|
|
|
 Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: Wasil Ali)
|
النذير
سلامات.
من الأفضل لك أن تتفادى المشاكل، وتواصل في الحضور الى أمريكا كل سنة أو حتى لو كانت زوجتك تسافر لوحدها. لأن زوجتك لو فقدت القرين كارد ده، بعد كم سنة كده ح تلقى نفسها في الصف مع العشرة مليون المقيمين غير شرعيين ديل، الذين سيتم أعطائهم نوع من الأقامة(قرين كارد). ودي طبعا ح تبقى قصة طويلة جدا.
ضربت لك تلفون قبل أسبوع ما سمعت منك إنشالله تكونو بخير.
| |
  
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: Wasil Ali)
|
العزيز واصل علي،
شكراً جزيلاً على هذه المعلومة القيمة،
كتبت:
| Quote: السؤال هنا عن ما اذا كانت زوجتك ستتنازل رسميا او ان الموضوع سيكون مجرد الأمتناع عن السفر للولايات المتحدة كل عام |
يا واصل تريد أن تتنازل رسمياً لمدة من خمس إلى سبعة سنوات،
وهي مستحقة للقرين كارد بالزواج،
وأشرح ليك الموضوع أكتر يا واصل، أصلاً أنا متجنس وإغتربت في الخليج وكنت عزابي،
ثم تزوجت هناك قبل ست سنوات، وأنا زول شفقان شديد قمت عملت ليها القرين كارد،
وكل سنة بنسافر أمريكا بخصوص هذا القرين كارد، وبصراحة زهجنا من السفر المنظم
دا، علشان كدا فكرنا إننا نلغي القرين كارد هسى ونعمل ليها فيزا متعددة لمدة عشرة سنين،
وبعد خمس إلى سبع سنوات راجعين أمريكا نهائي.
تسلم يا ملك وبالجد أسعدني مرورك وأثق في معلوماتك جداً جداً
تقبل تحياتي وتقديري
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: النذير حجازي)
|
Quote: النذير
سلامات.
من الأفضل لك أن تتفادى المشاكل، وتواصل في الحضور الى أمريكا كل سنة أو حتى لو كانت زوجتك تسافر لوحدها. لأن زوجتك لو فقدت القرين كارد ده،
بعد كم سنة كده ح تلقى نفسها في الصف مع العشرة مليون المقيمين غير شرعيين ديل، الذين سيتم أعطائهم نوع من الأقامة(قرين كارد). ودي طبعا ح تبقى قصة طويلة جدا.
ضربت لك تلفون قبل أسبوع ما سمعت منك إنشالله تكونو بخير |
الشقيق العزيز دينق سلامات ومشتاقين فردة،
يا دينق شكراً جزيلاً على النصحية، وفعلاً كلامك صاح
من فرط ظرط هاهاها زي ما بقولوا أهلنا ودي اللي أنا خايف منها وأقول يا ريت يا ريت.
يا جورج والله ماجاني مس كول منك بكون جاني رقم غريب غير المسجل، على كدا عرفت،
إنك إتصل علي إلا هسى.
رجاءً عاود الكرة.
تقبل تحياتي وتقديري
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: Wasil Ali)
|
عزيزي النذير حجازي
انا ما خبيرة في مسائل القرين كاردأحكي لك عن مشاهدات شخصية رأيتها هنا وسط الأسر التي اعرفها هنا في الولايات المتحدة... والكثيرات جدا من نفس حالة زوجتك قد مرن بهذه التجربة ، ونسبة لعدم الاستطاعة للقدوم لأمريكا كل سنة ، تقوم الواحدة تسافر أول مرة وتقضي سنتين وترجع ولكن معاها ورقة من دكتور من الخرطوم بأنها كانت مريضة وبتتعالج والدكتور كان مانعها من السفر حتى اتمام الفحوصات.. وعندما تأتي للمطار هنا يسألها ضابط الهجرة:: لماذا التأخير؟ وتقول بدونأأن تبرز ورقة الدكتور:" انا كنت مريضة والدكتور كان مانعني من السفر" وهنا ضابط الهجرة يقول ليها: خلاص المرة الجاية لازم تجيبي معاك تقرير الدكتور اذا تأخرت.. وبعدما تاخذ راحة لفترة شهر تسافر وتجيهم بعد سنتين والمرة دي معاها ورقة الدكتور... وتدخل .. هسع كده 4 سنوات فاتت..
