|
|
|
 Re: زواج السودانيات ... أحلى زواج ... (Re: تبارك شيخ الدين جبريل)
|
تبارك يا "لزيز"..
مااااااااا..دا "المحنن" بوبي زااااااااااتو...
قالوا يا تبارك في واحد مراتو قالت ليهو عايزة أتحنن..
قال ليها ما مشكلة خلي الحنانة تجيك هنا...
أها ضربوا تلفونات كدااااااااااا...لما لموا ليك في تلفون الحنانة..
شيلك ختك شيلك ختك..وصلوا معاها لـ "ديــل" إنها تجي تحنن المراة دي في بيتها..
أها المراة اتحننت وصاحبنا دا - الظاهر عليهو واستغفر الله من حقو - عمل زي الحركة
الجـــبانــة بتاعة الكفيل القفل على الولية داك...
قالوا - أضاني طرشا - "أغام" معاها "علاغة".. هسي دي ترجمة شنو عليكن النبي؟؟؟
غايتو..
الراجل اجتهد في "اختسار" موضوع المشي للحنانة دا..
لكنه دخل في موضوع "استصمار" للزيارة الميمونة للفنانة الحنانة..
..
.
بليز تراي تو قت باك إن يور فُل كاباسيتي.. سمح؟؟
..
.
| |
  
|
|
|
|
|
|
|
|
Re: زواج السودانيات ... أحلى زواج ... (Re: Mahmoud Mustafa Mahmoud)
|
والله يا تبارك عجبني العنوان وعشان كده دخلت طوالي .. لأنه استفزاني عنوانين واحد بيقول: زواج الفلبينيات.. احلى زواج" والعنوان التاني بيقول: زواج الموريتانيات .. احلى زواج" وبصراحة لسع ما قريت مواضيعهم.. وما شة ليهم هسع .. بعدما عرفت انك كتبت العنوان وانت قاصد العكس مما بقيت تعدد في السلبيات.. وهسع في ذمتك الحنة حاجة سلبية..
والله يدك العافية
| |
|
|
|
|
|
|
|
|
 Re: زواج السودانيات ... أحلى زواج ... (Re: اميرة السيد)
|
نجي - من الحنانة - بى الفل كاباسيتي نزولاً عند رغبة محمود مصطفى محمود ... ونبدأ بى أميرة السيد:
| Quote: بعدما عرفت انك كتبت العنوان وانت قاصد العكس مما بقيت تعدد في السلبيات.. وهسع في ذمتك الحنة حاجة سلبية.. |
والله بقيتي تفلقي وتداوي براك يا أميرة السيّد ... ودي من ميزات - ما امتيازات - زواج السودانية بالمناسبة ...
ذكرتيني حكاية الراجل السألوهو:
ما هي أهم اسباب الطلاق؟
فأجاب: الزواج !!!! ...
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
Quote:
.ما هي أهم اسباب الطلاق؟
فأجاب: الزواج !!!! ...
|
,,,,,,,,,,,
استاذنا تبارك
ما هو ده الرد الطبيعي للسؤال... اصلوا اذا مافي زواج حيكون في طلاق؟؟( بصراحة بيني وبينك مش في ناس مفروض ما يزوجوا من اصلوا.. من شدة ما بنسمع من المشاكل البثيروها عمدا بحثا عن الطلاق.. يعني بس اتزوجوا عشلن يطلقواّّّ
المهم..
والله يديك العافية
(عدل بواسطة اميرة السيد on 10-01-2012, 05:45 PM)
| |
|
|
|
|
|
|
|
|
|
Re: زواج السودانيات ... أحلى زواج ... (Re: وليد محمد المبارك)
|
سيناتور وليد يا صفوة...
Quote: ما يقدمه صلاح البندر لا يختلف كثيرا عن المعروض هنا
قلنا عاوزين تجربة جديدة |
ما فاهم يعني شنو تجربة جديدة بتاعتك دي...
عايز تجربة عن واحد "أغام" ليهو "علاغة" مع ماكينة تصوير مستندات مثلاُ ولا كيف الحكاية؟؟
..
..
علي اليمين الشي دا وااااااااااااااحد في الدنيا والعالمين..
الفيصل في الأمر برمته....الكلشر يا جماعة...
مستحيل تطلب من زوجة هندية مثلاً تعمل ليك ملاح ويكاب ولا أم فتفت لا سمح الله... ولا شنو؟؟؟
..
..
| |
|
|
|
|
|
|
|
|
|
Re: زواج السودانيات ... أحلى زواج ... (Re: وليد محمد المبارك)
|
أها
| Quote: نعم هذه تجربة جديدة تستحق المتابعة والنظر فيها |
إنت يا وليد في بتاع ماكينة التصوير داك،،.ولا أبو الزهراء العايز يساهر بينا دا؟؟؟
يا زهير ياخ تعال سوط الشي دا...عندي إحساس إنه تبارك المصيبة دا دردق ليك الفيلم دا مخسووووووووووس...
..
..
غايتو..
..
