أطول مجادعه بشعر الدوبيت ملتزمه بالقافيه والغزل في الدوبيت السوداني ..

مرحبا Guest
اخر زيارك لك: 03-28-2024, 11:44 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2013م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
06-25-2013, 09:42 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
أطول مجادعه بشعر الدوبيت ملتزمه بالقافيه والغزل في الدوبيت السوداني ..

    كنت عايز أفتح بوست عن الدوبيت ولكن لقيت نفسي ما مؤهل إني أدخل مجاهل ودروب الدوبيت ، بس في مجادعة عجبتني في الفيسبوك قلت تشاركوني قراءتها وبعد كدا أخلي البوست لخبراء ومتذوقي شعرالدوبيت ويا ريت كل واحد يرمي لينا بياضو هنا ..

    (عدل بواسطة أمير محمد ادريس on 06-26-2013, 08:42 AM)
    (عدل بواسطة أمير محمد ادريس on 06-26-2013, 08:58 AM)

                  

06-25-2013, 09:48 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ود مسيخ
    ناس مهمومه بي الكورة وهلالنا ونيله
    وانا شاغلاني ست ريدي العيونه كحيله
    الناوية السفر لي اللاعبتها طفيله
    خلت قلبي يتقلي ودموعي بهيله

    تفاؤل حسن
    يسلم قلبك آلمن ماف تكفي قبيله
    ياالدرت البشيل يات من تغلبو الحيله
    يات من دارت البلتمها ياكا قبيله
    يات من س######ت سندة قفاها وحيله

    ود مسيخ
    ياكفاية الحرف المقسي بديله
    حسنك أخجل القاسوهو فوق الريله
    الملكه الهدوها التاج صحابة وجيله
    نظرته قنبلة إيران ونازعه فتيله

    تفاؤل حسن
    ياسيد النضم يااللي القوافي دليله
    ياالمرق الاصم ضو الهوايد وليله
    ها العسمتبو القول والحروف الليله
    هن إضبح جناو مابدي ضيفو قليلن

    ود مسيخ
    قدر مادرت اعزك ما أسعفتني مخيله
    يابحر النميم الما بتخجو نجيله
    الخلاها في حضورك حروفي بخيله
    أمك ماتكت لي ضيف عتود ######يله

    تفاؤل حسن
    الكفت حروفي وطف نور قنديله
    كونو اجواد وراجلا للبلد عنتيلا
    شقلبت الحروف فكرت في تبديله
    علا قصاد غناك آلمك نويت بهديله

    ود مسيخ
    بتأ فات عبار غنواته ملوه وكيله
    من دون الخلوق ثمر الحروف تاكيله
    قدر ماالدنيا زازتها وكتر ركيله
    ثابتة ثبات جبالأ ما انسمع سكيله

    تفاؤل حسن
    هاالدرع البصد رمي ام جوي وتنكيلا
    افواه الحجار تشكيلو مابشكيله
    منك شايله شامخات الحروف دنكيله
    ياالدابي البرش سمو البراري ويكيله

    الهمباتي الأغبش
    آ همباتي صقر في الدروب واشجيلة
    قبال هادا الضراع فك الطرب والتيلة
    لي الدرب الطويل ما بتنفع التوصيلة
    باكر يا ضراع بيت الحلال نمشيلة

    تفاؤل حسن
    صوب لي تفاؤل ياملك باصيله
    واجدع نمك آلحر ابغنوة اصيله
    آلهمباتي ياتوب سترتي وتفصيله
    في الدم خوتك بصمة صباع وفصيله

    الهمباتي الأغبش
    زوزي ونسفي الروح بي النميم دوبيلة
    وسمك في النضم خاتت شلوخة طويلة
    مشطي لي الطرب فيك الحروف ترتيلة
    منك بت حسن النمة نحن نشيلة

    تفاؤل حسن
    تسلم ياابضراع اللي ام دوي بتمشيله
    تسلم ياالتكوس وهطة قفاك الشيله
    تسلم مقمع الكاشفه البقيتا وإشيلا
    يالقمةقوي الجيعانه بتعشيلا

    تفاؤل حسن
    وينو تور الخلا البنضم ويجاضي وإخور
    ووينو الصندل الفي البوش بسووا بخور
    وين عود الوقا البي سوسه مو منخور
    عيش مطمورتي لي ضنك الزمن مدخور

    ود مسيخ
    حبابكم ياالمجارتكم تجيب الميله
    في ضهر الحروف صبحت حجامتي زميله
    ياالساكنين قليبي وروحي باقية كفيله
    جهجهتو الفكر ياناس بخيت وعديله

    تفاؤل حسن
    حبابك كفكاف حزن من جات دموعو بهيله
    ها اب ايدا تمد الزاد صبوره مهيله
    البملا الدواخل دهشه منو إهيلا
    انو قبيلتو جت سمح الخسايل هيلا

    ود مسيخ
    يا الجاهله ام عيونأ بي البديع توحيله
    بيك عدمت حياتي قشاوتة وتظليله
    بلاك في النمة مااتقدمت قيد نميله
    ياك تاكة حروفي ودندرا وتوتيله

    الهمباتي الأغبش
    البكرة الصعب فوق النميم تنشيلا
    ها الغنوة البقت قِرب الطرب بتشيلا
    يا دود الجحور ريد القلوب افشيلا
    ومن درر الحنان سوي الكتير احشيلا

    ود مسيخ
    يا الهمباتي أخوي شايفك معاي يا الليله
    شان جابك علي البلد الكرامتو بليله
    عندك ست هواك القاري لي ترتيله
    دنياك فيها نطفة ريد وسامعه هديله


    Hattan Hamed Elneil Abass
    وانا شاغلني زولتا في فؤادي عكيله
    عن باب السهر مطت نفسنا مطيله
    عنها لى النجم بالواحده جت حاكيلا
    يات أدمع فراق تلفاني بى مِنْدِيلا

    ود مسيخ
    يا الهتان أخوي سو زين غناك فوق ديله
    دوزن ياالهميم واناأضاني ليك برخيله
    القاصد تعز مقداره ووتشاشيله
    جسمها في القطن عينة طويل التيله

    تفاؤل حسن
    قطاع الخوشم هن نوت لي شينه
    بلة ريقنا شقيش صمنا واتعشينا
    سندالتنا وين قنبنا ولا مشينا
    ظاهر في ام لفيخ زي جوكر الكتشينه


    Hattan Hamed Elneil Abass
    ياك آ ود مسيخ بحر القوافي و نيلا
    خيي الدككري اليات ما عناها جديله
    الشاشيتا بى نمي و فررع تدليلا
    حين ألقاها اصد مني الفكر ناسيلا

    ود مسيخ
    الما ضاق بشر من خلقو ضمه عسيله
    برطمه عجوة المحس المصفي عسيله
    الخلاني مجروف في دهارب سيله
    قرنة حاجبة وجيدة وجمال تسبيله


    Hattan Hamed Elneil Abass
    إت سيد القصيد و القافيه إت مانجيلا
    فوقك يا مسيخ يوسف وسيد غار بيلا
    الكاوياني فوق تمرة فؤادي فسيله
    من كبد الشرف ربك جعلها نسيله

    ود مسيخ
    الفي الرقه والزوق كملت تأهيله
    إتفدع قوامه الفيها مشيها تليله
    الخلاني من دون الحسان ساعيله
    ملكت قلبي بدري ووثقت توكيله


    Hattan Hamed Elneil Abass
    قارج صبري لاقاها و رجعلي شليله
    راهب بيها سكنتا النميم إنجيلا
    الخلا النفس تحرس دروبا رغيله
    نايرة وش وسادلة ديس وعينا ختيله

    ود مسيخ
    يا الهتان بشوف نيراني ذد شعليله
    ارحم قلبي يا المانع الحروف تكسيله
    النزلت حوالي تلاتة من ترحيله
    خلت روحي راس لانوف وبن جواد والله وكيله


    Hattan Hamed Elneil Abass
    ياك قنديل قصيد حرقك إيا الضاويلا
    ربع فوقا سو حد الحدود تبجيلا
    القاصاني درعة جزوها الراويلا
    ود سيرين يغلبو معا الحلم تأويلا

    ود مسيخ
    قدر ماتشوف مراية بتحمد الباريله
    ضلها شالتو الغيرة وابا إباريله
    ربها ذاد سديرة ومن وسط باريله
    مارسه فاتني شوق راجيها في أباريله


    Hattan Hamed Elneil Abass
    سمحه مطبعه الحاشاها قالو قيلا
    من أطهر فروع المسك كان تعقيلا
    ست الهمه ماها الطاجنه و التنديلا
    شالت كاس بنات حوا و صعب ترجيلا

    ود مسيخ
    مشتولة قريري البي دماي ساقيله
    خلت قلبي لي فارط هواها مقيله
    حالف ياالاصم من شعري ما أبقيله
    عاتيات الحروف بوريك محل شنقيله


    Hattan Hamed Elneil Abass
    نفح الجنه طيبا و منها و هابييلا
    فرع البانه في العود ماها نيم و هبيله
    دار صبري انفرط فلكابا شت ضانقيلا
    متلها علمت سنن الكتل قابيلا

    ود مسيخ
    مي الجابت كريم لي بشرته وتعديله
    لونه بلا دهب شنقي الغرب شركيله
    الرب العباد فوق الجمال راصيله
    سبكه بي المحاسن وذود التدبيله


    Hattan Hamed Elneil Abass
    فوق هام البعاد طقا الحنين إزميلا
    ساواية تبوب روحي النجيض منديلا
    ام زيق حسها و رب الجمال واحيلا
    شرت قلبي بين المندره و كوقيلا

    ود مسيخ
    أصيله وبت بلد قاشة وتجيد ترميله
    مي البين الرجال دائمأ كتير شربيله
    تفزع بي النهار كيمان حطب ترميله
    واردة معا الغروب إصبح ملااان برميله


    Hattan Hamed Elneil Abass
    مفقوه بى سماحا الفي الكباد سُنديلا
    نهمت أسلحتها الضمه قالت هيلا
    ضامرة هاف و قولا رهاف وطامح ويلا
    لحققت الفؤاد حال صبرتا و شاتيلا

    ود مسيخ
    غنايَ عليكي موْ من عينة التطبيله
    في وصفك مخازن القافية زال طبيله
    أرحمي فيك جروحي وبي الولف طبيله
    كلمات العزول إن شاعه ماتطبيله


    Hattan Hamed Elneil Abass
    هن وردت تبق الكان عقب تمحيله
    عاشميق قلبي بى مياقا حالو سحيله
    نادرة زي معاها الري وحالنا وحيله
    فاه ريدي الأصم بعد الخرس قاحييلا

    ود مسيخ
    المهرة الاجاد سيسها لي تنشيله
    أصبح قلبي ذي لعب الورق كاشيله
    نظرات الغرور بي الفتنة مابترشيله
    داب المولي بي الحياء والعفاف راشيله


    Hattan Hamed Elneil Abass
    هن وقفت قصادي البال وقف هاششيلا
    هن جابا السلام ضرع القصيد باششيلا
    الخلاني انم يا ود مسيخ راششيلا
    هن أغمت نفس شوقي العيون توششيلا

    ود مسيخ
    مي المنعوته بي الخمله ومحاربه غسيله
    مي البين الفريق مبسوطه بي ترسيله
    مي المغلوله إيدا ولي عشيمه فسيله
    حلت مركب الاشواق وابت ترسيله


    Hattan Hamed Elneil Abass
    بت القرقبو القصا الفؤاد حنكيلا
    روحنا تهاتي بيها و ما انفرد جنديلا
    الحكمت على حيلنا القمز هنديلا
    المات من عشق شانا الإله حاييلا

    ود مسيخ
    زولتي الناوي أكون سيد قعدته وتحفيله
    نايرة وعالي جيدة وتالي إيدا كفيله
    أم فاهأ قبيح المفردات نافيله
    مي داب النجف شمس الله دي بتطفيله


    Hattan Hamed Elneil Abass
    أرض النمه لى ست ريدي تب داحيلا
    حين شبك الغمم بى بسمتا الحلحيله
    الماسكلها النم من أمس راححيلا
    نايرة خلقه عاشق خُلقها و تنحيلا

    ود مسيخ
    ريدتا كل صباح بي طبعته بتبنيله
    سابح في عيونة ومشيتة وخنتيله
    الخلاك ابيتي آحروفي ماتضنيله
    خصرأ خاوي في النوم مالمسلو فنيله


    Hattan Hamed Elneil Abass
    هن مرقت مسستره بى حجابه جليله
    لاها الكاتفه في مشيتها لاها عجيله
    باريت القصيد و القافيه متهجيلا
    حازت كل صكوك ريدي الصحيح تسجيلا

    ود مسيخ
    مهره وفي قلوب الناس كتر جفيله
    يادموع الفراق أمياقي ماتجفيله
    الخلاني اللاكد الضل وأخلي الفيله
    كاسياها الانوثة الربها مصفيله


    Hattan Hamed Elneil Abass
    ناسف ديسا ماهو القرقدي اب تعبيلا
    ست ريدي التكون بحر الهموم عاببيلا
    الخلاني أرعد بالقصيد صابيلا
    دون خلق الله زودها الكريم غربيله

    ود مسيخ
    كملنا الحروف فوق وزنة التفعيله
    يا الهتان اخوي ابليسنا مابي نعيله
    ثابت في النميم القافية متداعيله
    فوق ست الحسان الآسرة كل رعيله


    Hattan Hamed Elneil Abass
    كملناها إلاها القوافي هميله
    فوق الأشعلت روحنا و هواها غميله
    يا اخوي ود مسيخ من فرعة البِسميله
    كشَّن كل نياق حرفي وخشن ترميله

    ود مسيخ
    الفيها الحروف مي شاكية ضمه مليله
    داون لودا فاتح ديمه لي تحميله
    الخلا القلوب عن بابه شاكيه مليله
    سلطة ديدبانة الما كشف سرليله


    Hattan Hamed Elneil Abass
    الزاربها بالريد ما خشب قمبيله
    طيبه عفيفه من قوق لى قساها نبيله
    الصاط القلب متل الكسار راببيلا
    جامر فوقي نمل الشوق علي داببيلا

    ود الخاويه
    غنواتكن بظن الرازي مابحجيلا
    في التابر قدمها وذاد تقلها حجيلا
    مابرت السعوب ماشارفتو حجيلا
    دي اللهت العباد من مصحفا وإنجيلا


    ود الخاويه
    مالي أنا صبري شح ياربعه فاقر وعيلا
    بقيت حايم براي الحبه ما واعيلا
    الكت ناشلا وقته النسو وأعيلا
    أمستلي الخليل وأنا بته إسماعيلا

    Ibrahim Abdin
    دي الفي البنات ما بتلقا مثيلا
    وان رصو الحور صفو ف تجي تواسيلا
    في موازين الجمال دايما مميل كيلا
    ثابته وراسيه وفي مشيها عديلا

    ود مسيخ
    اركان عقلي دابت من كتر سطيله
    كم روسأ تلوب بي نظرته تتطاطيله
    يا الشعللتي نار شوقي وعضاي سطيله
    روحي معاك وقلبك في الحنان فاطيله


    Hattan Hamed Elneil Abass
    أيا الخاويه الظروف الدنيا متخطيلا
    راكب ليها خيل شوقي الحرم تبطيلا
    هن غابت سريع أوكاتنا بتبطيلا
    ضاحك في الدهب يا ومسيخ ترطيلا

    ود مسيخ
    قول لي الخاوية قافيتك محربة ماشكت هرطيله
    ياك فارس المغارات الكتر سلسيله
    هن هجمت عليك الدنيا بي أبابيله
    كيف بتصيبك انت الال الحروف سجيله


    Hattan Hamed Elneil Abass
    مطرق نمي جازم ما يصد قاططيلا
    ياتا قت همد طاببي العصي وناططيلا
    ناسف ديسا غاير ميسا لي تعطيله
    ماحي الدونا من غير الجميع خاططيلا

    ود مسيخ
    يا أم ديسأ محارب التوكة والكنتيله
    مفروش فوق قصارو ولي الكفيل جاريله
    كم روسين تلوب بي نظرتك شبتيله
    قعدات البناشي عصاري ماضقتيله


    Hattan Hamed Elneil Abass
    هن ضاقتبها الواسعه المياق فارريلا
    بر الوالدين يا ود مسيخ بارريلا
    ست ريدي الجميع أقلام هواي باريله
    أعجف نمي من حامت حداي دارريلا

    ود مسيخ
    سيوف حرب الظنون الفي أضاني صليله
    قلت نومي يا الدعجة المجافية خليله
    الخلاك نواشف ريقي ماتبليله
    عينات ريدي في قلبك صعب تحليله

    Ibrahim Abdin
    منساب ديسا داك تحت القدم فاريلا
    ذى موج المحيط مدو الجزر شاريلا
    الخلا القليب قبل المشاف فاريلا
    سباق الفرح مشى والسماح كاريلا


    Hattan Hamed Elneil Abass
    ماها الطجنه راضيه القعده بى ترفيله
    فوق كجر العفاف والي الأدب كافيلا
    مرقوعة الصبر بى حنها بتنفيلا
    يات أنسج قنع ضمه انقلب مرفيلا

    ود مسيخ
    صورتك يا ام ضمير نفس العشوق تشجيله
    تيهي وموعي بي بسمة القلوب شجيله
    ياست القوام الخالي من كنجيله
    كرعي من نظرتك جاتن البرجيله


    Hattan Hamed Elneil Abass
    جمام العشم نفس العشوق ترديلا
    في حال النشوق والدمره بتناديلا
    فوق بطن العروق هي الداومت قديلا
    بى فد لحظه من عينا الجباه تنديلا

    Ibrahim Abdin
    خجلان براها في مشيها ضليله
    شايف نفسو أقل في الرسم ظليله
    مدعوجة العيون حواجبا زاتا ظليله
    تسكر كان تشوف في الحلم خليله

    ود مسيخ
    قدر ماتذيدي نارك وبي الجفا تهبيله
    تلقي قليبي ذايد ريد ومتجوجيله
    ايا المحمية من ناسأ ظهر جلجيله
    قصه ريدنا مالك ساعيه في تدويله


    Hattan Hamed Elneil Abass
    زولتا ضمه في الناس ما انخبر تعليلا
    عز الكتمه بتهبهب رياحا عليله
    نايرة خلقه بى لمحه الهموم تتهيلا
    رفعت فوقنا راياتا و هدر تهليلا

    Ibrahim Abdin
    تمامة الحروف في الوصف تشكيلا
    شاده الحديث تال الحنين ببكيلا
    جاره القليب نشابا الضلوع فاكيلا
    ضامه الفؤاد هين الحنان متكيلا

    ود مسيخ
    ماحله عواطفي و اتصعب علي تربيله
    جودي آم دغمه من مطر الحنان صبيله
    الخلاني أسو لي كوم جفاك كربيله
    عيني الوالدة محنك ومابية ماتربيله

    Ibrahim Abdin
    مشتول ريدا ومن فيض غناي بسقيلا
    موهطه في القليب كم قاسو الكتار شنقيلا
    تشهدلها النجوم فوق لي الثريا مقيلا
    اسطورة الجمال هادي الاسم حاقيلا


    Hattan Hamed Elneil Abass
    أردب في الطبع جافا الونش تعتيله
    بين كل البنات مريم معا تبتيلا
    هن شرفت بلاها زواقتا وكنتيلا
    يا تمرة فؤادي انعدلي لى نتيلا

    ود مسيخ
    نفسي الحددت فوق ميس هواك خط ميله
    راجياك تكوي لي خشوم العدو تطميله
    بطن الفرقة بي كتر الوصال طميله
    ابقي حساب حياتة وضوطها وهوطميله

    Hattan Hamed Elneil Abass
    خلق الله الجميع بى ليمنا توه ادميلا
    تكني فوقن الجمره الصعب دميلا
    بالحيل يام خدود راجيه الجروح تدميلا
    نفسي العتتت فوق الوصال دوميلا

    ود مسيخ
    يا الدرعه العقيده من السلا مدوديله
    دقات قلبي بي شوفتك كتر دلديله
    الخلاني ماسك سبعها وجاديله
    ضفيرتأ غلب الضلع القصار دلديله

    Ibrahim Abdin
    عطشانة الحنين من بير هواك ارديلا
    واسقيها ريدك عقب من جمايلك مديلا
    تلقيها مهزومه بارز دوام منديلا
    مانتى الاصل والباقى فراعا كتر دلديلا


    Hattan Hamed Elneil Abass
    صفقات القساوه آزوله ما تحتيلا
    مياق العشوق جفت ولاك بنتيلا
    هانت في النفس ها الدنيا ما هنتيلا
    يا الدرعه ام رشوم الحورت عنتيلا

    Ibrahim Abdin
    مطرة هواي عن سعت المغيب نزلت سيلا
    واحزاني العلي عقبا تجي تواسيلا
    زرات السعاده في دروب الشقا تساسيلا
    زارعه علي محنه تفقد كان
    وجب سلسيلا

    ود مسيخ
    العسل الجريعتو بتشرق الباقيله
    ريق ست الحسان الريدي مو باقيله
    ربها في الجمال من نطفة مو مبقيله
    قبضه ليهو كااااش الحبة ماباقيله

    Hattan Hamed Elneil Abass
    هن شتا الفكر يا ود مسيخ واعيلا
    بال النم جلس عن حضرتا وقاعيلا
    ماها العايبه راسيه وست كرم بت عيله
    ماتت روحي نمه وبالمزيد ناعيلا
                  

06-25-2013, 10:58 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    من أشعار هيفاء عبد الستار


    1
    الليلة العيون شافن بسيمتو تضوي
    نوراً في الجبين كيف البرق بيسوي
    قلبي الخاتة بين اضلاعي قنب يخوي
    كان ودرني ساي الا اللطيف القوي
    2
    شركك مسك ياخوي تلابيب روحي
    زال المي العلي ياخلي شف جروحي
    مرسال الصباح المن وصل لي سروحي
    رقص في السما ونزلن بلابل دوحي
    3
    شراكك مسك والله جل احساسي
    قنب في السدر واتمد لاعن راسي
    ما جافيه قليب.. الا القدر هو القاسي
    خت رحالة في المصران يجز ويواسي
    4
    الليلة السنين فلتن فرق ايدي
    سابن لي عجاج ايام ملانة اسيه
    ماشات يقدلن ما همهن بالي
    كبن دمي.. قطعن الوريد.. لا مت صِدِق لاحيه
    5
    الليلة السنين قالن لي قعدي وعدي
    شن سويتي فوقا الزايلة غير انك تجيي تودي
    تجبدي في الصبر ترفيه.. مره تقدي
    احسن سبليها الدنيا واضنيك بالعجين هاك سدي
    6
    القلب ال######## فترني كمل حيلي
    لح اقدامي.. حف رجولي ما اظن يقدرن لي شيلي
    كان خلاني لي ناس ديلا شافن ميلي
    شمات الوجع شمتوني عاد وا ويلي
    7
    ما اظن في القليب انا لي ريداً تاني
    سح دمع العيون حرق خديدي شواني
    كان بالايد شفاي ماكنت لي اماني
    الا العين بصيرة وايدي ما مطاوعاني
    8
    ود بدر الحبيب اهلاً حبابو سلامك
    ياك بدر السما دايرين نصل لي مقامك
    هيبة ونضره ود عزاً قديم قدامك
    ام ضواً بهر حيرانه تحت اقدامك
    9
    العيد يا الحبيب جايينا صاري وشيشو
    ما شيل فرح.. خافي الحزن بي ديشو
    كرباجاً هرد جسمي وكتر خربيشو
    كسناله الصبر الا الصبر شقيشو
    10
    يابوي الحزن لابسني شال وصديري
    وينك لي من هما ملالي صديري
    بوم الشوم يحلق في ضحاي وعصيري
    قلل نومي هجج لي زغاليل طيري
    11
    راجياه القصيد يابنبة منك يجيني
    اتلبش خلاص خيت الشعر راميني
    بنوت الفكر شافن عجاج كرعيني
    مرقن بالنحاس حاكنه عوم وزيني
    12
    مرسالك وصل يالشيخ ودق نحاسي
    زاد سهري العلي يا سيدي قل نعاسي
    ما ناسيك يمين بدراً طلع فوق راسي
    ما حجرني غير شيتاً شديداً قاسي
    13
    الليلة الطيور جابنلي منو تحية
    اججن القبيل جوة القليب مخفية
    سهراجة الضلوع الفي المفاصل حية
    قبال تنضرم احسن نشيل لي شليه
    14
    ود بدر الحبيب الليلة شوقنا خرافي
    ريداً ليك باين في المهج ماخافي
    يوم حسيت انك لي قليبي مجافي
    قت لي رويحتي هجسي بجيكي صاد لا تخافي
    15
    كبس الهم على ليلي ونهاري مقرح
    حد موسى البعاد صابني وفؤادي اتشرح
    غزيز دمع العيون اللي التراب اتسرح
    غسل قلبي شراه وبالسموم اطرح**

    (عدل بواسطة أمير محمد ادريس on 06-25-2013, 11:27 AM)

                  

06-26-2013, 09:00 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    دقيـت اليميـن انـو القمـر إتدلى
    في نص النهار سارح يحوم في الحله
    غيمت السما وشـرقت نجـوم تتجلى
    وانبهرت عيون عاجـباها خـلقة الله


    سبحان الخلق سواها واحده فريدا
    وخلى الليل يجي وينزل ينوم فوق إيدا
    والنجم انتظم عقداً جميل فوق جيدا
    زي طفلاً وديع من نظرة بسبت ريدا
    في الذوق والجمال ما شفت اصلي نديدا

    أزمعتي الرحيل قصدك تزيد يجروحي
    يا ام خشماً تقيل بى حبي مابيا تبوحي
    حبك في الفؤاد دايماً مشحتف روحي
    وين القى الرقاد كان ناوية انتي تروحي


    مطر الريد رشع وأنا وإنتي إترشينا
    وإتشابينا فوق ضهر السحاب ومشينا
    وشك قوس قزح يا السمحة يوم تغشينا
    سارحين في الخصل وجوا العيون طشينا
                  

06-26-2013, 01:25 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الرباعية الأولى :

    إن مدحوكي يصغروا من مديحك ناس
    وإن وصفوكي وصفك ما بشيلو الراس
    وإن قاسوكي وين ليك يتلقي المقياس
    إنتي مكمله وغيرك رُبُع وأخماس


    الرباعية الثانية

    زي جدي الغزال كاحلات عيونا وزينه
    وإن قامـت مشت تقـدل متل وِزِّينه
    السبب القبيل خـلاها تبقى حزينه
    قالت لي بخـاف عين الحسـود تأذينا


    الرباعية الثالثة

    زي مهر السبق في مشيتو و رحيلو

    ضامر هافو تُقل أردافو هدن حيلو

    طلقولوا البخور جدع عقودو و تيلو

    طبق البوخة قام عرقو الصفيح ما يشيلو


    الرباعية الرابعة

    من صدر القمر رضعت روت وجناتا
    ومن ضرع الغزال حلبت سماحتا جاتا
    متل الضل بشيش جوا القلوب ولجاتا
    تسكن في النفس تتـاوى في خلجاتا


    الرباعية الخامسة

    قدر مـا قلت أتوب من الغـرام وفعايلو
    يبراني ويفـوح طيب المسك في جدايلو
    كيف عاد الفكاك وانا قلبي مـا كت قايلو
    يبقى الـريد دوام في كتفو حايم وشايلو


    الرباعية السادسة

    تجيك بي مهل والفلجه.... لما تشوفا
    عنقا باهي مخروطه ومضمر جوفا
    زي مهر السبق متحضره ومكلوفا
    قلبي الكان صميم جابتلو فره وخوفا


    الرباعية السابعة

    يا قصيبة الـوِادَي الشال برم قندولا
    لبَّن وإنتنت سـاقا النحيل مـا بشيلا
    إن نضمت متل سجع القماري هديلا
    وإن ضحكت مطر يجرف رويحتك سيلا


    الرباعية الثامنة

    إن مريتى فرعا بالنسايم مـــــــــــاس
    وإن مسوك من مسك بخافوا المـــاس
    فى صدرك قنابلا خوفن فُـــــــــــراس
    وفى عينيك بتوه الزول تقول مو حاس


    الرباعية التاسعة

    آه من نارك السمحه اللهيجه عسيلا
    وآه من خدك الوصفو النضير وأسيلا
    وآه من وصلك التب ما لقيتلو وسيلة
    وآه من دربك الإصلو ما لقيتلو سبيلا


                  

06-27-2013, 04:16 AM

عبيد الطيب
<aعبيد الطيب
تاريخ التسجيل: 08-31-2012
مجموع المشاركات: 1800

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    Quote: الرباعية الأولى :

    إن مدحوكي يصغروا من مديحك ناس
    وإن وصفوكي وصفك ما بشيلو الراس
    وإن قاسوكي وين ليك يتلقي المقياس
    إنتي مكمله وغيرك رُبُع وأخماس


    الرباعية الثانية

    زي جدي الغزال كاحلات عيونا وزينه
    وإن قامـت مشت تقـدل متل وِزِّينه
    السبب القبيل خـلاها تبقى حزينه
    قالت لي بخـاف عين الحسـود تأذينا


    الرباعية الثالثة

    زي مهر السبق في مشيتو و رحيلو

    ضامر هافو تُقل أردافو هدن حيلو

    طلقولوا البخور جدع عقودو و تيلو

    طبق البوخة قام عرقو الصفيح ما يشيلو


    الرباعية الرابعة

    من صدر القمر رضعت روت وجناتا
    ومن ضرع الغزال حلبت سماحتا جاتا
    متل الضل بشيش جوا القلوب ولجاتا
    تسكن في النفس تتـاوى في خلجاتا


    الرباعية الخامسة

    قدر مـا قلت أتوب من الغـرام وفعايلو
    يبراني ويفـوح طيب المسك في جدايلو
    كيف عاد الفكاك وانا قلبي مـا كت قايلو
    يبقى الـريد دوام في كتفو حايم وشايلو


    الرباعية السادسة

    تجيك بي مهل والفلجه.... لما تشوفا
    عنقا باهي مخروطه ومضمر جوفا
    زي مهر السبق متحضره ومكلوفا
    قلبي الكان صميم جابتلو فره وخوفا


    الرباعية السابعة

    يا قصيبة الـوِادَي الشال برم قندولا
    لبَّن وإنتنت سـاقا النحيل مـا بشيلا
    إن نضمت متل سجع القماري هديلا
    وإن ضحكت مطر يجرف رويحتك سيلا


    سلاااااااااااام ومعزة
    يا خي إنت زول شاعر دوبيت رائع ومذهل ومبدع

    بجيك صاد بي روقة
                  

06-27-2013, 07:01 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: عبيد الطيب)

    أخي عبيد أنا فقط ناقل لجميل شعر الدوبيت وبصراحة الايام دي قايم علي نفس أسمو شعر الدوبيت وبصراحة شعر الدوبيت ده متعة .

    تحياتي وتقديري
                  

06-27-2013, 07:07 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الجرح البكون من ريدة ماظن يبرا
    لا بتنفع حبوب لا مس عيون لا قطرة
    من السيرة ساي الزول تخنقو العبرة
    معروف الفضايح يوت مبارية السترة

    مرات تنتعش وتعيش سعيد لي فترة
    وتقول ولى فات زمن الحزن والحسرة
    فجأة بتنتكس ، ترجع من اول فقرة
    والداير العديل لابد ياخد عترة

    ياحليل ريد زمان ، زمن الغرام من نظرة
    وكتين البريد ، غير الحبيب مابيطرا
    الريد كان حنان ، ماكلمة ساكت وقشرة
    لو ضاع الغرام ، بيراعوا حق العشرة

    مجروح الغرام طوالي واطي الجمرة
    سرحان بالنهار ، والليل مخاوي القمرة
    محروق الفؤاد ياخلا ظاهر ظهرة
    عند سيرة الحبيب ، عينيهو تصبح حمرة

    الريد إهتمام ، زي الفراش والزهرة
    الريد إحترام ، وحنان اساس الفكرة
    الريد إنعدام ، لي زات ف داخل اخرى
    مفهوم الغرام جوانا محتاج عمرة

    الريد ماكلام ، افعال تخلد ذكرى
    الريد ماخصام ، اصل الجبال من صخرة
    الريد ماحرام ، مادام هو خلقة وفطرة
    المذكور امام ، امراض غرام منتشرة
    وفي طب الغرام ، قالوا المجرب ادرى
                  

06-27-2013, 07:28 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    شتلة منقة بي الابداع نمت مزروعة
    في الصفقات نضار والمنقة نادر نوعا
    بترجا السنين مهما اقاسي الجوعة
    داير اتهنا بيها واستكين في فروعا
    .
    ناعم عودا فارع وبالــــــدلع مفدوعة
    تتاكا وتميل وانا روحي فوق مقلوعة
    عالقات في هواها الاحرف المشروعة
    كم غنيت عليها وصغت لي مربوعا
    .
    نادية وهادية بالانغام لحون مسموعة
    تنتعش النفوس ببهجة حارسة ربوعا
    للــصابر عشانا وفي حماي مدروعة
    بستنى السنين تمنحني شئ من طوعا
    .
    اعصابي البقت تحت الضليل مجدوعة
    مرات تنعشا ومرات تقـــــــوم مخلوعا
    يالفارعات غصونك ومن عسل ينبوعا
    ياحليل الرويحـة البين يديك مصروعة
                  

06-27-2013, 07:30 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    Quote: نظرته قنبلة إيران ونازعه فتيله


    هههههههههههههههههههههها حرم دا ما نصيح يا الامير
                  

06-27-2013, 07:35 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: الطيب شيقوق)

    نظرته قنبلة إيران ونازعه فتيله



    هههههههههههههههههههههها حرم دا ما نصيح يا الامير

    ----------------------------------------------------------

    مستشارنا العزيز كنت متأكد وواثق انو البوست ده بجيبك لينا بي جاي

    ياخ الكلام الجميل ده بوظ لينا أعصابنا

    تحياتي وتقديري عزيزنا شيقوق
                  

06-27-2013, 08:44 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    جاينك يا الامير بالمهلة بس - دحين دا كلام بنفات ؟

    ابهل الكلام خلينا نطرب يا ود دريس
                  

06-27-2013, 09:06 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: الطيب شيقوق)

    الغـنا والـنـمـيـــم لـيـك ياحـبـيـبــة بسوقو
    ودنـديـن الــكــلام جـــوايـا عامــر سوقو
    يا روحي وغناي طاوعوني ارسو وروقو
    خلوني النوصف زول بــمــوت بي شوقو

    آه انــا يانسيـم مشتــاق اقـبـــل ايدا
    وبي حنية اقوم اربط عقد في جيدا
    بت بت الملوك بهجة سنيني وعيدا
    فرشت قلبي حنية وسماحة وريــده

    عيان يا طبيب وشفايا فـــي الهالكاني
    معسولة البنات البي الحنان غامراني
    مـلـيـان بـيـها لـي حد الشقف مالياني
    آه انا يا طبيب مـــا ذبت من احزاني

    حندكت الــزمـن بي بــسمتك اغريتو
    شان ما كل يوم لي احزاني يفتح بيتو
    كــوركت ومشيت جواك غناي دسيتو
    هـــزيت الفروع صفق الاسف حتيتو

    لـــو جـابـو الجـمال جمعوهو كلو يقيسو
    بيك يا (الهادله)انتي بـدا الجمال تاسيسو
    الناي جاك سرق من فاهك انتي حسيسو
    والليل بي ابتهاج اهــداكــي جـدلة ديسو

    والله العظيم يا (هادله) ريدك جاري
    ما بين الضلوع فتحلو الف مجــاري
    الخلاني فوق حسنك نظمت اشعاري
    عينيك والقوام والوجنه فيها وداري
                  

06-27-2013, 10:07 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    Quote: آه انــا يانسيـم مشتــاق اقـبـــل ايدا
    وبي حنية اقوم اربط عقد في جيدا
    بت بت الملوك بهجة سنيني وعيدا
    فرشت قلبي حنية وسماحة وريــده


    لا حول - ياخ انت كنت وين يا امير

    الخال عمر والعبيد الطيب والاخوة الاكارم

    اجموا هنا

    اقروا ساي خلوا الجني يدا يكب لينا النميم
                  

06-27-2013, 11:06 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: الطيب شيقوق)

    اجموا هنا

    اقروا ساي خلوا الجني يدا يكب لينا النميم

    --------------------------------

    أبشر يا حبيبنا
                  

06-27-2013, 11:08 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    وسـط الدارة نزلـن من قصورن
    عامـن شوقـن قلبـي البـدورن
    هج وضج في ود عينـي نـورن
    وطابت روحي من نفحـة عطورن

    قمر السبعتيـن قدلت حمـامـة
    غطـت جملتن متـل الغمـامـة
    محزوز جيدها فوق بانة قوامـه
    مجروح ريدها وين يلقى السلامة

    ساحت إيـدا في الخـد المبهرج
    وعامت ديسها نام فوق المرجرج
    صـورةً جهجهت قلبي المضـرج
    وفـرع البانـة لعلع فينا كـربج


    شالت إيـدا مـن صفحة جبينـا
    ومالت ولعـت نـار الكميـنـة
    ودارت شتـت شوق ليما فينـا
    حليل الراحـة يا روحي الحزينة

    حسدت التـوب على اللفة الهنية
    وحاسد الروج على الرطب الجنية
    وحاسد الحنة في قـدم البنـيـة
    على النعمة وعلى الدرجة السنية
                  

06-27-2013, 11:47 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    تلفاً بادي في جسمي وحَشاي منحولْ
    حيَّر نفسي في نفسي وبِقيت مزهـولْ
    لغزاً جد يا بيتاي بدور لُو حُلــــــــولْ
    عقلي يطيــــع الهي وقلبي يعبد زولْ

    ________________

    أنا كان عندي والي ولا صاحبي صَليحْ
    كان جنزرني ما دام عقلي ماهو نصيحْ
    بقيت في صلاتي بزَّكَّر هــواها واصيحْ
    أنِمْ في الركعتين والبــاقي اتمو نَويحْ!!

