|
|
|
 Re: الراي العام : الحلو يخضع للعلاج في بروكسل (Re: محمد إبراهيم علي)
|
يا عمك صباحو
Quote: دا كلام زول مالي يدّو يا هندسة ..
يا كمان ماســورة من النوع الجيّد!! |
والله الواحد ضارب لخمة شديدة في الموضوع ده
المعلومات متضاربة
المنشور شئ والحقيقة شئ اخر وما نعتقده شئ بين الاتنين
عدم ظهور عبد العزيز الحلو صوت وصورة مربك والفترة التي مرت منذ انطلاق الاشاعة بمقتله وحتى اليوم كافية لظهوره في رسالة مسجلة
اسامة بن لاد والذي كان يطارده العالم كله كان في امكانه ارسال ما يؤكد انه على قيد الحياة وبامان
| |
 
|
|
|
|
|
|
|
|
Re: الراي العام : الحلو يخضع للعلاج في بروكسل (Re: محمد إبراهيم علي)
|
سلام كبر
| Quote: انو (العصفورة) قاعدة معاكم |
لوووووول
والنظرية ان الجهاز يريد ان يضرب لخمة وسط الجبهة الثورية بالذات لو صدقت هذه التسريبات ولو في جزء بسيط منها
على حسب معطيات الواقع وحجم الاستهداف المعرض له عبد العزيز الحلو يجب ان تكون تحركاته معلومة لدائرة ضيقة جدا من اخلص واقرب مساعديه
طبعا البيان بتاع الجهاز امس هو ما يمثل الراي الرسمي له اما ما تطفح به الصحافة الموالية للنظام هو من تسريبات بعض ضباط جهاز الامن ولهم اهداف من وراءها بالتاكيد
علي اي حال بروكسل ليست جبال النوبة او واو بل مدينة حديثة جدا وبها عدد كبير من السودانيين والسودانيين ثرثارين :)
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: Hani Arabi Mohamed)
|
لو لم تكذّب الحكومة نفسها بنفسها؛ وتنفي مقتل الحلو، لما قرأنا ترهات مثل (علمت الرأي العام) و(ذكرت مصادر على لسان أحمد تقد).. أطرف مافي الموضوع بجانب التفاصيل الكاملة عن إصابة الحلو، هو حكاية (الإشراف الطبي الكامل) دي؛ فمصادر الرأي العام ديل فاكرين المستشفيات الأوربية زي بلدانهم المتخلفة البتميز بين أصحاب الجاه والنفوذ والسلطان، وبين غمار الناس.. فأي مريض (هنا) بخضع للإشراف الطبي الكامل بحسب ما يتطلبه وضعه الصحي وليس وضعه الوظيفي أو الإجتماعي.. بصراحة مسلسل الحلو دا بقى بايخ، لكن عموماً بما أنهم ذكروا إسم محمدين إسحق فهو عضو في البورد، ولو نفى الكلام دا يبقى ناس الرأي العام يموصوا مصادرهم دي من كمبالا لغاية بروكسل..
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: ABDELMAGID ABDELMAGID)
|
| Quote: بصراحة مسلسل الحلو دا بقى بايخ، لكن عموماً بما أنهم ذكروا إسم محمدين إسحق فهو عضو في البورد، ولو نفى الكلام دا يبقى ناس الرأي العام يموصوا مصادرهم دي من كمبالا لغاية بروكسل.. |
فعلا المرة دي القصة حدها قريب جدا
محمدين اسحق واحمد تقد لسان والاثنين يمكنهم ان يؤكدوا او ينفوا رواية الراي العام
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: محمد إبراهيم علي)
|
Quote: صحيفة الإنقاذ الوطنى !
ديسمبر 1991 :
المتمرد جون قرنق يصارع
الموت بمستشفيات
ألمانيا جراء إصاباته بعمليات صيف العبور |
يا عبد الماجد الانقاذ بدأت بكذبة وستستمر في الكذب الى ان يقضي الله امرا كان مفعولا
و2013 غير 1991
زمان مافي نت ولا سودانيزاونلاين ولا فيس بوك الكذب هذه الايام ما اسهل كشفه وفضحه
الحركة اضاعت فرصة احراز هدف مؤكد في مرمى الانقاذ
فلو قتل الحلو فهو قتل في معركة وهو خارج اصلا وفي راسه ان احتمال موته راجح
ولو اصيب فهو لم يصاب في شكلة ولكن في معركة وليس هناك ما ينقص منه شيئا بل يزيد من مكانته وسط جنوده انه اصيب وهو يقاتل معهم
السكوت في معرض الحاجة الى بيان يعادل هزيمة معنوية
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: محمد نور عودو)
|
سلام يا محمد ابراهيم
الجماعة لازالوا عشمانيين فى فرصة للحصول على معلومات على موقع الحلو
كذلك فى شغل الراي العام عن الهزيمة المعنوية بدخول قوات الثورية الى ام روابة.
