سلامات يا سيد البوست دعم اوباما ماعندوا علاقه بي لونو... ولكن ليهو علاقه بمصالحنا نحنا السودانيين العايشيين هنا لأن سياسات اوباما بالنسبه للمهاجرين أفضل من رامني بالف مره ولو خلوها لرامني يطردنا الليله قبل بكره ونائب رامني الإختارو (بول راين ) هو المهندس بتاع قانون أريزونا البسمح للبوليس إنو يوقفك في أي ملف لمجرد إنوشكلك أجنبي يعني زي كشات الحكومه الزمان للحبش ( قول أربعه .....) الحاجه الثانيه اوباما وضع كميه من التسهيلات الضرائبيه للطبقه الوسطي ودي نحنا داخلين فى دائرتها رجع للناس حوالي3500 دولار كعائد من الضرائب الحاجه الثالثه ده غير التسهيلات للطلبه أنا مثلا بنتي دخلت الجامعه السنه دى وبي دعم اوباما مادفعته ولا سنت ليها الحاجه الرابعه اوباما كير بالقانون القديم لو في زول ما عندو تأمين صحي .... وكان عنو ضغط ولا سكري ولا سرطان وثيقه التأمين ال ح يشتريها ما ح تغطي ليهو الأمراض دي اوباما أجبر شركات التأمين إنها تغطيها وده قليل من كثير
في مسألة الترطيبه دي ......طيارات إسرائيل تقصف السودان ضحا لو جاء رامني أصلو هو منبطح ليهم وحسي ما شايفو بدق في طبول الحرب علي أيران قبل ما يبقي رئيس
10-20-2012, 00:54 AM
بدر الدين احمد موسى بدر الدين احمد موسى
تاريخ التسجيل: 10-03-2010
مجموع المشاركات: 4858
صبري طه دعم اوباما يأتي لعدة اسباب اولا, ان معركته مع اليمين المتطرف في امريكا, و اذا انهزم فالضحية حاتكون الديمقراطية, و حقوق المهاجرين و الانسان عديل كدة في كل ربوع العالم, و اظنك تتذكر بوش و حروبه في الشرق الاوسط و اسيا. رومني لا يقل عن بوش و هو ايضا يعتقد بان دور امريكا في العالم يجب ان يكون من خلال قوتها و سطوتها المطلقة. اتنين, مصالح اغلبية الشعب دايما يدافع عنها الحزب الديمقراطي و الوقوف مع الديمقراطيين دعم للذات و نحن كمهاجرين من مصلحتنا الوقوف مع الحزب الديمقراطي. ثالث حاجة موقف اوباما من السودان ايجابي لاعطاء الفرصة للسودانيين لحل مشاكلهم بانفسهم بدل ان تتولى القوى العظمي المسألة و تطعمنا بالمعلقة و على الساسة السودانيين الارتفاع لمستويات التحديات و القبول بمساومة تحفظ للسودان ماء وجهه بين الدول لا يمكن لوم ادارة اوباما على فصل السودان و انما تلام ادارة بوش التي تصرفت و كأن السودان اقطاعية و قررت فصل الجنوب خدمة لاستراتيجيات اقليمية و امبريالية. اوباما خيار المواطنين المسحوقين و من لا تأمين صحي لهم و سياساته بدأت تأتي اكلها و ما انخفاض نسبة البطالة الا بداية لانصلاح الاقتصاد و اذا اتي مت رومني سيحول كل تلك الاصلاحات لمصلحة الطبقة الموسرة و لا يهمه ما يحيق بالفقراء اوباما اوباما اوباما
10-20-2012, 01:55 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
تبارك يا تبارك بدون لَوْلَوَة كتيرة ياخ ... هل ترى أن سياسة أوباما كانت إيجابية تجاه السودان ؟ وإن جاءت إجابتك بسلبيتها .. ما هو دورك كمواطن أمريكي سوداني (لاحظ المرّة دي قدّمت أمريكي على سوداني) ؟
ــــ يا تبارك أيّ دعم لك لأوباما بحجة موقفه الإيجابي من المُهاجرين + نجاحه اقتصادياً وبعد قناعتك بسلبيته تجاه السودان هذا يعني أنّ قلبك على السودان دي بتكون كدا صرف عربي كتير وونسة معانا بي جاي ... وما عايز أزنقك وأقول ليك الأولوية عندك منو ؟ مصلحتك في الولايات المتحدة الأمريكية أم مصلحتك مع السودان ؟
يا تبارك سياسة الولايات المتحدة الأمريكية في علاقاتها الخارجية مبنية على مصلحتها التي توفّر بها رفاهيتكم بصفتكم أمريكان ... فإذا كان لا يهمها أن نحترق نحن كشعوب دول أخرى تحت بند المصلحة فما هو موقفك كداعي للديمقراطية وحقوق الإنسان من هذه السياسات خاصة وأنّ نفوذ قرارها عبر مجلس الأمن توجهه بالفيتو كيفما تشاء .. وما القضية الفلسطينية إلاّ شاهد على ذلك وهنا دعني من نزاع الأرض ماذا عن جرائم الحرب يا عزيزي ؟
عندما استلم اوباما الحكم كان الاقتصاد الامريكي يفقد 800 الف وظيفة في الشهر والان يضيف 250الف وظيفة في الشهر.. فقدان 800 الف وظيفة في الشهر كان نتاج سياسة تخفيضات ضريبية استفاد منها الاغنياء+ حروب + تسيهل السياسات الائتمانية التى كانت احد اهم اسباب الازمة الاقتصادية - يعني باختصار الاقتصاد كان في حالة سقوط حر ... نتاج سياسات بوش والحزب الجمهوري الذي بدوره استلم خزينة بها فائض خرافي من سلفه الديمقراطي كلنتون..
بشكل عام سياسات الحزب الجمهوري الاقتصادية تعتمد على التخفيض الضريبي بشكل افقي بمعني انهم يطرحون نسبة مئوية ما كما فعل رامني على كل مستويات الدخول يعني البعمل مية الف ومية مليون تكون نسبة التخفيض واحدة وهذه خطوة تعطل الخصم التصاعدي وبالتالي توفر اموالا طائلة للاغنياء ولتسوية الفجوة الناتجة من هذه المعادلة تعطل برامج حيوية لدعم التعليم والصحية الخ... منطقهم ان هذه التخفيضات ستجعل الشركات تربح اكثر ومن ثم توظف عدد اكبر من العاملين الخ ...
رغم ان اوباما له اخفاقات عدة على الصعيد الداخلي والخارجي (الداخلية ساعد فيها تعنت الغالبية الجمهورية بمجلس الشيوخ) الا انه يعتبر الخيار الافضل لامريكا الان...
بالاضافة لكل الاسباب الذكرها بدر الدين واقبال في الاعلى..
تحياتي..
10-20-2012, 06:29 AM
محاسن زين العابدين محاسن زين العابدين
تاريخ التسجيل: 02-21-2008
مجموع المشاركات: 1440
Quote: عم اوباما ماعندوا علاقه بي لونو... ولكن ليهو علاقه بمصالحنا نحنا السودانيين العايشيين هنا لأن سياسات اوباما بالنسبه للمهاجرين أفضل من رامني بالف مره ولو خلوها لرامني يطردنا الليله قبل بكره ونائب رامني الإختارو (بول راين ) هو المهندس بتاع قانون أريزونا البسمح للبوليس إنو يوقفك في أي ملف لمجرد إنوشكلك أجنبي يعني زي كشات الحكومه الزمان للحبش ( قول أربعه .....) الحاجه الثانيه اوباما وضع كميه من التسهيلات الضرائبيه للطبقه الوسطي ودي نحنا داخلين فى دائرتها رجع للناس حوالي3500 دولار كعائد من الضرائب الحاجه الثالثه ده غير التسهيلات للطلبه أنا مثلا بنتي دخلت الجامعه السنه دى وبي دعم اوباما مادفعته ولا سنت ليها الحاجه الرابعه اوباما كير بالقانون القديم لو في زول ما عندو تأمين صحي .... وكان عنو ضغط ولا سكري ولا سرطان وثيقه التأمين ال ح يشتريها ما ح تغطي ليهو الأمراض دي اوباما أجبر شركات التأمين إنها تغطيها وده قليل من كثير
مع احترامي لكل ما ذكرتيهو وما ذكره بعدك الاخ نوبايتا " انتم تتحدثون في دائرة ضيقة لبلد يحكم العالم .. كل العالم ..... ويتحكم في كل مجريات الأحداث ... ما صلح منها وما بطل لللللللللللللللللللللتصب في دائرة مصالحه وتتحدثون عن نظام يحكمه راس المال ....... حروبات لا تهم انفصالات ...حروبات ....تدمير .....تخريب ... لا يهم نعم اوباما فشل فشلا ذريعا في تحقيق ما كان يصبو له العالم وخصوصا العالم الثالث الذي كان يتوقع عين الرحمة هذه المرة
ولا انتم ولا نحن لسنا بسذج فامريكا لا يحكمها رئيس بل يحكمها نظام محكم يكرس العالم لمصلحة امريكا والمواطن الامريكي ..... جاء اوباما او ذهب
ولم ولن ينجح اوباما في تغيير واقعه .....
