|
Re: هذا الرئيس يجب عزله فورا .............. (Re: ود الباوقة)
|
Quote: قرر رئيس أوروجواي خوسي موخيكا الاشتراكي، تخصيص بعض أجنحة القصر الرئاسي، لاحتضان المشردين الذين سوف لن يجدوا مأوى خلال الشتاء المقبل، الذي سيبدأ يوم 21 يونيو الجاري في جنوب أمريكا اللاتينية، وهو الرئيس الذي يقدم 90% من راتبه الشهري للأعمال الخيرية في بلاده.
وكشفت مجلة «بوسكيدا»، أنه أمام اقتراب فصل الشتاء الذي سيكون باردًا للغاية في أمريكا الجنوبية، فقد عرض الرئيس على المصالح الاجتماعية، استعمال بعض أجنحة القصر الرئاسي المعروف باسم «كاسا سواريث إي رييس» في العاصمة مونتفديو في توفير المأوى للمشردين في حالة عدم اكتفاء مراكز المأوى الموجودة في العاصمة. وسبق له يوم 24 مايو الماضي أن احتضنت في قصره امرأة وأبناءها المشردين، في انتظار أن وجدت لهم المصالح الاجتماعية مأوى.
ويعتبر القصر الرئاسي مبنى فخمًا بكل المقاييس، لكن منذ وصول اليسار إلى الحكم مع الرئيس السابق تاباري باسكس، بدأ يتخلى عن هذا القصر، واكتفى بإقامة عادية باستثناء بعض اللقاءات الرسمية مع قادة الدول الأجنبية. ولما وصل خوسي موخيكا إلى الرئاسة، اتبع نهج سلفه، بل وعمل على مزيد من التقشف.
ويعتبر موخيكا من أفقر رؤساء العالم، فهو يحصل على راتب شهري، قدره 12 ألف و500 دولار أمريكي (أي قرابة عشرة ملايين سنتيم) ويقدم للأعمال الاجتماعية 90% من هذا الراتب، ويحتفظ فقط بـ 1250 دولار شهريًا، ويملك منزلا متواضعًا وسيارة فولسفاغن، لا تتعدى قيمتها ألفي دولار. ويؤكد موخيكا “1250 دولار تكفيني لأن أغلبية مواطني الأوروغواي يعيشون بمرتب أقل”.
ولا يتبنى موخيكا أسلوبا شعبويا في سياسته، بل يقوم بهذه الأشياء بهدوء تام، وتطلق عليه الصحافة "أفقر رئيس في العالم ورئيس الفقراء" بسبب تواضعه المطلق؛ إذ رغم رئاسته للبلاد، فهو يقيم في منزله المتواضع. وتولى خوسي موخيكا رئاسة البلاد سنة 2010 بعدما كان في الستينيات من أعضاء الحركات المسلحة “توباماروس” التي ناهضت الدكتاتورية، واعترف بمسؤولية البلاد في ارتكاب جرائم حقوق الإنسان في الماضي، كما يتبنى سياسة متشددة ضد الفساد، وأعطى بعدًا حقيقيًا للأعمال الاجتماعية في بلاده ومجموع أمريكا اللاتينية.
|
باوقة المتألق كل سنة وانت طيب أتفق معك وبشّدة , سيرة رئيس زي ده محّرجة شديد للدولة وهيبته وزيادة في الخير قداسيته كمان مع أني فهمته الاولة وغابت عني التانية
رئيس سائق فلوكسواجن وعلى العليوا (( إشتراكي )) .......خلي للهيبة شنو ؟؟؟؟؟؟؟؟؟؟؟؟؟ خلي قداسية الدولة باعتبارة ما متوفره في حالتوا ..............
