|
|
 هشتكة وبشتكة وبس!!
|
ليبرالية وامهاأرستقراطية:
النخيل كا ن أبوها من عمال معمل الألبان فى عطبره - تخصص حلاب..
عشه أمها..
أصلا من حلتنا الكائنة فى ضهارى شندى..
النخيل لبرالية لاتقرأ ولاتكتب جات تلعب مع ناس أمى من القرويات..
جات أمها عشة مارقة شافتا مع رزمة من القرويات..
قالت ليها يابت أرجعى البيت ماتلعبى مع ديل, إنت بتعرفى تقولى زاكان*, هن بعرفن؟
*زاكان للذين لايعرفون لغة العلمانية المعدلة تعنى إذا كان!
الواحد مرات فى بعض البوستات بشوف حاجة عشة حايمة يقوم جارى عشان يتقن زاكان قبل ماتشيل حالنا!!
|
|
  
|
|
|
|
|
|
|
 Re: هشتكة وبشتكة وبس!! (Re: Balla Musa)
|
علمانى متقدم:
علوية بوبار زوجة علمانى ولها فلسفة فى البوبار إذ تجيزه على أن تكون النية التحدث بنعمة الله..
فاطنة السهتانة أيضا زوجة علمانى ولكنها فى حالها..
زارت علوية بوبار فى منزلها بغرض الونسة..
فسألتها علوية بوبار:
يادى انتى راجلك وصل وين فى العلمانية؟
أجابت فاطنة السهتانة:
والله وصل مرحلة سب الدين..
ثم سألت بدورها:
وانتى ياعلوية اختى راجلك فى ياتو درجة؟
ردت علوية بوبار:
والله راجلى وضع رجله على درجة الحدوة السوية..
أردفت فاطنة باستفسار:
يعنى شنو الحدوة السوية؟
أجابت علوية وفى عينيها علامات زهو:
والله يا اختى قالو درجة الحدوة السوية عندها تلاتة أنواع:
البونزية والفضية والدهبية
أها راجلى فى الفضية
وقالوا لما يصل الدهبية ممكن يمشى فى الظلط عادى..
راجل علوية دخل بغتة وسمع حكاية الحدوة السوية
زعل جدا وقال لعلوية وأمام فاطنة:
اسمها الحداثوية ياغبية موش الحدوة السوية..
علوية بوبار اعتبرت رده هذا أمام السهتانة فيه قهر لها..
مسكت التلفون ضربت ناين ون ون لجماعة لا لقهر النساء
لما جن يحققن معاه لقن أعلى واحدة فيهن ماوصلت مرحلة سب الدين..
والعلمانيين طبعا بحترموا رتب بعضهم/ن جدا!
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
أصلوا خضرجى:
واحد من القراء سأل:
ياجماعة انتو تبارك الأيام دى بكورك كدا مالو؟
أجابه عضو منبر:
تبارك أصلو خضرجى وعنو طماطم بايرة
فكل مايشوف ركن فى الملجة دى فاتح يمشى يكوم ويكورك:
مابعنا بالكوم إلا هذا اليوم
واحد قال ليهو:
حرم كضاب من شفتك فى الملجة دى ماعندك ميزان..
بعد شوية جاهو خضرجى آخر متقدم شوية فى المهنة لقاهو ببيع فى الطماطم خضراء
قال ليه دا شنو دا ياخ عايز تبيعا نية؟
قال ليه أصلا أنا ملتزم بالشعار!
المهم
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
Highway law
طبعا ريسنا بكرى مهما كنت زعلان منو واتكلمت معاه فى التلفون بترجع مبسوط ورضيان بنصيبك..
مرة كدا اتلحنى سحب بوستات ومداخلات وتوقيف..
وفى مكالمة عاطفية..
قلت ليه:
ياخى انت بس شايفنى أنا بس وماشايف الناس التانين؟
قال لى:
ياخى هسع بتاع المرور فى الهاى وى موش بكون فى كم واحد سايق بسرعة زايدة على الحد الأقصى وبمسك زول واحد؟
قلت ليهو: نعم..
قال لى أها بتاع المرور دا ماقبض الناس ديل كلهم مالو؟
فأسقط فى تلفونى..
| |
|
|
|
|
|
|
|
|
 Re: هشتكة وبشتكة وبس!! (Re: محمد البشرى الخضر)
|
تبارك عينو واجعاهو اليومين ديل و يمكن "يكن شوية" لكن لما يجيك راجع يا بله اتوقع انو يجري حوار ممتع.
الجنا ده عندو طماطم سمحة ، يمكن كوم وللا اتنين بس يكونن بايرات. اظن مشكلتو في التسويق ما في نوع الطماطم.
| |
|
|
|
|
|
|
|
|
|
Re: هشتكة وبشتكة وبس!! (Re: سيف النصر محي الدين)
|
إن شاء الله عينو تبرا لكن بعد الأرشفة ياسيف النصر..
