شوفتو السطر الاخير دا خطير كيف مدرك لعهر المراة ومكرها !!!! من تاريخ الفتوى دى ماعاوزين اى واحدة فيكن بنون النسوة تجلس مع المدعو انترنيت لوحدها مفهوم ...... وسوف نقوم بكتابة لستة طويلة تضم كل من سلمى بت الشيخ وكل الاخوات المشاركات فى حوش بكرى من عدم الجلوس مع المدعو انترنيت من غير وجود سيد الحوش !!!!!!!!
11-26-2012, 02:08 AM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
دا ما الجنن بوبى ذاتو يا معاوية وحاتك انا قاعدة مع الانترنيت اليوم كلو من غير محرم ..... اها الحل شنو فى حوش بكرى المليان نساء من غير حارس !!!!!!
العزابة كويسين بس امهم محتاجة محرم يكون جالس معاها فى حوش بكرى فى شان المدعو انترنيت ما عشان ماشة الحج ... اوعك تخلى صاحبتى تجلس مع المدعو انترنيت من غير وجودك وبالعدم مع العيال.
11-26-2012, 02:25 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
ود قبانى كل التحايا ، وحاتك محن الدنيا كلها طالعه من شيوخ وعلماء النجر ذوى الرؤوس الفاضية ديل، غايتو الله يستر مايطق لينا شي فى نافوخنا دا من الفتاوى الكترت على نون النسوة .........
11-26-2012, 02:53 AM
الصادق الخالدى
الصادق الخالدى
تاريخ التسجيل: 10-11-2012
مجموع المشاركات: 805
Quote: السلام عليكم نشكلة الناس فى الدنيا دى اللفحى والاستعجال والله صحى
وعليكم السلام ، يعنى بقت على دى ولا بعيدة عليهم .... بعدين فى الاساس العود لو مافيهو شق ما بقول طق .. فى سؤال للشيوخ ديل من كلام قالوه وفى اجابة بنكران الكلام ... قبل كدا جبته فيديو وفيهوا كلام بصوت الشيخ ذاتو قالوا مدبلج !!!! الخلاصة لو نكروا الكلام دا فى فتاوى كتيرة ما ممكن تتنكر بنجيبه ليك
11-26-2012, 03:18 AM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: فتوى الشيخين عثمان الخميس وسعد الغامدي في تحريم الانترنت على المرأة بسبب خبث طويتها ولايجوز لها فتحه إلا بحضور محرم مدرك لعهر المرأة ومكرها، نسأل الله الثبات! بسم الله الرحمن الرحيم والحمد لله رب العالمين وبعد، فإن النساء مخلوقاتٌ كسائر مخلوقات الله، لكن فيهنّ ضعفاً بيّناً وهوى يأخذهن صوب الحرام إن لم تجعل الضوابط الشرعية قائمة في المجتمعات التي يقمن فيهن. وحكم دخول المرأة للإنترنت حرام حرام حرام. ففي هذه الشبكة من مواضع الفتنة ما قد لا تتمكن المرأة بضعف نفسها على مقاومته. ولا يجوز الدخول لها على مواقع الشبكة ما لم يكن برفقتها أحد المحارم الشرعيين ممن يعرفون بواطن النساء ومكرهن وضعفهن أمام الجنس والهوى، كما قد فصّل ذلك فضيلة الشيخ سعد الغامدي في فتوى طويلة مدعومة بالأدلة الشرعية الثابتة.
كما قد فصّل ذلك فضيلة الشيخ سعد الغامدي في فتوى طويلة مدعومة بالأدلة الشرعية الثابتة اها دا السؤال ....
Quote: سماحة الشيخ هل فعلاً هذه الفتوى صادره من سماحتكم يرجى الرد للأهمية
ودى الاجابة والشينة منكورة.....