    ________________

    سَماحة البُقعه والغَـــــوشْ المَلونْ زِيفْ
    ما بنســــــوني مريودي الطبيعه ظريفْ
    حالي الليله من فَرْقَ المَلمُو عَفِيـــــــفْ
    حال فرعون بعد ما موسى وصل القيفْ
                  

06-27-2013, 06:34 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    دكتورة
    سمحة ويوم وضوعا الناس سماهُن ضلا
    وحواجبا حكمت الفوّت قصّير وهلا
    وتانى قلوبا من معشُوقا ما بتدلا
    وطعما الطعمُو سته شهور بعد ما سلا
    ******* *********
    ومن ما راحت التعليم وتدرس دابا
    شايف الناس بريدوها وكُتار أحبابا
    وبدرس فيها ذاتى داير أعرف أسبابا
    إلا لقيتو يطعن فى القلب نشابا

    ******
    راحت تانيه تانى الناس معاى فكرُولا
    زكرت بالنجاح يادوبا منتم حولا
    إن وقفت بتخطب كلهن صنفُولا
    حد ما أطراها ياخوى عقلى ياخد جُولا
    *******
    راحت تالته قامو أخدولا طرحه خفيفه
    الهيلا والبُعاد بتمنو ليها وظيفه
    لهجك عجوة القُنديله حلوه نضيفه
    نفسك زهرة الياسمين وجاتا الزيفه
    *******
    راحت رابعه يادوب فينا وجّت نارها
    ذكرت بالنجاح وأُماتا مارقة بشارة
    نفسِك مِسكة الكامن تحت فى الساره
    لهجك منقة الباوقة الدقاق ما كباره
    *******
    راحت خامسه نجحت فيها زى ما قالت
    غيرت المقاس لى ساته والموضه خالت
    فرت باسمك البرق أب سيولا سالت
    وياجابر الكسر كسير عضمنا إتفالت
    *********
    درست ساته نجحت وتانى مشت العام
    وسمحت وفهمت الريد عشنا فى إوهام
    نفسك مِسكة الضهرى أب علالا قام
    ولهجك حكمت الفوقو البقرص حام
    *******
    درست أولى نجحت وتانى راحت تانيه
    ضمرت فى محله وفى محلين بانيه
    الخلانا ما نقدر فراقك ثانيه

    ********
    راحت تالته فى العام دابو قلا صبرنا
    يا جابر كسور المسلمين أجبرنا
    بعد ما كبرنا لى عدل البخربو نجُرنا
    تانى قلجنا كرباج الصغار مى قدرنا
    ********
    وماشا العالى ياخوى سمحت الأوصاف
    الدوف متردم والديس هفا الأكتاف
    الخلانى أسجر ومره برجاك ساف
    بقت غير الخميس يا الجمعة مابتشاف
    ********
    وقضت العام ومشت العالى
    دابو الشوق قسى ولف العكس بدالى
    من فرق الظريف عودا ولهيجا الحالى
    تانى رجعت لى سهرى وغناى وحالى
    *********
    راحت تالته طبقت الشهايد تامه
    ماشه الجامعة من الإمتحان مو هامه
    تلفح فى الضمير يومى وعقاربك سامه
    سمحة وعاجبه النساء والرجال فى العامه
    *********
    مشت الجامعة طلعت تانى دورها هناك
    وآ أسف المفارقا وآ شقا البرجاك
    الخلانى يا المتبوره مابنساك
    فيك شبه البطاردنبو البروق الباك
    ********
    وراحت تانيه ناجحة خلاص
    وقالت ببقى دكتورة وبعالج الناس
    الخلانى طول الليل بساهر حاس
    فيك شبه البحاربوبو وسمعلو نحاس
    *********
    وراحت تالته فى الجامعة وبقت تتمرن
    زى مُهر الحرابه الفوق نحاسو إتحرن
    وشكرك عندى مو فرادى جايبو مقرن
    أرفعى من معاشيقك مكاويك حرّن
    ********
    وراحت رابعة فى الجامعة وبقت دكتوره
    ومن زوقها وجمالها الفوقا خير زولا
    الخلى الخلق معترفه يسمعو قولا
    نارها نار كويت عقب آب تموت لا حولا
    *********
    راحت خامسه طلعت فيها أعز طبيبه
    راس الزول تعرفو إنشالو منو سبيبه
    وكل ناس إسبتاليا يقولو نمشى نجيبه
    والعرش يكون غافر مكانتو قريبه
                  

06-27-2013, 06:48 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    من اشهر قصائد ود شوراني مجاراته لود الدكيم
    قال ود الدكيم :
    دمك صافى تحوير المعردب لونك
    بدر الكون جبينك والضلمه قرونك
    مدام أنتى ذى نجف الخواجه عيونك
    كيف يداوى من ألمه ويطيب مجنونك

    فجاراه ودشوراني
    يا ياقوتة الحضرى الحضارمى زبونك

    عازة وغالية طلعن فى التريا تمونك
    عاليا ارداف ضامرة هاف وقارن نونك
    انكال بالجمال لامن دفق ماعونك
    ****
    يا تمرة كريمة القاد سبيط عرجونك
    لو كان امنوك زاهد الدنيا بخونك
    معلومية الذكاء فيها ماهرة فنونك
    ربى كساك بالهيبة وصدر قانونك
    ****
    يا فوسيبة الوادى الروايا مرونك
    حب المنقة والانناس حلاتك ولونك
    محال ما بتمتعى الحى بهواك وشؤنك
    مهو سبيك وقلبى عليك وبقيت مجنونك
    ****
    قمرالسبعتين نورك مضوى دجونك
    يقل ويفقد الحيا والصبر مسجونك
    واعى الناس يضيع ما بين قسام وهونك
    كل المالى مركز و صار قتيل مسنونك
    ****
    عودك قامته مربوعة وكحيلة وجونك
    خدك دكن الشف والفدى الفى اذونك
    ديسك كابى خمر وصندلية دهونك
    ماهو غريب على لوكان ساهرن بى طعونك
    ****
    مختارهو النشاك ورعاك وصف ذهونك
    ماك مسيومة فى الاسواق منيعة حصونك
    كتيرمن عاش مدهور وعلقنه ظنونك
    نحن برانا ما بختانا سوط عربونك
    ****
    ظبية عنس الريل المجازى هنونك
    جنيبة خيل قيافة ولابسه والكون كونك
    يا اميهية الصيف فى خلاك وبقونك
    باب ليمك عرجواقف غفر كركونك
    ****
    ها الايام على مقطوع سلك تلفونك
    وقلبى المبلى رتبتيله ميدان قونك
    ما دام انتى حاملين السلط فى عونك
    ظلمك لى مقبول بالحريص كردونك
    ****
    ياسجاعة الليل الملولحه غصونك
    فاقد سمحه كان ما زاد عليك مو دونك
    وينيا جريعة النحل اللذيذ مشنونك
    كبدت نوق مسارى ومطر ليمونك
    ****
    يا لولية الغواص صعيب مخزونك
    قفل واختفى ومنع المودة حزونك
    قمح القجه شركه وضحى بمليونك
    عسى اوجد لماك واسعد واكون ممنونك
                  

06-28-2013, 09:09 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    انجرح الفؤاد والعله زادت عله
    المشوار طويل ..والحيل البشيل انشل
    يا معلقنى بحبال الهوى ..وغلبت اتدلى
    وصبحت مواجه العقد الابت تنحل ..


    من شُفتك نسيت نفسي ومشيت بي وراكي
    عجبني جمال عيونك والكفل المعلّي قفاكي
    يا الصبتيني بي مس الجنون في هواكي
    قلبي فقدتو .يا السمحه ..واظنّو معاكي




    يا اللادن قوامك ولون اديمك تبرى
    شعرك عتمة الليل اب نيازكا تجرى
    يا ام حبا مقلقنى ومقلل صبرى
    تكتلى فى العشاق من دون قصد ما بتدرى


    بعد ما نسيت خلاص اليوم بقيت اتذكر
    خطر بى بالى انتى معاى وحالى ميسر
    زمن الحظ مخضر ..ما يبس ..ما اتكدر
    زمن العز بعيشو ...عند العرب والبندر

    البنشاف قريب ورجلى ما بتمشيلو
    يتبسم بروق مطرا مكمل ليلو
    الظالمنى واتحيرت فى الاشكيلو
    حراسو النمر ...الزول البجيهو بشيلو


    العنافيه ام كزم ..العالى فيكى الدوف
    معشوقك بعاين ..ما بقل الشوف
    الاحزان تمادت والقلب ملهوف
    وكل دقيقه ينتابو الشعور بالخوف



    لمحة سنك البرق المعاهو الزيف
    لو تتبسمى يكب المطر فى الصيف
    شبيهة البندق النيشانو ليهو عريف
    يا العاتى اللجوج اللى العقال ما بقيف
                  

06-28-2013, 09:33 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الاحيح والنواح في الدوبيت السوداني

    اسعد الطيب العباسي

    في شأن استعمالات اللغة وتوظيفها الشعري في الدوبيت تدور بعض المفردات المؤثرة التي تضيف لهذا الفن القولي بعداً أخاذاً. كنموذج لذلك نأخذ مفردتي (الأحيح) و(النواح) اللتين تبرزان في الغالب في الوجد والغزل من شعر الدوبيت، كما تبدو في أحايين اخرى في المناحات.

    نجح شعراء الدوبيت السوداني من أهل الغزل في توظيف مفردة (الأحيح) ومشتقاتها العامية ذات الأصول الفصيحة ووظفوها ببراعة متناهية فأعطت غزلياتهم بعداً مسكوناً بالحنين وقوة العشق، فلفظة (أح) الشائعة بينهم تستعمل عند الألم ويقولون أيضاً أحي وأحيا، وقد قال الموفق البغدادي في سفره (ذيل الفصيح):
    يقال عند التألم أح بحاء مهملة أما أخ فكلام العجم آه.

    وقد وجدنا ان اللفظة مأخوذة من الأحيح والأحيحة في الفصحى وكلها بمعنى العطش والغيظ وحرارة الفم، يقول الشارق بن عبد العزيز الجهني في حماسته المنصفة:
    فبَانُو بِالصعِيدِ لَهُمْ أُحاحُ وَلَوْ خَفَّتْ لَنَأ الكَلْمَى سَرَيْنَا

    وقد فسر التبريزي في شرحه على الحماسة ان الأُحاح العطش والمشرف من الجراح على الهلاك يعطش. وقد قيل أن الأحاح شدة الوجد من الغيظ حتى يسمع له من الصدر صوت وهو على مثال الأدواء والأصوات جميعاً لأن فعالاً يكثر فيهما.

    والوحيح قد يجمع على وحايح وقد يفرد على وحّة، وعندما يصدر الصائت صوتاً فيه بحح يقال انه قدوحوح. كما وجدنا أن لفظة (حي) تقال عند التألم وتقرنها النائحات عننا بلفظة (ووب) وهي كلمة مثل (ويل) زنة وفصيحتها (ويب) التي يكني بها عن الويل.

    على كل فان لفظة الأحيح بمشتقاتها تضفي سحراً على شعر الدوبيت يبرز تماماً ما يعتمل في الصدر وماينشأ في الأغوار من معاني الألم اللذيذ المرتبط بالعشق والهوى، ومن النماذج الرائدة في هذا الشأن ما قاله الشاعر المقدم الحاردلو الذي اندملت جراحات عشقه الذي كتمه، غير أن هذه الجراحات تجددت عند سماعه لصوت المحبوب الذي شبهه بسُريح الجدي والسُرِيح من التسْرِيح وهو صوت الجدي الخائف وفيه معنى الإثارة يقول:
    هَبْهَابْ الشَمَال الجَانِي نَسَّام رِيحُو
    حَرَّك سَاكِناً أَزْمنْ كَتَمْتَ وَحِيحُو
    الجَرْحَ الدَلَكْ نَيُّو وقَطعْ من قِيحُو
    فتقُو علَيْ بُرّيبْ نَامَة بَيْ سُريحُو




    * المصدر موسوعة التوثيق الشامل .
                  

06-28-2013, 09:36 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ومن الشعراء الذين لجأوا كثيراً الى الأحيح في أشعارهم الغزلية الشاعر الفرد والناغم الساحر عبد الله ود حمد ود شوراني والذي يقول:
    أَحْ والوَحَّه ما بِتدُور تفَارق قلْبِي
    أحْ من نَار فِلانَه وجَرْحها النوسَربِي
    يا نَفْسِي الصّبُرْ لُوكِيهُو لا تَنْسلْبِي
    الحَظْ ما بدُِوم يومْ غَالَبه يومْ تِتْغِلبي

    ويقول وقد إقترن أحيحه بنواح قلبه:
    الَبارحْ نَسِيم رِيحاً طَلَق من جَبْرَه
    ذَكّرْ عَقْلِي بِي وَدْ العَنَانِيف هَبْره
    أحْ من فِلانه وجَرحهَا المَاببرْه
    قَلْبِي عليها نَاح بعد اليقينو الصَّبْره

    في مربع بديع وضح لنا ود شوراني كيف ان الوحايح قد عادت إليه عندما قال وهو يناجي بلبلاً مغرداً في غصنه:
    أَنَا يَا البُلْبُلْ الفُوقْ رَاس فُروعِك سَاجعه
    ضيِفِي على وَجعِكْ ونُومي قبْل الهَاجعه
    ريد الفَرْقُو صَحَي العَيْن بعد مِي ضَاجعه
    أَتْلف صَحَتِي وعَاد لِي الوَحِايحْ رَاجعه

    وقد وجدنا الشاعر الفحل أمير المهاجرة وأمير قوافيهم الطيب ود ضحوية وهو يطلق آهاته المكتومة في شأن عشقه بوحيحٍ عالٍ ولكنه ظل متمسكاً بفتوته وفروسيته وحبه للنهيض يقول:
    أَحْ وَاغُلْبِي من زوُلاً جَمالُو مُلُوكِي
    والحَاس بيهُو منْ تَالاكْ يَضوُقُو عَدُوكي
    أَمَّنْ بَرضَي بالذِّله وأتركُو لهُوكي
    أَمَّنْ نطلَع القَلْعه وجِبالْ السَّوكِي

    ويقول في ذات المعاني وهو يتمسك بالأحيح والنهيض:
    أَحْ وَاغُلْبِي من سِتْ الصِّبَا المُنْتَبره
    وازَمنْ هَجرِي يَاأُمْ شَلاخ بَلُوك فِي العَبْره
    أما بَنْتظرْ السَادرَات غرب لي جَبْره
    ولاالسِيدَا في الدِنْدِرْ مِقوَّي الكَبْره

    وعلى نهج الأوائل سار الشعراء الشباب المبدعون وتمسكوا بالمفردة المؤثرة فوجدنا الأحيح يعتور بعض أشعارهم.. يقول الشاعرالشاب سليمان عجيمي:
    يَا خِلايْ مَعذّبْ ولِيلي شَايْلُو وَحِيحْ
    جَرْحِي المِغَوَّر زاد وشَالْ القِيحْ
    الخَلانِي أنْقُزْ في الصَقيعة وأَصِيحْ
    يَاقُوتةَ البَدَوي الزَايدَة في التَرْجِيحْ

    ويقول الشاعر الشاب محمود محمدشريف
    يَا وَحَّاتِي ما تزَيدَنْ وَقلْبي كَفَاكَا
    قَلِيلْ سُرْعَتْك خَانَكْ طَعَنْ في قَفاكَا
    كُل ما حدَّثكْ عَاقِلْ ومَنُو نَهاكَا
    تَصْبِحْ زَيْرَضِيع من الصِِليحْ تِتْبَاكَا




    * المصدر موسوعة التوثيق الشامل .
                  

06-28-2013, 09:44 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    أما لفظة او مفردة (النوح) ويقال النويح وهو البكاء بجزع وعويل وصياح، والحمامة النائحة هي الحمامة الساجعة، وعندما تتجاوب الرياح ويشتد ريحها فهي متناوحة، والمرأة نائحة، والمناحة هي رثاء الميت يناح به عليه.

    الأمثلة كثيرة والنماذج متعددة في شعر الدوبيت الذي تبرز فيه النوح ككلمة آسرة ولفظة ساحرة تقرب معنى الأشواق للنفس وتعبر عن الوجد والتباريح تعبيراً صارخاً ومميزاً، وقد رأينا ان نجعل من بعض أشعار الشاعر المتقدم الكبير عبد الله ود حمد ودشوراني والشاعر المحدث المبدع الشاب سليمان عجيمي نماذج لتدلنا الى معاني الإبداع الذي تبسطه مفردة النوح وما تفرزه من شجن يتعمق به الوجد والغزل. يقول ودشوراني:

    بالَتا تَتَاتِي المَشْيه وتَمُوح مِتاكَيه
    حَاوية جمَال وذُوقوأنْدادَا مِنهَا شَاكيه
    سَمْحه الفِي السِّير بيهَا المَجَالسْ حَاكيه
    لَيْعليها قَلْباً نَاح وعيْناً بَاكيه

    وفي مربوعة أخرى يوضح لنا ود شوراني أسباب النوح والبكاء وكيف أنهما انتزعا منه حياءه وأسبلا من عيونه ماءها.
    الخَلانِي أنُوح واقِلي وحَياي مَمْزُوع
    لابْسه هَيْبة القَايد اللَّواء ومَتْبُوعْ
    فَرقُو سَقَانِي مُراً لَيْ غيري مُو مَجْروع
    أَبْكِي وَأَبكِّي وأَطَفِّي النِّار عليهو دِمُوع

    ثم يجيء سليمان العجيمي فيشجينا ببكائيات عشقة معبراً عنها بالنوح فيقول:
    جَافِيتْ العِمِيد لَيْلي ونَهارِ يخَتْمتُو
    ونَوْح الشَوقْ البِوَدِرْ في فُؤادِي كَتمْتُو
    عَاد يَا عَقْلِي كَان سِيد المَحَاسِنْ لُمْتُو
    بَعاتْبِكْ قَلْبِي لِيه ظَبْيَّ البَراري ظَلَمْتُو
    ويقول:
    يَا صَيْد الوَحشْ وَاويَلْي لو تنْسَانِي
    سَاعة الهَجْعة بَطْرَاك وَبضُوق نَيرَانِي
    مِنَّوحْ قَلْبِي والسَّهَرْ المِلازمُو أَزاني
    كيف اللِيم علىْ ظَبياً نَجعْ خلانِي

    إن اختيار الألفاظ المؤثرة من مفردات اللغة في شعر الدوبيت ساعدت على بقائه ممسكاً بأسباب الإبتداع الذاتي وساعدتنا على التعرف أكثر على شعرائنا أنفسهم فالمرء مخبوء تحت لسانه.

    لم يكن النواح والأحيح عند الشاعر الشعبي سوى إسقاطات فنية في أدب
    الدوبيت أتى بها عن طريق مقدرة بينة ليثير بها عند المتلقي كوامنه وينتزع من أعماق جوفه الأحاسيس الغائرة ويبرزها رطبة إلى السطح. والشاعر الشعبي رغم أنه لا يستمد بلاغته من علوم أدبية أكاديمية إلا أنه بصدق مشاعره وقوة حدسه ينجح في تصيد تلك المشاعر ويجعل المتلقي شريكه فيها، فهو يطلق طاقته الطبيعية الإيحائية أو المباشرة ذات الخواص الجمالية الفعالة في مخيلة المتلقي فيجعله في حالة من الشجن أو الطرب ويغريه بنوازع البحث والتطلع والتأمل بعد أن ينتزع إعجابه بقوة إبتكارية وإبتداع ذاتي خلاق، يغذيه دائما ذلك في ذلك التراكم الناجم عن ثقافته المحلية الهائلة ومخزونات الصور البيئية المحيطة المتفردة وتجاربه الشعورية الصادقة ولغته الخاصة، ولعل الإهتزازات التي تحدثها الكلمات من شاكلة النوح والأحيح أو ما يشتق منهما وغيرها من الكلمات التي يختارها الشاعر الشعبي بعفوية تفوق العناية تقرب المعاني وتفصح عن التصوير الشعري بشكل أخاذ، وللشاعر الشعبي في فنه القولي الكثير من الوسائل التي تمكنه من تسديد إستحقاقات الإبداع والبلاغة الأدبية تسديدا كاملا غير منقوص فيجبرنا بذلك على إنصافه واحترامه والإحتفاء به أكثر من غيره من محترفي فنون القول الأخرى، وقبل أن أخرج من حديقة الدوبيت المزدانة بأحرف وكلمات النواح والأحيح وغير ذلك من كلماته المؤثرة أقول أنه لابد أن نعض بالنواجذ على إرثنا الفني المتمثل في شعر الدوبيت الذي نظن أن ما يحمله من إبداع سيجعل راياته خفاقة أبدا وسيظل تليده وحاضره قائم فينا وفي وجداننا ما ظلت تلك الآرام ترعى في مسارحها، وما ظلت تلك الظعائن ترنو للبروق والصبيب، وما ظلت الأرض تنبت على أديمها الزرع ويسمق فيه الفرع، وما ظلت المودة تلف أفئدة المحبين وتغشى الرعشة قلوب العاشقين، وما ظلت النساء تنجب شعراء النم والدوباي شعراء النوح والإحيح.







    * المصدر موسوعة التوثيق الشامل .
                  

06-28-2013, 09:53 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مدارُ النُجومِ : رحلةُ عِشقٍ زمانيةٍ رواها الدوبيت
    أسعد الطيب العباسي

    كما عهدناه فإن شعر الدوبيت السوداني معين سوداني لا ينضب، بقدر ما هو إثراء وجداني وثراء عقلي عظيم، فقد سجل لنا الخبر والقصة والطرفة والحدث التاريخي وغير ذلك من المعارف، وكل ما اتصل بحياة البادية من معلومات، وكان حاضراً عندما شكلت ملاحظات البدو العميقة وتجاربهم المتوارثة الكثير من الدلالات التي أعانتهم على التعامل مع الطبيعة، سواء في إنتاجهم الاقتصادي من زراعة ورعي، أو في أمر أسفارهم وترحالهم وإقامتهم عندما جعلوا من النجوم دليلاً لاتجاهاتهم عبر المكان حينما يدلجون، واتخذوا من حركتها المدارية نظاماً لضبط الزمن، وذلك برصدها عند الظهور والتحول والاختفاء، وهو نظام لا يعرف الخطأ ولا يستبد به التبدل، فأضحت أشعار الدوبيت وثائق حضارية يلجأ إليها المتلقي عندما تعوزه المعرفة، ويستنجد بها الدارس عندما ينشد العلم، ويستفيد منها المتخصص في علوم الجغرافية والفلك.

    وارتبط علم النجوم كعلم تبادله الأعراب منذ عهودٍ بعيدة بالظواهر الطبيعية التي تحدث في مناحيهم كل عام، مثل هطول الأمطار وحركة الرياح وأنواعها واتجاهاتها، وبرودة الطقس وحرارته واعتداله، وقصر الليل وطوله من النهار، وتعاقب الفصول وكافة الظروف المناخية، وما يتصل بذلك من مواعيد الزرع والحصاد وتحديد المواقيت اليومية.

    وحدد العرب ثماني وعشرين (عِينةً) للسنة الميلادية البسيطة، كل عِينة تمتد لثلاثة عشر يوماً عدا عينة (الجبهة) التي تستمر لأربعة عشر يوماً، وقسمت هذه العين على فصول السنة الأربعة، لكل فصل سبع عِين، وكل عِينة ترتبط بنجم معين يظهر في اتجاه معين من السماء وتتابع هذه النجوم بانتظام دقيق من الشرق إلى الغرب، ويدل ظهور كل منها على هذا النحو على بداية فترة العِينة المحددة، وكل فترة من فترات هذه العِين تحمل ملامح مناخية خاصة. وينتقل القمر في كل يوم ليرافق إحدى هذه النجوم الثمانية والعشرين كما يبدو للناظر أو الراصد، لذا عرفت هذه النجوم بمنازل القمر.

    والعِينة في الاصل العامي تعني منازل نزول الأمطار وفيضان النيل وهي (الضراع) و(النترة) و(الطرفة) و(الجبهة) و(الخيرصان) و(الصرفة) و(العِواء). وقد تعني العِينة السحابة الممطرة والمطر والبرق الذي يسبق المطر، وتطلق العينة كذلك على منازل الشتاء والربيع والصيف، وعين الشتاء هي(السِماك) و(الغفر) و(الزبنان) و(الإكليل) و(القلب) و (الشولة) و(النعايم). وعين الربيع هي(البُلدة) و(سعد ذابح) و(سعد السعود) و(سعد الأخبياء) و(سعد بُلع) و(الفرق المقدم) و(الفرق المؤخر). وعِين الصيف هي(الحوت) و(النطح) و(البِطين) و(التِريا) و(الدبران) و(الهكعة) و(النكعة).




    * المصدر موسوعة التوثيق الشامل .
                  

06-28-2013, 10:30 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    يجدر بنا أن نشير وقد أوضحنا عين كل فصل إلى ثلاثة أمور:
    أولها ما لاحظناه من ترتيب غير صحيح لبعض العِين والتسمية الخاطئة لعِينة (القلب)، وذلك في ما ورد في بعض المصادر الأدبية، إذ وجدنا بقاموس اللهجة العامية في السودان أن عِينة (الضراع) وضعها المؤلف كآخر عينة من عين الصيف تارة ووضعها كأول عينة من عين الخريف تارة أخرى، وأشار إلى أن (الغفر) هو ثالث منازل الشتاء وكذلك أشار إلى (الزبنان) أيضاً كثالث منازل الشتاء ولا يخفى ما في ذلك من تعارض كما وجدنا في كتاب (الشعر القومي في السودان) للأستاذ الكتور عزالدين إسماعيل وفي كتاب (فن المسدار) للأستاذ الدكتور سيد حامد حريز أن أول عِينة من عِين الشتاء هي (عريج) وقد بدت لي هذه التسمية غير دقيقة وإن ثبت تداولها، وعندي أن التسمية الصحيحة هي (القلب) ويقال لها ايضاً قلب العقرب حيث أن (عريج) نجمة تظهر في آخر منازل الخريف وهي ليست من منازل القمر، هذا فضلاً عن الترتيب الخاطئ لبعض العِين التي وردت في المؤلفين المذكورين عندما جاء (الإكليل) محل (القلب) واحتل (القلب) مكان (الغفر) وجاء (الغفر) في موضع (الزبنان).

    الأمر الثاني يتعلق بعِين الربيع، فالمعروف أن المناخ السوداني لا يعرف فصل الربيع، غير أن ما ورد من تقسيم وبموجبه تم تخصيص سبع عِينٍ للربيع، ما هو إلا تقسيم وفد إلينا وتوارثناه بعد أن نشأ في عصر النهضة الإسلامية، و قد اعتمدناه وكرسناه لدواعي التوازي والحساب الرياضي، وإن رأينا إشارات للربيع في الدوبيت السوداني.

    والأمر الثالث هو أن تداخل الفصول وما أصاب المناخ عالمياً من تغيير بما في ذلك المنظومة المناخية السودانية التي لا يمكن ضبطها بدقة حسابية لتشمل مساحة السودان الشاسعة التي تبدو كالقارة، جعل من أمر تحديد العِين لكل فصل من الفصول غاية عسيرة المنال، خاصة في بداية ونهاية كل فصل.
    ولا يفوتنا في ذلك أن نضع في اعتبارنا ما يسمى بـ (سبعات الدرت) وهي أيام تفصل بين فصل الخريف والشتاء مستغرقة بذلك فترة ثلاثة عِين تالية. رأينا حسماً للتعقيد الذي رافق تقسيم أو تصنيف العين الثمانِي والعشرين على مدار الفصول الأربعة، على النحو الذي لمسناه أن نعتمد التقويم الميلادي في حساب كل عينة، فتسهل بذلك معرفة مواضع العين من الفصول بشكل أكثر دقة، وذلك مما رجحناه من تقويم ومما استحسناه من ترتيب يتلاحق إبتداءً من عين الخريف السبع، احتراماً لهذا الفصل الذي له وقع خاص في نفوس البدويين ويعتبرونه ملك الفصول، على أنه لا بد لنا أن نبرز رأي الدكتور عون الشريف قاسم الذي رأى أن عِين الخريف استهلالاً بعينة الضراع تبدأ في الثاني عشر من شهر يوليو، وهذا يخالف ما اعتمدناه من تقويم، حيث رأينا أن عينة الضراع تبدأ في التاسع من يوليو، وهو تقويم اقتنعنا بدقته عبر مصادر محلية مختلفة، وهذا لا يعني أن نطرح التقويم الذي إرتآه أستاذنا وأستاذ الأجيال الدكتور عون أو نقطع بصحة تقويمنا، خاصة أن فرق ثلاثة أيام بين التقويمين غير ذي أثر في حساب الفصول. ولعل هنالك من سيأتي ليرجح بين التقويمين أو أن يثبت صحة تقويم آخر بانتهاج وسائل علمية أدق ليست متاحة لنا في خضم اهتمامنا بالبحث في مجال الأدب الشعبي.












    * المصدر موسوعة التوثيق الشامل .
                  

06-28-2013, 10:34 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ظلت النجوم والكواكب بألقها المستمر ومداراتها اللا نهائية مصدر إلهام كبير لشعراء الدوبيت، وألقت بظلال كثيفة من الجمال على أشعارهم، ولما كان شاعر الدوبيت لصيقاً بمجتمعه وبيئته وقد امتلك رؤىً فنية وأخيلة بديعة، تمكن من خلالها أن يسافر عبر الزمن وأن يرتحل على مدارات النجوم وتلمس طريقه بمعالم أوجدتها العين ومواقيتها وهو يحمل عشقه وأشواقه وذكرياته. وهي ليست رحلة خرافية لأن حقيقتها المادية تبرز في ما يلحق بروح الشاعر العاشقة والمحبة من آثار تنجم دوماً عن ما يخلفه تعاقب العِين ومواقيتها على بيئته وعلى الطبيعة من حوله، وعندما يرصد النجوم يذكره ذلك بالأحداث العاطفية التي حدثت في أوقات مماثلة، فيسلمه ذلك إلى ذكرى أيام الوصال فتنبعث في روحه شذى الأيام وأريج العشق، فتثور انفعالاته وتسلك الرحلة الزمانية في شعاب نفسه وذرات كيانه، وتتفتق قريحته عن أشعار العشق والشوق والهيام والذكريات، فأية ذكرى ملتهبة وجميلة تلك التي يجددها ذلك الميقات الليلي المتأخر في نفس شاعرنا الرائد الحاردلو، عندما انحدرت مجموعة كواكب الخيول خلف مجموعة النعام.

    البَارِح أنا وقصـبةْ مَـدالقِ السيلْ
    في ونسة وبسِط لامِن قسمنا الليلْ
    وكتين النِعـام إشقلبنبُو الخيــلْ
    لا جادتْ ولا بِخـلَتْ علي بلحيـلْ

    وقد ترتبط أشعار العشق في رحلة الزمان بكافة العِين التي تستغرق عاماً كاملاً كما تناهى إلينا في مسدار النجوم لشاعرنا المبدع عبد الله ود حمد ود شوراني الذي انتظمت مربعاته لتشمل العِين الثماني والعشرين، أو في مسدار شاعرنا الطيب مصطفى الذي شمل كافة العين عدا عينة القلب، أو كمسدار الشاعر أحمد محمد دفع الله الزمزمي الذي شمل أيضاً كافة العين.

    وكان الشاعر منهم يذرف دمعة عندما تذكره عِينه بفراق محبوبته، ويطلق زفرة عندما تذكره أخرى بوصالها، ويفتر ثغره عن بسمة عندما تذكره ثالثة بعذوبة صوتها وألق عينيها، ويسعد عندما تذكره رابعة بجمالها وحسنها. وقد ترتبط أشعار الدوبيت بعِينة معينة أو أكثر لما تثيره هذه العينة أو تلك العِين المحددة في نفسه من ذكريات أو أشجان. وقد اتَّخذ الكثير من الشعراء العين محلاً لتشبيهاتهم في أغراض شعرية أخرى. ومن ذلك ما قاله شاعر الدوبيت الواعد سليمان على عجيمي ذو الواحد والعشرين ربيعاً، يقول وقد كان سجيناً:

    في لحظة هُيام مزوزا جاتني حزينَه
    زَي برقاً مِحَرْقِصْ في سِماك العِينَه
    قالت لي متين تمرُق تضوق تنعيما
    الخدو ساده وسـر جمالها جبيـنا


















    * المصدر موسوعة التوثيق الشامل .
                  

06-28-2013, 10:37 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ولا ينفك شعراء الدوبيت يصفون ما يصاحب هذه العِين من ظواهر طبيعية. وسنرى الآن كيف أن شاعرنا ود شوراني أخبرنا بقصر النهار وطول الليل الذي يصاحب عينة أو نجم النطح الذي تشتد فيه الحرارة غير أنَّه لم ينس محبوبته. يقول:

    غاب نجم النطح والحر علينا أشتدَّ
    ضَيقَّنا وقصر ليلو ونهـارو امتـدَّ
    نظرة المـنو للقانون بقيت اتحدَّى
    فتحت عندي منطقة الغُـنا اللنسدَّ

    وعلى ذات النهج يقول ود شوراني وهو يتحدث عن عِينة الغفر:

    دخل نفس الغفر سارق نسيم وهبيِّبْ
    جاي يعـور الجرح القبيل مو طيـِّبْ
    لجَّت عيني حار بيا الدليل يا مصيِّبْ
    من اللدعج الفوق ريدو أصحى وأغيِّبْ

    وعندما واتاه نجم البُلدة وهو يحمل له برداً ذكره بحبيب نأي فقال:

    بعد رُقـنا وعِقلنا ونمنا واستهديـنـا
    عُقُب البُلده فكّت زيـف صِقُوتا علينا
    الليـله البتشفي سقمنا ويـنا وويـنا
    جدية صي ومهرة نيم ولبخ وجـنينه

    وعندما ترسمنا خطى مسدار الشاعر الطيب مصطفى وجدنا فيه ما وجدناه من النهج الذي سار عليه شاعرنا عبد الله حمد ود شوراني، ورأينا فيه ذات الأسلوب البنائي، بيد أن لكل شاعر منهما طريقته الخاصة وذائقته المختلفة. يقول الشاعر الطيب مصطفى وهو يتحدث عن عِينة الزبنان:

    الزبنان دخل من العصُر بي نسيـمو
    ذكرني البيضوي الضَّلمه بي تبسيمو
    يا مولاي علَي النوم كِتِر تقسيـمـو
    هذا ما راد الله والأمـر ترسيمو

    وفي مربع آخر جمع فيه الشاعر الطيب عِيَن الصِرفة والعِواء والسِماك يقول وقد عانى من الهجر:

    الليله السرِف غَرَّقو العِواء بِى صَبِيِبْ
    عندك في السِماك معشوق عليلو بِطيبْ
    يـا ريـح الجُنب ما شفتيَّ ليَّ حَبيـبْ
    رَبِّ هَجَرَتْنِي والهجر انكتب ليَّ صَعِيب ْ





















    * المصدر موسوعة التوثيق الشامل .
                  

