|
|
 اسعار الاراضى الزراعية فى ولاية الخرطوم
|
منذ ان اتجهت الى حرفة الرعى والزراعة رجوعا الى الأصول حيث انها المهنة التى لا يمل احد من ممارستها سواء تربية الحيوان او زراعة النبات ، منذ ذلك الوقت ( مع بدايات العام 2012م ) بدأت البحث فى امكانية تملك ارض زراعية تصلح لزراعة علف الحيوان مع اقامة حظائر للابقار الحلوب .
بالبحث فى مناطق الخرطوم بحرى كانت اسعار الاراضى الزراعية كما يلى:
منطقة شمال بحرى من الكدرو وانت ماشى شمالا سعر الفدان فى بداية العام 2012م بلغ ما بين ستين مليون جنيه (قديم) الى مائة وعشرون مليون جنيه قديم.
منطقة مشروع السليب الفدان فى ذات التاريخ ستين مليون جنيه.
قررت صرف النظر عن الخرطوم بحرى وكذلك لا اتجه نحو الخرطوم
توجهت الى ام درمان حيث مطرى امبدة ووجدت الفدان يتراوح من خمسون مليون جنيه قديم فى اعلى سعر له وعشرون مليون جنيه فى ادنى سعر له .
طبعا من ناحية نظرية وجدوى استثمار تربية الحيوان وزراعة النبات فان اسعار هذه الاراضى تصبح العقبة الكؤود فى الاستثمار الزراعى وادخال الحيوان فيه.
|
|
 
|
|
|
|
|
|
|
 Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
طيب ما العمل ونحن اتورطنا وعملنا مشروع تربية ابقار حلوب
هلّ علينا عام 2013م وقلنا خلاص نستقر فى غرب ام درمان وبالتحديد مطرى امبدة
مشينا نسأل عن خمسة فدان عشان نشترها من ابو عشرين مليون جنيه
المفاجأة كانت انو الفدان اصبح باربعين مليون غيرى مروى يعنى ما فيهو بير (بئر)
اما الفدان المروى يعنى توجد بئر يطلع معاك بستيم مليون جنيه
يعنى الخمسة فدان بكم ؟ 300 مليون جنيه
اما الفدان الغير مروى يطلع سعر الخمسة فدان 200مليةن جنيه وتحفر بئر وملحقاتها 85 مليةن جنيه
يعنى نحن نطير ؟
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
قمنا طرنا
وقلنا نشوف وزرارة الزراعة ولاية الخرطوم
والله مشيت قنعان
وعملت طلب للسيد / الوزير
الوزير كان فى زيارة خارج السودان
التقيت بمدير مكتبه
شاب ممتاز
استمع الى حديثى باهتمام شديد وعندما قمت بفتح الاستديو فى الموبايل وراى صور الابقار الحلوب واننى مستأجر الحظيرة ، رد على باننى استحق ان امنح ارض زراعية امارس فيها الاستثمار الزراعى ( العلف) والحيوانى ( تربية الابقار الحلوب) .
انتهى اللقاء باستلام الطلب والوعد بعرضه على السيد / الوزير بعد عودته.
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
وبعد ثلاثة اسابيع ذهبت الى مكتب الوزير
واخبرنى مدير مكتبه بخبر سعيد
لقد صدق السيد/ الوزير على طلبى بقطعة ارض زراعية
وتم تحويل الطلب الى الوحدة الاستثمارية
ذهبت الى الوحدة الاستثمارية ووجدت طلبى مصدق من الوزير بمنحى قطعة ارض زراعية استثمارية
الآن ننتظر اجراءات الوحدة الاستثمارية
والله دى لو صدقت قروش الارض طوالى تدخل فى شراء المزيد من الابقار الحلوب
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
سلام يا استاذ صلاح
انا متابع لبوستاتك السابقة
وقبل كده انا بحلم بى أرض زراعية وفي بالى على طول
بالنسبة للتكلفة في حدود 300 -350 مليون ما عندي مشكلة ،،، بس هل الارض الزراعية مجدية كأستثمار زراعي حالياً؟
الموضوع بالنسبة لى هواية وحباً في الزراعة والرعي ! ،،، بس طبعا ما ممكن الواحد يستثمر في موضوع خسران !
