|
باركوا لغباشي الدكتوراه
|
جانا الخبر شايلو النسيم بان ولدنا المساح الشهير بغباشي بورديا قد نال درجة الدكتوراه في جامعة نيوزلندية
التهنئة موصولة لاسرته وكل اخوانه واخواته وخالاته واعمامه في البورد
ولدكتور غباشي التمنيات بحاية عملية وعلمية سعيدة وهذا هو بحثه لمن يرغب في معرفة رسالته للاستفادة
http://otago.ourarchive.ac.nz/handle/10523/3854
وزغرودة من ماليزيا لنيوزلندا والسودان
متشرفين بيك يا ولدنا العزيز .
|
|
|
|
|
|
|
|
Re: باركوا لغباشي الدكتوراه (Re: محمد عبد الماجد الصايم)
|
Quote: ميييييييه ميييييه يا غباشي .. ألف مليون مبروكـ يا حبيب
_ بس أوع يكون الوزن زاد!!
|
حبيبنا ود الصايم ،،، الله يبارك فيك و عقبال عندكم ان شاء الله ما تخاف الوزن مستقر على 3kg± و اخوك الايام دي شغال جيم تقيل عشان التخريج قرب
| |
|
|
|
|
|
|
Re: باركوا لغباشي الدكتوراه (Re: غباشي)
|
اعزائي الامهات /الخالات / الاباء /الاعمام / الاخوة و الاخوات (لكم وافر الاحترام و اجل التقدير) و الله عاجز عن شكركم و مسرور جداً بمشاركتكم لي الفرحة و ممتن جداً بصادق دعواتكم و امنياتكم لي بكل ماهو جميل ...... اكتر حاجة حاسيها و زايداني فخر انكم بالجد فرحانين لي و ده و الله احساس يضاهي احساس النجاح ذاته و بيفوقه بمراحل ..... و معليش لتأخير الردود لاني و الله لسة مزنوق و عندي ورقة لازم اسلمها قبل نهاية الشهر ده ان شاء الله خلال الايام الجاية حاعود للرد عليكم فرداً فرداً لانكم تستحقوا وزيادة ..... الله يديكم العافية و يحقق كل امالكم و يفرحني بي نجاحاتكم و انجازاتكم و من تحبون شكراً ليكم شديد يا جماعة و بجيكم صادي
| |
|
|
|
|
|
|
Re: باركوا لغباشي الدكتوراه (Re: saidahmed shami)
|
غباشي يا زميل، ألف مبروك وبركة الاتحليت من العكلته دي... فخورين بيك وفرحانين ليك، لكن ما بعرف ازغرد...
Quote: بس أوع يكون الوزن زاد!!
|
بكون شغال بسكويت تش... كيف ما يزيد لوووووووووول
د.نجاة ازيك
| |
|
|
|
|
|
|
Re: باركوا لغباشي الدكتوراه (Re: عباس الدسيس)
|
مليار مبروووك ابننا احمد محمد الحسن مليار مبروووك وانت تتوج جهودك التي نعرفها بهذه الدرجة العلمية العالية .. والتهنئة عبرك للسيدة الوالدة والسيد الوالد وكل اسرتك الكريمة .. سعدت جدا بقراءة الخبر بهذا البوست الذى سبقتنا به الاخت دكتورة نجاة .. مره ثانية مليار مبروك .. ويا احمد بك دائما نفتخر .. والتهنئة لنا ولكم ولكل الاهل بالخرطوم والقولد..
خلى التلفون قريب منك يا دكتور .. مره اخرى خالص الشكر دكتورة نجاة على نقل هذا الخبر السعيد ،،،
| |
|
|
|
|
|
|
Re: باركوا لغباشي الدكتوراه (Re: على محمد الخير)
|
Quote: مليار مبروووك ابننا احمد محمد الحسن مليار مبروووك وانت تتوج جهودك التي نعرفها بهذه الدرجة العلمية العالية .. والتهنئة عبرك للسيدة الوالدة والسيد الوالد وكل اسرتك الكريمة .. سعدت جدا بقراءة الخبر بهذا البوست الذى سبقتنا به الاخت دكتورة نجاة .. مره ثانية مليار مبروك .. ويا احمد بك دائما نفتخر .. والتهنئة لنا ولكم ولكل الاهل بالخرطوم والقولد..
