|
|
 تعين اسمـــاء الجنيد مسؤوولة(صورة)
|
اتمنى اكون مسؤولة في البلد لي فد شهير !!!
أسماء الجنيد
عاوزة أكون مسؤولة في البلد دي لي فد شهير!!! اها يا أخوانا ده طلب خطير ولا كبير؟
عشان اول بالتبادي,, اصبح ليكم بني كوز عن بكرة ابيهم في كوبر, وإن ما شالهم سجن كوبر نوديهم سجن شالا الحاضن المظاليم من الغبش!
نحن بنمشي بي مبدأ الإتظلموا في البلد دي يجب إنه الحساب يكون هنا في البلد دي.
ضد سياسة تصدير مجرمننا خارج البلاد في السجون المكندشة ومع الناس البتراعي حقوق الإنسان والحيوان !
تانيا حوش بانقا في كافوري كل العمارات والفلل اقلعها منهم بحمرة عين حقوق الشعب، واحولو لي مستشفيات خاصة بالأطفال في كل التخصصات
ما شاء الله فلل ماااهلة ومجهزة بأحدث المعدات والاثاثات وموقع إستراتيجي عجيب..
ونقول كده يا يمة ونفتح كل الموانيء والمطارات لخيرة ابناء وبنات البلد للرجعة الغير مشروطة، البلد بلدهم وهم جنا حشاها!!
لدينا خبرات ثرة من أبناء الوطن المهجرين قسرا في كل المجلات إستفادت منهم الشعوب الأخرى.
بإذن الواحد الأحد سوف يرجعون مرفوعي الرأس و يعمرون البلاد ويعيدوا بناء هيكل الوطن من جديد بحب وإخلاص وتفاني .
محتاجين تعمير لكل الوزارات وإعادة بناء وتأهيل لكل الأقسام خاصة إقتصاد البلد .
عافية الوطن تبدأ بنفض الغبار عن وزارة الصحة ثم التعليم ، وكل الوزارات الحيوية والرياضة ، والسياحة ، وألآداب والفنون الخ..
ويرجع كل المظاليم المفصولين للصالح العام بدون شرط , وترجع ليهم حقوقهم بأثر رجعي من الحرامية تجار الحكومة!
إلغاء جهاز الأمن والمخابرات ومحاسبة كل المنتسبين له!
إلغاء كل رسوم الجبايات المقطوعة من نافوخ بنو كوز, مثال دمغة النفايات وزكاة شنو ما عارف وضرائب المغتربين الهادة حيلهم،وغيرها كتير!!
إلغاء كل الضرائب المفروضة على المغتربين خاصة ما يسمى برسوم المطار الما معروفة ماشة وين؟
حرية الصحافة والرأي .
إعادة بناء وتعمير كل المستشفيات بالبلد وتغيير المعدات,, ومجانية العلاج لكل المواطنين
إعادة دراسة المنهج التعليمي وإعادة طبع كل المناهج القديمة من بخت الرضا لكل المراحل الدراسية ومجانية التعليم !
النظام الدراسي يكون كالآتي : الإبتدائي 10 سنوات من صف أول للعاشر ,, ثم الثانوي 4 سنوات،، حتى تأتي مرحلة الجامعة .
تبدأ دراسة اللغة الإنجليزية من الصف الأول الإبتدائي, عشان يرجع التعليم مؤسس زي جيل ابواتنا البارعين في اللغتين العربية والإنجليزية تحدث وكتابة!
مش زي وزراء وحكام اليوم ، الواحد ما قادر يجمع لا في العربي ولا الإنجليزي ، معلمين الله من مجاميعو!!!
ترجع وزارة التربية والتعليم زي الزمن السمح,, إسم ومضمون( وزارة التربية اولا ثم التعليم) شباب اليوم محتاج لتربية من الصفر!!
تغيير نظام الحكم في البلد كالآتي :
يكون الحكم فقط 4 سنوات لو نجح من هم في سدة الحكم في إستمرارية المحافظة على أمن وسلامة البلد والمواطنين, تمنح لهم فرصة أخرى ومدتها 3 سنوات فقط
على ان لا تزيد فترة الحكم لأي كان من السبعة سنوات ، وقابلة للتغير في أي وقت ،إن بدر اي شيء يخل بنظام أمن البلاد.
تكون هنالك لجان مراقبة دقيقة لكل وزارة ولكل جهة حكومية, وفي مدخل كل وزراة يوجد صندوق شكاوي لكل مواطن!
أي اخطاء تكون المحاسبة فورا وامام رؤس الأشهاد، لكي نبتر الفساد من جذوره,
إسترجاع كل الأراضي المغتصبة من دول الجوار. واولها حلايب وشلاتين،و إعادة النظر في تقسيم مياه النيل والتحكم في منطقة السد العالي
( واللبيب بالإشارة يفهم)
تقسيم السودان لخمسة اقاليم متساوية جنوبي شمالي وشرقي و غربي وأوسط ، لكل إقليم إدارة كاملة وممثلين يشاركون في الحكم لكل الوطن في العاصمة الخرطوم.