وها انتم تردون الدليل فما تحقق لا يتعدى الفردية التي يسعى لها النظام
ومع ذلك فإن هذه الامثلة التي اوردتيها لواقع مخملي ..... نعلم جميعا انه ليس كذلك
ولا ارى في تاييد اوباما لشخصه إلا انحيازا عنصريا لا اكثر ولا اقل
انحيازا عنصريا يرفضه السودانيين في الواقع بينما يمارسونه وانظري من يبجل اوباما في المنتديات من السودانيين
Quote: ÇáÇÎ ÕÈÑí ÓáÇãÇندما استلم اوباما الحكم كان الاقتصاد الامريكي يفقد 800 الف وظيفة في الشهر والان يضيف 250الف وظيفة في الشهر.. فقدان 800 الف وظيفة في الشهر كان نتاج سياسة تخفيضات ضريبية استفاد منها الاغنياء+ حروب + تسيهل السياسات الائتمانية
فقد 800 الف وظيفة في الشهر والان يضيف 250الف وظيفة في الشهر..؟؟؟؟؟؟؟؟؟؟؟؟؟؟؟؟ حتى السحر لن يحقق ذلك بهذه الطريقة اقلبها شوية .... تحقق لهم ما ارادوه في العراق .. فخفضوا ثم سحبوا الجنود والمبالغ الضخمة التي كانت تصرف (لكن اين الأموال الضخمة للنظام واتباعه) وكذلك في افغانستان ... النظام المصرفي كان قد حان وقت قطافه.. فقد شبع وترع ..... جاء اوباما او غيره وهنالك الكثير المثير لسقوط الطواغيت العرب
ما أقصده هو أن اوباما لم يغير واقع ... الفكرة الامريكية او استراتيجياتنها او يؤثر بواقع جديد للتدخلات .. بل زادت وحملت في دائرتها دول أخرى (مؤسف)
Quote: رغم ان اوباما له اخفاقات عدة على الصعيد الداخلي والخارجي (الداخلية ساعد فيها تعنت الغالبية الجمهورية بمجلس الشيوخ) الا انه يعتبر الخيار الافضل لامريكا الان...
أتمنى لكم الأفضل .. ولكن تمنّوا لنا الأفضل إن لم تنسوا سودانيتكم ...
Quote: لا يمكن لوم ادارة اوباما على فصل السودان و انما تلام ادارة بوش التي تصرفت و كأن السودان اقطاعية و قررت فصل الجنوب خدمة لاستراتيجيات اقليمية و امبريالية.
إن لم ترَ إدارة أوباما أنّ في فصل الجنوب مصلحة للولايات المتحدة الأمريكية لساهمت بقدر كبير في خيار الوحدة .. فما أفسده السابقون يمكن أن يصلحه اللاحقون ... النجيضة: انفصل جنوب السودان في عهد أوباما
Quote: هل ترى أن سياسة أوباما كانت إيجابية تجاه السودان ؟ وإن جاءت إجابتك بسلبيتها .. ما هو دورك كمواطن أمريكي سوداني
دوري أن اقيس مستقبل امريكا بسياستها نحو واحدة من دول العالم التالت الزي الهم عالألب ... بمقاييس الرياض العميا الطرشا ... وأحبط في أوباما فاسأل: البديل منو؟
اقوم انضم لـ We're F--ed up الأمريكية وأطالب بمقاطعة الإنتخابات وإسقاط النظام
Quote: دوري أن اقيس مستقبل امريكا بسياستها نحو واحدة من دول العالم التالت الزي الهم عالألب ... بمقاييس الرياض العميا الطرشا ... وأحبط في أوباما فاسأل: البديل منو؟
على العموم سيأتي اليوم الذي ينفد فيه النفط وغيره من الثروات المرتبطة بسياسة المصلحة .. وعندها ربما عاد لنظامكم بعضاً من الإنسانية ... عن نفسي لا رجاء لي فيمن يطبّلون لمن فشل تجاه موطنهم الأصلي ويُحاربون البديل بحجة تغوله على وجودهم في جنة الأرض أمريكا*
ــــ ويا ريت لو كان قانون الجنسية مرتبط بالتخلّي عن جنسيتك الأولى .. على الأقل كان طلعتوا من الإحراجات الزي دي وعلى حسّكم: سير سير يا أوباما المافي شنو ؟
10-20-2012, 10:59 AM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
حسب ما فهمت انك رافض وقوف الامريكان من اصل سوداني مع اوباما نسبة لما تراه اخفاقا في السياسة الخارجية وخصوصا فيما يتعلق بانفصال السودان...
نعم لامريكا وزن في المعادلات العالمية لكنه وزن في النهاية لا يصنع من العدم ودورها ليس تخطيط في ورقة بيضاء انما تعامل مع واقع يصنع نفسه وله ظروفه
وملابساته - بمعني كونك تعتقد ان امريكا فصلت جنوب السودان لانها ارادت فصل جنوب السودان لان هذا يخدم مصالحها دون اعتبار للوقائع في الارض فهو مبالغة
في تضخيم الدور الامريكي لو كان لامريكا هذه المقدرة الخرافية لما وصل اخو مسلم واحد لدوائر الحكم في العالم العربي بعد ثورات الربيع العربي - هذه نقطة قد يطول فيها
الحديث لكن انفصال جنوب السودان تم في الاساس لسعي طرفي الصراع لهذا الانفصال وربما ساعدت امريكا في الاخراج.. بدليل ان الحكومات الامريكية المتعاقبة تفرض عقوبات
اقتصادية صارمة على الحكومة السودانية منذ مجيئها وهذا لم يغيير في سياسات حكومة السودان شئيا ...
من جانب انت ترفض وقوفنا مع اوباما "احتجاجا" على سياسات امريكيا الخارجية ولكن تقفل تماما الطرف الاخر من المعادلة الا وهو الحزب الجمهوري ورامني!! هل اطلعت
على اطروحات الجانب الاخر وعملت مقارنة بينها وبين اوباما ؟؟ ليتك تفعل ساعتها اجزم انك كنت ستشجعنا للتصويت والعمل مع اوباما وربما تبرعت من حر مالك دعما له:)
سبب الاحباط الذي يعانية الكثير من الناس في الداخل والخارج هو اعتقادهم ان للرجل عصا موسى وانه يمكنه ان يقلب العالم راسا على عقب في اربعة او حتى تمانية سنين دون
اعتبار لمجرايات الامور والموازنات والنزاعات والاهداف المتضادة للدول والكيانات التى يعج بها هذا العالم...
السؤال لك هو هل تطلب مننا عدم الوقوف مع اوباما والوقوف مع رامني ؟؟ بعد ان عملت مقارنة بين الاثنين ؟؟ ولا زعلة من اوباما ساكت؟؟
Quote: المبعوث الأميركي للسودان: الانتخابات لن تحمي البشير من مواجهة «الجنائية»
الاتحاد الأوروبي: الإفلات من العقاب «غير مقبول».. والأفريقي يدعو لـ«التحلي بالحكمة»
لندن: «الشرق الأوسط» كشف الجنرال سكوت غرايشن، مبعوث الرئيس الأميركي للسودان، عن علم بلاده بالتزوير والصعوبات التي واجهت العملية الانتخابية في السودان، وقال «كلنا يعلم أن الانتخابات مزورة وواجهت صعوبات عدة لكننا سوف نعترف بها من أجل الوصول لاستقلال جنوب السودان وتفادي العودة إلى الحرب». وقال غرايشن خلال لقائه بأبناء الجالية الجنوبية في واشنطن تم تنظيمه على شرف زيارة وزير مالية حكومة الجنوب والوفد المرافق للعاصمة واشنطن أول من أمس، إن حكومة بلاده وافقت على الانتخابات رغم علمها بإمكانية التزوير تنفيذا لاتفاقية السلام الشامل.