Quote: سبحانك هذا بهتان عظيم ، هذا كذب لم أقله ، ولم أطلع على فتوى الشيخ سعد الغامدي
11-26-2012, 03:31 AM
الصادق الخالدى
الصادق الخالدى
تاريخ التسجيل: 10-11-2012
مجموع المشاركات: 805
تصغير الخطالخط الافتراضيتكبير الخط 16/9/2012 الآن - وكالات 4:50:32 PM
استنكر أستاذ الفقة بجامعة الإمام محمد بن سعود بالأحساء الشيخ الدكتور محمد العلي ما تم تداوله مؤخراً في الإنترنت تحت عنوان « لا انترنت للمرأة إلا مع محرم ! « واعتبره افتراء على الشيخين عثمان الخميس وسعد الغامدي وإن كانت هذه الفتوى غير الصحيحة من افتراء الجهلاء.
معلناً أنه لايجوز الكذب والافتراء على المشايخ إن كان يتهكم فهذا لا يجوز وإن كان ينسب لهما قولا فهذا من البهتان والكذب على طلبة العلم والعلماء والمشايخ ولا يجوز الأنترنت بهذه الطريقة , والمرأة المسلمة حماها الله بالفكر العالي والمثقف وكيفية الإدراك بين الأمور النافعة والمضرة لدينها وعقيدتها , مؤكداً أن المرأة هي كالرجل في استعمال الإنترنت وماهناك فرق بينهما في استخدامه كونه يحمل مواقع جيدة ومواقع ضارة أخلاقياً وفكرياً .
اساسا فى جدل فى الموضوع عشان ما نكون لفاحين يعنى فى نقاش حول الموضوع !!! الفيديو ياربى موضوعو شنو !!!!! نحن اللفاحين ديل بنفهم فى الدين اكتر من علماء تحريم وتحليل استعمالنا للانترنيت.... بالله مشاكل الدنيا كلها اتحلت من قتل واغتصابات وحروب وسرقة وزج الدين لتغطية جرائم ارتكبت ب اسم الدين وبقت على دى.
Quote: فتوى سعودية: يجوز للنساء دخول الانترنت بلا محرم
النقاش فى موضوع ذى دا من علماء ومشائخ فى حد ذاتو مهزلة .... المشكلة ما فى يجوز لا مايجوز المشكلة فى عدم الموضوع .... بعدين منو الاداهم الحق فى اصدار فتاوى ذى دى عشان يتناقشوا فيها .. عشان كدا قلنا النجر وعدم التركيز والتخبط ما من صالحهم..
11-26-2012, 04:18 AM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: بعدين فى الاساس العود لو مافيهو شق ما بقول طق .. فى سؤال للشيوخ ديل من كلام قالوه وفى اجابة بنكران الكلام ... قبل كدا جبته فيديو وفيهوا كلام بصوت الشيخ ذاتو قالوا مدبلج !!!! الخلاصة لو نكروا الكلام دا فى فتاوى كتيرة ما ممكن تتنكر بنجيبه ليك
الاخت الكريمة نجاة بت سيداحمد دة عنوانك (سارة عيسي وكل العزيزات هاكم الفتوى دي هدية!!!! ) يعنى يا خيتى انت جيتى جارية جايبة لى خياتك ديل هدية وكمان مدنكلة وانتى مستمتعة بالخبيز اللقيتى دة وبديتى ترسمى فى ح### دى وجوكى المكعوجين من كترتة اللفحى
انا فى رأى بتحتم عليك اعتذار لانك انتى ناقلة لفتوى عن شخصيات معينة بغض النظر عن نوعية الفتوى والموقف الشرعى منها والموقف من المفتى زاتو وعلى اى امر استند وما هو سياق كلامه وفى النهاية ما هى قواعد الفتوى واحكام المفتى و و و و..... الاعتذار مهم يا بت سيد احمد وخصوصا للشيخ عبدالله الخميس اولاً لانك انتى ناقلة كلام كذب عنه وجبنا ليك ما يثبت ذلك ما تقعدى تشتتى الكورة بالعود لو مافيه شق وما ادراك الكلام والجرى دة ما بحلك يا خيتى لازم تعتذرى وباذن الله انا جاييك لبقية كلامك
