|
|
 جرائم دخيلة على المجتمع السوداني سببها المغتربون
|
ورد هذا في قناة فضائية سودانية لا أذكر اسمها، لكنها من القنوات السودانية
التي تطل من شاشاتها نسوة يتحدثن عن كل شيء ويعرفن أسباب كل شيء.
المقدمة تخاطب ضيفها بلقب لواء، وتسأله عن أسباب ظهور الجرائم
الدخيلة على المجتمع السوداني، والضيف يجيبها:
المغتربون والطلاب الذين يدرسون بالخارج.
|
|
 
|
|
|
|
|
|
|
 Re: جرائم دخيلة على المجتمع السوداني سببها المغتربون (Re: عبداللطيف خليل محمد على)
|
المغتربون: فئة من المجتمع السوداني خرجت من السودان في وقت كان السودان فيه بخير ... خرجوا وهم يحملون القيم السودانية الجميلة. وحافظوا عليها في وقت تغير فيه السودان.
أبناء المغتربين: فئة تمت تربيتها على يد المذكورين أعلاه ...
الطلاب الدارسين بالخارج: احتكوا بالعالم وتعلموا منه العديد من الأشياء الجميلة وغير الجميلة. لكن في النهاية يبقى كل واحد منهم مرتبطاً بمعدنه.
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: خالد عبدالوهاب)
|
كلام غير صحيح نحن الان كمغتربين نندهش للحال المتردي من الانفلات الاخلاقي الموجود داخل السودان حتى اطفالنا اصبحنا نخاف أن يذهبوا في الاجازات وكل يوم نسمع بالاختطاف والاغتصاب أغلبية المغتربين في دول المهجر لديهم حوالي العشرين سنة او أكثر عندما يعودوا في الاجازات يتفاجاءوا بالذي يحدث في السودان ويعودوا وهم في اشد الاندهاش والكل لديهم كلمة واحدة الناس تغيرت والبلد تغيرت.
| |
|
|
|
|
|
|
|
|
 Re: جرائم دخيلة على المجتمع السوداني سببها المغتربون (Re: عمر ابراهيم الخضر)
|
الدكتور ومتداخليه الاكارم
تحية طيبة ,,,
عبد اللطيف خليل
| Quote: و القول ما قال الخطيب .. |
والمستغرب ليهو الناس ديل كان عندهم أكليشيه جاهز ومكرر في كل الصحف
والقنوات لما يتناولوا الموضوع ده ( تواجد الاجانب غير المنضبط ) ما عارف
الزول ده طلع من التحليل المتداول ده ليه ...
محمد الشيخ
Quote: على العموم ياعبد الناصر حجزنا العروسة للعريس الفي البروفايل دا ايه رأيك؟
قلنا نستثمر بوستات الحبشي وكدى |
عديلة ...
تحياتي
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
Quote: سعادة اللواء ذكر من أمثلة هذه الجرائم الدخيلة :
جريمة السلب . وعلى حد زعمه في السابق كانت هنالك جرائم السرقة بلا عنف
أو نهب. |
(لواء) عدييييييل كده ولابس في كتفو (تاج ومقص) !!!
طيب سيادتو ده عندو التقارير الجنائي السنوي الذي تصدره ادارة المباحث
الجنائية المركزية كدي يورينا كلامو ده جاء في صفحة كم من التقرير !!!!!!!!!!!!
| |
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
| Quote: التي تطل من شاشاتها نسوة يتحدثن عن كل شيء ويعرفن أسباب كل شيء. |
ههههههههههههههههه يا حبشى حلوة دى ... حلووووووة وملعوبة ...
يضحك صباحك ... غايتو انا عجبتنى ضحكتااااا بالصوت العالى ...
لما انت تستغرب ذاتو هن مستضيفات الضيف لى شنو ؟؟؟
ــــــــــــــــــــــــــــــــ
كامل تضامننا مع المغتربين وابناءهم !