انت يا سيف حزب الخضر دا الخواجات ماقالو حزب السلام ومصالحة البيئة..
يظهر عليه شمس السودان قلبتو أحمر
أو الخدار بتاع السودان هو اللون الذى نطلقه على الزول الأسود..
| |
|
|
|
|
|
|
|
|
 Re: هشتكة وبشتكة وبس!! (Re: Balla Musa)
|
الاختلاف في الشأن العام احيانا يكون حاد و off the limits ، اظن ان دي مسألة عادية و متوقعة ، نتمنى مع ذلك أن يخفف
الناس منها.
بعدين يا بلة انت ملخبت بين الخضر و المسيحيين و للا شنو؟هههههه.
| |
|
|
|
|
|
|
|
|
|
Re: هشتكة وبشتكة وبس!! (Re: سيف النصر محي الدين)
|
ممتع انت ..
والله يا بلة موسى الواحد يستمتع وهو بقرا ليك ..
بس بيني وبينك كتار الكاتبين "نفسي اعدي الكبري" ..
بس ما عندهم تصريح مرور ..
هسع عليك الله دي تقول عليها شنو ..
المزيد وبالحتة الفيها الحديدة يا فردة ..
| |
|
|
|
|
|
|
|
|
|
Re: هشتكة وبشتكة وبس!! (Re: هشام كمال عبادي)
|
ود عيكورة راجل حكيم وعربي خلا متقدم في طرحه، وعندما يعجبو شئ يقول: منتاز، وذات مره (شاف) طه الجريبان يلوح باصبعه (لفوق) في حركه تدل علي فساد الاخلاق فانشد ابيات شاعرنا الطيب ود ابونا عبدالقادر قائلا:
حتالة الامة شمخت فيها عز جنابه
كلا.ب مسعورة غرست في الفضايل نابه
حليل اخلاقنا وقيمنا البنتغنابه
عماها الفساد والفوضي ضاربه اطنابه
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
نديدي بلة دا نخليهو هسع بى جنبة
Quote: غايتو شي فرزناه وشي لأ
لكن حرّم اكان ارفعو كدا ساي بس |
لكن توقفت عند حليفة ود البشرى بـ ( الحرام ) دي
لذلك أرفع البوست لإطلاع أكبر عدد من الجندريات عليه
__________
غتاتة بس
| |
|
|
|
|
|
|
|
|
|
Re: هشتكة وبشتكة وبس!! (Re: falcon)
|
هشام كمال عبادى
تحياتى
اﻹسم بذكرنى صاحبى فى الزمن الحلو إسمه كمال عبادى
وقد كان من أحسن المخرجين فى اﻹذاعة السودانية
وقد كان مديرا ﻹذاعة عطبرة وقد جعلها مبنى ومعنى
الله يرحمه فكم كان جميلا..
ربنا يديك العافية ياكمال
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
Quote: حتالة الامة شمخت فيها عز جنابه
كلا.ب مسعورة غرست في الفضايل نابه
حليل اخلاقنا وقيمنا البنتغنابه
عماها الفساد والفوضي ضاربه اطنابه |
هيييع يا السنوسى
أبشر بالخير
واحد كوز قرصتو نملة صرخ
قال دا كان علمانى كان بال (بالى بالك)
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
| Quote: ملاح سبروق اي شي فيه |
سلام ياكونت
ياخى بكرى ماعارف بجيب لينا ناس الأقاليم ديل من وين؟
مرة متشاكل ليك مع واحد كلاميا
قام عاين لى كدا وقال لى:
ياخى أنا كلام الأقاليم دا مابفهمو!!
| |
|
|
|
|
|
|
|
|
|
Re: هشتكة وبشتكة وبس!! (Re: Balla Musa)
|
عثمان الكضاب كان من أولاد حلتنا وكنا أنداده إلا سنة ونص..
تربى فى عطبرة وجانا فى اﻹجازة
قال أنه أصبح مثقفا
وبدأ لنا ب (لا تقربو الصلاة) و(ويل للمصلين)
ثم ختمها بأنه لن يصلى بعد اليوم
ونحن كلنا فاتحين خشومنا وراسمين عليها الرقم خمسة بالعربى أو الحرف
واستفسرنا وعرفنا أنه ترك الفحشاء والمنكر فسقطت عنه الصلاة..
سألناه من أين لك هذا؟
قال انتو قاعدين وين يابجم؟
ماسمعتو بمحمود محمد طه؟
قلنا ليهو محود دا قال ليك كدى؟
قال بالحيل .
أها من يومها عرفت أن ناس حلتنا العاملين عمرة فى ورش عطبرة حايودوا محمود محمد طه ورا الشمس!!
| |
|
|
|
|
|
|
| |
Balla Musa
محمد البشرى الخضر
سيف النصر محي الدين
هشام كمال عبادي
Elsanosi Badr
عاطف عمر
falcon
فيس بوك
تويتر
انستقرام
يوتيوب
بنتيريست