|
|
 سُوق الدكاترة السودانيين في الصومال (صور)
|
السلام عليكم جميعا
زول يقول لي ترجم لينا الكلام ده مافي...
ما دايرا ليها درس لغة صومالية بالعصُر
دكاترة سودانيين شغالين في شفخانة إسمها هرر.
للموضوع توابع
Quote: Harar medial center 8/4/2014
Waxa shaqada ka bilaabaya Dr.Tarig oo khabir suudanniya oo ku takhasusay cudurada (ENT) ku dhaca cunaha, sakna iyo dhangaha. Qaliinkooda iyo dawayntoodaba sido kale 9/4/2014 waxa shaqada bilaabaya Dr. Mohamoud oo suudani ah kuna takhasusay xanuunada dumarka sida dhalmada, ugxnta oo khalkhal ku yimaad iyo qaliimada dumarka sidoo kale waxa kuu jooga, Dr. Fith oo ah dhakhtar ku takhasusay dhamaan xanuunada guud Tel: 0634226005
|
|
|
 
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
سُوق الدكاترة السودانيين في الصومال
سيف اليزل سعد عمر
هرقيسا - الصومال
13 أبريل 2014
الحالة التى وصل لها السودان من تدنى مستوي الخدمات الصحية ليس لها شبيهٌ سِوي في الصومال. وكما يقول المثل الطيور علي أشكالها تقع. حقيقة لا أحسد أطباء السودان علي الأوضاع السيئة التى يمارسون فيها مهنتهم الإنسانية في علاج المرضي. لكنى أتالم معهم نتيجة إنجراف أخلاقيات المهنة التى تُعول عليها مهنة الطب كثيراً وذلك بسبب تدنى الفقر وتفشي الفساد في السودان والصومال كأكثر الدول فشلاً وإنهياراً. قبل خمسة عشراً كنت مشُككاً في أن السودان دولة منهارة لكن منذ الثلاث سنوات الاخيرة تأكد لي تماماً أننا بالفعل في مستوي الصومال كدولة فاشلة.
قبل أن ندخل في لُبِّ الموضوع دَعُونى أحكي بعض التجارب عن تدنى الأوضاع الصحية في الصومال والتى هي شبِيهةٌ بالأوضاع في السودان. وهي الأسباب التى أدت لخلق سوق للدكاترة السودانيين في الصومال. عام 2006 وافقت علي دعم مشروع يساعد في توفير ثلاث أطباء وشراء بعض الأدوية وتكلفة إدارة مستشفي جنوب مدينة قالكاعيو. لا توجد حكومة ولا توجد إداراة حكومية من وزارة للصحة أو إدارة مستشفيات أو خلافه. حتى وإن وُجِدت الآن فهي لا تملك المال أو الكفاءات التى تُمكِنُها من تقديم خدمات صحية بأدنى مستوي متعارف عليه عالمياً. لذلك ومن الطبيعي أن يحتل الصومال، ونحشر إسم السودان برضو هنا، أعلي مكانة في قائمة الدول المتخلفة بمقياس وفاة الأطفال تحت سن خمسة سنوات والنساء تحت عملية الولادة. زرت ذلك المستشفى في عام 2008. إستقبلنى طبيب صومالي شاب إسمه محمد في حوالي الثلاثين من عمره. فرحب بزيارتى وزادت فرحته عندما عرف بأنني سودانى. أخبرنى بأنه الطبيب المسؤول عن المستشفي وأنه خريج كلية الطب جامعة امدرمان الاسلامية. كما زاد علي ذلك بأن أخرج من جيب قميصه جواز السودان الازرق وأخبرنى بانه تحصل علي الجواز السودانى قبل التخرج بقليل بحكم إنتمائه السياسي الطلابي لحركة الأخوان المسلمين. شرح لي دكتور محمد بلغة سودانية ظروفَ و أحوال المرضي والمستشفي وطاف بي جميع عنابر المستشفي من بينها مخزن الأدوية. لم يكن هناك طبيب أخصائي أو حتى فنيين في المعامل ومخزن الأدوية. كان هناك أشخاص يحاولون ممارسة مهنة الطب دون مؤهلات طبية في ظروفٍ إستثنائية. في اليوم التالي أصر الدكتور عبدالله وهو صومالي متجنس بالجنسية الإيطالية ويحمل شهادة تخصص في النساء والولادة من إحدي جامعات إيطاليا، أصر أن أزور مستشفاهُ الخاص في شمال مدينة قالكاعيو. توقفنا أمام كل حالة مرضية في العنبر وهو يشرح كل حالة: دي إمرأة كبيرة في السن الرحم بتاعها طلع بره. دي جابوها أمس ورأس الطفل طالع بره وهو ميت شايلنها في عنقريب ومشوار ستة ساعات بالكٌرعين، دي أجهضت وعندها نزيف ومعاهو أنيميا حادة، دي عرسوها صغيرة وحصل ليها تهتُك ونزيف وإلتهاب بعد أول مجامعة. أيضا المستشفي في حالة صعبة وظروف إستثنائية. في اليوم التالي وفي المساء شعرت بألم شديد في الصدر. حضر دكتور عبدالله ونقلنى علي الفور الي المستشفي بمساعدة بعض الأشخاص. بدون تحليل بدون أجهزة أشعة وببعض الدربات والمضادات الحيوية قدرت أقيف علي حيلي. في اليوم التالي تلقيت إتصالاً هاتفيا من السفارة في نايروبي وأبدوا استعدادهم لإرسال طائرة لنقلي إلي كينيا، لكن مع تحسن حالتى الصحية فضلت الأنتظار. بقليل من الفحوصات وصورة أشعة في مستشفي أغا خان في نايروبي إتضح إنني كنت مصاباً بإلتهاب حاد في الرئة.
