الحضرى قبض دولارات الوالى ويغادر للقاهرة

Quote: ربما فقده الاحمر امام الانجولي .. الحضري يبعثر اوراق الكوكي ويغادر الى القاهرة لمعاودة والدته المريضة اليوم 12:09 AM الخرطوم / اسماعيل مخاوي / يغادر الخرطوم في الساعات القليلة القادمة الحارس عصام الحضري وذلك للاطمئنان علي صحة والدته المتواجدة بالمستشفي والتي قرر الاطباء اجراء عملية حراحية لها غدا او بعد غد واخطر الحضري الجهاز الفني ودائرة الكرة بذلك وسمح له المدير الفني محمد عثمان الكوكي بالسفر من اجل الاطمئنان علي صحة والدته وبهذا تأكد ان الحضري لن يسافر مع بعثة المريخ المغادرة الي انجولا يوم غد متوجهة الي العاصمة الانجولية لواندا لمقابلة ريكرياتيفو لوبوبو الانجولي بطل انجولا في دور الـ16 لبطولة ابطال افريقيا ولم يحدد الحضري فترة اقامته بالعاصمة المصرية القاهرة وهل سيلتحق ببعثة المريخ ام لا ، الا بعد الاطمئنان علي صحة والدته المريضة ومن جانبه قال الحضري انه بدا متأثرا بالحالة الصحية لوالدته حتي لاحظ كل اللاعبين والجهاز الفني ومدرب الحراس هشام السيد الحالة النفسية السيئة التي كان عليها الحضري قبل واثناء المباراة حتى سأله مدرب الحراس الا انه فضل اداء مباراة القمة ومن ثم المغادرة

Quote: انتو زعلانين مالكم؟؟؟

Quote: هسه علاقة العنوان ده بي الكلام الجوة شنو ؟ محبتي يا حبيب

Quote: العميد اغلق هاتفه اليوم 09:23 AM كفر ووتر /موسي مصطفي تخلف كابتن المريخ فيصل العجب عن مرافقة بعثة المريخ التي غادرت في الخامسة والنصف من صباح اليوم الى اديس ومنها الى ساحل انجولا وتفاجأت ادارة النادي بعدم حضور اللاعب في الموعد المحدد وقام مدير الكرة المهندس محمد موسي بالاتصال بكابتن المريخ ووجد هاتفه مغلقا لتضطر البعثة المغادرة بدون اللاعب , كما تخلف ايضا اللاعب احمد الباشا..فيما لم يغادر مع البعثة مباشرة الى اديس الحارس الحضري باذن من الكوكي ليعتمد المريخ على الحارس يس فقط الى حين انضمام الحضري الى البعثة يجدر ذكره ان المريخ قد غادر الى تونس بدون مدرب احمال بعد سفر وسيم الى بلاده بعد انهاء تعاقده امس

Quote: الحضرى يتفنن فى اللعب باادارة المريخ الهشة وعلى مشاعر جماهير المريخ المغلوبة على امرها

Quote: خليكم في صفركم

Quote: انتو حارقاكم دولارات الوالي و الله دروشة لاعبنكم ، تاني ح تغلبوا المريخ دا متين؟

Quote: يبقى التقصير من مجلس إدارة المريخ طالما هو لاعب محترف لازم يكون ملزم بعقد ومن حقهم يجيبوه غصباً عن عين اللي خلفوه _ ( ما لم ) يكون عايز منهم قروش ! حسب معرفتي بالمصريين، عندهم حاجة ممكن يقيفوا فيها معاك ألِف أحمر . قطع الأعناق ولا قطع الأرزاق . الحضري مش قاعد يتدلّع كده _ بإعتبار إنو لاعب عندو تأريخ كويس ؟ خليهم يدوهو قروشو على داير المليم وشوف لو عمل حركات تاني . وحتى لو عمل أي حركة تبقى دي مشكلة إدارية ما عندها علاقة بمشجعين أو جماهير ونحن المريخاب ديل . هسه هيثم مصطفى ده 17 سنة بلعب في الهلال وأيّ كورة غلبنا فيها الهلال كان هو سبب رئيس فيها . وبعد 17 سنة هسه بنشجعوا عادي عشان هو الآن لاعب في فريق المريخ . هسه أنا في لاعبين تلاتة عايزهم في المريخ من جوة قلبي وإنشاء الله بكرة يقولوا الهلاب الأحمر ! المشكلة وين ؟ ولو عشرين لاعب من المريخ مشوا الهلال _ فليذهبوا _ فهم يستبدلون الذي أعز بالذي أذل _ وهم ساهي :)

Quote: سلااااام يا شباب هو ذااااااااااااااتو نحن الحضرى دا جبناهو عشان كدة العقد معاهو كدة يلعب يمشى المطار يسافر القاهرة وتانى مباراة من المطار للاستاد وبالعكس مش لاعبنا وعلى كيفنا؟؟ انتو زعلانين مالكم؟؟؟

Quote: حاجة عجيبة

Quote: تقول شنو بس!! تعرف يا هاشم الجماعة ديل زعلانين لأنو عندهم لاعبين دراويش ، لاعبين قونو باك مع الحضري 90 دقيقة و ما قادرين يجيبوا قون!

Quote: فما لُجـرح ٍ بمـيّتٍ إيلامُ !!

Quote: منعـم يا أصـيل .. كيف حالك والعيال ? شكـراً لك وأنت ترفض الحال المايل لدي إخوتنا المريخاب .. لكنهم راضون في خنوعٍ عجيب .. ربنا يكون في عونهم دعنا نري ما سيحدث لأكرم الهادي بعد أن تذمر جهرة وكذلك الخلوق العجب وربما الباشا كذلك ..!! الحضري يسافر في أي وقتٍ شاء..لا لوائح ولا ضبط إداري ولا يحزنون .. أما هؤلاء المساكين فلهم الله .. غايتو عايز أقول ليك : ريّح بالك ودعهم في الإهانة يتقلبون ! فما لُجـرح ٍ بمـيّتٍ إيلامُ !!