هسة بقت القصة جايطة الربا عينك عينك , ومقنن , ويربي الله الصدقات ويمحق الربا
كل الناس بتكسر كرها او طمعا
اقول
تفككت النقابات التي تهتم بشأن عضويتها وظهرت نقابات عمال رئيسها دكتور !
ف البحصل شنو
النقابة عندها دكان , وتقوم تجيب المواد التموينية ويحتاج العمال لي قروش لظرف طارئ , ومافي سلفيات في المصلحة , يمشي لدكان النقابة يشيل ليهو شوالين سكر وجركانتين زيت بي مليون ويبيعهم بي 800 ألف ,, ولا يشتري تلاجة من النقابة ب 5 مليون ويبيعها ب 3 مليون علي ان تخصم منه شهريا
وخت في بالك النقابة بتشتري من تاجر بالدين وبسعر زايد من السوق بالدين , وبتبيع بأعلي من سعر السوق , والناس البشترو من العمال معروفين وليهم سماسرة حابسين دكان النقابة
يعني حتي العامل بكسر غصب , وشدة ما الامر انتشر بقا كأنه اصل الاشياء
فأثرت النقابات وافقر العامل علي الفقر العليهو ,, ولو اردت الدقة اثري النقابين
ويمحق الربا
اهو نحن ماشين في هاوية ما معروق قرارها وينمرحبا هولولي
وحبابك
نعم احل الله البيع وحرم الربا وأكل اموال الناس بالباطل
هسة بقت القصة جايطة الربا عينك عينك , ومقنن , ويربي الله الصدقات ويمحق الربا
كل الناس بتكسر كرها او طمعا
اقول
تفككت النقابات التي تهتم بشأن عضويتها وظهرت نقابات عمال رئيسها دكتور !
ف البحصل شنو
النقابة عندها دكان , وتقوم تجيب المواد التموينية ويحتاج العمال لي قروش لظرف طارئ , ومافي سلفيات في المصلحة , يمشي لدكان النقابة يشيل ليهو شوالين سكر وجركانتين زيت بي مليون ويبيعهم بي 800 ألف ,, ولا يشتري تلاجة من النقابة ب 5 مليون ويبيعها ب 3 مليون علي ان تخصم منه شهريا
وخت في بالك النقابة بتشتري من تاجر بالدين وبسعر زايد من السوق بالدين , وبتبيع بأعلي من سعر السوق , والناس البشترو من العمال معروفين وليهم سماسرة حابسين دكان النقابة
يعني حتي العامل بكسر غصب , وشدة ما الامر انتشر بقا كأنه اصل الاشياء
فأثرت النقابات وافقر العامل علي الفقر العليهو ,, ولو اردت الدقة اثري النقابين
ويمحق الربا
اهو نحن ماشين في هاوية ما معروق قرارها وين
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
اها
ساهمت الحكومة في انتشار ثقافة الكسر وجعلها سلوكا مقبولا , دي واحدة والتانية ادت الفرصة للنقابين ليثروا ويفسدوا وتختهم تحت اباطها , والثالثة اتاحت لبعض التجار ان يدعموا وجودها بإستفادتهم من الوضع الموجود والخوف من ضياعه
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
غورشلي او كما قال
برة الموضوع لكن داخله
بفتش لتطبيقات اسلامية للموبايل ,, منها مصحف مسموع ومقروء ,, لقيت اغلب ان لم يكن كل التطبيقات الاسلامية بي قروش علي عكس المسيحية !
