|
|
 الجيش خط احمر
|
فليبتعد السياسيون عن الجيش ويدعونه يمارس مهامه الوطنية وفق مانص عليه الدستور ..الحكومة الرشيدة هى التى توفر للقوات المسلحة التمويل اللازم والنأى بها عن المزايدات والمناورات السياسية طبيعة المؤسسة العسكرية لاتحتمل اى نوع من هذه الاشياء ناس الجيش يختلفون عننا نحن المدنيون ومثلما انهم لايتدخلون فى امورنا يجب الا نتدخل فى امورهم العسكرى عسكرى والملكى ملكى مش اى واحد منقشط ليهو فى بدله عسكرية اتخيل خلاص انو بقى قائد عسكرى القصة لوكانت بالبساطة دى ما كان قروا ليها وعملوا ليها معاينات واخدوا ليها جرعات تدريب وتعليم ودورات وكورسات وحاجات كتيرة ما بنعرفها وحتى لو شرحوها لينا مابنفهمها يا اخوانا ماتخلوا الجيش يشتغل شغلوا وساعدوه من غير ماتتدخلوا فى امورو....يا أخوانا خلاص الكلام ده سمعتوا ولا محتاجين اكررو ليكم تانى اى واحد منكم ينطم وتانى ما يجيب لينا سيرة الجيش ..هو الجيش ده جيش الليله ولا امبارح ....انتو نسيتو البلد دى محروسة ليها عشرات السنين بى شنو مابى الجيش ده...ناس على عبد اللطيف وعبد الفضيل الماظ لخصوا الموضوع واختصرو ليكم الطريق كلام مافى نضمى كتير خلينا لى ناس الاحزاب والنقابات والنقة الكتيرة خلوها لى ناس الجرايد والمنظراتية كمان جابت ليها انترنت.....الله خلقكم شفتولكم جياشى نضام الناس ديل ناسى امسكلى واقطعلك ما عندهم كلام كتير فد واحد فيهم يتكلم ويصرح وكلامو شوييى وبالحساب باقيلك ان ما بقوا كدى نحنا ماكان الرماد كال حماد ..دحين يا اخوانا الناس ديل اخير نخليهم فى حالهم وما نقعد نهبش فيهم بى جاى وبى جاى اى واحد طالق لسانوا قاعد يلعلع فى الجيش زى ما داير ...
|
|
  
|
|
|
|
|
|
|
|
Re: الجيش خط احمر (Re: عمار محمد ادم)
|
سلام عمار
كلامك صاح و100%
لكن وينوا الجيش البتتكلم عنه دا
الجيش من 1989 وهم شغالين
يظعمطوا فى ريشوا حتى اصبح
هكذا ؟؟؟
عشان كدا اصبح ملطشه لجماعة
لحس الكوع !!!
| |
|
|
|
|
|
|
|
|
|
Re: الجيش خط احمر (Re: عمر صديق)
|
اين هو الجيش
هذا الذى لم يحارب الا شعبه!
جيش مطية الاسلاميين لا يمثل الا نفسه ولا علاقة له بالشعب السودانى
جيش وزير دفاعه ابوعصاية افشل اهل الارض
جيش تتدحرج مساحة وطنه من مليون مربع الى سبعمائة الف ميل ولا يحرك ساكنا م الذى يجعله خط احمر!
جني
| |
|
|
|
|
|
|
|
|
|
Re: الجيش خط احمر (Re: عمر صديق)
|
منو القال ليك ما بيدخلوا في امورنا? بعدين ده جيش مؤدلج دخلوا شنو بالجهاد والدين في دولة متعددة الثقافات اذا هو ينحاز لفئة دينية ولا يمثل كل الوطن......شخصيا لا اري له اي ايجابيات سوي قتل مواطنيه دفاعا عن الانظمة الدكتاتوريه فهو الذراع الباطش لها......منو البيتدخل في شؤون الاخر????هل مكان الجيش ومهامه ان يحكم البلد لقد ظل الجيش يحكم عشرات السنين مقدما اسو أ وابلد النماذج .....من الذي يتدخل في امور الاخر المدنيون ام العسكريون....????????????????????