.
| |
|
|
|
|
|
|
|
|
|
Re: زواج السودانيات ... أحلى زواج ... (Re: الزبير صالح الزبير)
|
بوست صدمة زيو و زي بوست زواج الموريتانيات احلى زواج .. و بوست زواج المغربيات و بوست عيوشة التشادية
وز ي ما قالت ليك اميرة الحنة بقت مذمة وللا الكوفير بقى هيد ايك ؟؟
يتنحننوا و يمشوا ليكم الكوافير تقولوا ما عاجبكم و تكلفة و السودانيات ماديات.. ما يتحننوا و ما يمشوا الكوافير تقولوا معولقات احلى منهم الحبش
ياتو جنس ده البعرس بناتو مجانا ؟ و ياتو جنس الراجل ما بصرف على زوجته.. و ياتو جنس ديل المرة ما بتمشي كوافير و للا ما بتلبس دهب و للا فضة ؟؟
كان للحبش منشفين جيوبكم و مقشطنكم و كان للمغاربة بقالعوكم في القروش قلع.. والله الحبشية ميج و ميك اب ساي تفلس بيكم..
و الجنسين ديل ما بدوروكم عشان سواد عيونكم .. بس عشان هبلكم و صرفكم عليهم بالهبل ..غايتو جنس حال
| |
|
|
|
|
|
|
|
|
 Re: زواج السودانيات ... أحلى زواج ... (Re: سناء عبد السيد)
|
| Quote: وز ي ما قالت ليك اميرة الحنة بقت مذمة وللا الكوفير بقى هيد ايك ؟؟ |
مرحب سناء عبدالسيد ...
كل زول في البوست دا - وفي المنبر عمومًا- مسؤول عمّا تخطه يداه ...
انا اتزوجت سودانية مرّتين ... يعني اعتقد انو لو مسألة "سودنة" الزوجة كانت مسألة محورية بالنسبة لي ... لما دنوت من "سودانية" مرة أخرى ...
فالحكمة تقول: لا يلدغ المؤمن من "جحر" مرّتين ...
(بالمناسبة انا ماعندي أي نوع من انواع الموانع البتمنعني انو اتزوج محل ما عايز!)
في ناس شاركوا في البوست دا بى افتقار للحساسية الجندرية وعدم حضور وآراء شترا ... وانا من الأول أنذرت بأني حا ارد بعد عودة ...
فهوّني عليك .. وأدلي بدلوك مع "العوام" هنا ... قبل أن تصبي جام غضبك على الأجنبيات والرجل السوداني ...
(أو افعلي بالرجل السوداني ما تشائين ... فالحرية لنا ولسوانا  )
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: Gaafar Ismail)
|
Quote: يتنحننوا و يمشوا ليكم الكوافير تقولوا ما عاجبكم و تكلفة و السودانيات ماديات.. ما يتحننوا و ما يمشوا الكوافير تقولوا معولقات احلى منهم الحبش
ياتو جنس ده البعرس بناتو مجانا ؟ و ياتو جنس الراجل ما بصرف على زوجته.. و ياتو جنس ديل المرة ما بتمشي كوافير و للا ما بتلبس دهب و للا فضة ؟؟
كان للحبش منشفين جيوبكم و مقشطنكم و كان للمغاربة بقالعوكم في القروش قلع.. والله الحبشية ميج و ميك اب ساي تفلس بيكم..
و الجنسين ديل ما بدوروكم عشان سواد عيونكم .. بس عشان هبلكم و صرفكم عليهم بالهبل ..غايتو جنس حال |
........................
عزيزتي سناء عبد السيد
قلتي واوفيتي وكفيتي.. وما بنقدر نزيد
والله يديك العافية
| |
|
|
|
|
|
|
|
|
|
Re: زواج السودانيات ... أحلى زواج ... (Re: اميرة السيد)
|
| Quote: إذن المشكلة عندك يا تبارك ..موش عند السودانية ..واللا شنو ! |
كدى اسهب لينا في تعريف "المشكلة" دي شوية يا جعفر ...
(وانشالله في المدة دي وليد يجيب لينا المفيد بخصوص "تجربة جديدة" التي يتحدث عنها!)
ولو سناء عبدالسيد وأميرة السيد شرحن لينا هن أوفن شنو وما بيزيدن في شنو برضو يكون كويس ...
بعدين البوست دا من عنوانو انو زواج السودانيات "أحلى زواج" ... حقو المتداخلين يورونا هم مع أم ضد هذه الفكرة ... ولامن يدافعوا عن حاجة محددة أو يشتكوا من حاجة محددة أو يطالبوا بى حاجة محددة ... مفروض يكونوا واضحين ... الواحد يبقى شجاع ويقول انا بطالب بى كدا كدا كدا باعتبار انها "تجربة جديدة" ... أو انا بشتكي من كدا كدا باعتبار انها "مشكلة" ... أو انا بدافع عن كدا كدا باعتبار انها تعتبر "سلبيات" أو راي فلان انو دا صاح ودا غلط ...
يعني المتزوجين سودانيات ... والسودانيات المتزوجاتنهم ... أمرقوا لينا من الشخصنة شوية ... (ومن الإفتراضات الوهمية انو كدا معناها كدا دا قاصد شنو ما تعرف) ... وناقشوا لينا الموضوع في عضموا ...
ليه زواج السودانيات ما مشجع وبيتعرض لى هجمة شديدة؟
ليه المساندين لزواج السودانيات ما قادرين يروجوا لى موقفهم بدون الهجوم على الآخر؟
أصلو القصة شنو؟ هل نحن قاعدين نخفق في حتة غير البنتناقش فيها؟
(بعدين يا اميرة السيد لو ذكرت سناء عبدالسيد أن أهم ما في "الحنة" رائحتها ... لاتفقت معك على أنها أوفت!)