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
سلام ومحبة للجميع
Quote: المقدمة تخاطب ضيفها بلقب لواء، وتسأله عن أسباب ظهور الجرائم
الدخيلة على المجتمع السوداني، والضيف يجيبها:
المغتربون والطلاب الذين يدرسون بالخارج. |
الكلام ده عن دراسة وإحصائية أم خبط عشواء؟؟
مع أن المغتربين والدارسين بالخارج فيهم الصالح والطالح وليسوا ملائكة أتمنى ألا يكون المغتربون والدارسون بالخرج شماعة تعلق عليها السلطات الأمنية فشلها في حفظ الأمن والاستقرار،
وهل عصابة النهب المشهورة بالنقرز من المغتربين والدارسين بالخارج؟؟!! قولوا كلام يدخل العقل ياخ
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: عمار عبدالله عبدالرحمن)
|
جنابو عمر عثمان
عمرك طويل
اول ما بديت اقرا في البوست قلت ما لها الا جنابو وفعليت لقيت مداخلتك
يعني هسي المذيعة وضيوفها البهزوا في راسهم مؤكدين وباصميت على التهمة دي عندهم احصائيات؟
اتحداهم يجو يورونا حالة واحدة بس يقول لينا المغترب الفلاني داك او ولده تلب في بيت ناس او هدد ليهو زول بمسدس ونهبو؟
Quote: لمغتربين فعلا سبب في الجرائم البتحصل في السودان
لأنهم بحسن ظنهم في الشعب السوداني
ما بيعلموا حسابهم شديد
عشان كده بيكونوا صيدا سهلا لجيوش المحتالين المستوطنة في السودان |
في الاجازة يا جعفر شفت السوق حركته واقفة والناس شبه عطالة، سالت واحد قلت ليهو السوق دا واقف ومحل ما تعاين مواصلات مليانة ماشة جاية، الناس دس ماشة وين؟
قال لي : ديل قايمين كل واحد ماشي ينصب على التاني
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Rihab Khalifa)
|
عمر عثمان و خالد عبدالوهاب
Quote: قولك صاح يا خالد هو بالضبط (صقر الجديان)
لكن مرات بقولو عليهو (تاج)
تحياتي وتقديري ... |
كان تاج لغاية التغييرات العملها نميري في العام 1969
فصار صقر ، حمانا الله
راجع صور ناس 17 نوفمبر ، عمك عبود ورفاقه
وشوف اللواءات الخواض وحمد النيل ضيف الله
كلهم كانوا ( تاج) حمد
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Rihab Khalifa)
|
سلام...
أنصحهم بإغلاق المغتربين (هيئة شؤون السودانيين العاملين بالخارج) - وحظر المغتربين من الدخول الى السودان ...
وعلى الأهل تقبل تحويلاتهم عبر البنوك بالعملة المحلية بعد نهب نصفها من قبل الدولة وسياساتها التي أدت لافقار المغتربين وأبنائهم وولوجهم عالم الجريمة ...
؟؟؟؟؟
السودان في نظري السودان الجديد (الذي اتت به اتفاقية نيفاشا) وهذا يضم النطيحة وما أكل السبع وبغاث الطير ممن يقيم بداخله في الدولتين
والسودان القديم وهو كم المغتربين في أرض المهجر الذين يتحلون بالقيم والأصالة والكرم والامانة متمنياً أن يرجعوا للسودان لينصلح حاله ...
كل صباح حالة 9 ولادة سفاح واغتصاب للاطفال في تنامي ويقول ليك جرائم دخيلة ..
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: شمس الدين التوم)
|
يستاهلو اهل المهاجر عشان بيخلوا البلح الإيراني والتونسي المغرطس
والمصندق المابنفرس من الشوكلاته والكيك المشكلت الصندوقوا زي
صندوق الاي فون ويمشو يستوردوا البلح البكسر السنون الفيهو تراب
ويخلو التمباك الامريكي والسويدي ويسفوا العماري..