يوجد في الصومال مختلف أنواع الدكاترة منهم الفكي (الفقيه) والشيخ والمُتشعوذ والمُدّعِي والطبيب الأفغانى والسوري والأثيوبي والسودانى. أحد هذه الأمثلة الشيخ حسن ابراهيم قيلي والذي يملك ويدير شفخانة في قرية كالابايد بصفة طبيب. كالابايد نقطة عبور القات الإثيوبي الذي يُصَدرُ يومياً للصومال مُسبِّباً أصعب الأمراض النفسية والعقلية في هذا البلد. يدَّعِي هذا الشيخ أنه يستطيع تشخيص المرض بمجرد النظر في عيني المريض ومن ثم يقرر لك نوع العلاج المناسب والذي هو خليط بين الأعشاب البلدية والأدوية المصنعة المستوردة بلا رقابة. في الواقع الصومالي شفا هذا الشيخ جميع المرضي الذين زاروه وذاع صيته في الآفاق الصومالية. وقد أصبحت عيادته (شفخانته) قِبلت المرضي من كل أنحاء الصومال وشمال شرق كينيا والصوماليين داخل حدود أثيوبيا وجبويتى.
لزمن طويل لايوجد في الصومال جهة تُحدد أو تُحقق في مؤهلات الأطباء في الصومال. لذلك لايُعرف لذلك الدكتور/الشيخ مؤهل أكاديمي. حدثنى أحد الوزراء السابقين أن وزير الصحة الصومالي ذات نفسه قام بزيارة هذا الشيخ في مركزه الصحي في كالابايد للتحقق من مؤهلاته ومقدراته وسبب هذا الإقبال الكبير من الزبائن المرضي. نظر الدكتور/الشيخ في عينى الوزير وجاءت نتيجة التشخيص بعد تلك النظرات أن الوزير ذات نفسه مريض وتم إعطائه العلاج المناسب. يملك هذا الدكتور/الشيخ عمارة في حي جيجيجا شرق مدينة حرقيسا تم إفتاتحها كفندق في بداية هذا الشهر. ولازال هذا الدكتور/الشيخ ذو القدرات فوق العادة يعمل طبيباً تحت سمعِ وبصر السُلطات الصحية التى لا تملك المقدرات الكافية لحماية المواطن من هذا الإستغلال في ظل إنعدام الخدمات الصحية وعدم مقدرة وزارة الصحة علي توفيرها.
الوجه الآخر من تدنى الأوضاع الصحية في الصومال هو تفشي الأمراض النفسية والعقلية بسبب حِدة الفقر وإرتفاع نسبة العطالة بالاضافة لإستهلاك القات بكميات كبيرة. الإحصائيات التى إطلعت عليها من جامعة بُوراما في الورق والواقع تقول يوجد مريض في كل أسرتين علي الأقل. في زيارة ميدانية لحى شيخ عثمان في مدينة بُوراما كانت هناك خمسة حالات في مساحة لا تتعدي إثنين كيلومتر مربع. في الصومال توجد جميع أنواع الأمراض العقلية والنفسية من إكتئاب، بارانويا، هلوسة ووسوسة وخلافه. إحدي الأسر، مُكونة من أمٍ وإبنتيها يعيشون في كوخٍ تم بِناؤُه من بعض العيدان والخيش والصفيح من علب حليب نيدو المجفف. يُعانى البنتان من أمراض نفسية. إحدي زميلاتى عندما رأت هذا الموقف سالت دموعها وهمست في إذني: دي فعلاً عيشة تجنن. كل هذه الأوضاع يقابلها أفراد يُعدُون علي أصابع اليد الواحدة كأطباء عُمومين في هذا المجال. فأصبح المرضي يهيمون علي وجوههم في الشوارع أو يقوم أهلهم بِتقيِدِهم بالسلاسل والجنازير كأفضل علاج لهم. أحد هؤلاء المرضي، والذي كان شيخا وداعية معروف ، فضل أن يربِطَ نفسه بسلسلة إلي شباك غرفته ويقذف بالمفتاح بعيدا عنه. تُرِكَ رعاية هؤلاء المرضي للمُتشيخِين يفعلون فيهم ما يريدون في مبانى عبارة عن سجون وليس مصحة للأمراض العقلية والنفيسية. إحدي هذه المصحات (السجون) تديرها جمعية طوعيه تقع خارج مدينة هرقيسا فيها 350 مريضاً ليس من بينهم إمرأة واحدة ويفتقر لكوادر طبية مؤهلة. أما مستشفي هرقيسا ففيه حوالي مائة مريض في عنبرين منفصلين أحدهم للرجال والآخر للنساء عندما زرته عام 2006 كان عبارة عن زنازين للحبس الإنفرادي يسمى "علاج" حتى باللغة الصومالية.