Quote: انا فى رأى بتحتم عليك اعتذار لانك انتى ناقلة لفتوى عن شخصيات معينة بغض النظر عن نوعية الفتوى والموقف الشرعى منها والموقف من المفتى زاتو وعلى اى امر استند وما هو سياق كلامه وفى النهاية ما هى قواعد الفتوى واحكام المفتى و و و و..... الاعتذار مهم يا بت سيد احمد وخصوصا للشيخ عبدالله الخميس اولاً لانك انتى ناقلة كلام كذب عنه وجبنا ليك ما يثبت ذلك
الأخ الصادق سـلام الأخت نجاة تعتـذر عن ليه ؟ هل جابت الكلام من راســها و بهتت الشــيخ , أم اثناء تصفحها للنت وقـعت في عينها الفتـوى دي ايا كانت كاذبة أم صادقة فانهجمت و نقلتها ذي ماهي وانت جبت الفتوى و معاها سـؤال للشـيخ , هل طلب الشـيخ من السـائل الاعتذار ؟
بعدين كلامك ( انتي ناقلة كلام كذب عنه ) غير صحيح فهي لم تنقل الكلام عنه و لم تقل أنا سـمعت الشـيخ قال كذا , بل كلام موجود في النت , والاعتذار ( إن وجـد ) يكون ممن كتب الفتوى في النت
11-26-2012, 10:13 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22555
Quote: النقاش فى موضوع ذى دا من علماء ومشائخ فى حد ذاتو مهزلة .... المشكلة ما فى يجوز لا مايجوز المشكلة فى عدم الموضوع .... بعدين منو الاداهم الحق فى اصدار فتاوى ذى دى عشان يتناقشوا فيها .. عشان كدا قلنا النجر وعدم التركيز والتخبط ما من صالحهم..
سلام يا أستاذه الاداهم الحق انهم علماء مسلمين .. وحتى لو كانو ناس عادييين برضو عندهم الحق زى ما عندك الان انك بتناقشي فيهو وزى ما عندى الان بكتب عنو
بعدين اعتقد انو النقاش فى الموضوع ده ما مهزلة .. بالعكس موضوع مهم شديد وبهم كل أسره وبنكون مجافين للحقيقه لو قلنا انو الانترنت ما مصدر خطر على الأسر وخصوصا النساء وتحديد النساء هنا .. مش لفرض الوصاية او جندرة الأفكار
ابدا .. التخصيص من احساس المسؤلية ورعاية الرجل لأسرته .... فالرجل مسؤل عن أسرته فى كل شئ الا اذا اتغيرت الحاجات دى فى هذا العصر الحديث
11-26-2012, 04:35 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
الأخ الصادق سـلام الأخت نجاة تعتـذر عن ليه ؟ هل جابت الكلام من راســها و بهتت الشــيخ , أم اثناء تصفحها للنت وقـعت في عينها الفتـوى دي ايا كانت كاذبة أم صادقة فانهجمت و نقلتها ذي ماهي وانت جبت الفتوى و معاها سـؤال للشـيخ , هل طلب الشـيخ من السـائل الاعتذار ؟
بعدين كلامك ( انتي ناقلة كلام كذب عنه ) غير صحيح فهي لم تنقل الكلام عنه و لم تقل أنا سـمعت الشـيخ قال كذا , بل كلام موجود في النت , والاعتذار ( إن وجـد ) يكون ممن كتب الفتوى في النت
شكرًا الأخ عبد الله المفروض شيوخ الغفلة ديل يعتزروا للمرأة من الفتاوى الما عندها مرجع ومنجورة دي .
11-26-2012, 04:17 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: بالعود لو مافيه شق وما ادراك الكلام والجرى دة ما بحلك يا خيتى لازم تعتذرى وباذن الله انا جاييك لبقية كلامك
بالعود لو مافيه شق وما ادراك الكلام والجرى دة ما بحلك يا خيتى لازم تعتذرى وباذن الله انا جاييك لبقية كلامك
يازول أنا قاعدة وموجودة وقبل كدا فى جماعة مهرجلين ما قدروا ينفوا كلام شيوخ الفتاوى المنجورة دي .. بعدين اعتزت لمنو؟؟ والله انت زول طموح جداً أنا ما بعتزر ولا عملته غلط عشان اعتزر ..