ويقول ليك
الطيارة مافيها بوري
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
الفاضل عبد الحفيظ ومثلك لا ينبه الإنقاذ بل من عهد نميري حاربت الرأسمالية الوطنيه بعضهم استعصم بدينه الدين الحق والآخر خاض مع الخاءضين ، اما بعض تشددك ( معقول تجلي حساب ) اما البعض الاخر ف الفاضل يحي قباني قد أشار ويبقي الاحترام
| |
|
|
|
|
|
|
|
|
|
Re: صار كل الشعب تاجر !!! (Re: اخلاص عبدالرحمن المشرف)
|
اخلاص
حبابك يا خية
اها في حسابك ده انا طلعت كيت ,,,, صفر معاك الواحد
مافهمت والله
ف واحدة واحدة علي
مافاهم شنو الانا قلتو فيما يخص الرأسمالية الوطنية وتكسيرها ونميري
حول اشارة يحي قباني فقد حشرني حشرا هناك , اقصد بخصوص المومس , قصد بوستي هناك ازدواجية المعيار وليس وصف احد بالمومس , وماقلته عبارة عن نكتة شاعت في زمن النميري حول ما كان متداولا من تنظيرات المرحوم جعفر محمدعلي بخيت , وتنظيراته حول الحكم الشعبي والمركزية واللامركزية وغيرها , مما لايفهمه عامة الناس
أكيد الود
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
العقلية التجارية هي عقلية الريح
تشتري وتبيع وتربح
ولها ضوابط ,, علي مستوي الدين الاسلامي لها قواعد فيما يسمي فقه البيوع
وعلي مستوي العرف لها قواعد اخلاقية
وكلها قيم انسانية رفيعة
ولكن ما يحدث اليوم لا يمت لأي منهما
| |
|
|
|
|
|
|
|
|
|
Re: صار كل الشعب تاجر !!! (Re: عبدالحفيظ ابوسن)
|
اسئلة بريئة
مع توفر كامل حسن النية والسذاجة
خلو النت والاخبار , بمشاهدة الافلام ,, كان عربية ولا اجنبية ف
مافي مهرب بهرب كمية قدر دي ما لم يكن ضامنا وصولوها , فالزعيم البائع لك ما بهمو قبضوها ولا صادروها , تنتهي مسؤوليته بإستلامك فقط , ولو ما دفعت يعذبك عذاب الله أكبر ,, ويبدأ بي اسرتك , ف شنو انت بتجيهك امورك !
اها
برضو ضباط المخدرات بتكتكو ويرسمو ويستعملو الاجهزة الحديثة لمعرفة المصدر , فبخلو صغار الموزعين يشتغلو ليصلو للراس الكبير , يعني هسة ده لو فلم , الضباط بختو اداة تعقب بالجي بي اس في الكونتيرات ويتابعوها بالتكنلوجيا وب ( النظر ) , حتي يعرفو الخلصها منو والاستلمها منو ,, ويلبدوا للعصابة حتي تجتمع ويطلبوا اذن بالتنصت علي الهواتف
لكن يقوموا طب يمسكوها من الميناء وما يلقو ليهم زول يقول حقتي وقال ليك الهواتف مغلقة
ف
داير افهم بس والله
بي براءة وحسن نيةاسئلة بريئة
مع توفر كامل حسن النية والسذاجة
خلو النت والاخبار , بمشاهدة الافلام ,, كان عربية ولا اجنبية ف
مافي مهرب بهرب كمية قدر دي ما لم يكن ضامنا وصولوها , فالزعيم البائع لك ما بهمو قبضوها ولا صادروها , تنتهي مسؤوليته بإستلامك فقط , ولو ما دفعت يعذبك عذاب الله أكبر ,, ويبدأ بي اسرتك , ف شنو انت بتجيهك امورك !
اها
برضو ضباط المخدرات بتكتكو ويرسمو ويستعملو الاجهزة الحديثة لمعرفة المصدر , فبخلو صغار الموزعين يشتغلو ليصلو للراس الكبير , يعني هسة ده لو فلم , الضباط بختو اداة تعقب بالجي بي اس في الكونتيرات ويتابعوها بالتكنلوجيا وب ( النظر ) , حتي يعرفو الخلصها منو والاستلمها منو ,, ويلبدوا للعصابة حتي تجتمع ويطلبوا اذن بالتنصت علي الهواتف
لكن يقوموا طب يمسكوها من الميناء وما يلقو ليهم زول يقول حقتي وقال ليك الهواتف مغلقة
ف
داير افهم بس والله
بي براءة وحسن نية
| |
|
|
|
|
|
|
| |
عبدالحفيظ ابوسن
بدرالدين بابكر مصطفى
فيصل محمد خليل
يوسف أبو صالح
باسط المكي
Hololy
فيس بوك
تويتر
انستقرام
يوتيوب
بنتيريست