كتب الكاتب الفاتح جبرا المتوفرة بمعرض الدوحة
|
Re: المنبر إتطور تطور مدهش (Re: د. ياسر عبد القادر)
|
زمان كنا بندخل المنبر عشان نقرأ بس........أي و الله نقرأ بس بالرغم من عضويتنا....وسبحان الله أصلو ما كان بنضيع زمن...كان أقل حاجة بتطلع بي معلومات مفيدة وتحليلات قيمة...خاصة سياسيا و إقتصاديا
| |
|
|
|
|
|
|
Re: المنبر إتطور تطور مدهش (Re: Dr.Elsadig Abdalla)
|
والاستفادة الكبري...إنو الان يلزمك زوادة خاصة لدخول المنبر...تتمثل في الاتي ...دون إلتزام بالترتيب (دون التزام بالترتيب دي سرقتها من بوست مجاور):
1. لازم توظف ليك عدد 2 (علي الاقل) بودي قارد إلكتروني محترم.
2. عدد 2 (علي الاقل ) طبنجة إلكترونية .
3. عدد واحد درع إلكتروني عملاق....حتي يقيك شر الطوب الالكتروني ( ويمكن مايقيك بعد دا ذاتو).
4. عدد تيم كرة إلكتروني كامل بإحتياطيهو من نوع أفزع أخاك ظالما أو مظلوما.
5. عدد غير محدود من المكبشراتية...يعملو ليك كابشر لأي حرف يكتبو زول.
6. تجيب كرسيك معاك...لأنو لاتوجد مقاعد للمتفرجين..
7. تقعد جنب صينية...عشان تقوم تلف كلو ما يقولوا ليك.
8.. مأمكن أي عدد من النواحات..
ياخي مامكن.....هو ويكند واحد في الاسبوع....يقوم يضيع كدا
د. الصادق....خلي روحك رياضية شوية......جاييك والله جمعتك مباركة
| |
|
|
|
|
|
|
Re: المنبر إتطور تطور مدهش (Re: د. ياسر عبد القادر)
|
Quote: 4. عدد تيم كرة إلكتروني كامل بإحتياطيهو من نوع أفزع أخاك ظالما أو مظلوما. |
دي من أهم الحاجات اليومين ديل ...شايف الحكايه دي بقت كتيره لدرجه البياخه وطمام البطن
يعني لمن تلقى العضو A كتب حاجه ..طوالي تتوقع تشوف أول المعلقين همB،C،D،لحدي Z ،
| |
|
|
|
|
|
|
Re: المنبر إتطور تطور مدهش (Re: د. ياسر عبد القادر)
|
الله يرحم ايام ود شيقوق المسنوح
كان المنتدى واحة خضرة للراحة النفسية بعد يوم تعب ودراسة وشغل كنا نخش المنتدى نقعد بالساعات ضحك وفرحة وترفيه عن النفس
لكن الحين الواحد يخش قلبوا يتغمى من البوستات كلها مقرفة موت وقتل وحرق وجوع وتشريد وكذب ونفاق وما تعرف من هو الصادق ومن هو الكذاب
كان الناس حلويين ونقيين السريرة يجدون العزر لى بعضهم هسي كل واحد قاعد بس مستنى غلطة حتى لو مطبعية يا للبؤس لى ما وصلنا له نحن السودانيين
| |
|
|
|
|
|
|
Re: المنبر إتطور تطور مدهش (Re: د. ياسر عبد القادر)
|
وضح اعرب بيّن اولا الدكتوراة بتاعتك في زمن الإنقاذ ولا بعدها ولو في زمن الإنقاذ داخل السودان ولا خارج السودان عشان نقدر ناخد وندي معاك في الكلام
من الاخر كدا لو بقت من داخل السودان لن نعترف بهذه الدكتوراة ايها الكوز الامنجي ولو بقت من خارج السودان فانت عميل وخائن واجير وبائع لوطنك :)
| |
|
|
|
|
|
|
Re: المنبر إتطور تطور مدهش (Re: Ammar Makki)
|
Quote: من الاخر كدا لو بقت من داخل السودان لن نعترف بهذه الدكتوراة ايها الكوز الامنجي ولو بقت من خارج السودان فانت عميل وخائن واجير وبائع لوطنك |
وكمان ماتقول هلالابي ..يعني منتهي كلو كلو
| |
|
|
|
|
|
|
Re: المنبر إتطور تطور مدهش (Re: وضاحة)
|
والله بالغتي دي عاوزه ليها سؤال ياسر ده كوز وامنجي و عميل وخائن واجير وبائع لوطنه .. وهلالابي
وانا كوز وامنجي و عميل وخائن واجير وبائع لوطنه ..بس مريخابي ..ماشايفه الفرق كيف
| |
|
|
|
|
|
|
Re: المنبر إتطور تطور مدهش (Re: د. ياسر عبد القادر)
|
أيها الدكاترة الكرام
د ياسر عبدالقادر د الصادق عبدالله د وضاحة
هنالك فرق كبير وبون شاسع بين وجهة النظر أو الرأي وبين الكذب الصريح
وجهة النظر الخاص أو الرأي كأن يقول الشخص ما يحصل في سوريا حرب بين بشار الأسد والشعب السوري ويقول آخر بل حرب بين الجماعات المتطرفة والدولة السورية. فهنا لا يمكن وصف الرأي الأول ولا الثاني بالكذب. بل نقول وجهة نظر أو رأي يحتمل الخطأ والصواب.
