|
|
 المرحوم محمد عبدالرحمن قوم اعتذر..
|
محمد عبدالرحمن محمد
انا بعرفك من وين ياخ مش ياهو منبر بكرى ده .. لا شفتك لا لاقيتك .. لا طول زمالتى ليك فى المنبر ده اتعاملت معاك غير بعض ردود ومجادعات ..اساسا ما في بينا غير انى بقرا مداخلاتك بمتعة شديدة و بكتفى بذلك.. وما حصل يوم شكرتك ولا قلت ليك كتابتك ممتعة ياخ..
يعنى كنت ماشة منك جنب الحيط سبب واحد يخليك تطرانى و تنفحنى بمسنجر قبل اسابيع من وفاتك مافى.. انا اولا يا زول ما قاعدة استخدم الماسنجر ده كتير
سبب واحد يخلى رسالتك تكون اخر رسالة وصلتنى مافى مافى .. عرفت من متين يا محمد؟؟ .. الموت ما بحلك .. معقول بس انا ناقصة احزان..
اصلا قصة الموت الفجأة ده ما وقف يخلعنى يعنى كنت ح اتخلع ح اتخلع .. والدخلت فينى ما بتمرق
معقوله بعد 3 ايام اعرف خبرك ده يا محمد وهجيييمة السواد والرماد....
ياخ الليلة من الصباح انا ما فاهمة حاجة لا عارفة اعزى لا عارفة ابكى و لاشى
بس برضو ما بحلك
قوم جاوب
انت من وين تفترض فينى القدرة على ادارة نقاش و فتح بوست بخصوص مثل هكذا موضوع.. انا لا مثقفة لا بعرف اكتب و لا شى .. و فوق ده من اول يوم دخلت المنبر ده اعلنت جبنى و كبرة قلبى..وقلة حيلتى وفراغى و عدم شغلتى..
ليه كده يا ود الناس ياالله ياالله ياخ
والله والله انا ما ناقصة ..حكيت ليك فى ردى ليك عن جزء من البى والعلى لكن دون تفاصيل فقط لاعتذر ليك واقول ليك ما هسه ادينى صنة شوية و ان شاءالله اقدر لماالعافية تجى سايقة معاها الفاقة ..
جاتنى طامتك دى .. ما تعمل لى فيها ميت قوم اعتذر على ماسنجرك العلقتو لى فى قلبى ده قوم اعتذر على انك اديت نفسك الحق انك توجع لى قلبى و تزيد لى احزانى .. اوعك تقول لى يعنى ما كنت ح تحزنى على لو ما رسالتى بقت مشعلقة اول واحده عندك؟؟ ح اقول ليك العرفنا شنو؟ ما كان يمكن الحزن ينقص سنتى.. والا كان الهجمة... الهجمة يا محمد لما شفت السواد واسمك معلق... هجيمة الياباك يا اخوى ... احى من الدنيا الصعبة احى
يا زول برضو ما بحلك قوم اعتذر والا تلقى مسنجرك معلق هنا ده دون اذنك .. واتسبب واقول ياخ ما ماااات يعنى استئذانو كيف؟؟؟؟؟؟ الغي حقك طوالى
يا محمد يا ود عبدالرحمن قطعت قلبى ياخ
____________________________________
الليلة راجل والا مرة فيكم يجى يقول لى ده كلام شنو؟ بطعنو طواالى ..
فترنا من قصة طوابير تعلمجية الاحزان
يا محمد تانى بقول ليك ما تعمل لى فيها ميت قوم اعتذر
3 يوم وانا ما جايبة خبر لا حولا و لاقوة الا بالله
يا مثبت العقل والدين يا الله ارحم عبادك
|
|
 
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
يا سهام
يا سهام
لي كم يوم كايسة ليك..
انا وحنين قاعدين نحضر في يوتوب ليك مع ناس TED
يا سهام بيكينا بكا عجيب
انا داخلة الايام دي في زرة نفسية مبالغة..حزن حزن حزن فقدت عمي وااااااااااااااحد وبحبو حب شديد ومقامو زي ابوي وااااحد
ومتضايقة من حاجات تانية..
لكن لمن سمعت اليوتوب بتاعك دا اتطمنتا شوووية
وبالذات لمن قلتي انك قررتي تحولي الحزن الفيك لشئ ايجابي
ميتة محمد دي "رغم اني لا شفتو لا سمعت صوتو" خلتني احزن تاني
ينعل الغربة وسنينها
ااااااخ يا سهام ااااااخ من الدنيا
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: معاوية عبيد الصائم)
|
العزيزة سارة احسن الله عزاءكم فى عمك والله يجبر كسركم يا بت امى
ما ياها الدنيا و سنة الله فى خلقة بنمشى منها وين
هسى شوفى جنس الجاتنى فى محمد عبدالرحمن دى
فى صمة خشمى
هو الله يرحمو كان قايل روحو مطرطش انا الطرطشة ستها
انا دايرة اعتذار
بالجد الدخلتنى ماها هينة
معاوية صاحبك الكلس امانه ما سواها فينى
يعنى يا معاوية ما لقى الا يرسل لى انا؟؟؟
سبحان الله حكمته بالغة
اها انا اسوى شنو؟ انا كان ممكن فعلا افتح البوست
وادرعوا ليهو فى رقبتو
نان هسه اقبل وين
الدوام لله
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
الرحيل المر ..
الحبيبة سهام ربنا أصبرك واصبر الجميع ..