06-28-2013, 10:43 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ولم يختلف الشاعر أحمد محمد دفع الله الزمزمي عن سابقيه، وهو يرتحل عبر الزمن في مسداره الذي امتطى فيه ابتداءً صهوة نجم الحوت ليحط منه من بعد على صهوةٍ إثر صهوة. والزمزمي الذي ولد شمالاً بالجزيرة المروية، وهاجر غرباً إلى كردفان حيث ديار الكبابيش إستطاع أن يودع في لغته الشعرية جمال المفردة والتراكيب البطانية وخاللها بالذائقة الكباشية والمفردة الكردفانية، فخرجت أشعاره مزيجاً خاصاً وبديعاً. عندما أوصلته الرحلة الزمانية إلى نجم الدبران والذي يعرف بأب ريَّا قال:

    دَاكْ أبْ رَيَّا حَارعَصْرُو ومَطَرْتُو فَرِيدَه
    إنْحَرَقْ القَلِبْ والعَينْ جَفَاهَا غَمِيدَا
    سِتْ السَابِلْ القَطَعْ المَعَالِقْ رَيدَا
    مولايا بَرِّدْ حَرَّها نَارُو جوَّه شَدِيدَه

    وعندما وصل إلى نجم النترة قال:

    نجـم النَتْرَّه طلق زيفو وسحابو اللَّمَّه
    العين ساهره ديمـه والكـبد مِنْسَمَّه
    سيد أُم قُجَّه مـن درب الوكر ما هَمَّه
    خلف الساق على ضهر المِزَاوِلْ ونمَّ

    وعند الطرفة قال وقد تأثر بالفراق: -

    نَجم الطَرْفَّه جَـاب زِيفُو وطَلَـقْ عَجَّاتُـو
    فَرّوا اهل الحصاد والمعشوق بِزِيدْ حَسْرَاتُو
    ويـن أهـل المعاني الشَيَّل بَدُوهِنْ وفَاتُـو
    خَـلُّو العَـين تَـلِجْ والقلِبْ طَبَقْ عَبَرَاتُـو

    غير أن البرد الذي رافق نجم الشولة قد أسقم كبده بالعشق المقيم، وأجج نار أشواقه لحبيبة دونها حُرَّاسٌ وحُرَّاسْ، فقال:

    نجم الشوله صَبَّ صقيعو جاب الفُـوفْ
    بَرَّدُو النَزِيلْ مـا بدفِّي مِنُو الصُـوفْ
    الخـلاَّني مَرضـان و الكَـبِد مَلهوفْ
    شتل الحاكم الواقفين عساكرو صُفوفْ

    وهاهو سعد السعود بنسيمه العليل ينكئ الجراح فتنهض آلام الفراق المُر فيقول:

    سعـد السـعود طلَّق علينا نسيـمُو
    طرَّاني الفَرْقُو نيران والجنان في لِيمُو
    لمعان البروق ماخُوده مِن تَبْسِيـمُو
    محروق أم رَشَومْ يا ربي أفرِّج ضيمو

    ولعلنا الآن نكون قد رأينا كيف تتحقق الرحلة في الزمان، ولمسنا المنهج والأسلوب والشكل الذي عبر عن هذه الرحلة الزمانية المنسحبة إلى دواخل لشاعر الدوبيت ووجدانه.














    * المصدر موسوعة التوثيق الشامل .
                  

06-28-2013, 10:54 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ماءُ المآقي في قوافي العَاشقين

    أسعد الطيب العباسي


    عُنيت العربية بالكلام المقفى منذ أقدم عصورها وهي ميزة إتخذتها لنفسها كأداة تفوقت بها على غيرها من اللغات السامية التي لم نعرف لغة منها كان فيها للقافية ما كان لها في العربية وليس أدل على هذا مما حفلت به لغة التنزيل من أفانين السجع والمزاوجة أو سفر العرب الذي حفل بأمتع الفنون القولية الموشاة برنين الوزن ونغم القافية، وهذا التفوق جعل في نصوصها مسالك تلج بسهولة ويسر وإمتاع الى أتون الذاكرة ومناحي الوجدان خاصة فيما يتعلق بضروب القافية الدامعة ووصف العاطفة الملتهبة وهو شأن يبرز بجلاء في شعر العاشقين فعندما تأخذهم تباريح الهوى كل مأخذ ويصيرون نهباً لآلام الفراق تتناوح عنادل شعرهم بألحان الفراق الأليم وتسِح جفونهم بماء الدمع السخين ومن الصور الرائقة التي تلح علينا بإيرادها هنا في معنى الفراق وسطوته الأليمة قافية ذلك العاشق القديم التي جاءت مُختالة في حُللٍ من حُسن الصوغ وجمال الصنع وقوة التأثير يقول:

    ولما تنـــادت للرحيــل جمالنا
    وجدَّ بنا سيرٌ وفاضت مدامـعُ
    تبدت لنا مذعورة مـن خبائــهـا
    وناظِرها باللؤلؤ الرطب دامـعُ
    أشارت بأطـراف البنان وودعــت
    وأومت بعينها متى أنت راجعُ
    فقلت لها الله ما من مسافرٍ يسيرُ
    ويدري مـا بـه اللهُ صانــعُ
    فشالت نقاب الحسن من فوق وجهها
    فسالت من الطرف الكحيل مدامعُ
    وقالت إلهي كـن عليه خليفــةً
    ويارب ما خابــت لديك الودائعُ

    المتأمل لهذه الصورة يدرك أن ما فيها من الصمت هو شلال من الإيحاء إذ حوت حواراً صامتاً جاء كمناجاة بين روحين في مواطن الوجد والجمال وعلى صمتها ترن موسيقاها الحزينة وإيقاعها الملتاع وهو معنى وقع عليه أيضاً الشاعر عمر بن ابي ربيعة في بيتيه القائلين:

    ومما شجاني أنها حين ودعــت
    تولت ودمعُ العينِ في الطرف خائرُ
    فلمـــا أعادت من بعيد بنظرةٍ
    إلىَّ التفاتـــا أسلمتـه المحاجرُ

    هذا التصوير الرائع الذي أشجانا به عمر بن ابي ربيعة هو من الفنون التي أجاد العزف على قيثارها والضرب على أوتارها ولا غرو في ذلك إذ إنه أحد الأفذاذ الذين صعدوا بفنهم الأدبي إلى ذُرى المجد وتسلقوا بعبقريتهم الشعرية على معارج الشهرة والعظمة والخلود.

    وللفراق لوعة أخرى أكثر غوراً عند أهل العشق والصبابة إن كان الفراق أبدياً فدمعة العشق الحرَّى التي ذرفها الشاعر العباسي (ديك الجن الحمصي) الذي عشق جاريته (ورد) حد الوله فخانته فقتلها وظلت تلك الدمعة تنساب من على عينيه وتنسال على محاجره مدى حياته ضارباً صفحاً عن أسباب الصبر ووسائل السلوان في محاولة في واقعها لن تجدي شروي نقير أو مثقال قطمير فنسج موسيقاه الحزينة عندما حكى قصة مأساته من فتائل الأسى والأسف على شاطيء اللوعة البالغة بقافية دامية تتقطع معها نياط القلوب وترج الوجدان رجاً إنه عاشق أفناه برج النوى وأضناه الفراق الأبدي.. يقول:

    يا طلعة طلع الحِمَام عليهـا
    وجنى لها ثمر الردى بيديهـا
    رويتُ من دمها الثرى ولطالما
    روى الهوى شفتيَّ من شفتيها
    حكمت سيفي في مجال خناقها
    ومدامعي تجري على خديـها
    فوحق نعليها وما وطيء الحصى
    شيء أعـز علىَّ مـن نعليـها
    ما كان قتليهـا لأني لم أكـن
    أخشى إذا سقط الغبارُ عليـها
    لكن صننتُ على العيون بحسنها
    وأنفت من نظر الحسـود إليها

    ليس ألم الفراق وحده عند العاشقين ما يجعل أعينهم تجود فعصف الذكرى يردهم إلى المورد نفسه ويسلمهم إلى دموع سابلة وقواف حزينة ولنرى ذلك في قول عاشق آخر يقول:

    وبدا له من بعد ما إندمل الهوى برق تألق موهناً لمعانه
    يبدو كحاشية الرداء ودونه صعب الذرا متمنع أركانه
    وبدا لينظر كيف لاح فلم يطق نظراً إليه وصده أشجانه
    فالنار ما اشتملت عليه ضلوعه والماء ماسحت به أجفانه












    * المصدر موسوعة التوثيق الشامل .
                  

06-28-2013, 11:00 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    وهذا للناظر إنعكاسة لما يعتلج بين الجوانح أو ما يشب بين الضلوع من أوار شمله اسلوب يميس في برود الإبداع والجمال وإن إمتزجت خيوطه بأصباغ حالكة السواد.. فالعشق وماء المآقي في قوافي العاشقين اهون المصارع التي تكمن وراء الشوق والذكرى وهذا ما حمل شاعرنا شمس الدين محمد التلمساني الملقب بالشاعر الظريف الى مخاطبة رفيقه المحب الباكي والعاشق الكتوم بقوله:

    لاتُخف ما فعلت بك الأشواق
    واشرح هواك فكلــنا عُشاقُ
    قد كان يخفي الحب لولا دمعك
    الجاري ولولا قلبك الخفــاقُ
    لا تجزعن فلــست أول مغرم
    فتكـت به الوجنات والأحداقُ
    فسوف يعينك من شكوت له
    الهوى في حمله فالعاشقون رفاقُ
    واصبر على هجر الحبيب فربما
    عاد الوصال وللهـوى أخلاقُ

    إن بث الشكاة للرفقة الأنيسة تخفف من ربقة الهوى ووطأة ذكراه وإلحاح أشواقه، وقد جنح كثير من شعراء العشق عندما تمازجهم هذه الآلام وتعاقرهم المنى إلى مخاطبة الرفيق مهما بدا وكيف كان كما فعل الطغراتي الحسين بن محمد الأصبهاني الذي ارتفع بنا إلى آفاق من الشجو الجميل وهو يخاطب حمامة نائحة فقال:

    أيكية صدحت شجواً على فننٍ فأشعلت ما خبا من نار أشجاني
    ناحت وما فقدت إنساً ولا فجعت فذكرتني أوطاري وأوطاني
    طليقة من إسار الهم ناعمة أضحت تجدد وجد الموثق العاني
    تشبهت بي في وجد وفي طرب هيهات ما نحن في الحالين سيان
    ما في حشاها ولا في جفنها أثر من نار قلبي ولا من ماء أجفاني

    وعندما يشتف الحب مشاشة العاشقين وتورق شجرة الوعد عن ثمر لا يسلم من جوانح الزمن تتفجر أعينهم بالدمع وتهطل من المحاجر تهنانها كما تبرز ذلك صورة بن زريق البغدادي الشاعر العباسي المعروف الذي يقول:

    استودع الله في بغداد لي قمرٌ
    بالكرخ من فلك الأزرار مطلعهُ
    ودعته وبودي لو يودعني
    صفو الحياة وأني لا أودعهُ
    وكم تشفع بي أن لا أفارقهُ
    وللضرورات حال لا تشفعهُ
    وكم تشبث بي يوم الرحيل ضحى
    وأدمـعي مسـتهــلات وأدمعـهُ

    فأماني الوصال المتعثرة تدر الدمع أيضاً عند الشعراء العاشقين ومنهم الشاعر النابه والناظم الساحر والناغم المؤثر بشار بن برد الذي اكتوى بحب عبيده التي قال عنها:

    نظرت فأقصدت الفؤاد بلحظها
    ثم إنثنت عنه فظل يهيمُ
    ويلاه إن نظرت وإن هي أعرضت
    وقع السهام ونزعهن أليمُ
    وفي وصله المتعثر قال:
    أبيت وعيني بالدموع رهينة
    وأصبح صبّاً والفؤاد كئيبُ
    ألا ليت شعري هل أزورك مرة
    وليس علينا يا عُبــيدُ رقيـبُ

    ومن صور الشعر الحديثة في معنى العشق المعبر عنه بالقوافي الدامعة ما قال به في انشودة مطره الشاعر العراقي المحدث بدر شاكر السياب في معنى لا يخلو من الطرافة يقول:

    أتعلمين أي حُزن يبعث المطر
    وكيف تنشج المزاريب إذا انهمر
    وكيف يشعر الوحيد فيه بالضياع
    بلا إنتهاء كالدم المراق كالجياع
    كالحب كالأطفال كالموتى هو المطر
    مطر مطر مطر
    ومقلتك تطل مع المطر
    مطر مطر مطر
    وكم ذرفنا ليلة الرحيل من دموع
    ثم إعتللنا خوف أن نلام بالمـطر

    وفي زهر الكلمات قصيدة شاعرنا الذي يحلو لي أن أقول إنه سوداني محمد مفتاح الفيتوري يقول في قافيته عن دموعه:

    لم أجد غير نافذة في سمائك مبتلة بدموعي
    فألصقت عيني فوق الزجاج لعلي أراك
    لعلك تبصرني وأنا هائم مثل سرب من الطير
    منهمك في مداك...

    هذا ما كان من شأن النماذج التي ألحت علينا واجتذبناها من فصيحتنا وهو شأن له مقابلة في الشعر القومي السوداني (الدوبيت) لايقل تاثيراً وأثراً عن ذلك الذي اوردناه من العربية الفصيحة وقد ذكرنا في غير ذات مرة ما اشار إليه استاذنا الدكتور عز الدين اسماعيل بأن فن الدوبيت تتوافر له كل مقومات الشعر العربي الفصيح من وزن وتقفية وأخيلة وتركيز للمشاعر والمعاني وشكل بناني علم محدد, والإختلاف الوحيد الذي يختلف به الدوبيت عن الشعر الفصيح هو اختلاف شكلي محض وهو أن لغة الدوبيت لغة غير مُعْرَبة, وفي هذا السياق أرجو أن ننتبه إلى الفرق بين اللغة غير المُعْرَبة واللغة اليومية أو السوقية, فلغة الدوبيت وإن تكن غير مُعْرَبة ما تزال لغة شعرية من الطراز الأول, بل أكثر من هذا يمكننا أن نقرر بكل اطمئنان أن مفردات الدوبيت في معظمها فصيحة بل عريقة في هذه الفصاحة, وأن ما يبدو منها غريباً علينا لايعدو أن يكون لهجة من اللهجات العربية القديمة. ومعنى كل هذا أن الدوبيت فن شعري ناضج, ولا يمكن أن يعد مادة فولكلورية لمجرد خلوه من الإعراب أو استخدام الشاعر فيه بعض المفردات بلهجتها العربية القديمة, وهذه الأسباب نفسها التي نفينا بها أن يكون الدوبيت مادة فولكلورية تؤكد لنا من جهة أخرى أن هذا الفن الشعري فن قولي له أصوله ومقوماته التي لا تختلف كثيراً عن الشعر العربي الفصيح ولكن الحقيقة التي لا يمكن انكارها كذلك هي أن هذا الفن يتمتع في السودان -بواديه وحواضره- بشِعبيه لا يتمتع بها الشعر الفصيح بل لعلنا لانغلو في القول حين نذهب إلى أن الأغلبية - بما في ذلك المدنيون والمتعلمون - ينفعلون بهذا الفن الشعري أكثر من إنفعالهم بالشعر الفصيح . إذن فالقومي لقادر على النهوض بذات المعاني التي ينهض بها الشعر الفصيح وأن الشاعر القومي لجدير بأن يعبر ذات التعبير الذي يفصح عنه الشاعر الفصيح كما يتراءى لنا في هذه المقاربة حيث سنسلك الآن في نماذج شعرية قومية بها ما بها من ماء المآقي المندلق على قوافي العاشقين ونبدأ بقول الشاعر الكبير عبد الله حمد ود شوراني الذي وصف معشوقته وهي تخطو في تثنٍ ومياسةٍ كغصن بانٍ يتأود وقد حفها الجمال وملأ كل جوانبها حتي حسدنها الحسان وسارت بسيرتها الركبان فناح قلب الشاعر وبكت عينه وذرفت الدموع وقال:
    بالتاء تتاتي في المشيـه وتموح متاكـيه
    حاويه جمال وذوق واندادا منها شاكيه
    سمحه الفي السير بيها المجالـس حاكيه
    لي عليها قلباً نــاح وعينـاً باكـيه

    وفي مربوعة أخرى يوضح لنا ذات الشاعر أسباب البكاء وانسياب الدموع من مآقيه العاشقة ويقول:

    الخلاني انوح واقــلي وحياي ممزوع
    لابسه هيبه القــايد اللوا ومتبـوع
    فرقو سقاني مراً لي غيري مو مجـروع
    ابكي وابكِّي واطفّي النار عليهو دموع

    كما وقعنا على مربع شعري لشاعرنا الفذ أحمد عوض الكريم أبو سن وفيه رأينا كيف أن مآقي العاشقين الباكية تحمل في أحداقها دموعاً كالحصى لمعشوقةٍ جميلة الخد والقد رائعة العينين والشعر. يقول:

    الحويتو رب الناس و ابـن قُصَيْ
    سهران منو رايغ في موايقي حُصَيْ
    خدو وسيم وديسو معمعِم النُّصًّيْ
    قوامو قوام جَنيَبَه وعينو ظبية صَيْ

    وهاهو شاعرنا الصوفي العاشق محمد شريف العباسي يعبر تعبيراً رائعاً عن ماء المآقي في عيون العاشقين ويقول:

    القــفْ الظليطـــو مقرَّن
    جَنو الليله مُتباريات تُعولا خرَّن
    الودّعنا بالعَبره ام عيــوناً درَّنْ
    طلقْ في جوفي وَجَاجْ السمايمَ الحرّنْ

    وشعراء الوجدان في الدوبيت السوداني يغرقوننا في لجة أشجانهم ودموعهم, يقول الشاعر الشكري :

    قلّت المُقَل من السُهاد اتكَفَّنْ
    عُقبان يالقلب رنَّات نغيمك هفَّنْ
    علي بُرَّيبة الدعكن قصيره وقفَّنْ
    الشوق حدُّو فاتو والدموع اتصفّنْ

    ويقول آخر كأنما وقع على مجاراة سابقه:

    القلب زادو لمّاع البروق الرفََّنْ
    وحرَّك ساكن الأشواق بعد ما ركَّنْ
    يا لتيبة الوخري السحابو مدفَّنْ
    عليك النوح مطوِّل والدموع ما جفَّنْ

    وأخيراً نقول إن القوافي الباكية تجدد رؤاها على الألسن العاشقة القديمة والجديدة لأن الهوى في كلِ قلبٍ نَابِضٍ قدَرُ الإنسانِ مُذْ كان الأزَلْ.















    * المصدر موسوعة التوثيق الشامل .
                  

06-28-2013, 11:09 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ا ناس فراق الحبيبة صعب تب مو كدي


    خَليتي البـــــلدْ حُـوتاً نِشـِفْ مِن مَـاهُو

    وفَرِيقِكْ كَلُو الشُومْ حَطَمـــُو واعـمَاهُو

    سَهْــرَاجةْ العُضَامْ زولِك بِقَـتْ سَامَاهُو

    يَحَمِيكْ رَبي بيْ لُطْفُو الجميلْ وحِماهُو

    الـليـلـه البـلـدْ عِـكِـرْ بـَـعـدْ مُـو رايقْ

    وقــام مِنـو الجـميـل ابْ قَــواماً لايقْ

    خَلـيـتـيـلـنـَا يَا القَـدَّالـه سَهَـر المَايقْ

    وِِداعةَ الله مِنْ عينْ الحسُود والعايقْ

    بَعَدْ ما يْسافِر البى وجودو نايره الساحَه

    كيف يا احمد عُقُبْ حالْ المنام والـراحَه

    بَـعَــدْ مــا كُــنــا طـربانين تَمَلي فـراحى

    عَانْ هَا الصدمه والكَبِد المَدَمَى جِراحا

    أبوك صِنْديدْ رَفيق أَنْدَادُو يـَومْ الدَيَّه

    ونارِكْ دِيمَه في قلوب المُحِبين حيَّه

    الخلاني دون النــاسْ مَنَامي شويَّه

    يا الـقـدَّاله فيكي مـَحَكَّمَـه القـادريَّه


    إِلْـزَمـْنَا الفـُرَاشْ والنـاسْ تجي تْعَزِينَا

    وقَـامَـتْ مـِـنـَنَا امْ رُوبَه وبِيوتا حَزِينه

    شُـوف عَـدَم التَفَـكُرْ رَبَّى فِـينـَا غَـبِينَه

    وَينْ يَا صَاحبي رَخْرُوخَاً قَلِدتُو حَنِينَه

    الـليـلْ بـوبـا واتـخـافـضْ نـُواح السُقْدَّه

    وحـبـلَ الـريده رابِـط في الحناجـِر عُقدَّه

    صَـقـْرَاً فـي الـقـلِب كـُلْ حِينْ بِياخُدْ نَقْدَّه

    إسمو الشوقْ وما بخَليكْ تَضُوقلَكْ رَقْدَّه

    تب ما بتضوق الرقدة
                  

06-28-2013, 11:49 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    عا########ي البنية والشى المولع جمرى
    جاهلة وديعة لسع ماوعت بى أمرى
    حيرت الفكر شالت سنينى و عمرى
    وفى الاخر بقيت أقوقى زى القمرى

    نوارة فريقنا فى جيلا واحدة فريدة
    أحى منها ووبين على من جيدا
    مضمورة خصر يانى أبتليت بى ريدا
    شركت وفترت ياناس غلبنى أصيدا

    ممشوقة قوام تقدل تقول وزينة
    عارفة جمالا علة وفى القلب مازينا
    تضحك مننا وكتين تجى تحازينا
    نتكبكب عديل والنار تولع فينا

    مفدع صدروا طامح تشوفو تقع قبالو
    مضمر خصرواجامح يشدك بى جمالو
    وان أداك نظرة ونشن فيك نبالو
    يبقى الموت غشاك وباقى العمر شالو

    مرة حلمبتبو راقد معاى حاوينى
    فارد سبايبو وبى الشعر غاطينى
    نفاسو الحرق فشفاشى طلع عينى
    لهلب جلدى حبو وفى القلب شاوينى

    فى عن مشيو شايف صديرو أتخج
    ضامر خصرو من شيل النهيد أحتج
    باغة عسل فى خشيمو حاجبو أزج
    يتاكى ويميل بى عندى لامن وج



    * الكلمة التي تم حجبها هي ( ع ا ج ب ا ن ي )

    (عدل بواسطة أمير محمد ادريس on 06-28-2013, 11:51 AM)
    (عدل بواسطة أمير محمد ادريس on 06-28-2013, 11:57 AM)

                  

06-28-2013, 03:50 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    (1)
    نومي الليلة يا أبو جنح إشارات عدمو
    أمسو ربيطة عُربان أم خدود الهدمو

    ماخد البلجة حالي الفِطرة مبتور قدمو

    جاهلاً سدرو بي عقود الفلايت ردمو

    (2)

    قلبي الكان تايب وخاشعاً متـطوِّع
    أمسى الليلة دافر مركبو ومــتنوع

    الخلاني فاقد الفوق وسادتو مكوِّع

    تاتاي الفلو وقدم الحمام مـــا ببوِّع

    (3)
    يا بدوي البنوح عدد الليالي مـــــــــــريضو

    أسمع من جنا الصيد والصهل عنــــــد سيدو

    عاشق البي الحبوب الغالية مرصوص جيدو

    دهبو اللابسو ما خلا َّلو فجة يزيـــــــــــــــدو

    (4)

    أنا يا أب (تِلة) ساجعة العشا البتقوقــــــــي

    قـُتلها أكـُرسي نومي وضِيفي سهرك فوقي

    من بُريّب وأريل وأب طعم معشوقــــــــي
    صديت تاني لي مضغ الغـُنا وحيروقـــــي


    (5)

    شبه الفوق كرايد الريل عِلن شارفات

    شفتو الليلة في العند الظهور عاطفات

    السادة المسرَّح شال قلوبنا وفــــــــات

    أب توباً منوَّع زولو أضمن مـــــــــات

    6)

    بين الحلة والخلوة وبنٍيْة الشيخ

    شاهد ظبية الرَّدن مالق الفــيخ

    الهسرروا نحيِّر كبده مو ردِّيخ
    الحركة القليلة تجبلها المـــليـَِّخ

    (7)
    تيلاد الولي الفاز بالكرم تاريخـــــــــــو

    غفـَّرني النجم ظاهرو وخفـّي ومــريخو

    منها قام بنا البي البوهية مضروب سيخو

    عندها شارد الكيعان بخيل تنويخـــــــــو

    (8)

    جاهل ظرفي لكن برضي عارف ظرفو

    وقلبي وقلبو ما بين الحصل يعترفـــــــو

    ريدي أنا ليهو لو دَرَسو وقراهو وعرفو

    زي شيك البنوك في أي لحظة يصـُرفـو

    (9)

    الريد إن كِتر لا بد يضيِّع سيــــــــدو

    وإن نصحوه ما اظن النصيحة تفيدو

    الزول التريدو لو سالَمَك بي إيــــــدو
    تبقى شربت من لبن الحليب مــو نيدو


    (10)


    ديسك ريش نعام كاجا الجفل بي شروقــو

    ووجهك خدو ما اسمح جرت الموس فـوقو

    ريقك جرعة العسل البيشرق ضوقــــــــــو
    بهدلتيني مختار الله في مخلوقــــــــــــــــــو

    (11)

    جاهلاً همو ظروفو وما عرفت قــــــبايلو

    لافح قرمصيص لابس تياب النــــــــايلو

    شفتو الديسو لاعند الفنايد طــــــــــــايلو

    بكرو يحن ومطرو تصب ومادّة رحايلو
                  

06-29-2013, 09:01 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    شعر الدوبيت السوداني من الكثرة والتنوع، بحيث يصعب حصره حصراً كاملاً، وهي حقيقة انتبه إليها الدكتور عز الدين إسماعيل عندما قال: "لقد أدركت أن جمع الشعر القومي كله يستنفذ جهد مجموعة كبيرة من الجامعين عدة أعوام"، وقد أتاحت لنا هذه الكثرة أن نتخير فيما تناهى إلينا بعضا من اللطائف والطرائف ونضعها في قالب صغير نقدمه للمتلقي، على أنه ينبغي أن ندرك أن الدوبيت ليس مادة فلكلورية مجهولة المؤلف، وإن عجزنا أحياناً أن ننسب بعضه إلى قائليه، وقد جاء في كتاب الشعر القومي في السودان: "إن الدوبيت لا يمكن أن يعد مادة فلكلورية، لأن هذه المادة ليست مجرد تراث قديم يعيش بماضيه في ضمائر الناس، بل هي في الواقع مادة تاريخية مرت بمراحل مختلفة من التطور وما تزال تتزايد وتتجددمع الزمن، وما زال كثير من شعراء الدوبيت الذين عرفوا بهذا الفن أحياءً، بل أن هناك شعراء جددا يقتحمون الميدان على الدوام". ويستمر د. إسماعيل ليقول إن الدوبيت فن قولي كسائر فنون القول، يتخذ منه بعض الناس أداة للتعبير المركَّز الجميل ويستجيب له الآخرون ويستمتعون به استمتاعهم بسائر فنون القول، بل وربما كان استمتاعهم به أعظم وأبلغ"، ولما كان شعر الدوبيت السوداني يعبِّر عن إنسانه تعبيراً صادقاً ويعكس الواقع النفسي والتاريخي لحياة أفراده وجماعاته، فهو إذاً صورة تقع داخل إطارها الكثير من اللطائف والطرائف، وقد اهتم الدوبيت اهتماماً كبيرا بأشعار الغزل ، وفي ذلك وجدنا كثيراً من اللطائف، فعندما كاد العزال يفسدون العلاقة التي نمت بين شاعرنا الرائد الحاردلُّو ومحبوبته قال:
    البارِح حـديس الناس بـدور يفرقـنا
    كُلُّو مَـرقْ كِضِب عقبان صفينا ورقنا
    الدغسا ام شلوخاً سِتَّه مالكه عُشُقْنـا
    تتمايح مِـتل قَـصَبةْ مدالق الحُقنـه
    وأراد شاعرنا الحاردلو أن يفعل كما يفعل العاشقون، فعندما يثقل الحب والكتمان قلوبهم ويشقيها، يبحثون عن الصديق أو الرفيق الأنيس ليبثوه لواعج الهوى وأسراره، غير أنه عندما تلفَّت يمنةً ويسرةً لم يجد أحداً فتنفَّس شعراً:
    يا خالق الوجـود أنا قلبي كَاتِم سرُّو
    ما لقيت مَن يَدِرك المعنى بيهو أبِرُّو
    بهمتْ منصح الوادي المخـدِّر دِرُّو
    قَعَدَتْ قَلبي تَطوِي وكُل ساعة تَفرُّو
    وما قاله الحاردلو يرجعنا لمعانٍ قال بها الشاعر شمس الدين محمد التلمساني الملقَّب بالشاب الظريف في زمان مضى، والذي أخذ من خلالها يقدم نصحه لعاشق كتوم فضحته دموعه وخفقات قلبه، يقول:
    لا تخفِ ما فعلت بك الأشـواقُ واشـرح هـواك فكُلُّنا عُشَّـاقُ
    لا تجزعنَّ فلست أوَّل مُغــرمٍ فَتَكـت بـه الوَجَناتُ والأحداقُ
    قــد كـاد يُخفى الحُبُّ لـولا دمـعُـك الجاري وقلبك الخفَّاقُ
    فعسى يُعينُكَ من شَـكوْت لــه الهوى في حِملِهِ فالعاشقون رِفاقُ
    واصبِر على هَجرِ الحَبيبِ فَرُبَّما عـاد الـوِصالُ وللهوى أخـلاقُ


    يُحكى عن الشاعر المحلق مجنون تاجوج أنه لجأ إلى أحد الفقراء، ليكتب له تعاويذ يتجاوز بها أزمته النَّفسية التي سببها الجمال والعشق، فاستغرق الفقير في كتابة التعاويذ للمحلق وهم جلوس على أرضية الخلوة، مستعيناً بقلمه الخشبي الذي يغمسه في العمار، الموجود داخل الدَّواية، وفي هذه الأثناء بدت إحداهنَّ أمام باب الخلوة، وألقت بسلامها على من بداخلها ثم انصرفت على عجل، وكانت ذات جمالٍ مُلفت انتبه إليه المريض والطبيب المُداوي الذي اسرج خيول فِكره خلفها، مما جعله يغمس قلمه الخشبي على الأرض متجاوزاً الدواية! فقال المحلق كأنَّما أراد أن يوضح لطبيبه أين تكمُنُ المهالك:
    أكتب يا فقير ما تقول مريضك طاب
    ما شُفت القبيل جابْتَ السَّلام بالباب؟
    رقَّت من وَسِط وغِلدت مع القُرقاب
    فِكرك انشغل، قـلمك مَليتو تـراب!!
    ليس غريباً أن تكون للدوبيت إسهاماته في حل بعض الأزمات التي تطفو على سطح المجتمع، ومن ذلك قصَّةً طريفةً بطلها الشريف يوسف الهندي، الذي أراد أن يقترِن بفتاةٍ كان لها ابن عمٍّ شاب يرغب كذلك بالزواج منها، وعلى الرغم من أن سُلطة ابن العم في ذلك الزمان في شأن الزَّواج بابنةِ عمِّه سُلطة لا تدانيها سُلطة، غير أن ما امتاز به الشَّريف يوسف الهندي من مكانةٍ اجتماعية ودينيةٍ كبيرة جعلت منه منافساً لهذا الشَّاب، الذي أراد أن يحسم النِّزاع بحيلةٍ شعريَّةٍ فجاء إلى الشَّريف وقال له: لقد بَدأتُ مربعا شعريّاً فإن استطعتَ أن تكمله فسأتنازل لك عن الفتاة لتتزوجها، وإن لم تستطع فهي لي.
    قَبِلَ الشريف يوسف التَّحدِّي وقال له: أسمِعني ما قلتَ، فقال:
    حـارس لـيْ نِقـوعاً شِربنْ
    بدافع عنَّهِن لامن نقوحِن قِربنْ

    فأكمل الشريف المربع على الفور قائلاً:
    شِربن ولبَّنن لامن طِـيورِن طِربنْ
    عَوَضك الله في القُبَّال تنيشِن هِربن
    عندها أقرَّ الشّاب بهزيمته، ولكنَّ الشريف يوسف وبما كان يتمتع به من حكمةٍ وزعامة تنازل عن الفتاة لابن عمِّها، وقال له أنت أحقُّ بها، بل ذهب لأبعد من ذلك عندما قام بدفع المهر!
    وشعراء الدوبيت وجدانيون وشفافون يعبرون عن أشواقهم وعشقهم بطرق مختلفة ومبتكرة، ومنها استوسالهم بالحيوان والطير والأشجار والجماد ومخاطبتها ومناجاتها، وهو نهج يقع في أشعارهم الغزلية بانتظام، ومن لطائفهم في هذا الشأن قول صديق ود رانفي:-
    كَـرْ يـا قُـمري الدَّمـاس لا تغـرِّدْ
    لا تذَكِّرني آخـر الليل براي مِتمرِّضْ
    الخلاَّني ألاقي المِحـن الكُبار مِتعرِّضْ
    أسبابي المعرجن وكلُّ يـوم مِتحرِّضْ
    وكقول عبد الباقي أحمد البشير الذي استحالت عليه محبوبته عندما غادرت الربع مع من تزوجها، فأخذ يهيم ويصف ويسأل الأشجار ويستحلفها:
    إيــدِك تَــسَــوِّي قـلــوبا
    وعينك حاكت الكشَّافه فـي البادوبه
    سـألتِك بـالإله الليله ياللالـوبـه
    سألتِـك بالإله: علويَّه وين رَحَلوبه؟
    ولشاعر الدوبيت الغزِل لطائف عندما يتحدث عن صدود المحبوب، ومن ذلك قول الشاعر:
    لي زماناً طـويل الصيده أمـارس فـيها
    جـفلت وابعـدت تعـبان أنـا اللاًّفيـها
    ناراً في الحشا غـيرك منو البطفيــها؟
    يا روح اب حسن قـولة سلام شن فيها؟
    ويغرقنا شعراء الوجدان في الدوبيت في لجة أشجانهم ودموعهم، يقول الشكري:
    قلَّتْ المُقلْ مـن السُّـهـاد اتكـفَّـنْ
    عـقبان يالقلب رنَّات نِغيمك هفَّــنْ
    عليْ بريبة الدَّعـكن قـصيره وقفَّـنْ
    الشوق حـدُّو فـاتو والدموع اتصفَّنْ
    وفي ذلك يقول آخر:
    الـبرق زادو لـمَّاع الـبروق الرِفَّنْ
    وحرَّك سـاكن الأشواق بعد مـا ركَّنْ
    يالتِّيبةْ الوخري السّحـابـو مـدفَّـن ْ
    عليك النُّـوح مطوِّل والدُّموع ما جفَّنْ
    ويقول الصادق حمد الحلال في معنىً وجدانيٍّ شفيف:
    الليل تِلتو روَّح ونـجمـو ميَّل غَـرْبْ
    وانا فوق ساقي لامتين يا مُزيلْ الكَرْبْ
    حسس الماهو ماسك التيه وفاكِّ الدَّرْبْ
    جاب ليْ عِـلَّةْ الكَبِد البتضرب ضَـرْبْ
    وقد بدا لنا أن الشاعر الصادق حمد الحلال قد استفاد من ثقافة أخرى هي كرة القدم الرياضة المعروفة، ووظفها في أشعاره الغزلية، فجاء لنا بمعانٍ طريفة كما سنرى حالاً في مربعيه التاليين اللذين يقول في أولهما :
    زولي الأنضف من دهب العجمْ فِـي اللـونْ
    وأبيض من قَمر عَـشره الـبِضـوِّي الكونْ
    عَمَلَتْ قَلبي كُـوره ورَتَـبتْـلُو الــعَـونْ
    مرَّه تْـشُـوتُو آوُتْ ومرَّه جُـوَّه الـقَـونْ
    ويقول في ثانيهما:
    رأسيَّة أديبه عـندك فَـوقْ ندايدِك فَـوتْ
    ضَـربِك للعشوقْ فُلَيخْ سِـيوفْ مُو سَوطْ
    نَاس وَدْ دِقـمه مِتلي مهـددين بالمـوت
    مِتِل كُـورةَ الهِـلالْ شَاتَتْ قُلوبُنْ شَـوتْ

    وصوَّر لنا بعض الشعراء أن للحب آثاراً قد تظهر على بدن المحب، ولعل هذا انعكاس لما يعتمل في الوجدان، ومنهم من يحس إحساساً معنوياً بما أصاب قلبه من ثقوب ونحو ذلك، وهناك من يهوِّل حالة الحب لديه إلى درجة تبلغ حدود الموت أو نحوه، ومن هذه الصور العجيبة نورد بعض النماذج، يقول عبد الرحمن العبَّادي:
    أنا شفتو العصير يا اخواني ماشي مهلَّع
    زي الفوق وحل عضمي انسحن واتولَّع
    وجـهي نُـقر نُقـر أصبح جميعو مفلَّع
    من سيل دمعي أنا رُشرش عيوني اتقلَّع


