|
|
|
 Re: وحش الغلاء في السودان ده حدو وووين !!! يوجد مثال (Re: omer osman)
|
سعره في السودان بلغ أمس الجمعة 2 نوفمبر 2012م 48 جنيه (48 ألف بالقديم)
من خلال النت علمت ان سعره في السعودية حوالي 29 ريال
اذا ضربت الريال في 1500 جنيه تقريباً بطلع معاك بي 43.50 جنيه
اى قريب سعره في السودان لكن المشكلة ووووين ؟
اذا افترضنا سوداني يعمل بالسعودية بمرتب 3000 ريال (راتب بسيط حسب تقديري لاسعار المرتبات في السعودية)
اذن راتب هذا الشخص يساوي حوالي 103 علبة لبن
فكم تساوي 103 علبة لبن بالجنيه السوداني ؟
تساوي 4.944 جنيه (اربعة مليون وتسعمائة اربعة واربعين الف بالقديم) اى راتب حوالي 5 من كبار الموظفين في السودان
| |
  
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: omer osman)
|
بحساب اخر :
موظف سوداني في السودان راتبه (1000 جنيه) (راتب عالي جداً لايتوفر إلا لعدد قليل من موظفي الدولة)
موظف سوداني في السعودية راتبه (3000 ريال)
لدي كل واحد منهم طفل يستهلك علبة لبن اسبوعياً
1 x 4 x 29 ريال = 116 ريال شهرياً
اى نسبة 3.86 % من راتب الموظف الذي يعمل في السعودية.
1 x 4 x 48 جنيه = 192 جنيه شهرياً
اى نسبة 19.2 % من راتب الموظف الذي يعمل في السودان
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: omer osman)
|
| Quote: لك الله يا وطني المحتل بالدجالين والافاكين والعسكر |
إِلِّى كمان فى ناس فايتاك بى الصبُر
ساكنين بى الإيجار .. لا طين .. لا تمُر
وواحدين بى الإيجار .. ما لاقين جُحُر
سِلعـتُمْ الضُراع .. والعرق اليخُر
عمال المدن
كلاّت الموانى
الغُبُش التعانى
بحّارة السُفُن
حشّاشة القصوب
لقاطّة القطن
الجالبة الحبال
الفِطن الفُرُن
الشغلانتو نار
والجو كيف سُخُن
عيشُنْ كمّهو .. وديشُن هان قَدُر
وناساً حالا زين
مصنع .. مصنعين
طين فى طين .. ووين
ما مرابا مُر.. بارد همها
لا يعرق جبين .. ولا وشاً يصُر
عين والله .. عين
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: معاذ حسن)
|
Quote: جنابو عمر
كيفك يا رجل
عيد مبارك سعيد, سررت باللقاء العفوي القصير
لك الشكر على حرارة الاستقبال وحلا تشكرك على ميكي ,,
كان ودي اقابلك مرة تانية وايضا اشوف ناس كتار اعزاء ولكن.... |
هلا معاذ ......
والله الشكر والتقدير ليك بزيارتك الكريمة وبالجد حصل لينا الشرف ..
وان شاء الله لينا اكثر من لقاء في ساعة خير ....
| Quote: يا زول امرق وما بتندم |
خايفين تبقي علينا بعد ما شاب ودوهو الكتاب ....
وغايتو الفيها الخير يسويها ربنا .......
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: محمد عبد الماجد الصايم)
|
الحبيب عمر
كل سنة وانت طيب ...رسلت ليك تهنئة بالعيد في مكان أخر من قبل
وحش الغلاء حده ( زيمبابوي ) بمعني اننا في التضخم والغلاء حنفوت زيمبابوي قريب.
مرة عملت حسبة بسيطة اعتمادا علي ارقام اخدتهامن ناس شغالين معاي من جنسيات مختلفة وتضمنت
اسعار مواد البناء والمواصلات وبعض المواد الغذائية المشتركة وقيمة تجديد جواز السفر وسنوات الصلاحية بتاعته
ده كله عندنا قارنته ب.... مصر ....الهند ....الفلبين ....اليمن ..طلعت اسعارنا كلها في السما
اسباب الغلاء عندنا داخلية ( لا علاقة لها بالاستهداف والتبريرات الفطيرة دي )
ضعف البنية الاقتصادية ...سوء الادارة ....الفساد ...ضعف الانتاج ...سوء توزيع الموارد ( الارقام الرسمية بتقول 70 % للدفاع والامن ؟؟؟؟ ).
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: عباس محمود)
|
تخريمة:-
-استخدام زيمبابوي كمثال لا علاقة له بسادومبا
-خريجو روضة دار الحنان بحسبو بالبيبلاك
-مرة في منتصف التسعينات دخلت صيدلية عشان اشتري بامبرز ولمن حسبت القيمة قلت للصيدلي الطفل ده بيشرب في اليوم ما يعادل كوب حليب
ما ممكن تكون قيمة البامبرز ( المخرجات ) اكير من قيمة الغذاء البستهلكه
تحياتي للاسرة ولنسيبك صاحبي وكنت اتكلمت معاه ايام العزاء
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: عباس محمود)
|
اسباب الغلاء عندنا داخلية ( لا علاقة لها بالاستهداف والتبريرات الفطيرة دي )
ضعف البنية الاقتصادية ...سوء الادارة ....الفساد ...ضعف الانتاج ...سوء توزيع الموارد ( الارقام الرسمية بتقول 70 % للدفاع والامن ؟؟؟؟ ).
<<<<<<<<<<<<<<<<<<<<<<<
دي النجيضة ياعباس ...
اضف الى ذلك اهدار الموارد الهائلة التى وفرها تصدير البترول بدلاً من الاستفادة منها في تنمية الزراعة والصناعة مثلاً .....
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: شمس الدين ساتى)
|
جنابو عمر ..عيد سعيد
هل تصدق انا شهريا برسل لأسرتى بالخرطوم ....... 2 كيس كبير نيدو وحتى صابون البدرة برسله لهم
مع بعض الأغراض التى يحتاجونها .. تخفيفا لهم .. وايضا لتخوفى من الألبان التى بالسوق .. حتى الأ######## برسلها
>>>>>>>>>>>>>>>>>>>>>>>>>>>>>
هلا شمس الدين ......
للأسف هذه الظاهرة (ارسال مواد تموينية من الخارج) بعد ان اختفت لسنوات عادت مرة اخري وبقوة
وبالتأكيد لم تعد من باب الترف بل عادت من باب الضرورة المعيشية التى فرضت مثل هذا الخيار
نحن نعود الى الوراء بسرعة الصاروخ !!!!!!
| |
|
|
|
|
|
|
|
|
|
Re: وحش الغلاء في السودان ده حدو وووين !!! يوجد مثال (Re: omer osman)
|
كل عام وأنتم بخير يا عمر
يا زول خليك من الغلاء وقول ربنا يلطف بالطفل الرضيع الذي "يرضع" حليب بدرة
طبعاً في ظروف خاصة بتخليه الخيار الوحيد
لكن برضو الرضيع مسكين
وإن شاء الله بتستخدم مياه صحة لعمل الحليب وهذه طبعاً بسعرها
لأنّ الطفل لو بقى عليه حليب بدرة ومياه "حنفية" أجتمع عليه الأسوأين
| |
|
|
|
|
|
|
| |
omer osman
معاذ حسن
شمس الدين ساتى
محمد عبد الماجد الصايم
عباس محمود
وضاح عبدالرحمن جابر
Frankly
فيس بوك
تويتر
انستقرام
يوتيوب
بنتيريست