في السوق العربي وأمام بنك الاسرة التعاونى ( إن كان إسمه هكذا) تقف عربة أمجاد عليها مكبر للصوت ينادي بصورة رتيبة علي أنواع مختلفة من الأدوية البلدية. ومع إزدياد حدة الفقر في السودان وتدنى مقدرة الفقراء علي شراء الدواء والذي هو أساسا مضروب في الغالب الاعم، تُجد تجارة الأدوية البلدية إقبالاً ورواجاً كبيراً. وبما أننا لا نختلف عن الصومال كثيراً فتجد دكتور خلفان يبيع أدويته البلدية أمام المسجد الكبير في هرقيسا. ودكتور خلفان ليس رجلا سهلاً. فهو من الداياسبُورا كان يسكن في إحدي دول الغرب وعاد ليصبح تاجر أدوية متجول مستخدماً تويوتا كامري في تنقله بين قري ومدن ومساجد الصومال. إتخذ من ضهرية السيارة معرضاً ومتجراً متجولاً يحوي زيت وبيض النعام، زيت كبد سمك القرش، زيت الحبة السوداء وعسل النحل.
في الواقع يكفي أن تكون سودانيا لتجد كل الاحترام والثقة في الصومال. إكتشفتْ مُنظمات الأمم المتحدة من زمن بعيد قبول الصوماليين لكل ما هو سودانى. لذلك كان علي جميع قيادة وإدارة منظمات الامم المتحدة في الصومال سودانيين وسودانيات في فترات مختلفة بعضهم يعمل حتى الآن. منهم من إلتقيُته خلال العشرة سنوات الماضيه داخل أو خارج الصومال ومنهم من سمعت عنه أو عنها من الصوماليين. والحقيقة أن جميعهم كفاءات مشهودٌ لها في مجال عملهم. منهم أيضاً مجموعة من المعلمين والإساتذة الاجلاء يعملون في ظروف صعبة في إحدي المدارس الثانوية في مدينة هرقيسا. وهناك من ترك التدريس في جامعة الخرطوم ليعمل في إحدي جامعة الصومال مقابل مرتبٍ أفضل مما يتلقاه في الخرطوم وهو يلعن ويسخط سوء الاحوال في السودان التى رمت به في الصومال.
ليس غريباً أبداً أن يعمل الأطباء السودانيين خارج السودان وهو الوضع الأقرب للحقيقة. فالغالبية العظمى هاجرتْ وتركتْ السودان بسبب تدني ظروف العمل فيه. لكن الغريب هو تدنى أخلاقيات مهنة الطب خلال سنوات الإنقاذ. خلال هذه الفترة الكالحة الظلام من تاريخ السودان صارت مهنة الطب سِلعةً تُباعُ وتُشتري. ما الذي يدفع بطبيب سودانى بالسفر للصومال لفترة محدودة متعاقداً مع إحدي الشفخانات؟ كيف يمكن لطبيب أخصائي أو غير أخصائي أن تكون قيمة مقابلته 20 دولارا وهو يعلم مُسبقا أن تلك الشفخانة لا تملك أدنى مقوماتِ الفحصِ والتشخيص؟ كيف تسمح أخلاقيات المهنة لطبيب سودانى يعلم جيدا أن قيمة المقابلة النهائية قد تكلف المواطن الصومالي 100 دولار دون أية ضمانات لتشخيص المرض أو جودة الدواء؟
بمجرد وصولي للصومال وصلتنى رسالة قصيرة عبارة عن دعاية مجانية في الموبايل من شركة تليصوم. لم يكن من الصعوبة فهم محتوي الرسالة. فقد كانت بإختصار مركزا طبي (شفخانة) يعلن عن وصول أخصائيين سودانيين حملة شهادة الدكتوارة ويوجد رقم للإتصال والحجز. طلبتُ من روضة الصومالية وهو صيدلانية تعيش في إحدي دول غرب أوروبا ومهمومة بتدني جودة الدواء في الصومال والذي حسب تحليلها ومتابعتها لبعض الأدوية عبارة عن بودرة طباشير، طلبتُ منها الإستفسار عن الحجز والتكلفة. ذهبت للمركز صباح يوم الجمعة ولم أجد سوي موظفة تحمل دفتراً تُسجلُ فيه أسماء المرضي. سجلتُ إسمى في الدفتر والذي كان رقم 46. كانت حالة المركز يرثي لها ولا يصلُح حتى أن يُطلق عليه إسم شفخانة. لم يكن طبيبا واحدا بل ثلاثة أطباء لم تملك وزارة الصحة المقدرة علي التأكد من مؤهلاتهم. إذا كان بالإمكان إستغلال المريض في السودان فلما لا يُجرب الدكاترة السودانيين سوق الصومال؟
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: يوسف محمود)
|
شكرا أخي سيف اليزل لإشراكنا في هذه الجولة والتي تحكي بكل وضوح شكل المعاناة التي
يعانيها الناس جراء السياسات الخربة التي يتبعها (قادة المهازل) ..