يستاهلوا عشان عيالهم بيخلوا اولاد عمهم والجيران وبيصاحبوا عيال
الخدامة وعيال الخفير بتاع البيت.
واحد صحبي ودا بتو تدرس مع قرايبو كورس تدريبي متخصص بعد
تخرجها في المجال المحدد .. البت جات مستغربة انو الناس ديك من الفظاظة
لدرجة انو ما بيقولوا لبتاع الشاي لما يجيبوا ليهم ثانك يو.. طبعا خلت الكورس
وجات طايرة لما قال المدير يعني المتدربين ديل ما بالضرورة يفهموا وما تشغلي
نفسك اكتر من اللازم ... هم زاتم الكورس والشهادة عندهم اهم من مادة الدرس
زولتك جات طايرة في حالة زهول وكفرت بالسودان والسودانيين والشايفو أنا
ماشة ليها علي خواجة راسو عديل.......
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: GAAFER ALI)
|
العزيز عبد الناصر
وعليكم السلام
Quote: ما حنغالط القناة المذيعاته بفهموا في كل حاجة
بس البنعرفوا المغتربون + الطلاب البدرسوا بره ديل
حاليا هم البندهشو من الجرائم البسمعوا بيها بتحصل في السودان |
أعتقد أن أنماط الجرائم تتغير وتتطور بتغير أنماط الحياة وتطورها وهذا أمر متوقع!
لكن إلى أي مدى يختلف تطور طبيعة الجريمة في السودان المعاصر عن طبيعة الجريمة في السودان
(السابق*)أو عن تطور الجريمة في محيطنا الإقليمي والدولي؟
هذا هو السؤال .
________
*؟؟؟؟؟؟
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
الأخ علي حامد
تحياتي
آخرتا تقترح نرجع السجن (:
-----------------
الأخ الصادق
تحياتي
بعض كلامك أعوج
لا يحتاج المجرم أن يكون لقيطا
ولا اللقيط مذنب لكونه لقيطا.
-------------------
الأخ محمد عبدالقادر ضرار
وعليكم السلام ورحمة الله
تعليقك أعجبني
--------------------
الأخ والأستاذ زين العابدين
تحياتي
لم يكن بالزي الرسمي
لكن المقدمة كانت تخاطبه باللواء
-------------------
Siddiga Sherif
تحياتي
فرضياتك تقبل الخطأ والصواب
شكرا
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: showgi idriss)
|
| Quote: جرائم دخيلة على المجتمع السوداني سببها المغتربون |
بسيطة: السودان ثالث دولة في قائمة الدول الأكثر فسادا. وسبق أن قال
العبدلله ( حماد الطاهر)، بأن سبب تعميم هذا الفساد يوم فسدت الشرطة.
وأكيد ( سعادته) هذا من الشرطة، طيب، طالما( المغتربون) هم سبب تلك
الجرائم الدخيلة، فلتفق مع ( سعادتو) وليسمح لي بتمثيل (المغتربون)
وليكن الإتفاق بأن يكون السودان لنا (كمغتربين) سنة، ولهم (هم) غير
(المغتربون)، وفي السنة التي تخصنا سنترك مهاجرنا ونصلح لهم البلد،
وفي السنة التي تخصهم فليقفلوا عليهم الحدود ليعرفوا حجم فسادهم...
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
قارنو بين الشباب اللي من جيل الانقاذ واخدو تاشيرات
وطلعو برا السودان للسعودية ولا مصر ولا اي دولة
وبين اولاد المغتربين .. قسم بالله اللي جايين من السودان
ينافسو اعتي مجرمي ومروجي المخدرات في الارجنتين
والبرازيل وكوستاريكا .
معروف الكيزان بيرموا غلطاتم المنيلة علي غيرم ..
مساكين المغتربين واولادم .