خلى التلفون قريب منك يا دكتور .. مره اخرى خالص الشكر دكتورة نجاة على نقل هذا الخبر السعيد ،،، |
اووووو جدنا علي الخير الله يبارك فيك وان شاء الله عقبال عندك ..... آمين يا رب يا سلااام لسة بتزكر لما كنت معاك في بروكسل (زي الوقت ده قبل 4 سنين) بالله بقت اربعة يا علي ..... شفت الزمن جاري كيف في الوقت داك يادوب كنت بادي المراسلات مع المشرف بتاعي عشان ابدا معاهو ..... فانت شاهد على العصر ايام و الله ياخ لسة بتزكر طرقات بروكسل و شوارع اكسيل و لويزا و بورت دي نامور و مشيتنا لباريس و برج ايفل ..... ياخ و الله الواحد محتاج يجي اوربا تاني ..... لكن الله غالب تحياتي يا على و انا في انتظار تلفونك المطوَّل او ممكن نتفق نتلاقى في سكايب بكون احسن ..... دمت يا عليى و يدوم المعروف يا جدنا
| |
|
|
|
|
|
|
Re: باركوا لغباشي الدكتوراه (Re: عباس الدسيس)
|
الف مبروك يا غبش وتمنيات من المزيد من التفوق و النجاح
عقّدتنا طبعا يا جماعة غباشي دا كان في الإبتدائي حايم بي ردا لامن احنا كنا في رابطة الصحافة بالجامعة عملنا ليهن مسابقة اكاديمية :)
| |
|
|
|
|
|
|
Re: باركوا لغباشي الدكتوراه (Re: عمر صديق)
|
ألف مبروك الدكتوراة يا غباشى، عقبال كمان درجة الاستاذية. قبل سنوات قليلة اتذكر باركنا- فى هذا المنبر- لغباشى نيله درجة الماجستير من إحدى الجامعات فى احد الدول الاسكندنافية. والآن نبارك له نيله درجة الدكتوراة وهو فى تلك السن (ما شاء الله تبارك الله). فهو مثال لشاب سودانى مجتهد ومثابر. القراءة والبحث والدرس فى هذا الزمان كالقبض على الجمر. ليت باقى الشباب يتخذونه قدوة. وإلى المجد غباشى
| |
|
|
|
|
|
|
Re: باركوا لغباشي الدكتوراه (Re: عمار يس النور)
|
Quote: الف مبروك للأخ العزيز دكتور أحمد. مع أعطر الأمنيات للمزيد من النجاح في الدنيا و الأخرة. |
سلام عزيزي عمار الله يبارك فيك و ينجحك ويعطِّر ايامك دنيا و اخرة يا عمار ياخي ..... في مارس الماضي سعدت للمرة الثانية باللقاء معاك في سيدني الجميلة و كعادتك دوما خصصت جزء من وقتك لتكرمني و تمتعني بحديثك الجميل و صحبتك الرائعة تسلم يا عمار و ان شاء الله قريب نبارك ليك الدكتوراة و عقبال العيال كمان
| |
|
|
|
|
|
|
Re: باركوا لغباشي الدكتوراه (Re: smart_ana2001)
|
Quote: الف الف مبروك برلومنا المجتهد غباشي. ربنا يوفقه دايما و عقبال نبارك ليك ال tenureship (: |
اسمارت خبيرتنا الاستراتيجية الله يسلمك و ان شاء الله نبارك ليك في نجاح العيال ..... و عقبالك عندك كدة نبارك ليك دكتوراتك آمين يا رب الجكة لسة طويل يا اسمارت بس ربنا يعيننا عليها
| |
|
|
|
|
|
|
Re: باركوا لغباشي الدكتوراه (Re: محمد البشرى الخضر)
|
Quote: الف مبروك يا غبش وتمنيات من المزيد من التفوق و النجاح
عقّدتنا طبعا يا جماعة غباشي دا كان في الإبتدائي حايم بي ردا لامن احنا كنا في رابطة الصحافة بالجامعة عملنا ليهن مسابقة اكاديمية :) |