بقترح ترسلوا لي دعوة وتذاكر سفر يجي الخرطوم يأخد لي كورس برجع سليم ومعافي وحافظ هيبة الدولة وخاتيها في جيبوا
*بعدين يا باوقة طائرات بني صهيون خلت لهيبت دولتكم حاجة !!!!!!!!! طبعا الخير والبركة في قداسيته
---------------------- *بوست متزمزق شديد ومحّرج لحرامية الدولة في السودان
| |
|
|
|
|
|
|
Re: هذا الرئيس يجب عزله فورا .............. (Re: فرح الطاهر ابو روضة)
|
Quote: يعني هس لو جانا رئيس من قوى اليسار في السودان
نتوقع يكون سايق ليهو كارو
ولابس ليهو عراقي وسفنجة
وعندو نعجة وعتود |
ما عارف بس لازم يكون نموزج قريب لخوسية , إيفو مورلايس , هجو شافيز ديل يا باوقة لازمهم كورسات هيبة وقداسية على وجه السرعة
باوقة الاحراج هنا الفرق بين الطاهرة لما تكون وأقع الناس وحياتهم وما بين كلام بقولوهوا الناس بس أفعالهم بعيدة عنو كل البعد
-------------------------------------------------------- * أحرجته سيدك الرئيس واحترامي للحرامي
| |
|
|
|
|
|
|
Re: هذا الرئيس يجب عزله فورا .............. (Re: عبد الناصر الخطيب)
|
شافيز مع انو قعد في الحكم كتير واتحدت كل المعارضة في منافس واحد ليهم لاسقاطوا في الانتخابات الاخيرة , فاز .......... الناس العاديين كلهم قلقوا على حالهم الزول ده يا باوقة بلدوا فنزويلا غنية بالنفط ........................ وجزء كبير من عوائد النفط ده بتمشي للمواطن العادي للخدمات والصحة وجمعيات دعم الفقراء ..................
لازموا كورس سريع في الخرطوم ................... للوقوف على كيفية الاستفادة من عوائد البترول وموارد البلاد بدون أى مواطن ياخد بالوا
---------------------------------------------------------- *ياخي امريكا الجنوبية دي شعر ما عندكم ليهوا رأس
| |
|
|
|
|
|
|
Re: هذا الرئيس يجب عزله فورا .............. (Re: الرفاعي عبدالعاطي حجر)
|
البوليفي إيفو موراليس , مقضيها كرة قدم وهوايات لا تشبه الرؤسا تمشي بوليفيا ما حتفرزوا من أي هندي من سكان البلاد الاصليين
التوصية دعوه سريعة لكورس بالخرطوم ليتعلم أن الرؤسا لا يلعبون كرة القدم بل يلعبون ببلادهم ومستقبل مواطنيهم
----------------------------------------------------------------------------- *معا لنقل خبرات السودان الانقاذية لرؤسا امريكا الاتينية
| |
|
|
|
|
|
|
Re: هذا الرئيس يجب عزله فورا .............. (Re: عبد الناصر الخطيب)
|
اليسارى دانيال اورتيغا رئيس نيكراجوا يقبل رأس مواطنة متقدمه في السن
التوصية دعوه عاجلة للخرطوم ليتعلم أن الرؤسا لا يقبلوان رأس مواطناتهم المتقدمات في السن بل يدفعونها بعيد عنهم ......... ( الفيديو موجود بس مالاقي زمن أفتشوا )
----------------------------------------------- *باوقة نفتش في سيرة الناس ديل ولا كفاك !!!!!!!!!!!!!!!
| |
|
|
|
|
|
|
Re: هذا الرئيس يجب عزله فورا .............. (Re: ود الباوقة)
|
Quote: الخطيب
يا زول دي كلها اعمال حابطة
|
خليهم رؤساء امريكا اللاتينية أبان أعمالاً حابطة ديل .. رأيك شنو في عمر بن عبد العزيز لما يرفض يشتري القماش الخشن أبو 8 دراهم وقال للبائع ان سعره مناسب ولكنه أملس .. مع انه قبل ان يستلم إمارة المؤمنين جائه نفس البائع وعرض عليه قماش ب 8000 دينار فرفضه بحجة انه خشن .. أها برضه كان مفروض يعزلوه للبسه الخشن وهو رأس الدولة الاسلامية ورمز هيبتها...؟؟!!