    ويقول الكباشي العطوي عبد الله يوسف الزيادي:
    الـسـنان مــداحـي الـفَـقَّـعْ
    والـريق مسَّخ السُكَّر بعـد ما اتنقَّعْ
    نخلي الحارسو في خميلة ما بتجدَّعْ
    مَرضـانِك مَـقـدَّد قلبو مـا بترقَّعْ
    ويقول الطيب ود ضحَويَّة:
    قولـوا لى الكَجَرت لكـيـبا ونـامـتْ
    غـرار العبوس لى الـسابقين ما دامتْ
    العجب العجيب نـار الغـروب إن قامتْ
    سمعة وطاعه يا ام عارض قيامه وقامتْ
    ويقول الطيب أيضاً:
    الناس كـلهم فرحانين يهولو ويجُـولو
    ما بِدُرو بى البِحَسِبْ نَجمو واقِف طُولو
    قلبـي اتعـشق الـمعدومْ وطال بهدُولو
    كَاتِـلْ رُوحو ما بكَّاييـن عَليهُو بِقُولو
    والشعراء يحسون بالجمال إحساساً مختلفاً ومتفوقاً وإن بلغوا من العمر عتيَّاً، وقد عبَّر لنا الشاعر بهاء الدين زهير- وهو شاعر مصري رقيق ومعروف من الجيل الذي سبق أمير الشعراء أحمد شوقي- عن صباباته عندما أخذه العمر إلى ناحية نائية، إلاَّ أنه انتصر لقلبه الشاب الذي ينبض في جسد مُسنٍّ يقول:
    قالــوا بَعُـدتَ عن الصِّبا وقَطـعـتَ تلك الناحِـية
    فــدعِ الصِّـِبا لرجــالِهِ واخـلـع ثياب العـارِية
    ونعــم كَـبُرْتُ وإنـمـا تـلك الـشـمائل باقِـية
    وتفــوح مـن عـطفـيَّ أنفاس الشـباب الزاكـِية
    ويميل بـي نحو الصِّبــا قلبٌ رقـيق الحــاشِية
    به مـن الطـرب القديـم بقـيةٌ فـي الزَّاوِيــة

    وكأنما شاعرنا الحاردلُّو يتقفَّى خُطى بهاء الدين الوجدانية عندما تقدمت به السِّن، حيث رأيناه يقول وهو يخاطب جمله عتيت:
    يا عتيت كِبِرنا وحـالـنا تب مـا زلْ
    وكل يوم في هواها مغيريـن منـزلْ
    وين ما طـريت الدّمـاعو جـا منهلْ
    حلق الريف بوج ناري وغميضك قلْ
    غير أننا نظرنا إليه وهو يذعن لسطوة الكِبر، فيعود ليتأسَّى بالذكرى، ويُقر بأن الشيب قد منعه عن التصابي واللَّهو عندما قال:
    كـم جـالستهِن ضحـوه ووكـت سليبِن
    وكم كاوشـتهِن جُـملـه وقَبَـضْ بريبِن
    كم سمحاً كتير بيهـو بنـكتر جـيـبـن
    منـع الشيب مـن الوهقه ولعب جقليبن
    وهذا الإذعان انسحب أيضا على شاعرنا صديق محمد الماحي الذي تأسَّى بالجمال وصفات فتاته كما كان يفعل في أيامه الغابرة، ولكن كيف له أن يفعل الآن وقد أطلَّ الشيب من رأسه، فأحسَّ به كسهام أُطلِقت على فؤاده؟ يقول:
    شِـنْ نَامت شَبـه البُطانه الدَابُــو
    بَسمَها يَخفي بَرقـاً تَراخى سَحابُـو
    المولاَهُ أَكـمَلْ حُسـنـو واتوصَّابُو
    دة الخَلاَّنا الشَيبْ مـا عَملنا حِسابُو
    وقد جاراه في إطار لطيف شقيقه الشاعر الماحي محمد الماحي بالمربَّع التالي:
    شِـنْ نامت شـبه البُطـانـه الـدوبو
    وان بسـمت حناناً يفرح الـمغـضوبو
    حلات لهيجاً زي عسل النحل في كوبو
    ده الـمـنع نـاس المِتِلـنا يـتـوبو
    ومن المعاني الرائقة غير المسبوقة في الغزل مـا قاله أحمد عوض الكريم أبو سن:
    جاهلاً سـمح بالحيل ومشـبوك طرفو
    الله أداهو يدفق في الجـمال ويغـرقو
    جدي امَّات رقاب الفي البطاين شـرفو
    للأسف الـكتير ما خبرنا جيهتو نعرفو
    وفي معنىً آخر لطيف برزت مربوعة للشاعر عبد الله ود شوراني، وقد نُسِبت أيضاً للشاعر راشد العمدة كرَّار عمدة البشاريين، تقول المربوعة وقد مازجتها الحداثة :
    جاهل ظرفي لكن برضو عارف ظرفـو
    قلبي وقلبو مـابِين بالحصـل يـعترفو
    ريدي أنا ليهو لو دَرسو وقَراهو وعِرفو
    زي شـيك البنوك في أي لحظه يصرفو!!
    غير أن الشاعر البطحاني ود الحميدي آثر أن يضع لنا في نهاية مربوعته الغزلية صورة كاريكاتيرية يدعو التناقض فيها للابتسام، تقول مربوعته:
    بـريـدا الفـي الشَّبـابات شيـخـه
    مسحت فكري مـا خلتلي فيهو صفيحه
    وادي عـكره اللـي انـطـبق تفيحه
    غـفيـرو لكَّه وسـلاحو آخر صيحه!!
    ومن الطريف أن نجد أن البعض يعبر عن مشاعر الوَله بطريقة تأخذه إلى تخوم الجنون، فنكاد نسمع منهم صياحاً وصرخات مجنونة، يقول أحدهم:
    الليلة الـبلد طلـق عـليَّ الـزِّيف
    ذكّـَرني الـمِفـرهِد دابـو للتكليف
    كل ما يهف ليْ مشتول جناين الريف
    منِّي ولَيْ أزغرد في الصقيعه وأقيف!!
    ويقول آخر:
    الليـله الـبلد جاب ليْ نـسيـماً فـايِح
    ذكَّـرني المِـن ايـديْ وقَــعْ مُـتمايح
    كان ما بخاف كلام الناس يبقى ليَّ فضايح
    بــحرس خـشُـم بيتم واقَنِّب أصـايح!!









    * المصدر سودنايل
                  

06-29-2013, 09:05 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    وفي شأن اللطائف والطرائف فإن الدوبيت لا يلج مناحي الأدب المكشوف إلا نادراً. ورغم هذا تنداح صُوَرُهُ في لطفٍ يحيله أحياناً إلى تُخوم العبثية، ومن ذلك ننقل صورتين، الأولى لشاعرنا عبد الرحمن ود المشمَّر في مربَّعه القائل:

    جات مارقة العِصير لابسة الكرب البمبي
    وانكشف الجسـم لامن بقت بـي جمبي
    قُت ليهـا الأمـان بالله إيـــه زمبي
    قالت ده النسيم يا خويَ شـال البـمبي
    والثانية مربع أحدهم يقول فيه عن ليلة من ليالي شهر عسلِهِ:
    وكت الليـل بَـرَد جـاني العشوق يتَّنَّى
    فتح الباب دخـل جاب ليْ نسايم الجـنَّه
    كاوشتـو وبكى قـال لـيَّ رُوقْ استنَّى
    خلِّي الناس تنوم وزي ما تدور اتمنَّى..!
    ولعل الصورة الثانية السابقة تذكرنا على الفور بما أورده ساحر الدوبيت ورائده الحاردلو الذي قال:
    طـوَّلْ بالـعنيس قـانـص يـدوِّر كـلبي
    ما لقيـت من يـحق نمّي ونـوادر قـلبي
    عـاد يـا بِنيَّه كـان في ليل مَعاي تِنْسلَبي ..!
    هاك يا السمحه زي ما تدوري مني أطُلبي..!
    ومربع الحاردلو الفائت ورد ضمن مسدار المطيرق الشهير، ولهذا المسدار قصَّة طريفة أَوْرد تفاصيلها الأستاذ الدكتور أحمد إبراهيم أبوسن الذي استقى الحديث من صاحبة الشأن شخصياً برفاعة حوالي العام 1950م عندما كان طالباً بحنتوب الثانوية، يقول: (مسدار المطيرق هو المسدار الثاني المروِيُّ عن الحاردلُّو، وهو شعر حواري تم بينه وبين أخيه وصديقه عبد الله ود أبو سن، وللمطيرق قصة ينبغي أن يلم بها القارئ قبل قراءة الحوار، قيلت هذه القصيدة في جارية شهيرة تسمى "الرضية بت السُّرَّة" كانت ذات جمال وحَسَب، وكانت لها جواري يخدمنها، عاشت برفاعة وتوفيت في الخمسينيات وقد جَلَسْتُ إليها وهي متقدمة في السن وقصت عليَّ القصَّة بحذافيرها، قالت: "تواعدت مع الحاردلو وجئت إليه آخر الليل، فوجدته يغطُّ في نومٍ عميق، فما كان مني إلا وقفلت راجعة وأخذت المطيرق وهي عصاه الشهيرة التي ينقر بها الأرض عندما يأتيه شيطان الشعر، أخذتها لتقف دليلاً على وفائي بالحضور في الموعد المحدد". افتقد الحاردلو المطيرق فجاءه الخبر أنها عند "برنجي الحِلَّة" ولم يسرقها أحد كما كان يظن، وجاءه الخبر من أخيه عبد الله، ولعل الجارية قد أسرَّت لأخيه عبد الله لأنها تعلم قرب صلته بأخيه، فجلس الأخوان يندبان حظ الحردلو ويلومان غفوة عينه في تلك الليلة، وسعد النائمين الذي لا يسعف صاحبه ولا يجبر كسره، وقد كان الأسف في تلك الليلة ليس لفقدان المطيرق ولكن لفقدان من حملت المطيرق معها، فكما قال عبد الله: "هي بقت سبب والمعنى لى من شالها".

    واللطائف والطرائف تقع أيضاً في الشعر الحواري من الدوبيت والمعلوم أن الحوار في الدوبيت قد يتم بين شاعرين أو بين الشاعر والمحبوبة أو بين الشاعر والجمل، ويديره الشاعر نفسه ويتولى قوله، ومن الحواريات الطريفة ما دار بين الشاعر أبو عاقلة محمد حسّان وقلبه! نجتزئ منها المربعين التاليين، يقول الشاعر لقلبه:
    ريدِن مـن قديم أنا كُـت مسيهو لباسي
    واتْ الليله أصبح تركـو عِـندَك قاسي
    كل ما تهفَّ ليك النايره ام كلاماً راسي
    نقراتك تزيد وانا يا دوب كِتِر هُلواسي
    ويرد عليه قلبه قائلاً:
    الزايدات عدد نقراتي غرب وشمـال
    ريلاً ساكنات أرضاً عـزاز ورمـال
    عزيزاتاً يحوزن زوق أدب وجمـال
    شريفـات النفوس اللبسن الخلـال
    وننتقل الآن إلى وقائع تاريخية مازجت طرافتها حكاية وتناقض، ففي أواخر القرن التاسع عشر حدثت قصة حب شهيرة كان بطلها شاعرنا إبراهيم ود الفراش، الذي تعلق بفتاةٍ تدعى "الدون لحق"، والدون لحق جارية كانت تمتلكها أسرة عريقة من الجعليين، والدون لحق اسم يعني "عز الذليل"، وكان من عادة النساء في ذلك الوقت تسمية جواريهن وغلمانهن بأسماء تشير إلى مدح أزواجهن وذمِّ أعدائهن، وكانت الدون على جانب عظيم من الجمال، ذات ألفاظ ساحرة وجاذبية شديدة، سمراء اللون بادنة القوام، وعندما تعلقت الدون بود الفراش قرر أن يتزوجها رغم معارضة ذويه، فكيف له أن يتزوج من أَمَةٍ مسترقة ودونه الحرائر، وعندما لاحظ والده تلك الهدايا الثمينة التي كان يقدمها إبنه للدون أمره بألا يتلف المال في مثل هذه الهدايا فقال ود الفراش:

    الدون حبابا
    أم شعراً متل وتر الربابه
    أبوي فراش كان شُف جِعابا
    تجرد المال جرد تخلي الدار خرابه!!

    ومن ثم برزت الدون في أشعاره كَوردةٍ يانعةٍ وأمل مقبل:
    جــيـب لــي مـتــونـا
    نامـت وانتكت تعجب عيـونـا
    قصيبة المر نيعة الفي مـرونـا
    تلم الدون عليْ يـا ود حسونه
    وظل ود الفراش يصف الدون في كثير من شعره كقوله:
    مــاهـــا الـسـمـيـنـه
    عـناق الـتـوتو الخَضَّر عسينا
    تقرد الديس على الربه الدهينـه
    بتـسنـد تقـول ماسكاها طينه
    وقوله:
    مــا هـــا ام كُــراشــه
    عـنـاق ام سومر الخَضَّر رشاشا
    شبيهة الدون جَديةً ضاربه قاشـا
    لهيج الدون بيروي اتنين عطـاشا

    وظل شاعرنا في هيامه بالدون إلى أن غاب ذات مرَّة لمدة طويلة منشغلا بعمله الحكومي فعلق بها شاب وعلقت هي الأخرى به، وكان نتيجة هذا الغدر أن هجاها ود الفراش مُر الهجاء، وانقلبت صورتها في ذهنه من ذلك الجمال الفريد إلى قُبح شديد، واستحالت في نظره إلى مجرد أَمَةٍ، وهذا ما سنستشفه في بعض مربعات هجائه لها. يقول:

    بعــد مــا كــنــتِ زيــنـه
    بـفاشيـــبك بنات عـرب الجـهينه
    غـيـرت الـمـحبَّـه بـقيـتي شينه
    تشابهي العُشره في وســط الجـنينه
    ويقول:
    بـعـد مــا كـنـتِ ظـايـطـه
    مِتل باشة عموم إنْ جِــيتي فايـته
    غيَّرتـي الـمحبَّـه بقيتي شايـطه
    تشابهي الكـلجه الفي الحَجَرَه بايته
    ويقول:
    لا تجالس الخديم لــيـهم تقرِّبْ
    وتبقالن حبيب للمال تــخــرِّبْ
    يقيدن سمعتك فَد يوم تــغـرِّبْ
    ولا تسأل طبيب أسـأل مجـرِّبْ
    ويقول:
    كـم شويـمت بي عـقبه ونتيله
    بجيب مصروف كتير ما بقي حيله
    بريدك من زمـن مُـدداً طويـله
    خسـاره حبي في الخادم الرزيله
    إن اللطائف والطرائف في الدوبيت الغزلي لا يمكن الإحاطة بها جميعاً، ولعل هجاء ود الفراش للدون لحق يكون مدخلنا للحديث عن طرائف ولطائف الدوبيت الهجائي، والهجاء في شعر الدوبيت السوداني باب عقيم فقد نفوذه ووزنه، وقل اهتمام الشعراء والناس به مع مرور الزمن، فأضحى الهجاء المباشر فيه نادراً، وهذا أمر يتعلق بطبيعة الشخصية السودانية التي تتحرج من سماع الإساءة وعيوب الآخرين وتتحاشى قول ذلك، لذا نجد النماذج الهجائية في شعر الدوبيت تميل نحو الفكاهة والصور الكاريكاتيرية في غالبيتها، كما تجيئ في أحيان كثيرة مرتبطة برفد قيم مجتمعية مستحسنة وذم صفات مجتمعية مستقبحة، وكثيراً ما ترتبط أشعار الهجاء بالفخر، ونادراً ما تكون وجهاً مقابلاً للمدح، ويحضرني هنا قول مهم للأستاذ الدكتور عز الدين إسماعيل إذ يقول: (من المألوف أن ينظر الناس إلى الهجاء على أنه الوجه المقابل للمدح، ولكننا أميَل إلى ربطه بموضوع الفخر، لأن المناسبة النفسية بين الفخر والهجاء اقرب، فالنقلة بين الفخر بالنفس وهجاء الآخر يسيرة وقريبة، بل إن الفخر وحده قد يتضمن- بطريقة خفية وغير مباشرة- الانتقاص من شأن الآخرين، وبنفس القدر يكون الهجاء متضمناً بنفس الطريقة الخفية غير المباشرة الاعتزاز بالنفس).
    ورغم اختلافي مع الدكتور عز الدين في هذا الرأي، إلا أنني أجد له بعض التعزيز في بعض النماذج الشعرية، كقول ذلك الشاعر الذي ينتسب إلى قبيلة الجعليين الذي يفخر بقومه، إلا أن فخره جاء مرتبطاً بالانتقاص من شأن الآخرين، يقول:
    فـرسان دار جعل ديـل البفشوا الوجعه
    والخاتـي الـبجيهن مـا بضوق الرجعه
    قـالـوا بـهـددونا بسببوا لينا الفزعه
    أبشر يـا اللّسد كان جات تكاتلك ضبعه
    على أن ذات المنطق الذي استند عليه الدكتور عز الدين، يكوِّن أساساً لتقارب مماثل بين الهجاء وبعض الأبواب الشعرية الأخرى كالمدح مثلاً، فعندما مدح الشاعر محمد ود أحمودةُ الشيخَ عمارةَ محمد أحمد أبو سن، وصفه بالشجاعة ورباطة الجأش، بينما وصف الآخرين بأن قلوبهم لم تكن ثابتة لتواجه الحرب مثلما يفعل الشيخ عمارة، وفي هذا انتقاص من شأن الآخرين.
    يقول ود أحمودة:
    ممـا قام صغيـر ماجاب كلمتن ضالعه
    اتـبرسـم ضحك يوم الـحرابة الطالعه
    وكت الشوف يشوف يوم القلوب متهالعه
    سـدرك زحمة النَّار أم هبوبـاً قـالعه

    وعلى ذلك يمكننا أن نقيس المقاربة والمداخلة بين الهجاء والغزل، فوصف المحبوبة بالجمال قد يترافق معه وصف رفيقاتها بالقبح أو بأنهن أقل جمالاً، والتداخل هذا قد يكون أيضاً في الرثاء وفي الوصف، وهذا ما دعانا للاختلاف مع الدكتور عز الدين رغم احترامنا لرأيه وما أسبغه عليه من تحليل، ورغم ما يبدو من تداخل في أبواب الشعر احياناً، إلا أننا نرى أنه ينبغي للهجاء أن يكون باباً مستقلا من أبواب الشعر بمعناه المألوف والمتعارف عليه، وكوجه تغلب عليه الصورة المقابلة للمدح، رغم ما اعتراه من وهن وهجر خاصة عند شعراء الدوبيت السوداني، إذ لم يجد الهجاء اهتماماً كبيراً لديهم، وكما ذكرنا فإن نماذجه لديهم يغلب عليها الاتصال بالقيم وبالصور الكاريكاتيرية المضحكة.
    ويرى بعض الباحثين أن المتعة وإثبات الذات أحد أسباب ودوافع الهمبته، غير أني أرى أنها ليست دافعاً أو سببا رئيسياً لنشوء الهمبتة، إنما كانت سببا لاحقاً ساهم إسهاماً محدوداً في استمرارها، إذ إن للهمبتة أسباباً قوية ساهمت في استمرارها، وأخرى ساهمت في نشوئها، بيد أن ما لفت انتباهي أن الهمبتة صارت تمثل في وجدان من ولج إليها شيئاً عزيزا، وأضحى أمر التخلي عنها صعيباً، وتحضرني شهادة تحمل قصة طريفة رواها لي الإداري والشاعر المعروف كامل عبد الماجد أحمد زين، عندما ذكر لي أنه عندما كان محافظاً لمحافظة بارا، بإقليم كردفان، أراد أن يتعاطى مع ملف الهمبتة بهدوء وعقلانية وحكمة، واقترح أن تقوم محافظته بمساعدة أساطين الهمباتة في المنطقة لأداء العمرة، ليكون أداء هذه الشعيرة باباً يَلِجون به نحو التوبة، ومن ثم يعودون إلى المجتمع بفكر جديد وصالح، وبالفعل نُفِّذ الاقتراح وسافر ثمانية من الهمباتة تحت قيادة أحد كبار عُمَدْ المنطقة على نفقة المحافظة لأداء شعيرة العمرة، وبعد انتهائهم من المناسك الخاصة بالعمرة، سلكوا في طريق عودتهم طريق المدينة – جدّة، فرأى أحد المعتمرين من الهمباتة إبلاً في الطريق، فأدام النظر إليها وقال للعمدة: "والله لولا هذا البحر لقدناهنَّ إلى دار حامد!" ثم أخذ يقول:
    قـدر ما اقول أتوب إبليس يلولِح راسـو
    يقـول لـيَّ لا تُّوب التابـو قبلك خـاسو
    أفـرَح وانبسِط عـنـدَ المِدوِّر كـاسـو
    بـابَ التّـوبـه فـاتح ما انقفل ترباسو ..!
    وجاراه أحد الهمباتة الثمانية الآخرين ويُدعى الهادي قائلاً:
    قـدُر ما أقول أتوب إبليس يقبِّل غـادي
    يـقول لـيَّ لا تُّوب إيّـاك كبير أولادي
    أفـرح وانـبسط عِنـد أم قريناً نادي
    باب التوبة فاتح ما انقفل يا الهادي ..!
    وقد بدا لي أن الهمباتة يتمسكون بالهمبتة ويحنون إليها حنيناً جارفاً، حتى لو كانوا يواجهون موتاً حتمياً، فعندما أُوقتيد أحدهم في خريف عام 1984م إلى غرفة الإعدام، رأى وهو في طريقه إلى حبل المشنقة السماء وقد أرعدت وامتلأت سُحُباً، فأثار ذلك في نفسه معاني شتّى، كذكرى المحبوبة وذكرى أيام الهمبتة، التي تزدهر في أيام الأمطار والخريف، وأخذ يقول:
    وين دوديتي وين كبّيتي يا ام برق ام سحاباً شايلْ
    شـن سـوّيـتـي فـي الكِتره وقـليـعات نايلْ
    واحديـن سـاروا وواحديـن بسوقوا الشايـلْ
    مـعـاكِ سـلامـه يالـدُّنـيـا ام نـعيماً زايلْ
    إن اللطائف والطرائف تتناثر تناثراً متكاثفاً في شعر الدوبيت السوداني، وتشمل كافة أبواب الشعر فيه تقريباً، ومن السهل أن يستزيد منها المتلقي من أفواه الرواة، وأن يتتبع آثارها في المصادر الأدبية الشعبية، وما اقتطفناه منها كان خيارنا المميز لختام هذا المقال.








    * المصدر سودانايل
                  

06-30-2013, 11:57 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ينتمي الصادق حمد الحلال شاعر الدوبيت الفذ والملقب بالصادق ود آمنة إلى قبيلة الشكرية، ويعتبر من شعرائها المرموقين، ولد في العقد الأول من القرن الماضي بمنطقة الصفيا، ونشأ بينها وبين منطقة ريرة وأقام بالعريض ناحية حلفا الجديدة، وتوفي في منتصف ثمانينيات نفس القرن عن عمر يناهز الثمانين عاماً، وللصادق مدرسة متميزة في نظم الشعر، ويتميز بموهبة شعرية ضخمة وقدرة عالية في الأداء، ومقدرة عالية على الإلقاء، وتشاكل أشعاره السهولة والسلاسة، ونعده أحد أضلاع المثلث الشعري الكبير بأرض البطانة الذي يمثل ضلعيه الآخرين الشاعران أحمد عوض الكريم أبو سن وعبد الله حمد ود شوراني.

    أحب الصادق السفر والتنقل على صهوة الجمل، وكان يتنقل به بين كسلا ورفاعة وشندي

    والدامر والخرطوم، ومن جماله الشهيرة التي كان يتنقل بها جمله المسمى "القدين". وولعه بالجمال معروف، ويتضح لنا ذلك في مسداره الشهير"قوز رجب"

    ومن السمات الواضحة التي تميز أشعاره، الحنين المستظهر والوجدانيات الآسرة التي يؤطرها في تراكيبه الشعرية البديعة، ويزينها بالرنين المموسق والجرس العالي.

    ومن أشهر أشعاره الجيدة تلك التي أنشأها عندما تم تهجير أهالي وادي حلفا إلى حلفا الجديدة في سهل البطانة، وسنتعرض لهذه الأشعار خلال هذه الدراسة.

    وكان شاعرنا ود آمنة مكثراً في شعر الغزل، ولكنه نظم في كل أبواب الشعر، كما برع في وصف الطبيعة وفي الفخر والحماسة والمدح وشعر الفكاهة وغير ذلك من ضروب الشعر، وكان رائعاً ومتميزاً عندما ساجل الكبار من أبناء جيله من الشعراء وهي مساجلات كتبت على صفحة التاريخ بأحرف من نور.

    وكان الصادق مخلصاً في انتمائه إلى طائفة الختمية، وهذا ما يفسر لنا اندياح روحه الصوفية في بعض اشعاره، وبروز رموز هذه الطائفة في بعض قوافيه ولجوئه إليهم ريث وثبة كل مصيبة أو خبوء أمل. ولعل الكثيرين لا يعلمون أن شاعرنا ود آمنة الذي قذف بالسعادة إلى قلوبنا بإبداعه الشعري وسموه الفني كان يفتقدها، فقد عاش ومات عقيماً، وكانت أعز أمانيه في الحياة أن يرزق أبناءً يحملون اسمه ويرثون ماله ويستقوى بهم على صروف الزمان، ولكنها أمنية أجهضها الدهر، وتأبى بها القدر، وسنتعرض إلى ما قاله من شعر مؤثر في هذا الشأن.

    وود آمنة من الشعراء الذين أحبوا أرض البطانة حباً نبع مـن صميم فؤاده وسويداء قلبه ومجدها كثيراً في أشعاره وأجاد وصف طبيعتها وبكى على أمجادها القديمة ورموزها التاريخية، وكان أكثر الناس اعتراضاً على إنشاء مشروع مدينة حلفا الجديدة وما تبعها من قرى، ومشروع خشم القربة الزراعي، على ارض البطانة. والمعروف أن ذلك تم على إثر الإتفاق التاريخي الذي أبرم بين حكومة السودان في عهد الرئيس إبراهيم عبود، وبين الحكومة المصرية التي كانت تزمع إقامة السد العالي. وبموجب الاتفاق المذكور بدأ تهجير أهالي مدينة وادي حلفا الواقعة في أقصى شمال السودان على شرق النيل إلى أرض البطانة في بداية العقد السابع من القرن الماضي، إذ أن تنفيذ السد يعني إغراق هذه المدينة العريقة، وهذا ما حدث بعد أن تم إجلاء سكانها على كاهل التعويض الذي دفعته الحكومة المصرية للحكومة السودانية، كما قضى الاتفاق بينهما والذي استثمر في إنشاء المدينة الجديدة وقراها ومشروع خشم القربة الزراعي، وذلك لاستيعاب هذه الهجرة القسرية والتوطين الطارئ، غير أن هذا الاتفاق وتنفيذه ألقى بظلالٍ اجتماعيةٍ كثيفةٍ على أهل حلفا القديمة وأهل البطانة على حدٍ سواء، فما أقسى على الإنسان أن يترك بغير رغبته موطنه وموطن آبائه وأجداده، إلى أرض غريبة وأجواء مختلفة وجيران لم يألفهم. وتبعاً لذلك تغير سلوكهم الاقتصادي وتبدل مزاجهم الاجتماعي، حتى أن بعضهم عاد إلى مدينته القديمة منضماً للذين لم يغادروها ليجاورها معهم، وهي تقبع في قاع النيل غير آبه لأية آثار.

    وفي المقابل فإن إنشاء مدينة في هذه البادية كان ظاهرة حضارية لم يألفها أهل البطانة، فعانوا كثيراً من آثارها، إذ ساهمت في الحد من سيادتهم ومن حريتهم في التجوال والترحال، وقلصت نفوذهم القبلي، وجلبت لهم الكثير من التقاليد والعادات غير المألوفة لديهم، ويزعمون أن هذه الهجرة كانت مدعاة لنشر الكثير من الأمراض كالملاريا والبلهارسيا وأمراض الحيوان، ففقد الكثيرون ماشيتهم، كما اهتزت هويتهم البدوية اهتزازاً شديداً، إذ أصبح بعضهم عمالاً ومزارعين ينتسبون للمشروع الزراعي، ومن ثم رحلت الكثير من الأسر من بواديها لتسكن أرض المشروع في استقطاب غير مسبوق.

    كل هذا كان كفيلاً بأن يجعل العديد من شعراء البطانة ورجالاتها ثواراً على هذا الوضع الجديد الذي لم يرضوا به ولم يشجعوه، واستحال عليهم أن يندمجوا فيه، ومنهم شاعرنا الصادق ود آمنة الذي عبر عن التحول الاجتماعي الذي أصاب تلك الرقعة بكثير من الحزن والأسى الذي خالطه التغني بأمجاد البطانة، كما كان يعيب على أهله العمل بالزراعة وترك حياة البادية، وقد عبر لنا الصادق عن شعوره هذا عندما رأى بعض أفراد قبيلته ينتظرون أمام مكتب المؤسسة الزراعية لعدة أيام لاستلام حواشاتهم، وعندما بدأ المطر يهمي جهة سدر الشيخ النعيم هزَّه المشهد فأخد ينشد:

    أَهَـلِكْ شَالُوا فَـوقْ ضَهرَ العَواتي ونِيبْ

    وسَدر الشيخْ نَعِيمْ نَزَلُوا المقَامُو قَريبْ

    نَاسـاً مِنْ ضِرُوع الصُهُبْ ضَايقَه حَلِيبْ

    للحَـواشَـه كَـيفِـنْ نَـفْسَهُـمْ بِتْطِيبْ

    فما كان من أصحابه وقد سمعوه إلا وأطلقوا جمالهم من عقالها تاركين الحواشات وكشف التوزيع. وساء ود آمنة أن المشروع قد تسبب في انسياب الماء من ترع القربة إلى منطقة الإيديات وتم قطع سروبات الحسن، وأرانب الشقلة أصبحن يبكين الإبيتر ذلك الناظر الذي لو كان حياً لمنع قطع الشجر الذي كانت تأوي إليه تلك الأرانب، كما استهجن شاعرنا منظراً رأى فيه رمزية الاحتلال، وذلك عندما اعتلى ديك من ديوك أهالي حلفا قمة جبل المعيقل وأخذ يصيح وكأنه الوارث لهذه الأرض وجبالها، فقال في كل هذا:

    سَروبَاتْ الحَسَنْ كِمْلَنْ خَـلاصْ وانجَزّنْ

    وتُرع القِـربه مَاهِنْ في الإيديَاتْ خَـزَّنْ

    أَرانبَ الشِقـله لـيْ مِيتَه الإِبيتِر عَـزَّنْ

    ودِيك نَاس حَلفا فَوقْ رَاسْ المِعَيقِلْ أَذَّنْ

    واتخذ ود آمنة من الإبيتر وهو الشيخ عوض الكريم ذلك الناظر القوي الذي مضى، رمزاً للقوة التي فقدت وللسيادة التي سلبت، فأخذ يقول بأن ما حدث من تخطيط لجعل منطقة اللرايروب الخلوية منطقة سكنية وزراعية، ما كان سيحدث في زمان كان فيه هذا الناظر القوي على وجه البسيطة. يقول:

    اللَيـله اللَّرَايـرُوبْ قَـدَدَولُو مَطَـايبُـو

    وبِقَى حَيضَانْ فِجِـلْ كُـلَ الثِمـارْ الجَايبُو

    فـي زَمـنْ اللِبَيتِر كَـلَ مَـاصِعْ هَـايْبُو

    وَينْ ما يهِيجْ فَحَلْ بِكسِرْ ضُراعُو ونَايبُو

    وامتد أسى شاعرنا كثيراً بسبب هذه الهجرة وآثارها على أرض البطانة، وهو أسىً أوحى له بالكثير من الأشعار الجيده كما رأينا في النماذج السابقة التي نختتمها الآن بالنموذج التالي:-

    حِلَيلِكْ يَا أمْ هَبَجْ وَكْتاً رُكُـوبْ فُرَاسِكْ

    رَاتعـاتْ هِـن وبَعَامْ الوَحَشْ بَلاسِـكْ

    بولِيسِك حَلَقْ مَنَعْ البِعَـرفُوا دُوَاسِـكْ

    الدَينكا ونِويـرْ كَبَّواالعَفَنْ فَوقْ رَاسِكْ

    ويقول الأديب السفير جمال محمد إبراهيم عن البطانة وأهلها وعن الصادق ود آمنة عندما زارها برفقة عالم إجتماع نرويجي قولا يشي بمكانة الصادق الشعرية وقيم أهل البطانة النبيلة وما إنداح من آثار الهجرة النوبية لأرض البطانة:

    (زرت أرض البطانة في منتصف السبعينات ، برفقة الباحث عالم الإجتماع النرويجي قونار سوربو . نزلنا ضيوفا على أهل قرية " ريرةالجديدة " . أسبغ علينا أهلونا هناك ، كرما عربيا بدويا حاتميا كنت أجد معه عسرا في إقناع " الخواجة " الذي أرافقه ، أن وجودنا و إقامتنا مع هؤلاء القوم لا تشكل عبئا يذكر عليهم ، بل هو في نظرهم أمر تفرضه قيم راسخة ، و عادات أصيلة تجعل إكرام الضيف ، من أي بقعة جاء ، " خواجة" كان أو "ود بلد " ، من الأمور التي لا تقبل المجادلة أو المساومة . لم يكن كرما فحسب ، بل هو كسب لعادات جديدة كان لزاما علينا أن نكيف نفسينا ، أنا و "سوربو" على تحملها ، و ربما احتمالها . كنت أسترق النظر ل"سوربو" النرويجي و هو يتلقى كوب الحليب الرابع و ربما الخامس ، في صباح باكر قبل بدء عملنا . و هكذا غرقنا في بحر كرم أهلنا الشكرية أياما طويلة و كسبنا ودهم و نلنا حظوة لدى قيادة القرية فكان ذلك من أسباب فلاحنا في عملنا الذي كان يتصل بالتعرف على سمات التغيير و اتجاهات التحول المتوقع في مجتمع أحدث معه تهجير النوبيين من الشمال إلى سهل البطانة ، هزة عظيمة في السائد من النظم الإجتماعية و سبل المعيشة . مشروع إقتصادي مقيم في بيئة بداوة و ترحال . يناقض نظام الرعي عند أهلنا الشكرية ، نظاما جديدا يقوم على حرفة الزراعة المقيمة ، أعتمدت للحلفاويين في مشروع خشم القربة ، والذي صاحبه قيام مركز حضري جديد ، تطور ليصبح مدينة جديدة هي " حلفا الجديدة " . كان عملنا يتصل بالتعرف على مؤشرات هذا التضاد بين ثقافتين ، إحداهما رعوية و الأحرى زراعية . أقرأ معي ما كتب "قونار سوربو " ، في رسالته الجامعية التي قدمها في جامعة بيرجن :

    " لقد تميزت السنوات الأولى بالنسبة للحلفاويين بالخوف و التردد و ضعف الثقة . و كان النوبيون يحسبون الرشايدة و البجا ، جماعات منغلقة غير قابلة للتطور . إنهم بدو في نظرهم ، يمتشقون السيوف و المدى و ينهبون البهائم بليل، و يخادعون النوبيين المقيمين الذين يستأجرونهم للعمل في حواشاتهم ضمن المشروع " . . و يمضي "سوربو" ليقول ، إن أوامرًا قد صدرت من بعد تمنع الرحل من امتشاق الأسلحة البيضاء عند دخولهم القرى النوبية ، و أن تلك هي ذات النظرة التى يرى بها النوبيون عرب الشكرية المسالمين، الذين يساكنونهم السهل ، و هو في الأصل مقام تقليدي للشكرية .

    تلك خلفية لا بد منها ، حتى أبين لك عزيزي القاريء ، كيف قابلت الشاعرالراحل البدوي المجيد الصادق حمد الحلال ، أو الصادق ود آمنة .

    كان للشاعر الصادق حضور قوي ، و نفس شعري مبهر . لم يكن في كامل أرض الشكرية من يجاريه ذلك الزمان الذي أحدثك عنه . رجل فارع الطول ، دقيق الملامح ، منشرح الأسارير . هاديء مثل نسمة تأتيك بعد نهار مطير ، لكنه يخفي توترا يعتمل في دواخله مما لا يخفى على من يجالسه لساعات مثلما فعلت أنا و الباحث النرويجي " سوربو " . القلق الذي يفيض من وجه الصادق حمد الحلال ، هو قلق الفنان ترهقه إلى جانب الحساسية المفرطة ، المعاناة يكابدها في بيئة تترصد الأصول و الأنساب

    ترصدا مهلكا).....نواصل.