انا لي سنتين متردد وربما بسبب ظروف العمل خارج السودان
| |
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: أيمن محمود)
|
شكرا للاخ ايمن
Quote: سلام يا استاذ صلاح
انا متابع لبوستاتك السابقة
وقبل كده انا بحلم بى أرض زراعية وفي بالى على طول
بالنسبة للتكلفة في حدود 300 -350 مليون ما عندي مشكلة ،،، بس هل الارض الزراعية مجدية كأستثمار زراعي حالياً؟
الموضوع بالنسبة لى هواية وحباً في الزراعة والرعي ! ،،، بس طبعا ما ممكن الواحد يستثمر في موضوع خسران !
انا لي سنتين متردد وربما بسبب ظروف العمل خارج السودان |
الاستثمار الزراعة حاليا مربح جدا ما فى كلام
لكن المشكلة الارض غالية وما بتستاهل المبلغ دا كلو
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: محمد المسلمي)
|
شكرا للاخ المسلمى
الاخ ايمن
تكلفة زراعة 10 فدان ابوسبعين حوالى 12 مليون جنيه بالقديم يعنى 12000 جنيه
اليوم نحن بنفتش للفدان بسعر 3 مليون ( 3000 جنيه) ما لاقين
يعنى ياحبيبى 10 فدان فى 3000 جنيه تساوى 30 الف جنيه تطرح التكلفة 12 الف يكون ربحك الصافى 18 الف جنيه كل ثلاثة اشهر ماعدا الاشهر التى تلى الخريف مكسبك حيكون ما بين 7 الف الى 8 الف جنيه
يعنى الطماطم برضو ماساهلة والخيار بس ديل بالبيوت المحمية
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: محمد المسلمي)
|
السلام عليكم جميعا
انا كنت سنة 2011 قريب من موضوع الاراضي الزراعية دي
واوريك حيقولوليك شنو ناس المساحة بعد تودي ليهم تصديق الوزير
حيقولوا ليك مافي حاليا اراضي متاحة ...خلي طلبك هنا وراجعنا بعد فترة
ولا يدوك مقترح في وادي سوبا...وعارف مشروع وادي سوباي دا وين؟ اخر الدنيا في شرق النيل...يمكن يكون من سنتر الخرطوم 70 او 80 كيلومتر ومرات اكتر
او يدوك في غرب امدرمان...على امتدادات طريق شريان الشمال....انا السنة الفاتت خليتهم وصلو الكيلو 120 من طريق الشريان...وطبعا بعد دا ما بكون قريب من طريق الشريان ...بكون شرقو او غربو ب5-10 كيلومترات
المهم يا اخ صلاح عندي جماعة عندهم اراضي 10 فدان وهم قريب 5 انفار كلو زول 10 فدان....في الكيلو 19 شريان الشمال....شفت قهوة الحميدى؟ قصادها بس شرق الشارع ب4 كيلومتر تقريبا...الفدان وصل كم في الحتة ديك؟
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: محمد المسلمي)
|
شكرا الاخ محمد المسلمى
لكن والله وسام ابن السودان البار بالجد يستحقونه اناس عمروا الصحراء - طريق شريان الشمال
لقد ذهبت بدعوة كريمة من الاخ صلاح القوصى لزيارة مزرعتهم التى تقع على الكيلو 35 فى طريق شريان الشمال - قوز ابو ضلوع - كانت منطقة جرداء تكسوها الرمال والقيزان الرملية والصخور ، فتحولت بعزيمة الانسان الى واحة خضراء تضم عشرات المئات من الاشجار المثمرة - النخيل والجوافة والليمون والقريب فروت والنبق الفارسى والبرتقال والفراولة ، كما تضم مزارع الابقار والضأن .
