ركبته ركشة بي خمسة جنيه ومشيت قبل شوية لي شركة تساهيل وقابلته الأستاذه أماني وطلبته منها تأجيل الشيك بتاع يوم 5 مايو لصالح دفع القسط الأخير من رسوم المدرسة.
وافقت بدون تردد.
قلت ليها أنتي مشغولة أطلبي الشيك وخليهو معاكي، سحبت ظرف من الطاولة وقالت لي: دي شيكات يوم خمسة كلها. وسحبت الشيك بتاعي وأخذت ورقة حمراء زهريه وكتبت عليها تأجيل ودبسته مع الشيك. وقالت: ما في أي مشكلة يا أستاذ، الشهر الجايي نشوفك.
مشكورررررة أماني ومشكوررررررررة تساهيل ..
ما أحتجته أقابل المدير العام خالد لأنه خاتينو للكبيرة.
05-02-2013, 06:43 PM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
Quote: سحبت الشيك بتاعي وأخذت ورقة حمراء زهريه وكتبت عليها تأجيل ودبسته مع الشيك. وقالت: ما في أي مشكلة يا أستاذ، الشهر الجايي نشوفك.
أما ساهلين سهلة شديدة ناس تساهيل .. أها وتأجيل الشيكات دا مسموح بيه لي كل العملاء ولا ناس ناس وناس انناس وناس ما ناس ؟
وكمان ورقة زهرية ياخ والله دا كلام عجيب .. السمعناه من الزملاء هنا إنو ناس تساهيل ديل بتاعين مماطلة ومستهبلين وبستنذفوا العملاء خاصة في مشروعات البناء وتمويل السيارات !!
__________________ هسة الشباب بجو يدونا النجيضة تحياتي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة