|
|
 صقور "الجي بي أس"
|
* الصقور أنوع، لكن خلونا في نوعين، الأول بتاع اليهود.. والتاني نشوفو في الأخير
*الصقر أصلاً اليهود قبضوهو من شجدرتو قبال كم يوم وربطولو الجهاز القالو عليهو الجماعة
* وقالو ليهو: جيب أضانك يا صقر في تبلدية قدام قيادة الفرقة السادسة مشاه في الفاشر دايرنك تمشي ترك هناك
* والصقر عليهو التكل تب شاف أي مكان في العالم ، مش صقر يهود
* ومن حتتو ديك وعلى السودان، مرقلو من كم طلقة من عرب سينا لكن في النهاية دخل الحدود السودانية
* بطير باليل ويهجس بالنها، عامل حسابو من الرادارات ما تلقط إشارة الجهاز المعاهو، وبالليل لا من يبدأ
رحلتو بيغمض عيونو، أيوة يغمدن عشان عبد الرحيم محمد حسين ما يشوفو برضو
* أها وصل التبلدية وخت فوقا تب
* أها ياصقر الجن الطيارات صعب تنشاف لي أسباب كتيرة منها مشغولية الناس، لكن هني في الفاشر
في قصاصين يبروا درب السارق يجيبو الحرامي في نهارو
* القصاصين كحلو ليك الصقر وشافو الجهاز
* الشي دا مكتفاهو صوفة، لا ياخينا الصوفة دي للجداد، زي الواقع ليهو في طين كراعو دي تقييييلة
* الورطة قبضوهو كيف؟
* بلغو القيادة السادسة، الهي الصقر راكي قداما وما شافتو عشان نايم مغمد عيونو، وهن قامو ضربو لي وزير
* ياخوانا إنتو شرك ما عندكن تب، كدي أجدعو ليهو لحم داب ما شفنا ليكن فكرة
* جيبو نبلة، يا سعادتك النبلة ما بتجيب في راسو شي،، في صقر بنضرب بترميهو الحصاية؟ إتا ماك نصيح
* ياخي شوتو الشي دا بي ضلقة وريحونا منو، بس الجهاز جيبوهو لي في المكتب
* طيب كيف بنعرف يا سعادتك الجهة المرسلاهو، حا نحقق مع فطيسة
* ياضابط أنا فاض بي منك، ياخي إتصرفو في الشي دا قبال بكرة
* في حجتن ديك الصقر يطير ويرك من فرع لي فرع
* قفلو التلفون من الوزير،، وبدوا في النقة بتاعة العساكر، متعلمنها من تمام 9
* هن في حتتن تحت الشدر يجي مقناس طاير يقش ليك الصقر، أتاريهو واحد ليهو زمن كايسليهو لي صقر
* الصقر وقع والجهاز طار متل هنوك، والشكلة دورت، العساكر طبعاً خايفين من الوزير ،،ن لازم الصقر
بكرة يكون في مكتبو،، والزول الجدع المقناص ما يهمو الجهاز ،، هدفو تراهو الصقر دا
* وبعد دفاس، اتفقو العساكر يشيلو الجهاز، ولأنو الصقر أجنبي،، الزول الجدع المقناص قاليهن أنا عندي
صقر محلى بديكن ليهو وأدوني دا،، عشان كدي الصقر الجا الخرتوم مزور،،، بس بمشي الحال... صاح
...........................
* النوع التاني من الصقور موجود في النـَصْ
|
|
 
|
|
|
|
|
|
|
|
Re: صقور "الجي بي أس" (Re: جلال جبريل)
|
سلام
Quote: * وبعد دفاس، اتفقو العساكر يشيلو الجهاز، ولأنو الصقر أجنبي،، الزول الجدع المقناص قاليهن أنا عندي
صقر محلى بديكن ليهو وأدوني دا،، عشان كدي الصقر الجا الخرتوم مزور،،، بس بمشي الحال... صاح |
ده انت بقيت خبير صقور اجنبيه ,,
| |
|
|
|
|
|
|
| |
جلال جبريل
عمار عبدالله عبدالرحمن
الامين موسى البشاري
فيس بوك
تويتر
انستقرام
يوتيوب
بنتيريست