وقالت مصادر سودانية في واشنطن لـ«الشرق الأوسط» حضرت لقاء غرايشن، إن المبعوث الأميركي في رده على سؤال عن كيف لحكومته أن تعطي الشرعية لانتخابات مزورة، قال «الشرعية لا تعطى بل تكتسب عبر حل الأزمة في دارفور وتنفيذ اتفاقية السلام الشامل وتحقيق الرفاهية للشعب»، وأشارت إلى أن غرايشن أكد أن اعتراف بلاده بهذه الانتخابات لن يحمي البشير من مواجهة «الجنائية» في نهاية المطاف، بحسب المصادر، وأضاف غرايشن «لم نتغاض عن أمر المحاكمات، لكن السلام في دارفور وحقن الدماء بالنسبة لنا أولوية تسبق العدالة، لكن هذه الانتخابات لن تحمي البشير من مواجهة (الجنائية) في نهاية المطاف»، وتابع «لأن تحقيق العدالة لا يسقط بقيام انتخابات أو عدمها».
وقالت المصادر إن مبعوث أوباما أقر بتسخير البشير لأجهزة الإعلام الرسمية وأجهزة الدولة لصالحه، وحرمان المعارضين منها وتقييد حركتهم جماهيريا، معلنا عن عودته للسودان في مطلع مايو (ايار) المقبل في زيارة تشمل الخرطوم وجوبا وإقليم دارفور المضطرب. وكشف المبعوث النقاب عن أن هدف زيارته إلى السودان تهدف للالتقاء بمفوضية التقويم والمراجعة لاتفاقية السلام الشامل، إلى جانب حث الشريكين على التعجيل بتعيين رئيس وأعضاء مفوضية الاستفتاء على حق تقرير المصير لشعب جنوب السودان وزيارة دارفور لرؤية الوضع على الأرض.
ومن جهته قال الاتحاد الأوروبي إن الإفلات من العقاب في الجرائم الدولية «غير مقبول». وأكد وزراء الخارجية الأوروبيون في ختام اجتماع في لوكسمبورغ، أن الاتحاد الأوروبي «يذكر بأن الإفلات من العقاب في الجرائم الدولية الأكثر خطورة، كان وسيبقى غير مقبول». وكرر الاتحاد تأكيد دعمه المحكمة الجنائية الدولية و«يطلب من الحكومة السودانية التعاون التام معها»، بحسب البيان الأوروبي.
وانتقد الاتحاد الأوروبي «فقدان المعايير الدولية» و«الشوائب في عملية الفرز واحتساب نتائج» هذه الانتخابات. إلا أن الأوروبيين أشادوا بـ«الأجواء الهادئة» التي سادت سير الانتخابات، ورأوا في ذلك «مرحلة مهمة نحو تطبيق اتفاق السلام الشامل» في السودان.
إلى ذلك، أشادت مفوضية الاتحاد الأفريقي بالأجواء «السلمية» التي سادت الانتخابات في السودان ودعت السودانيين إلى «التحلي بالحكمة» تمهيدا للاستحقاقات السياسية المقبلة.
وقال مفوض الأمن والسلام في الاتحاد الأفريقي، رمضان لعمارة، في اتصال هاتفي مع وكالة الصحافة الفرنسية، «نأمل أن يجد السودانيون والسودانيات الحكمة لإحراز تقدم في إنجاز التحول الديمقراطي في البلاد، حتى تحسم المسائل السياسية التي باتت مطروحة، بطريقة ديمقراطية وسلمية وهادئة في الأشهر المقبلة».
وأضاف أن «مفوضية الاتحاد الأفريقي تعرب عن ارتياحها لمرور الانتخابات بطريقة سلمية وتوجه أكثر من 60 في المائة من الناخبين المسجلين إلى أقلام الاقتراع».
وقال لعمارة «نشيد أيضا بانتخاب الرئيس سلفا كير بصفته رئيسا لمجلس جنوب السودان، ونعرب عن ارتياحنا لإمكانية العمل معه وخصوصا لمتابعة تطبيق اتفاق السلام الشامل». وأعلن عن عقد اجتماع في الثامن من مايو (أيار) في أديس أبابا «سيتيح لأفريقيا والمجموعة الدولية التوصل إلى تقويم مشترك للوضع الجديد الذي أفرزته الانتخابات». المصدر
يا حسين يا حبيب .. ما علاقة الاعتراف بانتخابات مزوّرة باستقلال الجنوب إن لم تكن عملية الاستقلال مطبوخة ؟ ما يعنيني هو ماذا فعل أوباما وليس ماذا سيفعل رامني باعتبار ما يكون وقد يختلف هذا (اليكون) حسب مجريات الأحداث (هذا بالنسبة للسياسة الخارجية) ...
ـــــــــ
(عدل بواسطة صبري طه on 10-20-2012, 02:38 PM) (عدل بواسطة صبري طه on 10-20-2012, 02:38 PM)
10-20-2012, 04:02 PM
Egbal Elmardi Egbal Elmardi
تاريخ التسجيل: 04-08-2007
مجموع المشاركات: 1148
Quote: وماذا يقول القانون الأمريكي بالنسبة للمُهاجرين الغير شرعيين ؟ المُشكلة وين لمّا البوليس يتأكد من هويتك ونظامية إقامتك ؟
ــــــ حالة واحدة بس بتقنعيني بيها إذا لم تعترفي بالقانون في هذه الحالة
ياخي في دوله بتحترم نفسها ما ممكن توقف زول بس لي شكللو... أها ولما أطلع ليهو الجواز الأمريكي...دى بتبقي تفرقه عنصريه... لأنو أنا كمواطنه أمريكيه مافي فرق بيني وبين الأمريكي الأسلافو جو هنا قبل 400 سنه ما دام القانون الأمريكي أداني الجنسيه دي... ودي لزول حسو الديمقراطي فطير ممكن ما يشوف فيها حاجه....
لو كان الشخص ده وافد من شرق أُروبا وأبيض وعينو خضر مافي زول بسألو حتي ولو كان عندو آكسن الجن...