ولكن يجب ملاحظة ان فترات الغياب ستكون معدودة عند التقديم للجنسية ,, لأنه يجب مضي خمس سنوات من تاريخ الحصول على القرين كاردقبل التقديم للجنسية الأمريكية..وأي فترات غابتها عن أمريكا ستخصم من الخمس سنوات.. ولذلك فعند التقديم للجنسية وفي استمارة التقديم لا يجب عليها ان تشير لفترات الغياب الطويلة دي .. وهنا الأمر لا يخرج من كونها مسألة حظ.. لأن المتقدمين بالآلآف ولا تدقق سلطات الهجرة في كل طلب إلا عن طريقة عشوائية ، يعني يختاروا 4 او 5 حالات من كل الف استمارة ويدققوا في البحث عن الفترات الناقصة من الخمسة سنوات.. ولكن لتفادي هذه المشكلة.. لازم زوجتك تكون عندها جواز سفر سوداني آخر وفاضي عند تقديم استمارة الجنسية عشان ما يكون ظاهر فيها تاشيرات الدخول والخروج....
وطبعا بعد الحصول على الجنسية وجواز السفر الأمريكي تاني مافي زول حيسألها حتى ولو ما دايرة تشوف امريكا مدى الحياة .. وممكن تجدد الجواز في السفارة الأمريكية في الخرطوم .. وتستخدم جواز السفر لمشاهدة معظم دول العالم بدون تأشيرة ، ما عدا السودان .. لازم تعمل تأشيرة.. ولله في خلقه شؤون... سودانية وتدخل بلدها بتأشيرة...
والله يديك العافية
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: Deng)
|
Quote: وضاحة.
مادام "النجيضة" عندك أنت!
طيب أنت هسع قترية(قطرية) ولا سودانية؟ |
دينق سلام
انا بقصد ليه الجرى والطيران ما بنفع يستقر فى امريكا وياخد جوازها ويرجع بدل يكون مقسوم نصفين
انا احمل جواز هذه البلد واعشقها لانى عشت واتربيت فيها
فاذن انا انتمى لها
اما سودانى الجوة وجدانى بيردوا
لانى انتمى له بدمى ولانوا انجب امى وابي
وانت يا دينق جنوبي ولا سودانى ولا امريكى
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: اميرة السيد)
|
| Quote: ولكن يجب ملاحظة ان فترات الغياب ستكون معدودة عند التقديم للجنسية ,, لأنه يجب مضي خمس سنوات من تاريخ الحصول على القرين كاردقبل التقديم للجنسية الأمريكية..وأي فترات غابتها عن أمريكا ستخصم من الخمس سنوات.. ولذلك فعند التقديم للجنسية وفي استمارة التقديم لا يجب عليها ان تشير لفترات الغياب الطويلة دي .. وهنا الأمر لا يخرج من كونها مسألة حظ.. لأن المتقدمين بالآلآف ولا تدقق سلطات الهجرة في كل طلب إلا عن طريقة عشوائية ، يعني يختاروا 4 او 5 حالات من كل الف استمارة ويدققوا في البحث عن الفترات الناقصة من الخمسة سنوات.. ولكن لتفادي هذه المشكلة.. لازم زوجتك تكون عندها جواز سفر سوداني آخر وفاضي عند تقديم استمارة الجنسية عشان ما يكون ظاهر فيها تاشيرات الدخول والخروج... |
سلام اخت اميرة
هذا الكلام ليس دقيقا لأن استمارة التجنيس N-400 تسأل المتقدم عن الفترات التي قضاها خارج الولايات المتحدة بالتفاصيل وعدد الأيام. وحتى اذا حاول الأنسان الكذب في هذه النقطة فأبمكانهم التحقق بسهولة عن طريق انظمة الدخول كما ان السلطات الأمريكية تراقب كشوفات المسافرين للرحلات القادمة او المغادرة من البلاد وليسوا حتى بحاجة للنظر الى جواز السفر. وهذا هو عالم ما بعد سبتمبر 11. وبشكل عام يجب على المتقدم ان يحضر لمقابلة التجنيس كل جوازات سفره التي استخدمها منذ دخوله الولايات المتحدة
الشيء الأخر ان فترات الغياب لا تخصم من الخمسة سنين على اطلاقها فهناك فرق بين ال physical presence وال continuous presence
المطلوب للتجنيس ان تكون physically present لمدة 30 شهر على الأقل من الخمسة سنين السابقة للتقديم للجنسية او 18 شهر من الثلاثة سنين السابقة للتقديم للجنسية ا اذا كانت الأقامة الدائمة تم التحصل عليها من خلال الزواج