جلست فى الاستراحة اتجاذب مع بعض الضيوف الحديث فقلت لو ان صلاح قام بتصوير هذه المنطقة منذ بداية استلامه للارض وواصل حتى يومنا هذا لمنحته الامم المتحدة عبر منظماتها البيئية ومنظمات مكافحة التصحر لمنحوه جائزة تقديرية واستأذنوه ليكون مشروعه نموزج عالمى لتحويل الصحراء الى ارض منتجة.
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ الطاهلا عثمان
لك التحية
Quote: بسال عن سعر 5 فدان (غير مروية) في مشروع سندس مخطط الرياحين قريب جدا من زلط جبل اولياء وقبل مستشفى الامل بشوية
وبسال برضو عن تكلفة البئر الارتوازية |
والله انت سعيد غايتو كان ملكك بس نقول ليك مبروووووك
انت وين الناس هناك عملت مزارع واستراحات ترفيهية تجيب قروش زى التراب ، زمان كنا نمشى رحلات وستأذن اصحاب المزارع ، الان ما فى كلام زى دا تستأجر باليوم وكمان لازم تحجز قبل فترة ، بعدين يظهر عليك ما مشيت قريب دا الى هذه المنطقة . اما السعر فانا لن اكذب عليك فليس لدى خبرة فى هذه المنطقة ولكن سألت والاجابة كانت الفدان فى حدود خمسون الف جنيه يعنى 50 مليون جنيه بلغتنا.
البئر تكلف 35 الف جنيه حفر ومواسير حماية ، كمان ممكن تضيف عليها نفس الرقم عشان مواسير الموية والطلمبة الغاطسة والكيبل والوابور. يعنى فى غرب امدرمان البئر كاملة تكلف 70 الى 85 الف جنيه.
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الف شكر يا صلاح
ننتظر الكهرباء قالوا قريب حتصل المكان ده لكن حفر البئر غالي شديد
سالته قبل كده عن حفر الابار بالطريقة الجديدة بتاعة السوريين - ما عارف اسمها شنو - فما نصحو بيها الناس قالوا مرات بتقفل
الزراعة وتعمير الارض بيصرف كتير والناس الي بيدخلوا المجال ده هم بيكونوا هواة في المقام الاول
لكن من ناحية تجارية ما تصرفه علي تعمير ارض وزراعتها لو اشتريت بيه ارض حتلقاها طارت السماء
يعني مثلا دعوة القوصي التي ذكرتها في قوز ابو ضلوع ... ما سالتو صرف كم علي الارض دي
باي حال نتابع معاك ونتمنى ان ينصلح الحال وتتجه الدولة لدعم الزراعة
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ احمد سيد احمد
تحياتى
مالك قطعت نفسى الكيلو 120 إلا يدونى الف فدان
انا عاوز حواشة عشرة الى عشرين فدان تصلح لتربية الابقار الحلوب وزراعة بعض العلف.
امشى الكيلو 120 ابيع اللبن لمنو؟
| Quote: المهم يا اخ صلاح عندي جماعة عندهم اراضي 10 فدان وهم قريب 5 انفار كلو زول 10 فدان....في الكيلو 19 شريان الشمال....شفت قهوة الحميدى؟ قصادها بس شرق الشارع ب4 كيلومتر تقريبا...الفدان وصل كم في الحتة ديك؟ |
كدا الكلام دخل الحوش ، الفدان فى هذه المنطقة يقال اذا كان يفع على الظلط وطبعا الكهربا متوفرة سعر الفدان يصل عشرون الف جنيه واحيانا خمسون الف جنيه
اما اذا كان غرب او شرق الظلط بعدد من الكيلو مترات فالفدان لن يتجاوز 3 الف الى 5 الف جنيه.
معلومة هامة
هذه المنطقة تم تخطيط مدينة كاملة فيها ( تعويضات سوبا) . يعنى الاسعار حتطير السما
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
سلام لصاحب البوست وضيوفه
وفقك الله و الجميع في مشاريعهم
الحقيقة كان لدي حلم قديم بان الج مجال الزراعة لا لقناعتي بجدوى الاستثمار الزراعي فقط و انما كهواية ايضا
توكلت على الله و قمت بشراكة في مساحة لا تزيد عن الثلاثة افدنة بولاية نهر النيل ، الحمد لله نسبة النجاح لم
تكن متوقعة ابدا فالعائد من تلك الزراعة في اربعة شهور فقط ستة مرات ونصف بالنسبة للرأس المال .
قناعتي التامة في الاجنحة المناسبة لنهضة الاقتصاد السوداني تكمن في الزراعة
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: الشاذلي عجب)
|
سلام يا صلاح أخوي و تحيات طيبة
ياخ اخوي الصغير جنو اراضي زراعية قام اشترى 80 فدان غرب أم درمان وحفر فيها ارتوازية
و اهو شبكه ليك أبو سبعين و فول و بصل و موز و قريب و قصص كدا (الكلام دا من شهر) اها
لما لقيت البوست بتاعك دا قلته كدي النشورك رايك شنو في قصة محمد دي؟
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: سفيان بشير نابرى)
|
Quote: ياخ اخوي الصغير جنو اراضي زراعية قام اشترى 80 فدان غرب أم درمان وحفر فيها ارتوازية
و اهو شبكه ليك أبو سبعين و فول و بصل و موز و قريب و قصص كدا (الكلام دا من شهر) اها
لما لقيت البوست بتاعك دا قلته كدي النشورك رايك شنو في قصة محمد دي؟ |
والله أخـوك ده أعقـل زول وما شاء الله علي تفكيرو
لأنو سـوق العلف في العاصمة المثلثة وضواحيها حار
عديل كـدة ... أها خليهو يشوف ليهو كم نعجة وفحلين
تلاتة كدة وربنا يجعل البركة .. مع تحياتي يا سفيان
-----------
الأخ نزلاوي سلام
والله تجربتك تستحق الإعجاب
دعواتي لك بالتوفيق
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
Quote:
الاخ احمد سيد احمد
تحياتى
مالك قطعت نفسى الكيلو 120 إلا يدونى الف فدان
انا عاوز حواشة عشرة الى عشرين فدان تصلح لتربية الابقار الحلوب وزراعة بعض العلف.
امشى الكيلو 120 ابيع اللبن لمنو؟
|
مرحبا اخونا صلاح...والله ان شاء الله يارب تلقى في القريب وخلينا نتفاءل عشان ما نقطع نفسك
Quote:
كدا الكلام دخل الحوش ، الفدان فى هذه المنطقة يقال اذا كان يفع على الظلط وطبعا الكهربا متوفرة سعر الفدان يصل عشرون الف جنيه واحيانا خمسون الف جنيه
اما اذا كان غرب او شرق الظلط بعدد من الكيلو مترات فالفدان لن يتجاوز 3 الف الى 5 الف جنيه.
معلومة هامة
هذه المنطقة تم تخطيط مدينة كاملة فيها ( تعويضات سوبا) . يعنى الاسعار حتطير السما
|
بالنسبة لقطع جماعتي ديل هي في مطري الاحامدة وهي تقع شمال غرب مدينة الفتح 2 بتقريبا 10-8 كيلومتر وفعلا سمعت انو في حاجة اسمها المدينة المحورية حتكون في الحتة دي
المهم انا عملتليك اسكرين كابشر من ويكيمابيا وانا اصلا عندي احداثيات احد اركان واحدة من ال10 فدان دي...النقطة الحمرا هي بالضبط ركن الاحداثيات المقصود...والتفاصيل المكتوبة نقلتها من ويكيمابيا
هنا الصورة............بالله نورنا عن الاسعار في الموقع دا وجزاك الله خير
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: احمد سيد احمد)
|
سلام استاذ صلاح الدين
اكيد انت صلاح لاقتصاد البلد البكر السودان. ومعجب بافكارك ومعجب اكتر
بطريقه ايجادك للحل البديل. ربنا يوسع مداركك ويجعل البركه في رزقك
ويحميك من العين.
