|
|
|
 Re: دا شنو يا رئيس الاتحاد العام للصحفيين السودانيين!!!! (Re: Ashraf el-Halabi)
|
الإنتهازى المنافق تيتاوى أصلو رشاشه ###### منذ أن كان يعمل ( عمودنجى ) صغير بجريدة الأيام ...
و لكنى لم أسمع به رياضياً كان أم إداياً أو لاعبا ...
قال رئيس إتحاد الصحفيين قال ! لولا نظام الهوس و الإنقاذ
الخلّق جنس خلقك دى مالا كان فى زول سمع بيك !!!
بس ! عشان تانى ما إجى واحد إقول لى المريخ العظيم
بتاع الحكومه و المؤتمر الوطنى !!!
الضربات التلاته دى أتاريها حارقاهم من (سغارم ! ) لكبارم...
طلعت الهيم و الدود القديم و عقاب زريبة العيش ...
أحى ...
http:///
| |
 
|
|
|
|
|
|
|
|
Re: دا شنو يا رئيس الاتحاد العام للصحفيين السودانيين!!!! (Re: Ashraf el-Halabi)
|
الزول دا بعد الهراء بتاعو دا لسة نقيب صحفيين؟ وين الجوطة ومراقبة ومراجعة ما يكتب ؟ !!
والرياضة فى السودان هاملة للدرجة دى عشان يكون نقيب صحفيها قلمه بهذ الإسفاف ؟!!
المقال المعنى ينضح بما فيه ويوضح عدم أهلية كاتبه للكتابة . الكتابة ليست إنشاء وسجع
ونحو وحكاوى. الكتابة وعى وأمانة ورسالة يفتقدها كاتب هذا المقال .. لو جابو بتاع ورنيش
أو واحد من يتاعين المحطة الوسطى البيكون عددهم عشرين وبتكلم فيهم فى آن واحد واحد وعشرين،
إذا أعطى أحدهم فرصة القلم والكتابة فى صحيفة، لكان على قدرحجم المسؤولية وأن لكل مقام مقال.
يأتى نقيب الصحفين ليكون بتاع ورنيش الصحافة، ويكتب ليك الحكم يستحق بونية !
ويستند على إيه .. قال إيه لعب كورة فى بورتسودان وكمان إدارى رياضى !!
الكلام بقروش النجر ساهل. فكا ليهو كم إسم حكم وطه حمدتو، والنيل والمفك
وبشارة وكمال وجكسا .. وورنش ورنشته ! والغريبة ذكر ليهو إسم حكمين
كمثال لمستوى التحكيم : حسن عبد الحفيظ وعثمان ديجانقو ، وقال الناس تخرج راضية،
يا خى ياتو إستادات دى الكنت بتدخل فيها كورة .. والإثنين المذكورين دولياً الأول حكم
فى القاهرة أخد علقة من الفريق الكينى وكسرت ترقوته والثانى كان رجل خط له
بحاجز بالراية. وديجانقو دى سموها ليهمو عشان كان حكم ممتاز أم لأنه فيهو شبه من فرانك نيرو ؟!
| |
|
|
|
|
|
|
|
|
|
Re: دا شنو يا رئيس الاتحاد العام للصحفيين السودانيين!!!! (Re: نادر الفضلى)
|
| Quote: الزول دا بعد الهراء بتاعو دا لسة نقيب صحفيين؟ وين الجوطة ومراقبة ومراجعة ما يكتب ؟ !! |
لسة نقيب ولا حتى اعتذر عن (الهراء) بتاعو دا يا فضلي
لو كتابتو دي ضد حكومة المؤتمر الوطني تاني يوم كان تلقا متتم في مكاتب موقف شندي!
لكن الكورة بت الكــلب الما عندها سيد دي ما في زول بحميها
نقيب اتحاد الصحفيين يقول "الحكم يستحق البونية"!!!!
يا للهول... يا للمهزلة الأنوية!!!
| |
|
|
|
|
|
|
| |
Ashraf el-Halabi
نادر الفضلى
فيس بوك
تويتر
انستقرام
يوتيوب
بنتيريست