|
|
 الانقاذ ديك عدة .... نقد للكاراكتير الفوق ده
|
تحية طيبة
لي زمن بجي اعمل الحركة دي بلقى الجماعة شالوها قدامي بي بونط
ياخ بتكيف ليك من حتة الكاركتير الفوق ده يعني بيان بالعمل او زي ما قال الجيش
تمهيد
البلاد تسير الى الهاوية او هي وقعت تب والخيار معروف للجميع ولكن نعجز عن تنفيذه
لكي نتحرر علينا دفع الكثير
وما لم نقم بذلك فلنبشر بطول عبو دية
................................انتهى
اها
قالوا الديوك اربعة
في ديك العدة وده هيل الكاراكتير الفوق ده
ديك العدة ده لو نهروه منها كسرة ولو خلوه فيها خ .....
والديك التاني ده ديك المسلمية
يعوعي وبصلتو يحمروا فيها
والديك التالت ده ديك المكوة
زمان وهسي في الحلال في المكوة بتاعت الفحم وقدوما فوقوا ديك من حديد ديكور ساي
يعني صورة وبس
وعندنا ديك البطانة
وده حكمة ربك الديكة (جمع ديك ) يعوعن وهو يكاكي
......................................................................................................
الديك الاول استسلامي للامر الواقع يعني الناس تبقى بين انها تنضف العدة من (وس خ) الديك
ولا تفقد العدة كلها عشان لو نهروه بكسرا
طوالي بقولوا ليك خليه يوس خ ا اخير ما نفقد العدة يعني هسي الصحن بي كم والدنيا قبايل رمضان
وعليه
اعتقد الكاراكتير سوق لبضاعة الذين يزرعون التؤجسات في الطرقات (من غير قصد صاحب الكاراكتير )
بأنه لا يوجد بديل ولو الانقاذ فاتت البلد حتبقى صومال وعيييك وعااااك
فالانقاذ هي ديك المسلمية مازالت تصرخ والحلقة تضيق وتضيق على عنقها
الانقاذ هي ديك المكوة كم من وزير وكم من سفير وكم من موظف والامر بيد شخصين فالبقية صورة واكوام من اللحم تملى الكراسي
الانقاذ هي ديك البطانة تكاكي قدام البرة ونحنا هنا حاسبنها ديك
مع التحية لصاحب الكاراكتير
و
مد ايك شيل سلاحك
|
|
 
|
|
|
|
|
|
|
|
Re: الانقاذ ديك عدة .... نقد للكاراكتير الفوق ده (Re: الجنيد حمد)
|
تحياتي الجنيد
المهم جابتني الديوك بتاعتك دي
ديك العدة : لو تركته كسًر العدة صحن صحن وان نهرته رماها كلها مرة واحدة
اما الديك الذي يكاكي فلا أطنه بحال هو ديك البطانة
ديك البطانة كما تقول الروايات (شالوه مدلدل وجابوهو مدلدل -) جيث انه يربط من ارجله فيتدلى رأسه
ويقال ان أهلنا في البطاننة لحكمة يعرفونها يضعون خيشة مبلولة على الديوك المعلقة في اللوري
| |
|
|
|
|
|
|
|
|
|
Re: الانقاذ ديك عدة .... نقد للكاراكتير الفوق ده (Re: newbie)
|
العزيز /newbie تحياتي واسعد الله صباحك (حسب توقيتنا الهنا )
................................................................................................................................
ديك البطانة كما تقول الروايات (شالوه مدلدل وجابوهو مدلدل -) جيث انه يربط من ارجله فيتدلى رأسه
.................................................................................................................................
