مســــــــــــــ حرسم ــــــــــــــــــــرح

Quote: حرسم يا أخانا الذى فى أعالى الحضور المنير تعرف فجأة كده قررت اقرا اسمك من الآخر ما عارف اللزانى شنو عشان امش ابدا من النهاية يمكن الايعاز باللز ده جا من شدة العشرقة الانتابت الاحساس لقيت انه الاسم ممكن بكل بساطة وبدون اى معاناة فى فرزعة الحروف ممكن يبقى مسرح ح ر س م م س ر ح

Quote: وممكن كمان يخلق افق جيوميترى انيق على الرغم من البساطة الفى قلة العدد عدد الحروف اربعة بس اربعة وخامسهم لونهم او طعمهم طيب المقولة ديك حقت زمان بتقول شنو ؟ اعطنى مسرحا اعطيك شنو كده المهم المقايضة فيها ربح ثمين جدا ما هين اعطيك أمة ؟ اعطيك حياة ؟ اعطيك عالم كويس ؟ كله وارد أما بعد بجيك تانى بشوية تفاصيل عن التفكر الجايط ده عن الاسم وحروف الاسم

Quote: سبحان الله يا اباذر المطر واصلـــ في مسرحك ونحن حضور وانت لا تعلم بان الاخ حرسم مسرحي قديم واديب وشاعر مرور للتحيه يا اباذر تحياتي ،،،،أبوقصي،،،،

Quote: اجمال ما في حرسم انه انسان يتدفق مثل النبع لايرجى جزاءا من احد ولا شكورا لا يكتم مشاعره وما في قلبه سرعان ما يتسلل الى انامله فينزل في الكيبورد سهلا سلسلا دون اي عقد او تحسس.. يفتح مواضيع عميقه يرد على نفسه ان لم يجد من يفهم مقصده فأن لم يسمعه أحد يكفيه انه قادر ان يسمع .. مثل كتابة حرسم هذه مثلل ظل شجرة اللبخ لا تندم وتتحسر على النوم فيه الا عندما تجد نفسك تسطلي بلهيب شمس حارقة في عز الصحراء وتتلظلى بها ..

Quote: تعرف يا حرسم مرام وغاية النضمى ده شنو ؟ ومن مدخل الاسم والولوج برجل الحبر اليمين انه هنا فى المنبر المحيط ده ناس سمحين كتار عبرو ومداد غزير سال من وفى وديان الكتابة الكتابة زى ما هى، وبكل الحاجات المضيئة الفيها ومطر وفير هطل هنا من سحائب تريانه وبطرانة ناس كتار يدخلوك ويسكنو جواك وتانى ما تقدر تخليهم ولا تنساهم بوريك اساميهم يوم تانى واحتمال اضوقك طعمهم الشهى العجيب قام شنو فاتو ومشو ورحلو وهسه فيك انت وبيك الزول بدا يشم نوع من العبير يشيلك ويحلق بيك فى حتات قصية ملونة ومعطرة وزى تقول الزول شم ريحة عافية الجمال اشكال والوان انسام وانغام رؤية وكلام المهم باختصار فى كائن فنان ان شاء الله تسعد ياخ وتطيب وتلقى الدايرو فى نيتك يا مسرح

Quote: كمان شاعر رقيق .. وصاحب رمزيات وعمق .. اسلوبه نخبوي وعالي المستوى .. يتهيب المرء ان يتناول شعره لأن عمقه لا يمكن ادراكه .. التحية له ..

Quote: يا أخانا الذى فى أعالى الحضور المنير تعرف فجأة كده قررت اقرا اسمك من الآخر ما عارف اللزانى شنو عشان امش ابدا من النهاية يمكن الايعاز باللز ده جا من شدة العشرقة الانتابت الاحساس لقيت انه الاسم ممكن بكل بساطة وبدون اى معاناة فى فرزعة الحروف ممكن يبقى مسرح ح ر س م م س ر ح وممكن كمان يخلق افق جيوميترى انيق على الرغم من البساطة الفى قلة العدد عدد الحروف اربعة بس اربعة وخامسهم لونهم او طعمهم

Quote: الكتــابــة الطاعمة

Quote: غايتو البوست دا انا الا اشتغل صفاق بس البوست سمح وكلامو سمح وصاحب البوست والمكتوب فيهو البوست سمح السمح غايتو نحن ناس صفقه ساى حسى بعد كلام ابوى السنى فى كلام تانى

Quote: قالوا فى البدء كان الكلمة ونقول ان الحرف طائر إسمه الضوء، والكلمة إكسير آخر للحياة ومعنى عالى للروح والكتابة فى أقصى كينونتهما، هى سليلة غيم الإحساس،هى ضجيج الروح سراً جهورا، أو علانية واجفة، طلبا لراحة لا تنال، وهى فى أقصى تمردهما على أرض الجسد وسماء الروح، إعلان بصوت الدم عن مطلق الشغف الشغف بمن نحب وما نحب إعلان لا يعلن عن ذاته، لكنه وهو فى كامل وعيه المضنى، ولا تسمعه سوى أذن اللحظة، اللحظة الحاضرة فوق الورقة والمنسكبة من نبع الدواة

Quote: ولم لا نحتفى بك يا حرسم؟ فقد طلعت على سماء المنبر بدرا أتم اسبوعيه وخرج الى افقه وسيما قسيما حتى غازلته الأنجم فى الطرقات بمثل الطريقة التى غازل الناس بها فتى استاذنا الدكتور بشرى الفاضل لذا فقد وجب الشكر علينا رفقة الإعجاب والإمتنان كذلك يبذل الخلق والناس امتنانهم لكل شئ جميل فدونك ما لدينا وخذه بقوة