الله يبارك يا ود البشرى و عقبال حتوت و اخوانه ...... هاهاهاهاهاهاهاهاها ...... ياود البشري و الله المسابقات بتاعتكم جات معانا كويسة و بسببها المدرسة بقى عندها سمعة كويسة لانو مدرستنا كانت مغمورة و مافي زول كان متوقع لينا نعمل حاجة خصوصاً مع مدارس قوية في المستوى زي حلويات سعد و اليرموك لكن ربك رب الخير اراد انو الامور دي كلها تتغير على ايدنا ...... لحدي ما وصلنا النهائي ولكن تبخرت احلامنا و اتغلبنا من مدرسة بنات الاساتذة قالوا لينا انت كنتو مركزين مع الاسئلة و للا مع البنات ...... لكن النصيحة لي الله كنتو بتدونا اسئلة صعبببة شديد مقارنة مع الاسئلة بتاعت الجيكس بعدين الحاجة التانية المسابقة كانت في مدرسة الجيكس يعني حرب نفسية و اغراء بالاضافة للتحكيم المنحاز لاصحاب الارض و الله ياخ مسابقتكم دي يا ود البشرى لفتت نظرنا لجامعة الخرطوم ...... كنا شايفنكم شفووووت
| |
|
|
|
|
|
|
Re: باركوا لغباشي الدكتوراه (Re: مريم بنت الحسين)
|
مريم يا دفعة ....Quote: غباشي يا زميل، ألف مبروك وبركة الاتحليت من العكلته دي... فخورين بيك وفرحانين ليك، لكن ما بعرف ازغرد... |
الله يبارك فيكي و انا الفخور بيكم و بفرحتكم دي .... عقبالك قريب كدة ان شاء الله Quote: بكون شغال بسكويت تش... كيف ما يزيد لوووووووووول |
هاهاهاهاهاها النصيحة لي الله البسكويت ده يا مريم بلجأ ليهو لما الدماغ يكون قاطع شحن لكن بعد ما اشحن لازم اقضي ساعة على الاقل في الجيم
تسلمي يا مريم
| |
|
|
|
|
|
|
Re: باركوا لغباشي الدكتوراه (Re: لؤى)
|
Quote: وألف ألف مبـروك للصّديق العزيـز أحـمـد والعُقبـى لشوفتـك بروفيسور كبيـــــــــر |
الحبيب ابو اللول الله يبارك فيك و عقبال تشوف ابو الورود في اعلى المراتب مشتاقين شديد و الله وزمن طويل ما اتلاقينا ولو اطياف لسة متزكر اول لقاء بيننا في مدينة السحر الجمال استوكهولم و نحن نقف اما مباني الـ (KTH) قلعة العلم و التكنولوجيا يا ريت نتلاقى هناك تاني و تالت ووووو تسلم يا لؤي و ما تنقطع عليك الله
| |
|
|
|
|
|
|
Re: باركوا لغباشي الدكتوراه (Re: د.نجاة محمود)
|
الله يبارك فيك يا دكتورة نجاة و الف شكر على التهنئة الرائعة و الزغرودة العالية اللي خلت الـ Kiwis يتاوقوا من الشبابيك في مدينتنا الصغيرة Dunedin تسلمي يا دكتورة و عقبال نبارك نجاحات عيالك بالدرجات الرفيعة باذن الله
| |
|
|
|
|
|
|
Re: باركوا لغباشي الدكتوراه (Re: د.نجاة محمود)
|
يا سسسلام ياااخ اذن انه حديث الدهشة والاخبار الصباحية التي ترد الروح وتصنع الفرح في الزمن الصعب.. قف الف مبروك يا غباشي علي هذه المثابرة وهذا الكسب الانساني الرفيع الذي هو اضافة نوعية وحية وكبير للعلوم الهندسية بصورة عامة ولعلوم هندسة المساحة تحديدا التي لاتزال ارضا خصبة ومجاهل موغلة في المعرفة...وهاهو ولدنا ومهندسنا غباشي يضح في حديقة علوم المساحة علما وفيرا ضارب في اللحم المساحي (الحي) جيث الجيودسي معشوق الاكيوشنات التي تعرف وتباصر تعريفات الارض ...ثم الGPS تلك الدهشة الهندسية التي جعلت من العمل المساحي سياحة وريفة وممتعة ومدهشة ايضا.. الف شكر يا غباشي علي كل شي والتهاني لكل الاسرة الكريمة واصدقائك والتهاني لكل المساحين في العالم..