11-26-2012, 06:45 PM
سارة عيسى أحمد
سارة عيسى أحمد
تاريخ التسجيل: 10-26-2011
مجموع المشاركات: 267
نجوته ازيك الوهابية ديل اصلا ماسكين دين الله والرسول دا بي القلبا دينهم وايمانهم المرأة ( الحرمة) دي عاملة ليهم جن كلكي ماتحرقي دمك ساي يختي جليهم وجلي البباريهم ربنا دا ما عرفوهو بالعقل عاد شفنا بي عينا . في الاساس هم بيقولو ليها حرمة تاني قاعده تفتشي وراهم مالك ... بطلي نبش وشوفي شغلتك .
11-26-2012, 07:33 PM
مها عبد الله
مها عبد الله
تاريخ التسجيل: 07-13-2008
مجموع المشاركات: 2271
الموضوع وصل بهنا برضو ، إفتكرت الموضوع بتاع فيس بووك ساي ، الموضوع مثير للشفقة وحالتهم بقت تحنن ، فى الوقت الذى نري فيه علماء الغرب الكافر يخترع ويكتشف أحدث التقنيات للعالم ، يهَل علينا علماء السوء كل صباح بفتاويهم الغريبة الأطوار والمثيرة للشفقة !
مفروض يشوفوا ليهم شغلة تانية غير التفكير الكتير بالمرأة !
11-26-2012, 07:47 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: ماتحرقي دمك ساي يختي جليهم وجلي البباريهم ربنا دا ما عرفوهو بالعقل عاد شفنا بي عينا . في الاساس هم بيقولو ليها حرمة تاني قاعده تفتشي وراهم مالك ... بطلي نبش وشوفي شغلتك .
نجول اذيك والله ما بقدر اجليهم ، إلا يستندوا على مرجعية معترف بيها ، طالما النجر والاجتهاد الشخصى هو مرجعهم ما بنجلى.
11-26-2012, 07:36 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
ولتلطيف الجو للعزيزة نجاة وحتى لا تنفقع مرارتها ، كتبت موضوع الفتوي صباح أمس على صفحتي بالفيس بووك وح أجيب ليك التعليقات المضحكة بخصوص الفتوي التحفة دي الأعزاء زملاء المنبر فائز ود القاضي ، أحمد موسي ، عبد العزيز عيسي والشايقي ، أتحفونا بتعليقاتهم الساخرة والمضحكة وشر البلية ما يُضحك :
Quote: Maha Solieman هههههههههههههههههههههههههههههههههه أحلي مافي الفتوي إنو أنا محتاجة أمشي السودان كل يوم عند أبوي ولا أخوي ( المحرم بتاعي ) علشان أشوفكم كل يوم يا أصحاب ، يلا اعملوا شيرينج للتذكرة للسودان لووووووووووووووووووووووو
Quote: بكرة يقولوا ليك ركعتين الشبكة العنكبوتية...لا حول ولا قوة الا بالله واستغفر الله العظيم
الموضوع وصل بهنا برضو ، إفتكرت الموضوع بتاع فيس بووك ساي ، الموضوع مثير للشفقة وحالتهم بقت تحنن ، فى الوقت الذى نري فيه علماء الغرب الكافر يخترع ويكتشف أحدث التقنيات للعالم ، يهَل علينا علماء السوء كل صباح بفتاويهم الغريبة الأطوار والمثيرة للشفقة !
مفروض يشوفوا ليهم شغلة تانية غير التفكير الكتير بالمرأة !
مهوية سلامات الجماعات ديل ما عندهم شغلة غير يرجعوا فينا للخلف . والبغيظنى اكتر يجرك جماعة هنا يقولوا ليك دا اتهام ليهم اشمعنى يتهموهم ويقولوهم كلام ما قالو !!!!!!!! انتم مسؤولة من الخير جنبك محرم ولا لا. دخلتى البوست دا من غير محرم . تسلمى وشكر ا للتعليق من الاخوى المندهشين أن شاء الله آخر أندهاشة لهم فى الربع دا عشان الموضوع ليهو علاقة بالنيت وكدا ...