اشكرك على الاضافة والتصويب
يبقى كده عندنا خمسة (ديكة)
وزمان الديك ليه هيبة (لامن) يجينا ضيف البيت كلو بتلقاهو ساكي الديك زي دفار الالزامية
يعني وراهوا حوش حوش كوشة كوشة
وتسمع كاك والبطبطة ولازم نعمل عملية اعلامية جيب السكين
لا ما تضبحوا (بالكزلك) عشان الضيف يعرف انو جهجهنا وقمنا بالواجب وزيادة
(طبعاً ده في حالة (سنة الضيفان )ودي ياها البكون ماتوا فيها كم نفر وكم نفر عرس
والحلة مزرودة بالضيفان ما خلو (عتود) لافي الا وضربوه
طوالي بنلجاء لخطة المائة سكة من اجل احضار الديك ...الديك والعتود واحد ما اصلو الحكاية دم وواجب
ياخ جداد البلد طاعم (رغم انو الضيوف بعافوه )
تحياتي مرة اخرى
| |
|
|
|
|
|
|
|
|
|
Re: الانقاذ ديك عدة .... نقد للكاراكتير الفوق ده (Re: الجنيد حمد)
|
اسعد الله صباحك عزيزي الجنيد
يعجبني ديك العدة أكثر من بقية الديوك وأكثر من الديك اللنقو الذي أغفلته من بوستك هذا
يعجبني لأنه الوحيد الذ يضعك في موقف لا تحسد عليه ,,انت أمام خيارين لا ثالث لهما
تنهرة ولا تعرف أي إناء ثمين سينكسر وفي أي زاوية يستقر
أو ان تكون صبوراً وذا حكمة ( وتعمل نايم) وتشاهده (غارزيتو) يعزل ويصطفي من العدة ما يشاء
وحينها فقط ينطبق عليك المثل : نوم الديك في الحبل وقطع شك سينطبق عليك رديفه : سهر الجداد ولا نومو
ولعل حمكة المثل الأخير أن فيه خير كثير
| |
|
|
|
|
|
|
|
|
|
Re: الانقاذ ديك عدة .... نقد للكاراكتير الفوق ده (Re: newbie)
|
انواع الديوك كثيرة جدا خنالك بوست قديم سأحضره لاحقا .
ولكن اهم ديك هو ديك الجيران وهو أخطر انواع الديوك ..
الديك دا بيكون ماشي في الحيطة البينك وبين جارك ويعوعي .. والديك اساسا ما تبعك تبع جارك .. فأنت بتكون بتعاين ليهو بي توجس شديد . لو خليتو
أمكن ينط ليك في حوشك ويبهدل ليك هدومك الشاريها أو أي حاجة تانية خاصة لو أنت تكون بتكره الديوك .. ولو كمان نهرتو يقوم الاديك يخاف يرجع عن الجيران مرعوب يكسر ليهم حاجة وتكون اتلومت مع جارك ..!
يعني ما عندك حل غير تقعد تراقبو وتعاين ليهو وتسأل الله السلامة في سرك ..
| |
|
|
|
|
|
|
|
|
Re: الانقاذ ديك عدة .... نقد للكاراكتير الفوق ده (Re: سيف اليزل سعد عمر)
|
...................................................
يعجبني لأنه الوحيد الذ يضعك في موقف لا تحسد عليه ,,انت أمام خيارين لا ثالث لهما
........................................................
العزيز /newbie تحياتي
لو سلمنا بالخياران اعلاه فنحن نؤمن بالنظرية التي زرعت في الطرقات والقائلة بأن زوال الانقاذ يعني دمار وتشرذم وصوملة السودان
وبقاءها يعني مزيد من القهر والظلم والغلاء والفساد ووووو كل ما هو قبيح ....؟؟
ولكن
مهمتنا ليس اتباع اي منهما علينا ايجاد طريق ثالث نضمن به نظافة العدة (البلد) وعدم تكسيرها
(اخشى أن يكون الحل اليمني هو الطريق الثالث ) فوتيرة الاحداث تشير اليه وربما يتوفر طريق ثالث نتعشم فيه الخلاص من هذا الديك ..
دمت بالف خير
| |
|
|
|
|
|
|
| |
الجنيد حمد
ناذر محمد الخليفة
سيف اليزل سعد عمر
فيس بوك
تويتر
انستقرام
يوتيوب
بنتيريست