| Quote: اخى سيف انها لعنات الحروب والسنة اللهب |
هذا أخي يوسف محمود حصيلة اصحاب الهوس الديني .. لا نجني منهم الا الدمار والخراب في كل شيئ ..
أنظر اليهم في الصومال وفي السودان وفي العراق وافغانستان وليبيا ..
لا يقودوا أهلهم الا للتخلف والتمزق ..
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
الأخ حاتم
كلامك صاح مع بعض التعديلات البسيطة للتوضيح
1- الصومال ست الأسم أصبحت تعرف بوسط وجنوب الصومال. والعاصمة موقديشو
2- صومالي لاند، عاصمتها هرقيسا. وهى تبحث عن إعتراف دولي وأكثر مناطق الصومال إستقرارا و"ديمقراطية". الصورة أدناه فرحة شعبية في هرقيسا يوم الخميس الماضي بإعتراف مقاطعة شيفيلد بإستقلالية دولة صومالى لاند.
3- بنط لاند أو بلاد بنط (الأسم القديم للصومال) والعاصمة قاروي.
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
| Quote: صومالي لاند، عاصمتها هرقيسا. وهى تبحث عن إعتراف دولي وأكثر مناطق الصومال إستقرارا و"ديمقراطية". الصورة أدناه فرحة شعبية في هرقيسا يوم الخميس الماضي بإعتراف مقاطعة شيفيلد بإستقلالية دولة صومالى لاند. |
يا سلام يا سيف
ياخي انت في هرقيسا؟؟
والله حاسدك!!!
ياخي دي بلدي عديل كدا و اسئل عن اولاد احمد نوح اسماعيل بالصومالي (رير احمد او عيال احمد نوح) و تعال راجع لي هههههه
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: يوسف محمود)
|
Quote: سبحان الله
الصومال في الستينات والسبعينات كان دولة حديثة بكل المقاييس فن غناء صحة تعليم
نحن نسابق الزمن في التدهور
اخى سيف انها لعنات الحروب والسنة اللهب |
أخونا يوسف محمود
عاطر السلام يغشاك
موقديشو بالذات كانت عاصمة متطورة ومتقدمة جدا، لكن هذه المدينة وكأنها تعانى من لعنة تلاحقها، فكلما نمت وتقدمت دمرتها الحرب والخلافات.
اهو إنحنا ما شين في نفس الطريق
تحياتى
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
Quote: شكرا أخي سيف اليزل لإشراكنا في هذه الجولة والتي تحكي بكل وضوح شكل المعاناة التي
يعانيها الناس جراء السياسات الخربة التي يتبعها (قادة المهازل) ..
Quote: اخى سيف انها لعنات الحروب والسنة اللهب
هذا أخي يوسف محمود حصيلة اصحاب الهوس الديني .. لا نجني منهم الا الدمار والخراب في كل شيئ ..
أنظر اليهم في الصومال وفي السودان وفي العراق وافغانستان وليبيا ..
لا يقودوا أهلهم الا للتخلف والتمزق .. |
الأخ الدكتور أحمد أمين
الهوس الديني في الصومال مخلوط مع كمية الجهل وإرتفاع نسبة الأمية عليها شوية عنصرية قبيلية هو الغتس حجر الصومال.
تخيل أن تكون لديك أجيالا وأجيالا لم تري تعليم أساسي نظامى في حياتها أبدا؟
ثم يترك أمر تسير البلاد لمتشيخين جهلاء فاسدين ومفسدين..