| |
|
|
|
|
|
|
|
|
|
Re: الجيش خط احمر (Re: azhary taha)
|
حتى فى العهود الديمقراطية كان الجيش السودانى يقاتل فى الجنوب ولم نسمع صوتا يقول ان الجيش يقاتل شعبه كان يمكن ان نقول ان الجيش كان يحارب من اجل وحدة السودان ولكن الامر الان اصبح صعب شوية فى فترة معينه اعطوا الحرب طابعا دينيا وهذا ليس صحيح القوات المسلحة يجب لن تحمى حدود البلاد وامنها وفق الدستور اما عن انو الجيش مؤدلج هذا ليس صحيح اى واحد يراجع الذين يعرفهم من رجالات القوات المسلحة هل عندهم اى اتجاهات ايدلوجية وبى بساطة حتصلوا لى نتيجة اننا مرات نردد كلام ساكت ماعندوا اى اساس من الصحة يعنى فى كم كوز فى الجيش عشرة عشرين مية وحتى كيزان الجيش هل هم زى كيزان الملكية دا لو افترضنا انو فى كيزان فى الجيش الجيش السودانى جيش قومى وهو الحارس مالنا ودمنا.ثم بعدين ازالة الانظمة الديكتاتورية ليس من مهمة الجيش وهو لايتدخل اصلا فى السياسية او على الاقل ده المفروض ..النظام السياسى الموجود الجيش بيعمل تحت امرتو الحركة السياسية هى المنوط بها تغيير النظام والجيش ممكن يتدخل فى لحظة تاريخية معينة زى ما حصل فى اكتوبر وابريل وحتى دى تتم وفق عملية تقدير للموقف بدقة من قبل القيادة العليا للجيش وفى ظروف تكون فيها الدولة معرضة للانهيار دا دور بيؤديه الجيش دائما وبشكل تقليدى وبى بساطة هو بيعيد الامور الى نصابها متى ما كان هنالك خطر على البلاد من جراء تصرفات حكومة غير مسؤولة سواء اكانت فى عهد ديمقراطى او شمولى الجيش قلبو على البلد ودا امر ماهو مشحود عليهو وناس الجيش ديل منو ماهم ولادنا البنعرفهم زى جوع بطنا من الليلة ولامن امبارح ما نحنا من من ماقمنا فى البلد دى الما عندو ابو ولا اخو فى الجيش عندو عمو ولا ود عمو الشماليين وناس الغرب وحتى اخوانا الجنوبيين ربنا يطراهم بالخير ويرد غربتهم ...هى الناس دى مالها اطرطشت كده الحصل ليها فى عقلها ده شنو اى واحد يقولو اى خارم بارم و بره من راسو يقعد الواحد وينطط عويناتو ويتفاصح (هو فى جيش) اى على الطلاق فى جيش ونص وخمسة ..ونحنا بلا الجيش ما كان زمان واطاتنا اصبحت هو الموحد البلد دى وحاميها منو بلا ناس الجيش انا يمين بالله ما قاعد اتجمبلهم ساكت ولا عندى اى مصلحة معاهم وكل المصايب الجاتنى بى سبب وقوفى معاهم ودى الحقيقة فى ناس دايرين ينوموا ويصحوا يلقوا البلد دى معلمى الله من فد جياشى والجيش لى الليلى ما وراهم العين الحمرة ومحاولات انو الجيش ينهار اعتقد انها محاولات فاشلة ومضيعة للوقت والجهد معا القصة دى مابتبقى اى والله ما بتبقى هى لو بى تبقى كان فى ناس زمان سووها باقيلكم ما فكروا فيها وحاولوها ولكن كان حالهم( كناصح صخرة يوما ليوهنها ....فلم يضرها واوهى قرنه الوعل)
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
لابد أنك تتحدث عن جيش آخر غير جيش السودان
كده عدد لنا محاسن هذا الجيش!
مش ياهو الجيش الذي تم استخدامه بتواطء قادته لقهر انسان السودان خاصه انساسن الهامش تحت حجج ومسمسات كاذبه.
ألم يتخلى المتغطرسون عن وحده السودان بعد ان تعذر لهم اخضاع انسان الجنوب , وعندما لم يجدوا بد من الاعتراف به كأنسان وكأنسان سوداني فرطوا في الوحده !!!
لماذا حارب الجيش في الجنوب أصلا طالما أن هناك استعداد لتقسيم السودان ؟! ولماذا يحارب الان في دارفور وفي كردفان ةفي النيل الأزرق ؟! أليس لفرض ما عجز عنه سابقا ضد أهل الجنوب!
أنت يا الأخو بتتحدث عن جيش غير الذي نعرف جيش في خيالك فقط ...
| Quote: ونحنا بلا الجيش ما كان زمان واطاتنا اصبحت هو الموحد البلد دى وحاميها منو |
أنتو منو؟! والجيش ده حاميكم من منو وعشان شنو ؟! وليه ما يحمي باقي السودانيين ؟ ليه يحميكم انتو والسودانيين الاخرين يقوم بقتلهم وسحلهم وارتكاب المجازر في حقهم ؟!
منذ تأسيس هذا الكيان الذي يسمى الجيش و هو مطيه في يد من يريدون أن يفرضوا ثقافتهم على الأخرين , ويرفض الأخرين الا أن يكونوا أخرين
بالجنبه كده , ليه الجيش مش عاوز يحرر حلايب التي يحتلها المصريين و لا يريد ان يحرر مزارع الفشقه من يد الاثيوبيين يبنما تجد قادته يرغون ويزبدون عند الحديث عن أي خلاف حدودي مع دوله الجنوب ؟!
أي مع السودانيين السابقيين وجنوب السودانيين جاليا.
وهل عقيده هذا الجيش هو قتل انسان الهامش السوداني أم له عقيده أخرى ؟ فإن وجدت تلك العقيده فما هي و هل هناك أمثله؟!
عندك اجابه من بيت الكلاوي يا الأخو ولا يفتح الله؟
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
| Quote: ومثلما انهم لايتدخلون فى امورنا يجب الا نتدخل فى امورهم |
الاخ عمار تحياتي
عمر السودان المستقل سبعة و خمسين عاما منهامنها ستة و اريعين عاما خالصة للجيش، تدخلوا فيها في كل شئ من امورنا من قطع للارزاق و بيع للمتلكات الخاصة و العامة و تشطير للوطن و و تشريد و نزوح للملايين و حرماننا حتى من العلاج و التعليم و منعنا من الكتابة في الصحف و و و و، و بعد كل هذا يصح ان نقول ان الجيش لا يتدخل في حياتنا
| |
|
|
|
|
|
|
|
|
|
Re: الجيش خط احمر (Re: عبدالله محمد أحمد)
|
الشهيد الملازم وداعة الله ابراهيم
نحن عشمك يا وطن ....
قصة العشق اللبينا اقوى من كل الحكاوي
وشاربـــة من عمــــــق الرصاصــــــــــــة ..
والمحبة الفى قلوبنا اصلو ما معروف مقاسة
ونحن وقت الحارة تبقى يانا دارة ويانا ناسة
ونحن عشمك يا وطن ....
اصلو ما بنعرف نساوم ..
والمبادئ الفى طريقنا ثابتة اكبر من معـــالم
والعزيمة الفى صدورنا اصلو ما بتفتر تقاوم
نبني فيك وندي ليك ونفني فى شانك نصادم
.... ونحن عشمك يا وطن ...