    * المصدر سودانيل
                  

06-30-2013, 12:01 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    لقد كان الأديب السفير جمال محمد إبراهيم دقيقاً عندما نقل إلينا القلق الذي يفيض من وجه الصادق حمد الحلال وقال:( إنه قلق الفنان الذي ترهقه إلى جانب الحساسية المفرطة، المعاناة التي يكابدها في بيئة تترصد الأصول و الأنساب ترصداً مهلكاً).ورغم ذلك لم يوهن حب شاعرنا الصادق

    ود آمنة لأرض البطانة، ومن مظاهر هذا الحب وصفه البديع لطبيعتها، ولنره الآن وهو يصفها عندما جاد عليها المطر الذي أحال حزنها إلى سرور، وأشجارها المصفرة إلى خضرة زاهية، وأضرعة نوقها العجاف اليابسة إلى وعاءٍ يمتلئ بالحليب. يقول:

    العَجَـمِيه مِـنْ بَحـرَ المُحِيـط إِنْجَـرَّتْ

    وَدورَينْ السِيولْ مَانْعَـه النِعـَمْ مَـا فَرَّتْ

    بُطانةَ أَبْ سِنْ طَوَتْ تَوبْ الحُزُنْ وانسَرَّتْ

    والبِلْ حَـاشَنْ الكِـترَه وعجـوفِنْ دَرَّتْ

    وفي مربع آخر يحمل أنشودة المطر في روعة يفسدها التعليق يقول:

    الضَحَوي الرَزَمْ جَابْ الدَلَيجْ مِن غَادِي

    فَايضاً عَـزقَ العُـقدَه ومطيمرَ الهَادِي

    أَسقي البَحَري مِـن لَيلو وبَنَات الوَادِي

    يمشي كسِيدَه لا عِـندَ العُـلُو المِسَادِي

    ولم يعرف عن ود آمنة شعر الهجاء، وإن اشتهرت له قصيدة هجائية في قالب فكاهي تحمل صوراً كاريكتيرية طريفة قالها عندما فرت جماعة من الفضالة من أمام ثور هاج، بعد أن عقروا ذنبه وهو مقيد فطاردهم رغم ذلك، فدارت القصيدة حول هذا الفرار، نختار منها الرباعيات التالية:

    التَورْ وَدْ دَهِيسْ أَصلُوا الكُتَالْ مُو هَمُو

    لكِن عَيبو وَاحـده كُـراعو مـا بِتلَمُو

    شَوَّشْ وشَـال فِيهم ضَنبو يَلبَخْ دَمُـو

    سَووا السَامي الله وبالصَقَيعه إِنخمُو ..!

    ******

    الله يِقِـدَّكْ القَـايلينْ قَـبُل عَـقَروكْ

    مَبسوطينْ وهُـنْ الفصْدَه ما فَصَدَوكْ

    ناسْ صِديق يِزازُو ومِـنْ بَعيدْ بَاروكْ

    يَعْتِر ويِنْسَنِد لامِن وَقع في الشوكْ ..!

    ******

    جَـابْ سَلبُو الكَتِيرْ واتشَمَّـرْ الجَـزَارْ

    كَـانْ قُبَالُو ضَابِحْ أَولاد أَبوهـو كُتارْ

    مُـو قَـايلْ العِجِـل وَلداً بِجِيبْ التَارْ

    خَلِصْ دَيَنكْ إِتْ ما بتَعرِفْ الموت حَارْ

    ******

    مَبسوطْ الفَضُل صَـابِقْ جَـماعَـةْ دَورُو

    عَضَّه الجِبَّه بيْ سنُونُو ومـَرَقْ مِنْ تَورُو

    الصِـديق تَراهُـو وَلداً سَرِيعْ في فَـورُو

    وَدْ خَيرْ طَفَّرْ الحَوشْ الكَبيرْ بيْ حُورُو ..!

    والقصيدة تطول، يمكن الرجوع إليها كاملة بسفر الدكتور أحمد إبراهيم أبو سن "تاريخ الشكرية ونماذج من شعر البطانة.

    ومن أشعاره الحوارية والتي يمكن إدراجها ضمن طائفة شعر الفكاهة والذي أجاده شاعرنا قصيدته الطويلة التي جاءت حوارية بين مزارع و غنامي(راعي الأغنام) نقتطف منها مايلي:

    المزارع:

    صايم طول نهارك تطوي في الحنتوت

    فوق كيله و ربع لامن خريفك يفوت

    جربانك كرتب و في الصرار بتصوت

    يوم يا صاحبي ، بتنقدك دبيبة تموت

    الغنامي:

    بالكوريك تسدد ، منبلي و حرقان

    واقف طول نهارك و القمح غرقان

    لميت الطلب ، جيت لام سراب شرقان

    إت ساعة الخلاص من العجم عرقان

    المزارع:

    مكاوش في القشوش القفرة و المتلية

    من حر الصقط كرعيك شقوقهن مية

    عرفناك في الجلب بتجمع المالية

    يا جان الغنم ، وين الزكاة الفرضية

    الغنامي:

    الليل و النهار راكب الحمار ما بلين

    تجمع في ام سراب متل الجمل متطين

    آلآم الفلس ، فوقك مؤثر بين

    من حش النجيل، ضهرك عضامو تزين

    المزارع:

    لبس عالي و مرق من بيتي زولا شاهر

    فوق العسنة و البكارة ، ماني مساهر

    الليل كلو تطرد في الحمير و تناهر

    عيب دقني إن لبس في عمرو هدمًا طاهر

    الغنامي:

    إتناشر شهر فوق أم سراب مسجون

    موية الترعة سوتلك تلاتة بطون

    طباك الفلس ، تسأل تقول مجنون

    أنا خايفك تموت من القطن مديون؟

    المزارع :

    القش إتملا و اتواقفنلو شروفهن

    راعيهم متقز منهن ما بشوفهن

    لاوي رقبتو في لوحة يمينو خروفهن

    أماتو الكبار يجابدن في صوفهن

    من هذه الصور الكاريكاتورية نخرج إلى أشعار المدح عند الصادق، وقد كان صادقاً بالفعل وهو يمدح صديقه الشريف إبراهيم يوسف الهندي الذي كان يغذي صداقتهما بالهدايا والمودة . يقول عنه:

    تَلاتَـه في الخَصَايلْ مِـنْ رَفيقي بُعَـادْ

    الخَـوف والبُخُل وطَمَعَ النَفِسْ في الزَادْ

    دَا بتعَرفُو يـا البِتَقضِي كَـلْ أَغـرَاضْ

    ضَبحْ أُماتْ سَرِي ودَفعَ النَقِي أَبْ عُقَادْ

    ويقول عن ممدوحه أيضاً:

    ليْ زَمَناً عَدِيدْ سَرجِي وفُراشِي مَدَمَّـرْ

    نَفَضُو المَانحدَبْ فَوقْ الْمضَارِي وكَمَّرْ

    وَدْ العِـندو فَـاني الدُنـيا مَـا بِتْعَمَّرْ

    أَداني المِتِـل وَدَ الرُطَـانـه الجَمَّـرْ

    وقد بلغ الصادق شأواً بعيداً في الإبداع وهويمدح ذات الممدوح عندما قال:

    خَلِيفةْ يوسِف أَبْ نَظراً بِزِيـل الهَـمْ

    أَجـوَاداً هَـمِيمْ وَدْ أَب عَـطَاياً خَـمْ

    ضَبـَّاح الجَـزُر وكـتَ الخُلوق تِتْلَمْ

    بالليلْ والنْهَـارْ سِـكِينو تَرْعَـفْ دَمْ

    وقد عالج الصادق شعر الرثاء الذي يجيئ أحياناً مدحاً للمتوفي أو ما يعرف بالتأبين، وقد وقعنا على رباعية بديعة يرثي فيها الشيخ محمد حمد أبو سن يقول فيها تأبيناً خالطه التوجع وقد برزت على الوجه التالي:-

    يـا تَوب العَـرايا الهَمُـو مِـن البَرَدْ

    يا حَوضْ العَـطِيش وَينَ الضَمَايَا بْتَرَدْ

    الموتْ يـا عظيمْ حَقـاً مُؤجـلْ فَرْضْ

    هَجِيمتَكْ تَفْلَخَ الصَخرَه وتهِـزَ الأَرضْ

    وكما ذكرنا فإن شاعرنا يلجأ إلى مشائخه دائماً، فهو تلميذ صوفي ملتزم، وقد رأيناه وهو يخاطب شيخه ليجعل أيامه سعيدة من خلال مربع ساحر يستعصي فهمه على الكثيرين وبه من الروعة ما به. يقول:-

    يـا شَـيخَ الطَـريق العَـليكَ الطُرْقْ

    حُظُوظ أَيامنا مـا تَبقى شُـوماً بُـرْقْ

    الوَتِـيش البِجِـيبَنُو التُعـول الـزُرْقْ

    شُفتو اللَيله في خَدْ أُم بَراطمَ المِلاقطَه الحُرْقْ

    ولم يكن غريباً أن يلجأ أهل البادية لمشائخهم ويلوذون بهم في كل أمر دهاهم أو عندما تستعصي عليهم أمانيهم وتعاندهم، وحدث أن سافر شاعرنا من جبال السبعة إلى الشيخ الفاضل راجل الطندبة بريفي رفاعة، طالباً منه الدعاء ليرزقه الله بالولد، فقد كان شاعرنا يعاني من العقم، وعندما وقف بباب الشيخ أخذ يقول:-

    جِيتَكْ مِـنْ جُبالَ السَبعَه ضَيف وحُوارْ

    شفِيع الأُمـه مَـا قَال كُرِمُوا الشُعَـارْ

    مـا تَرفـعِ يَـداك للواحـدَ القَهــارْ

    قَليت الأَدب شَيخنا العُقٌـرْ مُـو حَـارْ

    ******

    لا بَـخَجَـلْ ولا بَحَسِـبْ ولا بَضَـارَى

    ويا بسَه قَصَبتي عَادمَه الخِلفَه والشوبَارَه

    بي جَـاه جَـدَك وحَسَنْ الظَهَرْ في بَـارَه

    سَوْلي طَرشَ أَبوكَ بالدُكَّـرِي أَب نُقَارَه

    ******

    تلفونَـكْ ضَـرَبْ عَـمَّ الصُبُحْ والغَـرْبْ

    والسَيفْ السَنِين مَـا بالِي مِـنَ الضَرْبْ

    يـا بحـرَ المُحيـط وَدْ البِزِيلُو الكَـرْبْ

    بَدُور مِنَكْ وَريـثْ مَـالي وخَبيرَ الدَّرْبْ

    ******

    سَأَلتَكْ بالنَبي وصاحبَ الجَـلاله العَادِلْ

    أَسكِـتْ خَشمِي لا تخَليني أكَتِّر أَجَادِلْ

    بَدُور مِـن يَداك وَلدينْ وأَفـرحْ أَقادِلْ

    أَسميهم بَـراي عَبد الرحيم والفاضِلْ

    ورغم مأساة شاعرنا وما ظل يعانيه من أحاسيس مرة بسبب العقم، إلا أنه ظل شاعراً غَزِلاً، وله في الغزل شؤون وشجون وفنون. ولعل مساجلاته الغزلية الخطيرة مع الشاعر ود شوراني حملت جماليات وإبداعات فذة، وارتبطت بروح المنافسة الشرسة.

    البَارِحْ عَليْ جَـمْرَ الصَـنَوبْ بَتعَـرَّكْ

    لامِـن كَـوكَـبَ اللَيل المِقَـابِلْ وَرَّكْ

    ضَاع صَبري وعلي حَسساً قَديمْ إتحرَّكْ

    مِن عانسَ جَـدِي النقعْ أُم عَسِيناً فَرَّكْ

    وما بال هذا الليل يقض منام شاعرنا وما بال عشقه يجلب إليه تباريح تستشعرها كبده:

    اللَيلْ تِلتُو رَوَّحْ ونَجْمُـو مَـيَّل غَـرْبْ

    وانَا فَـوقْ سَاقِي لامتَينْ يا مُزِيل الكَرْبْ

    حَسَسْ المَاهُو مَاسْكَه التِيهَه فَاكْ الدَّرْبْ

    جَابْ ليْ عِـلَةْ الكَبدَه البِتَضْرُبْ ضَـرْبْ

    ومن مربعاته الغزلية التي أثارت إعجاب الشعراء قبل المتلقين، ذلك المربع الذي يقول فيه:

    جُزَيعي وعدمْ صَبري وزَلازلِي وخَوفِي

    مِـن سَراجَةْ الدَعجـا الوَضِيبا مِفَوفِي

    الخَـلاني مِـن الغَـيرا كِتِرْ عَـوفِي

    رَيدْهَا وعُشْقَهَا البَّنَا فِي مَداينْ جَوفِي

    وتفرد شاعرنا في وصف الجمال والحسان تفرداً بيناً، وله فيه إشارات ذكية تحتوشها سباكة جيدة، وتبرزها المفردات الفخيمة والرنين العالي. يقول:-

    شَرقَانْ في جَمالِك وعَجَزْنِي أَوصَافِكْ

    وفِـيك خِلَقاً تَمَتَّعْ كُـلَّ رَاوياً شَـافِكْ

    الفارسَ الابِس دِرعَ الدِوَيدي بِخَـافِكْ

    عينيكْ عَينْ جَدِي ودوفةَ أُم لَببْ في اردافِكْ

    ومن رباعيات ود آمنة التي أجاد فيها الوصف الذي خاللـه بوجدانياته الآسرة المربعان التاليان اللذان نختتم بهما نماذجنا من أشعاره، يقول في أولهما:-

    أَسْهَامِكْ دُقـاق مَاكِي الغَليدَه الفحلَه

    وشُعاعِكْ صَافي كالقمرْ المِنازِلْ زُحْلَه

    عَليكْ طوَّلْ نَويحِي وصَحَـتِي المِنْحَلَه

    سَالباني وبـراكْ ليَّ الأُنسْ ما بِحْلى

    ويقول في ثانيهما:


    أَسهامِـكْ دُقاق يَـا سَمْحَةْ الخَــدَّادْ

    وسَالبانِي وعَليْ مَرَضاً مُطَـوِّلْ عـادْ

    البِتقَمِحي البـيْ شُـروكو والقَصَّـادْ

    تَاتِي المَشيه تِلِّي الفَوقْ خواصرِكْ هَادْ

    وفي ختام حديثنا عن الصادق لا بد من إثبات حقيقة مهمة يتميز بها هذا الشاعر دون كافة الشعراء، وهي أن مستوى إنتاجه الفني لم يتدنَ أبداً إلى أقل من مستوى الروعة والإبداع، على الرغم من أنه شاعر مكثر. وقد أسفت كثيراً أن مثل هذا الشاعر لم يضم إنتاجه ديوان شعري رغم ثراء أشعاره ومكانته المتقدمة بين الشعراء، ولا يكفي أن تتناثر بعض أشعاره هنا وهناك في بعض المصادر أو أن يتداولها شفاهياً بعض الرواة، إنما يجب الحفاظ على هذا الإرث الشعري البديع بطريقة أفضل، ورجائي أن يقوم الباحثون الأكفاء والرواة الثقاة مقام ما تمناه شاعرنا من أبناء فيجمعون شعره في ديوان محقق ومشروح ليتنسم الكل عبيره ويشتم أريجه، وهذا واجب يحتمه الوفاء لهذا الرجل الذي أثرى وجداننا وأنار عقولنا وشرح صدورنا.




    * المصدر سودانايل
                  

07-01-2013, 09:45 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    قلبي الليله لي بلد الحبايب شاشه
    هفولو الظراف طيبه وحنان وبشاشه
    السلب اللحم في عضمي جابلو هشاشه
    جمر الشوق مغطي الروح وباقي فراشه

    الخلاني زاهد في القعاد جافيهو
    سر شوقاً كتم طول الزمن خافيهو
    حاول قلبي يصبر والصبر ناسيهو
    ودُرت اليقين ما عرف مكانو الفيهو

    أنا يا صاحبي قلبي الصادو تب كافيهو
    ملدوغ السوام المصلو مو شافيهو
    بشرّك لي الرهاب وأجريلو متلافيهو
    دايرو يبرّد الجمر الغلب طافيهو

    الغربه أرهقتنا الله يقطع يوما
    نتجرّس ضحا ونتفشا بي المكتومه
    بنضيق نحنا ساكت والأمور مقسومه
    والفي بالو الرجوع أولالو عاد القومه
                  

07-01-2013, 09:47 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    انجرح الفؤاد والعله زادت عله
    المشوار طويل ..والحيل البشيل انشل
    يا معلقنى بحبال الهوى ..وغلبت اتدلى
    وصبحت مواجه العقد الابت تنحل

    يا اللادن قوامك ولون اديمك تبرى
    شعرك عتمة الليل اب نيازكا تجرى
    يا ام حبا مقلقنى ومقلل صبرى
    تكتلى فى العشاق من دون قصد ما بتدرى


    البنشاف قريب ورجلى ما بتمشيلو
    يتبسم بروق مطرا مكمل ليلو
    الظالمنى واتحيرت فى الاشكيلو
    حراسو النمر ...الزول البجيهو بشيلو
                  

07-02-2013, 10:06 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    قماري الهجعه نايحات فوقي لاقا صباحن
    وجراح كبدي قايحاتن بضج نباحن
    كان ... يالقمري فرقات العشوق شباحن
    أوصلو كان يدوس مجري الدموع كباحن
                  

07-02-2013, 10:09 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ياساجعه نجوم الفرقه زيدي نويحك
    بأن مطعون مسقد بالليالي جريحك
    إنتي الباكية فوق فرعا بهف لو حيحك
    وانا العذبني لحنك بي الم تجريحك
                  

07-02-2013, 10:10 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ياالساجعه العلي فروع الاسى البتغني
    وفي جنة ظلالك بي النعيم تتهني
    كان دهرك شقاقك ومره تدرتي تحني
    البكا والنويح اتعلميهن مني
                  

07-02-2013, 10:12 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    قالت لي النويح من بدري لي مصرح
    عابداهو وبريدو وحلقي منو إتجرح
    قت ليها الهتف لي ومس قلبي مسّرح
    صُريع الجدي العصرو الكتيوي وسّرح
                  

07-02-2013, 10:16 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الـغــنـا والـنـمـيم لـيـك ياحبيبة بسوقو
    ودنـديــن الـكــلام جــــوايا عامر سوقو
    يا روحي وغناي طاوعوني ارسو وروقو
    خلوني النوصف زول بموت بي شوقو
                  

07-02-2013, 10:18 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    عيان يا طبيب وشفايا في الهالكاني
    معسولة البنات البي الحنان غامراني
    ملــــيان بيها لي حد الشقف مالياني
    آه انــا يا طبيب ما ذبت من احزاني
                  

07-02-2013, 10:20 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    اكــحـــل غير دلال فطرة ومقسم نُصو
    ناعـــم جـسـمـو ليـوني وحنانو برُصو

    الخــلــــي الفكر بي هم غرامو يقُصو
    جيش الضحكة حالف لي قليبي يطُسو
                  

07-02-2013, 10:22 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    البت المن زباين الشام طلق كافورا
    من يوم الألست سواتا فى محفوره
    الخلى قلبى داشر تقول نافورا
    صاحى مغلتنو وزنوبا جت مغفوره
                  

07-02-2013, 11:01 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    بهم تبرة الصى السقايتو الدمعه
    اوصاف الجمال التسعه فيه مجتمعه
    البت التفوق الماس غلاوة ولمعه
    زى دعوة المظلوم الحجو صادف جمعه
                  

07-02-2013, 11:03 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ختوتا ريل وخولها موسط
    ومابين تاتاى قدوما وخطوتا الإنرصت
    حسيت قلبى فارقنى وكع كبدتى إنقصت
                  

07-02-2013, 11:07 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ود الرضى قال وهو يصف فتاة تنادى رفيقاتها بالطريق وهو كان يسير بجوارهن :

    صاحت ومنادى قلوبنا صاح
    واتبكموا الناس الفصاح
    المجانين عقلوا وجنو النصاح
    مالشافعة مى شافعة نصاح
                  

07-02-2013, 11:12 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    احمد عوض الكريم ابو سن

    قلبى الكان طربان خلى عقب اتحزن
    ريشاتوا التقال من الغرام انهزن
    يقنب صاحى لا السحر اب رقيبا اذن
    فاقد الكبسنت كبسونها ظرفها خزن

    يا ابو فاطمة ام طعم منها النفوس ما كزن
    غارت قلبى بى جلل المدافع الرزن
    ديسها القادا هضليم النعام الفزن
    جيدها الباهى كل حزن بيطرد حزن
                  

07-02-2013, 11:21 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    كتب الشك

    نزلتي فوق أم صفاة باينه
    وبستامن علي البيت اب نزلتن دانيه
    إيداً من جهل لي بت أعم مي خاينه
    وضهري وتر حديد مافي عصبتن لاينه

    نحنا نسوي وبي البنسيها ما بنتمزى
    سودانيه عزاز أهل الكرم والعزه
    كفوفنا نقيه من تهم النكب والهزه
    تصرم عندنا ال**** المواركه اللذه


    سودانيه نحنا مانا بالبلود ننجال
    ونحنا الفي فريقنا بصرمن الحيال
    نحن مجدعين هامات الترك في النال
    ونحن الموت مداوسنا ولقينا رجال

    شكيت الصيدة كان شالت منامي
    وهبّت جمرة الشوق في عضامي
    عفيت الصيدة تسلم من كلامـي
    براي بربحت تعذيبي وهيـامـي

    ماها بنية عرب سرحت بي غنم بالوادي
    وماها بنية مدن كل يوم تصابح القاضي
    ايديك حرير مجدول
    ونهدك مسك الفوق الرمال متسادي
    دغمة خشمك الضحوة المزرقنة غادي

    ماها بنية عرب سرحت تشيل ماعونها
    وماها بنية مدن بتصابح الطابونة
    في قليبنا شتلوها زي عرجونة
    نحن نبكي والقبالنا يبكو أرجون

    حـجلا فـــى الرجال شـمـلول بسوق فـرسانا
    شـقاق لـلـخـشـش قــنـاص ... خــبـــيــر نـيـشانـا
    سـاعات الـخمج جنــبــا ...سـليط بـى شانـا
    وقت المكرمـات ...دخـريـنا دخــرى عشانـا

    أنا التوب العشارى الـباهـى زيقو
    وانا الدابـى إن كمـن لـلزول يـعـيـقـو
    وانا فـراج الــرجال وكـتــين يـضــيقو
    وانا الـمأمون على نـسوان فريقو


    يا ناس الـضـراع الاخـدر الـمـمدود
    يانـاس الــقـدح الـنارو مـا بــتـموت
    يا ناس الـكرم وقـت الـضـيقة ديك والجود
    الليلـة الرجالة والله ما بتفوت


    مـا نـاسين جـمايلك ودادك صـافـى
    كـل مـــن غاب تـأثرو فـى اللـيالى توافى
    عـشمانـيــن رضاك ماك الـبخـيل الـجافـى
    كــان قـصرنا سامـحنـا وخصــيــمك عافـى

    غـنيت بـالعديلة لـى عــيال شايق
    الـبرشو الـضـعــيفة ويــلحقوا الـضايــق
    الـليـلـة اسـتعدوا وركبـوا خـيـل الكر
    وقدامهم عقيدهم بالأغر دفر
    جنياتنا الاسود الليلة تـتـنتر
    ويــا الباشا الـغشــيـم قول لـجدادك كر .

    الـرزامة حنت دايرة صدر الغر
    تـطارده الـمفرفق وفـوق جــناها تدر
    جـقلة معزة الدعج الـوضيـفها بجـر
    ضايـــق فيك حمدن الله الكوماج المـر
                  

07-02-2013, 11:32 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    يوم قسمو الجمال أدوكي روحو وقلبو
    وأدوني السهر جفني الغميدة تغلبو
    في التلت الاخير الواعي يعبد ربو
    وانا فتشت وين ابن الملوح دربو

    جفلت واعرضت احمت عيوني تشوفا
    لى طرف الخمـار جرت تغطي سيوفا
    بت الاريل المن المـرافعين خـوفا
    في واحة قليبي تجري وتنط على كيفا
                  

07-02-2013, 11:35 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    يوم يشملني بي عطفو ودلالو ودلّــــو
    ويوم للاهة يترك قلبي ساي في محلو
    يـــارب يـــا كـريـم حـنــن قليبو وخلو
    يطراني وكفاي انا بس اقيف في ضلو
                  

07-03-2013, 10:24 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    " محكمة الغرام" :

    الشاعر المدني الكردوسي

    طالبني الغرام رسل لي خمسة عساكر
    وأنا عامل جنايات والعقل مو فاكر
    بعد ودوني قابلتو القبيح الماكر
    قال ختوه يرقد في السجن لا باكر
    *****
    بعد الصبح أصبح والسجن فتحوه
    والمكتب عمر قالوا الأسير جيبوه
    قال ليهم الولد ياتو هــــو ؟
    قالوا عشوق خدود اللينة ماعرفتوه؟
    *****
    قالوا ها بالحيل بنعرف الغرام شاويهو
    ومن فضلك تسامحو وغايتو لا تقاويهو
    الماسكو الهوى العذري نازل فيهو
    في حكم الشرع لا يكون جناية عليهو
    *****
    اتنفش الغرام برنيطو شالها نفاها
    ضرب الكوبيا لا من سرحا وشقاها
    إتناول قلم غيرها وكتابتو محاها
    قال أمسكتو خمسين جلده إتنين نجمة غايتو معاها
    *****
    بعدما فاق بقول ودوه للباشكاتب
    يمكن يلقى أورنيكو ويزيدلو الراتب
    وجد عندو جمهور ناس فلانة مراتب
    قال ليهو كون جالس لا تخاطب
    *****
    أخد ساعتين مصنقر فوق جمر قلاية
    لا سمع رد جواب لا جاتني راجعة حكاية
    فتش أوراقي أبد ما وجد لي خطايا
    قال ودوهو للنائب غلبت براية
    *****
    يا خلاي بعد ما جيت وصلت النايب
    قال أووك يا سلام أورنيكو فيهو نصايب
    دا أصلو حرامي كان مسحب وغايب
    ودوه للمامور براه الشايـــــب
    *****
    المامور بعدما جيت وقف قابلتو
    شخص أبصاروا وعاين لي مسك في شغلتو
    قال للعسكر التابعني كيف عملتو
    ده ودوه للمستر يشوف مسألتو
    *****
    المستر بعدما جيت وقف قدامـو
    عاين لي نص ساعة وطلب ترجامو
    ترجاميهو ترجملو وعدل لو كلامو
    قال ودوه لي مولاه قاضي إسلامو
    *****
    قاضي المحكمة الشرعية جيت عن بابو
    مقدار ثانية فورا رد لي جوابو
    قال لي معاك ما أحوال الغرام وأسبابو؟
    قت لو القصة من زولا حرير قربابو
    *****
    القاضي إتمحن والمفتي برضو معاهو
    قال ودو لي حكيم الصحة يكشف داهو
    يمكن تكون مسألتو هينة والدوا بيلقاهو
    ما يدروه حسرور المزرقن فاهو
    *****
    قم من حيني قاصد لي حكيم الصحة
    امشي عليهو أردف كل مرة الوحة
    قت لي سيبني ما عندك دوايا صح
    أنا طبي .. ( ليم القرنهن ما شح )..
    *****
    سبتو براهو في اودتو ومرق خليتو
    والحسس العلي جوه الضلع دسيتو
    كل ما يهف لي عجلول الترى الفي قيدتو
    ما لدواي طب أكان ما صديهن جسيتو
    *****
    يا خلاي خلاص هذا الحديث إنتم
    والنوم فر والعينان دموعهن جم
    مريودة أمها السولها السوار والكم
    تجمع شملنا وبعد الفراق نتلم.
    _________________
    الناس في العروض ما تقيسه بي تيبانه
    مايغرك لباسن والعروض عريانه
    ديل حراس رزق زي التكنو أمانه
    زي إبل الرحيل شايله السقى وعطشانه




    * المصدر منتديات كبوشية .
                  

07-03-2013, 10:24 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    " محكمة الغرام" :

    الشاعر المدني الكردوسي

    طالبني الغرام رسل لي خمسة عساكر
    وأنا عامل جنايات والعقل مو فاكر
    بعد ودوني قابلتو القبيح الماكر
    قال ختوه يرقد في السجن لا باكر
    *****
    بعد الصبح أصبح والسجن فتحوه
    والمكتب عمر قالوا الأسير جيبوه
    قال ليهم الولد ياتو هــــو ؟
    قالوا عشوق خدود اللينة ماعرفتوه؟
    *****
    قالوا ها بالحيل بنعرف الغرام شاويهو
    ومن فضلك تسامحو وغايتو لا تقاويهو
    الماسكو الهوى العذري نازل فيهو
    في حكم الشرع لا يكون جناية عليهو
    *****
    اتنفش الغرام برنيطو شالها نفاها
    ضرب الكوبيا لا من سرحا وشقاها
    إتناول قلم غيرها وكتابتو محاها
    قال أمسكتو خمسين جلده إتنين نجمة غايتو معاها
    *****
    بعدما فاق بقول ودوه للباشكاتب
    يمكن يلقى أورنيكو ويزيدلو الراتب
    وجد عندو جمهور ناس فلانة مراتب
    قال ليهو كون جالس لا تخاطب
    *****
    أخد ساعتين مصنقر فوق جمر قلاية
    لا سمع رد جواب لا جاتني راجعة حكاية
    فتش أوراقي أبد ما وجد لي خطايا
    قال ودوهو للنائب غلبت براية
    *****
    يا خلاي بعد ما جيت وصلت النايب
    قال أووك يا سلام أورنيكو فيهو نصايب
    دا أصلو حرامي كان مسحب وغايب
    ودوه للمامور براه الشايـــــب
    *****
    المامور بعدما جيت وقف قابلتو
    شخص أبصاروا وعاين لي مسك في شغلتو
    قال للعسكر التابعني كيف عملتو
    ده ودوه للمستر يشوف مسألتو
    *****
    المستر بعدما جيت وقف قدامـو
    عاين لي نص ساعة وطلب ترجامو
    ترجاميهو ترجملو وعدل لو كلامو
    قال ودوه لي مولاه قاضي إسلامو
    *****
    قاضي المحكمة الشرعية جيت عن بابو
    مقدار ثانية فورا رد لي جوابو
    قال لي معاك ما أحوال الغرام وأسبابو؟
    قت لو القصة من زولا حرير قربابو
    *****
    القاضي إتمحن والمفتي برضو معاهو
    قال ودو لي حكيم الصحة يكشف داهو
    يمكن تكون مسألتو هينة والدوا بيلقاهو
    ما يدروه حسرور المزرقن فاهو
    *****
    قم من حيني قاصد لي حكيم الصحة
    امشي عليهو أردف كل مرة الوحة
    قت لي سيبني ما عندك دوايا صح
    أنا طبي .. ( ليم القرنهن ما شح )..
    *****
    سبتو براهو في اودتو ومرق خليتو
    والحسس العلي جوه الضلع دسيتو
    كل ما يهف لي عجلول الترى الفي قيدتو
    ما لدواي طب أكان ما صديهن جسيتو
    *****
    يا خلاي خلاص هذا الحديث إنتم
    والنوم فر والعينان دموعهن جم
    مريودة أمها السولها السوار والكم
    تجمع شملنا وبعد الفراق نتلم.
    _________________
    الناس في العروض ما تقيسه بي تيبانه
    مايغرك لباسن والعروض عريانه
    ديل حراس رزق زي التكنو أمانه
    زي إبل الرحيل شايله السقى وعطشانه




    * المصدر منتديات كبوشية .
                  

07-03-2013, 11:36 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    يامولاي فرج كربتي الحاصلالـــــــــــــي

    واجمع شملي بالتابره ام ردافً عالــــــــي

    انشق عرفها واشرب زلالاً حالــــــــــــي

    اطفي جحيم حشاي بي مكحل الامقالـــــي


    لاعايز سعايه ولااكون ابالـــــــــــــــــــي

    الا منايا ليم النايرات يبقالــــــــــــــــــــي

    كاتلات كم قبل في اولاد عذر قبالــــــــي

    ليهن كيد عظيم للشابو والاطفـــــــــال


    با آل الحرم ليكم نداي خافيهـــــــــــو

    اغيثو متيماٌ جرت الصبابات فيهـــــو

    خداد ولميع البرق ثانياُ فيهــــــــــــو

    قعدن قلبي يطونو ويفرن فيهـــــــــو



    من مصر العتيقه القر نزل ضايفــــني

    جد جروح عشوقي المجلسو مكيفـني

    اكان المولى بي سمح الخدود اسعفني

    يرجع قلبي والنوم الودر من جفنـــــي
                  

07-03-2013, 11:39 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    باب الحب

    زَىْ المِنْضَهِل خَالِك كِتِر سَاسَاقُو
    عَلى الحَاوِى الجَّمَال مِنْ هَامْتُو لاعِنْد سَاقُو
    دَقِيقه ونُص تَقَابَلْنَا وجَمِيع حَوَاسِى إنْسَاقُو
    جَاهُو زَمِيلُه أشْبَه بالمَلايْكه وسَاقُو

    بَابْ الحُب فَتَحْتُو يَاقَلْبِى حَاسب تَاقْو
    كُلْمَا يَنْدَمِل جَرْحُو يَعُود لَى فِتَاقُو
    كم أرْوَاح بِتَشْهَق وكَم نِفُوسْاً تَاقُو
    حِكْمَة رَبَّنَا نَشْتَاق ومَا بِشْتَاقُوا

    أتُوقْ لَى أدَبُه الرَّفِيع وعَظِيم أخْلاَقُو
    عَظِيم وبَعِيد خَلاَص علِى الزَّول القَصِير مِعْلاَقُو
    أدِيب أنَا قَط مَا بَتْلَقَّطْ مَحَاسن أخْلاَقُو
    أنَا أصْلُو صِيدِى نَاجِع فِى الكُون عَلى إطْلاَقُو




    * دوبيت ود الرضي .

    (عدل بواسطة أمير محمد ادريس on 07-03-2013, 11:43 AM)

                  

07-03-2013, 11:46 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    شوفتك حالية

    شُوفْتِك حَالْيَة بَيهَا يَحْظَى جَنَانِى
    زَى رِيحَة قَمِيصْ الخَشَّ بِيرْ كَنْعَانِى[1]
    مَكْتُوبْ فُوقْ جَبِينِك بَى حِبِر سُلْطَانِى
    عِشْرِينَينْ ووَاحِد وأرْبَعة ومَائتَانْ[2]

    لولا مِى الدِّغَيسَه الغُرْبَه مَا هَامَانِى
    يَاخِلاَّى حَاطْ بَىْ الوَلَه عَمَّانِى
    مَسْطُول مِنْ لِهَيجَه المَبْسَم الغَيرَمَانِى
    والجِّيدْ المَحْزَّزْ والنِّهَيد رُمَّانِى

    سِتِّى علَى الفَضِيحَه والفَسِلْ عَاصْرَانِى
    والَيتْ السَّهَرْ الصَّحَّه مِى مِبَاصْرَانِى
    قَطْ مَا بِحَرِّكِكْ مُسْلِمْ سِوَى نَصْرَانِى
    كُلْمَا تَشِيلْ قَدَم تَتْوَطَّى فِى مُصْرَانِى

    إنْ شَاء الله أكِان أخُوانْ زَاداًً دَخَل مُصْرَانِى
    مِنْ الإسْلام أكُونْ خَارج أصِيرْ نَصْرَانِى
    إيدِى عَلِى العَدُو قَط لاَتَكُونْ نَاصْرَانِى
    تَشِطْ أيَّامِى تَبْقَى عَلِى الخَتِفْ عَاصْرَانِى



    * دوبيت ود الرضي .





    [1] ريحة قميص الخش بير كنعان : يقصد سيدنا يوسف عليه السلام وقد ألقاه إخوته فى البئر وريحة قميصه ردت بصر والده سيدنا يعقوب عليه السلام.
    [2] عشرينين وواحد وأربعه ومائتان المجموع 245 وهو يقابل مجموع أرقام حروف كلمة الريد فالالف 1، اللام 30، الراء 200، الياء 10، الدال 4.
                  

07-03-2013, 11:50 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    فنى صبرى

    فَنَى صَبْرِى وضَنَى لازَالَ فِى المِرْوَادِ
    مِنْ العَنْجَا أُم سَوَادَ دِيسَاً كَحَلْ وسَوَادِ
    قُصَادْ شَلاَّخَه بَقَّت نُورَه حَارْقَه فُؤادِى
    حِنَينَه وجَافْيَه لَسْتُ أرَاهَا فِى العُوَّادِ

    يَا حَمَد الزَّمَانْ لا زَالَ لَىَّ مِعَادِى
    دَايْماً فِى كَشِفْ حَظِّى وخَلِفْ مِيعَادِى
    يَجَافِينِى الصَّدِيقْ ولَى يَقَبِّل غَادِى
    يَاجِدْ رَيَّا قَرِّب عُودْتِى مِن إبْعَادِى

    دَوَام ولَهِى وسِرُورِى كالأعْيَادِ
    تَرُوا وتَتْطَانَشُو زَى لاَ تَرُوا ياأسْيَادِى
    حَىْ أنَا يا حَمد مِنْ تِلْكُم الأقْيَادِ
    صَيداً تَمَّ أجَلُو وصَادَف الصَّيَّادِ

    حُكْمَ البِينِى مَا بِينُو لَى بِلاَدِى
    ومَالِى لا أحِنْ للرَّفْرَفْ العَبَّادِى
    سِتَّاتْ الصِّبَا الوَادَعْتَهِنْ أوْدَادِى
    غَيرِ مُهَنَّدٍ قَطَعَنْ عُرَى أكْبَادِى

    إتْعَطَّانِى رِيدَه وإنْطَبَع فِى فُؤادِى
    يزَاوِرْنِى عِنْد سَاعَة صَحَاى ورُقَادِى
    يَا مَنْ لَيه جَانِبْ كُلُّ حِلُّوا أقْيَادِى
    طَيفَ خَيَالَه لَسْتُ أرْاهُ فِى العُوَّادِ





    * دوبيت ود الرضي
    * المصدر شبكة بربر
                  

07-03-2013, 11:53 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    غى أم رشوم


    فِرْهَيدَه مِى خَشَّانَه
    حَىْ يَا ودْ بَدُر غِىْ أمْ رِشُومْ خَشَّانَا
    فَرَّشْنَا الرَّمَضْ جَابْ الجَّمُرْ غَطَّانَا
    بَى دَمْعَ الأسَفْ صَبَّ الوِجَنْ رَشَّانَا


    زَادْ القَلْبِ رَوعَه حَبِيبِى وكَتينْ جَانَا
    نَارْنا الوَلْوَلَتْ مَاكْنَه القَلِبْ سَرَجَانَه
    بَى بَالْ مِن جَهَنَّمْ فِى الحَشَا دَارجانَا
    مُو فَالْنَا الثَّبَات الطِّيبَه مِى فَارْجَانَا


    هِى الهُول والكَهَانَه لَم تَلْتَمِس لَبَسَانَه
    هِى الكَلْمَه التَّغَلِّط قَط ما بتَمُر بَلِسَانَه
    هِى الجَّفَا والمُسُخْ حَاشَاهَا مُو فِى شَانَه
    هِى صَنْدُوق سَرَايِرْ الكُل المُحَال كَشَفَانَه


    هِى وِصَال المَحَنَّه الحَاشَى مِى خَشَّانَه
    هِى الرِّيلْ النَّفُور مِن الأنِيسْ كَشَفَانَه
    هِى فَسْلَ الأهَل بِتْسُتْرُو بَى إحْسَانَه
    هِى البَلَد المَسَجَّنْ مِنْطَلِق عَلشَانَه


    لِهَيجْ السَّالِكَه وحَسَب الرَّسُول قِسْمَانَه
    هَبْ رِيحْ الصَّبَا ذَكَّرِنِى بَى نَسَمانَه
    يَلُوحْ النُّورْ يَوِج بَين خَدَّهَا وبَسَمانَه
    تَرَاتِيب اللُّطُف عِنْدِك وَضِح رَسْمَانَه




    * دوبيت ود الرضي
    * المصدر شبكة بربر
                  

07-03-2013, 11:57 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    زاهى جبينه

    زَاهِى جَبِينَه زَىْ قَمَر السِّبُوعْ اللاَّلاَ
    حَالِكْ دِيْمَه تَقْدَح وِجْنَتَه الغَلاَّلَه
    حَاوِى الحَوَرَه والنُجْلَه ودَقَّسَته وهِلاَلَه
    الدُّرْ والمِسِكْ جُوَّه الضِّلِيعْ وزِلاَلَه

    كَمْ تَلَفَتْ مُهَج بَلْ كَمْ دِمُوعْ هَاطْلاَلَه
    كَمْ أرْوَاحْ مَعَّلَقه خِلِّى نَحْوَ أطْلاَلَه
    كَمْ أرْعَبَتْ شَجِيع والرَّاسِخُونْ سَاطْلاَلَه
    مَصْحُوبْ بالخِضِر وصَفَا السِّرُورْ إطْلاَلَه

    رَبَّنا بَالمَعسرَّاتْ يا حمد أولَى لَه
    وهَوَى النِّفُوسْ جُمْلَه مِنْحَلاَّلَه
    تَبَّرَه الخَالِقْ زَينْ رَدَّمَه وعَلَى لَه
    زَانَه وعَظَّمَه ولَيهُ الحَمُدْ وجَلالَه




    * دوبيت ود الرضي
    * المصدر شبكة بربر
                  

07-03-2013, 12:00 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ضيق الواسعة

    لَجَّنْ بالزُّقَاقْ وصَبْرِى أضْحَى مَلايلْ
    عَلَى مَأوَاهُ مَالَنْ دَرَّجَنُّه دَلاَئِلْ
    قَلْبِى أنَا زَعْزَعَنُو وأنْبَتَنْلُه مَلاَيِلْ
    ضِيقْ الوَاسْعَه ضُقْتُه والعَلَىْ مُو زَايِلْ

    الجُودْ غَيرَ جُودْ الرَّاسْيَه هِيلَه خَصَايِلْ
    مَسْلُوبْ مِنْ سِفَاحْ مَا فَتَّشَنْ لُو وسَايِلْ
    سَابِلْ دِيْسَه مَهْدُولْ وعُنْقَهُ طَايِلْ
    حَى أنَا يَانَدِيمْ وَجِلْ لِكَونَهُ طَايِلْ

    أمْرَد ومِنْخَصِلْ لَيحَانْ كِتُوفُه نَصَايِلْ
    خِلْقَه مَفَدَّعَه طَالَنْ شِعُورَه سَدَايِلْ
    القَال عَارَضِكْ جَمْرُه المِجَمِّرُه صَايِلْ
    عَلَيكْ الجُّوزْ بَعِيدْ مِنْ زَرْدَخَانِكْ خَايِلْ

    مِن حَدْ النَّظَر فِى السِّكَّة لِيهِن جَايِلْ
    تَدْرِيجِنْ مَهُولْ مَا هِنْ شَفَاقَه عَجَايِلْ
    مَصْيُونَاتْ رِتُوعْ مَا فَرَّقْ قِدَيمِنْ جَايِلْ
    فِيهِنْ قَدْ وَرَدْ قُولاً حَكَنُّو سَجَايِلْ




    * دوبيت ود الرضي
    * المصدر شبكة بربر
                  

07-03-2013, 12:03 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    أخطيت بالكتير

    أخْطَيتْ بالكتير مَاهِنْ مسَاهِلْ هَيمْ
    جِلَيدِنْ وَارَك الدِّلْكَه مَع الدِّمْدَيمْ
    إصَيبْعَاتِنْ مُرُد خِنَيصِرِن قُضَّيمْ
    مَهْدِيَّات بِلاَ صَفْقَه ونَهِر جِضَّيمْ

    عَينِن لى أزَاى مَاقَالَن شِنْ أسْبَابُو
    عَارْفَاتْ العَلَىْ الفُقَرَا مُشْ طُبَّابُو
    شِنْ رَدَّيتْ لَهِن بَى شَرْحُو ما فِى حَبَابُو
    مَقَامِى أنَا عِنْدهِنْ بِتْلَ البَلَدْ لَى كِلاَبُوا

    حَيَاي أنَا جَرَّدَنُّوا وألْزَمَنِّى الخِفَّه
    بقِيتْ واقِعْ ذَلِيلْ بَى سُوحَهِنْ بتْقَفَّى
    لاَبِسْ لَىَّ بَدْلَه مِنْ الوَحِيحْ والبَفَّه
    لَيهِنْ قَلْبِى أرْهَف مِن وَرَقَة اللَّفَّه




    * دوبيت ود الرضي
    * المصدر شبكة بربر
                  

07-03-2013, 12:06 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الرزق المتاوت


    بَالرَّزْق المِتَاوِتْ قَلْبِى يُوت شَافْيَاهُ
    هَبْ جَمْر الكِتِر سِتْ رَيدِى مِى طَافْيَاهُ
    قَلْبِى مِمَرِّغَاهُ وإنْ سِلِمْ كَافْيَاهُ
    كَيفِنْ يَصْمَى قَلْباً رَايِدَه وجَافْيَاهُ


    تَوْلِيعْ نَارِى سِتْ رَيدِى مَتَى لُو تَهَبْدِى
    أرْجُوكْ نُصْ معَاشْ مُشْ كُلَّ يُومْ تَنْجَبْدِى
    السَّبَبْ المِخَلِّينِى دَايماً أرَائِى وأبْدِى
    أنَا قَصْدِى الوِلِفْ هِى قَاصْدَه قَصَّةْ كَبْدِى


    مَلكَة وبِتْ مِلُوك فِرهَيدَه دَابَه ونَاهِدْ
    لَيها سَبِع قِسَم مِنْ غَير سِلاحْ بِتْجَاهِدْ
    مَع ذَلك تَحُوزَه بَالبِهَامِ والشَّاهِدْ
    تَرَا دَا الخَلاَّنِى أنُوح نَافِى الصَّبُر ومِجَاهَدْ


    خَلْ مِنِّى أنَا مِنْ غَيرِى كَم مِنْ ضَاهِلْ
    يَخْفِى الزَّرْدَخَانْ كُثْرَ اللِّبِس ياسَاهِلْ
    فَكَيف لا أغَنِّى وأجِيبْ عَلِيها نَمَّاً سَاهِلْ
    عَلِشَانْ لَيها قَدَماً زَى جِفُونْ الجَاهِلْ


    أشُوفْ الرَّيدَه فِى عِيُونَه وتَرِيدْ تَخْفِيهَا
    تَرِيعْ البَالْ حِتَيرِيبَةْ لِجَينْةً فِيهَا
    أمْيَاه البَحَر نَيرَانِى مَا بِتَطْفِيهَا
    نَاهْبَه قِلَيبِى يَا زُول ومَانِى سَائل فِيهَا


    خَاتِى العَصْعَصَه جِسْمُه كُلُّه مَلاَينْ
    مِنْ وَكْتِى الفَطِيمْ بِسَكِّتْ بُكَاىْ لُولاَينْ
    بِقِيتْ فِى نِزَاعْ نَفِسْ مِنْ البُعُدْ لَى نَاءٍ
    خَلَّنِّى كَنَارْ البُنِّ فِى قَلاَّيَّنْ


    مِتَينْ نَجْلِسْ مَعَاهِنْ ونَسَامِرِنْ بشِيشْ
    فِي مَطْرَح طَرَاوَه والفِجَّة فِيهَا رِشَيشْ
    فِى بُقْعَة نَضِيفَه خَالِصْ نَحْوَهِنَّ قِشَيشْ
    مِنَّنَا نُصْ دُرُجْ وهِنْ رُبُعْ دُو شَيشْ


    لَجَّنْ بالزُّقَاقْ صَبْرِي أضْحَى مَلايِلْ
    عَلَى مَأوَاهُ مَالَنْ دَرَّجَنُّو دَلايِلْ
    قَلْبِى أنَا زَعْزَعَنُّو وأنْبَتَنْلُو مَلايِلْ
    ضِيقْ الوَاسْعَة ضُقْتُو والعَلَىْ مُو زَايِلْ


    قَطعه وجَزْمه دايماً يَا حمد فُوق لامِنْ
    وغَير حَصَّالة نَلهَج لَى شَرف إعْلاَمِنْ
    نَافْرَات مِنْ نَشَنْ لَم يَعْتَلِقِنْ غُلاَمِنْ
    نَايْرَات الوِجَنْ كَالمُسْتَحِيلْ إحْلاَمِنْ


    ضَايِقِينْ العَذَابْ نُدَّامِنْ
    سَبَلْ دِيسِنْ حَرِيرْ خَتَّنُّو فُوقْ أرْدَامِنْ
    دَايْخَاتْ مِنْ البُوخَه وقَطِيفَة أقْدَامِنْ
    مَا رَقْ تَبْ قَدِيرِنْ وَكَّدْ القِدَّامِنْ







    * دوبيت ود الرضي
    * المصدر شبكة بربر
                  

07-03-2013, 12:10 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    يتلألا جبينه

    يِتْلألأ جَبِينَه الفِيهُ حَاوْيَه شِهَيرَه
    بَالشَّبَريقْ مَحَزْحَزَه فِى قَفَاهَا مِهَيرَه
    أكْتَافَه وفَاقِلَه الطَّبَّقَنُّو ضِهَيرَه
    تَتْقَلَّع بِتِل عَاتِى الخِيُولْ فِى الهَيرَه

    رِتْلَ المِنْتَبرْ خَاتِى الهَكعْ والسَّكَّة
    لَطُوفَة لَطِيفَة عَلشَان مِنْ دَرَجْ مَاسَكَّ
    الآمِرْ بِفِعْلَ السُّوء أدَّنُّو بَعْدَه وسَكَّة
    مَا رَقْ تَبْ غَدِيرِنْ وَكَّدْ ألفِي السِّكَّة

    أجِيبْ فِى رَاتِبَه لَىَّ بِتَخِلْ التُّوبَه
    رَسِم حَرْفَ الجَّمَال فُوقْ حَاجِبَيكْ مَكْتُوبَه
    إنْ دَرَجَتْ مَهُولْ العَاشِقَينْ مَاتُوا بَه
    تَخُتُّو طِبَقْ طِبَق فُوقْ للفَنَايِدْ تُوبَه

    أجْمَع شَمْلِى بَيها يَارَقِيبْ ياجَامِعْ
    مِن القَمَّاحَه طَلَبِى قَصْدِى مَانِى الجَامِعْ
    كَم يَاخِلِّى إتْهَولَّنْ فِى مَجَامِعْ
    قُولَة يُمَّه لَىْ تَرْمِى إمَامْ الجَامِعْ

    عَقْلِى فَقَدْ وعْيُه وقَلْبِى زَىْ هَبَّابَه
    أتْرَقَّبْ نَسِيماً مَرَّ بَيهَا رَبَابَه
    كَبْدِى إتْفَرَّمَتْ قُولْ لَىَّ إيه أسْبَابَه
    رَبَّة خِدْرَهَا المَا شَافَتْ السَّبَّابَه

    مِنْ الصَّحه بِعِدَّتَ الهَلاكْ لِى ضَرِيبَه
    ومِنْ الفَرْهدَت دَابه ولَذِيذَه أدِيبَه
    غيِّى لِمِثلِ هَذا يَاخِلِّى خَاتِى الرِّيبَه
    سَفَكَتْ دَمِّى مِن بَعدَ النَّظَر رَاضِى بَه







    * دوبيت ود الرضي
    * المصدر شبكة بربر
                  

07-03-2013, 12:14 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    جِبِلِّى حَيَاكْ

    جِبِلِّى حَيَاكْ وفِى مَحْيِاك نُوراً سَاطِعْ
    صَامْتَه ثَابْتَه لاَبْسَه الهَيْبَه تُوبْ ومَقَاطِعْ
    يَا البِتْسُرِّى لَفْضِل دُرِّى مَابِتْوَرِّى فِيكِ مَقَاطِعْ
    بِتَخْفِى الأطْلَس الصَّنَّاعُو بَارِع وبَاتِعْ

    نَجْلاَء ومَحَوَّرَه وسَحَيِّه عَينَه كَحِيلَه
    عَالْيَه رَطِيبَه لَكِن فَاتْرَه مَالَها حِيلَه
    عَالِى صِدَيرَه قَد كَان فِى حَشَاهَا نَحِيلَه
    مِنْ أرْدَافَه رَادَّه القُومَه عَاكَّه وحِيلَه

    بِقَفَاك الدُّنْيَا ضَاقَت مِسْخَت عَلىَّ هَبُوبَه
    أنْظُرِى حَالِى شُوفِى عِيُونِى كَيف مَرْعُوبَه
    إنْتِ إنْ شَاء الله تَلْقِى العَافْيَه يَا المَحَبُوبَه
    لامِنْ دَولَة الإسلامْ تَكُون حَبُّوبَه





    * دوبيت ود الرضي
    * المصدر شبكة بربر
                  

07-03-2013, 12:18 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    السبب البخلينى

    بِقِيتْ مَا بَمَيِّزْ إنْ مَشَيتْ بَتْلَفَّتْ
    عَلِشَانْ يَاسَلامْ بَى جُوزْ عِيُونَه مَكَفَّتْ
    السَّبَبْ البِخَلِّينِى فِى الأرضْ دنْقَر وحَفَّتْ
    لَبَاسْ تُوبْ الوِلاَيَه السِّتُّو حَدَّتْ وحَفَّتْ
    مَعَ وَلَهِى العَلَىَّ مِوَسِّدَانِى أشَافِى
    أُمْ خَدْ كَلِّمُوهَاكَان تَقُولْ يَاشَافِى
    السَّبَبْ البِنَسِّينِى المَدَاسْ تَلْقَانِى دَايْماً حَافِى
    نَضَافْ تُوبْ الزَّرَاقْ السَّيدُه عَارِكْ وغَافِى

    نَيَشَانْ الضَّمِيرْ جُوَّه الفُؤادْ إقْصَادُو
    خِلِّى المُقْلَه تَبْكِى أنَا دَمْعِى الغَلَبْنِى حَصَادُو
    السَّبَبْ البنسينى المَدَاسْ خَلاَّنِى مَا بَعْتَادُو
    لَبَاسْ تُوبْ الزَّرَاقْ الدَّالُو سَابِقْ صَادُو

    السَّبَبْ البِخَلِّينِى أكْتِبْ وأمْحَى
    فُوسَيبْ التَّرَى القَامَتْ فِى طِينَة قَمْحَه
    مَعْلُوم يَانَدِيم لَو شُفْتَ خَيَالَه بِلَمْحَه
    زَال حَزَنكْ طَربْ سَافِر خَطِوْتَكْ سَمْحَه





    * دوبيت ود الرضي
    * المصدر شبكة بربر
                  

07-03-2013, 12:21 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    بر الوالدين

    بِرْ الوَالِدَينْ عِنْدَ الله يَا مَا لَطَافْتُو
    تَجِد حَيَاهُ جِبِلِّى كَاسِرْ قِلَيبِى وكَافْتُو
    مَنْفُوشْ العِهنْ يَخْفَاهُ وجِيجْ هَفَّافْتُو
    صَلاتِى عَلِى النَّبِى حَبُّو المِدِرِّعُو هَافْتُو

    بِتْ البِضْحَكُو وُكتَ الوِجُوهْ عُبَّاسْ
    بِتْ البَاذِلِينْ إنْ جَن سِنِينْ يُبَّاسْ
    بِتْ الفِى النَّفَايِلْ رِجْلَهُم تَبَّاسْ
    فِى بَهْجَة وجَمَال إنْ قُتَّ حُورْ لا بَاسْ

    أقْرِيهَا السَّلام بالله يَا أُمْ عَبَّاسْ
    الغَانْيَه أم جَمَالا ما بزِينُو لَبَاسْ
    قُولْ لَيهَا الرُّوحْ مَعَاكْ والجِتَّه خَاشه لِبَاسْ
    مَا قَايِل طَيفْ خَيَالَكْ يَمْنَعُه الحَبَّاسْ

    الأدَبْ الرَّفِيعْ دَارْسَاهُ بَدْرِى دِرَاسَه
    والذُّوقْ والظُّرُفْ مِنْ أمَّهَاتَه وِاَرثَه
    قَطْ مَافِيهَا لُومْ مَا بتَعِيب يَا نَاسَه
    إلاَّ مَعَاى دَايْماً لَىَّ قُوَّةْ رَاسَه

    الجَّدِى يَازَمِيل كَاتلانِى دَاعَجَاتُو
    وكَم قَنَّاصاً رَاح فِى عَجَاجَاتُو
    مُوصَيد عَسِينْ حَيشَان فِجَاجَاتُو
    يَا أخُوى أنْقَرِع مِين نَالَ دَرَجَاتُو

    مِى غِضَيبَانَه مِى مِسْتَلْمَه مِى مِتْلاَعْمَه
    عَايبَه بِوَاحْدَة بَسْ عَلَشَانْ عَلِى مِى نَاعْمَه
    إنْ أتَتْ تَبَاسَمُوا لَه كَونُو رَاسْيَه وطَاعْمَه
    الهَبُّويَه زَى هَبُو الكَمُتْ لِطَيفَة ونَاعْمَه

    ألْينَ مِن الجُّهَالْ لَكِن مِيهَا جَهُولَه
    الذُّوقْ والأدَبْ العِفَّه والمَيزْ هُولَه
    زُوجَه مِن إمْتِيَازُو حَتْ هِدْمُو قَايِلْ هُولَه
    مَا خَصَّاهَا شَى مِن غَير نَضِمْ مَبْهُولَه

    الشَّرْ لَى حَبِيبْ لَى غَيرَه مَا بِتْكَسْبُو
    وغَلطاً فَاتْ أمِس اللَّيلَه مَا بِتْحَسْبُو
    خِلِّى الأخَرِينْ لَيهَا مَا بِتْنَسْبُو
    مَا بِتَدِّيهَا سِرْ تَلْقَاهَا تَتْوَنَّسْبُو










    * دوبيت ود الرضي
    * المصدر شبكة بربر
                  

07-03-2013, 12:30 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الدُّنيَا أُمْ قِدُودْ


    الدُّنيَا أُمْ قِدُودْ لَيك عَجَّلَتْ بَى رَحِيلَه
    فِى أمْرَ الالَه طَبْعاً نَقُولْ لَنَا حِيلَه
    إنْسَلبْ اللَّحَمْ وأعْضَاى كِتِرْ تَنْحِيلَه
    مَادَامْ حَاكمِى خَصْمِى قَضِيتِى أيْن أحِيلَه

    عِرَيْجيِنْ الصَّبَاح مِنْ المَنَامْ صَحِّى لَه
    وأدْرَك حَالتِى بالحَصَل أوْحِى لَه
    تَجِدْ الأدْرَعْ الأدْعَجْ عِيُونُو كَحِيلَه
    نَعَمِنُّو أُمْ رِشُومْ رَجَّاجَه مِنُّو وَحِيلَه

    رَيدة المَاهُو رَاتِى لِكْ رُوحِى لَيك شِنْ فِيهَا
    بَرَا تِشِعْدِبْ نِوَيرْتاً سِيدَه مُو طَافِيهَا
    حَلَمَاتَه إتْبَاعَدت يَا خِلِّى عَن كَتْفَيهَا
    تَرِيعْ البَال حِتَيرِيبَةْ لِجَينْتاً فِيهَا

    قُتْ لَى رُوحِى مَهلا الضَّجَرْ خَفِّيهُ
    مِن حَيثْ لَم يَزَل عُقُبْ القَدَر خَافِيهُ
    عَلنْت عَلى العِمُومْ بَس عَرضِك أتْلاَفِيهُ
    حَجِّيتَك مَابَجَّيتَك الزُّول بِرْغَب البَلَد المَعَذَّب فِيهُ














    * دوبيت ود الرضي
    * المصدر شبكة بربر
                  

07-03-2013, 12:34 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    نَارْ وِتْرَهَا


    حَى مِن نَارْ وِتْرَهَا الحَلاَّجْ
    وَحَى مِن المَقَرَّنْ بَالتِّنِى بَلاَّجْ
    إذَا حَضَرت طَلْعَتَه للغَايَة ضَوَّ الدَّاجْ
    خَدْ سَبْعَه إجْتَلى مَافِيشْ لِزُومْ لسِرَاجْ


    لُونَه كَذَا القَوَارِيرْ المُمَرَّدْ ووَاجْ
    ضَمِيرَه يَفُوقْ علِى الرَّبَاي ولَم يَكُ وَاجْ
    بَى صِنْعَه إستَحَتْ لَحَلِيلَه سَحْسَحْ لاجْ
    وأجْرَى اللُّؤلؤه بَالحَدَّرُه الحَلاَّجْ


    مِنْ القَدَم خَتِ سَنْتَين فِى الأرْوَاجْ
    وأمْهَل مِنِّى غَرِيقا ًلَطَّمُه الأمْوَاجْ
    بَشِيشْ عَينِىَّ فَاقْ الحَدَّرُه الحَلاَّجْ
    غَايتُه بِهَا بُلِيتَ وغَيره مَالِى عِلاَجْ











    * دوبيت ود الرضي
    * المصدر شبكة بربر
                  

07-03-2013, 12:43 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    عودك صبّ

    عُودَكْ صَبْ عَدِيلْ نَافِى مِن سَلَبَانِ
    تَبْرَه مَحَل مَحَل مِتْسَالْكَه خَاتِيه كَبَانِى
    بِقِيتْ أنُوح وأسْهَر طَالْ عَلَى طَلَبَانِى
    لَى طَمْيَه ونَشَب زَرِقْ شَمْبَانِى

    تِلْيَتنْ فى الضُّرَاعْ عُنْقاً بِلاَ كَذِبَانِ
    تَبْسِيمْ فَاطِرَك فَاق نَاقِعْ الألْبَانِ
    مَمْزُوجْ خِدَيدَك بَى كُحُل رَبَّانِى
    أمْرَد وفِيهُ هَدْلَه وتِحْتُه الفِوِيقِلْ بَانِى

    تَوَفِّرْ حِلْمَها سَاعْتِى الاكُونْ نَفْسَانِى
    بَى لَفْظاً مُشَانْ زَى لَفْظِى مَا مِنَافْسَانِى
    تَعَوِّدْنِى سَاعَة أخْرَى وإنْ أبَيتْ رَامْسَانِى
    تَذَكِّرنِى وتَصِيلْ بَى حَرْبَتَه الخَافسَانِى







    * دوبيت ود الرضي
    * المصدر شبكة بربر
                  

07-04-2013, 10:26 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مردة و مخرتة

    مَرْدَه ومَخَرَّتَه طَال عُنْقَها وبَرَّاعَه
    بِتْرُص القَدَمْ خِلاَّى مِى ضُرَاعَه
    رُوحِى تَزَعزَعِتْ وأعْضَاى بَقَت مُنْرَاعَه
    تَأسُّفِى عَلَى صَبْرَاً فِى تِلْكَ السَّاعَه

    بَينْ صَادَينْ شَرَابِنْ والنَّسِيمْ هَبَّابْ
    مِنْ الحُفْرَه سَاكِنْ فِى ضِرَىْ البَابْ
    مِنْ الضُّلْ بِخِزْ مَا زَاوَرْ السَّبَّابْ
    مَرْضَانْ حُبَّهِنْ قَطْ مَا وَجَد طَبَّابْ










    * دوبيت ود الرضي
    * المصدر شبكة برب
                  

07-04-2013, 10:30 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    عقلى ما عقل

    عَقْلِى مَاعَقَلْ مِن بَدْرِى مَا إتْوَرَّعْتَ
    السُّمْ المَكَرَّعْ بَيهُ إتْجَرَّعْتَ
    مَالِى أنَا كَانْ سَخَّيتْ أو قَرَّعْتَ
    مِنْ حَيثْ هُوَّ جَافِى وأنَا البَى نَارُه إتْدَرَّعْتَ

    عَينِى أنَا دِى مَجْرَى الدِّمُوعْ طَشَّاهَا
    مُسْعِفْ مَالِقِيتْ بَى جَلْ النَّظَر فَشَّاهَا
    تَرَا هَا دِى المِغَيِّرَه حَالَتِى ورَاوْشَاهَا
    هَل هَلْ مِن طِرِيتْ الحَاشَى لَم أفْشَاهَا





    * دوبيت ود الرضي
    * المصدر شبكة بربر
                  

07-04-2013, 10:32 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    من الحساسة

    مِنْ الحَسَاسَه شُوفْ أعَضَاى كَيفْ مَنْحُولَه
    أنَا قَايِلْ عِيُونِى بَى غَمْضَه مِى مَكْحُولَه
    تَتْغَالَبْ فِى السَّهَر وأفْكَارِى كُلَّمَا إصْحُولَه
    ألْقَاهَا الغَالْبَه هِى المَا إتْطَامَنْتَ لَى حُولَه




    * دوبيت ود الرضي
    * المصدر شبكة بربر
                  

07-04-2013, 10:38 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    حكم البينى ما بينن

    حُكْمَ البِينِى مَا بِينِنْ لَى بِلاَدِى
    ومَالِى لا أحِنْ للرَّفْرَفْ العَبَّادِى
    سِتَّاتْ الصِّبَا الوَادَعْتَهِنْ أوْدَادِى
    غَيرِ مُهَنَّدٍ قَطَعَنْ عُرَى أكْبَادِى

    إتْعَطَّانِى رِيدَه وإنْطَبَع فِى فُؤادِى
    يزَاوِرْنِى عِنْد سَاعَة صَحَاى ورُقَادِى
    يَا مَنْ لَيه جَانِبْ كُلُّو حِلُّوا أقْيَادِى
    طَيفَ خَيَالَه لَيس أرَاه فَى العُوَّادِ

    فِى المُوسِم رايتُه وزَاد فى تَهريشِى
    سَرِّى الكَاتْمُه بَاح يا خُوى كِتِر هِتْرَيشِى
    مِن أم ثَديا مِكَعَّب ما بَشُوف لَى دريشِى
    أمْ خَد ليها صَدراً كالدِّيبَاجَ الرِّيشِى

    أنْظُر فى نضَاف فَاطرَه وزُرُق شِفَتَيهُ
    أدْغَس مَايِق ونَايِر خَدْ وجِيتناً فِيهُ
    إن حسَّيت مِسَخِّى وإن نُمت بحلمْ بَيهُ
    أبَى قَلبى الثَّبَات التُّوبه ما تَأبِيهُ























    * دوبيت ود الرضي
    * المصدر شبكة بربر
                  

07-04-2013, 10:55 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مارن الواقدات

    مَارْنَ الوَاقِدَاتْ شُوف إفْتِضَاحُو رِسَيمَه
    إتَّخَذْتُه حِجَابْ مَصُون مِمَّا أخَافُو إسَيمَه
    مُشْرَب بالبَيَاضْ مُتْرَف يَلالِى جِسَيمَه
    زَى الإِنُّه وَضَعتْ فِى كَنَارَه قِسَيمَه

    واللهِ يأم خِدُودْ نَارِكْ سَرَتْ فِى حَشَاىَ
    بِقَتْ أَحَّىْ فَطُورِى وصار بُكَاىَ عَشَاىَ
    فَكِيف أنَا لا أَغَنِّى عَلِى مِهَيرْة الشَّايَة
    عَلَشَانْ لَيها أقْدَامْ فَتْرَانَه مِى مَشَّايَة

    زِينْتَ المِنْ مَصر عَمَّ البَلَد تَنْبِيهُ
    دَرْدَرْ بَى حَيَاتِى وعُمْرِى بَشْتَنَ بَيهُ
    إتْلَمَّنْ جَمِيع قَالِن نَشُوف البَيهُ
    دَوَاى مَوْجُود تَمَام لَكِنُّه بَاخْلِينْ بَيهُ

    أطْرَبْتِى الحَزِين ثُم الخَصِيمْ كِدْتِيهُ
    إذَا مَا الشَّبَاب فِى الحَارة سَكَّتيهُ
    بَى لَسْعِ اللَّظَى قَلْبَ الوَلُوفْ فِتِّيهُ
    فِى جَيشْ العَصُر سَيف النَّصُر شِلْتِيهُ





















    * دوبيت ود الرضي
    * المصدر شبكة بربر
                  

07-04-2013, 12:07 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    جلاد الشام


    جَلاَدْ الشَّامْ نِفَيسِنْ ومِسْكَةْ أبْ مُحَّارْ
    ثُمَّ عَرَقْ جَسِيدِنْ فِى الهَجِيرْ الحَارْ
    كُلْمَا لَىَّ هَفَّن بَبْقَى فِى إسْحَارْ
    تَفْضَل رُوحِى زَى قِسْطِيرْ مَسَوَّحْ وحَارْ


    أوَجَّ عَلى نَبَاتْ الخَشْخَشَه البَحْرِيِّه
    وأسْطِعْ خَدَّهَا غَير مَسْحَه تَنْدِى تَرِيَّه
    صِرْتَ كَذَا الزِّبَيرْتُو الفُوقُو والْعَه ِتَريَّه
    كَانْ فِى الدُّنْيَا حُورْ كَانْت أُمْ رِشُومْ حُورِيِّه


    العَقُلْ والثَّبَاتْ أنْفَكَّ مِنُّو لِحَامِى
    كَانَ عَلَىَّ لَطِفاً أتَانِى لَىَّ مُحَامِى
    خَتَّ عَلَى خَنَاصْرُه قَال لَىَّ جِسْمكْ حَامِى
    أحَّى يالعَافْيَه بَعدْ مَاكَانَ بَكَنِّى أرْحَامِى


    هَبَّت مِن خَلِيجِ سَاعة السِّحيرَه نِسَيمَه
    مَاسَ البَان تَضَاحِك زَهرَة بَان بِرْسَيمَه
    لَقَد ظَهَرت غَزَاله كَرِيْمَه عَاضَّه قِسَيمَه
    حَام حِمَاهَا حِمَام الرُوحْ أتَى قِسَّيمَه


    عَلَشان يا عُمر مَحْبُوبتِى مِن هى طِفَيلَه
    فِى الدَّورَان تَلاعِب صَدْرَها بكِفَيلَه
    أسرَاهُ السِّبُوع ونَفْحَاته لَى سَاخِى لَه
    رُوحِى عَليك هِى حَمَاتَك إتْ غَنِّى لَه























    * دوبيت ود الرضي
    * المصدر شبكة بربر
                  

07-04-2013, 12:11 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    شلوخه مقصمات


    شِلُوخَه مَقَصَّمَاتْ أيْضاً كَمَانْ إتْدَلَّنْ
    شَابِكْ رُشْرُشَه أيْضَاً كِتُوفَه اهْدَلَّنْ
    ضَامْرَه وفَاقْلَه مَتْبُورَاتْ قِدُومَه الطَلَّنْ
    تَصَلْ الرَّحْمَه بَيهَا عُقَدْ النَاجْ إنْحَلَّنْ


    شَلْخُه سِيُوفْ دكَاكَراً فُوقْ نِحَاسْ إنْسَلَّنْ
    فَنَايِر الدُّغُشْ من نُورْ جَبِينِكْ كَلَّنْ
    سِتَّاتْ الحُسُنْ يَا فُلاَنَه مِنِّكْ ضَلَّنْ
    دَقَرَنْ عِينِنْ ذَكَرَنْ تَبَارَك وصَلَّنْ


    أعْضَانَا إتْحَلْحَلَتْ أيْضاً عِقُولْنَا إخْتَلَّنْ
    تِيَابْنَا مِنْ الدُّمُوعْ إتْعَطَنَّنْ وإنْبَلَّنْ
    كِبَادْنَا إتْكَامْشَنْ أيْضَاً صِدُورْنَا إنْعَلَّنْ
    رُوحْنَا إتْزَعْزَعَتْ هَدِيلْ بُطُونْنَا إنْشَلَّنْ


    مَزْمَزْ جِسْمَهَا النَّاعِمْ مِنْ الوَتِيرْ
    سَبَلْ دِيسَه الحَرِيرْ وكَحْلِى ثُمْ كَثِيرْ
    طَايْلاَتْ اليَدَينْ سَالْكَاتْ مِنْ البِتِيرْ
    نَاصْلاَتْ الكُتُوفْ خَلَنْ ضِهِيرُه فَتِيرْ


















    * دوبيت ود الرضي
    * المصدر شبكة بربر
                  

07-04-2013, 12:17 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ليلة القدر

    لَيلْة القَدْر كَايْنَه والجَّبِينْ مَطْرُوحْ
    وبَى بُخْلَ الكَمُودْ مِنْ الجَارِح وللمَجْرُوحْ
    رِزْقَ الدُّنْيَا مَا بِصْعَب لِفَدْىِ الرُّوحْ
    مَا قَايل الوِصَال عِندَ البِعَرْفُه يرُوحْ

    كَمْ طَرَبَتْ مِنَسِّ كَمْ فَتَّقَتْ لُو جِرُوحْ
    وكَمْ خَشَّيتْ عَلَى نَاساً بِرِدُّوا الرُّوحْ
    كَمْ سَلَّيتُنْ بَالمَعَنى والمَشْرُوحْ
    وكَم بَى رُؤيَتَك صَار الكَدَر مَطْرُوحْ