... المهم .....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
لإلقاء مزيد من الضوء ... نمشي لى "هاني" نرد على "قديمة" من الرابط الجابو وطريقة تناولو للمسألة ...
Quote: بداية:
ثم إذا اصبحنا غداً وتزوج كل شبابنا المغتربون بالخارج من مغربيات واثيوبيبات وصينيات وفلبينيات وأوربيات وآسيويات وأفريقيات وموريتانيات.
بناتنا حيمشو وين ؟ |
يوجد مغربيين واثيوبيين وصينيين وفلبينيين وأوربيين وآسيويين وأفريقيين ... المافي شنو؟
(كدى احسبها شوف مصير "بناتكم" ممكن يكون شنو وليه)
وكضاب البيقول حوا مافيشة ... حوا الخفيفة بت ريشة ...
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: اميرة السيد)
|
Quote: والله يا تبارك حالتك تحنن!!!
الصور الجبتها دي.. السودانيات أجمل منهن بألف مرة ومرة ..
والله يديك العافية |
أولاً - حسب كلمات الاغنية - اغلبهن سودانيات ... فلا يعقل ان تقصدي ان السودانيات أجمل من السودانيات بألف مرة ... لاكين بفرضية انو كلهن حبشيات ... وإنو السودانيات فعلاً أجمل منهن بألف مرة ومرة ... تبارك حالتو تحنن ليه؟
مش قلنا ليكم عبّروا عن مناصرتكم لى "زواج السودانيات" بدون الهجوم على الآخر (خصوصًا زول متزوج سودانية أصلاً وحالتو تتحنن بدل تحنن!) ...
ثم تانيًا انتي حا تتحرفني وتزوغي من الموضوع لى متين يا أميرة السيد؟
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: اميرة السيد)
|
سلامات يا تبارك، والله بوست جمييييل جداً و ظريف و دمو خفيف من عنوانو ..
سناء و اميرة هدئن من روعكن ..( انا طبعا بليدة في الفصحى و عندي عقدة من همزات الشياطين ما يجيني استاذ عربي طاير)
و تحية و صفقة كبيرة لابو الزوووووز ... امتعتناو الله كــ العااادة
----------------------
انا لو عكست الآية (زواج السودانيين احلى زواج) ح أبصم و انا مغمضة انو كلام سليم مية المية ...
دا حالتي ما جربت لا شامي لا مغربي
لكن الكلام دا بزعل جداد الخلا .... بين قوسين (منال) اليمينة ^___^
| |
|
|
|
|
|
|
|
|
|
Re: زواج السودانيات ... أحلى زواج ... (Re: رشا احمد)
|
| Quote: انا لو عكست الآية (زواج السودانيين احلى زواج) ح أبصم و انا مغمضة انو كلام سليم مية المية ... |
كدا نكون قربنا خطوتين تلاتة من الجكو ... تشكري يا رشا على الثقة في "بعضهم" ... ولكن نفاجئك بأن "بعضهم الآخر" فقد هذه الهوية السودانية ...
الكثيرين حملة جنسية سودانية بالميلاد ... ولكنهم ليسوا "سودانيين" في هويتهم الثقافية وفي مفاهيمهم الإجتماعية التي يتزوجون على أساسها ...
فهل الزواج هو "الملايات" و "الدهب" و "ماشة اتحنن" (وممكن تضيفوا ليها "الشافع عيان" و "عرس بت خالتي" وما إلى ذلك) ...
فندّي الفرصة لى الشبع من "التجربة" دي ... وبيفتش لى "تجربة جديدة" ... ابو الزهراء يمتنعون ...
(بالمناسبة يا "محمود مصطفى محمود" ... البوست دا ممكن تعتبرو امتداد لى بوست "الكفيل قفل على الولية" )
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
Quote: سناء و اميرة هدئن من روعكن ..( انا طبعا بليدة في الفصحى و عندي عقدة من همزات الشياطين ما يجيني استاذ عربي طاير)
و تحية و صفقة كبيرة لابو الزوووووز ... امتعتناو الله كــ العااادة |
يا رشا .. البورداب جنو و لازم نوقف الظاهرة دي قبل ما تستشرى :) .. تبارك عندو راي في قروش الحنة و الكوافير و اسه في واحد فاتح بوست
قال هل نفقات علاج الزوجة مسؤولية الرجل؟ حتى تكاليف العلاج للزوجة لمن تمرض عايزين يهربوا منها ..يعني عيانة برضو ما مريحنها
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
| Quote: كدى اسهب لينا في تعريف "المشكلة" دي شوية يا جعفر ... |
الحبيب تبارك
اعتقد مشكلتك أن السودانية طلباتها كثيرة ومكلفة : الدهب والملايات ..الخ .. وانت ما داير تصرف (ربما أكون مخطئ )
أؤيد جدا الزواج بالسودانية لآنها على الأقل تفهمك كويس وتقيف معاك ساعة الحارة .
تحياتي ووافر احترامي
| |
|
|
|
|
|
|
|
|
|
Re: زواج السودانيات ... أحلى زواج ... (Re: Gaafar Ismail)
|
Quote: اعتقد مشكلتك أن السودانية طلباتها كثيرة ومكلفة : الدهب والملايات ..الخ .. وانت ما داير تصرف (ربما أكون مخطئ )
أؤيد جدا الزواج بالسودانية لآنها على الأقل تفهمك كويس وتقيف معاك ساعة الحارة . |
انا قلت: الملايات ... الدهب ... ماشة اتحنن ...
أولاً شايفك عكست الترتيب وجبت الدهب قبل الملايات (عادةً في ذهن المرأة السودانية - حسب وجهة نظري الخاصة - تأتي الملايات قبل الدهب!)
الحاجة التانية ... انا ما جبت قائمة أسعار أو اتكلمت عن تكاليف ... بتكلم عنها كمحاور ذهنية تهدف ليها المرأة ويتخوف منها الرجل السوداني ... رغم أنها بعيدة كل البعد عن أسباب الزواج وأهدافه ... زادت تكلفتها أو نقصت ...
الملايات أنسجة قماشية تتوافر بكثرة في الفنادق ... والذهب معدن خامل كيميائيًا يستخدم في صناعة معالجات الحاسوب بسبب هذه الخاصية ... بالله عليك ما علاقة الملايات والذهب بالزواج أصلاً لولا الذهنية السودانية الملتوية؟
لو في رأيك إنو زواج السودانيات لا علاقة له بالملايات أو الذهب ... أطرح رأيك هنا (وبعد داك ارجى الراجيك) ... لاكين الواضح انو رأيك انو الملايات والدهب جزء أساسي من "الزواج" ... والواضح انو رأيك انو الرجل السوداني مفروض يتعلم يبحبحها على الزوجة عشان تشتري الملايات والدهب ... والواضح انو تبريرك هو إنها حا "تفهمك كويس" وحا "تقيف معاك في الحارة" وتبيع ليك دهبها (ولا تعتقد للحظة أنه ذهبكما فقد قتلنا هذا الموضوع بحثًا ... وإليك المصدر بيتنا ..عربيتنا..أولادنا..دهبي..!!! ) ... فإنت ما تنسب آرائك دي ليّ باعتبار انها حل لى "مشكلة" الناس الزيي ديل ...
نحن هنا نتحدث عن "زواج السودانيات ... أحلى زواج ..." ما هي مميزات - وليس إمتيازات - زواج السودانيات؟
أين إرثنا الإجتماعي لتدعيم هذه المؤسسة الناشئة لتكون عنصر أساسي من عناصر تكوين المجتمع وإسمها الأسرة؟
(بعدين ما تتضارى ورا الهجوم عليّ بافتراض انو أنا عندي مشكلة ... خليك في الموضوع!)
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: اميرة السيد)
|
Quote: مش احسن مما افلق وما اداوي!!!
والله يديك العافية |
حكاية الفلّيق وعدم المداواة دي بى هناك ناس حليمة(بى رقم الزوجة اظنو 2) عملوها ظاااااهرة ....
(بعدين حتى في البوست هوليـ‘نا دا ظاطو ... شاعر بى اني حيطتكم القصيرة ... غايتو الله يعدلها عليكن!)
... المهم ....
| |
|
|
|
|
|
|
|
|
 Re: زواج السودانيات ... أحلى زواج ... (Re: تبارك شيخ الدين جبريل)
|
بتعرسوهن ليه .... يا وليد يا بتاعة "تجربة جديدة"؟
ياها الملايات والدهب وماشة اتحنن؟ ولا حاجة تانية؟
حساسيتك تجاه الداخلين والداخلات في التجربة الأولى ... بتفرض عليك انك بتبرر كواستك لى "التجربة الجديدة" على أيّ اساس ...
وإياك تجي تقول دا كلام ما جادي ... لأنو حساسيتك تجاهنا حا تفرض عليك انو تبرر هظارك الخشن دا لزومو شنو؟
(انا عندي احساس انو في خوف من الموضوع عشان كدا مافي مشاركات، يعني "زواج الخواجة أحلى حاجة" جاب مشاركات لأنو ما جادي)
بتعرسوهن ليه؟ بتعرسنهم ليه؟
يعني الزول لامن يقرر يعرس بيكون داير يعمل شنو جديد في حياتو ... عشان نفرح بى جديدو ...
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
نعمل ليكم "كولاج" لى المواقف والآراء ...
زينب محمد عبدالله ... نمطت البنات البيتداخلن على طريقة "حسن موسى" ... ثم أتحفتنا بهذا الإستعلاء:
Quote: سلام يا صاحب البوست
يحى قبانى
غايتو بوست حليمه بتاع الخواجه عمل ليكم زغلله
كل يوم تفتح عشرات البوستات ما قلنا اى حاجه بس كنا نتمنى انو الرجل السودانى ينظر لى روحو ويعرف انو هو ما perfect
وشينين خلقه واخلاق ومفلسين وبرضو السودنيات مستحملنهم بى علا تهم دى كلها .....