جينا من مليون مربع
شعب صامد فى المواجع شعب واقف ما بيركع
وكل شبر من ترابك ليهو نحمى وعنو نمنــــع
وكل جرف من ترابك ليهو نسقى وفيه نـــزرع
وكل ذرة من ترابك فيه قمحة تموج وتلمــــــع
وكل قمحة من حصادك بيها نرضى وبيها نقنع
تمشى توصل كل جائع فى رحابك لازم يشبــــع
...... نحنا عشمك يا وطن .......
جينا من عمق العروبة ومن سواد افريقيا لونـــا
شلنا همك فى عيونا وشلنا عشقــــــك عيونـــــا
شلنا منك انو نبنى وانو نعرف كيــف نصونــــك
وانو نعشق كل ترابك وكل ناسك واى صور يجيبا لونك
جينا بين الفك ونونك حاجة فى المليون مربــع
ليها كل الدنيا تعرف وبيها كل الكون بيسمــــع
من تراب ارض الجنينة ومن خدار مرة وحنينة
وفى ربوع تندلتى جوة ومن صلابة الفور ربينا
ذى نغيم نقارة تضرب وذى وقع مردوم بيغلـب
.... فرحة ترقد فى عينينا .....
وفى ضفاف الميناء عشنا فيهو ترقص زى سفينة
جينــــا من فنجــان وخنجر لمة الشــرق الامينــة
ومـن هيـاج القــاش مرقنـا ذى اسودا فى عرينـة
من قنـــتي ومن كريمـة شلنــا فى الطنبـور نغـني
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
الاستاذ عمار محمد ادم كيفك يازول ياطيب
كلامك من حيث التنظير صحيح 100×100 بس الواقع يقول غير ذلك
الجيش تسيس ودخلتو الملكية منذ العام 89م ، معظم العساكر الصاح جيش
تم احالتهم للصالح العام كل قيادات الجيش الان هم يتبعون لحزب الموتمر الوطني يعني جيش ما قومي كما تقول
هل ما قاله نافع امام المجلس التشريعي بولاية الخرطوم بشان الجيش أن قاله أي سياسي اخر هل سيكون لي هسه قاعد برة
البلد تدار بطريقة وهي التي أوصلتنا الي ماهو نحن فيه الان
| |
|
|
|
|
|
|
|
|
|
Re: الجيش خط احمر (Re: معتز يوسف نجم)
|
الجيش الان فيهو من الدفعات العشرينات وديل كلهم اتخرجو فى سبعينات القرن المنصرم ودفعات الثلاثينات وديل نصفهم اتخرج ايام نميرى والجزو التانى ايام الاحزاب والانقاذ جات فى التسعينات يعنى من دفعات الاربعينات والخمسينات وكلهم ديل ضباط اولاد بلد ما كيزان ولاشى الكيزان ضربوا السوق والسفارات والوزارات محل اللقف الجد كوز شنو بى يقعد ليك فى الجيش محل الدرش والعمليات والمرتبات معروفه والصف الطويل فى الترقى القصة دى دايره صبر وجماعتنا ديل ما عندهم صبر ديل ناس بارده وطراوه اولادهم مرطبين وبناتهم ونسوانهم مرطبات والعربات الاخر موديل والبيت الماره المى خمج والله ناس الستائر الفى شارع الستين يحكوا ليك يمين راسك يشيب ستائرهم تبنى بيت يازول جيش شنو البيدخلو ديل ولا يدخلوا اولادهم انهم الحفاة العراة العالة رعاة الشاه يتطاولون فى البنيان بقوا علامة الساعة عديل بسم الله الرحمن الرحيم علىكمان الله الخجل ده ماعندهم يسووا سواتهم على عينك ياتاجر كمان الايام دى جابوا ليهم بدعة يأجروا ليهم مقرىْ يصلى بالعايلة المغرب والعشاء. ديل ماناس جيش الجيش محل الموت والسخانه والعطش والغبار اوعك من دى الجيش بى رجالوا ناس تيه وعبدالله وحامد يمين حواء والده.