| |
|
|
|
|
|
|
Re: هذا الرئيس يجب عزله فورا .............. (Re: جدو)
|
Quote: مع انه قبل ان يستلم إمارة المؤمنين جائه نفس البائع وعرض عليه قماش ب 8000 دينار فرفضه بحجة انه خشن .. أها برضه كان مفروض يعزلوه للبسه الخشن وهو رأس الدولة الاسلامية ورمز هيبتها...؟؟!! |
انت يا جدو شارب شربوت ولا شنو
يا اخوي
شن جاب الحديد للقش
| |
|
|
|
|
|
|
Re: هذا الرئيس يجب عزله فورا .............. (Re: Al-Shaygi)
|
.
باوقة المتألق مساء الورد ,,,
خوسيه موخيكا ده عندو فلسفة بتقول ((( السلطة لا تغير الاشخاص .............. ولكن تكشف حقيقتهم !!! ))) المعني بعضهم مهما إدعي التقي والورع وجودهم في السلطة بكشف حقيقتوا ........................... أنو قاتل ولص مهما لقي البطبل ليهوا , عمك موخيكا الطبالين هاجرو من بلدو والقعد مات بالجوع
لا أنا وأنته بنقدر نقيم أعمال الناس هابطة ولا صاعدة لفوق .......... ده شغل رب العالمين نخلي البوست يمشي لي قدام ونجيك بشوية من خوسية , أورتيقا , عم الكل فيديل كا ستروا
عارف الجماعة ديل فارقين عن سيدي الرئيس هناي المطلوب دوليا في شنوا !!! ياخي عندهم حبة من مخافة الله في ناسهم الحكموهم
-------------------------------------------------------------- *مواصلين ومع عمك موخيكا مش حتعرف تغّمض عينيك
| |
|
|
|
|
|
|
Re: هذا الرئيس يجب عزله فورا .............. (Re: ود الباوقة)
|
Quote: شن جاب الحديد للقش |
انت انتقدت الرئيس في لبسه وعربيته وقلت انقاص من هيبة الدولة .. وانا قلت ليك سيدنا عمر بن عبد العزيز ايام إمارته كان خشن الملبس وسيدنا عمر رفض ان يركب البرذون وفضل ان يمشي حتي لا يدخله الخيلاء فهل تصرفاتهم دي فيها إنقاص من هيبة الدولة؟ معاك المايك
| |
|
|
|
|
|
|
Re: هذا الرئيس يجب عزله فورا .............. (Re: Deng)
|
Quote: انا شخصيا ارفض مبدأ المقارنة |
سيبك من المقارنة يا باوقة ..انا ما قلت ليك قارن
انا سألتك وممكن أعيد ليك السؤال تاني
رايك شنو في تصرف سيدنا عمر بن العزيز وملبسه الخشن أثناء توليه امور المسلمين ؟؟ هل فيه إنقاص لهيبة الدولة ولا لأ ؟؟
| |
|
|
|
|
|
|
Re: هذا الرئيس يجب عزله فورا .............. (Re: جدو)
|
Quote: رايك شنو في تصرف سيدنا عمر بن العزيز وملبسه الخشن أثناء توليه امور المسلمين ؟؟ هل فيه إنقاص لهيبة الدولة ولا لأ ؟؟ |
يا اخي الكريم الدولة في عهد سيدنا عمر بن الخطاب
رضي الله عنه قائمة على العدل المستمد من الشريعة الاسلامية
وناس زعيط ومعيط ديل بعيدين كبعد السماء من الارض عن هذا
المنهج
قال اشتراكية
قال
| |
|
|
|
|
|
|
Re: هذا الرئيس يجب عزله فورا .............. (Re: ود الباوقة)
|
Quote: رايك شنو في تصرف سيدنا عمر بن العزيز وملبسه الخشن أثناء توليه امور المسلمين ؟؟ هل فيه إنقاص لهيبة الدولة ولا لأ |
الله يهدينا ويهديك يا عمر
الله يرضى عليك جاوب علي سؤالي الفوق دا ما تخليني أكرر الكلام زي المجنون ..