وزى ما بتقول الحكمه رحم الله رجلا عرف قدر نفسه ووقف دونها
العجيبه بعض الاعضاء بتسألو وبكل ثقه زى سؤال يحى قبانى ادناه :-
( قبال مقارنة الرجل السوداني " المتخلف علي حسب مفهومكم " كدى نشوف انتو سويتو شنو عشان تلقو المعاملة الراقية و الحب المتبادل ؟؟)
نحنا سوينا شنو!!!!!؟ الاجابه...نحن قبلنا نتزوجكم وبس
يعنى الخواجه لمن يجثو على ركبتيه ويقول للمرأة will you marry me وهى تقول yes بموت من الفرح
انتو الله ليكم من عملتو لينا شنو دى .......ما بتعرفو حاجه اسمها unconditional love
ما بالضروره انو المرأة تعمل اى شىء عشان تلقى مقابل من زوجها من تعامل راقى وحب واحترام ... المرأة انسان مقدس
ويجب بأن يعامل على هذا الاساس ..عشان لمن تجيب ابناء يتربو فى عز وكرامه
ملحوظه :- البنات البدخلو بوستات زى دى وعايزيين يعملو marketing لى روحهم بقول ليهم بطلو خفه وما تستعجلو على قسمتكم لعبتكم مكشوفه
مافى زول يسألنى انت قاصده شنو ولا منو لانو ....هى بتعرف روحها |
Re: مفهوم الرومانسية عند المرأة السودانية - الحب الصامت
(ولى يحي قباني تعظيم سلام على الكمين النصبو ردًا على "زواج الخواجة أحلى حاجة")
وجه القمر سافر يضوى شعاع ونور وافر
يا بدر ساءلك جاوب ليش أخوك نافر؟ 
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: وضاحة)
|
انت كان الله اداك كان لقيت ليك واحدة دلكتك عدلت ليك وشك المسنوح
وملت ليك مشاطك دا كركار كان عيونك فتحت ههههههههههههههه
************************************
غايتو البت دى عسل خلاث
انت يا تبارك عيونك مغمضات ونحنا ماعارفين لووووووووووووووووووووووولز
| |
|
|
|
|
|
|
|
|
 Re: زواج السودانيات ... أحلى زواج ... (Re: Abdlaziz Eisa)
|
Quote: انت كان الله اداك كان لقيت ليك واحدة دلكتك عدلت ليك وشك المسنوح
وملت ليك مشاطك دا كركار كان عيونك فتحت ههههههههههههههه
************************************
غايتو البت دى عسل خلاث
انت يا تبارك عيونك مغمضات ونحنا ماعارفين لووووووووووووووووووووووولز |
بكلّ تداوينا فلم يشف ما بنا ... القصة ما كركار ودلكة وبس (ولو انهم ما هينات) ...
Quote:
هذا الفرح .... ننشده فلا نجده ... نخاف الحب ... ونتهيبه ... ونضمر له كل سوء .... أذكر مرّة أننا مررنا بمجموعة من الجيران ... اللذين أفخر بجيرتهم ... ونحن مشتبكى الأيدى .... فتوقفنا لتحيتهم ... فابتدرنى أحدهم بتعليق حميم ... قائلاً "والله أضفتوا لينا لمحة جميلة بى دخلتكم ومرقتكم متماسكين كدة" ... فضحكنا .... ثم واصلنا مسيرتنا فى اتجاه زلط النص .... مشتبكى الأيدى كعادتنا .... وأنا أفكّر .... لماذا نتغنّى بالحب كلّ هذا الغناء ... ثم لا تكون لدينا ثقافة الحب واشتباك الأيدى فى شوارعنا .... لماذا نخجل من الحب .... ونقنن له حدود تفرغه من متعته ... لماذا نحب كالآلات ... أو كالموظفين ....
سؤال لا أرى فى إجابته .... سوى قبح نفوسنا .... |
Re: حبيبتى
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: Kostawi)
|
سودان نيالا وسط الوالدين والأهل والحبّان ...
بنات النيل حليل لون الخدار والحنة
والفرع البميّل بالنسيم يتتنّى
طاري الحفلة يوم غنايها هايش جنّ
والخالات محضر جرتقن للحنة
(يبدو ان "زواج الخواجيات ... أحلى زواج" سيعتدي على ذلك "الخدار" الذي طالما غنيناه!)
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: rummana)
|
بالله يا رمّانة تعالي اشرحي لينا الغريب شنو في انو دا كلامي؟
وانتي قايلة انا فتحت البوست دا بالصدفة؟
ولاّ رد فعلك دا جزء من خصامنا الإجتماعي مع الرومانسية كما يقول يحي قباني؟
العرس سودانية وشاكي ... قبل ما يجي يشرح لينا شاكي من شنو يشرح لينا عرّس ليه؟
والعرست سوداني وشاكية ... قبل ما تشرح لينا شاكية من شنو تشرح لينا عرّستو ليه؟
يعني شنو بالضبط أهدافك الانت داخل بيها ... وما اتحققت؟
وما اتحققت ليه؟ دا مش سؤال منطقي نحكم بيهو على تجاربنا؟ ولاّ نجيب معايير من برة؟
(انا غايتو الله - كتّر خيرو - اداني قدر نيتي والفي مرادي! )
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
يا سارية الجبل ...
إنت عارف أنا قُلت أخش على بوستك دا وأدّيك هبشة ... وأهو فتحت النور لقيت سؤالي في وشي لمّا نطّيت ذاتو ...
Quote: سؤال للعريس صبري طه (لو سمح لينا بالسؤال):
انت داير تعرس ليه؟ (وكت اصلو العرس ما لصيق سراير) |
لصّيق السراير يا تبارك جزء من الحياة الزوجية وليس كل الحياة الزوجية ...