تحياتى
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: الصادق عبدالله الحسن)
|
Quote:
في السوق العربي وأمام بنك الاسرة التعاونى ( إن كان إسمه هكذا) تقف عربة أمجاد عليها مكبر للصوت ينادي بصورة رتيبة علي أنواع مختلفة من الأدوية البلدية. ومع إزدياد حدة الفقر في السودان وتدنى مقدرة الفقراء علي شراء الدواء والذي هو أساسا مضروب في الغالب الاعم، تُجد تجارة الأدوية البلدية إقبالاً ورواجاً كبيراً. وبما أننا لا نختلف عن الصومال كثيراً فتجد دكتور خلفان يبيع أدويته البلدية أمام المسجد الكبير في هرقيسا. ودكتور خلفان ليس رجلا سهلاً. فهو من الداياسبُورا كان يسكن في إحدي دول الغرب وعاد ليصبح تاجر أدوية متجول مستخدماً تويوتا كامري في تنقله بين قري ومدن ومساجد الصومال. إتخذ من ضهرية السيارة معرضاً ومتجراً متجولاً يحوي زيت وبيض النعام، زيت كبد سمك القرش، زيت الحبة السوداء وعسل النحل |
سلامات
يا سيف اليزل سعد
إنت عارف الظاهرة دي موجودة في دول غرب إفريقيا وبصفة رسمية ما في زول بسألك جبت الدواء من وين ولا يحزنون والذين يعملون في هذه التجارة أو هذه المهنة بسموهم (دكتور شوكو)
بلنسبة للعلاج البلدي أو أعشاب البلدية
بلنسبة للشيخ البعالج الناس بلأعشاب بسموهو (شداري)
أما الفكي بسموهو (مرابو)
والغريبة يا سيف في عيادات الجماعة ديل بتلقي ناس موظفين كبار وتجار كبار أيضآ تلقاهم جاين للعلاج.
وواصل ومتابعين
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: محمد نور عودو)
|
شكرًا سيف اليزل على البوست الجميل رغم كم الحزن و المرارة الموجود فيهو.
تعرف انا كنت في جدة و كان عندي صديق سعودي/ صومالي من هرقيسا
ياما قعد يقنع فيني انو نمشي نعمل مستوصف في هرقيسا و لكن كما قلت
كيف يسمح للطبيب ضميره أن يأخذ أموالا من ناس دون أن يقدم لهم خدمة
ذات جودة معقولة على الأقل .
| |
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف النصر محي الدين)
|
Quote:
شكرًا سيف اليزل على البوست الجميل رغم كم الحزن و المرارة الموجود فيهو.
تعرف انا كنت في جدة و كان عندي صديق سعودي/ صومالي من هرقيسا
ياما قعد يقنع فيني انو نمشي نعمل مستوصف في هرقيسا و لكن كما قلت
كيف يسمح للطبيب ضميره أن يأخذ أموالا من ناس دون أن يقدم لهم خدمة
ذات جودة معقولة على الأقل . |
مرحب يا دكتور.
هرقيسا وبقية مدن الصومال في حوجة كبيرة جدا لإعادة تأهيل البنية التحتية من أول وجديد. الفكرة في حدي زاتا فكرة ممتازة إذا كانت مبنية علي قيام مستوصف لتقديم خدمات أفضل. في مشيتى دي قابلت صومالية خريجة كلية الاقتصاد جامعة الخرطوم في السبعينيات. لقيتا تتكي علي عصايتين بعد عملية في الركبة في الهند. قالت لي هنا مافي دكتور متخصص ولا غرفة عمليات زي الناس عشان أعمل عملية زي دي. كلمنى عميد كلية العلوم الصحية في جامعة بُوراما، وهو صومالي أمريكى، قال الناس بتسافر جيبوتي عشان تتعالج من جلطات الأطباء الموجودين في الصومال.
الصومالين ناس بزنس وعندهم أمانة عالية جدا في موضوع التجارة، ما عندهم ناس قاعدة في السجن بشيكات طائرة زيّنا. والنظام كلو مبنى علي موضوع الأمانة والثقة دي. يعنى لو عندك طريقة تساعد ساعد.
خالص التحايا
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: محمد نور عودو)
|
Quote: Quote:
في السوق العربي وأمام بنك الاسرة التعاونى ( إن كان إسمه هكذا) تقف عربة أمجاد عليها مكبر للصوت ينادي بصورة رتيبة علي أنواع مختلفة من الأدوية البلدية. ومع إزدياد حدة الفقر في السودان وتدنى مقدرة الفقراء علي شراء الدواء والذي هو أساسا مضروب في الغالب الاعم، تُجد تجارة الأدوية البلدية إقبالاً ورواجاً كبيراً. وبما أننا لا نختلف عن الصومال كثيراً فتجد دكتور خلفان يبيع أدويته البلدية أمام المسجد الكبير في هرقيسا. ودكتور خلفان ليس رجلا سهلاً. فهو من الداياسبُورا كان يسكن في إحدي دول الغرب وعاد ليصبح تاجر أدوية متجول مستخدماً تويوتا كامري في تنقله بين قري ومدن ومساجد الصومال. إتخذ من ضهرية السيارة معرضاً ومتجراً متجولاً يحوي زيت وبيض النعام، زيت كبد سمك القرش، زيت الحبة السوداء وعسل النحل
سلامات
يا سيف اليزل سعد
إنت عارف الظاهرة دي موجودة في دول غرب إفريقيا وبصفة رسمية ما في زول بسألك جبت الدواء من وين ولا يحزنون والذين يعملون في هذه التجارة أو هذه المهنة بسموهم (دكتور شوكو)
بلنسبة للعلاج البلدي أو أعشاب البلدية
بلنسبة للشيخ البعالج الناس بلأعشاب بسموهو (شداري)
أما الفكي بسموهو (مرابو)
والغريبة يا سيف في عيادات الجماعة ديل بتلقي ناس موظفين كبار وتجار كبار أيضآ تلقاهم جاين للعلاج.
