اتوحموا عافيه...

مرحبا Guest
اخر زيارك لك: 03-29-2024, 09:55 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة سهام المجمر(Siham Elmugammar)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-29-2005, 08:53 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
اتوحموا عافيه...

    تسعه شهور طواااااال من الحمل و الوحم (يا سجيمان و مادراك ما الوحم) الشعر منفوش و الجلابيه و اسعه و تكون مشروطه بالجنبه فيها تستحم و فيها ما تستحما و الغالب ما تستحما... وحم عجيب شى طراش ..شى بصاق..شى عدم نوم ..وجع ضهر و بكى ..حاله من الاشىء و من الكل شىء..تسألى نفسك ياربى هسه الحاله دى بتشبه شنو..تلقيها بتشبه روحها...تتمنى القادم لحياتك ما يكون بيشبهها...تلاته رجال احبهم و احترمهم لقيتهم قاعدين لى زى الاسود..عاوزين نتكلم معاك..جدا حللتم اهلا..المختصر المفيد: "و الله نحن بنفتكر انو الوحم ده حال نفسيه.. وانتى فى حالة استجابه ليها و نحن ما كنا متوقعين زوله زيك ممكن تقع فى شرك جهل الاجيال السابقه من الامهات"...كلام كبيييير يا شباب دراب بس...صمت مافى رد.. المختصر المفيد "نحن بنشوف انك تطلعى من الحاله دى بسرعه و تبطلى الانتى فيهو ده" كمان ما عندى رد مافى رد و الله يا جماعة الخير..مشو ..بقيت براى هوى ياخوانى الباقى جنيت الجماعه يمكن كلامهم صاح ..يمكن انا ما قاعده اجتهد كفايه ..عووووووع..هسه ده شنو..انا طرشت فجأه و البصاق ده انا بجيبو من وين..الله يقرف العدو...عووووووووع تانى..ياربى معقول دى حاله نفسيه..على احر من الجمر مستنيه موعد زيارة الدكتور...و اخيرا.. اسمع يا دكتور سعد انا عندى سِال يستوجب الصراحه التامه..لانو القصه فيها نفسيات...الوحم ده حاله نفسيه والا عضويه؟ عشان كان نفسيه نحصل رقبتنا...شوفى القصه دى نهائى ما عندها علاقه بالنفسيات اولا انتى فرحانه انك ح تكونى ام يعنى ما عندك مشكله مع الحمل..القصه فى الاساس سببها الكميه الكبيره من الهرمونات البتنشط فى فتره الحمل و الجسم بيكون ما متعود عليها و فى النهايه هسه جسمك ده كله شغال لخدمة القادم الجديد.. سجمنا ياخوانى حتى جسدنا بينقلب علينا..الغريبه..نسيم فرح و تباهى جانى نحن فعلا صناع الحياه...راس فووووووق.. اها لكن اختى ليه ما بتتوحم؟.. لانو رد فعل كل جسم بختلف and that is all .. الله اديك العافيه طمنتى يعنى ما نفسيات.. راحه تامه بعد ده وحم من غير منزاعات نفسيه و صراعات مع روحنا..راحه ما تمت... يا جماعه الرأيين رأى رجال.. و الرجال ما هم نسوان.. لقيت نفسى كنت لافه صينيه..لعنت كل شىء و لعنت نفسى ..قلت لنفسى الى متى..حتى الوحم الما بعرفووه..و لا ممكن يعرفوه عاوزين يورونا اصلو و فصلو ..و هنا اكتشفت انو انا عندى نفسيات لكن ما منى من العلى...و الشكر موصول لترباس...و يااخياتى الله يتم ليكم بالخير..و نصيحتى اعملو اضان الحامل طرشه...و الكلام ليك يا فلانه الما معانا
                  

03-29-2005, 12:35 PM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: اتوحموا عافيه... (Re: Siham Elmugammar)

    ماما سهام.....
    الوحم...زي ما قال دكتورك بيختلف من واحدة ل واحدة..و من حمل ل حمل....لكن إنتي ما معاي في إنو في واحدات بيزيدوهو توم و شمار؟؟؟
    يعني الطمام و القرف و الزهج و التعب عرفناهم...تغييرات هرمونية و جسمك أباك بالله واحد.....لكن جنس البتجدع هدوم راجلها عشان ريحتو فيها...و جنس الجنها بيصاقر نسيبتها....و جنس البتقابل حماتها و في الضلمة تحدر ليها.....و جنس النفِسها ما تخش إلا في التفاح الأرجنتيني و الكيوي المالديفي......ديل تقولي عليهن شنو؟

    ربنا يحلك بالسلامة يا ختى و يديكِي الساعة الهينة.....
    إنشالله محلولة و مبلولة....و نفساء و فرحانة....
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de