في ناس مما يجيبوا الأولاد السراير ذاتا ما بتذكّروها خلّي كمان يلصّقوها* ...
ـــــــــ
نسيت إنّو بلصّقوها لكن عشان يرقّدوا فيها جيش الأولاد
| |
|
|
|
|
|
|
|
|
|
Re: زواج السودانيات ... أحلى زواج ... (Re: صبري طه)
|
Quote: وضاحة كتبت: طبارك
يعرس ركبيك
وحات الله مافى احلى من السودانيات
واحلى حاجة عاداتنا وتقاليدن وريحتنا بتاعت الخمرة والدلكة والحنة
انت كان الله اداك كان لقيت ليك واحدة دلكتك عدلت ليك وشك المسنوح وملت ليك مشاطك دا كركار كان عيونك فتحت ههههههههههههههه |
غايتو البراءة قسمة ونصيب ...
تسلمي يا وضّاحة ،،،
| |
|
|
|
|
|
|
|
|
|
Re: زواج السودانيات ... أحلى زواج ... (Re: صبري طه)
|
| Quote: لصّيق السراير يا تبارك جزء من الحياة الزوجية وليس كل الحياة الزوجية ... |
طيب ... لو سمحت لينا نتعمّق في الفكرة ...
كدى سوقنا خطوة خطوة في العملية بتاعة صنع قرارك بتاع العرس ... يعني هل هي حالة وجدت حلها في العرس ... ولاّ مرحلة وصلت ليها ضمن مراحل متسلسلة سبقتها وستلحقها ... ولاّ تغيير روتين ... ولاّ استثمار ... شنو بالضبط الخلاك تقول انا داير اعرّس ...
(وانشالله مناقشة الفكرة هنا تصب في مصلحتك ويكون زواج ميمون وناجح بإذن الله!)
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: صبري طه)
|
البوست ده كان وين؟
| Quote: إدتدضطح (إتّضح) انو السودانيين مكچنين السودانيات ... والسودانيات مكچنات السودانيين ... |
هاهاهاهاها... والله صحي..!
يا تبارك..
"الخلعة" بتاعتي كان سببها "جهلي" برومانسية وشاعرية تبارك .. لكن ما لايمة نفسي .. انت وقيقراوي متعبينّي في فهم المقاصد .. بيستغلق علي كلامكم مرات :).. المهم.. ربنا يخلي ليك المدام والعيال ويهنيكم ببعض يا رب ..
| Quote: ولاّ رد فعلك دا جزء من خصامنا الإجتماعي مع الرومانسية كما يقول يحي قباني؟ |
رومانسية شنو الـ مظهرها الوحيد عمود في وسط غرفة النوم وهدفها الوحيد متعة فردية المقصد والمنتهى ألا وهي متعة سي هرون الرشيد..! كان ياها دي بس الرومانسية يبقى الله معاها شديد...!
البوست ده مفروض الـ يتداخلوا فيه يكونوا الماعاجبهم الزواج بالسودانية... يعني بصراحة وصدق وجدية يجوا يقولوا مآخذهم وتحفظاتهم على الزوجة السوادانية والأفضل تكون مآخذ فعلا غير موجودة في غيرها وبالتالي التفضيل للاجنبية يكون عنده معنى...
منو الجا قال بغم سلبي عن الزوجة السودانية هنا؟
---
صبري شكرا على المستحيل...
| |
|
|
|
|
|
|
|
|
|
Re: زواج السودانيات ... أحلى زواج ... (Re: Asim Fageary)
|
شكرًا يا صبري على الرد ... ونتمنى فعلاً انو ما نجيب ليك الهوا (بس انت ما تجيبو لى روحك )
المثل بيقول: ما دام اللبن في السوق؛ شن فايدة سعاية البقرة؟ (ما تجيب لينا "ما معناه" ونصوص مشكوك في صحتها!)
طيب .. نحن ممكن نختصر دوافعك الأساسية كالآتي:
| Quote: تقدّم العُمر هذا جعلني أبحث عن مستقبل كهولتي وعمّن يرعاني فيها .. وعمّن يحمل إسمي من بعد مماتي ... |
اعتبر نفسك العروس ... وجاءك من يريد أن يحفظ فرجه واسمه ونسله وخدمات كهولته (من زوجة وأولاد!) ... وليس لك - كعروس - أي وجود في هذا المشروع المستقبلي يتجاوز تقديم هذه الخدمات المتعددة .... أواصل؟ ولاّ تمسك المايك تنقح كلامك قبل ما الهوا يقلب ...
انا اقول ليك قولة ... خلينا - لو سمحت لينا طبعًا - نبدا من الشاكوش ... يبدو أنه صار تاريخ لأنك تجاوزته أخيرًا وقررت الإرتباط من جديد ... احكي لينا عن اسبابو وظروفو وملابساتو ... عشان نفهم انو كان حتمي ولاّ ظالم ولاّ اتعلمت من الخبطة عا الدماغ ولاّ الحاصل شنو ... ونخت اهدافك - الإستثمارية - الجديدة في السياق دا ... (ولو انو انا ما فهمت راسمالك الداير تستثمرو شنو!) ... يعني مثلاً رمانة تقول ردًا على تعليق في بوست الطعمية (والعياذ بالله):
| Quote: رومانسية شنو الـ مظهرها الوحيد عمود في وسط غرفة النوم وهدفها الوحيد متعة فردية المقصد والمنتهى ألا وهي متعة سي هرون الرشيد..! كان ياها دي بس الرومانسية يبقى الله معاها شديد...! |
فااااا ... شنوووو ... يا قول المسغفاتية ... الخدمات الانت كايس ليها دي كلها في السوق في ... وبى اسعار زهيدة ...