وواصل ومتابعين |
وعليكم السلام يا محمد نور
هي القصة لو منظمة مافي مشكلة. العلاج البلدي والتداوي بالأعشاب طب معروف ومتطور. لكن لمن يكون دجل وكذب بكون كارثة. وفي حالة غياب سلطة الرقابة وتفشي الأمية بكون كارثة أكبر. المشكلة في الشخص المدعي والذي يستخدم ويستغل جهل الناس وإنعدام الرقابة عشان يعمل قروش.
ناس دول غرب أفريقيا عندهم تجربة وخبرة طويلة في هذا المجال.
شكرا علي إضافة هذه المعلومة..
تحياتى
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: الصادق عبدالله الحسن)
|
نعم الحال أخوي الصادق عبد الله الحسن
| Quote: فأصحاب الشمار يقولون أن ما تم صرفه على بعثات الأمم المتحدة ، وعلى أولئك الموظفين "الأنسانيين" والأطباء (بلاد حدود) من مصروفات شخصية كانت تفوق ما صُرف على جوعى ومشردي ومرضى الصومال أضعافاً مضاعفة؟ |
إنت كده داير تدخلنا في الكلام الغريق. موضوع بعثات الامم المتحدة والصرف المالي من القضايا الحساسة والشائكة وتدخل فيها جهات محلية وإقليمية ودولية عندها مصالح مباشرة من الموضوع ده. يعنى عندك كينيا عندها بعثتين من بعثات الامم المتحدة، بعثة كينيا وبعثة الصومال الموجودة في كينيا. أها بعد معافرة ومكاجرة شديدة تم ترحيل البعثة لموقديشو بتكلفة عالية وعدم مقدرة علي الحركة ومكاتب عبارة عن كونتينر في مطار موقديشو. موضوع كوشنير ايضا موضوع حساس لانه يناقش في إطار العون الإنساني والذي يخضع لمبادئ متعارف عليها طورتها منظمات مسيحية ويهودية مثل الصليب الأحمر ومنظمة كوشنير زاتها. ما أقصده هنا هو ان العمل الإنساني أصبح مبنى علي مبادئ سامية لا تفرق بين المتضررين من حيث الدين والعرق والجنس. نسبة للحوجة الماسة لإغاثة الصوماليين وإنعدام الامن إزدادت تكلفة إرسال متطوعين وأطباء للصومال. ناس أطباء بلا حدود إستلموا مستشفي جنوب قالكاعيو لكن الصوماليين ما خلوهم يشتغلوا. شي خطف وشي كتل وشي تهديد وشي إبتزاز. في نهاية بقت التكلفة عليهم كتيرة وخلو الصومال.
أما سؤالك لماذا قامت أثيوبيا بإجتاح الصومال، برضوا سؤال كبير وسياسي بالطبع وداير كلام كتير للإجابة عليه. وجهة نظري الشخصية هو أن لأثيوبيا مصلحة إقتصادية مباشرة وهي التصدير اليومى للقات بقيمة تصل لمليون دولار في اليوم. عندما وصلت المحاكم الاسلامية للسلطة وإعلانها تحريم القات ووقف إستيراده من إثيوبيا وكينيا خلي الجيش الإثيوبي يعلن الحرب علي طول ودخول موقديشو وإهانة الصوماليين عسكريا. الموضوع عندو جوانب كتيرة لن تكفي هذه المداخلة لتغطيتها.
موضوع الشركات الامريكية ودخولها مجال الاستثمار في الموارد الطبيعية غير صحيح. لكن أكد ليك أن الصينيين قاعدين يقلبو في أي حجر في الصومال ويشوفو تحتو شنو. وسوف تسمع قريبا بتوقيع عقودات مغرية.
خالص التحايا
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
Quote: يا سلام يا سيف
ياخي انت في هرقيسا؟؟
والله حاسدك!!!
ياخي دي بلدي عديل كدا و اسئل عن اولاد احمد نوح اسماعيل بالصومالي (رير احمد او عيال احمد نوح) و تعال راجع لي هههههه |
جيت من هرقيسا أمس يا ناصر.