Quote: قمنا طرنا
وقلنا نشوف وزرارة الزراعة ولاية الخرطوم
والله مشيت قنعان |
لا اخفيك رغم فرحتي بتوفيقك الا ان الحسره تملى قلبي للطريقه البفكر بيها من يدير
اقتصاد البلد. يعني انت كاانسان ناجح بكل ماتعني الكلمه وبعد كل مجهودك مافكرت
الدوله تفرش ليك الارض دهب لانك انت ومن يفكر بطريقتك دهب للدوله. ومشكور الوزير
القدرمايفرط فيك ومنحك الارض الزراعيه بعد ان طرت اليه. والمفروض كان الدوله هي من يفتح
الفرص . اضرب لك مثال عن حالي في دوله اقتصادها متين رغم انها لاتملك شئ يجعلها تكون
كذلك بس طول نظرها وادارة امورها هي سبب نجاحها.
بديت في شهر 10/2012 كورس شكولاته ومخابز ومعجنات . اولا تدفع الدوله مايعادل 75% من
مرتبي . وادرس مع الكورس كل مايتعلق باقامة مشروع صغير من قانون ومحاسبه وتسويق
امن وغيره وفي خلال هذه الفتره تغريني الدوله بكل السبل حتى اكون نواه لاقتصاد البلد.
من خلالك اناشد بان تسعى الدوله للاهتمام باصحاب المشاريع الصغيره ودعمهم.
ربنا يوفقك
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: Haytham Ghaly)
|
تحياتى للجميع
اسف لأنشغالى فى العمل
الاخ الطاهر عثمان
Quote: يعني مثلا دعوة القوصي التي ذكرتها في قوز ابو ضلوع ... ما سالتو صرف كم علي الارض دي
باي حال نتابع معاك ونتمنى ان ينصلح الحال وتتجه الدولة لدعم الزراعة |
الاخ صلاح القوصى انفق حوالى 3.2 مليون دولار فى هذه المزرعة
فهو فعلا محب للزراعة ويستمتع بهذا المشروع ، ولكن ليس معنى هذا ان هذا المشروع غير مربح بالعكس مشروع ممتاز وكلع اشجار مثمرة .
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ سفيان
تحياتى
Quote: ياخ اخوي الصغير جنو اراضي زراعية قام اشترى 80 فدان غرب أم درمان وحفر فيها ارتوازية
و اهو شبكه ليك أبو سبعين و فول و بصل و موز و قريب و قصص كدا (الكلام دا من شهر) اها
لما لقيت البوست بتاعك دا قلته كدي النشورك رايك شنو في قصة محمد دي؟ |
هذا تفكير ممتاز ، زراعة العلف كما ذكر الاخوة مربحة جدا جدا
البصل فقط اليوم سعر الربع 26 جنيه ( فى السابق 4 جنيه)
الموز الكيلو 2.5 جنيه فى السابق 0.5 جنيه الى 1 جنيه
اما الموالح - قريب - ليمون + جوافة + نخيل فهو استثما يتطلب الصبر الى خمسة سنوات .
مطلوب من اخوك زراعة البرسيم
ومطلوب ايضا ادخال الحيوان فى الدورة الزراعية ( الضأن)
ضرورى جدا
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ احمد سيد احمد
تحياتى
Quote: المهم انا عملتليك اسكرين كابشر من ويكيمابيا وانا اصلا عندي احداثيات احد اركان واحدة من ال10 فدان دي...النقطة الحمرا هي بالضبط ركن الاحداثيات المقصود...والتفاصيل المكتوبة نقلتها من ويكيمابيا
هنا الصورة............بالله نورنا عن الاسعار في الموقع دا وجزاك الله خير
|
هذا الموقع قريب من طريق شريان الشمال ، وتقريبا عند الكيلو 19 و 20
المنطقة ممتازة لقربها من المواقع السكتية
اعتقد ان تعويضات سوبا بالقرب منها
السعر الحالى 15 الف جنيه للفدان حسب رواية احد اصحاب المشاريع فى المنطقة ، السعر على اساس وجود بئر لكل 20 فدان
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ ادم
تحياتى
| Quote: اخي صلاح الاراضي الزراعية الذي اعنيها تبعد عن سوق ليبيا 19 كيلو على طريق شريان الشمال |
الذى اعلمه جيدا ان المشاريع فى هذه المنطقة قد تم توزيعها وتسليمها لأصحابها ، حاليا التوزيع وصل الى مسافات بعيدة تجاوزت القبولاب.
مواقع الاراضى هى شرق وغرب طريق شريان الشمال .
الحظ عامل اساسى فى الحصول على ارض مجاورة للطريق وكلما كانت الارض مجاورة للطريق كلما كان سعرها اغلى ، طبعا قد تكون بعض الاراضى على بعد 20 كيلو شرق او غرب الظلط
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
الاخ هيثم غالى
تحياتى
Quote: الاخ صلاح تحياتي
ياخي عايز اسأل عن زراعة البرسيم بغرض التصدير
يعني لو عندك معلومات اي معلومات عن المسألة دي
ارجو افادتي بها ولك كل الشكر والتقدير
وتحياتي تاني |
زراعة البرسيم هنالك من سبقك عليها ، حيث توجد مشاريع انتجت البرسيم للصادر ، انا يوميا اشاهد الشاحنات وهى محملة بالبرسيم المحزوم الجاف بالقرب من محطة بشائر للوقود بالقرب من المستشفى المغلق بامبدة.
طبعا المشروع ناجح 100%
لكن الاستثمار الصغير لا ينفع للصادر
عليك بمشروع الف فدان فاكثر واستخدام الرى المحورى.
موقع المشروع ليس مهم سواء كان بعيدا او قريبا
هنالك عدد من المشاريع زرتها حتى الكيلو 112 على طريق شريان الشمال منها مشروع مملوك لوزارة الزراعة الاتحادية
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
بالمناسبة فى منطقة غرب ام درمان وعلى طريق شريان الشمال توجد مشاريع انتاج الدواجن
مشروع امات للدواجن وهو مشروع كبير لانتاج الكتاكيت وليهم توسعة شرق الظلط لانتاج الدواجن اللاحم
مشروع ماثيو للدواجن
مشروع البرارى للدواجن
مزارع الكنيسة
وهى مشاريع ناجحة 100%
طبعا يمكن للشخص الاستفادة من البنية الاساسية لهذه المشاريع ( لديهم مصانع اعلاف ومسالخ)
اذا كان لديك عشرة فدان فيمكنك اقامة ثلاثة حظائر فى جزء منها سعة الحظيرة 30 الف فرخة وتقوم بشراء العلف والمركزات من هذه المشاريع وايضا يمكنك استخدام المذابح.
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: صلاح الدين نزلاوى)
|
Quote: زراعة البرسيم هنالك من سبقك عليها ، حيث توجد مشاريع انتجت البرسيم للصادر ، انا يوميا اشاهد الشاحنات وهى محملة بالبرسيم المحزوم الجاف بالقرب من محطة بشائر للوقود بالقرب من المستشفى المغلق بامبدة.