اللهم ارجع نفسه اليك راضية مرضيه وادخله في جنتك مع عبادك الصالحين
اللهم أسكنه فسيح جناتك ودار رضوانك وتغمده بواسع رحمتك وكريم مغفرتك
اللهم انزل نوراً من نورك عليه
اللهم بدل سيئاته حسنات
اللهم ياحنان يامنان ياواسع الغفران اغفر له وارحمة وعافه واعف عنه واكرم نزله ووسع مدخله
اللهم أبدله دارا خيرا من داره وأهلا خيرا من أهله وزوجا خيرا من زوجه
اللهم انزله منازل الصديقين والشهداء والصالحين وحسن أولئك رفيقا
البركة في الجميع
" إنا لله و إنا إليه راجعون"
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Afraa Sanad)
|
والله حرام عليكم
يبقن علينا اتنين غربة ووجع ودموع
الله يصبركم جميعا ويصبرنا معاكم
الله يرحمه ويغفر ليه
الله يجبر الكسر
الله يقويكن على مصابكن اخواتى العزيزات
لم اره ولم اتشرف بالتعرف اليه
ولا اتذكر ان تداخلت معه
ولا اتذكر حتى اننى قرات له
لكن بكيت كلما دخلت بوست يبكى صاحبه
لم تقف دمعتى ابدا
وكاننى اعرفه
له الرحمة وجنات النعيم
ولكم الصبر الجميل
واحسن الله عزاك اختى سارة فى عمك
وفى محمد كمان
ابكن يا صديقات والطمن فقد قال احد اصدقائى فى ساعة حزن
الحزن ياكل القلوب القاصية
شدوا بعضكم بعض فالفاجعة اكبر من ان يحتلمها قلب واحد
رحم الله محمد واسكنه العلا من جناته
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Amani Al Ajab)
|
لا حولة ولا قوة الا بالله
ربنا يرحم محمد ويغفر ليه ويجعلوا من اصحاب المين فى الجنة
لكن يا سهام يا اختى محمد محتاج ندعى ليه اكتر من البكاء لو البكاء بجيب نبكيه بدل الدموع دم
لكن يا اختى ربنا ارد وكلنا ماشين والدنيا دى مافيها غير الكلام الطيب والعمل الصالح ربنا يحسن اعمالنا ويحسن خاتمتنا
انا موجوعة اكتر منك وما شوفتى حالتنا امس والله مرضنا عديييل من البكاء لكن شن الفايدة
علشان كده ادعى ليه بس ربنا يصبرك ويصبرنا ويصبر اهلوا
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
سهام المجمر
يااختي والله مقدر حزنك وابكتني كلماتك بجد الزول الاسمو محمد عبدالرحمن دا فجعنا بجد بجد بجد زول يدخل فيك دون ان تحسه ويخرج على كيفو تارك فيك سعادة وطيبة وبساطة الدنيا في صوته وكلماته دا زول فريد زول زي ماقال الطيب صالح على طريقته الخاصة زول براهو فريد وجميل وكبير وعجيب
قادرة تتخيلي ياسهام اني بكيت حتى اولادي بكوا والله بكوه معاي لا يعرفوه ولا يعرفهم بكوه وترحموا عليه ياختي دا زول يحتاج بحث عن ذوق ورقته وجمالو الله يرحمك يا محمد عبدالرحمن محمد من ساعة شفت المنبر وسوادو عرفت ان في زول ماااات عرفت ان بكري مسود المنبر ليفجعنا بوفاة زميل لكن تجولت في كثيرين لم يخطر ببالي محمد عبدالرحمن محمد برغم ايماني ويقيني بأن الموت هو الحق والحق هو الموت والحقيقة الوحيدة اللهم ارحم محمد عبدالرحمن محمد بقدر سماحته وشفافيته ومروره السريع في هذا المنبر زرع الفرح في كل كلمة وفي كل بوست .... الله يرحمك يا محمد عبدالرحمن محمد ابكي ياسهام فالبكاء هو ترياق ومضاد حيوي للفاجعة التي حلت بنا هنا ابكي وترحمي على محمد عبدالرحمن هذا الرجل النسمة اللهم ارحم محمد عبدالرحمن محمد برحمتك يارحمن الدنيا والآخرة ياالله .
.................................................................حجر.
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: احلام وهبي)
|
الله يابت المجمر محمد حرق قلوبنا كلنا ..
كلنا دايرين نعتذر وماقادرين ، عاوزين نرد ليهو المسج ما حصلنا ..
تلفنو ما برد طلب منى ان اترك رسالة والكلام دا ومحمد نائم نومتو الابدية .
الصبر ياسهام الصبر يا الحبايب.
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Nagat Sid Ahmed Elshiekh)
|
وداعاً حبيبنا محمد فأنت بين يدي الله العظيم الرحيم
وداعاً محمد فأنت تحت الثرى و روحك الطاهرة في السماء
وداعاً محمد فجسدك تحت الثرى و سيرتك العطرة السمحة باقية بيننا
وداعاً محمد و لكن حبك و ذكراك الطيبة في قلوب ناس أحبوك يا محمد
ابو الحسين ينعي اخاه محمد يا اختنا الغالية كتابة من القلب وحزن عميق
له الرحمة والمغفرة ولكم الصبر الجميل وحسن العزاء
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: محمد سنى دفع الله)
|
عارف با محمد انا هنا اصلو ما بنادى زول بلقبوا الا بكون العلاقة بتسمح
لانو هنا الالقاب عندها مرات علاقة بالشلة
والاصحاب .. والواحد لما يناديك بلقبك كانو فرض نفسه من زمرة هؤلاء
لقب المطرطش كان بيضحكنى و اعجابك بيهو كان عاجبنى اكتر
لانى كنت اعلم انك تتخفى لتكتب ما تكتب
وتقول "ما انا المطرطش وكده"
هسه "عليك معزتك" (وده تعبير اول مرة اسمعوا منك)
اهتمامك البوست المعين وسؤالك لي انى افتح بوست انقاش الكلام ده
وكمان اقترحت على الاسم
ده كلام زول مطرطش؟؟؟!!!
يا زول هوى نحن ما طير...
انت مطرطش نفسك بمزاجك ونحن مطرطشين كده مننا لينا
وهسه انت طرطشتنا زيادة
عليه... يازول هوى قوم قدم اعتذارك
اها النصحابك بعد الحال واقول ليك تعال جاى نحكى ليك القصة
دى ...ايوووووووة التكنك جر روحك تعال
طبعا بيوتنا بيوت زماااان الحيط قصيرة و الطاقات مفتوحة على الجيران
على الجهة الشمالية الله يرحمها و يعوض شبابها الجنة رفيقة دربنا و اختنا لزم
ابتسام ابوالقاسم .. كانت سمينة شديييد و حلبية شديييد قام عملوا لينا طاقة كبيييرة
لما تقيف بتملاها اولاد الحلة سموها ملكة الشاشة..
وعملنا من الجهتين ترابيز عشان نطلع بيها لمن نخت صحن البوش فى النص و نتعشى سوا
اها ابتسام دى طرطشتنى زيك كده .. انا كنت اغتربت فى الامارات الوقت داك
لما جانى خبر وفاتها المفاجاءة . ..ما بقدر اوصف ليك يا محمد زى ما هسه ما بقدر اوصف ليك
فقدت الاحساس لمدة من الزمن و تلشة عديييل كده والدنيا غامت بى وولدى ما عرفت محلو وين؟
ياخ لما جانى خبر موتها البهارات النضفتها و قلتها و سحنتها لى بيدها لسه قااااعدة ما كملت
تعاين لى واعاين ليها زى رسالتك دى...
ياخ انا عملت شنو فى الدنيا دى ..اسأل الله المصايب دى تكون محبة من عند الله وتزكية نفس...ياالله ياخ
غايتو بس بقيتوا بين يدين الرحيم ومشيتو محل ما واسع و كبيتو الزوغة بقى
مافى طريقة لينا غير نعفى ليكم
لكن كان تلحقوا تكونوا متكرفسين معانا فى الدنيا الضيقة دى كان الليلة عضيتكم فى راسكم ده
بالمناسبة دى انا ماعارفة قصة عض الراس دى شنو الانا ماسكة فيها دى للاموات؟؟؟!!!
عارف با المطرطش برضو بعد وفاة ديدى كنت بتكلم مع غادة كدودة والاتنين قاعدين براااانا و راسنا ضارب
شديد قلت ليها عليك الله البنت دى الزول ما يمسكها يعضيها فى راسها هسه دى عمله تعلمها؟؟
المهم ما علينا انا كنت بقول فى شنو؟؟
ااايواااا ابتسام ياخ عليك الله سلم لى عليها عندى احساس انك ممكن تلاقيها
قالوا الطيور على اشكالها تقع ابتسام الله يرحمها شابة طيبة و حبيبة
وعندها سنس اوف هيومر ما لاقانى قريب
وبتحب ثنائى العاصمة وصلاح بن البادية
ولااتفق معاها ابدا بتحب مجذوب اونسة
كنت بقول ليها فعلا ما بتعرفى الغنا مجذوب انسه ياااااى بلدى
المهم ابتسام دى لو لمتك فيك تقعد تضحكك لمن القيامة تقوم
عشان تعرف انا فعلا اتطرطشت زيادة كنت ح احكى ليك قصة مختلفة عندها
علاقة بالطاقة الشرقية فى البيت يعنى مع الجيران التانيين
لقيت روحى بحكى ليك بإبتسام
ما مشكلة امشى اقضى ليك غرض
وكان الله خلانا بتم ليك
____________________________
الى جميع من مر من هنا أصدقاء وصديقات
احسن الله عزاء الجميع
قوموا الى بكاكم يرحمكم الله
وغششوا مجارى السوائل
وتعالوا اتونسوا هنا
| |
|
|
|
|
|
|
|
|
 Re: المرحوم محمد عبدالرحمن قوم اعتذر.. (Re: Siham Elmugammar)
|
احي يا سهام على الوجع المكوم ومحكر في الحشا
انا زاتي عرفت صدفة تاني يوم للرحيل المر
محمد ده طبعو براهو يا سهام , بكابس بس إحساسو مكان الناس مرهفة زيك
بصاحب اصحاب القلوب الرحيمة والدواخل الحنينة
لا بعرف جهوية ولا عنصرية ولا لون سياسي ولا لون رمادي
ود بلد وكفى
سوداني حنين وبس
مصاحب كل البورداب واسرهم
رسل لي كل الناس يوم رحيلو
ناغم كل الناس قبال موتو بي يومين
اليومين الأخيرات يا سهام جند روحو للوداع
ناغمني في الإسكايب وسجل وسجل وسجل لامن فتر ما لقاني
رسل لي مسنجر يوم الرحيل المر
وقال لي كلمتين بس يا سهام
كلمتين بكون فيني لي هسه في ضلوعي وحشاي
كاتب لي في عنوان المسنجر
اسما زهجاااااان
ورسالته كانت الكلمتين ديل :
عليك الله ناغميلي كان هني ولا في الأسكايب ,,
ناغمتو ورديت ليهو هني على قولو , لكن ما لقيتو , كان ودع وفااااااااات
ختر فات يا سهام شال معاهو المحنة الفضلت
وخلانا للدموع وللوجع وللهم
الله يرحمو ويصبرنا بقدر فقدنا فيهو
الصبر بس يا سهام الصبر الصبر الصبر
والدعوات بتنفعو الله يرحو ويوسده الباردة ويتقبل دعواتنا ليه
يا رب تتقبل دعواتنا وترحم اخونا وحبيبنا محمد ود عبد الرحمن يا الله يا كريم يا رحيم
اللهم ابدله دارا خيرا من داره واهلا خيرا من اهله وادخله الجنة واعذه من عذاب القبر ومن عذاب النار .
اللـهـم عاملة بما انت اهله ولا تعامله بما هو اهله .