11-28-2012, 05:40 AM
الصادق الخالدى
الصادق الخالدى
تاريخ التسجيل: 10-11-2012
مجموع المشاركات: 805
بس للمعلومية هذه الفتوى مكذوبة وزيها فتاوى كثيرة منتشرة مزورة وممنتجة من اعداء بهدف الدعاية والتسويق ضد الاسلام عامة واتجاهات فكرية محددة بهدف النيل منهم بالتلفيق والتزوير بعد ان عجزوا من مواجه الاسلام فكريا والدعاة واقعيا . ثم ثانى نفس الفتوى دى ليست بجديد تسويقها وهى ليست سبق اعلامى وسبق لنفس هذا الموقع عرضها من قبل شيعى ولبرالى فى بوستين منفصلين فى عام 2004 يعنى تقريبا قبل 8 سنوات
موضوع الفتوى ده قديم وكما ذكر لك ألأخ/الخالدى بأنه كاذب وملفق...
إذا كان حقيقة طبعاً شىء مرفوض لأن العقل لايقبله.
Quote: وعي المرأه و تنويرها فيهو خطر عظيم عليهم
أخت سارة لك التحية....أين تكمن الخطورة فى وعى المرأة؟؟
مش هن شقائق الرجال...؟!! و قال رسول الله صلى الله عليه و سلم واستوصوا بالنساء خيرا ( إنما النساء شقائق الرجال ) {رواه أبو داود} لا أرى خطورة فى وعى المراْة أو تنويرها لأن الحدود واضحة وجلية للطرفين.
المرأة مكرمة ولا يهينها إلا لئم..كما قال الرسول لايكرمهن إلا كريم ولايهينهن إلا لئم.
لكم التحية وألأحترم ...
12-02-2012, 04:46 PM
Hafiz Bashir
Hafiz Bashir
تاريخ التسجيل: 12-04-2004
مجموع المشاركات: 7192
Quote: الليلة والليلة هو يعني انتوا كنتوا زمان بتخشوا من غير محرم
الكونت هو النيت براهو عاوز محرم كدى شوف دخولنا البحر البنحبو منعونا ليهو!!!!!!!!!!
Quote: (لأن الشقائق لا حدود بينها ... و"حدود الله" - لو عايز تقوقل - لا شقائق فيها!)
تبارك اريتك طيب.
التحية لكل من مرة بى هنا وخاصة للاخوات الكريمات يعنى يانجاة الله يهديك انت لسة مصرة تحاكمى الناس بتهم ملفقة ؟؟!!! وبتصرى انك ما غلطانة ومع دة كلوا بتقعدى تفسرى وتفصليى علي كيفك ؟؟!!! بس كلو عشان هو ما بعيد عليهم وهم الدخلهم شنو !!!! ياخى حرام عليك وصدقينى البهتان البهتى ليهم ان لم تتراجعتى عنه ان عاجل او آجل بحصل عليك كما تدين تدان ويارب ما احصل ليك .
وكمان مصرة انك تنبشى الفتاوى الملفقة و المزورة من بنى علمان وضلال الروافض ربنا يهديك كلو بس عشان تضحكى ؟؟!! اهو برضو فتوتك بتاعة الدكتور على الربيعى مزورة ومن حساب مزور من قبل الروافض
عموما يا بت الشيخ العبرة بمصداقية الخبر ومدى صحته وليس العبرة بمناصرة الاصحاب لك لانه المسؤلية لا ينفع معها الاصطفاف و كثرة ونوعية المصطفين
Quote: وكمان مصرة انك تنبشى الفتاوى الملفقة و المزورة من بنى علمان وضلال الروافض ربنا يهديك كلو بس عشان تضحكى ؟؟!! اهو برضو فتوتك بتاعة الدكتور على الربيعى مزورة ومن حساب مزور من قبل الروافض
بتفتكر انا لفقتها ولا حكايتك شنو!!!! وانت بتدافع عنهم كدى ليه ؟ الفتاوي دى حايمة فى كل مكان .. عاوزة لى كاشف كذب وتلفيق عشان ما اصدقهم .. اضحك على شنو!!! مافى حاجة بتخلينى أضحك قول أبكي من النجر والمصائب الواقعة علينا. كدى انت أثبت لى الفتاوى دى ملفقة من غير تجيب لى ردود من صفحة الشيخ ذاتو .. أو أقنعنى الشيوخ ديل فتاويهم كلها لصالح البشرية من تسامح ووقف الاغتصابات والحروب بين المسلمين و..... بدل عن أنواع الزيجات القاطعنها من رسينهم دى ولا فتوى إرضاع الكبير وفتاوى اخرى ماعندها اى فائدة بل ضرر
12-02-2012, 11:19 PM
Nagat Sid Ahmed Elshiekh
Nagat Sid Ahmed Elshiekh
تاريخ التسجيل: 03-04-2011
مجموع المشاركات: 3222
Quote: جاك قدو قدوبتاع بنى لبرال رئيس هيئة الامر باللبرالية والدفاع عن الحريات المنجورة وفاكراه بشيل ليك الراية هو كان فيه نفع كان مشى دافع عن صاحبتوا وخيتو فى الطريق شرد خلاها يطقشوا فيها براااها يمين شمال
ممكن اشخصن واعمل ليك ديباجات زي ما داير؟
ما بتجري تقول واي واي واي تبارك شيخ الدين شتمني؟
لأنو قبالك عملوا كدا ... هم يقلوا أدبهم وانا اتوقف من الكتابة في البورد لامن ارد عليهم ..