بعدين ياخي نظرية ....الغلبا راجلها مشت تأدب حماها...نحنا فترنا منها ياخي حكومتنا دي مسئولينا نحنا... ولو طلعنا الشارع وفرضنا التغيير مافي زول ح يقيف في طريقنا... وحكاية تفتيت الجنوب دي دي مسئولينا نحنا كحكومه بشكل أساسي وكشعب ومعارضه بشكل جزئي نحنا لو جعلنا الوحده جاذبه ما كان الجنوبيين إختاروا الإنفصال كل الحكومات المتتاليه علي السودان ما وضعت أي خطة تنميه للجنوب... وعاملنا الجنوبيين كمواطنيين درجه تانيه... وعايزنهم يصوتو للوحده
Quote: سلامات يا سيد البوست دعم اوباما ماعندوا علاقه بي لونو... ولكن ليهو علاقه بمصالحنا نحنا السودانيين العايشيين هنا لأن سياسات اوباما بالنسبه للمهاجرين أفضل من رامني بالف مره ولو خلوها لرامني يطردنا الليله قبل بكره ونائب رامني الإختارو (بول راين ) هو المهندس بتاع قانون أريزونا البسمح للبوليس إنو يوقفك في أي ملف لمجرد إنوشكلك أجنبي يعني زي كشات الحكومه الزمان للحبش ( قول أربعه .....) الحاجه الثانيه اوباما وضع كميه من التسهيلات الضرائبيه للطبقه الوسطي ودي نحنا داخلين فى دائرتها رجع للناس حوالي3500 دولار كعائد من الضرائب الحاجه الثالثه ده غير التسهيلات للطلبه أنا مثلا بنتي دخلت الجامعه السنه دى وبي دعم اوباما مادفعته ولا سنت ليها الحاجه الرابعه اوباما كير بالقانون القديم لو في زول ما عندو تأمين صحي .... وكان عنو ضغط ولا سكري ولا سرطان وثيقه التأمين ال ح يشتريها ما ح تغطي ليهو الأمراض دي اوباما أجبر شركات التأمين إنها تغطيها وده قليل من كثير
في مسألة الترطيبه دي ......طيارات إسرائيل تقصف السودان ضحا لو جاء رامنيأصلو هو منبطح ليهم وحسي ما شايفو بدق في طبول الحرب علي أيران قبل ما يبقي رئيس
با اقبال تحياتى ما نكذب على بعصنا لعب اللون دور كبير فى تصويتنا لاوباما ومعظم السودانين مصالحهم محفوظة تحت اى رئيس لان هذا سيستم اذ ان معظم الجيل الاول من المهاجرين بعتمد على الاعانات انا شخصيا لن اصوت لاوباما لان القضية السودانبة هى التى تحكمنى ولا اطلب من اوباما اسقاط نظام الخرطوم ولكن من حقى ان لا اعطيه صوتى مادام هو بيدعم البشير بايعاز من قطر ثم لم احس ابدا ان هناك فائض دخل منزلنا من ضرائب او اى تسهيلات منذ قدومه بل ذاد التصخم وارتفعت تكاليف الحياة وارتفعت الابجارات لان معظم ملاك نازل فقدوا عملهم واعمالهم وهربوا من منازلهم وتركوها وفضلو بأجروا منازل حسب دخلهم ولذلك زاد الطلب على الايجارات وقل عن الشراء ولو استمر هكذا الناس معظمهم سيكونون فى العراء دون سكن لعدم القدرة على الابفاء
اما الطلبة فانا ابنائى فى الجامهة ولم اسمع منهم ان الدراسة فى امريكا اصبحت مجانا او ان اوباما بيدعم الطلبة لهذه الدرجة احتمال جدا بنتك عندها منحة
اما التامين الصحى لاوباما فخرج مشوها وحتى اللحظة غير معروف الهوية والذى اقترحته هلرى فى حملتها كان احسن لان حكومى واوباما زايد عليها ثم عمل تسوية مع الجمهورين واخرج اخر مشوه غير مفهوم ما معروف هل اى مواطن بستحق التأمين ام المواطن الذى بعمل من بقدم الخدمة هل الطلاب مشمولين اسئلة كثيرة حائرة المهم الاطياء رافضين القانون الجديد لانو بهمشهم ولكن رغم ذلك اوباما لو فاز وتحت الضغوط حتى هذا القانون سيعدله انه رجل ضعيف
اما حكاية اسرائيل تقصف ضحى لو جاء رونى. وقصف منطقة شلاتين وبورسودان دى شنو ما ضحى كانت خجلا وبالنبلة ما اوباما عارف هذا الرجل وحسنى مبارك لعبا دورا إنسان رخيصا فى تقسيم السودان وهذه الحقيقة وكون ان الجبهجية عاوزين كدة نعم والانفصالين الجنوبين كذلك نعم لكن اوباما شجعهم
10-20-2012, 05:19 PM
محمد علي عثمان محمد علي عثمان
تاريخ التسجيل: 08-21-2012
مجموع المشاركات: 10608
أمريكا تعمل لمصالحها ولكنها أيضا تستمع لمشاكل الأخرين وتعمل لحلها
السودانيين في أمريكا هم مثلهم ومثل السودانيين في السودان أو أي مكان في العالم ، مشكلتهم التشرذم وعدم الاتفاق على روية واحدة وهذا هو سبب فشل الدولة السودانية.
إنفصال الجنوب سببه السودانيين نحن وليس أمريكا أو إسرائيل. نحن كسودانيين لو توحدنا وشعرنا كلنا بالظلم الحاصل على اخوتنا في الجنوب لهزمنا نظام الانقاذ ومنعنا فصل الجنوب .
ألان نحن فشلنا حتى ألان في التوحد والاحساس بمشاكلنا كشعب واحد. النظام بفرضه للحاجز الاعلامي جعل الناس في المركز والوسط والشمال لا يحسون بالجرائم الفظيعة التي يرتكبها النظام كل يوم في دارفور والنيل الأزرق وجبال النوبة من قتل وإغتصاب وتهجير جماعي.
نحن كسودانيين في أمريكا إذا توحدنا سنفرض رويتنا لحل مشاكل السودان على أي إدارة اى كانت جمهورية أو ديموقراطية بقوة وحدتنا وصوتنا.
نظام الانقاذ ظلم وقهر السودانيين في كل مكان في السودان من الخرطوم وإنت ماشي في كل إتجاه ، لكن القهر والظلم والحرب والقتل في دارفور وجبال النوبة والنيل الأزرق لا يقاس بما يحدث في الخرطوم.
علينا كسودانيين في كل مكان و- خاصة في أمريكا أن نخرج في المظاهرات والندوات مع بعض سواء ان كانت الفعالية خاصة بمشكلة دارفور أو جبال النوبة أو شرق السودان أو الشمال ، عندها سنسمع صوتنا وسنرعب نظام الخرطوم وسنهزمة.
Quote: نحن كسودانيين في أمريكا إذا توحدنا سنفرض رويتنا لحل مشاكل السودان على أي إدارة اى كانت جمهورية أو ديموقراطية بقوة وحدتنا وصوتنا.
نظام الانقاذ ظلم وقهر السودانيين في كل مكان في السودان من الخرطوم وإنت ماشي في كل إتجاه ، لكن القهر والظلم والحرب والقتل في دارفور وجبال النوبة والنيل الأزرق لا يقاس بما يحدث في الخرطوم.
علينا كسودانيين في كل مكان و- خاصة في أمريكا أن نخرج في المظاهرات والندوات مع بعض سواء ان كانت الفعالية خاصة بمشكلة دارفور أو جبال النوبة أو شرق السودان أو الشمال ، عندها سنسمع صوتنا وسنرعب نظام الخرطوم وسنهزمة.
في توحّدكم قوتكم وقوّتنا .. وقوّة الولايات المُتحدة الأمريكية أمر واقع علينا أن نعيشه ونتعامل معه ونستغله الاستغلال الأمثل لمُعاجلة مشاكلنا .. هذا إن كان للمواطن الأمريكي دور فيما يفرضه النظام الأمريكي ...
10-20-2012, 06:57 PM
Egbal Elmardi Egbal Elmardi
تاريخ التسجيل: 04-08-2007
مجموع المشاركات: 1148
سلامات يا رؤوف نحنا ما كنا داعمين بل كلنتون... ما تقول يا رؤوف ح تدعم رامني...ياخي أمريكا دوله رأسماليه ودي ما دايره يضو ليها لمبه.... أنا بفتكر إني كزوله يساريه أوباما بمثلنى أكثر من رامني رامني منحاز لطبقتو بشكل ما عادي وبفتكر كرأس مالي أصيل إنو لما يديهم تسهيلات وينجحو باقي الفُتفات البنزل منهم يتحتا علينا...وكان شبعنا شبعنا...وكان ما شبعنا عننا ما تنينا.... ما نحنا ال 47% زي ما قال أو 2 % زى ما قالو ناس آكيوباي وول إستريت....
ياخي بالإنهيار الإقتصادي دا...لو ما أوباما كان بقينا كلنا هوم لس يعني الناس متوقعه منو يحمل عصا موسى...ولا يقول ليها كوني فتكون... عشان تخرج من ورطه زي دي أربعه سنين بالتأكيد ما كفايه... وده ياهو عدم الصبر الغتس حجرنا في السودان... الإنتفاضه...الإنفاضه...ما سويتو....وما فعلتو...وصبراً يبل الآبري مافي لحدي ما جو ديل طايرين وبقينا في البقينا فيهو
10-20-2012, 09:19 PM
حسين نوباتيا حسين نوباتيا
تاريخ التسجيل: 06-06-2008
مجموع المشاركات: 2473
Quote: يا حسين يا حبيب .. ما علاقة الاعتراف بانتخابات مزوّرة باستقلال الجنوب إن لم تكن عملية الاستقلال مطبوخة ؟ ما يعنيني هو ماذا فعل أوباما وليس ماذا سيفعل رامني باعتبار ما يكون وقد يختلف هذا (اليكون) حسب مجريات الأحداث (هذا بالنسبة للسياسة الخارجية) ...