طبعا المشروع ناجح 100%
لكن الاستثمار الصغير لا ينفع للصادر
عليك بمشروع الف فدان فاكثر واستخدام الرى المحورى.
موقع المشروع ليس مهم سواء كان بعيدا او قريبا
هنالك عدد من المشاريع زرتها حتى الكيلو 112 على طريق شريان الشمال منها مشروع مملوك لوزارة الزراعة الاتحادية |
الاخ صلاح تحياتي
شكرا جزيلاً على الرد
بالنسبة للارض موجودة الالف فدان ولكنها تقع جنوب مدينة مروي بحوالي 16 كيلو
السؤال هو مسألة الري المحوري دي كيف والوحدة اي وحدة الري المحوري الواحدة بتسقي كم فدان؟؟
الشي التاني ضغط البرسيم بتم بطريقة الية طبعاً هل توجد الات ضغط بالاجرة ام الا اشتري وكم يبلغ سعر المكينة؟
ولو تكرمت كمان ووريتني شركة بتشتغل في المجال دا تكون كملت جميلك وجزاك الله عنا كل خير
تحياتي
| |
|
|
|
|
|
|
|
|
|
Re: اسعار الاراضى الزراعية فى ولاية الخرطوم (Re: Haytham Ghaly)
|
الاخ صلاح نستأذنك في رفع مشاركات الاخوة في الفيس بوك
Baka Alasmar · مندوب مبيعات في جدة
عزيزي صاحب البوست ....سلام
ارجو اذا عندك بعض المعلومات عن مشروع السليت مدنا بها
انا معروضة لي 8 فدان ب 400 مليون , اكمل ولا انمل ؟
رد · 1 · · 19 مارس، الساعة 09:40 صباحاً
Modthier Hassan · Business school
الاستاذ صلاح الدين نزلاوى السلام عليكم ورحمه الله حقيقه انا متابع بوستاتك واحييك على نقل تجربتك حتى تعم الفائده كما قال الرسول صلى الله عليه وسلم خيركم من خيره لاهله اثابك الله اجرا ووسع فى رزقك لدى اقتراح عسى ولعل يجد القبول من متابعيين سودانيز اون لاين لعمل شركه مساهمه براس مال يساهم فيه جميع المقتنعيين بجدوى المشروع وقد تابعت كيف تطورت المراعى والصافى ونادك فى السعوديه واصبحت شركات تغزو السوق الخليجى ولديه اسهم فى بورصات عالميه حيث بدات براس مال 5 مليون ريال والان لديها اكثر من 20 مليار ريال فى ظرف 10 سنوات ولديها مساهميين تصلهم ارباحهم سنويا وقد خدمت المملكه فى توظيف 20% من السعوديين والباقى اجانب ونجن الحمد لله ممكن 100 % سودانيه الان شركات الالبان قليله فى السودان واذا توظف جزء من مال الماهجريين بامكانه احداث نقله نوعيه فى صناعة الالبان ومشتقتاتها والعلف وغيره مع تحياتى
رد · 1 · · 20 مارس، الساعة 07:07 صباحاً
Omar Abudullah
كامل التقدير والشكر للأخ صلاح نزلاوى على المعلومات القيمة التي يتيحها لنا باستمرار من خلال تجاربه المتفردة علاوة على شهامته التي لمستها خلال اتصالي الهاتفي به على الرغم من عدم معرفته المسبقة بي. أكرر شكري وتقديري
| |
|
|
|
|
|
|
| |
صلاح الدين نزلاوى
أيمن محمود
محمد المسلمي
احمد سيد احمد
الطاهر عثمان
سفيان بشير نابرى
Abd Alla Elhabib
عمر نملة
ادم شحوتاي
محمد احمد القاضي
محمد هاشم ابوزيد
قسم الفضيل مضوي محمد
فيس بوك
تويتر
انستقرام
يوتيوب
بنتيريست