كمان كان ما داير تجاوب (ودا من حقك طبعاً) وريني خليني أشوف دوامي ..
| |
|
|
|
|
|
|
Re: هذا الرئيس يجب عزله فورا .............. (Re: جدو)
|
باوقة المتألق دوما
يأخي برضوا سؤال هل أنت شائف منهج عمــــــــــر و عمـــــــــر ............ وأحد
يعني ده مشي علي خطي داك ولا التسمية للمنهج وأحد لكين وأحد منهم طبق البيؤمن بيهوا والتاني برفع الشعارات وبتكلم عنو صباح ومساء ............... بس بطبق في شي تاني !!!!!!!!!!!
------------------------------------------------------------ *رجعين لعمك خوسيه والجماعة
| |
|
|
|
|
|
|
Re: هذا الرئيس يجب عزله فورا .............. (Re: جدو)
|
.
عيدروس
Quote: سلام لى ود الباوقة والخطيب والمشاركين
والمهم هو : العدل والحرية |
فعليا ده المهم , كمواطن ما عندي شغله بتقوي وورع الحاكم ومنهجوا البتكلم عنوا ........ لكين حيكون بهمني طريقتوا البحكم بيها وهل بتراعي معايير الحرية والعدالة !!! .......... ولا لا
---------
ود الباوقة عدم إجابتك على سؤال جدو الواضح ما جهل منك لكين ما بطلع من تفسيرين ........ يا ما بتؤمن أنو زهد وتقشف سيدنا عمر بن عبد العزيز كان من أساس هيبه الدولة الإسلامية في وقتوا ....... ومن أسباب ازدهاره حيث لم يجدوا ما يدفعوا له الزكاة من بيت المال
أو مؤمن بالحته دي لكين ما عوز تدخل نفسك في حته ضيقة وتمشي الأسئلة وتصل لنموذج الدولة المغاييره لكل أفعال سيدنا عمر بن عبد العزيز
Quote: يعن هس انت مفتكر انو زولكم دا متاسي بالصحابة ديل ؟؟ |
تسؤلك عن العم موخيكا وهل بيتأسي بالصاحبة !! ممكن ولا سمع بيهم بس الحكمة ظلة المؤمن .... والمشكلة في القصة أنو يكون ده تصرفوا على غير علم بمن سبقه اللما تقارنوا بالتصرفات البنعرفه لاهل العلم بما سبقهم ...... بتلقاهوا _ فارق كتير _
*عليه تصبح كل فكرة البوست مجرد زوبعة في فنجان \ وفكرة متزمزقة لم تستطع أن توضحها او تدافع عنها .........
**بالتالي عمك خوسيه هو الكسبان و البوست حيستمر يمجد ويحتفي بتجربتوا
ولك أطيب تحية
| |
|
|
|
|
|
|
Re: هذا الرئيس يجب عزله فورا .............. (Re: amir jabir)
|
خوسية موخيكا
-------------------------------------------------------------------------- باوقة صباحك زين وماظنك تجي بيجاي تاني على أى حال خوسية لما عربيتوا تعطل ويوديها الورشة قاعد يطلع من بيتو ويركب الباص ...................... قلنا نذكرك ترسل ليهو الهيلوكس خمسه شنكل
| |
|
|
|
|
|
|
Re: هذا الرئيس يجب عزله فورا .............. (Re: ود الباوقة)
|
شكراً يا ود الباوقة ....... شكراً لإتاحة مساحة للتعريف برجل لم تفسده السلطة ولم يعرف الطريق لبنوك ماليزيا. رجل يمشي بين الناس ويستقل المواصلات العامة دون أن يخاف على سلامته أو تحيط به قوات لتحميه. رجل جلس في منتصف الطريق وأسلم رأسه لحلاّق كما يفعل عامة مواطنيه
| |
|
|
|
|
|
|
|