هلا يا صبري ... المقال الذي احضرته يؤكد وجهة نظري ان السياسة الخارجية الامريكية لا تصاغ من العدم.. بل تتعامل مع وقائع..
انت زعلان من موافقة الحكومة الامريكية على انتخابات مزورة اكثر من زعلك من هذه االانتخابات المزورة ومن قام بتزويرها..
انا ما عايز ادافع عن السياسية الخارجية الامريكية لكن في اعتقادك - اذا الحكومة قامت بتزوير الانتخابات امام الحركة الشعبية وسكوتها
او قل حيادها لان هدفيهما الانفصال والشعب لم يحرك ساكنا --المفورض الادارة الامريكية تجي تعمل لينا ثورة وتعيد الانتخابات بالقوة؟؟
او قل ما وافقت بهذه الانتخابات من كانت سترضي - الشعب الذي قبل بها ام الحليف الذي يسعي للانفصال ام الحكومة التى قامت بالتزوير؟؟
اما الجزء التاني من تعليقك بصراحة غريب كيف لا يعنيك ما سيفعله رامني؟؟؟ وانت تهتم فقط بما فعل اوباما !! نعم السياسة الخاريجية الامريكية
تتعامل مع مجريات الامور لكن للحزبين المتنافسين خطوط واضحة ومعروفة وعلى المتنافسين وضع خططهم المستقبلية في التعامل مع التحديات
العالمية الانية... من الملامح الاولية لخطة رامني هي دعم الجيش بترليوني دولار .. ما تظنه فاعل بهذا الدعم السخي ...عندما يتحدث رامني عن فرض هيبة
امريكا عسكريا الا تاتي ايران في ذهنك مطلقا... يا عزيزي من غير المنطقي ان نجلس نتحسر على ما كان يمكن ان يفعله اوباما ونتناسى الشر المستطير البسخن
خارج الملعب:)
بالنسبة لقولك وين المشلكة في ان البوليس يفتش هويات الناس - هنا ما في ملابس او حتى ملامح معينة (عقالات مثلا) لما يحب ان يكون عليه الامريكي ..يعني
الـ300 مليون اميركي يستحيل تقيف في شارع في مدينة كبيرة ويمروا عليك خمسة بشبهوا بعض - البدي العسكري دا الحق بمجرد النظر انو يحدد دا امريكي ودا
ما امريكي شنو؟؟ يعني انا كشرطي وعندي مشكلة شخصية مع المسلمين ممكن اوقف اي زول ملتحي او زولة لابسة حجاب او نقاب واتفحص اوارقهم الثبوتية !!
حتى الحزب الجمهوري لا يجرؤ على الوقوف خلف قانون كهذا لانه طرح يناقض روح العدالة الاجماعية ويقف في الجانب الاخر من الممارسة الديمقراطية..
اخونا رؤوف جميل سلامات..
اتفهم تماما انو التلاتة سنين ونصف الماضية كانت قاسية مع معظم الامريكان واتفق معك على كثير مما ذكرت
لكن يا عزيزي ليس من العدل ان تبدأ تقيمك للوضع منذ استلام اوباما السلطة متناسيا الاسباب الحقيقة للصعوبات
التى ذكرتها... للازمات الاقتصادية حياة متكاملة (كما الامراض)تبدأ بالاسباب ثم الاعراض -المرض - العلاج -
التماثل للشفاء ثم الشفاء... اذا لمدة 8 سنين بوش كان يجر اقتصاد قوي به فائض لاتجاه تاكس كتس 2001 & 2003
المستفيد الحقيقي منه الشركات الكبيرة - حروب عبيثة وضعت العالم في كف عفريت - deregulation of lending policies
فتحت باب كبير لتلاعب البنوك وشركات الاستثمار حتى انفجرت بالونة العقارات... كلها عوامل ادت
للريسشن او الدبرشن سمها ما شئت عند بدايات حكم اوباما في 2008 فكيف بالله عليك تتوقع ان يقوم الرجل بتغيير طبيعة
الازمات الاقتصادية ويلغي مرحلة المرض ويقفز من الاعراض للشفاء مباشرة؟؟
وبدل ان تتحدث عن اثار الازمة الاقتصادية التى اتفق معك فيها كان تحدثنا عن امكانية او الية تفاديها!! بمعني
ما هي السياسات الاقتصادية التى اخفق اوباما في اتخاذها والتى كانت يمكن ان تساعد او توقف دورة الرسيشن؟
وما هي الحلول الاقتصادية التى عرضها رامني لينال صوتك؟
تحياتي ...
10-20-2012, 10:15 PM
Elmoiz Abunura Elmoiz Abunura
تاريخ التسجيل: 04-30-2005
مجموع المشاركات: 6008
Quote: سلامات يا رؤوف نحنا ما كنا داعمين بل كلنتون... ما تقول يا رؤوف ح تدعم رامني...ياخي أمريكا دوله رأسماليه ودي ما دايره يضو ليها لمبه.... أنا بفتكر إني كزوله يساريه أوباما بمثلنى أكثر من رامني رامني منحاز لطبقتو بشكل ما عادي وبفتكر كرأس مالي أصيل إنو لما يديهم تسهيلات وينجحو باقي الفُتفات البنزل منهم يتحتا علينا...وكان شبعنا شبعنا...وكان ما شبعنا عننا ما تنينا.... ما نحنا ال 47% زي ما قال أو 2 % زى ما قالو ناس آكيوباي وول إستريت....
ياخي بالإنهيار الإقتصادي دا...لو ما أوباما كان بقينا كلنا هوم لس يعني الناس متوقعه منو يحمل عصا موسى...ولا يقول ليها كوني فتكون... عشان تخرج من ورطه زي دي أربعه سنين بالتأكيد ما كفايه... وده ياهو عدم الصبرالغتس حجرنا في السودان... الإنتفاضه...الإنفاضه...ما سويتو....وما فعلتو...وصبراً يبل الآبري مافي لحدي ما جو ديل طايرين وبقينا في البقينا فيهو
سلامات اقبال نعم عاوزة لمبة وكمان نايلو لان ازمة الرأسمالية لن تعالجها سياسات اوباما او رومنى ثم ما علاقة اوباما باليسار اوباما حتى يساريو الحزب الديمقراطى قرفانين منه لان ضيع عليهم فرصة العمر عند بدابة انتخابه وتردد فى اقرار الكثير من المشاربع التى كانت ممكن تغير فى حياة الكثيرين ولكنه متردد ويخاف من المواجهة ثم موضوع عصى موسى ذكرتينى نميرى عندما كانت تغلبه الحيلة ثم موضوع الانتفاصة وعدم الصبر ذكرتينى حكومات سوار الذهب والصادق وناس على الحاج فى حكومة الوفاق الوطنى زعلانه لاننا لم نصبر عليهم ونصبر عليهم مقابل وعود الصادق توأم اوباما والنسخة المكررة يعنى لو صبرنا على الصادق وخرمجته ما كانت الانقاذ اتت انت عاوزه الشعب الامريكى يصبر على اوباما مقابل وعود فاشلة ثم من قال من هو ضد اوباما يعنى مع رومنى
كل الامريكان اللذين يصوتوا لا بتعدوا الاربعينات فى المائة
10-21-2012, 02:53 AM
Egbal Elmardi Egbal Elmardi
تاريخ التسجيل: 04-08-2007
مجموع المشاركات: 1148
يا رؤوف يا أخوي لو ما صوتت لأوباما ح تكون خدمتة رامني رضيت ولا أبيت... عدم التصويت موقف سلبي...ولو كنت ح تصوت لرامني دي تبقي الطامه الكبرى وأوباما بي يساريتو (العرجا) دي زي ما بتقول هو أفضل خيار
الصبر علي الإنتفاضه بجي بالتغيير ولا دايرنا ننط في دببابه... بنتعلم في الديمقراطيه بي مزيد من الديمقراطيه... يعني الصادق المهدي بي ركاكتو دي بالتأكيد هو أفضل من البشير وإنتخابات ورا إنتخابات وجرايد تنتقدوا وشوارع مليانه هتاف...كان بنعدل لحدي ما يجي الأحسن منو وما ظنيت إني محتاجه أقول ليك الكلام ده....