صومالي لاند فعلا بلد عديل رغم الظروف الصعبة. ونهديك خمسة صور تحكى عن جمال وروعة هرقيسا عشان الناس تآمن.
بكرة بضرب تلفون ونسأل العارفين عن عيال أحمد نوح.
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
سيف اليزل
محاد شيكتي ما نبض با :)
جمهورية أرض الصومال (صوماليلاند) تقاوم العزلة المضروبة عليها دولياً
و مع ذلك تتقدم بشكل ملحوظ و مستقرة الحمدلله
و لو المجتمع الدولي ساعدها في قضية الإنفصال من الصومال ستنهض بإذن الله
الإنفصال هو الحل في الوقت الراهن (أعني هنا الإعتراف دولياً)
إشمعنى يعني القرم يصوتوا و ينفصلوا و صوماليلاند تصوت و ما يفصلوها ؟
و كان الله في عون باقي الصومال من شرور الشباب
شكراً على التبصير
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: فردوس جامع)
|
| Quote: وهنا يا أستاذة تماضر عينة من "إبداعات" بعض أطباء السودان: |
الصادق سلام
قريت البوست وشفتا العينة وإتمحنتا في الحاصل.
سالت نفسي الكلام ده كان حاصل زمان ولا لا؟ ما ياها الولادة الواحدة دي.
أنحنا طلعونا الدايات. أشهر داية في حي دردق في مدنى هى حواء الداية. يعنى ما كان في لخبتا بتحصل. يطلعوا الشافع ويدوه لامه طوالي.
لو تم تطوير نظام الدايات ده حسع كان كله داية يكون عندها عربية إسعاف خاصة بيها وعندها موبايل جلاكسي من الحكومة تسجل فيهو معلومات المولود/ة طوالي في الدادتابيز.
طيب الحصل شنو بقو الدكاترة يلخبتو شفع الناس مع بعض؟
الحصل هوس دينى لخبت العلوم الطبقية فوق تحت، تعريب وأسلمة معرفة وماعارف شنو. زيد عليها فساد ضيع قروش البلد للإستثمار في رفع كفاءات الدكاترة الجُداد ديل، طلبة عصر الانقاذ.
يعنى صعبة الواحد يفرز الشفع ما يتلخبطوا بعد الولادة؟ ماصعبة .
لمن زوجتى دايرة تضع، دخلونى جوة العملية. قالو لي أمسك بهنا عشان تشوف الولادة دي حلوة انت قائل؟
مرقوا الطفل وجدعوه فوق بطن أمه. قطعو حبل الصرة وشالوا الطفل أدوه خرطوش موية جوه الغرفة. قدام عيونى.
نضفوه تمام من موية الرحم والدم وطوالي ركبوه ليهو نمرة. قطعة ورقة حول الكراع مكتوب فيها "الرقم الوطنى" بتاع أمه.
لفوه وختوه جنب أمه. اها الولد بعد يومين مرض، شالو مننا بي ورقتو ديك ولخبتو مع باقي الشفع
لكن بقينا نفرزو بالورقة بس من باقي الشفع.
اها لانو العقِد بتاعنا بتاع الزواج كان في السودان بالوكالة ما سجلنا عقد الزواج في البلد دي.
بعد شهر نادونى ومعاي الوليد وأمه.
سألونى سؤال مباشر قالوا لي: الولد دا ولدك ولا ما ولدك؟
قلت ليهم كيف ما ولدي، ولدي تب، لكن نسألكم سؤال لو قلت ليكم ما ولدي حتعلموا شنو؟
قالوا لي طوالي نعمل ليك فحص للحامض النووي بتاعك وبتاعو عشان نشوف ولدك ولا ما ولدك.
ف يا الصادق الحلول بسيطة ومنطقية وواقعية، لكن أنحنا علي قيادتنا ناس طير ساي وانحنا زاتو ناس طير ساي نخليهم يقعدوا في رأسنا.
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
سلام الاخ سيف اليزل
| Quote: لذلك ومن الطبيعي أن يحتل الصومال، ونحشر إسم السودان برضو هنا، أعلي مكانة في قائمة الدول المتخلفة بمقياس وفاة الأطفال تحت سن خمسة سنوات |
اعتقد ان هذه المعلومة غير صحيحة فحسب منظمة الصحة العالمية :
Quote: بالنسبة للسودان :احتمال الوفاة قبل سن الخامسة (لكل 1000 وليد حي، 2012)
73
اما بالنسبة للصومال :
[QUOTE]احتمال الوفاة قبل سن الخامسة (لكل 1000 وليد حي، 2012)
147 |
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: فردوس جامع)
|
Quote: سيف اليزل
محاد شيكتي ما نبض با :)
جمهورية أرض الصومال (صوماليلاند) تقاوم العزلة المضروبة عليها دولياً
و مع ذلك تتقدم بشكل ملحوظ و مستقرة الحمدلله
و لو المجتمع الدولي ساعدها في قضية الإنفصال من الصومال ستنهض بإذن الله
الإنفصال هو الحل في الوقت الراهن (أعني هنا الإعتراف دولياً)
إشمعنى يعني القرم يصوتوا و ينفصلوا و صوماليلاند تصوت و ما يفصلوها ؟
و كان الله في عون باقي الصومال من شرور الشباب
شكراً على التبصير |
فردوس جامع
ما أنجزته صوماليلاند (عجبتنى كتابتك ليها بالطريقة دي) بدون الإعتراف الدولي يجنى ثماره أهل صوماليلاند من سلام وعمل دؤوب لإصلاح ما دمرته الحرب.