أولاً شكرًا جزيلاً لأنك بالضبط النموذج الكايسين ليهو وبيتضارى ورا "الأخلاقي" و "الإجتماعي" للزوغانات من الظلم الجندري القايمة عليهو المؤسسة ... ولأنك - كنموذج - قررت تشركنا في مناقشة هذه الحالة المهمة رغم الخطورة في مناقشة بعض الخصوصية في منبر عام ... ونرجو من المتداخلين شوية حساسية بحيث يوزنوا كلامهم شوية قبلما يبلّوا العريس ... يعني شوية "ضريرة" أفضل من جك موية باردة ...
تانيًا نتمنى انك تواصل بنفس الشجاعة والشفافية ... ونتمنى فعلاً أن يصب النقاش في مصلحة زواج ميمون وناجح ... وربنا يتمم البوست دا على خير ...
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: تبارك شيخ الدين جبريل)
|
| Quote: المثل بيقول: ما دام اللبن في السوق؛ شن فايدة سعاية البقرة؟ (ما تجيب لينا "ما معناه" ونصوص مشكوك في صحتها!) |
يا تبارك كويّس إنّك ذكّرتني ما دام دي ... وغايتو أنا سمعتو كدا:-
ما دام اللّبن في سوق اللّبن .. مافي داعي للغنماية ...
وأقول ليك حاجة بدون تنظير .. بالصيغة التي كتبتها أنا أفضل .. لأنّو سعاية الغنماية في البيت أسهل من سعاية البقرة ...
| Quote: اعتبر نفسك العروس ... وجاءك من يريد أن يحفظ فرجه واسمه ونسله وخدمات كهولته (من زوجة وأولاد!) ... وليس لك - كعروس - أي وجود في هذا المشروع المستقبلي يتجاوز تقديم هذه الخدمات المتعددة .... أواصل؟ ولاّ تمسك المايك تنقح كلامك قبل ما الهوا يقلب ... |
يا تبارك المودّة والرّحمة دي شاملة .. وأكيد اهتمامي بالزوجة وتلبية احتياجاتها حتكون مُلازمة لحياتي معاها (ياخي مع أخواتنا في البيت في مودّة ورحمة واهتمام وغيرو فما بالك بمن رضيت أن تُشاركني حتى فراشي) ...
فما عارف إنت بتفترض عدم الوجودية للعروس دي باعتبار إنّو ما حيكون في اهتمام بها من غير حب قبل الزواج .. ولاّ الفهم شنو ؟
| Quote: فااااا ... شنوووو ... يا قول المسغفاتية ... الخدمات الانت كايس ليها دي كلها في السوق في ... وبى اسعار زهيدة ... |
حتّة الشاكوش ومُلابساته وكما تعرف في حياة الحب القشة بتبقى قُبة يعني عشان أيّ واحد يحفظ أو يعمل فيها عايز يحفظ كرامتو + إصرار أيّ طرف بعدم التضحية والمُبادرة لحل الأزمة ومع ظهور مستجدات حياته (ظهور عرسان ضغوط أسرية من أجل الزواج) مع هذا يا تبارك ممكن تضيع قصة ريد جميل .. وتجربة زواجي بعد التجربة المريرة بدّيك ليها في تلخيص وهو زي ما ربنا سبحانه وتعالى لم يوفّقني مع حاجة جميلة عوّضني بي حاجة أجمل ...
أمّا بخصوص استثماري والخدمات الكايس ليها يا تبارك ...
مشروعي الاستثماري هو تكوين أسرة مكوّنة من زوجة وأولاد .. والحياة الزوجية شراكة وفيها حقوق وواجبات لطرفيها ... وما أبحث عنه أنا أيضاً تبحث عنه الزوجة .. فهي أيضاً تبحث عن الأولاد وعمّن يُعينها في كهولتها وعن صون نفسها وتلبية رغباتها الجسدية وتبحث أيضاً عن الزوج الذي يُحبها وتشعر معه بالأمان ...
| Quote: أولاً شكرًا جزيلاً لأنك بالضبط النموذج الكايسين ليهو وبيتضارى ورا "الأخلاقي" و "الإجتماعي" للزوغانات من الظلم الجندري القايمة عليهو المؤسسة ... ولأنك - كنموذج - قررت تشركنا في مناقشة هذه الحالة المهمة رغم الخطورة في مناقشة بعض الخصوصية في منبر عام ... ونرجو من المتداخلين شوية حساسية بحيث يوزنوا كلامهم شوية قبلما يبلّوا العريس ... يعني شوية "ضريرة" أفضل من جك موية باردة ... |
لا يُوجد خوف من أيّ بل .. وأشكرك على إتاحتك لي هذه الفُرصة الجميلة ...
| Quote: تانيًا نتمنى انك تواصل بنفس الشجاعة والشفافية ... ونتمنى فعلاً أن يصب النقاش في مصلحة زواج ميمون وناجح ... وربنا يتمم البوست دا على خير ... |
على بركة الله ...