إعادة رفع علم الإستقلال الأول وهو العلم الذي حرر بلادنا من قيود المستعمر, يجب ان نفخر به ونعلم اجيالنا القادمة كذلك.
محاكمة كل من تلوثت يده بفساد البلد و من تستر أو ساعد على الفساد و إرجاع كل الأموال المنهوبة.
( مافي عفا الله عما سلف في الأموال العامة ).
ويلا يا جماعة همتكم معانا,, واليد الواحدة ما بتصفق , كل واحد يدلو بلدوه ابسط مقترح ربما يساعد بتقدم البلد ولو لخطوة !
همة الجميع معنا واتمنى التفاؤول وروح الأمل وعدم التشاؤم ،ومعا لكي نجهز خطة تدفع بسفينة البلد لضفة الأمان قريبا إن شاء الله.
متأكدة افكارنا جميعا مع بعض سوف تثمرفي إعمار ومعافاة البلد ، حتى ولو على الأمد البعيد,, مافي مجال لليأس ولا التشاؤوم!
خلونا نقتدي بجدودنا صناع البطولات الحافظوا على الوطن ووصية الجدود غالية ومثمرة لو اتبعناها بدقة.
مافي داعي نبكي ونتحسر على الفات من زمنا السمح في كل المجالات، الجاي أجمل إن شاء الله.
متاوقة
وما هنت يا سوداننا يوما علينا ... جدودنا زمان وصونا على الوطن، على التراب الغالي الماليهو تمن!
اها يا جماعة شن قولكم !!
أسماء الجنيد
[email protected]
(عدل بواسطة معاوية عبيد الصائم on 04-16-2013, 06:45 PM)
|
|
 
|
|
|
|
|
|
|
 Re: تعين اسمـــاء الجنيد مسؤوولة(صورة) (Re: معاوية عبيد الصائم)
|
Quote: إسترجاع كل الأراضي المغتصبة من دول الجوار. واولها حلايب وشلاتين،و إعادة النظر في تقسيم مياه النيل والتحكم في منطقة السد العالي
( واللبيب بالإشارة يفهم) |
Quote: محاكمة كل من تلوثت يده بفساد البلد و من تستر أو ساعد على الفساد و إرجاع كل الأموال المنهوبة.
( مافي عفا الله عما سلف في الأموال العامة ). |
المسؤلة لو عملت ديل بس كفاية .....
| |
|
|
|
|
|
|
|
|
|
Re: تعين اسمـــاء الجنيد مسؤوولة(صورة) (Re: garjah)
|
سومة عليك اللة نحن ناس الجزيرة اها المشروع داء بتعملو لينا فيهو شنو
والدواء حق الملاريا والبلهرسياء ودواء الوردة والقحة
عليك اللة الجنوي الاكلونا ابعدينا منهم
عارفك ما بتقصري اها ابشري تب نحن معاك
| |
|
|
|
|
|
|
|
|
|
Re: تعين اسمـــاء الجنيد مسؤوولة(صورة) (Re: محمد أبوالعزائم أبوالريش)
|
التحية للاخت اسماء الجنيد وبكل الصدق يعتبر ما خطه يراعها هنا برنامج انتخابى متكامل
ولو طبق بالحرف فاكيد سيكون السودان فى طليعة الامم ...ورئيسته اسماء
واقول لود الباوقة انته مالك خايف من مبدأ محاسبة الكيزان ... تاكد الشريف فيهم ستثبت
براءته مع شكى بان هناك كوز شريف اصلا .
شكرا اخى معاوية عبيد ... واجر وعافية انشاء الله لاسماء بت الجنيد
| |
|
|
|
|
|
|
|
|
|
Re: تعين اسمـــاء الجنيد مسؤوولة(صورة) (Re: abuguta)
|
ســلام معاوية
بت الجنيد دي ( عشــرة على عشــرة بنفس صوت و طريقة الاعلان )
| Quote: ويرجع كل المظاليم المفصولين للصالح العام بدون شرط , وترجع ليهم حقوقهم بأثر رجعي من الحرامية تجار الحكومة! |
بس بالله اســأل المفصولين ديل امكن عملهم اتباعت و اتشــلعت
أها بترجهم وييييين
يا زولة طبقي برنامجك دا
| |
|
|
|
|
|
|
| |
معاوية عبيد الصائم
أحمد قلوب
garjah
Elkalakla_sanga3at
محمد أبوالعزائم أبوالريش
امين علي الشيخ
نور الدين عثمان
abuguta
فيس بوك
تويتر
انستقرام
يوتيوب
بنتيريست