إنتخابات ديمقراطية
مؤسسات عدلية
شرطة وجيش لحماية لأمن
تجارة دولية رغم عدم وجود بنوك معترف بها دوليا
عملة وطنية وإستقرار لسعر الدولار خلال العشرة سنوات الماضية
مدارس للأطفال
أقف إحتراما لصوماليلاند
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
Quote: اعتقد ان هذه المعلومة غير صحيحة فحسب منظمة الصحة العالمية :
Quote: بالنسبة للسودان :احتمال الوفاة قبل سن الخامسة (لكل 1000 وليد حي، 2012)
73
اما بالنسبة للصومال :
Quote: احتمال الوفاة قبل سن الخامسة (لكل 1000 وليد حي، 2012)
147 |
مدثر صديق
والله كم تمنيت أن تكون المعلومة غير صحيحة لأنى فقط بنيت المقارنة من واقع تجربة للحال الأطفال في السودان دون الرجوع لأية إحصائيات. لكن للأسف لقيت إنو المعلومة صحية مية المية.
في البداية خلينى أكد ليك إنو المعلومة بتاعتك دي صحيحة. لكنها لاتعنى إنو أنحنا بعيدين من الصومال. أقول ليك حاجة؟ أنحنا أسوأ من الصومال وبالأرقام كمان. المعلومة التى ذكرتها مذكورة في صفحة البنك الدولي وبتفصيل أكثر في صفحة اليونسيف في التقرير ده:
http://www.unicef.org/sowc2014/numbers/documents/english/EN-...INAL%20Table%201.pdf
آها في التقرير ده كان جملة تعداد الأطفال الماتو في 2012 في الصومال تحت سن خمسة سنوات 65000 طفل.
الرقم بالنسبة للسودان هو 89000 طفل.
آها داير تاخد بالمعدل والنسبة ولعايز تأخد بالرقم الفوق ده؟.
ملحوظة : لاتوجد حكومة قوية في الصومال مقارنة بالسودان.
ترتيب الصومال فى نفس القائمة هو رقم .4
إنحنا ترتيبنا في نفس القائمة هو رقم 33 من جملة دولة العالم، تفتكر أنحنا بعيدين من الصومال.؟
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: سيف اليزل سعد عمر)
|
شكرا للبوست الروعة عن الناس الروعة اللذين قدمو قربانا لاطماع الكبار قتلو وشردو وبست مثل هذا يصلح مادة للبحث يستعين به من يحتاج معلومة ففيه صدق وامانة ف النقل للاسف قلما نجدها فى منتديات تعج بالغث والسمين الزول لمن يكتب نفروض يستحضر ان لامحالة زائل ومايكتبه باقى(اقصد)المواد اللتى تتعلق بالحقائق واللتى تؤثر على الاخرين)لااقصد بوستات الانصرافية او الترويح وهكذا شكرا لانك هنا(بعد كلامى السمح ده مفروض يدونى هاركيك بالعسل والموز ههاهاهاا
| |
|
|
|
|
|
|
|
|
|
Re: سُوق الدكاترة السودانيين في الصومال (صور) (Re: يوسف محمود)
|
| Quote: (بعد كلامى السمح ده مفروض يدونى هاركيك بالعسل والموز ههاهاهاا |
يا يوسف محمود ياخي شكرا علي هذا الكلام الجميل.
ياخي إنت وبقية الناس الهنا دي هينين ولا لينين عشان الواحد يكتب ليكم أي كلام..
ومنى ليك هدية عسل قصب ابو أسد تصنيع بريطانيا مخلوط بموز صومالي من كيسمايو..
خالص التحايا
بالمناسبة:
الهاركيك دي شنو ما عرفتو؟ بكون زي الهوت دوق؟؟
| |
|
|
|
|
|
|
|
| |
سيف اليزل سعد عمر
عبدالعزيز عثمان
شهاب الفاتح عثمان
حاتم محمد عثمان
الصادق عبدالله الحسن
Tumadir
محمد نور عودو
سيف النصر محي الدين
فردوس جامع
مدثر صديق
فيس بوك
تويتر
انستقرام
يوتيوب
بنتيريست