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
يازول ناس الهامش منو ما ياهم ناس الجيش ذاتهم راجع شهادات ميلادهم فيهم واحد نولود فى العمارات ونمرة اتنين ما ياهم ناس كوة ومحمد على تقولى الهامش ماهم ذاتهم الهامش ذاتو اى والله فى الخرطوم ساكنين الهامش الجماعه ديل مطرفين خالص يازول هوى كلامك اعدلوا ما تقعد ترمى الكلام ساكت شوف انت بتتكلم عن منو يا الاخو كلامكم ده لمو عليك ما تتكلم ساكت تلقاك ضارب الكندشة والرجال البتتكلم عنهم ديل فى الخنادق المشاكل دى سووها هم ما سواها المجتمع والسياسيين يسووا شنو مجبورين يحموا المواطنين البتجى من السما بتحملها الواطه.
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
| Quote: يازول ناس الهامش منو ما ياهم ناس الجيش ذاتهم |
أحكي ليك حكايه في يوم من الأيام رأيت بأم عيني في مدينه الفاشر وأمام قياده الفرقه السادسه مشاه لافته كتب عليها , القياده الشماليه , مركز تجنيد الفاشر وكان الشباب بالمئات , لدرجه أنو لو ما عندك واسطه ما بتلقى تجنيد.
كلامك ده كان زمان يا الاخو , زمان مواطني دارفور ليس لهم خيار سوى التجنيد في ظل انهيار تام للتعليم واهمال ممنهج , الان الناس دى عندها خيارات تانيه , تمشي الجنوب للعمل والتجاره (مكسب)
تمشي الجبهه الثوريه من أجل غد أفضل لك ولذريتك الخ ...
يعني الجيش ما عاد يصول ويجول كما في السابق , ورغم أنه يقبض مرتين في الشهر الا انها لا تكفي لساعات قليله وما معندو كوته سكر! , ثم ان عنجهيه قاده الجيش وعنصريه القائد العام
ألقت بظلالها أيضا , فما الذي يجعل فوراوي يتجند في جيش قائده يتهكم وبقله أدب تنم عن سوء تربيه على الفوراويه؟!
أرحم نفسك يا زميل حتى ولو كنت ضارب الكندشه زي الجراد الإلكتروني برضو من حقي أقول رأيي ولا البوست ده للقراءه فقط ؟!
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
| Quote: اهلك ناس دارفور قالوا المى حار مو لعب قعوى |
صدق الأهل , نعم الأهل هم , أهل المحمل وكساة الكعبة .
ده ذاتو فهمنا أنو ألمي حار ولا لعب قعونج , والجيش ليس بخط أحمر ولا أخدر.
قائده العام مطلوب دولي , ووزير دفاعه كذلك , والرباطي الكبير نافع قال أن الجيش في وضع (تشردوون) بتشديد الراء , ويريد دعم عاااجل جدا , والا الرماد كال حماد أو كما ذكر.
ما زالت هناك أسئله مشروعه تبحث عن اجابات .
لم لا يواجهه الجيش المحتلين , ويستأسد على طالبي حقوقهم من السودانيين؟!!
| |
|
|
|
|
|
|
|
|
|
Re: الجيش خط احمر (Re: عمار محمد ادم)
|
| Quote: لناس ديل ناسى امسكلى واقطعلك ما عندهم كلام كتير فد واحد فيهم يتكلم ويصرح وكلامو شوييى وبالحساب باقيلك ان ما بقوا كدى نحنا ماكان الرماد كال حماد |
هههههههههههه يا عمار بأخ معقوله !! الرماد ده كلو ما شايفو ؟!
يأخ حماد ذاتو بقى رماد .
| |
|
|
|
|
|
|
| |
عمار محمد ادم
على جويلى
عمر صديق
jini
مجدى محمد مصطفى
معتز يوسف نجم
Yasir Elsharif
كمال سالم
فيس بوك
تويتر
انستقرام
يوتيوب
بنتيريست