|
|
 أمس .. صلينا العصر مع كاكا ورونالدينهو على أنغام فرفور !!
|
أمس لظروف مناسبة واحد قريبنا ..
صلينا العصر فى مسجد فى الحاج يوسف !
وما أن كبّر الإمام تكبيرة الإحرام ..
إنطلق من مكان ما فى المسجد صوت المغنى جمال فرفور !
وباءت محاولات صاحب الموبايل بالفشل فى إيقاف صوت المغنى !
وعند الجلوس شاهدت فى الصف الذى أمامى خمسة شباب فى عمر الزهور !
أحدهم يلبس فنيلة رونالدينهو بالرقم 10 ويربط خلف عنقه ضفيرة مثل سيد الإسم !
وبجانبه صاحب الرقم 22 كاكا بشحمه ولحمه !
وليس بعيدا منهم جلس رونالدو الكبير وآثار السمنه ظاهرة عليه !
وبجانبه جلس تاليا التشهد بكل خشوع مولانا ديفيد بيكام بالرقم 7 !!
ومع .. السلام عليكم ورحمة الله !
وجدت يمينى زين الدين زيدان شخصيا !!
السلام عليكم ورحمة الله !
الحمد لله كنت بصلى لصق الحيطة ولو ما كان كده ..
كان لقيت العجب سيدو شمالى !
ولغاية الباقيات الصالحات ..
فرفور مستمر فى غناو ..
قال التلفون علّق ..
الله يعلقك من محل ماإنت عارف !
غايتو ..
ربنا يتقبل !
|
|
  
|
|
|
|
|
|
|
 Re: أمس .. صلينا العصر مع كاكا ورونالدينهو على أنغام فرفور !! (Re: صلاح أبودية)
|
تانى ياجماعة ..
فنايل لعيبة الكورة ديل ده ما محلها !
فنايل الكورة للكورة ما للصلاة !
وحكاية الفنايل دى طويلة جدا !!
كتير من الشباب تلقاهو لابس فنيلة تسئ لدينه ولعرقه !
وواحد تلقى لابس فنيلة مكتوب فيها كلام بذئ بلغة ########ة !
ده غير صور المغنيات الخليعة !
ولو سألت الواحد قلت ليهو الفنيلة دى مكتوب فيها شنو؟
يقول ليك : مكتوب فيها بالإنجليزى !
ولو قلت ليهو ده منو المصور فى فنيلتك ده !
يعاين ليك بى إزدراء ..
ويقول ليك : ده 50cent ما بتعرفو ؟
بعرفوا لكن الزول ده مصور عريان ما تجى بيهو الجامع !
يقول ليك : هو العريان ما أنا !
| |
|
|
|
|
|
|
|
|
|
Re: أمس .. صلينا العصر مع كاكا ورونالدينهو على أنغام فرفور !! (Re: garjah)
|
ياخ احمد ربك , مرة جينا المسجد ولقينا الصلاة فاتتنا , اها صلينا مع جماعة تانية واتقدم واحد مصري تبدو علي ملامحه سمات الوقار والصلاح , اها اول ما دخلنا في الركعة التانية موبايل الامام دور " العنب العنب العنب , البلح البلح البلح " فكهاني وبحب الفاكهة وبموت في الموز والمنقا
وانحنا نعاين لامامنا عشان يقفل موبايله , وصاحبنا واصل في صلاته وواصل سعد الصغير في شدوه
لعنب العنب العنب العنب العنب العنب
احمر واصفر احمر واصفر احمر واصفر
هو ايه؟
احمر وزي اللوز واطعم يا ناس من الموز
العنب العنب العنب
وانتهت الركعة التانية كلها برعاية سعد الصغير والامام سادر في غيه
وواصل سعد الصغير بعد ان وجد متسعا من الامام
واواواوا
البلح البلح البلح البلح البلح البلح
احمر واسمر احمر واسمر زغلول زغلول زغلول
هو ايه؟
احمر وطعمو خطير صغير يا ناس وكبير
البلح البلح البلح
اها السلام بعد الركعة التالتة كان ان التفت علينا الامام بكل برود وطارت علامة الصلاة من راسه ووقاره القبيل داك كله راح
قمت انا اصالة عن نفسي ونحن قاعدين نسبح سالته " ما عندك حاجة لي شعبولا بالله" وانفجر المصليين حينها خبأ بريق الامام ودنقر راسه وشتت
| |
|
|
|
|
|
|
|
|
|
Re: أمس .. صلينا العصر مع كاكا ورونالدينهو على أنغام فرفور !! (Re: اساسي)
|
أساسى
تحياتى وإحترامى
| Quote: قمت انا اصالة عن نفسي ونحن قاعدين نسبح سالته " ما عندك حاجة لي شعبولا بالله" |
هههه !!