اللـهـم اجزه عن الاحسان إحسانا وعن الأساءة عفواً وغفراناً.
اللـهـم إن كان محسناً فزد من حسناته , وإن كان مسيئاً فتجاوز عن سيئاته .
اللـهـم ادخله الجنة من غير حساب ولا سابقة عذاب .
اللـهـم اّنسه في وحدته وفي وحشته وفي غربته.
اللـهـم انزله منزلاً مباركا وانت خير المنزلين .
اللـهـم انزله منازل الصديقين والشهداء والصالحين وحسن اولئك رفيقا .
اللـهـم اجعل قبره روضة من رياض الجنة ,ولا تجعله حفرة من حفر النار .
اللـهـم افسح له في قبره مد بصره وافرش قبره من فراش الجنة .
اللـهـم اعذه من عذاب القبر ,وجاف ِالارض عن جنبيها .
اللـهـم املأ قبره بالرضا والنور والفسحة والسرور.
اللـهـم إنه فى ذمتك وحبل جوارك فقه فتنة الفبر وعذاب النار , وانت أهل الوفاء والحق فاغفر له وارحمه انك انت الغفور الرحيم.
اللـهـم انه عبدك وابن عبدك خرج من الدنيا وسعته ومحبوبيه وأحبائه إلي ظلمة القبر وماهو لاقته .
اللـهـم انه كان يشهد أنك لا إله الا انت وأن محمداً عبدك ورسولك وانت اعلم به.
اللهم ثبته عند السؤال
اللهم انا نتوسل بك اليك ونقسم بك عليك ان ترحمه ولا تعذبه
اللـهـم انه نَزَل بك وأنت خير منزول به واصبح فقير الي رحمتك وأنت غني عن عذابه .
اللـهـم اّته برحمتك ورضاك وقه فتنه القبر وعذابه و أّته برحمتك الامن من عذابك حتي تبعثه إلي جنتك يا أرحم الراحمين .
اللـهـم انقله من مواطن الدود وضيق اللحود إلي جنات الخلود .
اللـهـم إحمه تحت الارض واستره يوم العرض ولا تخزه يوم يبعثون "يوم لا ينفع مال ولا بنون إالا من أتي الله بقلب سليم"
اللـهـم يمن كتابه ويسر حسابه وثقل بالحسنات ميزانه وثبت علي الصراط اقدامه واسكنه في اعلي الجنات بجوار حبيبك ومصطفاك (صلي الله عليه وسلم) .
اللـهـم اّمنه من فزع يوم القيامة ومن هول يوم القيامة وأجعل نفسه أّمنة مطمئنة ولقنه حجته .
اللـهـم اجعله في بطن القبر مطمئن وعند قيام الاشهاد أمن وبجود رضوانك واثق وإلي أعلي درجاتك سابق .
اللـهـم اجعل عن يمينه نوراً حتي تبعثه اّمنً مطمئن في نور من نورك .
اللـهـم انظر اليه نظرة رضا فإن من تنظر إليه نظرة رضا لا تعذبه ابداً
اللـهـم أسكنه فسيح الجنان واغفر له يارحمن وارحم يارحيم وتجاوز عما تعلم ياعليم .
اللـهـم اعفو عنه فإنك القائل "ويعفو عن كثير"
اللـهـم انه جاء ببابك وأناخ بجنابك فَجْد عليه بعفوك وإكرامك وجود إحسانك .
اللـهـم إن رحمتك وسعت كل شيء فارحمه رحمة تطمئن بها نفسه وتقر به عينه .
اللـهـم احشره مع المتقين إلي الرحمن وفداً .
اللـهـم احشره مع اصحاب اليمين واجعل تحيته سلام لك من أصحاب اليمين .
اللـهـم بشره بقولك "كلوا واشربوا هنئياً بما أسلفتم في الايام الخالية" .
اللـهـم اجعله من الذين سعدوا في الجنة خالدين فيها مادامت السموات والارض .
اللـهـم لا نزكيه عليك ولكنا نحسبه انه اّمن وعمل صالحاً فاجعل له جنتين ذواتي أفنان بحق قولك:
"ولمن خاف مقام ربه جنتان"
اللـهـم شفع فيه نبينا ومصطفاك واحشره تحت لوائه واسقه من يده الشريفة شربة هنيئة لا يظمأ بعدها ابداُُ .
اللـهـم اجعله في جنة الخلد التي وعد المتقون كانت جزاءً ومصيراُ لهم ما يشاءون وكان علي ربك وعداُ ومسئولاً .
اللـهـم إنه صبر علي البلاء فلم يجزع فامنحه درجة الصابرين الذين يوفون اجورهم بغير حساب
فإنك القائل " إنما يوفي الصابرون أجرهم بغير حساب "
اللـهـم انه كان مصلي لك ,فثبنه علي الصراط يوم تزل الاقدام .
اللـهـم انه كان صائم لك , فأدخله الجنة من باب الريان.
اللـهـم انه كان لكتابك تالي وسامع فشفع فيه القراّن وارحمه من النيران ,واجعله يارحمن
يرتقي في الجنة إلي اّخر اّية قرأها أو سمعها وأخر حرف تلاه
اللـهـم ارزقه بكل حرف في القراّن حلاوة , وبكل كلمة كرامة وبكل اّية سعادة وبكل سورة سلامة وبكل جْزءٍ جَزاءً .
اللـهـم ارحمه فانه كان مسلم واغفر له فانه كان مؤمنً.
وادخله الجنه فانه كان بنبيك مصدقً وسامحه فانه كان لكتابك مرتل.
اللـهـم اغفر لحينا وميتنا وشاهدنا وغائبنا وصغيرنا وكبيرنا وذَكّرنَا وأنثانا .
اللـهـم من أحييته منا فأحيه علي الاسلام ومن توفيته منا فتوفه علي الايمان .