10-21-2012, 03:03 AM
تبارك شيخ الدين جبريل تبارك شيخ الدين جبريل
تاريخ التسجيل: 12-04-2006
مجموع المشاركات: 13936
Quote: ويا ريت لو كان قانون الجنسية مرتبط بالتخلّي عن جنسيتك الأولى .. على الأقل كان طلعتوا من الإحراجات الزي دي وعلى حسّكم: سير سير يا أوباما المافي شنو ؟
انت يا صبري بى صحك مصدق انو أوباما عدو السودان والإنفصال مؤامرة أوبامية؟
أصلو ما فكرت انو الإجابة على السؤال: لماذا يدعم السودانيون الأمريكان أوباما؟
Quote: لأنه يستحق الدعم، وصبري طه يهرف بما لا يعرف!
وهل تعتقد أنّ صبري طه ينتظر إحقاق الحق من أوباما أو غيره من الرؤساء الأمريكان ... ما أعرفه ولا أهرّف به هو أنّ أمريكا تعيش على غيرها وإن سالت كل الدماء ...
Quote: وبدل ان تتحدث عن اثار الازمة الاقتصادية التى اتفق معك فيها كان تحدثنا عن امكانية او الية تفاديها!! بمعني
ما هي السياسات الاقتصادية التى اخفق اوباما في اتخاذها والتى كانت يمكن ان تساعد او توقف دورة الرسيشن؟
وما هي الحلول الاقتصادية التى عرضها رامني لينال صوتك؟
سلامات نوباتيا فى حملته الانتخابية سكب اوباما كلاما كثيرا وعرض برنامجا لحل الازمة ولم بقل تشخيص الازمة والازمة الاقتصادية فى امريكا معروفه وجوهرها هروب الاعمال الى الخارج وعدم دخول استثمارات اجنبية فهل عالج اوباما هذا الامر ولو جزء بسيط منه لا والف لا ولن يستطيع ولا رومنى ولكن فى المقابل عمق اوباما ازمة الاقتصاد الامريكى وزاد العجز من 12 ترليون الى 16 ارتفع عدد العاطلين عن العمل بالمقارنة بعهد بوش ارتفع التصخم وزادت اسعار الصادرات الامريكية اعلنت شركات طاقة دعمها اوباما افلاسها نهائيا اذدادت قبصة وول استريت
زادت ديون الصين ودول الخليج على امريكا كل الاعانات التى تقدمها الدولة والتسهيلات من القروض .المريض الامريكى اذدادت حالته سوءا
Quote: المُعادلة كالآتي:- أيّ سوداني أمريكي لو كان خياره هو انفصال الجنوب فسيفرح لفوز أوباما نقطة سطر جديد أو دولة جديدة
الأخ صبري.
أمريكا غير مسئولة عن إنفصال الجنوب. المشكلة السودانية هذه موجودة من قبل ميلاد الرئيس أوباما. المسئولية الأولى والأخيرة تقع على عاتق الذين حكمو السودان منذ الاستقلال وكان همهم الأول هو قيام دولة عربية إسلامية، ولم يراعو للتنوع العرقي،الديني والثقافي للسودان. وهذا السلوك لم يتغير حتى الأن . فعن أي وحدة تبكي عليها أنت هنا يا صبري ؟ أعمل على تغير فهم ساسة الشمال الأحادي ثم تحدث بعد ذلك عن وحدة. بعدين يا صبري. هل أوباما أو أمريكا أيضا مسئولين من إنقلاب الأخوان المسلمين في السودان؟ هل هم مسئولين عن ما يحدث في دارفور،النيل الأزرق وجبال النوبة وشرق السودان؟ يا صبري. "All politics is local"
10-21-2012, 09:13 AM
Deng Deng
تاريخ التسجيل: 11-28-2002
مجموع المشاركات: 52544
أما موضوع الأنتخابات الرئاسية الأمريكية فهذا الموضوع هو موضوع أمريكي بحت في المقام الأول. وأنت هنا بتخاطب مواطنين أمريكان ولكنهم من أصول سودانية. أنا أتوقع أن يقوم معظمهم بالتصويت الى المرشح الذي يرونه يحقق لهم أمانيهم وعلى الأقل المرشح الأقرب لهم ولأمانيهمم، هذا هو الفهم البسيط لعملية التصويت للرئاسة الأمريكية. وقصدي أنا بكلمة " الأماني" هذا، أنا أقصد بها مطالبهم المحلية والتي تمس حياتهم وحياة آسرهم اليومية في أمريكا. في المقام الأول.
Quote: أما موضوع الأنتخابات الرئاسية الأمريكية فهذا الموضوع هو موضوع أمريكي بحت في المقام الأول. وأنت هنا بتخاطب مواطنين أمريكان ولكنهم من أصول سودانية. أنا أتوقع أن يقوم معظمهم بالتصويت الى المرشح الذي يرونه يحقق لهم أمانيهم وعلى الأقل المرشح الأقرب لهم ولأمانيهمم، هذا هو الفهم البسيط لعملية التصويت للرئاسة الأمريكية. وقصدي أنا بكلمة " الأماني" هذا، أنا أقصد بها مطالبهم المحلية والتي تمس حياتهم وحياة آسرهم اليومية في أمريكا. في المقام الأول.
أخي دينق .. كلامك غريب .. لسبب بسيط وهو أنّ رئيس الولايات المتحدة باعتباره هو رئيس العالم أجمع .. ويكفي أنّ فرض أيّة عقوبات اقتصادية على أيّة دولة حتى لو كانت الصين من قبل الولايات المُتحدة لوحدها كافي ليهزّ عرش اقتصادها ... أضف إلى ذلك نفوذ الولايات المتحدة الكبير في مجلس الأمن .. ويكفي أنّها أخذت المُبادرة بنفسها وفسّرت القرارات على هواها وشنّت حرباً على العراق باسم الشرعية الدولية ...
Quote: أخي دينق .. كلامك غريب .. لسبب بسيط وهو أنّ رئيس الولايات المتحدة باعتباره هو رئيس العالم أجمع .. ويكفي أنّ فرض أيّة عقوبات اقتصادية على أيّة دولة حتى لو كانت الصين من قبل الولايات المُتحدة لوحدها كافي ليهزّ عرش اقتصادها ... أضف إلى ذلك نفوذ الولايات المتحدة الكبير في مجلس الأمن .. ويكفي أنّها أخذت المُبادرة بنفسها وفسّرت القرارات على هواها وشنّت حرباً على العراق باسم الشرعية الدولية ...
نواصل.
نعم كل ما زكرته صحيح ، ولكن أنا أتحدث عن المواطن الناخب الأمريكي، الذي همه الأول والأخير هو موضوع الأقتصاد. الأقتصاد الذي يتعلق بكل شئ داخل أمريكا. ويجب أن لا تهمل مداخلات الأخت أقبال المرضي. فكل ما زكرته أقبال هو بالضبط ما يتحدث به المواطن الأمريكي العادي البسيط الغير مسيس ، وهم هنا يمثلون الأغلبية. علشان كده أنا زكرت لك العبارة الأمريكية التي تقول: All politics is local وصاحب هذه العبارة هو تيب أونيل وكان يشغل سابقا منصب رئيس الكونجرس الأمريكي.
وبالمناسبة يا صبري. سياسة أوباما الديمقراطي تجاه السودان لم تتغير كثيرا من سياسة سلفه الجمهوري جورج بوش الأبن، ولكن للحزبين تكتيكاتهم الخاصة. ولكن في نهاية الأمر المحصلة واحدة.
نعم كل ما زكرته صحيح ، ولكن أنا أتحدث عن المواطن الناخب الأمريكي، الذي همه الأول والأخير هو موضوع الأقتصاد. الأقتصاد الذي يتعلق بكل شئ داخل أمريكا. ويجب أن لا تهمل مداخلات الأخت أقبال المرضي. فكل ما زكرته أقبال هو بالضبط ما يتحدث به المواطن الأمريكي العادي البسيط الغير مسيس ، وهم هنا يمثلون الأغلبية. علشان كده أنا زكرت لك العبارة الأمريكية التي تقول: All politics is local وصاحب هذه العبارة هو تيب أونيل وكان يشغل سابقا منصب رئيس الكونجرس الأمريكي.