Quote: استاذنا ابوذر بابكر تحية ندية تسكن فى التفاصيل شاعرنا الجميل والمسرحى وصديقى فى سوء الطالع محمد عبد الله حرسم . هو من الاقلام الجادة فى كثير من المنديات وهو شاعر والشعراء امراء الكلام يصرفونه انى شاءوا وجائز لهم مالا يجوز لغيرهم له الرائ الثاقب والتدبير الناقد لايضع رايه الا فى مواضع الاصاله ولا يصرف تدبيره الا على مواقع السداد والاصابة يرى فى الواقب فى مراة عقله واراؤه سكاكين فى مفاصل الخطوب شكرا لك اخى واستاذى ابوذر لقد سلطت الضوء على شخصية يجب ان نوفيها حقها لى عودة

Quote: كيفك يا مطر مشتاقين كلامك سليم في الراجل السليم حرسم حفظكم اللهة جميعا

Quote: الاخ ابوذر بابكر سلام كبير بمقدارك تكتب عن حرسم بحروف مرسومة ومعلومة كانك تعرفه من زمان بعيد ورسمته كما تريد وكان هو وهو حرسم ذلكم الشاعر الانيق العنيد فكيف تجمع بين هذا وذاك وهذا لايغلب الرسام وخصوصا اذا كان المرسوم حرسم فهو رئيس منتدى اربعائية النوبة شعرا وثقافة ورياضة ومسرحا وجمالا واناقة واشيد بك واشد على يدك بما جئت به فخرا لنا فانه منى وانا منه تربى نهرا ونيلا وعاش بحرا وخرج حرسم

Quote: ألم اقل لك في بوست سابق يا أبا ذر فيك دعاشا من العبقرية التحية والمحبة لك ولمحمد عبدالله حرسم ولكل "سمحين الدنّافلة" وجرارق الكلم ومبدعي بلادي واصحاب الحرف الأخضر محبتي

Quote: يا زول عاين فى مرايتك زى ما عايز سمح تحمد سيدك والميم الفى نص "سمح" دى عليها شدة شديدة امعانا فى التوكيد

Quote: تعرف يا حرسم وطبعا بعد اذن ابو ذر ومن خلال تجربة المنتديات اجمل واعمق معرفة وصداقة بين اثنين هي عندما تتم عبر الحروف وبين الكلمات .. انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل مرات يأتيني شكل شاب مراهق طموح يبدأ في حياته عبر جمل مشرقة بالآمل وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان .. وكل ذلك كان ممتعا

Quote: قبل شويه يا حرسم قلت لصديقنا عبيد الطيب انه خلى بالك أنا اكون ولى وشيخ وما عارف روحى والله ما صدقت

Quote: تعرف يا حرسم وطبعا بعد اذن ابو ذر ومن خلال تجربة المنتديات اجمل واعمق معرفة وصداقة بين اثنين هي عندما تتم عبر الحروف وبين الكلمات .. انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل مرات يأتيني شكل شاب مراهق طموح يبدأ في حياته عبر جمل مشرقة بالآمل وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان .. وكل ذلك كان ممتعا

Quote: عندما كنا نسرق النظر ونحن فى رعيان الشباب نرا عمالقه يقفون على الخشب المسرحيه فى مدينتى بورتسودان فتحس بالرهبه ... لقد كبرنا فى مدينه فيها.... كلات الموانى والكافاب ومسرح الثغر وعمر افندى ومحمد المصطفى فايتاب وجمال الدين شبيكة وحرسم كبرنا فى محيط هذا الزخم الجميل ننهل من معيه هولاء القوم حبا وكرامه. من منا لم يقدل الهوينه على نغمات النص المسرحي( تهشو) وحسدنا جماعة الموانى المسرحية. شكرا اباذر لهذا المساحة شكرا ليك ياخ

Quote: تعرف يا حرسم وطبعا بعد اذن ابو ذر ومن خلال تجربة المنتديات اجمل واعمق معرفة وصداقة بين اثنين هي عندما تتم عبر الحروف وبين الكلمات .. انا بديت اتبع حروفك وكلماتك والصورة التي كونتها في خيالي عن شكلك تتغير بتغير الجمل مرات يأتيني شكل شاب مراهق طموح يبدأ في حياته عبر جمل مشرقة بالآمل وتارات شبح رجل ناضج خاض التجارب واصبح منتجا للحكم .. يرص علامات الرجوع مثل ما يفعل قائد الكشافة حتى يمنع جنوده من التوهان .. وكل ذلك كان ممتعا

Quote: العبقرية يا حرسم هي ان تستصحب كل مراحل عمرك وانت تكتب

Quote: فيجد الطفل الشاب المراهق الرجل الناضج والكهل انفسهم بين حروفك .. وكل واحد يجد مرقد يلائمه ويلائم سنه وحجم تفكيره ..

Quote: السلام عليكم يا قوم عوافى يا سمحين حرسم والرهط الجميل انشدهنا شوية لكين برضو كويس الحروف زرّعت ونبتت وبقت شدر كبار ظلال وثمار وريحة خدار فاكتبوها بسلام آمنين

Quote: مسرح حرسم مشروع مستقبلي حسي ومعنوي وانشاء الله يكون مادي نبنيه مع حرسم طوبة طوبة وحرف حرف