المرّة دي دايرك يا تعتذر عن الكلام دا وتمسحو ... يا تبقى راجل تديني إذن ارد عليك بى نفس المستوى ...
وفي الحالتين انا قبلان ... ولو عندك حالة خنثمشكل تبع الجهاد الإلكتروني برضو انا قبلان ... انت بس بيّن ...
... المهم ....
12-03-2012, 02:10 AM
مرتضي عبد الجليل
مرتضي عبد الجليل
تاريخ التسجيل: 10-04-2010
مجموع المشاركات: 3097
Quote: وكمان مصرة انك تنبشى الفتاوى الملفقة و المزورة من بنى علمان وضلال الروافض ربنا يهديك كلو بس عشان تضحكى ؟؟!! اهو برضو فتوتك بتاعة الدكتور على الربيعى مزورة ومن حساب مزور من قبل الروافض
سلام اخونا الخالدي: يعني شيوخ بني سلف ديل بالذات بتاعين السعودية ديل لو حدهم "فتاوي وبس " قنا لي هنا "العقل بميز ,لكن تعال أمسك جرائم ما يسمي بهيئة (الامر بالمعروف والنهي عن المنكر) وعلي فكرة هي جرائم معترف بها من قبل الهيئة دي نفسها وهي جرائم قتل وليست فتاوي وحسب ,أذهقت فيها أرواح شباب وشابات وكلو بسبب حشر الأنوف في خصوصيات لا تعنيهم في شي.
Quote: يا سلام عليك انت يا الصادق الخالدي يا بديع:
ممكن اشخصن واعمل ليك ديباجات زي ما داير؟
ما بتجري تقول واي واي واي تبارك شيخ الدين شتمني؟
لأنو قبالك عملوا كدا ... هم يقلوا أدبهم وانا اتوقف من الكتابة في البورد لامن ارد عليهم ..
المرّة دي دايرك يا تعتذر عن الكلام دا وتمسحو ... يا تبقى راجل تديني إذن ارد عليك بى نفس المستوى ...
وفي الحالتين انا قبلان ... ولو عندك حالة خنثمشكل تبع الجهاد الإلكتروني برضو انا قبلان ... انت بس بيّن ...
مرجب بالاخ الكريم تبارك اول شى ليك العتبى حتى ترضى تانى آسف شديد بالمداخلة الخشنة من طرفى ويعلم المولى هدفت منها الرد الطريف من شاكلة ( قفة ولة واضان قفة ) وبثورة رد فعلك تاكدت انها خشنة ويعلم الله ما هدفى مخاشنتك او خلافه ولا تجدونى الا ان اعتذر من كلامى المكوت ولك العتبى حتى ترضى يا ود جبريل وياخى انا مالى ومال الـ (خنثمشكل تبع الجهاد الإلكتروني ) اصلو انت حركاتك دى ما بتخليها . عموما هدفت الى الرد والاعتراض المصحوب بالطرافة معاك لا اكثر كما فهمت من مداخلتك ومتابعاتى اللصيقة لطرحك بس حقيقة زودت العيار مما يلزمنى الاعتذار ومسح ما يسؤك وفى نفس اللحظة اعترض على طريقة بعض ردودك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة