من أقوال النائب البرلماني دفع الله حسب الرسول البشير

Quote: النائب البرلماني دفع الله حسب الرسول البشير : لن نسمح بدخول الفنانة شيرين للسودان ولو دفعت أموالاً لصالح دارفور أو أطفال السرطان ونسة: محمد شريف مزمل : شن النائب البرلماني دفع الله حسب الرسول هجوماً جديداً على الفنانات والراقصات، واكد ان عودة الفنانة المصرية شيرين عبد الوهاب الى السودان تسبب احباطاً للجيش السوداني وتمثل نذير شؤم للقوات المسلحة، وجدد مطالبته بمحاسبة الجهات التي وافقت لها على الغناء في استاد الخرطوم والبلاد في حالة حرب وتعبئة واستنفار وقال ان البرلمان اسهم في منعها من الدخول وقال في حوار من داخل المجلس الوطني انه ضد الراقصات، وكانت تصريحات دفع الله حسب الرسول حول شيرين قد وجدت صدى داخل وخارج البلاد، وتناولتها وسائل الاعلام المقروءة والمسموعة والمرئية، وقوبل حديثه بالتهليل والتكبير من البعض والرفض والاستنكار من البعض الآخر.. جلسنا الى صاحب المبادرة في بإلغاء حفل شيرين وخرجنا بهذه الإفادات.. - أنا اسمي دفع الله حسب الرسول البشير، من «اهلكم الجموعية» في محافظة ام درمان وعضو في البرلمان منذ بدايته وموجود في كل دوراته واعمل استاذا بجامعة افريقيا العالمية في كلية التربية الآن عضو في لجنة العلاقات الخارجية. and#1645; يصفك البعض بالمتطرف ويسأل البعض عن انتمائك الديني والحزبي انت مع منو؟ -ان قلت سلفي ما عندي مانع وان قلت انصار سنة ما عندي مانع وان قلت صوفي انا ما عندي مانع وان قلت مؤتمر وطني انا ما عندي مانع انا مسلم والاسلام موزع بين الطوائف دي كلها ومن كل ديل باخد عشان اكمل المسألة ما يكون في نقص. and#1645; لماذا طالبت بإيقاف حفل الفنانة شيرين؟ - دي مسؤولية امام الله سبحانه وتعالى وانا مؤدي قسم وعندي عهد وميثاق بيني وبين الله سبحانه وتعالى وبيني وبين الرئيس عمر البشير، ونحن بايعناه على ان نقول كلمة الحق اينما كنا وعلى ان نرفع اي ضرر من هذه البلد وبناء عليه وانا اي حاجة بشوفا غلط بعمل كل ما في وسعي وليس في هذا اي حقد على زول وبتنا شيرين دي انا طبعا ما بعرفا لقيت صوره مالية العاصمة وستقيم ليلة ساهرة وليلة الجمعة كمان ودا الوقت الفيه هجليج محاصرة والعدو يريد تلودي والاولاد يستنفروا فيهم ماشين على الجنوب تخيل لو كان شيرين جات كان ح تغني في نفس ليلة سقوط هجليج والناس يرقصوا معاها لحدي الصباح وربنا سبحانه وتعالى بنصر الناس بالعمل الصالح وبهزمهم بالعمل الطالح و«اذا اردنا ان نهلك قرية امرنا مترفيها ففسقوا فيها فحق عليها القول فدمرناها تدميرا» والناس اذا شافوا الغلط وما اخذوا على يد الظالم اوشك الله ان يعمهم بعذاب من عنده ويقول الله تعالى «واتقوا فتنة لا تصيب الذين ظلموا منكم خاصة». and#1645; بس الحفلة كانت للترفيه فقط وكلها ساعات؟ - في التاريخ نحن عندنا عبر الاندلس ما سقطت الا ان كل الناس كانوا يستمعون الى المغني زرياب الذي بدأ حياته في العراق مع الموصلي الذي عزف على عود اوتاره من اعصاب القطط وحير الناس ولهى الناس عن مكارم الاخلاق والجهاد، وبغناه سقطت الاندلس وقريبا كانت هزيمة الجيش المصري في حرب 7691م بسبب الفنانة ام كلثوم «كوكب الشرق» التي ارسلت لترفه عن الجيش وكانوا في طرب وانتعاش حتى الفجر فجاءت طائرات اسرائيل وضربتهم هل ننتظر يحصل دا في السودان؟. and#1645; طيب الفن دا عندو دور ايجابي وشيرين دي حتساهم بعائد الحفل لصالح دارفور واطفال مرضي السرطان؟ - يا اخوي ان الله طيب لا يقبل الا طيباً وحتى الانسان لو حج بقروش ما نظيفة الرسول صلى الله عليه وسلم قال لو قال لبيك اللهم لبيك تقول له الملائكة لا لبيك ولا سعديك وحجك مردود عليك.. مالك ما طاهر ونظرية الغاية تبرر الوسيلة دي في الاسلام ما في كلامك دا ممكن اي واحدة تجي تشتغل عاهرة وتجمع قروش لصالح عمل خير؟ وأنا ارى السرطان احسن من هؤلاء الراقصات والمغنيات وأنا لو خيروني ان تصاب بنت من اهلي واقربائي بالسرطان او تصبح مغنية راقصة لاخترت الاولى، وتلقى الله شهيدة. and#1645; لكن شيرين دي فنانة عندها جمهور عريض في السودان وما راقصة؟ - الفنانات عندنا راقدات والله انسان عنده خلق ما بقيف مع شيرين وانا قلت الوزير الصدق ليها دا يجينا في المجلس نحاسبو ونطرده ويمشي لو عارف شغلو بس اي وزير نكرها واي مسؤول نكرها طيب الجابا منو؟ نحن في حالة حرب لمن نحسمها تماما بنقعد في الواطة ونتحاسب. and#1645; متعهد الحفل الجاب شيرين دا خسر ليهو «06» ألف دولار البعوضو ليها منو؟ - والله ان شاء الله اي زول يجيب فنانات يغنن خسارتو تبقي ما ليها حد.. وأشكر الاخوة النواب كلهم في المجلس الوطني وتجاوبوا بالاجماع وتجاوب معي رئيس المجلس ووالي الخرطوم ونائب الوالي ووقف العبث. and#1645; طيب شيرين دي ما موجودة في القنوات الفضائية؟ - الان التلفزيون القومي ينتج برامج هادفة وتدفع الشباب للجهاد ممكن يشاهدوه وما ممكن الناس تستشهد وانت تمشي تجيب وتشاهد فنانة تغني وترقص الليل كلو والناس حقها تكون واعية وعدد كثير من الشباب وقف معي. and#1645; طيب ليه رفضت شيرين تجينا وعدد كبير من الفنانات بسافرن بغنن في نيجيريا وغيرها؟ - انا ما سمعت بالفنانات ديل ولو حصل دا يوقف دا كلام ما صاح. and#1645; عملتو شنو في البرلمان من مساندة للقوات المسلحة غير ايقاف حفل شيرين؟ - البرلمان وقف بقوة وساند الجيش وبعض الاعضاء مشوا الجهاد وتبرعوا بمرتب شهر والآن بصيغوا في قانون لحماية السودان ورد العدوان. and#1645; بعض الناس قالوا ليك انت بدل تمنع شيرين كان تمشي هجليج؟ - انا ما داير اتحدث عن نفسي وربنا يتقبل مننا ما عملناه واي كلام زول جاهل واي زول اساء لي انا بعمل بآية «الذين هم عن اللغو معرضون». and#1645; في نفس اسبوع حفل شيرين كان في كورة هلال مريخ ليه ما حظرتوها؟ - الكورة ما حرام انا ذاتي بلعب وكنت دفعة مع قاقرين والبمنع الكورة دا يا جاهل يا ما عاقل نحن ضد الغناء والرقص. and#1645; بعد تحرير هجليج ممكن تسمحوا لي شيرين ترجع؟ - لو رجعت تاني هجليج بتسقط ولان المعاصي تتسبب في الهزائم وحقو الواعين يمنعوا عمل هؤلاء السفهاء الذين يروجون للفنانات. and#1645; يعني انت برضو ضد مد زمن حفلات الزواج بعد الساعة الحادية عشرة؟ - اصلا ما في بلد زول يقدر يعمل خيمة عرس ويقفل الشارع العام ويعمل حفلة وغناء الا «السودان يعني ازعاج للحلة والجيران بمكبرات صوت وراقصات لغاية نص الليل وانا بقول لو الزول دينو ناقص يتم الشغلانة رجالة ساكت لانه دا هضم لحقوق الآخرين من طلاب ممتحنين ومرضى ومصلين. and#1645; بس بعض الناس يرون ان الغناء حلال ما حرام؟ - الغناء دا زي الكلام فيه الحلال والحرام. and#1645; انت اذاً عدو للمرأة؟ - انا اتحدى اي زول يقول كدا انا متزوج ثلاث نساء الحمد لله ما زي واحد عمرو 06 سنة ماسك ليه في مرة واحدة وما بستحي. and#1645; انت كنت سببا في منع ورشة تدعو لمنع ختان الاناث وهاجمت النساء المتحدثات؟ - الامم المتحدة الآن تعمل لتطبيق اتفاقية سيداو بالقطاعي بالسودان وتسن قانون لتجريم الختان بكل انواعه والنبي صلى الله عليه وسلم وضح ان الختان سنة للرجال ومكرمة للنساء ووجه كيف يفعل وختان السنة لا يضر بالمرأة البتة ولو جابو ليك واحدة مختونة سنة واخرى غير مختونة لاتلحظ الفرق واخبرني د. عمر عبد العزيز مدير جامعة الرباط ان الخواجات قالوا ان الولد والبت الما مختونين قد يجيهم سرطان وانا ما بدافع عن ختان فرعوني بدافع عن السنة. and#1645; انت تدعو للتعددية والشباب ما لاقين واحدة واصبح التعدد هنا للاغنياء فقط؟ - انا ضد دعاوى الامم المتحدة البتعمل تحت مظلة الامومة والطفولة لهدم السنة للاسف ايام هجليج كانت في ورشة تمنع التعدد الا بموافقة الزوجة الاولي والثانية وتحرير ورقة تبين المقدرة المالية يا خي و«انكحوا الايامى منكم والصالحين من عبادكم وامائكم ان يكونوا فقراء يغنيهم الله». والمحزن ان الامم المتحدة والرعاية الاجتماعية في ورشة بالبرلمان واحد قال الرجال قوامون على النساء ما صاح القوامة للعقل انا قلت ليه انت ما عندك عقل والنواب طردوا الناس كلهم بره وديل تحت مظلة حقوق المرأة والطفل دايرين يبعدوا اشياء من صميم الاسلام ودايرين يراجعوا قانون الاحوال الشخصية ويساووا المرأة في الميزان مع الرجال رغم ان «للذكر مثل حظ الانثيين». وكلام ان للرجل مرأة واحدة فقط دا حق نصارى ما حقنا نحن لانهم يصاحبوا هب ان طالبا تزوج زميلتو في الجامعة عمرهم 02 سنة بعد 03 سنة بكملوا خمسين هي ما ح تلد هو عندو طاقة وقوة ليه يجمدا والآن الحروب تحصد الرجال وعدد المواليد الاناث اكثر من الذكور لو كل راجل اكتفى بمرا واحدة الباقيات نوديهن وين والراجل اصلا ما مصمم لي مرة واحدة وسيدنا عمر بقول عجبت لرجل يطلب الغناء في غير الزواج». والله يقول ان يكونوا فقراء يغنهم الله وانا من تجربتي الشخصية لما اتزوجت الثالثة القروش كترت بالبركات والآن في بنات شغالات في الوزارات عندهن بيوت وعربات دايرات زوج فقط والرسول صلى الله عليه وسلم قال تنكح المرأة لمالها. and#1645; برنامج اغاني واغاني بقناة النيل الازرق تم تحويله من بعد المغرب الى بعد التراويح هل نسمع منك دعوة لايقافه نهائياً على طريقة شيرين؟ - هذه كلها معاصي تدمر الدول والناس وتهزم الجيش والطاعة تتسبب في الانتصارات «ولو ان اهل القرى آمنوا واتقوا لكفرنا عنهم سيئاتهم ولادخالنهم جنات النعيم». و«ما النصر الا من عند الله» و«يأيها الذين آمنوا ان تنصروا الله ينصركم ويثبت اقدامكم». وربنا نصر المسلمين يوم بدر وهم اقلة في العدد والعدة لان القلوب متعلقة بالله وكانوا يستغيثون ربهم واستجاب لهم ومدهم بالملائكة مردفين. وبعدين يوم حنين المسلمين طالعين من فتح مكة و21 ألف واعجبتهم قوتهم والناس الحسموا حرب حنين كانوا حوالي 002 شخص يعني بالطاعة ننتصر وبالمعصية ننكسر. وبث اغاني واغاني في رمضان معصية اكبر. and#1645; طيب في تلفزيونات واذاعات خاصة قائمة على الغناء وهو مصدر رزقهم يقيفوا برضو؟ - الفائدة المالية سلبية تعود على البلد بالدمار والدليل قناة الجزيرة دي ناجحة جداً ما فيها غناء فيها اخبار وبرامج سياسية هادفة، وللاسف بعض الشركات الكبرى اصبحت تروج لسلعتها بعرض محاسن النساء في صور بالشوارع ودي اساءة للشعب السوداني ونصيحتي للشركات تتقي الله تخيل لو جاء واحد من الخارج للسودان وشاهد صور النساء حيقول دي بلد ما عندها دين والرسول صلى الله عليه وسلم يقول «كل امتي معافي الا المجاهرين». وظهرت للاسف شركات لتسويق السيارات عن طريق المسابقات والقمار وقررنا توقفهم بفتوى من مجمع الفقه الاسلامي ونحن نريد للشعب السوداني الخير والحلال فيه متسع. and#1645; يقولو ليكم يا نواب البرلمان انتوا خليتو الفساد وارتفاع الاسعار وزيادة المحروقات ومسكتوا في شيرين والغناء ردك شنو؟ - هسه في ناس لو امرت بمعروف ونهيت عن منكر ولو بسيط يقولوا ليك الا الحتة دي ما تشوف شيء تاني ياخ دا دين واماطة الاذى عن الطريق فقط صدقة وتعين الرجل على دابته صدقة وتقابل اخاك بوجه طلق صدقة ربنا قال «افتؤمنون ببعض الكتاب وتكفرون ببعض فما جزاء من يفعل منكم ذلك الا خزي في الحياة الدنيا ويوم القيامة يردون الى اشد العذاب».وكونك تجيب مغنية في دار الرياضة الخرطوم تغني لحدي الصباح ليلة احتلال هجليج في اكبر من كدا وللاسف الآن الناس لا تتحدث عن اللبس العاري والمرأة التي بلغت المحيض ولم تلتزم بإظهار الوجه والكفين فقط ولا يجوز شرعاً خروج المرأة بالازياء الفاضحة و«يأيها النبي قل لازواجك ونسائك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين». والله بت تكون محتشمة وماشة في طريق مستقيم واحد صعلوك يتعرض ليها ما في بس لما تكون لابسة ملابس فاضحة وتلوك في لبانة وراس كاشف ومتعطرة ومارة بالمجلس فهي زانية ودي اشياء لا تنتطح فيها عنزان حاجات واضحة وانا بكرر الناس البدافعوا عن الفنانة شيرين ديل هم سبب سقوط هجليج.

Quote: قال عدم الختان يقود للإصابة بالسرطان، 04-18-2013 01:02 PM البرلمان: ميادة صلاح شن عضو البرلمان الشيخ دفع الله حسب الرسول هجوماً غير مسبوق على إمام مسجد الشهيد الكاروري وعدد من الفنانين والمشاهير على خلفية تبنيهم لحملة إعلامية مضادة لختان الإناث، واتهمهم بمخالفة السنة النبوية الشريفة، ودعا الحركة الإسلامية لتقديم النصح للكاروري مبينا أنه سيقوم بذلك. وقال ان البنت غير المختونة عفنة و الشيخ عبد الحي يوسف أخبرني بوجود كتاب يؤكد ختان الأمريكان فتياتهم خوفاً من السرطان" وأكد دفع الله في جلسة البرلمان أن عدم الختان يقود للإصابة بالسرطان، معلنا استعداده لتمزيق يافطات دعاية مناهضة ختان الإناث وقال: "ما بلحقا لأنها موضوعة في أماكن عالية جدا"، واستند في هجومه على فتوى من مجمع الفقه ترجع للعام 2004 تمنع مجرد الحديث عنه في ندوات ومحاضرات يحضرها الرجل والمرأة باعتباره يشيع الحديث عن العورات. وعبر دفع الله عن أسفه وتعجبه لصورة شيخ الكاروري التي تتوسط الفنانين والنساء في دعاية قال إنها تحارب سنة الرسول صلى الله عليه وسلم، وقال: "الكاروري يحارب الرسول بالتضامن مع الأمم المتحدة"، وقطع دفع الله أن ختان الإناث أمر به الرسول في أحاديث صحيحة وأجمع عليه الأئمة الأربعة، وافتي به علماء المسلمين كالشيخ ابن باز والشنقيطي ومفتي الديار المصرية، وأكد أنه لا يجد مخالفة لسنة الرسول في الأمر إلا للكاروري وللكودة، وأوضح أن الختان المحظور هو الفرعوني والذي تعاقب الشريعة عليه بالدية الكاملة، وأشار الى أن الكودة والأمم المتحدة ومن وصفهم بأنهم يلهثون وراء دولارات الأمم المتحدة لا يهمونه بقدر ما يهمه الكاروري، متهما الأخير بأنه يفتح بابا للفتنة بين المسلمين في توقيت يتربص به الأعداء بالسودان من كل جانب، ودعا دفع الله نساء المسلمين بختان بناتهن وبألا يرغبن عن السنة، وأشار الى أن عدم الختان يسبب الإصابة بالسرطان.