اللـهـم لا تحرمنا أجره ولا تضللنا بعده .
اللـهـم ارحمنا اذا اتانا اليقين ,وعرق منا الجبين ,كشر الانين والحنين
اللـهـم ارحمنا اذا يئس منا الطبيب ,وبكي علينا الحبيب وتخلي عنا القريب والغريب
وارتفع النشيج والنحيب .
اللـهـم ارحمنا اذا اشتدت الكربات وتوالت الحسرات واطبقت الروعات وفاضت العبرات ,
وتكشفت العورات وتعطلت القوي والقدرات .
اللـهـم ارحمنا اذا بلغت التراقي وقيل من راق وتأكدت فجيعة الفراق للأهل والفراق
وقد حَمً القضاء فليس من واق
اللـهـم ارحمنا اذا حملنا علي الاعناق ألي ربك يومئذ المساق وداعا ابديا للدور الاسواق والاقلام
والاوراق الي من تذل له الجباه والاعناق .
اللـهـم ارحمنا اذا ورينا التراب وغلقت القبور والابواب وانقض الاهل والاحباب فإذا الوحشة والوحدة وهول الحساب .
اللـهـم ارحمنا اذا فارقنا النعيم وانقطع النسيم وقيل ماغرك بربك الكريم
اللـهـم ارحمنا اذا أقمنا للسؤال وخاننا المقال ولم ينفع جاه ولامال ولا عيال وقد حال الحال وليس الا فضل الكبير المتعال .
اللـهـم ارحمنا اذا نَسي اسمنا ودَرس رسمنا وأحاط بنا قسمنا ووسعنا .
اللـهـم ارحما اذا اَهملنا فلم يزرنا زائر ولم يذكرنا ذاكر ومالنا من قوة ولا ناصر فلا امل الا في القاهر القادر الغافر
يامن اذا وعد وفي , واذا توعد عفا , وشفع يارب فينا حبيبنا المصطفي
واجعلنا ممن صفا ووفا وبالله إكتفي يا ارحم الراحمين ياحي يا قيوم يا بديع السموات والارض ياذا الجلال والاكرام .
اللـهـم انه عبدك و ابن عبدك و ابن امتك مات و هو يشهد لك بالوحدانية و لرسولك بالشهادة فأغفر له إنك انت الغفار.
اللـهـم لا تحرمنا اجره ولا تفتنا بعده و اغفر لنا و له و اجمعنا معه في جنات النعيم يا رب العالمين .
اللـهـم انزل علي اهله الصبر والسلوان و ارضهم بقضائك.
اللـهـم ثبته علي القول الثابت في الحياه الدنيا وفي الاخره ويوم يقوم الاشهاد.
اللـهـم صلي وسلم وبارك علي سيدنا محمد وعلي اّله وصحبه وسلم إلي يوم الدين
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: محمد عبد الماجد الصايم)
|
الطاقة التانية
تعال نضحكك
اها كان عندنا جيران لذيذين شديد مخهم فيهو شوية لحسة بالجد بالجد
امهم كبرت شديد و اصابها الخرف تقريبا و بقت تمرق كل يوم
المهم الله يطراهم بالخيرعندها بتين مخهم جد ملحووووس
كل يوم البنات يمرقن بفتشن فيها المهم يوم بعد لقوها
رجعوا البيت و كانن بنات باراااات ان شاءالله ربنا يوفيهم اجرهم
المهم مسكن امهن رونها و شبعنها لكن خشمن اصلو ما سكت
نقة شديده
والناس تشيل وتقول حمدالله على السلامة المهم هن اصلوا بس
فى النقة ويا امى ما معقول ويا امى البمرقك شنو...
قامت المجنونه جد فيهن قالت ليها اسمعى ده ما خرف ده...
بعد ده دى اسمها انطلاقة راسها عديييل كده و دحين انتى كما امك ربتك
نحن بناتك ديل بنربيك...
طبعا الاجاويد انفجرت بالضحك خصوصا المنظر كان مبالغة
والام فى عالم تانى الله يرحمها ويطراهن بالخير محل ما مشن
ومحل ما قبلن...
اها دحين دى ما موت دى طرطشه راسها عديىىل
يلا قوم اعتذر
الله يغفر ليك أعدت على قصص قديمة
ضحكتنى والله
______________________________
صدق يا محمد البنات ديل برن بإمهن بشكل صار مضرب مثل
هسه ناس يقروا الكلام دة ويصدروا ليك فرمان عقوق طوالى
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
الاخوات سارة على وامانى العجب وعفراء سند واسماء الجنيد واحلام وهبى
وامينة عيسى ووضاحة ونجاة سيداحمد
الاخوان الرفاعى و السنى ومعاوية و ود الصايم
الهجمية حااااارة اسألونى منها
يا وضاحة اطمنى يا بت امى والله كل الناس دى
قاعدة تدعى ليهو
انا بس واجعنى انو كل بوستاتو الاخيرة حنين لبلدو
ولارضوا ولاهله وناسوا وفى النهاية يندفن بعييييييد
وااااااااا شرى عليهو... وااااا حسرتنا
على غريب القبور
والزهج يا اسماء الزهج كان اتخيل لى حراق الروح
من البعد والغربة و الاحساس المبهم بالايام القربت
نحن بس قاعدين نحكى قصص والله المرحوم والا المرحومه
كانى حاسى بقرب النهاية
وتصدقى قالوا قال...صدق قالوا قالت...
وعيييييييييك نمشى
بس افتكر ده من رحمة ربنا بعبادة
يعنى لو كنا عارفين انو الكلام ده كلام مودع
كان الحال بيكون كيف؟؟؟
بس لسه ببقى الابهام الازلى للموت؟؟؟!!!