اي سليمان ازيك
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: منتصر صلاح)
|
تحياتي للجميع
يبدو أن التجاوب مع هذا الخيط جيد.
كنت أدرس بعض المقررات في الكتابة والتحرير الفني
ومهارات البحث العلمي والتفكير النقدي للطلاب والطالبات
بالمرحلة الجامعية. وكنت أبدأ حوارات حفز التفكير النقدي بالسؤال البسيط التالي:
لماذا يشجع أكثر من 90% من السعوديين فريق النصر الرياضي
--------------------------------------
| Quote: فمن الملاحظ أن أغلبية الشماليين الذين يعملون في أقطار عربية مختلفة يتبنون لهجات البلدان التي يجدون أنفسهم فيها. وحتى عندما يعودون إلى السودان، يكون الاحتمال كبيراً، أن تصبح هذه اللهجات، أو على الأقل بعض كلماتها وعباراتها، جزء من الذخيرة ا للغوية للشخص المعين |
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
قلت كنت وكنت أبدأ حوارات حفز التفكير النقدي بالسؤال البسيط التالي:
لماذا يشجع أكثر من 90% من السعوديين فريق النصر الرياضي ؟
ما هي الأسباب ؟
وهو سؤال بسيط في ظاهره وكنت أقصد به التمهيد لمناقشة قضايا أكثر تعقيدا
في مجال المعلوماتية الاجتماعية: مثلاً الآثار الاجتماعية لشبكات التواصل الاجتماعي.
هذا السؤال الجزافي كان يجعل الدهشة تعلو وجوه بعض الطلاب ووجوه آخرين تعلوها السخرية
وبعض آخر منقسم بين التبسم والانفجار ضحكا !
ثم بعدها نناقش القضايا محل الدراسة بالأمثلة والاستشهاد من الإعلام، فنقارن* بين
سؤالي الفطير عن أسباب شعبية نادي النصر عالية النسبة وبين مقال فطير يحدد بمجانية مطلقة
أسباب ظاهرة اجتماعية أو رياضية أو ثقافية بلا أي برهان أو دليل!
فيتضح للطلاب مقصدي بأنه لا يجوز الانطلاق من فرضيات خاطئة للتناول العلمي
كما أنه لا يجوز إطلاق الأحكام جزافا في مثل هذه القضايا، وبعدها يمكن لبعضهم أن يرى
أن المقال (المستنير)الفطير ليس بأفضل من سؤالي الفطير.
_____________________________
*وإني لأجد مناقشة هذه المقارنة شاقة ومرهقة بحق
مثل مناقشة المقارنة بين كلام سعادة اللواء موضوع هذا البوست
وبين كلام سعادة الدكتور الباقر عفيف عن أزمة الهوية وكنت قد تناولته
سابقا في أكثر من بوست!
وإنها لفرصة الآن لتجشم مشقة جديدة للمقارنة
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
يقول سعادة اللواء إن الجرائم الدخيلة على المجتمع مثل النهب والغصب سببها
المغتربون والطلاب الذين يدرسون بالخارج.
ويقول سعادة الدكتور الباقر عفيف:
Quote: فمن الملاحظ أن أغلبية الشماليين الذين يعملون في أقطار عربية مختلفة يتبنون لهجات البلدان التي يجدون أنفسهم فيها.
وحتى عندما يعودون إلى السودان، يكون الاحتمال كبيراً، أن تصبح هذه اللهجات،
أو على الأقل بعض كلماتها وعباراتها، جزء من الذخيرة ا للغوية للشخص المعين |
ولا أرى فرقا بين كلام السعادتين سوى الفرق في الشعبية بين السعادتين
وليس لكلام أحدهما فضل على كلام الآخر سوى سيطرة الجهل على جمهور أحدهما
وسطوة التعبية على أتباعه دون الآخر!
