يا سلاااااااااااااام يا رائع .. شندي مدينة رائعة وادعة اليفة جدا ..
بالله لو عندك صور لي شندي الاهلية .. السوق .. الاستاد .. شارع البحر .. الواحد ما شاف شندي من 97 و مليان شغف عايز يشوفا بقت كيف .. طبعا البنطون الله يرحمو ، والسينما اظن نفس الشي ..
تحياتي فيصل
03-27-2013, 08:45 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
فعلاً شندي مدينة رائعة وادعة اليفة جدا .. اثناء ذهابي الى حلفا دائماَ اكسبرس حلفا كان بيقف في محطة شندي .وكنا بنشتري المناديل المطرزة و الطواقي و الهبابات الملونة .
03-27-2013, 10:46 PM
AlAmin AlMubarak AlAmin AlMubarak
تاريخ التسجيل: 01-16-2013
مجموع المشاركات: 150
بالله لم تجد غير هذه الصور لشندي يا استاذ فيصل؟؟ معظمها لا يوجد دليل قاطع بانها من شندي الا اذا فحصنا التربة او حللنا ال DNA للظاهرين في الصورة شندي احلي و اجمل و بها العديد من المعالم و المناظر التي يمكن ان تعكس واقع اجمل مما عرضت من صور علي كل حال تحياتي شندي تجمعنا
03-28-2013, 07:50 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
اخانا AlAmin AlMubarak ما تزعل . دي صور واحد رحال خواجة زاروا السودان بعجلاتهم هو و مراتو . جاين من حلفا بدرب الصحراء فما تخاف بنخش بيك الدرب التحت و بناخد سدنة . بس روق الجاز
تحياتي
فيصل ود البرابره
03-28-2013, 08:11 AM
حسن مهدي حسن مهدي
تاريخ التسجيل: 01-18-2013
مجموع المشاركات: 183
ياسلام على شندي المدينه الهادئه والجميله زكريات ..من شندي .في الرياضه عبد المحمود درة سارديه وشنندي التاج ( دحيش 80 ) و عتيبه والرشيد وجمبل وبشرى وبشير . السوق عبد الكريم السيد العم سنجر و اولاد الصافي الجعلي ومولانا عبد الرحيم امام المسجد الكبير ..وقهوة الرياضين والسكه حديد ومربع 1 النقاده ووو بالفعل هي مدينة وادعه وانسانها كريم ...
03-28-2013, 10:23 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: شكلنا خلاص رسمي بقينا جزء من الصحراء الكبرى.
سيف النصر محي الدين ايها الحبيب نحن ناس حلفا البنعتبر صحراويين فاما اهلنا في شندي فهم في اقليم شبه صحراوي ولكل اقليم جماله الخاص . هذا البوست ذي ما كتبت في البداية بعين سائح غربي فهو بصور ماهو جميل في فهمه . انه يرى الجمال في الصور التي التقطعها في الصحراء و اطراف المدن . هو لو كان عاوز يشوف المباني الحديثة ما كان طلع من حلتو . فصدقوني الصور النازله هنا اجمل مليون مرة من المباني الحديثة طراز اليوم . وابهجتنا بطلتك . عافيات
03-29-2013, 11:47 AM
علي محمد الفكي علي محمد الفكي
تاريخ التسجيل: 01-08-2013
مجموع المشاركات: 3863
شندي الجمال والتاريخ مدينة حنينة ومليانة اصالة وعزة شكراً فيصل على الصور التي هيجت حنيننا وذكرياتنا الى ايام مرحاً قضيناها وفي انتظار المزيد وممكن نرفد البوست ببعض الصور
03-29-2013, 01:01 PM
Abureesh Abureesh
تاريخ التسجيل: 09-22-2003
مجموع المشاركات: 30182
ذكرتني يا مولانا بالراجل الجاب كيلو دجاج لمراتو قال ليها اطبخي الدجاجة لحد ما انا اخد لي رقدة كدا واصحى . اها المراة طبخت الدجاجة و ليقت الدجاجة لذيذة راحت قايمة بيهو كلو (اكلت الجدادة) . الراجل صحى من النوم طلب الغداء المراة قالت ليهو الجدادة الكديسة اكلتها. الراجل ما صدق قال ليها جيبي الميزان وجيبي الكديسة . جابت الكديسة و جابت الميزان . وزنوا الكديسة طلع وزنها كيلو واحد . الراجل قال للمرة يا ولية دا لو وزن الكديسة وزن لحم وينو ؟ ولو دا وزن اللحمة , الكديسة وينها ؟
سوق شندى
03-30-2013, 01:05 PM
Mohammed Ahmed Saeed Mohammed Ahmed Saeed
تاريخ التسجيل: 12-19-2005
مجموع المشاركات: 690
شندى مدينة من المدن التى زرتها مؤخرا وصار لازما على ان ازورها كل سنة فى اجازتى . اتمنى من متطوع ان يزودنا بصور للمنطقة بين كبرى المتمة والنيل او منطقة المشروع لانو فيها جناين لاتوجد فى اى منطقة اخرى من السودان مثيل لها ( جناين اولاد على الطيب او جناين ابناء عبدالكريم السيد او جنينة استاذ حمدو) واللة العنب موجود بالجناين دى وصفها لايفيد اتمنى انو احد يتبرع ويجيب صور للجناين دى.
03-30-2013, 03:13 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
اخي وعزيزي فيسلوف لك مني كل الشكر على عدستك الجميلة تعكس بعض من جمال شندي شندي من المدن تاعريقة في تاريخ وضاربة عروقها في الحضارة بعمق حضارة تلك المناطق جمال شندي لمن تعدو حدود يتسألون عن اين الجمال الجمال في شندي يضفي من جمال روح أهلها على المدينة لذا نالت اعجاب كل من مرَّ عليها مرورا وليس مقياس الجمال مباني يا من بهرتكم بلاد بنيت وقامت على حديثاً من رزق وهبه الله على ساكنيها الجمال يبقى مع بقاء جمال الروح العاوز يرى يجي شندي ويشوف شندي ويشوف اهل شندي ورغم انهم حفاة فقراء وليس الفقر الحفاء عيب ما تعيبوا إنسان شريف كان يمكنه ان يبيع ضميره بحفنة مال ليلبس نعالا .. كفاه ان يلقى ربه بقلب وروح طيبة طاهرة ويحمل رمضاء شمسمحرقة لو كان العقل يزن الامور ولي رجعة اخي فيسل ولك منيكل الشكر على هذه المساحة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيصل محمد خليل
محمد مختار جعفر
Abdullah Idrees
AlAmin AlMubarak
حسن مهدي
ASHRAF MUSTAFA
سيف النصر محي الدين
علي محمد الفكي
Abureesh
وضاحة
عادل الباهي عبدالرازق
Abd Alla Elhabib
Mohammed Ahmed Saeed
محمد عوض السيد
خالد علي محجوب المنسي
فيس بوك
تويتر
انستقرام
يوتيوب
بنتيريست