|
|
|
 Re: جنيه أبعاج لمن لم يعاصروه... (Re: Dr.Elsadig Abdalla)
|
انت عارف يا د. الصادق ان مصيبة الدول الدكتاتورية ان صور رؤسائها تكون مطبوعة في نقودها .. وانا ما عارفة الحكمة في كده شنو؟؟ ومع انه ومما يطبعوا صورة اي رئيس في الورقة المالية تجدها فقدت قيمتها ... والشئ الصحيح مفروض يطبعوا على الورقة المالية صور شخصيات تاريخية أثرت في مسيرة البلاد.. ومثال ذلك ان الدولار الأمريكي بنجد فيه صورة جورج واشنطن اول رئيس للولايات المتحدة وصورة ابراهام لنكلن محرر العبيد الذي ألغى تجارة الرقيق في امريكا.. وحتى الدولار الأمريكي بنلقاه اقوى عملة في العالم عشان مكتوب على الورقة : نحن نثق بالله" In God We Trust .
وان شاء الله عمنر البشير ما يفكر يخت صورته في الجنيه السوداني عشان ما تمشي السوق وتشتري قميص بمليون جنيه بعد ان تفقد العملة قيمتها
والله يديك العافية
| |
 
|
|
|
|
|
|
|
 Re: جنيه أبعاج لمن لم يعاصروه... (Re: اميرة السيد)
|
.
د. الصادق
تحية وتقدير ,,,
| Quote: والشئ الصحيح مفروض يطبعوا على الورقة المالية صور شخصيات تاريخية أثرت في مسيرة البلاد.. |
في تلك اللحظة 1980 م لم يكن هناك من هو أكثر تأثير وتاريخية أكثر من المشير جعفر محمد نميري رئيس الجمهورية القائد العام لقوات الشعب المسلحة
رحم الله نميري وسقا الله تلك الايام
في 1980 مع الوالده الله يديها العافية بتذكر أشترينا حاجات من معرض الخرطوم الدولي
وحاسبت عليها بالدولار الامريكي يوم كان جنيه سوداني بتحسب بي 2 دولار امريكي ..........
يعني الدولار خمسين قرش سوداني لا غير
*عاصرناهو صغارا وكان قاضي غرض رحم الله أيام كان عندنا جنيه جد جد
| |
|
|
|
|
|
|
|
|
|
Re: جنيه أبعاج لمن لم يعاصروه... (Re: عبد الناصر الخطيب)
|
شكرا للمتداخلين
والله فكره غريبه ..ماعارف نميري الله يرحمو ،كيف خطر في بالو إن يضع صورتو في العمله ؟..واحد في الفيسبوك قال المشلكه عملنا بيهو شنو ؟قلت ليهو والآن عملنا بيهو شنو ؟قال لي عملنا بيهو مشاريع وكباري ومستشفيات !!!!
| |
|
|
|
|
|
|
|
|
|
Re: جنيه أبعاج لمن لم يعاصروه... (Re: Dr.Elsadig Abdalla)
|
Quote: في 1980 مع الوالده الله يديها العافية بتذكر أشترينا حاجات من معرض الخرطوم الدولي
وحاسبت عليها بالدولار الامريكي يوم كان جنيه سوداني بتحسب بي 2 دولار امريكي ..........
يعني الدولار خمسين قرش سوداني لا غير |
متأكد من حكاية 2 دولار دي؟
المتأكد أنا منو، في 85 كان سعر الدولار 8 جنيه، لما قامت الإنتفاضة وبتأثير الأحداث بقى سعرو 4 جنيه.
سئ الذكر جعفر نميري كان كارثة على الإقتصاد السوداني.
| |
|
|
|
|
|
|
|
|
 Re: جنيه أبعاج لمن لم يعاصروه... (Re: Dr.Elsadig Abdalla)
|
Quote: متأكد من حكاية 2 دولار دي؟
المتأكد أنا منو، في 85 كان سعر الدولار 8 جنيه، لما قامت الإنتفاضة وبتأثير الأحداث بقى سعرو 4 جنيه. |
ما ظن الدولار في 1985م سنة ذهاب طيب الذكر جعفر نميري من الحكم أنو حصل 8 جنيه باي حال من الاحوال
ومعلومتي متأكد منها وشي حصل وكان بتحكي وبنتندر بيها لحدي زمن قريب فات ....................................
