|
|
|
 Re: كيف تنسي لهفة قلبي ليك (Re: عبدالحفيظ ابوسن)
|
كيف تنسي لهفة قلبي ليك
تنسي الحنان الكان لديك
لو مر اسمك من بعيد
شايلو الصدي
ياخ والله الزول لامن شعرة جلدو تك ل ب ,, وتجيهو قشعريرة كعصفور بلله القطر ,,, تتركض كلك كمقرور
في غنا كده جاي من محلات ما هنا
| |
 
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
الأغاني بإضافة الجودة وفق لذائقتنا الفنية , عندها عامل آخر بخلي الغنية تسكن الجوف
وتمارس فينا في غير معاني الكلمات
فنحن احيانا نستمتع للأغنية بذاكرة شبقة وحنين
وده ما عندو علاقة بالغنية خالص , وممكن تكون الغنية زاتها ما مزاجنا
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
مافي شدرتا ما هباها الريح
الريح هبت نياط القلب , وكان القلب بكرا طريا , لم يكابد لوعة الشوق بعد ,, ولم يجرب ظلم الاحبة ولا فراقهم
فكان الغناء وقتها تفريغا لمشاعر الحب والوله التي تحولنا جذوة مشتعلة من الهيام
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
ومن الشوق رسولا بيننا
و
يا حبيبي كل شئ بقضاء
ما بأيدينا خلقنا تعساء
ف شنو
رسول الشوق ده ما ياهو الغنا
تنجدع بي عنقريبك في نص الحوش , وتقج ناموسيتك ,, وتفتح راديك وتحرك المؤشر زمن الرادي السهرة حقتو ما ندوة سياسية ,, ولا محاولات بائسة لكتابة التاريخ بنظرة آحادية منغلقة غبية
السهرات غناء و شعر وحديثا طيب مالي الجتة
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
وتكون محظوظ ,والحظ بيجيبو الصبر , قطع شك ما بتختا ليك غنية تعبر عن حالتك العاطفية آنذاك
تتمايل مع الكمنجات كدرويش اسكره الذكر , ويأتيك الغناء رائقا جميلا واضحا مخارج الحروف حتي يكاد ان يطفر دمعك
وبعض الابيات تجعل قلبك ينتفض وينتفض
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
صاحبنا أب سن
ياخ أنا بجي آخد نقاهة في بوستاتك
أتسكع بين حروفك (حلوة دي)
يعني كلما أشوف لي شي جارح أو مؤذي في البلد دا (المنبر)
بفتش لي معالج روحي
أها بالنسبة لـ رائعة مصطفى سند ما عدت قادر أنتظر
سامحني غلطان بعتذر
ما لاحظت الزول دا حتى وهو مشرور الشرة الكافرة دي
برضو بعتذر ؟؟؟
في ناس مشاعرهم وتعابيرهم لا يمكن أن تتوقعها، شخصياً الغنوة دي
مرتبطة في ذهني بمصطفى سند ذاتو وهو واقف يلقي فيها في أبها
بجلابية بيضاء وعمة مكوية كأجمل ما يكون الزول
وأحب اسمعها من حنان النيل أكتر من صلاح مصطفى (عنصرية ساكت)
تحياتي مثنى وثلاث ورباع
| |
|
|
|
|
|
|
|
|
|
Re: كيف تنسي لهفة قلبي ليك (Re: بدرالدين بابكر مصطفى)
|
بدر يا صاحب
ليك وحشة ياخ
شوف الغنية اجتمع عليها جمال اللحن والاداء المتميز وشاعرها سند ,, صاحب
في البدء قال الواهمون
يا لسعادة بيت صاحبنا القرنفل
قاع منزله البهار
وسقفه الغيم الحنون
ياحظه ألتهم الصدور
مراكض الزلق المريح
وعب انهار العيون
واعد كم أكذوبة عني
يقول الواهمون
سأعود
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
بدر يا صاحب
انت هبشت حاجتين ,, الاعتذار وتهدئة النفس بالترويح عنها
شوف لطافة الاعتذار الواضح دون تبرير
سامحني غلطان بعتذر
قيل بعض الناس يعتذر ويتأسف ويعتذر ثانية ويتفلسف
فالإعتذار ليس شرطا لخطأ مقصود , بل حتي عندما تعجز عن ايصال فهمك ويساء ,, فقلة الفهم ليس من المتلقي بل المتحدث , فقد عجزت ان تخاطب الناس بما يفقهون ,, ولا تعتمد علي المقولة الباهتة
قيل له لماذا لا تقول ما يفهم
فقال لماذا لا تفهم ما يقال
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
لو انت زهو الحسن في عيونك بدى
خليك أمين في العشرة لي آخر مدى
لو مرة اسمك في البعيد شايلو الصدى
بلّ النسايم الحلوة بي قطر الندى
تلقاني واقف مرتعش ضارع إليك
الله أكبر يا أبا سن ..