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
يا جماعة أرجو أن تسمحوا لي بتقديم دور مداخلة د. سيف في الرد
تحياتي يا دكتور
Quote:  |
| Quote: السؤال هو هل لدى الحبشي احصاءات موثقة تدحض كلام اللواء المزعوم و المذيعة اللهلوبة ؟ |
صدقني يا دكتور نفس الشعور الساخر تجاه كلام اللواء ينبغي أن بنتابك تجاه كلام الدكتور*:
| Quote: فمن الملاحظ أن أغلبية الشماليين الذين يعملون في أقطار عربية مختلفة يتبنون لهجات البلدان التي يجدون أنفسهم فيها. وحتى عندما يعودون إلى السودان، يكون الاحتمال كبيراً، أن تصبح هذه اللهجات، أو على الأقل بعض كلماتها وعباراتها، جزء من الذخيرة ا للغوية للشخص المعين |
الغريب أنك كنت من المدافعين عن منهج دراشة الدكتور حسب نقاشسابق في الأرشيف
__________
* بل كلام الدكتور أكثر مجانية
| |
|
|
|
|
|
|
|
|
|
Re: جرائم دخيلة على المجتمع السوداني سببها المغتربون (Re: Mohamed E. Seliaman)
|
| Quote: كان تاج لغاية التغييرات العملها نميري في العام 1969 |
لا والله .. عبود كان لابس صقر لكن شكله مختلف عن صقر النميري الذي جاء مع تعريب الرتب .. وكلا الصقرين (صقر جديان) ..
التاج كان يلبسه الضباط من رتبه الرائد فاعلي ويلبسه ضباط الصف برتبة الصول (المساعد) فوق الاشرطة الذهبيه .. وبعد
الاستقلال تغير التاج الي صقر الجديان بشكله القديم الذي لبسه الفريق احمد محمد باشا ثم عبود وحضرناه نحن ولبسناه وكان يلبس
تحت النجمه وتصف النجوم فوقه حتي رتبه العميد .. ويلبس فوق المقص في رتبه الفريق والفريق اول وكانت رتبة اللواء هي مقص
وفوقه نجمه .. وعند توحيد الرتب العربيه وتعريب الرتب العسكرية اعتمد (النسر) رمزا للدول التي لا تتبع النظام الملكي بينما ترك
الخيار للدول ذات النظم الملكية ان تتخذ التاج رمزا او تختار رمزا تراه .. اعتمت السعوديه والاردن وبعض دول الخليج التاج واعتمدت
الجمهوريات النسر .. من الغريب ان شرطة دبي تعتمد نسرا خلافا للمتبع .. واصبح النسر والتاج يلبسان اعلي كل العلامات تليهما
النجوم ثم المقص وصارت رتبه اللواء تلبس مقصا وتاجا او نسرا ..
ما يزال وصف العلامه المتداول عند كل النظاميين هو (تاج) فلا تجد كلمة صقر في التداول اليومي .. كذلك كلمه (مقص) لم تتغير رغم
ان العلامة تغيرت الي سيف وعصا ..
تحياتي ابو ساندرا وعمر عثمان
عمر علي حسن
| |
|
|
|
|
|
|
| |
Mohamed E. Seliaman
حيدر حسن ميرغني
عادل امام خيري
عبداللطيف خليل محمد على
MOHAMMED ELSHEIKH
Hani Arabi Mohamed
حمد عبد الغفار عمر
جعفر محي الدين
omer osman
دينا خالد
بدر الدين مهدي
محمد عوض السيد
Nagat Sid Ahmed Elshiekh
محمد أبوالعزائم أبوالريش
Rihab Khalifa
عمار عبدالله عبدالرحمن
محمد عمر الفكي
أبو ساندرا
قرشـــو
othman mohmmadien
شمس الدين التوم
سيف النصر محي الدين
showgi idriss
منتصر صلاح
فيس بوك
تويتر
انستقرام
يوتيوب
بنتيريست