العارفوا التردي في سعر الجنيه ابتدي في اواخر عهد طيب الذكر نميري ووصل قمتوا في زمن الفوضي 1985 - وانت ماشي
بدايات الانقاذ كان في كلام صلاح كرار البقي نكته ( أنو الانقاذ لوماجات كان الدولار حصل 12 جنيه )
وتحياتي
| |
|
|
|
|
|
|
|
|
 Re: جنيه أبعاج لمن لم يعاصروه... (Re: عبد الناصر الخطيب)
|
| Quote: سئ الذكر جعفر نميري كان كارثة على الإقتصاد السوداني. |
نظام جعفر النميري وإن أختلف الناس في تقيمهم للفترة المايوية تظل من الفترات التي
شهدت تغيرات اقتصادية كبيرة أثرت على السودان , في بداية مايو إبان مشاركة الحزب
الشيوعي السوداني في السلطة أدت سياسة التأميم والمصادرة لتدمير البنية الاقتصادية الأساسية
للسودان وشركات القطاع الخاص التي كانت تدعم هذا الاقتصاد ذو الأداء المميز ..............
أجتهد نظام مايو طوال السنوات التي أعقبت التخلص من الحزب الشيوعي السوداني لبناء اقتصاد
زراعي قادر على توفير استقرار لسعر الصرف للعملة السودانية وفيما بين 1980 و 1985 فقد الجنيه السوداني 80% من قيمته
بتأثير عودة الحرب الأهلي في جنوب السودان مما أدي لتدهور سريع في سعر الصرف ...
لا تقبل عبارة أن مايو كانت كارثة على الاقتصاد السوداني ... إلا على سبيل التهويل ليس إلا
الثابت والمعروف ان مايو استطاعت وباقتصاد زراعي أعتمد على تصدير الأقطان والصمغ العربي وأنوع
مختلفة من الحبوب الزيتية والماشية في نفس الوقت الذي لم تتوقف الدولة فيه عن مشاريع التنمية والبنية التحتية
,ولم تتوقف مطلقا عن واجبها في دعم السلعالاساسية والمحروقات والتعليم والصحة
إذا مايو فعلت ما بستطاعتها حسب ما توفر لها من موارد
وهو جهد يذكر بعرفان لها , فيما بعد توفرت الموارد ونهبت وبددت لذلك تبقي مايو علامه مضيئة
------------------------------
*مايو كفترة لم أعشها بوعي لكن بكل تأكيد .....................احترمها للغاية
| |
|
|
|
|
|
|
|
|
|
Re: جنيه أبعاج لمن لم يعاصروه... (Re: Dr.Elsadig Abdalla)
|
والله يا د. الصادق بكلامكم ده عرفنا ان النميري كان مظلوم ظلم الحسن والحسين.. وفي زمنه السودان كان بخير .. والمستغربة ليه الشعب انتفض ليه شنو ويطردو من الحكم وفي عهده الجنيه كان بدولارين.. وهسع الدولار الواحد بآلاف الجنيهات وما في زول عاوز ينتفض.. ولمن سألت والدي عن هذا الأمر العجيب وهو عاصر ذلك الزمن الذهبي كما يسميه : قال ساخرا " احتمال ناس جبهة الميثاق جارين السبحة ومعطلين ثورة الشعب , وخاصة المحامين والقضاة وطلاب الجامعات والذين عندما يتقدمون الصفوف تبدا نهاية النظم الدكتاتورية..
والله يديكم العافية
| |
|
|
|
|
|
|
|
|
|
Re: جنيه أبعاج لمن لم يعاصروه... (Re: اميرة السيد)
|
د. الصادق والمتداخلين
الحالة مادايراليها قياس من زمن نميري، بل البيذهب بعيداً
ويضرب فتاشة حيرتو من زمن نميري بروح ليهو الدرب في الموية آجماعة
شوفو من بداية حكم الكيزان الدولار كان بي كم؟؟ والآن وصل كم؟؟
| |
|
|
|
|
|
|
|
|
|
Re: جنيه أبعاج لمن لم يعاصروه... (Re: جلال جبريل)
|
Quote: كتار غير الدول الدكتاتورية بيختوا صور رؤساء
|
>>>>>>>>>>>>>.
عزيزي عاصم فقيري
نعم الدول الديمقراطية ما بتخت صور الرؤساء الحاليين الحاكمين البلد ولكن بيختو صور رؤساء سابقين .. وكمان بس الرؤساء الذين لهم بصمة واضحة في التاريخ السياسي للبلد..
واذا عندك مثال لبلد ديمقراطي وفيه صورة الرئيس الحالي .. الحقنا بيه .. طبعا باستثاء بريطانيا .. الملكة اليزابيث.. لأن بريطانيا وضعها خاص وتقاليد البلدان الملكية .. وحتى ولو كانت ملكية دستورية زي بريطانيا، تختلف شويه..
والله يديك العافية
| |
|
|
|
|
|
|
| |
Dr.Elsadig Abdalla
مزمل خيرى
محمد أبوالعزائم أبوالريش
الامين موسى البشاري
ولياب
عباس محمود
Asim Fageary
جلال جبريل
فيس بوك
تويتر
انستقرام
يوتيوب
بنتيريست