الله يمسيك بمليووووووووووون خير يارب ..
| |
|
|
|
|
|
|
|
|
|
Re: كيف تنسي لهفة قلبي ليك (Re: يوسف محمود)
|
بدر
الترويح عن النفس
زي ما بقولو قلة الادب مادايرة درس ,, فهي مبذولة في الشارع لكل من اراد
وكدي بدون ما اقوم علي روحي الجندريات
اهلنا بقولو ده شكل نسوان ,, لي شنو ? للمنابيذ , اي زول بعرف ينابذ ,, ويحفظ من عبارات الاساءات الكثير ,, لكن الزول البيتسامي فوق ان ينحط بنفسه لدرك ما غاظه قليل ,, والزول البحول اساءة المسئ لإدانه ليهو قليل
ولي ان ارد مساءة بمساءة
لو انني ارضي ببرق خلب
كقول الشاعر
قالوا يا صاحبي البحلك من الثوم قل أكلو
ف شنو
شكل النسوان ده بيأنف منو اهلنا ,, يا سامحك ولا لابعك ,,
وهذه الحياة اقصر من اضاعتها في معارك اسفيرية
فلو وصل الامر بي يا انابذ يا اترك المحل , بتركو آسفا
باخ رسل لي رقمك في المسنجر
| |
|
|
|
|
|
|
|
|
|
Re: كيف تنسي لهفة قلبي ليك (Re: Mohamed El Sheik)
|
لو مر اسمك من بعيد جايبو الصدي
يااااااه
ما ألذ من الحب إلا الحب ذات نفسو
واحب من الاسماء ما وافق اسمها
بي الله التقول اصابتك صاقعة لامن تسمع اسمها ,, قلبك يسوي فرررررر , ويتواري ليك كل الناس عارفاك , وشافت رجفتك
حب زي الحب
ومرات لامن يرشوك بي موية حتي تفيق من الكهربا الساكنة التي ينتجها ذكر اسمها
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
يا أب سن
تعجبني روحك وطمأنينتك وروقتك دي (عيني باردة)
سند هو صاحب محي الدين فارس
والاتنين قمرين مكتملين
وما بين ثورية فارس ورومانسية سند تتفجر ينابيع من الإبداع
الغريبة إن رحيل سند جاء بعد فترة قصيرة من رحيل محي الدين فارس
برضو بعجبني السر دوليب لامن يقول
مسامحك يا حبيبي مهما قسيت علي
وأظن المغزى متطابق في حالة دوليب وسند
مسامحة الحبيب رغم قسوته
ودا فهم سامي ملائكي للعلاقة بين المحب وحبيبه
وبمناسبة لو مر اسمك
مرة واحدة قالت لي: لامن حبيبي يمر بالشارع قاعدة أشم ريحتو، إتاوق في الباب أشوفو واقف راجي المواصلات
رغم مبالغة الواقعة، لم أجرؤ على تكذيبها
فأحياناً يرتبط المحبين بشيء خارق للطبيعة
| |
|
|
|
|
|
|
|
|
|
Re: كيف تنسي لهفة قلبي ليك (Re: ASHRAF TAHA)
|
محمد الشيخ
حبابك
لو انت زهو الحسن في عيونك بدي
خليك امين للعشرة
هي عاد كيف يبقي امين ف
العاجز من لا يستبد
ودي تحمد سيدها عندها الشي
سماحة وشباب وبهاء
والناس عارفه وهي عارفه انها لامن تمر بتوقف الشارع والحركة
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
حباب يوسف محمود
قال محجوب
الشاي باللبن
برادو لابس تاج
صينيتو الدهب
ترقش كبابي قزاز
قال وحيدن فقران ومفلس شاف العمارات والناس قاعدين في البلكونات قال
طلق تلقاهم العشية العشية يشربوا في شاي اللبن باللقيمات
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
Quote: أنا بجي آخد نقاهة في بوستاتك
أتسكع بين حروفك (حلوة دي)
يعني كلما أشوف لي شي جارح أو مؤذي في البلد دا (المنبر)
بفتش لي معالج روحي
|
...................