وان تكون
continuously present لمدة خمسة سنين بمعنى ان لا تكون قضيت خارج الولايات المتحدة في الرحلة الواحدة اكثر من 6 شهور والا ستخرق قاعدة ال continuous presence
او ثلاثة سنين اذا كانت الأقامة الدائمة تم التحصل عليها من خلال الزواج
وان تكون
متواجدا في الولايات المتحدة فترة الثلاثة شهور السابقة لتقديمك الجنسية
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: وضاحة)
|
شكراً يا شباب على التفاعل مع البوست،
وشكر خاص للعزيز واصل علي على هذه المعلومات الثرة:
كتبت يا واصل:
Quote: المطلوب للتجنيس ان تكون physically present لمدة 30 شهر على الأقل من الخمسة سنين السابقة للتقديم للجنسية او 18 شهر من الثلاثة سنين السابقة للتقديم للجنسية ا اذا كانت الأقامة الدائمة تم التحصل عليها من خلال الزواج
وان تكون
continuously present لمدة خمسة سنين بمعنى ان لا تكون قضيت خارج الولايات المتحدة في الرحلة الواحدة اكثر من 6 شهور والا ستخرق قاعدة ال continuous presence
او ثلاثة سنين اذا كانت الأقامة الدائمة تم التحصل عليها من خلال الزواج
وان تكون
متواجدا في الولايات المتحدة فترة الثلاثة شهور السابقة لتقديمك الجنسية
|
تعرف يا واصل أنا كنت فاكر الـ continuous presence يعني الـ physically present ياخي دي معلومة قيمة شديد
يعني مفروض زوجتي سافر أمريكا كل ستة شهور لمدة سنة ونص، ثم تقيم في أمريكا مدة سنة ونص متواصلة وتقدم للجنسية ونرتاح
من المساسقة دي. وبالمناسبة زوجي عملت الـ Re-Entry Permit لأنها بتدرس في السودان وسؤالي هو هل الـ Re-Entry Permit
دا ماشفع ليها ويعتبرهو ضمن الـ continuous presence؟
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: النذير حجازي)
|
Quote: النذير حجازي سلامات ولو تسمع نصيحتي ما تفرط في القرين كارد وما تكسل ولو تضطر لانه زوجتك تسافر لوحدها للولايات المتحده...
وتوفورا حق تذكره واحده لكن ما تفرط بالذات في ظل خرمجة المسلمين الاخيره صدقني اوراقنا كلها حتفحص فحص الويل فاحسن لك تنضبط وتواصل السفريات,تحياتي. ومشتاقين. |
غاليتنا تراجي سلامات ومشتاقين وشكراً على النصائح الغالية وهذا بالظبط ما سأفعله ولن أفرط في قرين كارد زوجتي، تسلمي يا غالية،
وأول مرة أعرف إنك موقوفة من المنبر وربنا يفك أسرك
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: النذير حجازي)
|
Quote: والله يا الاخ النذير انا عندي اشكا لية السفر لامريكا كل سنة وداير ليها حل فانا عندي القرين كارد من سنة 2005 باللوتري
وكل سنة لازم اسافر امريكا وكان ناوي اسافر من اوروبا واستقر في امريكا لكن الان خياري بقي اني حا امشي الدول العربية فلو في طريقة تجميد لفترة دون السفر كل سنة ورونا ليها واجركم علي الله |
سلام يا فاتح من الفيسبوك
يا الفاتح ممكن تقدم للـ Re-Entry Permit بدوك سنتين برة أمريكا
| |
|
|
|
|
|
|
|
|
|
Re: يا خبراء الهجرة في أمريكا مساعدة عاجلة بخصوص إلغاء القرين كارد (Re: Wasil Ali)
|
والله يا يالنذير كلامك صحي .. وخاصة الأمريكان ديل ما بينسوا ابدا ..ولو اكتشفوا انك كضبت حتى بعد 100 سنة .. حيجوا يقلعوا منكم الجنسية وتغادروا .. وعشان كده احسن ليك تعمل كل اوراقك في السليم
والحمد لله انا اوراقي سليم في السليم( وجه ضاحك) لأني اساسا ما بغيب من امريكا اكثر من 25 يوم في السنة.. ( ويا الله اعمل همتك وتعالوا لينا سريع ..
والله يديك العافية
| |
|
|
|
|
|
|
| |
النذير حجازي
Wasil Ali
Deng
د. ياسر عبد القادر
وضاحة
فيس بوك
تويتر
انستقرام
يوتيوب
بنتيريست