تسلم يا دينق .. ولكن ... هل ينطبق ما لوّنته لك بالأحمر على المواطن السوداني الأمريكي (الذي يحمل الجنسيتين معاً) ويوجد فرق بين أن أقول ذو الأصول السودانية (والذي قد لا تكون له علاقة بموطنه الأصلي ولم يراه ولم يعش فيه ولم يتعايش مع قضاياه .. وبين المواطن السوداني الذي عاش في السودان وتفاعل مع قضاياه ثمّ هاجر إلى أمريكا ونال الجواز الأمريكي .. والأخير هو الذي أقصده ...
تلخيص بالنسبة لرأيي الشخصي: إذا كُنت أنا مواطن سوداني أمريكي كما حدّدته لك أعلاه .. ورأيت أنّ سياسة أوباما لم تكن في صالح قضايا السودان يجب عليّ أن أضع ذلك في الحُسبان ...
ــــــــ بالنسبة لانفصال السودان قناعتي هي أنّه مفصول مفصول في كل الأحوال لأنّ أمريكا يُديرها نظام مبني على مصالحها ومصالح إسرائيل ولا دور للرؤساء إلاّ تسميع ما يُقرّره لهم هذا النظام .. وما كلامك المُقتبس أدناه إلاّ مؤشر لذلك .. وعدم ترشيحي لأوباما بسبب تضرّر موطني الأصلي ضرراً بليغاً خلال فترته الرئاسية تظل مسألة مبدأ وضمير بالنسبة لي ...
Quote: وبالمناسبة يا صبري. سياسة أوباما الديمقراطي تجاه السودان لم تتغير كثيرا من سياسة سلفه الجمهوري جورج بوش الأبن، ولكن للحزبين تكتيكاتهم الخاصة. ولكن في نهاية الأمر المحصلة واحدة.
أنا بحاول أن أخوض معك حوار هادف يستفيد منه الجميع. مثل العبارات أعلاه بلاشك لن تفيد الحوار في شئ.
يا دينق .. في الرد الأول استغربت لاستخدامك اللغة الإنجليزية في مُخاطبتي مع أنّك تُجيد اللغة العربية .. وبصراحة فهمت منّك عايز تورّيني إنّك أمريكي ...
دا من جانب .. وما جانب آخر ... تعليقي الثاني بخصوص العراق ربطته باتهام البعض لكن بأنّ لك علاقة بالأمريكان في العراق عشان كدا ما عايزك تفهم من ردّي إنّي قاصد الحتّة دي وأنا جادّي فيها ...
Quote: وبالمناسبة يا صبري. سياسة أوباما الديمقراطي تجاه السودان لم تتغير كثيرا من سياسة سلفه الجمهوري جورج بوش الأبن، ولكن للحزبين تكتيكاتهم الخاصة. ولكن في نهاية الأمر المحصلة واحدة.
نقول واحد
10-21-2012, 02:18 PM
Mohamed Foto7li Mohamed Foto7li
تاريخ التسجيل: 02-27-2008
مجموع المشاركات: 3080
Quote: وعدم ترشيحي لأوباما بسبب تضرّر موطني الأصلي ضرراً بليغاً خلال فترته الرئاسية تظل مسألة مبدأ وضمير بالنسبة لي ...
وهو الاساس الذى يحكمنى معقولة اصوت لمن قسم الوطن وعاوز يقسم الفضل هذا الرجل بقدرة ورشاوى اغرى واقنع حسنى مبارك والمصرين ان انفصال الجنوب مفيد لمصر لانهم سيتعاملون مع دولة اصلا مامحتاجة للنيل ذى لو بقى السودان موحدا وقامت فية مشاريع كبيرة فى المستقبل تهدد حصة مصر من المياه اسمع يا دينق اوياما انحاز للجناح الانفصالى فى الحركة الشعبية والان يكسر فى قطاع الشمال بالمنطقة العازلة لمنع الامدادات والاعانات عنهم وعن شعوب جنوب كردفان حتى بضغطهم ويخضعوا لاتفاقية ادس ابابا واليوم صحبك الصادق المهدى عاوز يمارس نفس الصغوط على كاودة من باب اتفاقية نافع عقار والتى سبق وان رفضها لماذا لانه حسه ان اوباما بيضغط وهو كمان عاوز اى حاجة تفرتق هذا الحلف كاوده ولان اتفاقية نافع عقار فيها بند بالغاء السلاح والاندماج فى الجيش الوطنى
Quote: أمريكا غير مسئولة عن إنفصال الجنوب. المشكلة السودانية هذه موجودة من قبل ميلاد الرئيس أوباما. المسئولية الأولى والأخيرة تقع على عاتق الذين حكمو السودان منذ الاستقلال وكان همهم الأول هو قيام دولة عربية إسلامية، ولم يراعو للتنوع العرقي،الديني والثقافي للسودان. وهذا السلوك لم يتغير حتى الأن . فعن أي وحدة تبكي عليها أنت هنا يا صبري ؟ أعمل على تغير فهم ساسة الشمال الأحادي ثم تحدث بعد ذلك عن وحدة. بعدين يا صبري. هل أوباما أو أمريكا أيضا مسئولين من إنقلاب الأخوان المسلمين في السودان؟ هل هم مسئولين عن ما يحدث في دارفور،النيل الأزرق وجبال النوبة وشرق السودان؟ يا صبري. "All politics is local"
الأخ دينق يطلب منّي لبن الطير في ظل وجود نظام أحادي ديكتاتوري !!! فيا عزيزي ماذا فعلت الحركة الشعبية شريكة المؤتمر الوطني في الحُكم لإقامة الديمقراطية الحقيقية في السودان .. ألم تسحب ياسر عرمان من السباق الرئاسي ... ما هي الأسباب التي أدّت إلى سحب ياسر عرمان مرشّح الحركة الشعبية ؟
10-21-2012, 05:24 PM
Deng Deng
تاريخ التسجيل: 11-28-2002
مجموع المشاركات: 52544
Quote: وهو الاساس الذى يحكمنى معقولة اصوت لمن قسم الوطن وعاوز يقسم الفضل هذا الرجل بقدرة ورشاوى اغرى واقنع حسنى مبارك والمصرين ان انفصال الجنوب مفيد لمصر لانهم سيتعاملون مع دولة اصلا مامحتاجة للنيل ذى لو بقى السودان موحدا وقامت فية مشاريع كبيرة فى المستقبل تهدد حصة مصر من المياه اسمع يا دينق اوياما انحاز للجناح الانفصالى فى الحركة الشعبية والان يكسر فى قطاع الشمال بالمنطقة العازلة لمنع الامدادات والاعانات عنهم وعن شعوب جنوب كردفان حتى بضغطهم ويخضعوا لاتفاقية ادس ابابا واليوم صحبك الصادق المهدى عاوز يمارس نفس الصغوط على كاودة من باب اتفاقية نافع عقار والتى سبق وان رفضها لماذا لانه حسه ان اوباما بيضغط وهو كمان عاوز اى حاجة تفرتق هذا الحلف كاوده ولان اتفاقية نافع عقار فيها بند بالغاء السلاح والاندماج فى الجيش الوطنى
رؤوف.
أول حاجة الرئيس أوباما لم يكن طرفا في أتفاقية نيفاشا. ,انت تدري جيدا أن هذه الأتفاقية كانت واضحة وضوح الشمس، وبسيطرة الجبهة الأسلامية على مقاليد الحكم في السودان وتعنتهم في تغير الأوضاع وجعل الوحدة جازية، كلنا كنا نعرف أن السودان سوف ينقسم الى دولتين. وموضوع رشوة الرئيس المصري هذا أنا لا أعتقد بأنها صحيحة، لأن الحركة الشعبية لتحرير السودان بقيادة الزعيم الراحل جون قرنق أستطاعت أن تقنع المصريين بأن يقبلو بواقع الأمر في حالة إنفصال الجنوب مع ضمان مصالح مصر. أما حديثك عن الجناح "الإنفصالي" في الحركة الشعبية فهو غير صحيح أيضا. لأن قيادات الحركة كلها كانت تدعوا الى وحدة السودان ولكن بأسس جديدة. وأنت هنا تتفق معي بأنه لا يعقل بأن يرضى أهل الجنوب بوحدة زائفة يكون نصيبهم منها مواطنين من الدرجة الرابعة.
10-21-2012, 05:42 PM
Deng Deng
تاريخ التسجيل: 11-28-2002
مجموع المشاركات: 52544
Quote: الأخ دينق يطلب منّي لبن الطير في ظل وجود نظام أحادي ديكتاتوري !!! فيا عزيزي ماذا فعلت الحركة الشعبية شريكة المؤتمر الوطني في الحُكم لإقامة الديمقراطية الحقيقية في السودان .. ألم تسحب ياسر عرمان من السباق الرئاسي ... ما هي الأسباب التي أدّت إلى سحب ياسر عرمان مرشّح الحركة الشعبية ؟
الأخ صبري.
أها النظام الأحادي الدكتاتوري ده الحركة الشعبية قاتلته لأكثر من 22 عاما، وأتفاقية السلام الشامل (نيفاشا) هي التي أوقفت الحرب. وتعنت الجبهة القومية الأسلامية وعدم أقتناعها بتغير الأوضواع في السودان وجعل الوحدة جازبة، كان ذلك الشئ المتوقع، وهو تصويت أهل الجنوب للإنفصال بنسبة كادت أن تصل الى مئة في المئة. أتفاقية السلام الشامل بلاشك زحزحت المؤتمر الوطني من مقاعده في السلطة ولأول مرة في تاريخ حكم الكيزان للبلاد أنهم واجهو تحدي حقيقي في السلطة، ولقد أستفادت بقية القوى السياسية من تلك الأوضاع، ولكنهم طبعا ناس ناكرين جميل ساكت. أما سؤالك عن لماذا أنسحب ياسر عرمان من الأنتخابات. فلقد سمعت القائد ياسر عرمان يرد على هذه السؤال في عدة ندوات ولقائات مختلفة، وقد قال. أنه هو الذي أتخذ هذا القرار، لأنه أقتنع تماما بأن الأنتخابات مزورة.
أول حاجة الرئيس أوباما لم يكن طرفا في أتفاقية نيفاشا. ,انت تدري جيدا أن هذه الأتفاقية كانت واضحة وضوح الشمس، وبسيطرة الجبهة الأسلامية على مقاليد الحكم في السودان وتعنتهم في تغير الأوضاع وجعل الوحدة جازية، كلنا كنا نعرف أن السودان سوف ينقسم الى دولتين. وموضوع رشوة الرئيس المصري هذا أنا لا أعتقد بأنها صحيحة، لأن الحركة الشعبية لتحرير السودان بقيادة الزعيم الراحل جون قرنق أستطاعت أن تقنع المصريين بأن يقبلو بواقع الأمر في حالة إنفصال الجنوب مع ضمان مصالح مصر. أما حديثك عن الجناح "الإنفصالي" في الحركة الشعبية فهو غير صحيح أيضا. لأن قيادات الحركة كلها كانت تدعوا الى وحدة السودان ولكن بأسس جديدة. وأنت هنا تتفق معي بأنه لا يعقل بأن يرضى أهل الجنوب بوحدة زائفة يكون نصيبهم منها مواطنين من الدرجة الرابعة.
,دينق ومنو القال اوباما عمل نيفاشا اوياما نفذ مطالب الاستعلائين الانفصالين من جماعة الاسلام السياسى لو كان عاوز وحدة السودان كان فرضها وعلى الجانبين كمان ذى بوش مافرض نيفاشا ولكن الاجندة الاوبامية وجدت هوى عند الجبهجية والانفصالين الجنوبين اما مصر فمنذ متى كانت تفرط فى النيل لو لا الوعود الامريكية يا دينق قلت كل الحركة الشعبية كانت وحدوية دينق انت متأكد من كلامك يعنى الجناح الحارب قرنق كان وحدوى وقرنق انفصالى
10-23-2012, 04:43 PM
Deng Deng
تاريخ التسجيل: 11-28-2002
مجموع المشاركات: 52544
Quote: دينق ومنو القال اوباما عمل نيفاشا اوياما نفذ مطالب الاستعلائين الانفصالين من جماعة الاسلام السياسى لو كان عاوز وحدة السودان كان فرضها وعلى الجانبين كمان ذى بوش مافرض نيفاشا ولكن الاجندة الاوبامية وجدت هوى عند الجبهجية والانفصالين الجنوبين اما مصر فمنذ متى كانت تفرط فى النيل لو لا الوعود الامريكية يا دينق قلت كل الحركة الشعبية كانت وحدوية دينق انت متأكد من كلامك يعنى الجناح الحارب قرنق كان وحدوى وقرنق انفصالى
رؤف جميل.
أوباما بس يفرضها كيف على الجانبين؟ الحركة الشعبية نفسها فشلت في أقناع أهل الجنوب بالوحدة فكيف كان من الممكن فرضها؟ يا رؤوف أتفاقية نيفاشا تم صياغتها بطريقة كان من الصعب جدا التنصل منها. ولقد حاول الكيزان ذلك مرارا وتكرارا ولكنهم فشلو في ذلك. أما مصر فأنها وجدت نفسها أمام واقع جديد لم تعهده من قبل، ولم يكن ف أستطاعتها إلا بأن تقبل بواقع الأمر. الجناح الذي أدعى بأنه "إنفصالي" وحارب قرنق، ما هي نهايته؟ أليس هم نفي الذين وقعو أتفاقية مع نظام الخرطوم في عام 1997؟ أليس هم الذين حاولو أن يقفون ضد إنفصال الجنوب؟
يا رؤوف. نصيحة لك وللأخرين.
لا تستهينو بقوة ومقدرة أهل الجنوب. فهم الذين قررو الإنفصال وهم الذين صوتو له بنسبة كادت أن تصل الى مية في المية.
Quote: الجناح الذي أدعى بأنه "إنفصالي" وحارب قرنق، ما هي نهايته؟ أليس هم نفي الذين وقعو أتفاقية مع نظام الخرطوم في عام 1997؟ أليس هم الذين حاولو أن يقفون ضد إنفصال الجنوب؟
أها يا دينق شوف جنس الكاركاتير دا ... ثمّ ياخي هاك التصريجة دي ... العقوبات الاقتصادية على السودان بتساعد على بقاء نظام الإنقاذ ... احتمال تشوف كلامي تصريجة على قول أحدهم ومنها تصفني بالكوز المُندس وما إلى ذلك ... ولكن يا عزيزي:-
العقوبات الاقتصادية أتت بالضائقة المعيشية وتأثرت بها المُعارضة أكثر من مؤيّدي النظام والذين يُمكنهم تمشية حالهم من خلال الانتفاع المُباشر والغير مُباشر أهو في النهاية حيعيشوا في البلد الكان مليون ميل دا ... وفي ذلك سيتبوؤن المناصب الحكومية في كل مكان مما يعني سيطرة التنظيم على كل مفاصل الدولة مدنياً وعسكرياً ... طيّب الكلام دا علاقتو شنو بالمُساعدة في بقاء النظام ؟ المُعارضين المن الوزن الثقيل والذين يُناسبهم العمل الوظيفي والمهني حيضطرّوا لمُغادرة البلاد للبحث عن وضع أفضل لكسب العيش .. وسيقتصر نضالهم ومُنازعتهم للنظام من الخارج ومنابر الحوار الإلكترونية تشهد بذلك ... ولزوال النظام لا بدّ من العمل بالداخل أكثر من العمل بالخارج ... ومن يعوّل على أمريكا مصالح دي فليعوّل على السراب* ...
ـــــــــ * ومع السراب وقت النزوحهنا هدية العيد .. وكل عام وأنتم بخير ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حيدر حسن ميرغني
Egbal Elmardi
بدر الدين احمد موسى
تبارك شيخ الدين جبريل
حسين نوباتيا
محاسن زين العابدين
محمد علي عثمان
Elmoiz Abunura
Deng
Mohamed Foto7li
فيس بوك
تويتر
انستقرام
يوتيوب
بنتيريست