غياب الجسد وحضور الروح
يا الله
فعلا لم نؤت من العلم الا قليلا
| |
|
|
|
|
|
|
|
|
 Re: المرحوم محمد عبدالرحمن قوم اعتذر.. (Re: Siham Elmugammar)
|
Quote:
انا دايرة اعتذار
بالجد الدخلتنى ماها هينة
|
الغالية سهام
يا ربي محمد دا شاف ملك الموت قبل رحيلو دا بمدة؟!!
ياخ دي حاجة عجيبة خلاس!
ما عرفتي ليه رسل ليك فجاءة قبل يموت يا سهام  ؟؟
كان هدفو يشدهك فيهو .. ويعمل ليك ديستراكشن عن أحزانك الخاصة.
دا زول عجيب .. ربنا يرحمه ويغفر ليهو ويرحم موتانا أجمعين ..
.
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Hadeer Alzain)
|
هدير على خلفية بوست مولانا مرتضى ومبادرتك
اسمعى غرائب الموت والناس
واحدة من اصهارنا البعااااد
كان معروف عنها انها انسانة يحسبها الناس صالحة والله اعلم بها
كانت مرت ضيفان وبيتها مفتوح للجعان و هدمتها فوق العريان
ومويتها تروى العطشان..قالوا كانت فى مالها (وهو ما شوية)
حق للسائل والمحروم .. وقالوا كان بتقضى الحاجة بإذن ربها
اها يوم ماتت كان جنازتها مشهودة و محضورة
وهى بت شيوخ ..ناس الطرق الصوفية جوا بنقارتهم سدو درب حارات الثورة
المهم الناس المشوا المقابر يجهزو قبرها قالوا اول حفروا قبر قاموا لقوا فيهو
عمل (سحر اسود) يعنى كمية من الشعر والحاجات الما مفهمومة و مكتوب لاذية زول اسمهو محمد
قام واحد من الرجال شال العمل وقال انا ماشى افكو واغسلوا والليلة بإذن الله محمد ده يقوم سليم
الا يكون لحقوا الموت
قالوا ولدها قعد يبكى ويقول يا امى خيرك يعم انتى حية وميتة
___________________________
ناس الخير بيجيبوا الخير حيين و ميتين
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
انا أدين وزعلانه من
اشراقة مصطفى
ندى على
عزاز شامى
حنين للبلد
امانى الجندرية
لانهن لو ما تركوا الكتابة فى المكان ده
مستحيل كان محمد عبدالرحمن يطلب منى انا مناقشة موضوع عن الجندر
بالجد مستحيل كان يرسل والا يكتب لى
فى وجودهن...
بس قدرى الاحزان
الله يرحمهم جميعا يا رب
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
سلاما عليك فى عليين يا رب يا محمد سلاما عليك وعلى الذين سبقوك
اشعلت الاحزان المتجددة
الله يرحمك ويغفر ليك
غصة فى الحلق ووجع فى القلب
وحريق فى الروح
ولاحولة و لاقوة الابالله
قلت ليك يا المطرطش شايفة المنبر عاد الى لونه والسواد انقشع
ده معناها الفراش اترفع
ومفترض كل حى يلقط نعلاته
و يروح لحاله
يا محمد انت عارف انو ده حال الدنيا
وكل زول لازم يقوم لشغلته التى وكل بها
حتى حين...
ايوه ياها سنة الله فى خلقة
بس كيف الدبارة مع ما بقى و علق فى القلب
والله والله والله الذى لا اله الا هو
لولا رحمة الله لكنا من الهالكين
الممممممممممم سااااااااى ونار فراق ما بتنطفىء
يا ود امى
الله يرحمك ويرحمها و يرحم جميع من له حق علينا
الله عالم موضوع الموت ده عاقلين فيهو رغم انوفنا
ومذعنين الى سلطته ودكتاتوريته المطلقة
وما عندنا أعتراض على حكم الله
بس ربنا من رحمته بينا
قال احزنوا ومش كده بس
ولينا اجر الصبر
دحين ما تزعل يا زول انا قررت
استفيد من موتك ده
و القط الاجر فيك
الله كريم و رحيم علينا و عليك
سلم على القدامك و يا ربى
انت و هى وهم فى سدر مخضود وطلح منضود وظل ممدود
وماء مسكوب وفاكهة كثيرة لا مقطوعة و لاممنوعة و فرش مرفوعة
يا حنان يا منان يا رب
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: إسماعيل وراق)
|
لا حول ولا قوة إلا بالله
نسأل الله العلي القدير الرحمة والمغفرة لمحمد ود عبد الرحمن
ما بنعرفوا لكننا أحببانها في كل تفاصيله
وحزنا عليه أشد الحزن
وكتر خيرك يا سهام
وربنا يجبر كسرك ويصبرك
ويصبر كل أحباب محمد وأصحابه وأهله
وأظنه الآن ينام هانئا ومطمئنا على ما طلبه منك
فأنت بكلامك العظيم والكبير هذا أثبت أنك قدرها وزيادة
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: MOHAMMED ELSHEIKH)
|
محمد الشيخ يا عزيزي في فلسفة للصبر اعمق من كدة : Quote: سلاما عليك فى عليين يا رب يا محمد سلاما عليك وعلى الذين سبقوك
اشعلت الاحزان المتجددة
الله يرحمك ويغفر ليك
غصة فى الحلق ووجع فى القلب
وحريق فى الروح
ولاحولة و لاقوة الابالله
قلت ليك يا المطرطش شايفة المنبر عاد الى لونه والسواد انقشع
ده معناها الفراش اترفع
ومفترض كل حى يلقط نعلاته
و يروح لحاله
يا محمد انت عارف انو ده حال الدنيا
وكل زول لازم يقوم لشغلته التى وكل بها
حتى حين...