| |
|
|
|
|
|
|
|
|
|
Re: زواج السودانيات ... أحلى زواج ... (Re: صبري طه)
|
| Quote: حتّة الشاكوش ومُلابساته وكما تعرف في حياة الحب القشة بتبقى قُبة يعني عشان أيّ واحد يحفظ أو يعمل فيها عايز يحفظ كرامتو + إصرار أيّ طرف بعدم التضحية والمُبادرة لحل الأزمة ومع ظهور مستجدات حياته (ظهور عرسان ضغوط أسرية من أجل الزواج) مع هذا يا تبارك ممكن تضيع قصة ريد جميل .. وتجربة زواجي بعد التجربة المريرة بدّيك ليها في تلخيص وهو زي ما ربنا سبحانه وتعالى لم يوفّقني مع حاجة جميلة عوّضني بي حاجة أجمل ... |
دي قمبلة موقوتة ... وانا ماشي الشقل ... (الشغل بتعطيش القارئ) ...
ياخي "حاجة" من شئ ... ولّ "حاجّة" من بيت الله الحرام؟
... المهم ....
| |
|
|
|
|
|
|
|
|
|
Re: زواج السودانيات ... أحلى زواج ... (Re: صبري طه)
|
نرفع ... البوست بالإجابة ... عملاً لى الله ....
Quote: بعدين ما تنسى (مع إنّي ما عارفك إنت المفردات دي استخدمتها في السودان ولاّ لا) ...
ممكن تجي بت مثلاً مارّة بجنبكم يقوم واحد يعلّق عليها ويقول: عليكم الله شوفوا الحاجة دي جميلة كيف ؟!
بس نحن شبكت لينا الكلمة دي واستخدامها بيكون في مواقف لتأكيد الدّهشة والروعة ...
حاااااااااااجة كدا |
انا من جيل: في حاجة؟
لاكين عمومًا ضد تشيئ المرأة أيّاً كان السياق ...
طيب ... انت متطلباتك مرا واولادها يخدموك ويرعوك بعد أن رفعت الكهولة بيارقها ... وبالصدفة اتضح انك محظوظ في جمال العروس مقارنةً بالماضي ..
أها ... انت بتقدّم ليهم ياها المودة والرحمة المن آيات الله (كإخراج الحي من الميت) دي ... ولاّ عندك مجهود فردي - غير القروش - تساهم بيهو؟
... المهم ....
| |
|
|
|
|
|
|
|
|
 Re: زواج السودانيات ... أحلى زواج ... (Re: تبارك شيخ الدين جبريل)
|
وعدت بالعودة للقمبلة الموقوتة التي أطلقها "صبري طه" ... وهأنا أعود إليها ...
لهلهة البنات بالعرس ... والوصم بالفشل والبورة وربما السقوط الأخلاقي لمن لا تتزوج في صباها ... من أين أتى هذا الضغط على بناتنا؟
المعروف أن أي ظاهرة اجتماعية تكون مدفوعة بتطلعات طبقة محددة للهيمنة أو علاقة انتاج مرتبطة بحتمية بقاء الأفراد او المجموعات ...
وما يحدث في السودان يدلل على ضيق فرص العمل والدخل في مجالات الفلاحة الزراعية والرعوية التقليدية ... وعدم مقدرة القطاعات الصناعية والتجارية والخدمية على استيعاب كل الأيدي العاملة المتوفرة في السودان ... وبالتالي ظهرت ظاهرة تهجير العمالة والإغتراب ... مصحوبة بظاهرة "لهلهة العرس" التي صارت تمثل أمن غذائي ومادي للنساء من قطاع العمالة الزائدة عن حوجة العجلة الإقتصادية ... ومن افضل من المغترب في زمن "اللهلهة" هذا ... فصار تقليدًا أن تنحر الغواني قلب العاشق الموله قربانًا لحضور المغترب في موكب الزخم الخليجي ... طمعًا في تأمين المستقبل في هذه الأزمة الإقتصادية التي تتجاوز سعر تداول العملة وتدخل في عظم غياب التنمية والبنية التحتية والنظم ... فتصير القيمة المادية للزواج هي الفيصل الذي يسبق القيمة العاطفية والإجتماعية ... وهذا لعمري هو التعهّر المغلّف بغلاف الشرعية والساون سيستم ومراسم الشيلة وشهر العسل ... حتى صار الثمن المقبوض في هذه الزيجة وصمةً تحيل دون عرض البضاعة للجمهور في "رقيص العروس" الذي فقد براءته وجماله بسبب الأسعار الباهظة لأجساد العروسات السودانيات ...
... المهم ....
| |
|
|
|
|
|
|
| |
تبارك شيخ الدين جبريل
elhilayla
Asim Fageary
ABDALLAH ABDALLAH
Mahmoud Mustafa Mahmoud
الامين موسى البشاري
Hani Arabi Mohamed
abas
حافظ انقابو
زهير عثمان حمد
وليد محمد المبارك
الزبير صالح الزبير
سناء عبد السيد
Gaafar Ismail
رشا احمد
يحي قباني
وضاحة
Abdlaziz Eisa
Kostawi
rummana
نجوان
عبد الحكم ابراهيم الحاج
فيس بوك
تويتر
انستقرام
يوتيوب
بنتيريست