والله يا بدر الدين انت جيت تتكلم نيابة عن الكثيرين هنا وانا منهم...بنفتش المعالج الروحي عبر الكلمات المموسقة والتعابير الفرحة التي تزيل الكآبة .. مثلما يفعل شاعرنا النحرير ادريس( اصبحتي كيف).. وكذلك نثر الأديب ود ابوسن يجعلنا نغوص بين انبل القيم والتقاليد السودانية السمحة الماهي خمج...( وما يعجبني في هذا المنبر ان هناك تعليقات مختصرة وتثير الدهشة والاعجاب وتأتي من مفكرين ومثقفين وانت منهم يا بدر..
والله يديك العافية
| |
|
|
|
|
|
|
|
|
|
Re: كيف تنسي لهفة قلبي ليك (Re: اميرة السيد)
|
بدر يا صاحب
قال العميري
تاني وين ضيق المحل لو انتي في
ف شنو
ملزم نفسي لو زعلت اطلع من النت ,, وبعد ساعة بكون الغضب تلاشي , والنفس هدأت وقال ابوي ودبدر
من فش غبينتو خرب مدينتو
ياخ الناس ألكع ألكع ما لاحقين , بخشو دقايق ويتخارجو فأكيد ما عاشقين يقروا فاحش القول ,, دايرين يتثقفوا ,, معلومة ,,, ادب ,,, فن
و
حسب المسئ قوله
تعرف
سند و مصطفي بوسطجية ,,, ومحي الدين معلم ونسيت اهمهم كجراي
لعلك تقصد بالثوري كجراي , فمحي الدين في ظني لم يكتب في السياسه إلا قليلا
وسند كان محسوبا علي اليسار ,, ولليسار الفضل في التبشير به وبديوانه الاول البحر القديم الذي كتب مقدمته صلاح احمد ابراهيم
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
مرحب اميرة
حبابك يا خية
الغنا ده بنضف مجاري الدم ,, آي صحي ,,, وبهذب الشعور وبغير المزاج
عارفه انا مرة مسافر بالقطر , واستبد بي الشوق حد الانشطار ,, وسمعت اغنية وردي في ذلك الفلاة الواسعة ,, سمع عديل ما تخيل ولا جهاز سمع يوجد ,, اغمضت عيناي وسمعتها حتي انتهت ,, واحسست بالنشوي سكرا ولا كأسا تري
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
سلام يا عب حفيظ
بوست جميل وقصيدة ولحن وأغنية رائعة
مصطفى سند وصلاح مصطفى ثنائية ضخمة
من ثنائيات الغناء السوداني العديدة ومديدة
بس يا عبد الحقيظ عايزك تصلح حتة في اقتباس جميل عملتو.
كتبت: ومن الشوق رسولاً بيننا
وهي: ومن الشوق رسولٌ بيننا
حتة موش، لكنها تشير إلى أنك استدعيتها من الذاكرة وليس
من سمع للسيدة أم كلثوم. هذه ليلتي، جورج جرداق وعب وهاب
تقريباً كل يومين تلاتة بسمعها من يوتيوب.
بوست جميل وستجده هنا:
الفن والأدب: روابط من هنا وهناك
| |
|
|
|
|
|
|
|
|
Re: كيف تنسي لهفة قلبي ليك (Re: mustafa mudathir)
|
شكرا مصطفي
وحبابك
بشوف الرابط قطع شك
الفضل في تعريفي بام كلثوم لصديقي الصدوق علا الدين جاد الله ونحن بالثانوي , فأدمنتها ,,
نعم كان النص مجرد تداعي من الذاكرة ,
زمن ما سمعتها رغم وجود قناة فضائية تبث اغانيها فقط في نايل سات
هذه ليلتي من الاغاني التي لايمكن تجاوزها هي والاطلال و اغدا ألقاك في مسيرة الغناء باللغة العربية
ابدعت فيها ام كلثوم ايما ابداع كدأبها
تشكر يا حبيبشكرا مصطفي
وحبابك
بشوف الرابط قطع شك
الفضل في تعريفي بام كلثوم لصديقي الصدوق علا الدين جاد الله ونحن بالثانوي , فأدمنتها ,,
نعم كان النص مجرد تداعي من الذاكرة ,
زمن ما سمعتها رغم وجود قناة فضائية تبث اغانيها فقط في نايل سات
هذه ليلتي من الاغاني التي لايمكن تجاوزها هي والاطلال و اغدا ألقاك في مسيرة الغناء باللغة العربية
ابدعت فيها ام كلثوم ايما ابداع كدأبها
تشكر يا حبيب
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
أذكريني يا حمامة:محمد بشير عتيق
اذكريني يا حمامة كلما ساجع ترنم بي هواي وحب جمالك
اذكريني ياحمامة كلما هطلت غمامة
في مسائك أو في صباحك في غدوك أو في رواحك
وكلما بارق تبسم أو نسيم الصببح ناسم
عني دايما يكون سؤالك
**********
فيم هجراني وعلام يا الهواك صار لي علامة
شاهرة لي دايما سلاحك
وموني واجب في اصطلاحك
طرفي عن رؤياك يحرم وذنبي إيه غير إني مغرم
ولي هواك من بدري مالــك
************
كل من في الكون ناما وعيني لي فقدت مناما
وانت يا لكاحلك نعاسك يزدري الأغصان مياسك
حظى زي ليل فرعك أسحم
والجحيم من هجرك أرحم عني يالشاغلك دلالك
صرت أعشق فيك قاما خصرها يعيرني السقاما
فيها أشرق نور صباحك
لى سنا البرق افتضاحك
فكري زي خصرك مقسم وخطبي زيردفك مجسم
هل يصح ويرضيك ذلك
*************
روحي لو وافت حماما أذكريني يا حمامـــــة
في ذهابك أو في إيابك
ثم في فترة غيابـــــك
وهاكي در شعري المنظم ودمت يا القدرك معظــــم
في نعيم جنات ظلالك
| |
|
|
|
|
|
|
|
|
|
Re: كيف تنسي لهفة قلبي ليك (Re: عبدالحفيظ ابوسن)
|
سلام يا أب سن
لا أنا قاصد محي الدين فارس وفي ذهني (لست رعديداً يكبل خطوه ثقل الحديد، لن أحيد)
وأقول لك كمان أنا كجراي ما عارفلو ثورية إلا من خلال علاقتو ا########دة بوردي
المهم ما نطلعك من الجو الرهيب دا
إنت بالمناسبة قاعد تراجع الخاص ؟؟؟
| |
|
|
|
|
|
|
|
|
|
Re: كيف تنسي لهفة قلبي ليك (Re: بدرالدين بابكر مصطفى)
|
Quote: والله يا بدر الدين انت جيت تتكلم نيابة عن الكثيرين هنا وانا منهم...بنفتش المعالج الروحي عبر الكلمات المموسقة والتعابير الفرحة التي تزيل الكآبة .. مثلما يفعل شاعرنا النحرير ادريس( اصبحتي كيف).. وكذلك نثر الأديب ود ابوسن يجعلنا نغوص بين انبل القيم والتقاليد السودانية السمحة الماهي خمج...( وما يعجبني في هذا المنبر ان هناك تعليقات مختصرة وتثير الدهشة والاعجاب وتأتي من مفكرين ومثقفين وانت منهم يا بدر..
والله يديك العافية |
شكراً أميرة السيد
شيخنا أب سن دا زول فيهو صلاح وبركة
وكتابتو فيها سر باتع
أنا ما قدرو والله
لك التحية مثنى وثلاث ورباع
| |
|
|
|
|
|
|
| |
عبدالحفيظ ابوسن
بدرالدين بابكر مصطفى
Mohamed El Sheik
على محمد على بشير
ASHRAF TAHA
mustafa mudathir
فيس بوك
تويتر
انستقرام
يوتيوب
بنتيريست