ايوه ياها سنة الله فى خلقة
بس كيف الدبارة مع ما بقى و علق فى القلب
والله والله والله الذى لا اله الا هو
لولا رحمة الله لكنا من الهالكين
الممممممممممم سااااااااى ونار فراق ما بتنطفىء
يا ود امى
الله يرحمك ويرحمها و يرحم جميع من له حق علينا
الله عالم موضوع الموت ده عاقلين فيهو رغم انوفنا
ومذعنين الى سلطته ودكتاتوريته المطلقة
وما عندنا أعتراض على حكم الله
بس ربنا من رحمته بينا
قال احزنوا ومش كده بس
ولينا اجر الصبر
دحين ما تزعل يا زول انا قررت
استفيد من موتك ده
و القط الاجر فيك
الله كريم و رحيم علينا و عليك
سلم على القدامك و يا ربى
انت و هى وهم فى سدر مخضود وطلح منضود وظل ممدود
وماء مسكوب وفاكهة كثيرة لا مقطوعة و لاممنوعة و فرش مرفوعة
يا حنان يا منان يا رب |
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: هيثم طه)
|
الاخوة اسماعيل وراق و جعفر محى الدين ومحمد الشيخ
وهيثم طه
سلامات و تحية وكتر خيركم على حسن الظن
ويا ودالشيخ عشمنا فى الله كبير
قال ليك المطرطش كان حاسى بى اياموا قليلة
وتناقلت البوستات احساسه
عندى عمتى الله يرحمها حصل ليها حادث وهى شابة
صارت بسببه عمياء وعرجاء
يقال انها وقعت من فوق التمرة
ويقال انها شالت الصاج سخن فى راسها
وانا اعتقدت انو الروايتين صحيحات
الحادث الاول بجيب العمى والعرج
والحادث التانى بجيب العمى
الظاهر الحادثين اتكاتفوا عليها
المهم بسبب كده لم تتزوج و بالتالى لم يكن لها بيت خاص بها
وكانت تتنقل بين بيوت اخوانها
وكنا نحتفى بوجودها غاية الاحتفاء و بنزعل لما تقول ماشة
ليه ؟؟؟ لانها كانت مسكونة بالحجى
والله قدر ما احكى ليكم ما بتصدقوا
كنا نتكرفس جنبها زول بقول لى اخوه والا اختو زح لى كده مافى
مهما كانت كرفستك قاسية فانت لا تحس بها فى حضرة
حجاها... الواحد يبلع ريقة ووكأنه يترجرع الماء الزلال
ااى والله صحى
أها يوم كدى قالت هى عيانة وماشة تموت
ومسكت فى الكلام ده قوى وقالت هى بعد ده
عايزة تمشى البلد تموت و تندفن هناك
وقعدت تنق فى الكلام ده شديد
قام عمى الطاهر زعل منها وقال ليها زينب اختى
يمين الله انتى تقتلينا كلنا وتقعدى
خلاس اندلى
واندلت البلد
فماتت
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
والله ياسهام أنا مابعرف محمد عبدالرحمن وماحصل تقاطعنا فى هذا البورد أو أتصاحبنا وده من سؤ حظى بلاشك
لكن يابت الناس..أول مره أشوف لى حزن يعجب وحزن بديع بلغتك وبتعبيرك الفصيح جداً عنه..
دى طاقة أنفتحت فيك وحقو نحرسها ببوليس عديل عشان ماتتقفل..
وقد فعلتيها من قبل حين حولتى حزنك لطاقة أيجابية معطاءة
---
منذ زمن طويل أمشى فى الكتابة ولاأتحسس ماتحت حروفها....يبدو أن الأمر أزداد الأن والسبب ..هذه الكتابة المرثية الأديبة
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: حاتم الياس)
|
Quote: سلاما عليك فى عليين يا رب يا محمد سلاما عليك وعلى الذين سبقوك
اشعلت الاحزان المتجددة
الله يرحمك ويغفر ليك
غصة فى الحلق ووجع فى القلب
وحريق فى الروح
|
لاحولة و لاقوة الابالله ... لاحولة و لاقوة الابالله ...
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: أمير عثمان)
|
يا سهام ... سلام
علاقتي بي محمد ما أكتر من علاقتك .... مداخلات .. ومعاكسات ... وفجأة يرشني بي مسينجر وتلفون. ((الزول ده كان بيكبر في مصيبتو)).
من ما جاء الخبر الفاجعة .. بقيت ما قادر أدخل المنبر (يمكن دي أول مرة).
أما (الطرطشة). .....
محمد طرطشتو مجيهة .... مرتّبة ... فااااهمة ومليانة فهم.
ياخ إنتي ذاتك لازمك لينا إعتذار .......... مالك علينا؟
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
الاخ امير عثمان من قال لا حولة و لاقوة الا بالله فقد توكل
وما التوكل الا زادنا الذى نعيش عليه *
توكلنا على الله فى الباساء والضراء
وتوكلنا عليه عند بعض من افراح
لكن الشكر بنات عمى على الزيارة و الونسه
الطاعمة و الضحكة الحلوة المارقة من القلب
والمحنة القاصه قلبنا دى يا قول اميمة بت عمى
حين قالت فى لحظة عويل و اسى و بين دموع غزار
وووب على يا ديدى يا بتى
واحى من ابواتنا الراحو خلو لى المحنة القصوا بيها قلبنا
مرقن منى هسه ولازالت بقايا الانشراح والتبسم ندية
الا ان المفارقة اننى أعود مرة اخرى
ابحث عن إعتذارعند مفارق مفاجىء
وما سرعة دق الدلجة
نحو رصيف الاحزان
والمرار
_________________________
*يا امير (توقفت هنا لحضور الضيفات)
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
الاخ محمد ابوالعزائم سلام
قادر افهم تصدق انا قريت الخبر الصباح بدرى
ما قدرت اكتب الا المساء
والله دمعة واحده ما نزلت منى
بس مهجومة
ياخ الموت ما بتوالف بالجد
| Quote: ياخ إنتي ذاتك لازمك لينا إعتذار .......... مالك علينا؟ |
والله انا ماعارفة اعتذر والا يعتذروا لى
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: هيثم طه)
|
| Quote: و تستمر الحياة لكن ما زي الاول ! لكن كمزيج من حاجات واحاسيس ومعاني غريبة |
يا هيثم تستمر الحياة بمفاجاتها
فهى لا تفتر ان تفاجئك..
فهى ذات نفسها مفاجأة!!!
اها قمت جبت لى سيرة الحاجات والاحاسيس والمعانى الغريبة
tell me about it
ياعزيزى اننا نعيد اكتشاف الدنيا و ذواتنا من مأسينا
ومن ثقوب ارواحنا
you can't control what happens in life
ولكن لتستمر حياتك و حياة الاخرين يجب ان تصبح
windsurfer محترف جووووة عينك
والا لا محالة انك غارق
حبيب غارق
ووالد غارق
وقد تكون صديق غارق
هذا ان كان لك صديق مرهف متل المطرطش
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: هيثم طه)
|
يا هيثم غلبنى استمع للا غنية كلها
النت زفت و عندى صداع غريب مستمر
من 3 يوم تصدف و
فوق ده كله
لى زمن من الغناء يا هيثم
بقيت باكل من سنام غناى الخاص
عليك الله يا هيثم نزل لى الكلمات
مطلعها عجبنى شديد رغم سخافة النت
خلنا نشيل الصبر بالصبر
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
الاخت الفاضلة سهام المجمر سلام وتحايا
| Quote: ياخ الموت ما بتوالف بالجد |
فعلا دى حقيقة بحكم عملى كل ما احضر مريض يحتضر
او يموت إمامى بمر ببالى نفس كلامك و بذكروا دائماً للناس .
ألبوست ده رجعت قريته كذا مرة اكثر شئ عجبنى فيه حسيت
بانك تعافيتى بدرجة كبيرة من حزنك القديم
أصلى بقراً ليك دائماً وحضرت كل اللقاءات التلفزيونية معاك
اللهم ارحم محمد عبد الرحمن وكل أموات المسلمين يا الله .
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
ياخ عالم الارواح ده غريب يا المطرطش
ومرة اخرى انا حكايتى شنو وذنبى شنو معاهو؟
اتصلت بى هويدا بت عمى سعيد المجمر
قالت لى حصلت لى حاجة غريبة
انا فى نومتى حلمت بيك تنكلمى معاى
قلتيلى انتى هويدا محمد كرم الله ده يبقالنا شنو؟
اها انا فى الحلم رديت عليك و وصفت لك
قلت لك ما امه فاطمة بت ست العيلة
وفاطمة دى يبقى لى ناس ابوى بت عمتم لزم
قالت لى وانا اوصفلك كدى صحيت على تلفونى
سوالى رسالى فتحتها لقيتها من ناجى اخوى
كاتب لى انا لله وانا اليه راجعون البركه فينا و فيكم
فى محمد كرم الله
قلت لا الله الا الله واستغفر الله
يا ربى ده شنو؟؟
قلتلا يا بت عمى انا زاااتى ما بعرفوا ده شنو
ولا عندى تفسيروا
ولله الحمد البركة فينا وفيكم
زمنى ده كلو قايلى محمد كرم الله ده
ياهو بيبقى لى ولاد طه احمدون بس
وقايلة زهورة خالتو
نسوى شنو انت عا أبت عمى عاد انتو ما اتربيتوا فى البلد و نحن فى خرطوم الهنا دى
طلع انا الخالتوا
الله يرحموا ويغفر ليهو ويغفر لينا جميعا
تهاوننا فى صلة ارحامنا
دى الدنيا دى مطرطشانا وما خلانا
نسوى شى على الجرى فى الفارغة
يا الله يا محمد انتم الان فى دار علم
واتوقع انت تكونوا قد علمتم ما لم يعلمنا الله
من امر الروح والبرزخ
فطبتم مقاما
وهنئتم بإذن الله
| |
|
|
|
|
|
|
|
|
|
Re: المرحوم محمد عبدالرحمن قوم اعتذر.. (Re: Siham Elmugammar)
|
سلامات يا ود رجب يا أبو على ياخ
شكرا للتلفون
جبرالله خاطرك...
الدنيا ما عندها امان
ولا نقول الا الحمدلله
الرحيل المفاجىء وانت تعلم فقد خبرته معنا
وبكيت معنا دموع الدم
هو فقط كارثى على المخلفين من الاحياء
الذين كتب لهم ان تشغلهم الهجمة و قطعة القلب
وتلازمهم كالظل ...
يا ابوعلى حصل فى حياتك شفت ليك ضل زول
بقعد معاهو حتى فى العتمة...
حين يصير ضلك متماهيا معك
هو انت هو ..وانت هو (يا عملات تحية زروق)
جبر الله كسر الجميع فى من فقدوا من احباب واعزاء على القلوب
وتحياتى ليك وانت فى دعائنا كما نتمنى ان نكون عندكم
| |
|
|
|
|
|
|
| |
Siham Elmugammar
سارة علي
معاوية عبيد الصائم
Amani Al Ajab
Afraa Sanad
امينة عيسى
وضاحة
الرفاعي عبدالعاطي حجر
احلام وهبي
Nagat Sid Ahmed Elshiekh
محمد سنى دفع الله
اسماء الجنيد
محمد عبد الماجد الصايم
Hadeer Alzain
إسماعيل وراق
جعفر محي الدين
MOHAMMED ELSHEIKH
هيثم طه
حاتم الياس
أمير عثمان
محمد أبوالعزائم أبوالريش
ندى صالح الطيب
فيس بوك
تويتر
انستقرام
يوتيوب
بنتيريست