أما الكذب فيختلف عن الرأي أو وجهة النظر. الكذب عكس الحقيقة, كأن يأتي شخص بصورة لمطعم الأمواج بالخرطوم ويدعي إن الصورة تخص مطعم ماكدونالدز في تايم اسكوار بنيويورك وقام بإلتقاط الصورة بكاميرته إبان زيارته لمدينة نيويورك. فهذا كذب صريح ولا مجال هنا أن نتحدث عن وجهة النظر الخاص أو الرأي.
نحن نشكركم أيها الدكاترة الكرام إنكم أضعتم سنوات طويلة في تخصصاتكم من أجل خدمة البشرية. ولكن نحن أيضاً أضعنا سنوات طويلة في مجال الكتابة والحوار والمجادلة ومقارعة الحجة بالحجة.
والحوار في حد ذاته - أيها الدكاترة الكرام - شئ جميل يحتاج إليه الإنسان كما يحتاج إلى الصحة والعافية من الأمراض. حتى القرآن الكريم لا يرفض الحوار في حد ذاته ولكن يشترط العلم عند الحوار والمجادلة. يقول تعالى (ومن الناس من يجادل في الله بغير علم ولا هدى ولا كتاب منير)
| |
|
|
|
|
|
|
Re: المنبر إتطور تطور مدهش (Re: Ali Abdalla Hassan)
|
Quote: والحوار في حد ذاته - أيها الدكاترة الكرام - شئ جميل يحتاج إليه الإنسان كما يحتاج إلى الصحة والعافية من الأمراض. حتى القرآن الكريم لا يرفض الحوار في حد ذاته ولكن يشترط العلم عند الحوار والمجادلة. يقول تعالى (ومن الناس من يجادل في الله بغير علم ولا هدى ولا كتاب منير) |
تحياتي يا أخ علي ..أنا حا أرد عليك لانو شايف دكتور ياسر ده رفع يدو عن البوست ..
كلامك الفوق ده جميل جدا ..وانا حسب فهمي لي كلام ياسر إنو هو ما ضد الحوار وانا كذلك ..
لكن حكاية إنو الحوار يكون مقرون بالشتم والنبذ ومساسكة الناس لبعض من بوست لاخر ..دي المشكله ...
تحياتي
| |
|
|
|
|
|
|
Re: المنبر إتطور تطور مدهش (Re: Dr.Elsadig Abdalla)
|
Quote: كل انسان فى الدنيا دى عندوا قناعاتوا فى الدول الديمقراطية الكل بحترم الاخر و كل الاراء مسموعة حتى لو كانت مختلفة عن قناعتون وافتكر الحوار المقنع هو الفيصل
لكن الاساءة هى الضعف بي ام عينه وعدم احترام الاخريين فى هذا المنتدى حتى النساء لم تسالم من الاساءة
يا للحزن على ما اصاب السودانيين |
والله عفارم عليك يا بت العم......مرات كدي كنت باخد علي خاطري منك....لكن كدا جبتيها صافية تب....أبشري بالخير
| |
|
|
|
|
|
|
Re: المنبر إتطور تطور مدهش (Re: Dr.Elsadig Abdalla)
|
الاخ علي
مرحب بيك ياخ
سأعود مرة تانية...لكن شايف د. الصادق ماقصر
Quote: كلامك الفوق ده جميل جدا ..وانا حسب فهمي لي كلام ياسر إنو هو ما ضد الحوار وانا كذلك ..
لكن حكاية إنو الحوار يكون مقرون بالشتم والنبذ ومساسكة الناس لبعض من بوست لاخر ..دي المشكله ...
تحياتي |
| |
|
|
|
|
|
|
Re: المنبر إتطور تطور مدهش (Re: د. ياسر عبد القادر)
|
Quote:
والاستفادة الكبري...إنو الان يلزمك زوادة خاصة لدخول المنبر...تتمثل في الاتي ...دون إلتزام بالترتيب (دون التزام بالترتيب دي سرقتها من بوست مجاور):
1. لازم توظف ليك عدد 2 (علي الاقل) بودي قارد إلكتروني محترم.
2. عدد 2 (علي الاقل ) طبنجة إلكترونية .
3. عدد واحد درع إلكتروني عملاق....حتي يقيك شر الطوب الالكتروني ( ويمكن مايقيك بعد دا ذاتو).
4. عدد تيم كرة إلكتروني كامل بإحتياطيهو من نوع أفزع أخاك ظالما أو مظلوما.
5. عدد غير محدود من المكبشراتية...يعملو ليك كابشر لأي حرف يكتبو زول.
6. تجيب كرسيك معاك...لأنو لاتوجد مقاعد للمتفرجين..
7. تقعد جنب صينية...عشان تقوم تلف كلو ما يقولوا ليك.
8.. مأمكن أي عدد من النواحات..
|
.. إبداع والله :).. الزمن ده الحرب بالأعصاب .. تكون راقد في أبوظبي متغطي ببطانية وترسل ليك مداخلة بالماوس في المنبر أرض-جو تهرد فشفاش واحد قاعد في آلاسكا ..
| |
|
|
|
|
|
|
|