الناس ديل قالوا جوا عشان ينقذوا البلد من الفساد و التمرد الفى الجنوب
اخير بقا التمرد يجى راكب ظلط الخرطوم الابيضز هذه لعمرى هزيمة منكرة.
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: محمد إبراهيم علي)
|
سلام شيخ الشامي
Quote: من صياغة الخبر المقصود الجزء الاخير منه انه في شخص قيادي اندفن في واو
وهذا الشخص ليس الحلو
في هذا تخفيف عن كل ناس الوطني وكذلك عن الانتباهة الذين قالو ان الحلو اندفن في واو |
النظام يا الشامي لا تهمه هذه الشيئ المسمى مصداقية فهي ليست من اولياته ويعتبرها حركات بتاعت مثقفين ساي
الانقاذ بنيت على كذبة واستمرت تقتات من الكذب فليس هناك من سبب يدفعها الان للاحساس بالحرج لاكتشاف كذبة
يبدو ان الاهداف ابعد من ذلك ولا اعتقد ان من بينها تحديد مكان الحلو فالوقت الذي مر بين اول طلوع الاشاعة الى اليوم كافي جدا للحلو لكي يختفي عن انظار الحكومة
الوضع على الارض هو المهم اين الجيش الان واين قوات الجبهة الثورية الان ؟
المفاوضات قادمة ولابد من تغييرات على الارض وكل طرف يريد ان يدخل المفاوضات وبيده مكاسب وانتصارات على الارض
قبل كم يوم قال راشد عبد الرحيم ان ( طائرة تابعة للامم المتحدة حاولت اخلاء الحلو بعد اصابته في القصف )
وقال ايضا ان الطائرة اصيبت بنيران القوات الحكومية ولديهم صورها وهي مدمرة وهو اتهام خطير للامم المتحدة بالتدخل لصالح طرف ويمس حيدتها فلماذا لم تستغل الحكومة هذه الصور وتنشرها لاحراج المنظمة الدولية ؟
وايضا لاثارة شك اكبر هو مصير الحلو ؟
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: Mohammed Badawi)
|
الاخ الباشمهندس محمد ابراهيم علي
أمل ابوكرشولة كان في متحرك المنتصر لله. الحكاية طرشقت وبقت في قدروف عبد الرحيم
كبت مطرتين جامدات في المنطقة وحركة آليات الجيش صعبت وما في طريقة لأبوكرشولة
وحتي اذا دخلوها يكون ذلك شبه انتحار لصعوبة التشوين خريفا وطبيعة المنطقة.
يعني ابوكرشولة مخرفة في يد الحلو مخرفة. وجود الحلو في ابوكرشولة لحدي الدرد
يعني تجنيد وشغل وسط الشباب وكسب المواطنيين الذين حتما سيعودوا الي المنطقة
للمارسة الزراعة واولاد المنطقة في الجبهة الثورية ومن بينهم الحلو نفسه الذي يبعد
مسقط رأسه مسافة 20 دقيقة من ابوكرشولة سيقومون بلعب الدور صاح.
الحكومة ليس في يدها غير تربيع الايادي المشاهدة والاستمتاع او المغصة والحلو يقدل
يقدل ويستمتع بخيرات خريف هذه المنطقة المعطاءة من التبش والانكوليب وامباط ويأكل
من نبقها ولعلوبها ويجول من خور الدليب وحتي ام برنبيطة ويهيمن علي زراعة المشاريع
والجباريك بالمنطقة ...... الحل ان شاء الله يموت ياخي.