    خِلَيقْتُه مَفَدَّعَه مِيهَا الطَّوِيلَه الشُّوحْ
    سَالْمَه مِن القُصُر شُوفْتِك تَرُدْ الرُّوحْ
    ضَارْبَانَا بسَنِينْ فَرَق الضِّلُوعْ مَجْرُوحْ
    لامُتَّ أسْتَرِيح وإنْ عِشْتَ دَاجِّى بَنُوحْ

    عَالِى قَوَامَه سَالِكْ تَاوِيَاتْ نَغَمَاتُو
    سَابِلْ دِيسَه نَايِرْ خَدُّو ضَوْ بَسَمَاتُو
    رُمَّانْ فُوقْ دِيبَاجْ بينْ الجِدَلْ عَلَمَاتُو
    قَرِيبْ للفَقْلَه أكْتَافُو وبُعَادْ حَلَمَاتُو

    مَهْدُولْ والأيَادِى مَشَقْرَبَه ومَلْفُوفَه
    مَحَزْحَزَه للرِّسَا نَاعْمَه وكَرِيْمَه كِفُوفَه
    الأعْجَبْ بِتَتْحَجِبْ كَيفَ حَرَتُو كِفُوفَه
    تَرَاهَا اللَّىْ سَوَّتْ الصِّبْرَ الصِّقِطْرى سَفُوفَه



























    * دوبيت ود الرضي
    * المصدر شبكة بربر
                  

07-04-2013, 12:20 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    صادفنى العصر

    صَادَفْنِى العَصُر يَمْشِى الرَّتَلْ فِى سِهَيلَه
    هَذِى مُنْيتِى الطُولْ عُمْرى مِتْشَهِّيلَه
    مَسَكْ كَرَكُونْ سِلاَح وَقَفْ زِنْهَارْ سَاهِي لَه
    أطْرَبْنِى وشَرَحْ صِدْرِى وزَادْ لو ضِهَيلَه

    مَخْرُوتْ ومَهَّدْل دُوفُو حَاجَه رَفَيْعَه
    لَوِيْناً إنْ دَرَجْ يَاخِلِّى فِيهُ هَبَيْعَه
    حُسْناً غَير كُحُلْ لا هَسكَلِيتْ لا هَيْعَه
    يَبْهِر فِى النَّظر فِى القَلْب إسْمُو لِوَيْعَه

    مَحْسُون طُولَه فُوقْ لَى فَاقْلَه فِيهُ ضِوَيْعَه
    سَايِل دِيسَه تِحْتَ رشَارشُو طَبَّاب العَصَا الفِى ضِلَيْعَه
    لُوَنْ جَسَدُه يَفُوقْ الحَبَّبُوه فِى مِيَيْعَه
    مَحْصُورْ إسْمَهَا كُلِّيه غَايتُه سُبَيْعَه

    إزْدَادْ عَلىِّ شُعَاعْ لاتَخْمِدِيهَا نِوَيْرَه
    مَسَّخْتِى عَلى بِلاَدِى ثُمَّ كُلَّ دِوَيلَه
    ضَامرَه مَتَبَّرَه بَلْ عُودَه خَاتِى زِوَيْرَه
    الحَيَا فِيهَا فَاعِلْ فِعْلَه سَاهِا عِوَيْرَه

    يَخْصِبها النَّمِير كالأحْرُف المَدْرُوجَه
    كَالشمسِ ضِيَاهَا بَل مَقَامَه بِرُوجَه
    شِنْ وقَفَت تَهَتِّف أردَافَه عَاطلَه دِرُوجَه
    مِى رجَّاجَه ضَجْرَان جَاره مِى مَهَرُوجَه


















    * دوبيت ود الرضي
    * المصدر شبكة بربر
                  

07-04-2013, 06:29 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    أضحت بعد ذلك

    أضْحت بعَد ذلك بَروزُولَه شلُوخَه
    مَا بِتْطِيق نَتِل اللِّيد تَقُول مَمْلُوخَه
    السَّبَب الِمَفِّتت كَبْدِتِى المَذْبُوحَه
    لَفِحت الفِركَه فُوق للبِنْدِى مَاخد بُوخَه

    الجَد يَازَمِيلْ كَاتْلانِى دَاعْجَاتُو
    وكَم قَنَّاصاً رَاحْ فِى عَجَاجَاتُو
    مُوصَيد عَسِينُ حَيشَانْ فَجَاجَاتُو
    يَا خُوى أنْقَرِعْ مِينْ نَالَ دَرَجَاتُو

    جَاعْلَه عَويرَه لَكن تَحْكى قَلباً دَلَّجْ
    حَاوى الحَكْمَه كَامل عَقْلُه فَرْعُو العَلَّجْ
    كَفَلَّو مَبَنَّى حَشَاهُ مِتَنَّى صَدْرُه العَلَّجْ
    بِنُور صَادْمَاه قَدَمُه الأمْرِيكَانِى مَحَلَّجْ
    مَاتَفَهَت مُتَفَّه مَانَفَتْ مَعنَاهُو
    مِنْ غَير عَرْضها ماقَصْدَت وَجْه تَعْنَاهُ
    نَسِيب المَا بَزُوره معَنَاه طَالعْنَاهُ
    إبْلِيس مِن جَمِيع اللاَّعِنات لاعْنَاهُ

    هَمَّيتْ مِنْ مدَشَّعْ خِلِّى مِى دَشَّاعَه
    مَاعَمَلتْ عَمَلْ مَقْصُودَه فِيهُ إشَاعَه
    سِتْ رِضَا سِتْ تَوَاضُعْ سِتْ أدَبْ سِتْ طَاعَه
    نَاسْ ذُوقْ نَاسْ لُطُفْ أدْنَى شَىْ فِى طِبَاعَه















    * دوبيت ود الرضي
    * المصدر شبكة بربر
                  

07-04-2013, 06:33 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الفؤاد محروق


    عَلى سَهَرْ السُّقُدْ جُوه الفُؤادْ مَحْرُوقْ
    إخْتَلْتْ عَضَاى صَارَتْ كَذَا المَطْرُوقْ
    حَسَسْ إتْنَينْ عَلَىْ مَا أظِنِّى أصْفَى وأرُوقْ
    شِبَه الفِى الأنَاقِى حَبْبُوه ومَفْرُوقْ


    تَتْفَهَّقْ بَرَا الزَّرْعَ النَّتَجْ فِى السَّوقْ
    وتَتْجَدَّعْ بِتِلْ وَد اللرَايَل فُوقْ
    حَسَسْ إتْنَينْ عَلَىْ أظِنِّى أصْحَى وأرُوقْ
    رَفَّيعْ رُشْرُشَه فَضَحْ البِسُوقْ العُوقْ


    لُونُه أصْفَه مِنْ غَالِى الجَوَاهِرْ وَقْدُه
    وللدُّرَّ المُنَافْ مَا فِيشْ مِثُالُه لِفَقْدُه
    عَارِضَه فِى الظَّلاَمْ الزُّولْ يَرَاهُ بِوَقْدُه
    وَاصْبَعُه مِنْ لِدَانَتُو إنْ مَا شَفَفْقَتْ تَعَقْدُه


    كَفَلْ مُتْعَنَّقِلْ غَالِبَه مُوقِلْ مِنَّه يَحَنِنْ
    قَدَمُو مُعَطَّلْ فِى الحُّوشْ بَطَلْ فَدَا شَىْ يَحَنِنْ
    وَاحِلْ حَاتِلْ رَانِعْ كَاتِلْ ولَو مُتَفَنِنْ
    تِحْتَ فَدَاهُ خُتْ يَدَاهُ حَنَانْ حَنِّنْ
















    * دوبيت ود الرضي
    * المصدر شبكة بربر
                  

07-04-2013, 06:36 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    قلبى أنا

    *قَلْبِى أنَا مَفْرِى مَفْرُومْ بَى شَرَفْ أعْلاَمَه
    يَتْصَنَّعْ بِمَا إمْكِنْ يَصَحَّ مِنْ أحْلاَمَه
    أمَرَتْ قَطْعَه وجَزْمَه يَا حَمَدْ عَلِى لاَمَه
    وبِلَومٍ غَيرِ لُومْ عُقُبْ المِتَرْكِشْ لاَمَه

    نَجْلَه ومَحَوَّرَه وسَحِيَّه عَينَه كَحِيلَه
    عَالْيَة رَطِيبَة لَكِنْ فَاتْرَة مَالَهَا حِيلَه
    بَاهِى صِدَيرَة قَد كَانْ فِى حَشَاهَا نَحِيلَه
    مِنْ أرْدَافَه رَادَّه القُومَه عَاكَّه وحِيلَه

    كَالرَّثَابْ مَشِيهَا البَى لُطُفْ دَرَجَانَه
    رُشْرُشَه بِنْضُم السُّومِيتَه والمَرَجَانَه
    رِسُومْ الرَّيدْ جَمِيعْ مَرْسُومَه فُوقْ أوْجَانَه
    يَارَيتْ كَانْ بِقِيتْ عَنْبَر بَطُنْ فُنْجَانَه

    أمْرَدْ ومِنْخَتِلْ فَاقِلْ رَطِيبْ ومَخَرَّتْ
    إنْ رَنَتْ النَّوَاظِرْ كَالصَّوَاعِقْ الخَرَّتْ
    بَى سَيفْ اللِّحَاظْ لَىَّ كَمْ كَمْ خَرَّتْ
    الفَمْ خَاتِمْ جُوَاهُ دُرْ ومَخَرَّتْ

    تَارْكَه العَايلَه تَارْكَه السَّيَّه مَيهَا الحَقُودْ مِى خَاصَّه
    دَوَامْ مَحْمُودَه سِيرْتِكْ فِى العَوَامْ والخَّاصَّه
    فَكَيفْ أنَا لا أغَنِّى وأكُونْ أدِيبْ لَكْ خَاصَّه
    مَادَامْ مِنْ قَرِيْحَتِكْ القَرَايحْ خَاصَّه















    * دوبيت ود الرضي
    * المصدر شبكة بربر
                  

07-04-2013, 06:43 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مدة مانى مظلوم

    مُدَّة مَانِى مَظْلُوم مَا أظِنْ ألْقَى
    مِخَدِّرْ لُونْ النَّيَّه حَطَبْ الزَّلْقَه
    شُوفْ يَاخُوى شُوفْ دَمَّاعِى كَيف مِنْزَلْقَه
    كَتَحَتْ فِى لِهَاتِى النَّيَّه حَنْضَلْ سَلْقَه

    تَرَا هَذَا السَّبَبْ الحَفَّظْنِى سَبْعَة قُلُمَّه
    بَسَمَاتَه التَّقُولْ بَرقاً بِلُوحْ فِى ضُلُمَّه
    دُوفاً فِى مَحَلاتْ فَقْلُو وضُرَاعُه هَلُمَّ
    هَدْلَتْ كَتْفُو والبِشْرَه التَّزِيلْ الغُمَّه

    مُزْمُزْ جِسْمَها الخَاتِى الفَكَجْ والقُوَّه
    كِتَيفَه اللنْهَدَل لا فَقْلَه لا تِرْقُوه
    فِى بِدَالْ النَّجَفْ يَا رَيَّا شَلْخِك ضَوَّى
    مِنْ عَينْ الحَسُودْ تَنْجَاهَا يَا ذُو القُوَّه

    كُلَّما يَعِبِّرُوا لِى أنَا مَاش فِى المَاشْ فِيهَا
    اللاَّيِمْنِى مُو ضَايِقْ لَسَعْ شَافِيهَا
    إنْ تَاقَتْ تَقُولْ دِيسَه الكَبِدْ تَشْوِيهَا
    دِيْمَه ودَاجَّه زُولاً مُدَّه مِسْتَشْوِيهَا














    * دوبيت ود الرضي
    * المصدر شبكة بربر
                  

07-04-2013, 06:47 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الكــروان


    الكَرَوَانْ تَرَنَّمْ بَينْ خَمِيلَو ودَوحُو
    خَلَّ العَاشِقِينْ بَى نَار غَرَامِنْ يِنُوحُو
    لَو شَافْ الفَقِيرْ نُور خِدُودِكْ يِلُوحُو
    يتْرُكْ الخَمْسَة ينْسَى كِتَابُو يجْدَعْ لُوحُو


    مِنْ غِرُوبَه ولَى طِلُوعْ الفَجْرِ
    تَرْجِف أعْضَاى فَضَل دَمْعِى نَازِل يَجْرِى
    مَيِّتْ مِين يَلِمْ أعْضَاى ويَأخُذْ أجْرِى
    سَبَبِى الرِّيقُو بَين سُبْحَان وسُورْةَ الحَجْرِ[1]

    يَا تُفَّاحْ جَنَايِنْ البَلَّحْ
    أضْحَكِى خَلِّى قَلْب العَاشِقْ اللِّتْفَلَّخْ
    غَرَامِك عَوارِض لابِس مُدَرَّعَاتْ ومُسَلَّحْ
    والقَلْب الخَرَبْتِيهُو يَخَرْبُو مَابِتْصَلَّحْ
    [1] بين سبحان وسورة الحجر: سورة النحل. و سبحان هى سورة الإسراء















    * دوبيت ود الرضي
    * المصدر شبكة بربر
                  

07-04-2013, 06:51 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مخروت الملوك

    مَخْرُوتْ المِلُوكْ المَا عَقَّبُوا لِك عَارِضْ
    مَسْجُون عُمْرَ أفَنْدِى الفُوقَه مَحْرِتْ عَارِضْ
    أتِبْ للقُومَه أرُدْ أنَا لَى رَفِيقِى مِعَارِضْ
    الله يَعَارِضْ المِنِّكْ بِقَى لَى مَعَارِضْ

    كَمْ شَقَّيتْ دُهَمْ تِحْتَ الهَبُوبْ والعَارِضْ
    كَمْ جَالَدْ كَمِيتْ فَكَتْ يَمِينِى العَارِضْ
    مَا بَخْشَى الألَمْ والبَى مَحَبَّتُه عَارِضْ
    كَيفَ أجْبَن وأنَا السَّامِع حَدِيثْ أُم عَارِضْ

    بَحْبُوح عُنْقَهَا طَال رَخْرُوخْ ولُو مِتْفَتِّلْ
    مُخْلِص كُلُّه خَالِصْ رَطِبْ رَطِيبْ ومِرَتِّلْ
    رَوَّعْ رُوعِى حِسُّو المُو النَّشِيطْ ومِتَلْتِلْ
    الله يَتْلْتِلْ المِنِّكْ بَقَى لِى مِتَلْتِلْ















    * دوبيت ود الرضي
    * المصدر شبكة بربر
                  

07-04-2013, 08:42 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    باهى وريدهَ

    بَاهِى وَرِيدَه عَالِى صِدَيرَه فَاقْلَه رَقِيقَة
    تَمْشِى مِنْ التَّرَفْ فِى كُلَّ ثَانْيَه دَقِيقْه
    وهَذَا مِنْ الطَّبِعْ مَا أتْصَنعَتْلُو حَقِيقَه
    مِقْدَارْ ثَانْيَه فِيهَا الحِنَّه تَبْقَى عَقَيقَه

    جَاهِلْ أمْرَهَا يلُومَه التَّفُوحْ مِسْكَاتَه
    لَكِنْ لَيهَا أوْجَهْ حَاضْنَه فُوقْ مِسْكَاتَه
    مَابتَعَرِفْ تَرَاوْدَ العَوَّه غَير بَى سُكَاتَه
    مِنْ عَوَج الأهَلْ تَتْسَلَّى بَى سِكَيسْكَاتَه
    إنْ شُفْتَها غَافْيَه أوجَالْسَه يُومْ فِى بَرَاحَه
    كُلَّنَا نِحْنَ دِيلْ إسْبُوعْ تَجِدْنَا فَرَاحَى
    مِنْ أُمْ نَظَراً مَحَوَّرْ مَا بَشُوفْ لَى رَاحَه
    حُبَّهَا فِىَّ ثَابِتْ زَى الخُطُوطْ فِى الرَّاحَه

    يَا أهْل العِلِمْ يَا مَنْ لَدَيهُ قَرِيحَه
    لاخَمْر لاجَلاَد لا مِسِكْ لا رِيحَه
    مِنْ صَافِى العَرَقْ لَو أتَتْكُمْ رِيحَه
    تَشْفِى لكُل عَلِيلْ حَتَّى الكَبِدْتُه قَرِيحَه

    الأدَبْ الرَّفِيعْ دَارْسَاهُ بَدْرِى دِرَاسَه
    والذُّوقْ والظُّرُف مِنْ أُمَّهَاتَه وِاَرثَه
    قَطْ مَافِيهَا لُومْ مَا بِتَعِيبْ يَانَاسَه
    إلاَّ مَعَاىَ دَايْماً لَىَّ قُوَّةْ رَاسَه















    * دوبيت ود الرضي
    * المصدر شبكة بربر
                  

07-04-2013, 08:47 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    شبه الفى العفا

    شَبَه الفِى العَفَا بِرْعَى العَسَن فِى بِطَينَه
    رَخْرُوخْ نَىْ مَخَصَّل لا فَكَج لا بِطَينهْ
    يَفُوق القَام مِوَرشِل فِى عَزِيزْ الطِّينَه
    زَى رِيحَة الدِّعَاشْ عَرَقاً تِحْتَ إبْطِينَه


    إرَم مَسْكَنَه الفَاتْرَه وظِلاَلَه رَهِينَه
    غَرْغَرَتْ غَبْقَرِينَه تَشَفَّعَتْ بَى هِينَه
    قِلَيبَه وَجِلْ هَمِيمْ لَكِن إنْ دَعُوها مَهِينَه
    تَتْبَخْتَر عَلى قِدَيمَه الكَأنُّه دِهَينَه


    بَى رَمَّاىْ كلامِكْ غَايَه بِتْبُسْطِينَا
    عَلِشَان لَهْجِك يَفُوقْ العَجْوَه فِى سِبْطَينَا
    شُوفْ عِتَابَه دَاك التَّنْبهِلُّه وبِالدِّمُوعْ عِطِّينَه
    وبُرْعِيمْ بُرطُمَه الشَّانَّاهُ بَى طِنْطَينَه

    عَزْبَه فِى غُصنِ بَان وجِسَيمَه خَاتِى لِحَينَه
    جَالسَه على نِطَيعْ يُمْنَاهَا خَاتَّه صِحَينَه
    نَبَّهَا فَيَّنَا وتَمَايَسَتْ مِن حِينَه
    مَاحَت خُبِّيتْ نِحْنَ أصْحَبتنَا مِحَينَه


    مِن السَّاعَة دِيك يا افَنْدِى مَا صَحَّينَا
    عَقُلْنَا وَاعِى دِيمَه شِنْ نُمْنَا وإن أصْحَينَا
    زَفِيرْ النَّار يَوجْ فِى صِدُورْنَا إنْ وَحَّينَا
    أيشْ حِيلَتْنَا غَير يَا خِلِّى عَرِك رِحِينَا


    النَّادْرَة الدَّحِينْ بِقَتْ فِى فَكِينَا
    تَرَكْ دَرْسُه وأسَاسُه دَحِينْ بِقَى يَحَاكِينَا
    يَنْسَخْ نُونُو إطْرَى حَوَاجِبَه بَبَاكِينَا
    صَارَ هُدَانَا مِنْ يُومُو الكَرَع زَاكِينَا


    يَاجِدُودَه الرَّسُول كَوْنُوا لَه مُنْتَبِهينَا
    حِمْيتَكُم إذا رُمْيتَ تَشِيلَه فِى هِينَه
    ضَامْرَه مَتَبَّرَه الكَف كَنَسْجِ وَهِينَه
    بِت الضِّرْغَمِى الآمِرنَا والنَّاهِينَا


    يَا البَنُّوتْ مَتَى مَا يَقُومْ لَبِيبْ بَسَكِينَه
    غَرَسْتَنْ فِيهُ وحَّه مَا بتَقَيهُ الكِينَا
    المَرْعُوبَه رَاعِبًه سَاحِيَه ومِسْكِينَه
    لَيهَا عِيُونْ شَرَايِر ولحَظةً سِكِّينَه



























    * دوبيت ود الرضي
    * المصدر شبكة بربر
                  

07-04-2013, 09:44 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    لا و الله مى تفّاهة

    لا واللهِ مِى تَفَّاهَة مِى هَزَّالَه
    مَابِتْرَد كَدَرْ مِن فَاهَا كَلْمَة رَزَالَه
    ثَابْتَه ورَانْعَه فِى مَيَادِينْ الكَمَال لازَالَ
    قَرِينُهَا مُسْلِماً عَافَّه أُمْ عِرُوضْ بَذَّالَه

    لَهَا للجَار حَنَانْ ولَى أذَاهُ تَحَمُّلْ
    لَهَا رَأفَة وخِشُوعْ ورَزَانَةً بِتَكَمُّلْ
    لَهَا للضَّرْ صَبُر فِى العَاقْبَة لَيهَا تَأمُّلْ
    زَايْنَة بِبَذْلِهَا وتُقَاهَا زَادَه تَجَمُّلْ

    دُمْتِ عَلى بَهَاكْ ويَدُومْ عِزِّكْ وزَهَاكْ
    ويَدُومْ بِذِلْ مَجْدِكْ بَلْ نَمَاكْ وبَهَاكْ
    ويَدُومْ عَقْلِكْ وعَاهُ بَى غَفْلَه مَا بِسْهَاكْ
    مُكْتَحِلَة العِيُونْ مِنْكِ بِأَسْمُدْ هَاكْ

    لا واللهِ مِى عَاتَابَه مِى لَوَّامَه
    بِبِرْ الرَّحْمَة للجَار أُمْ عِرُوضْ حَوَّامَه
    مَا شَانَتْ حَبِيبْ لَى حِجَّه مِى قَوَّامَه
    صَانْتَه صَبُورَه صَفُوحَة صَلاَّيَه وكَمَان صَوَّامَه

    لَينَه ونَيَّه مَايِحَاتْ أعْطَافِكْ
    تَايْعَة ومَايْعَة خَلْبُوسَه وضَامِر هَافِكْ
    يَا الرَّخْرُوخَه أكْتَافِك هُدُلْ لانْصَافِكْ
    يَا بِتِّى كَيفِنْ طَايْقَة حَمْل أرْدَافِكْ

    زَاهِر وِجْهُو زَاحِم دِيسُو ثَغْرُه مَفَلَّجْ
    نَاعِسْ طَرْفُه أنْفُه صَقِيلْ ورِيدُه العَلَّجْ
    غَيرَ تَرَاقِى نَاصْلَة أكْتَافُه كَاعْبُه مَدَمْلَجْ
    كَاسْبَ الصَّحَّة غُوفْ جِسْمُه الكَأنُّو مَتَلَّجْ















    * دوبيت ود الرضي
    * المصدر شبكة بربر
                  

07-04-2013, 10:37 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مفلول النغيم

    مَفْلُولْ النِّغَيمْ زَىْ إنُّو فِيهُ عِقَيدَه
    مَصْوُب الأنَامِلْ نَاعْمَة خَاتْيَه عِقَيدَه
    أرِيدُو وَرِيدَه بَاهِى تَخَافْ يَعِيقُو عِقَيدَه
    تَمِيسْ وخُطَوُطَه بَطْأه تَرْنَعْ وقَاصِرْ قَيدَه


    مُطْلَقْ وجْهَهَا للنَّاعِسَاتِ عَقِيدَه
    السِّتَّة المُفَضَّحَة بَالأسَالَه وقِيدَه
    فُنُقْ ضُرْمَ المَرَافِقْ عِنْدَ الرِّسَا رُقْ إيدَه
    مِنْ عَينْ الحَسُودْ حَوَى مُنْشِى الصَّلاة ومُقِيدَه


    الدُّرْ والمِسِكْ لعَارِضَيهَا سَجِيدَه
    يَخْجِلْ كُوبَةْ السَّاقْ المَتَمَّرَه جِيدَه
    السِّنْتَينْ قَنَادِيلْ والعَجَبْ تَنْجِيدَه
    لا بَالصِّبْغَه بَالطَّبْعِ كُلَّهَا يَا إلَهِى نَجِيدَه


    دَلاَلاَتْ التَّرَفْ بَعْدَ الجَّمَالْ فَخُّوهَا
    مُويَه فِى مَعْلَقَة عَنْ هَيْدَاتَه مَا وَخُّوهَا
    الحَيَا والتَّوَاضِعْ والحِلِمْ واخُوهَا
    قَامَتَه يَا حَمَد عِجَينَهْ قَمْحَتاً لَخُّوهَا















    * دوبيت ود الرضي
    * المصدر شبكة بربر
                  

07-04-2013, 11:15 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    إنت الغاية

    إنْت الغَاية إنت البُغْيَة مَاظَه صِفَاتِك
    فِى الخُلُق الجَّمِيل مَاذَكرُوا شَيئاً فَاتِك
    إنتِ نِهَايَتِه زَادَت رطْبَتِك عَفَّاتِك
    إنْتِ بِتَبُذِى الدُّر والمِسِك فِى شِفَاتِك

    إنْت الكَمْ وكَم عَزَّنْ على وصْفَاتِك
    مَاخْدَه من الكَمال يا الغَايَة فَوق كِفَايتِك
    إنت عَلى المَنَيَّل لأَلأَنْ صَافَاتِك
    تِحِت قُوسِين جَبِينِك بَاقَّه كَشَّافَاتِك

    إنت أنْوار خِدُودِك طَافِيَات نَجْفَاتِك
    كَالبَلُّور وَرِيدِك شَلخِك الوَّاجْ فَاتِك
    إنْتِ نفَايْسِك فَاحَت خَفَنْ رَكفَاتِك
    خِنصْيرَاتِك لُدُن وكَذاَ القَطِيفْ رَاحَاتِك

    إنْتِ حَنَانِك يَزْدَادْ بَل رَافَاتِك
    إنْتِ تَقِيَّه إنت نَقِيَّه كَمَريمْ إنْتِ صِفَاتِك
    إنتِ لِرِقَّاِتك جُمْلَه القُلُوب إلْفَاتِك
    إن شاء الله العَافْيَة دَايْماً مَهْدِك ولِحْفَاتِك

    لَو أدْرِى المَنَام يَسْعِدْنِى بَى طَيفَاتِك
    أجْعَل شُغْلِى نُوم وأكُون سَمِير قَافَاتِك
    أشْهى فَيا رِوِيْحْتِى زَمان سِرُورِك فَاتِك
    أنْجَضِى ثُم أحرْقِى الجِتَّه بَى بَفَّاتِك















    * دوبيت ود الرضي
    * المصدر شبكة بربر
                  

07-04-2013, 11:34 PM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مع جــلدى

    مَعَ جَلَدِى أنْفَضَحْ حِينْمَا نَشَقْ عَبَّاقَه
    مِنْ حَنَّاسَه ذَرَفَتْ دَمْعَتَه البَقْبَاقَه
    تَاشِرْ وهَى بَاكيَه المَا سَكَتْ رَبَّاقَه
    كَيفِنْ إصحَى قَلباً فَارَق الحَنْبَاقَه

    مِن الحَسَّاسَه شُوف أعْضَاىِ كَيف مَنْحُولَه
    أنَا قَايِل عِيُونِى بَى غَمْضَه مِى مَكْحُولَه
    تَتْغَالَب فِى السَّهَر وأفْكَارِى كُلْمَا أصْحُولَه
    ألْقَاهَا الغَالْبَه هِى المَا أتْطَامَنَتْ لَى حُولَه

    إنْ أقْبَل يَرِيع وَوِجَنُه وَضِيحَه
    وإنْ أدْبَر قَفَاه لَى مَنْ يرَاهُ فَضِيحَه
    دِى حَالَتِى وكْتَينْ أريدْ تَوْضِيحَه
    زَىْ خَشْخَاشْ جَزِيرَتْنَا الشِّلُوخْ تَوْضِيحَه

    بِتْ الدُّودَرَن وَرَدْن نَوادْر الدُّرْ
    وَدَوَّر دَارَه دُور دُرْتَ الدِّخُول مَا قِدِرْ
    مِتَين يَا دَارِى لَى تَدْبِيرِى إدِّى وادُرْ
    ودَهْدَه دَهْرِى دَرْدَرْنِى أنَا عُمْرِى ضَاع ووِدِرْ
















    * دوبيت ود الرضي
    * المصدر شبكة بربر
                  

07-05-2013, 07:02 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ظبيات الفوافى

    ظَبِيَاتْ الفَّوَافِى البَى وَشِلْ وَادِيهِنْ
    زَيَّنَنْ للنَّاسْ وحْى الشَّهْوَة مُرَكَّبْ فِيهِنْ
    سَيَّدْ العَاشِقِينْ كَمْ نَفَشُه مَالَتْ لَيهِنْ
    كَيفِنْ يَانَدِيمْ أنَا أتْرِكِنْ وأسْلَيهِنْ

    ظَبِيَاتْ الفَّوَافِى البَى مَشَى المَسْعُودْ
    شَقِى الحَالْ يَكُونْ مِنْ رَدْهِنْ مَبْعُودْ
    نَارِنْ سَرَجَتْ إذْ هَمْ عَلِيهَا قِعُودْ
    مِتَى أيَامِى تَسْعَدْ ولَى فَرِيقِنْ أعُودْ



    هاك النفهمك

    هَاكَ النَّفِهَمْك يَا الفِيهَا رَاسَكْ خَالِي
    مِنْ بُغُضْ أوْحَقَصْ يَافِلاَنَة ضَمْيرِكْ خَالِي
    نَصْبَتْ عُودَه زَيْ فِنْيِارْ خَوَاجَة مِخَالِي
    مَا بتَعَرِفْ قَلاصَة خِلاَف أمُوتْ لَك وخَالِي

    سِوَي اللاَّزْمَاهَا مِنِّي أفْكَارِي مِي صَاحْيَالِى
    غَيَّبْتَ الظِّنُونْ فِي الفَاقِرْ المَا حِيَالِي
    خَبَر قَلْبِي المَعَاي قَال لَيْ أُمْ خِدُود مَاحْيَالِي
    كَيفِن إصْحَي قَلباً فَارَقْ المِحْيَالِي




    جمــالاً غير كـلف

    جَمَالاً غَيرَ كُلَف حِكْمَة رَحِيم وجَلِيلْ
    وَجْهِكَ دَارَة القَمَر البِضَوِّى اللَّيلْ
    يَا رَيتْ كَانْ بِقَيتْ تِحْتَ الصِّوَيلة ضِلَيلْ
    أوْ عَنْبَر عَزِيزْ أوْ هَبَّهَان أو هَيلْ

    عُنْقاً فَاق وَرِيدْ الزَّازَه شَافْلُو ضِلَيلْ
    مَهْدُول الكِتَيفْ دِيسِكْ غَزِيرْ وضَلِيلْ
    مَرْدَه وفَاقِلَه ضَهْرِك قَصِيفْ وقَلِيلْ
    مَتْبُورَة القَدَم سَاقِك حَكَاهُ خَلِيلْ

    مَقْرُون حَاْجِبْك جَفْنِك بَكَى الهُلَّيلْ
    بَسَمَاِتك نَجَف إسْمِك نَنْمَه لَيلْ
    بِتْ رَاسْ الجَّمَالْ الفِى القَبِيلَة دَلِيلْ
    غَير يَحْىَ البَرَامِكَه أنَا مَا بَرَى لَه حَلِيلْ

    تَبْدِير نِهَار مَا بِوَضِّح التَّعْلِيلْ
    يَا رِيتْ كَان بِتَدْرُوا البَى آخْرَ اللَّيلْ
    مَقَسَّمَة رُوحِى بَين أبْ شَبْلَه والإِكْلِيلْ
    عُمْرِى بَى مَقَام عَضَماْ بِقُولُوا شِلَيلْ





    مخروت عودك

    مَخْرُوت عُودَك صَبْ للدَّمْعَة شَلْخِك وَارِدْ
    زَى المِسِكْ كَرَفَانْ نَسِيمُو البَارِدْ
    مَزَّقْ للقَلِب مَا بَين الشِّلُوخْ والعَارِضْ
    أمْشِى الكَيْ قَبَل أدِّى الخِلُوقْ القَارِضْ

    ضَهَرِك فَدْ فِتِر عُودِك مَلاَن ورَطِيبْ
    عَرَق جِسْمِك يَفُوقْ الفَحَّلُوا بُو الطِّيبْ
    غَيرْ نَنْظُر جَنَابَه أنْفُسْنَا مَا بِتْطِيبْ
    تَبْسِيمْ فَاطْرَكْ صَدَفْ القِلُوبْ شَطَّيبْ







    خفت الكهرباء

    خَفَتْ الكَهْرَباء حِين الظَّلام أغْشَاهَا
    صَاحب الرَّشْوَة غَير حَلِيلَه مَا أرْشَاهَا
    تَلَّتْ رُوبَتَه العَمَتَتْ مَتَانِى حَشَاهَا
    مِنْ يُوم الوِضُوعْ مَرْمُولَه مَى نَافْشَاهَا

    بَالجَّرِحْ المُسَمَّمْ الجِسُومْ خَارْشَاهَا
    بِطَرشَتْ فَارَه صَادَفَتْ الكَبِد طَارْشَاهَا
    نَيَشَان بَسْمُو يَا خِلِّى القِلُوبْ خَشَاهَا
    رِيشَةْ عَقْلِى مُشْ عَارِفْ مَحَل طَافْشَاهَا

    بِهَذا التَّماثُلْ قَاصِر الأفْشَاهَا
    أوْ فَاشَاهَا بَسكَلْ أهْلَ النَّهُو مَاشَاهَا
    كَشَماتَه النَّجَفْ كَهْرَبَة البِنُوكْ فِي حَشَاهَا
    فِي الحَارَة التَّلِمْ عِلَلْ الصِّدُورْ فَاشَاهَا









    يبقى دحين

    يبْقَى دَحِينْ حِبَيْبَاتِى أسْتَونْ فِي الصَّالَه
    حَفَلَنْ بَى نَفَايْلاً مُنْشِى مَا حَصَّى لَه
    فِي مَأوَاهَا مَوْلاى الحَمِيدَه خِصَالَه
    لَطِيفَه كَذَا القَطِيفَه إلَهِى جُود بَوِصَالَه

    إنْ خَتَّتْ خَنَاصِرَه عَلى خِدُودَه وحْيَاةْ رُوحَه
    تَبْرِى جِرُوحْ خِلافَه لَكِن بِتَدْمِى جِرُوحَه
    تَزِيلْ حَزَن الضَّمِيرْ بِوِجْنَتَه المَطْرُوحَه
    عَايْبَه بِوَاحْدَه بَس لَى ضَيفَه تَتْعِب رُوحَه

    إنْ جيِتْ قَاصِدَه السِّكَّه مَا تِمَاشِيكَ
    وإنْ شَاهَدَتْهَا تَلْقَى الطَّرَب حَاشِيكَ
    مَقْهُورْ بَى الله عَاد أطْرِى الذِى نَاشِيكَ
    عَايْبَه بِوَاحْدَه بَس كَسْلاَنَه مِيهَا وَشِيكَه

    مِنَّهَا مَا بَطِيبْ وإنْ سِلِمْ مَرْقُوبْ
    إلاَّ بِزُورَه مِنْها أنْجِدْنَا يَا أبْ يَعَقُوبْ
    السَّاق مُعْتَدِل مِتْشَابْكَه للمَحَقُوبْ
    أيْضَاً فِيهَا تِنْيَه وحَزْ بَدَلاً عَن العَرْقُ








    نســام الجبال

    نَسَّامْ الجِبَالْ جَاهِنْ نَسِيمَاً جَانِي
    وِجِيهِنْ جَاهُ جِيمَاً يَجْفِي جُوه جِنَانِي
    جَاهِلْ حَسْمُه جُوه جَلْجَلْ الجَلْجَلاَنِي
    جَرَّعَنِي جَسَايمْ جَمْ يَا مُجِيبْ أنْجَانِي

    سَارِحْ عَقْلِي نَسَامْ البُرُوقْ البَاتَنْ
    وَلَعَنْ نِيرَانْ جُوفِي بَعَدْ مَا مَاتَنْ
    بَرِيبْ عَاطِفْ النَقِعْ أبْ عَشَايَاً شَاتَنْ
    وَا أسَفِي عَلَى أُنْس اللَّيَالِي الفَاتَنْ





    مكــوار


    مُكَوَار الظَّلام بَى ظَبيَه ما ضِفْتِينَا
    ولا بَى طَيفْ خَيالَ النَّاعِسَاتْ طِفْتِينَا
    لَسنَا مِن عَسْكَرِكْ لَو تَنْصِفِى تَرُفْتِينَا
    والمُسْتَأذِى يُؤجر صَبر يا مُفْتِينَا


    يَاطَير إنْ مَشَيتْ سَلِّم عَلى البِحَبُّو
    وخُصَّ بذَلِك نَاس المَقَرَّط حَبُّو
    قُول لَيهُم مُكَوَار مَجِينَا ولا رَحَّبْ بُو
    والبِطِّيخْ بَعْدَ مَا نَاكْلُو بِقَشِّر حَبُّو