ما قال ليك الأولاد بلعبوا فى التلفون ..
دى المكنة الحايمة هنا الأيام دى
تلفى الواحد عامل ليهو نغمة ########ة ..
وأول ما تدخلوا فى موقف زى الفوق ديل طوالى يقول ليك : الأولاد الشواطين ديل ...كخ كخ !!
| |
|
|
|
|
|
|
|
|
|
Re: أمس .. صلينا العصر مع كاكا ورونالدينهو على أنغام فرفور !! (Re: اساسي)
|
Quote: اخ احمد ربك , مرة جينا المسجد ولقينا الصلاة فاتتنا , اها صلينا مع جماعة تانية واتقدم واحد مصري تبدو علي ملامحه سمات الوقار والصلاح , اها اول ما دخلنا في الركعة التانية موبايل الامام دور " العنب العنب العنب , البلح البلح البلح " فكهاني وبحب الفاكهة وبموت في الموز والمنقا
وانحنا نعاين لامامنا عشان يقفل موبايله , وصاحبنا واصل في صلاته وواصل سعد الصغير في شدوه
لعنب العنب العنب العنب العنب العنب
احمر واصفر احمر واصفر احمر واصفر
هو ايه؟
احمر وزي اللوز واطعم يا ناس من الموز
العنب العنب العنب
وانتهت الركعة التانية كلها برعاية سعد الصغير والامام سادر في غيه
وواصل سعد الصغير بعد ان وجد متسعا من الامام
واواواوا
البلح البلح البلح البلح البلح البلح
احمر واسمر احمر واسمر زغلول زغلول زغلول
هو ايه؟
احمر وطعمو خطير صغير يا ناس وكبير
البلح البلح البلح
اها السلام بعد الركعة التالتة كان ان التفت علينا الامام بكل برود وطارت علامة الصلاة من راسه ووقاره القبيل داك كله راح
قمت انا اصالة عن نفسي ونحن قاعدين نسبح سالته " ما عندك حاجة لي شعبولا بالله" وانفجر المصليين حينها خبأ بريق الامام ودنقر راسه وشتت |
و الله دي مبالغه يا اخونا اساسي
تحياتنا لصاحب البوست
| |
|
|
|
|
|
|
|
|
|
Re: أمس .. صلينا العصر مع كاكا ورونالدينهو على أنغام فرفور !! (Re: صلاح أبودية)
|
والله إنتو كويسين خالص...
بعض طلاب إحدى الدول العربية الذين يدرسون بالولايات المتحدة يحضرون لصلاة الجمعة
فى الحظات الأخيرة . البنطلونات داقّة سيستم كما يقولون وملبوسة على اللحمية وفى الركوع
والسجود ترى العجائب!!!
ولو رنًت رسالة عادى جداً يقروها أثناء الصلاة!
إنتو وين ياخى؟ الصلاة تطورت وحسبنا الله ونعم الوكيل.
| |
|
|
|
|
|
|
|
|
|
Re: أمس .. صلينا العصر مع كاكا ورونالدينهو على أنغام فرفور !! (Re: محمد أحمد الريح)
|
محمد أحمد الريح
تحياتي وإحترامي وشرفني مرورك الكريم
Quote: والله إنتو كويسين خالص...
بعض طلاب إحدى الدول العربية الذين يدرسون بالولايات المتحدة يحضرون لصلاة الجمعة
فى الحظات الأخيرة . البنطلونات داقّة سيستم كما يقولون وملبوسة على اللحمية وفى الركوع
والسجود ترى العجائب!!!
ولو رنًت رسالة عادى جداً يقروها أثناء الصلاة!
إنتو وين ياخى؟ الصلاة تطورت وحسبنا الله ونعم الوكيل. |
لا حول ولا قوة إلا بالله
الله يكون في عونكم ويتقبل منكم
| |
|
|
|
|
|
|
| |
صلاح أبودية
garjah
اساسي
فيصل نوبي
محمد جلال عبدالله
عبدالمجيد المقابل
أمير محمد ادريس
عصام علي أحمد
فيس بوك
تويتر
انستقرام
يوتيوب
بنتيريست