| |
|
|
|
|
|
|
|
|
|
Re: الراي العام : الحلو يخضع للعلاج في بروكسل (Re: عثمان الشريف اسحاق)
|
الاخ محمد علي ابرهيم لك و لضيوفك الكرام كل التحية و التقدير
قبل ما ارد علي الكلام دا خليني اقسم يومي كويس و بالحساب ولد
اول الأمس اليوم اللي استقبلنا فيه الحلو علي حسب ناس الراي العام بيعني يوم السبت
و ارجع كمان لليوم القبلو الجمعة الميرم الصغيرة رنيم سنة و 10 شهور كانت مريضة إسهال و طراش اخدناها الحوادث
الدكتورة كتبت لديها دواء ووصت انو اذا ما اتحسنت ترجع ترقد لأيام في المستشفي
المهم الروشتة ما عجبت أمها فقالت الأحسن نرجع للعلاج البلدي موية رز و خلافه إضافة لحنية
إضافية مقابل منافستها الميرم سدين 3 سنوات المهم اتفقنا علي الكلام و ر قدنا يومنا،
صباح السبت لقينا وضع الميرم رنيم افضل و الطراش و الإسهال وقفوا ،و بقت أحسن
بعد داك في نفس الصباح اتصلوا بينا الاخ ادم فضل و زوجته الكريمة و عزمونا اذا ما عندنا برنامج انو نديهم طلة لأنو كمان معاهم ضيوف ووافقنا لأنو دا الجو اللي بيرجع المود mood للميارم و بيدخل في برنامج العلاج و الناس الا عندهم اسر في بلاد الخواجات بيعرفوا الكلام دا كويس الأولاد مرات طبعهم بتغير من القعاد الكتير بين الحيطان
المهم يا إخوانا فطرنا و حممنا الميارم و لبسناهم و ركبنا الباص رقم 500 من مدينة ميخلين
لانتوربين، و فعلا وصلنا انتوربين تاني أكبر مدن بلجيكا وو لقينا ضيوف الاخ ادم و وزوجته موجودين لكن الأهم لينا و للميارم الصغار وجود ميرم صغيرونة و أخوها الصغير السلطان فؤاد وهو في سن الميرم رنيم تقريبا ، و دي فرصة انو نلقي فرقة للتفرغ للنقاشات و نقاشات سودانيين زي ما بتعرفوها تبدأ بالسياسة و كل شئ ليهو علاقة بيها حتي
حلة الملاح، الجو دا طلعنا منو جية احد الإخوان الأكراد و النقاش مشا لإراب أيدول
و المنافسة الكردية اللي قدمت عروض مذهلة رغم تحامل أحلام عليها في البداية لكنها
خلت اللجنة كلها تصفق ليها فيما بعد و خلتهم يتعلموا بعض الكلمات الكردية،
علي كل تركنا ادم و ضيوفه بدري في الساعة 8 و نص في المسا لأنو بيتي طرف و أولادي صغار
إها ركبنا بص الساعة 20:56 توقيت السكة حديد و وصلنا البيت الساعة حوالي 23:00 .
يعني بالحساب كدا الا أكون الصحفي كلارك كنت و في نفس الوقت سوبرمان عشان ممكن أقدر استقبل الحلو في نفس الوقت في مطار بروكسل و أخده المستشفي و أكون موجود
ما بين ميخلين و انتوربين ما بين ونسة و مواصلات و زيارات ، خلينا من دا كلو دا ياتو
زول سوبرمان في الدنيا يكون استقبل ليهو زول مهم زي عبد العزيز الحلو و و رقدوا المستشفي بين الحياة و الموت علي حساب كلام الجرائد يقوم يمشي طائر لانتوربين في زيارة اجتماعية
و يناقش في كردية غنت كويس و لبناني رقص دبكة تمام و مغربية غنت خليجي
عشان تكسب أصوات اكتر ؟
دا كلام دا إخوانا ناس الراي العام ؟..
أنا أكون قابلت الحلو و أكون آخر من يعرف
الناس التبقول انفي الكلام دا ، انفي شنو و أقول شنو ، ما هو داك عبد العزيز الحلو زول حي
و بيقود العمليات بتاعت الجبهة الثورية و بيتنفس اكسجين مجاني زينا و زيهم و الحمد لله و بيتكلم في الجرائد و الوكالات و الروادي طلعو مات و ميت غصبا عنو ، انفي ليها شنو
غايتو
The longer you live, the more you got to pay
تعيش اكتر تشوف اكتر
| |
|
|
|
|
|
| |
محمد إبراهيم علي
ناذر محمد الخليفة
محمد عبد الماجد الصايم
Hani Arabi Mohamed
Kabar
saif massad ali
الشامي الحبر عبدالوهاب
حيدر حسن ميرغني
محمد نور عودو
abubakr salih
محمد البشرى الخضر
عبد الحي علي موسى
إحسان عبد العزيز
محمدين محمد اسحق
فتحي الصديق
فيس بوك
تويتر
انستقرام
يوتيوب
بنتيريست