    يَاحِلَيلْ يَا أخِى سِتَّاتْ النِّغَيمْ الرَّايِعْ
    ويَاحِلَيلْ مَرْقَاتِنْ عِشَا والقَوَامَه رَبَايِعْ
    نَشَأنْ فُوقْ حِشَمْ ورَثَنْ أعَزَّ طَبَايِعْ
    يَاود رَيَّا عِنْدَك نَاس حَدُوقَه ودَايِعْ


    مِنْ هْن فِى المَهَدْ فِى ثَدْى القَرِيحَه ودَايِعْ
    حَاصْرَاتْ الجَّمَالْ مِنْ غَيرِ شَيئاً ضَايِعْ
    خُلِقَنْ نَايِرَاتْ مِنْ غَيرْ دَلِكْ وبَضَايِعْ
    حَشَاهِنْ غَيرْ مُضَاعْ مِن التَّرَفُّه ضَايِعْ


    تُبَّرْ نُعَّمْ مُرُدْ رُطَابْ وبَدَايِعْ
    فُقَّلْ هُدَّلْ عَالْيَاتْ قَدُرْ ووَضَايِعْ
    مَالِى أنَا لَو أتْقَنْتَ زُبَدْ المَعَانِى وطَايِعْ
    مَهْمَا أقُولْ لَهِنْ قُولِى لَيسَ بِضَايِعْ






    * دوبيت ود الرضي
    * المصدر شبكة بربر
                  

07-05-2013, 07:02 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    ظبيات الفوافى

    ظَبِيَاتْ الفَّوَافِى البَى وَشِلْ وَادِيهِنْ
    زَيَّنَنْ للنَّاسْ وحْى الشَّهْوَة مُرَكَّبْ فِيهِنْ
    سَيَّدْ العَاشِقِينْ كَمْ نَفَشُه مَالَتْ لَيهِنْ
    كَيفِنْ يَانَدِيمْ أنَا أتْرِكِنْ وأسْلَيهِنْ

    ظَبِيَاتْ الفَّوَافِى البَى مَشَى المَسْعُودْ
    شَقِى الحَالْ يَكُونْ مِنْ رَدْهِنْ مَبْعُودْ
    نَارِنْ سَرَجَتْ إذْ هَمْ عَلِيهَا قِعُودْ
    مِتَى أيَامِى تَسْعَدْ ولَى فَرِيقِنْ أعُودْ



    هاك النفهمك

    هَاكَ النَّفِهَمْك يَا الفِيهَا رَاسَكْ خَالِي
    مِنْ بُغُضْ أوْحَقَصْ يَافِلاَنَة ضَمْيرِكْ خَالِي
    نَصْبَتْ عُودَه زَيْ فِنْيِارْ خَوَاجَة مِخَالِي
    مَا بتَعَرِفْ قَلاصَة خِلاَف أمُوتْ لَك وخَالِي

    سِوَي اللاَّزْمَاهَا مِنِّي أفْكَارِي مِي صَاحْيَالِى
    غَيَّبْتَ الظِّنُونْ فِي الفَاقِرْ المَا حِيَالِي
    خَبَر قَلْبِي المَعَاي قَال لَيْ أُمْ خِدُود مَاحْيَالِي
    كَيفِن إصْحَي قَلباً فَارَقْ المِحْيَالِي




    جمــالاً غير كـلف

    جَمَالاً غَيرَ كُلَف حِكْمَة رَحِيم وجَلِيلْ
    وَجْهِكَ دَارَة القَمَر البِضَوِّى اللَّيلْ
    يَا رَيتْ كَانْ بِقَيتْ تِحْتَ الصِّوَيلة ضِلَيلْ
    أوْ عَنْبَر عَزِيزْ أوْ هَبَّهَان أو هَيلْ

    عُنْقاً فَاق وَرِيدْ الزَّازَه شَافْلُو ضِلَيلْ
    مَهْدُول الكِتَيفْ دِيسِكْ غَزِيرْ وضَلِيلْ
    مَرْدَه وفَاقِلَه ضَهْرِك قَصِيفْ وقَلِيلْ
    مَتْبُورَة القَدَم سَاقِك حَكَاهُ خَلِيلْ

    مَقْرُون حَاْجِبْك جَفْنِك بَكَى الهُلَّيلْ
    بَسَمَاِتك نَجَف إسْمِك نَنْمَه لَيلْ
    بِتْ رَاسْ الجَّمَالْ الفِى القَبِيلَة دَلِيلْ
    غَير يَحْىَ البَرَامِكَه أنَا مَا بَرَى لَه حَلِيلْ

    تَبْدِير نِهَار مَا بِوَضِّح التَّعْلِيلْ
    يَا رِيتْ كَان بِتَدْرُوا البَى آخْرَ اللَّيلْ
    مَقَسَّمَة رُوحِى بَين أبْ شَبْلَه والإِكْلِيلْ
    عُمْرِى بَى مَقَام عَضَماْ بِقُولُوا شِلَيلْ





    مخروت عودك

    مَخْرُوت عُودَك صَبْ للدَّمْعَة شَلْخِك وَارِدْ
    زَى المِسِكْ كَرَفَانْ نَسِيمُو البَارِدْ
    مَزَّقْ للقَلِب مَا بَين الشِّلُوخْ والعَارِضْ
    أمْشِى الكَيْ قَبَل أدِّى الخِلُوقْ القَارِضْ

    ضَهَرِك فَدْ فِتِر عُودِك مَلاَن ورَطِيبْ
    عَرَق جِسْمِك يَفُوقْ الفَحَّلُوا بُو الطِّيبْ
    غَيرْ نَنْظُر جَنَابَه أنْفُسْنَا مَا بِتْطِيبْ
    تَبْسِيمْ فَاطْرَكْ صَدَفْ القِلُوبْ شَطَّيبْ







    خفت الكهرباء

    خَفَتْ الكَهْرَباء حِين الظَّلام أغْشَاهَا
    صَاحب الرَّشْوَة غَير حَلِيلَه مَا أرْشَاهَا
    تَلَّتْ رُوبَتَه العَمَتَتْ مَتَانِى حَشَاهَا
    مِنْ يُوم الوِضُوعْ مَرْمُولَه مَى نَافْشَاهَا

    بَالجَّرِحْ المُسَمَّمْ الجِسُومْ خَارْشَاهَا
    بِطَرشَتْ فَارَه صَادَفَتْ الكَبِد طَارْشَاهَا
    نَيَشَان بَسْمُو يَا خِلِّى القِلُوبْ خَشَاهَا
    رِيشَةْ عَقْلِى مُشْ عَارِفْ مَحَل طَافْشَاهَا

    بِهَذا التَّماثُلْ قَاصِر الأفْشَاهَا
    أوْ فَاشَاهَا بَسكَلْ أهْلَ النَّهُو مَاشَاهَا
    كَشَماتَه النَّجَفْ كَهْرَبَة البِنُوكْ فِي حَشَاهَا
    فِي الحَارَة التَّلِمْ عِلَلْ الصِّدُورْ فَاشَاهَا









    يبقى دحين

    يبْقَى دَحِينْ حِبَيْبَاتِى أسْتَونْ فِي الصَّالَه
    حَفَلَنْ بَى نَفَايْلاً مُنْشِى مَا حَصَّى لَه
    فِي مَأوَاهَا مَوْلاى الحَمِيدَه خِصَالَه
    لَطِيفَه كَذَا القَطِيفَه إلَهِى جُود بَوِصَالَه

    إنْ خَتَّتْ خَنَاصِرَه عَلى خِدُودَه وحْيَاةْ رُوحَه
    تَبْرِى جِرُوحْ خِلافَه لَكِن بِتَدْمِى جِرُوحَه
    تَزِيلْ حَزَن الضَّمِيرْ بِوِجْنَتَه المَطْرُوحَه
    عَايْبَه بِوَاحْدَه بَس لَى ضَيفَه تَتْعِب رُوحَه

    إنْ جيِتْ قَاصِدَه السِّكَّه مَا تِمَاشِيكَ
    وإنْ شَاهَدَتْهَا تَلْقَى الطَّرَب حَاشِيكَ
    مَقْهُورْ بَى الله عَاد أطْرِى الذِى نَاشِيكَ
    عَايْبَه بِوَاحْدَه بَس كَسْلاَنَه مِيهَا وَشِيكَه

    مِنَّهَا مَا بَطِيبْ وإنْ سِلِمْ مَرْقُوبْ
    إلاَّ بِزُورَه مِنْها أنْجِدْنَا يَا أبْ يَعَقُوبْ
    السَّاق مُعْتَدِل مِتْشَابْكَه للمَحَقُوبْ
    أيْضَاً فِيهَا تِنْيَه وحَزْ بَدَلاً عَن العَرْقُ








    نســام الجبال

    نَسَّامْ الجِبَالْ جَاهِنْ نَسِيمَاً جَانِي
    وِجِيهِنْ جَاهُ جِيمَاً يَجْفِي جُوه جِنَانِي
    جَاهِلْ حَسْمُه جُوه جَلْجَلْ الجَلْجَلاَنِي
    جَرَّعَنِي جَسَايمْ جَمْ يَا مُجِيبْ أنْجَانِي

    سَارِحْ عَقْلِي نَسَامْ البُرُوقْ البَاتَنْ
    وَلَعَنْ نِيرَانْ جُوفِي بَعَدْ مَا مَاتَنْ
    بَرِيبْ عَاطِفْ النَقِعْ أبْ عَشَايَاً شَاتَنْ
    وَا أسَفِي عَلَى أُنْس اللَّيَالِي الفَاتَنْ





    مكــوار


    مُكَوَار الظَّلام بَى ظَبيَه ما ضِفْتِينَا
    ولا بَى طَيفْ خَيالَ النَّاعِسَاتْ طِفْتِينَا
    لَسنَا مِن عَسْكَرِكْ لَو تَنْصِفِى تَرُفْتِينَا
    والمُسْتَأذِى يُؤجر صَبر يا مُفْتِينَا


    يَاطَير إنْ مَشَيتْ سَلِّم عَلى البِحَبُّو
    وخُصَّ بذَلِك نَاس المَقَرَّط حَبُّو
    قُول لَيهُم مُكَوَار مَجِينَا ولا رَحَّبْ بُو
    والبِطِّيخْ بَعْدَ مَا نَاكْلُو بِقَشِّر حَبُّو


    يَاحِلَيلْ يَا أخِى سِتَّاتْ النِّغَيمْ الرَّايِعْ
    ويَاحِلَيلْ مَرْقَاتِنْ عِشَا والقَوَامَه رَبَايِعْ
    نَشَأنْ فُوقْ حِشَمْ ورَثَنْ أعَزَّ طَبَايِعْ
    يَاود رَيَّا عِنْدَك نَاس حَدُوقَه ودَايِعْ


    مِنْ هْن فِى المَهَدْ فِى ثَدْى القَرِيحَه ودَايِعْ
    حَاصْرَاتْ الجَّمَالْ مِنْ غَيرِ شَيئاً ضَايِعْ
    خُلِقَنْ نَايِرَاتْ مِنْ غَيرْ دَلِكْ وبَضَايِعْ
    حَشَاهِنْ غَيرْ مُضَاعْ مِن التَّرَفُّه ضَايِعْ


    تُبَّرْ نُعَّمْ مُرُدْ رُطَابْ وبَدَايِعْ
    فُقَّلْ هُدَّلْ عَالْيَاتْ قَدُرْ ووَضَايِعْ
    مَالِى أنَا لَو أتْقَنْتَ زُبَدْ المَعَانِى وطَايِعْ
    مَهْمَا أقُولْ لَهِنْ قُولِى لَيسَ بِضَايِعْ






    * دوبيت ود الرضي
    * المصدر شبكة بربر
                  

07-05-2013, 07:10 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    عباس ود كندورة


    ياع شَوَّقْتَ قَلْبِى وهِنْ دِمُوعِى يَصُبَّنْ
    ياع تَرَكْتَنِى وكَأنِى مَلْقِى فِى جُبَّاً
    تِذْكَارَكُمْ أيا ع بِفَاكِهَةٍ وأَبَّا
    الله والكِسِيتِيرْ كَدَّتَ أبْلَعُه حُبَّاً

    ياع بِمَا ذَكَرْتَ جَنَّنْتَنِى والجَّلْسَه
    هَا أنَا فِى وَلَهْ لَكِنِّنِى لَمْ أنْسَى
    تِذْكَارَكُمْ مَعَاىْ فِى الوَلَهْ والرَّمْسَه
    صِرْتَ بِهَيْئَةْ القاَلُوا لُو تَكْبَر تَنْسَى


    مِنْ فَارَقْتَكُمْ تَهْطِلْ دِمُوعِى صَبُوبَه
    إفْرَارْ قَلْبِى كَالهَبَّابَه حِينْ هَبُّوبَه
    لا أخْ لاصَدِيق ولا جَلْسَة مَحَبُوبَه
    لا سِرْ لاقَرِيبْ لا جِدْ ولا حَبُّوبَه


    مِنْ فَارَقْتَكُمْ مَا نُمْتَ لَيلاً كَامِلْ
    لَىْ كَبْداً تَذُوبْ ولَىَّ لَحَماً كَامِلْ
    لَىْ جِفْناً غَزِيرَ الدَّمَعِ لَيسَ بِكَامِلْ
    أشْكُو للإلَه ولَكُلْ ولِيَّاً كَامِلْ




    قطر الساعة ستة

    قَطَر السَّاعَة سِتَّة اللَّيلَه وَجّه بَينَا
    عَدِيلَه يا البَنًّوتْ ضِرُوعَه لَبِينَه
    يَاسِتَّاتِى كَم مِتْلى مَات بِغَبِينَه
    الرَّسُول تَطْرُونِى كُلمَا ظَبَطُّوا جَبِينَه

    مَا أظِن بذِى البِلاد أنَا لَىَّ حَاجَه أرِيدَه
    لاَ نُوم لاَ طَعَام لَم تَدْرِ كَبْدِى هَرِيدَه
    والله العَظِيم يا حَبِيبِى لَىَّ خَرِيدَه
    مِنْهَا لَىَّ حَزَناً لَم تَسِعْهُ جَرِيدَه

    أتْذَكَّركُم ويعْكَر عَلىَّ صَفَاىَ
    مَادَامْ فِى البُعُد مِنْكُم فَكَيفَ عَفَاىَ
    إذَا كَان لَم تَكُن فِى قَلْبِى نَابْحَه حَفَاىَ
    أتْدَمَّر وهِنْ يَمْشَن عَلَىَّ حَفَاىَ

    أبْعَد مِنَّهِن جَاوَزْ تَلاَتَه كَبَارِى
    وفِى مُكْوَار نَزَلْت وبَى غِفَارُه بَبَارِى
    رَاكِضْ دَايِمَاً مِطَشِّشْ عِيُونِى غُبَارِى
    يَاحِلَيلْ خُرَّدَاً مَا اتْنَقَّلَنْ بشَبَارِى

    رِيشَاتْ عَقْلِى طَارَتْ من الفَرَّه بِقَنْ لِى خُفَافْ
    مِن كَتَرَتْ بُكَاى جِفْنِى إنْقَلْعَ رَفَّافْ
    دَا حَسْر المِنْتَبِر عَالِى مَاهُو لُفَافْ
    كُلْمَا أقُول أنْسَاهُ لَى هَفَّافْ




    كل ما أتذكرن

    أفْكَار عَقْلِى وِكْتِينْ الطَّرَبْ هَفَّى لِنْ
    عَينَىْ وَالَنْ السَّهَرْ المَنَامْ جَافِى لِنْ
    فَنَقْ المَارَيَات زَرْق أُمْ رِشُومْ وَافِى لِنْ
    لا المَارِضْ مِمَارِضْ ولا الطَبِيبْ عَافِى لِنْ

    عَظَّمْ كَيْدَهِنْ رَبَّ العِبَادْ صَفَّى لِنْ
    سِتَّاتِى الجَّمِيعْ جَنَّة بِلاَل لَى فَالِنْ
    رَبَّنَا يَخْزِل البَى شَينَه يَتْقَفَّى لِنْ
    هِنْ لَيهِنْ شِرُوطْ بسْتَوفَنْ الأوْفَى لِنْ

    كُلْمَا أتْذَكَّرِنْ بضَرْبِ سَقَدْ بَلُّولْ
    بِقَت أتْبَر مِنِّى رَاياً طَيرَه أُمْ بَلُّولْ
    مِنْ الفَرْهَدْ دُقَاقْ ما لَفَح مَشْلُولْ
    البَقْشِيشْ أبَاهُ سَكَّتُو اللُّولْ لُولْ




    سوء الحظ

    اللَّيل إذَا عَسْعَسْ أسْهَر وأخُتْ مِقْدَامِى
    كَيْفِيَّة مَحَامِدْكُمْ وأجِدهَا أمَامِى
    الصُّبْحُ إذَا تَنْفَّسْ أتَذَكَّر مَجِى القِدَّامِى
    أدُوخ طَرباً وأشِيرْ مِتْأسِّفَاً باعْدَامِى

    أتِبْ للقُومَه أرُدْ صَابَنِى العَطَّالْ
    لا بِدْنِيكْ خَلاصْ لا بِسَمِّعَكْ بَطَّالْ
    يَادَمْعَة عَينِى صُبِّى عَذَابِى أنَا طَالْ
    دَايْماً لَى طَلَبَاتِى التِّبرْ بَطَّالْ

    سُوء الحَظ فَقَط ما نِيتِى مَالاً أفُشْرُو
    لَكِن الزَّمَانْ كَتَّر عَلى أنا قُشْرُو
    يَعِل صَبر الصَّبُور حَسَسِى العَلى أنَا عُشْرُو
    كَان لايِق طَعام وأنَا بى فُرَاقْكُم أدُشْرُو

    عَمَلْتَ غَلَطْ كَبِيرْ لِمُوجِبَاتِى رَكَنْتَ
    فَجَّيتْ أُمْ لَهِيبْ عَمْداً وفِيهَا سَكَنْتَ
    صِرْتَ قَتِيلْ نَفْسِى مِنْ الأرَازِلْ كُنْتَ
    يَا عَينِى أبْكَنِّى فَلَيْتَنِى مَاكُنْتَ








    * دوبيت ود الرضي
    * المصدر شبكة بربر
                  

07-05-2013, 07:31 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الـغــنـا والـنـمـيم لـيـك ياحبيبة بسوقو
    ودنـديــن الـكــلام جــــوايا عامر سوقو
    يا روحي وغناي طاوعوني ارسو وروقو
    خلوني النوصف زول بموت بي شوقو
    ......
    آه انـا يـانـسـيـم مشتاق اقــبل ايدا
    وبي حنية اقوم اربط عقد في جيدا
    بت بت الملوك بهجة سنيني وعيدا
    فرشت قــلبي حنية وسماحة وريده
    ......
    عيان يا طبيب وشفايا في الهالكاني
    معسولة البنات البي الحنان غامراني
    ملــــيان بيها لي حد الشقف مالياني
    آه انــا يا طبيب ما ذبت من احزاني
    ****
    لــــو جابو الجمال جمعوهو كلو يقيسو
    بيك يا (الهادله)انتي بدا الجمال تاسيسو
    الناي جاك سرق من فاهك انتي حسيسو
    والـلـيـل بــي ابتهاج اهداكي جدلة ديسو
    ***
    اكــحـــل غير دلال فطرة ومقسم نُصو
    ناعـــم جـسـمـو ليـوني وحنانو برُصو

    الخــلــــي الفكر بي هم غرامو يقُصو
    جيش الضحكة حالف لي قليبي يطُسو

    ****
    يوم يشملني بي عطفو ودلالو ودلّــــو
    ويوم للاهة يترك قلبي ساي في محلو
    يـــارب يـــا كـريـم حـنــن قليبو وخلو
    يطراني وكفاي انا بس اقيف في ضلو






    * المصدر منتدى سماعي
                  

07-05-2013, 07:36 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    الليل زازانى البريق برعيده البتردع
    وعاد الشوق فؤادى الفى البشاتن بدع
    سربت روحى فى النمة وغنائ اجدع
    حليل ريهوبة الحبش الوريدها مفدع
    *********
    الليل الحويتو رب الناس ابن قصى
    سهران منو رايغ فى مواجبو حصى
    كتفو مهدلو وديسو عمل النصى
    قوامو قوام جنيبة وهينو ظبى الصى
    ********
    قادر ربنا الخلق الجمال فى الجاهلة
    علا ضميرها من تغل الردايف واحلة
    غنم المهاوى اب واطاتا ماحلة
    مرغت من شرها ###### الضغينة الراحلة
    *******
    الليل يابوشنشون خبارك من الدهم بتزاول
    بشيش دومك على وترك مسيلو جداول
    امسى الليل على البى برا مابتقاول
    بوطيك حية الشق ابرنيسا عاول




    * المصدر منتديات رفاعة
                  

07-05-2013, 07:58 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    مسدار المطيرق
    الحردلو – عبدالله احمد ابوسن
    ********
    أصل المسدر أن الحردلو كان معجب بفتاة اسمها الروضة بت
    السرة وكان له ميعاد معها لشرب القهوة فحضرت لموعده
    ولكنها وجدته نائماً فأخذت عصاه (المطيرق) وعادت بها
    ادراجها واخفتها لكى تثبت حقيقةحضورها .

    فخرج هذا فى إطار التداول الشعرى العادى الى اشبه
    بالمسرحيات الشعرية فى صورها المعروفة حيث تتضمن
    عناصر الحكى والسرد فى الإطار الشعرى وهناك تشبيهات
    فريدة وبليغة .
    ********
    يبتدر الحردلو :
    ذكــرتـى بـالـبــنـــات لا عــن مـصوع فاحت
    ضــايـــق غـلــبــهـــن مـن شـيـنـــتــن بتاحت
    جــدع ودعــتـن بــالـلــيــم عـلــى مـا طـاحت
    هـبـــرت كـفــتـى وعـقـب الـمـطـيـرق راحت
    فقال له عبدالله مداعباً :
    أصـبـحــت الـمـطـيــرق فـى نعـيـم وسروره
    وات الـنـــوم عـبــدتـو وما قريت لك صوره
    سـاعـتــيــن إن صـبـر كـت تحظى بالبتدوره
    ســعــدك إن رقــد مـا بـجــبـر الــمـكـسـوره
    الحردلو :
    ســرفــة عـيــنـى داك الـلــيـــله مــاهــا مريه
    أصـبـــح حـــالتى مـثــــل الــدخــلـو الظبطيه
    أتــرجــــــاك يـــــا ابــو الـــتــــايــه اول سيه
    مـا اتــواخــد اكـون فـى حـالـة غـيـر مرضية
    عبدالله :
    مـســـامـح يــا ابــو يــوســـف ولــو فـى مـيه
    نـعــــمــــن لـلـــدغـــس بـتـــمـــســح الـقـافيه
    إن بـقــى لـلـمــطـيــرق شـيـلـه جاب لـو حكيه
    مـى مـســـروقــة لـكـن فــيـهــا حـكـمـة خفيه
    الحاردلو :
    بـعــرفــك وكـت تـقـوم فـى حجازه واجواديـه
    تـبــذل فـيـــهـــا جـهــدك بـى صــفـــاوة نـيـه
    مـعــلـــوم تـصــلـح الـبـطحــانى والـشـكــريـه
    لـكــن الـمــطـيــرق مـا بـتــجــى غـيـــر ديـه
    عبدالله :
    شـيـلـتـهــا فـى الـحــقـيــقــة مـثـبـتــابــا الجــيه
    خــوف مـســـك الـضـهــر والـلـوم مـع الكلــيه
    بـى أســـبــاب الـمـطـيــــرق لا تـشـــيــلـك ديه
    أنــا مــلـــزوم بــهــا وعـقــب الـضــمــانه على
    الحاردلو :
    مــطــرقـى مـن بـشـــم مـــرداء مـن الـغصان
    ونـونــايــا كـتـيـــر جـــادعـــاه عـلـى الـجديان
    ســراق الـمــطــيـــــرق فيـهـــو نــوع رسيان
    مـو مـتـل سـراق حمارة المسمى اخوك حسان
    عبدالله :
    شــرف الــمــطــيـــرق سـيــتــهــا زى الـــزان
    دا كــلـــو الـــســـــبــــب بـريــبــة الــعــنــقـان
    والــمـــنـــاهــا هــا الــســرقــة ام حــديـثـاً بان
    كـــان تــتــنـى فـــوقــــهــــا نـكــتــــر الأوزان
    ( أنس ... وصمت )
    ويدخل عدلان ود على
    جــيــب قـــاف الـمــطـيـرق خــلـنــا الـنـتـسـلى
    نـتـجــادعــبــو فـى مـجــلـس أخـــوك عـبـدالله
    اضـحــك وانـبــســط خــل فـاطــرك الـلـنــحل
    مـى مـســروقـه اصـلـهـا عـنــد بـرنـجـى الحله
    الحردلو :
    طــول بـــالـــعـــســيــن قــــانـص بــــدور ######ى
    مــا لــقــيــت مـســـتـحــق نــمــى ونــوادر قلبى
    دحــيــن يـا راضـيـه كـان فـد يـوم معاى تنسلبى
    هــاك يــا ســمـحـة زى مـا تــدورى منى اطلبى
    عبدالله :
    مـن حـســـس أم رشـوم الـحـار بـقــول وآ غلبى
    مـمــا لـقـيــت لـى وجـيـعــاً يعرف الحاصل بى
    شـمــبـــانـيـــهــا مــو بـــرانـى خــافــس قــلـبى






    * المصدر منتديات كورة سودانية .
                  

07-06-2013, 09:29 AM

أمير محمد ادريس
<aأمير محمد ادريس
تاريخ التسجيل: 01-17-2013
مجموع المشاركات: 1248

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أطول مجادعه بشعر الدوبيت ملتزمه بالقافيه (Re: أمير محمد ادريس)

    سلام..يا الجاهلة
    ----------------------------------------------------------------------------

    في جلسة عصرية اجتمع نفر من الهمباتة عند الجاهلة (أسم فتاة صاحبة قهوة) لشراب القهوة وحقيقة الجاهلة مِي جاهلة نصاح ودعونا نطلق عليها اسم (سلام) فهي من سكان مدينة القضارف و تنتمي لقبيلة الأمهرة ذات الإصول الإثيوبية الحميرية اليمنية فبنات الأمهرة مشهود لهم بالجمال الباهر و القوام الفارع..جمعت هذه الجلسة نفر من محبي الشعر الشعبي و كان في الحضور إثنين من الهمباتا وهما ود أبو شكرة و أخوه البشرى و هما أخوان شقيقان من أشعر شعراء الشكرية الشباب في العصر الحديث (المدرسة الحديثة) –
    يبدأ الهمباتي البشرى برمي السلام على هذه الحسناء وكان مفاده الآتى:

    سلام..يا بقة العسل الشِرِق مصّاصِك

    سلام..يا ظبية الوادي الكُتار قُنَّاصِك

    سلام..شاوياني نارك وطول نهاري بساسك

    سلام..هاريني ريدك وفي القلب رصاصك
    ******
    سلام الجاهلة ياود أبشكرة زادو شقايا

    سلام..ريلاً مَهَقَّتْ جوز خدودو مرايا

    سلام..ست اللهيج نارك شَوَتْ أعضايا

    سلام..ديسك ضلام الليل والعيون ضوايا
    ******
    سلام الجاهلة يا أبشكرة..مِي غالاتة

    سلام..يا برطم العسل اللذيذ ..شوكلاتة

    سلام..الجاهلة يا خلاّني زايدة غلاتة

    تتلاصف خدودها وبرضو زايدة حلاتة


    فيردف السلام أخوه البشرى بقوله:


    سـلام يـا ملكـة وسكونـك أديــس

    سلام ظبية جبال كَرَنْ الكَسَاها الدِّيْـسْ

    كان ما خفت مـن الله ولعنـت ابليـس

    تكوني الراهبة يَمْ وجنات وأكون قِدِّيِسْ
    ******
    بالسين:سيـدة الستـات مِتِـل امريكـا

    باللام:لونها زي تبري ومِسِنُّوْ سَبِيْكَـة

    بالألف:أشـا داييـب سبـغ ليكـا (1)

    بالميم:مالكة لقلوبنا ومِسَاهِـن شِيْكَـة
    ******
    قول لأبْسِنْ جَمَالاً شُفْتُو فـي الحبشيـة

    فزَّزْ نُومِي من عَيْنَيْ صَبَـاحْ وعَشِيَّـة

    حلوة أديبة راقية وِحَيْشَة بِتْ وَحَشِيَّـة

    سَاطَتْ عَقْلِى بي مُسْوَاطْ كِتِرْ هَبَشِيَّة (2)



    (1) التحية بلغات (هندي -لهجة البجة -ارتري)
    (2) اصبح مجنون ويكثر الهبش


    ويرد عليه ود أبو شٌكرة بهذا المربع


    سلام القاصده يا عزنا مهيريه!!؟

    العرضت جمال سارقاه من وطنيه

    والقالت مهيره صديقته الشايقيـه

    خفة دم وذوق جلسات وطيبة نيه

    -------


    فيعقب البشرى سلام أخيه بسلام آخر :

    سلام يا ملكة الدار البقت محمية

    سلام يا الشبهوك ظلما علي الحورية

    شن اوصف واقول دعجك كهارب اللية

    رمشك في القلب بغرز سهامو المية
    *****
    خدك ما الحرير انعم واظنو شوية

    من التبري شال لونو وشرب حنية

    فرة ثغرك البرق الشلع في الصية

    جيدك ما الغزال كفلك بديع يا بنية
    *****
    ديسك هردبيس الليل قبل دغشية

    كتفك لي الشعر فرش الضماير حية

    ممشوقة قوام ماكي الطويلة النية

    ما اتشابيتي يوم ايدك تندّي ترية
    ******
    سلام يا الساكنة في البلد البقت محمية

    سلام يا عزة ليك يا الشلتي ضي عينيا

    شن فايدة قليب انشال بلا جودية

    هاك الروح كمان والله برضو هدية


    --------

    ورغم سفره المتواصل يجد الشاعر الهباني ود أبو شٌكرة قليل وقت ليبث هذا المربع :


    سلام ليكم جميع والخاص يجيك يا سلام

    سـلام ظبيـة أديـس الفاقـت الارام

    سلام يـا الفُقتـى اقرانـك ورا وقـدام

    سلام يا ملكة الحبش السكونـه بًشـام
    ****
    سلام يا الفيكى غنو فطاحلة الشكريـه

    سلام يا اللى غًناكى خرتى بى الزنديه

    سلام يا البِضوى ألماظك جهر عينيـه

    تسلمى يابدور اومـاك ونجـم أبريـه

    فبينما كانت تتراقص القوافي طربا وتعزف المشاعر نغما فينساب بوح هذا الإحساس ليرسم لنا ملامحه في لوحة مطرزة برقة روعة الإبداع بأسلوب جميل ساحر وكلمات عذبة تنحني أمامها الهامات العظام من بوح إبداعها فيرتاح الشاعران قليل ليخرجا خارج راكوبة الجاهلة و يتركون الحضور و كأنما إنسدل الستار عن مسرحية من مسرحيات وليام شكسبير ليتنفسوا الصعداء و رزازات دعاش المطر الهابة من جهة الدالي و المزموم كأنها تحّرك شياطين أشعارهم التي يستمدون منها وحي إلهامهم ثم سرعان ما يدخلون الراكوبة مرة أخرى و تنهال عليهم تصفيقات الحضور طرباً برجعة الشاعران المبدعان و تبتسم الجاهلة لتبرق أسنانها الناصعة البياض المفلجة بريق وامضاً
    ويعود البشرى مرة أخرى في رد طويل هذه المرة معاتباً أخاه الذي سلبت عقله هذه الحبشية الرطانية ذات العربي المكسر

    دربك ماشـي ويـن يا أبشكرة فوقـك ديـه

    يا الكاسينا بي الابداع وبي الأخلاق وحسن النيه

    نار كورسيـك مسخنـه فـي النوافـذ حيـه

    كيف تنساه لو بشار جلالة قدره جاكـه عشيـه
    --
    وينـك يـا اب حجـل يـا اب طلتـاً عفويـه

    ليـك عشرتنـا هانـت وتبعـتـه رطانـيـه

    فـارس دار جعـل مـا فوقـك المحـريـه!!

    تنسى منابع التاريخ ودق التور وقصـة ريـه
    --
    تنسى المـك نمـر تنسـى السيـوف مسقيـه

    اهو عيون ناس سـلام زيـك تجيبـون ميـه

    وهاكـم منـي قـول يـا معشـر الشكريـه

    والكاينـه التكـون باقـي العمـر عـاريـه
    --
    قمت بـراي عصـر قاصـد مـرادي بنيـه

    بركـت اب سـدر عـن بابـه فـي القطيـه

    جات بالفركـه لافحـه القرمصيـص متنيـه

    ذي ورتابـه قامـت مـن قصيبـتـاً نـيـه
    --
    دخلنـا الليـل سـوى والريلـه حنـت ليـه

    مـا جـادت كتيـر دسـت شعـوره الحيـه

    يـا جنـات سـلام عنبـك لـمـس ايـديـه

    سهـر الليـل معـاك والله شايـفـه شـويـه
    --
    بي شمس الصبـاح هـدر اب سـدر بكريـه

    عقلـي الطـار سـلام ملكـة سبـا الحبشيـه

    نسيـت القبلـه ويـن وتـلالـك الشرقـيـه

    والشـئ العجيـب ايضـا نسيتـه وضـويـه


    ----------

    وإذ تحس واحدة صاحبة قهوة أخرى مجاورة لقهوة الجاهلة بصيرة بعلم الطب الشعبي يلقبوها بالحكيمة (الدكتورة)بأنها مستفزة بابيات من سبقها من الهمباتة تنشد قائلة

    سلام يا الكتفتي الرجال بي ديسك

    خليتي الخلق تتراطنبو حالي حديثك

    شرارة نارك صابت قليبو جليسك

    ما ظنيت طبيب بشفيهو منو حسيسك

    ******
    سلام يا ملكة الريل في خلاهن

    سلام ضحكاتك حزن ما غشاهن

    نديداتك بي فتنتك فارقاهن

    سلام إنت العيوب خلقتي بلاهن

    *****
    سلام يا ست السماح و مليكتو

    إنت القمر دورين -زاتو- ماكي شبيهتو

    فارسك ما خبر كيفن يلاقى طريقتو

    طول في كبل حسنك ناسيها فريضتو

    ******

    سلام يا البي كاحلات عيونك فتي الأرايل

    قافي عجز لي وصف الحسن مو طايل

    المولى فوقك ردمو السماح الكايل

    قاسي ليمك خلى العين تكب متل السحاب الشايل

    ============

    ويرد عليها ود أبو شُكرة بقوله

    يا سلام يا الحكيمة مـن نمـك الوصـاف

    وبالسماعه كشفك لي سلام انصـاف

    ورينا يا دكتوره كيف بتعالج الرجاف

    لو ايد سنارك من السـلام بتخـاف



    ---------

    وترد عليه الدكتورة ايضا بما يلي

    ود أبشكرة أخوي الريدة ما بتنهاب

    و الريد ما بفرز فقير و أرباب

    بي شوفة المحبوب مرضان السنين بنطاب

    و سلامو بيرد الروح من دون زعل و عتاب

    ******
    يا أبشكرة الطب حار في أمر الريدة

    من فعايل الإنس و ألا ساحرة مريدة؟

    القلوب بتريد و العقول بي ابتلاها شريدة

    إن صابت سهامها زولها بلزم التشهيدة

    *****
    الزول البريد ما تسائلو كيفن حالو

    حال العشق بين في في عضاه و نحالو

    غالبو الموت و بلا المعشوق حياتو ما بتهنا لو

    ما بدور عرفة طبيب خبر المجرب فالو


    --------

    ولا يفوت ود نصيري أن يختتم بتحية الجاهلة و أقول:

    --------------------------------------------------------------------------------

    سلام للجـــاهلة حين شالت قليبي معاها

    سلام أرض الخواجه وكلْ تراب ضماها

    شالت مني روحـــــي وباللهيب شاوياها

    آه .. من سين مفدَّع ومن لِحاظْ طالْقاها
    ***
    سلام يمتدَّ لي لحْظاً ملك أحشــــــــــــايَ

    ســـــــلام يا النايره بسْمة سنِّك الضوَّايا

    محروق جوف زمان بجاوي ليَّ ضرايَ

    وفي شـــــــــان عزَّنا دعَّشْتِ ليَّ مسايَ
    ***
    سلام ست الحسان والراء تجيد ترديدها

    مكتول بالعيــــون واسرني مقطع جيدها

    كلْ ما أقــــول أتوب نيرانها زايده هويده

    كيفِن الوصول للســـــــــامية فينا سعيده
    ****









    * منقول
                  


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de