وسنتابع
| |
|
|
|
|
|
|
Re: باركوا لغباشي الدكتوراه (Re: khaleel)
|
نعم يا خلي فولدنا غباشي لعب ماتش كبير وجااامد اوووي في نواحي نيوزيلندا وجانا نابل بالدكتوراة فيها الكثير المفيد المدهش واول الذين يمكنهم الاستفادة من هذه الرسالة الباهرة هو السودان وتتمدد الفايدة في المحيط الافريقي وكل الاقاليم المجاورة فالستيسم المساحي البتكلم عنو غباشي هو اهم حاجة في كل العمل المساحي علي كل المستويات
| |
|
|
|
|
|
|
Re: باركوا لغباشي الدكتوراه (Re: garjah)
|
ألف مبروك الدرجة العلمية الرفيعة (الدكتوراة)... نتمنى لك مزيدا من التقدم و النجاح. مما يزيد الفرحة هو تخصصك الدقيق و نجاحكم فى إستخدام عدة تقنيات للحصول على هذا السطح الجيوداينميك الأقليمى. نعتقد أن مثابرتكم فى تخصص عميق مثل الجيوديسيا ... حتى الحصول على الدكتوراة... مدعاة للفخر و الإعزاز. يا سلام، و إضافة حقيقية لناس دكتور حسن هاشم فاشر. و بالطبع سيفتح هذا البحث مجالات واسعة للتطبيق فى السودان و لو بعد حين. شكرا، يا د. نجاة محمود على هذا الخبر السعيد.
| |
|
|
|
|
|
|
Re: باركوا لغباشي الدكتوراه (Re: ABUHUSSEIN)
|
Quote: Yousif Bashari · الأكثر تعليقا · Stratford Career Institute ألف مبروك للأخ ( الدكتور ) غباشى .. ونرجو من الأخت نجاة ولفائدة القراء أيضا وضع رابط رسالتها للدكتوراة وتعريفنا من أى جامعة وفى أى بلد ..! رد · أعجبني · متابعة المنشور · الإثنين، الساعة 02:56 صباحاً
|
أثنى عشان نعرف
| |
|
|
|
|
|
|
Re: باركوا لغباشي الدكتوراه (Re: شمس الدين ساتى)
|
مشكوريين يا احبة ان شاء الله نجيكم جميعا حيث انا على سفر الان ولدنا غباشي ولدا ماهو هين احبه الجميع وفرح له الجميع وهو اخو اشرف الذي لم الده لذلك سيكون هذا البوست بوست فرح واحتفاء به فقط ونمارس التجاهل التجاهل التجاهل لكل عتل بعد ذلك زنيم
| |
|
|
|
|
|
|
Re: باركوا لغباشي الدكتوراه (Re: شمس الدين ساتى)
|
مشكوريين يا احبة ان شاء الله نجيكم جميعا حيث انا على سفر الان ولدنا غباشي ولدا ماهو هين احبه الجميع وفرح له الجميع وهو اخو اشرف الذي لم الده لذلك سيكون هذا البوست بوست فرح واحتفاء به فقط ونمارس التجاهل التجاهل التجاهل لكل عتل بعد ذلك زنيم
| |
|
|
|
|
|
|
Re: باركوا لغباشي الدكتوراه (Re: عبد الدائم سيد أحمد)
|
Quote: الف مبروك تانى وتالت و رابع يا ولدنا
يا دكتورة نجاة يا شوفو ليهو عروس هناك
ولا رسلوه لينا ... اقصى حد عيد رمضان الجاي |
عبد الدائم يا اخوي الزول دا بلاوز لما نجيب السيرة دي مرة فتحت ليه بوست هنا هو وسعد الدين ومن ديك وعيك
لكن ان شاء الله قريبا يلقى البتستاهلو
للدعاية يا بنات غباشي دا من افضل الشباب البوردابي محترم وابن اكرمين
يلا علينا جاي...
| |
|
|
|
|
|
|
|