|
|
|
 Re: بورداب الخارج وأهل الخير (مطلوب هذا الدواء) ... (Re: معروف حمدين)
|
Quote: جنابو سلامات
سألت عن الدواء بالتليفون وموجود بدون رشته
الخبر الأجمل فى واحد صديقي سيصل يوم الثلاثاء الاسبوع المقبل
وستكون معه بأذن الله .
مع الأمنيات بالشفاء لكل مريض |
ياسلام ياحمدين يااااخ ...
الف شكر وياها المحرية فيك وفي اهل الخير ...
تلفوني للتنسيق مع الأخ القادم : 00249900092000 أو 00249183570192
| |
  
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: omer osman)
|
يا سعادتك حاجات زى دى السودانيين ما بقصّروا فيها......نحن فى الخدمة ...كل شهر
بس كنت داير أقول شئ..........قبل فترة كتب أحد الأعضاء هنا إقتراح عن صيدلية يتم إرسال موادها عن طريق المغتربين ...وشئ كده يعنى ..وكان إقتراح جيد..........أنا شخصيا أقوم بشئ قريب من كده كل إجازة أمشى فيها السودان....كيف؟...بما أنى أستعمل أدوية علاج السكرى ...وأحصل عليا شهريامجانا فكل سنة بكون عندى فائض من أدوية غالية جدا فى السودان كما قال لى صيدلى هناك...وأقوم بإعطائها لجمعية خيرية عندنا فى الحلّة.........والله والحمد لله أشعر بأنى أقدم شئ مفيد رغم قلة الكمية ......لكن لو مشروع زى ده لقى الدعم منكم ممكن يفيد ناس كتير........لحدى ما البلوى دي تنجلى عن بلدنا....وقد نستعيد عافيتنا ولا نحتاج للحلول الغريبة.
تحياتى جنابو ولكل من مد يد العون....................تلفونى فى البروفايل
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: Osama Mirghani)
|
| Quote: يا سعادتك حاجات زى دى السودانيين ما بقصّروا فيها......نحن فى الخدمة ...كل شهر |
حبابك وبالتأكيد يااسامة ياها المحرية فيكم ........
| Quote: قبل فترة كتب أحد الأعضاء هنا إقتراح عن صيدلية يتم إرسال موادها عن طريق المغتربين ...وشئ كده يعنى ..وكان إقتراح جيد |
صحيح وصاحب المقترح ان لم تخني الذاكرة هو شيخ العوض المسلمي
لكن بصراحة ما عارف وصلوا لي شنو في النهاية ! وبالتأكيد هي فكرة ممتازة
وتستحق المتابعة ... ان شاء الله براجع شيخ العوض في هذا الخصوص ...
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: omer osman)
|
فاعل الخير (من الامارات) المذكور اعلاه اتصل على مرة أخري ووجهني بالذهاب الى صيدلية
في شارع الحوادث الخرطوم لاستلام الصندوقين وبالفعل ذهبت وتم الاستلام وسيصلوا الى يد المريض
اليوم ان شاء الله ،،،
كما اتصل على فاعل خير أخر (من داخل السودان) وابلغني بأنه متبرع بشراء عدد 1 صندوق وسيصلني اليوم
كان ربنا هون ،،،
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: ismeil abbas)
|
ياجنابو فى ميزان حسناتك إن شاء الله..يعنى بعد كده مافى داعى للأستعجال..متى ما ربنا يسهل نرسل والا رايك شنو؟..إديك العافية يا الهميم.
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
الله يبارك فيك اسماعيل ياراقي وعارفك مابتقصر ،،،
الموقف الأن مطمئن ماتوفر حتى الأن 3 صناديق وهي تعادل إحتياج ثلاثة اشهر تقريباً ،،،
متوقع خلال الاسبوع القادم وصول مساهمات الاخ معروف حمدين وفاعل خير من انجلترا
وبالتالي خد راحتك وعلى رواقة متى ما ربنا سهل ممكن ترسل مساهمتك والف شكر مقدماً ،،،
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: omer osman)
|
Quote: جنابو سلامات
سألت عن الدواء بالتليفون وموجود بدون رشته
الخبر الأجمل فى واحد صديقي سيصل يوم الثلاثاء الاسبوع المقبل
وستكون معه بأذن الله .
مع الأمنيات بالشفاء لكل مريض |
الف شكر يامعروف في ميزان حسناتك ان شاء الله ...
استلمت الدواء مساء الأمس وسيصل ليد المريض خلال اليوم كان ربنا هون ..
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: omer osman)
|
Quote: وردني قبل قليل اتصال من انجلترا (فاعل خير) اعلن عن سعيه للحصول على الدواء برغم الحاجة لروشتة
وفور حصوله عليه سيقوم بارساله ...
في ميزان حسناته ان شاء الله ،،، |
هاتفني مرة أخري وافادني بأنه تحصل على الدواء المطلوب
وسيصلني منه عدد (7) علب في الاسبوع الأول من يناير 2013م
الف شكر مرة أخري وربنا يديك الصحة والعافية ويقدرك على عمل الخير دوماً
| |
|
|
|
|
|
|
|
|
|
Re: بورداب الخارج وأهل الخير (مطلوب هذا الدواء) ... (Re: omer osman)
|
Quote: هاتفني مرة أخري وافادني بأنه تحصل على الدواء المطلوب
وسيصلني منه عدد (7) علب في الاسبوع الأول من يناير 2013م
الف شكر مرة أخري وربنا يديك الصحة والعافية ويقدرك على عمل الخير دوماً
|
مشكور يا عمر وان شا الله في ميزان حسناتك..
بالإضافة لفكرة الصيدلية أو أياً كانت الفكرة وهي ممكن تخدم شريحة كبيرة من المحتاجين، ممكن الناس تستفيد من فكرة مشروع "صحبة راكب" بتاع محجوب شريف، أو تدعم نفس المشروع ليتواصل..
الحاجة التانية، لاحظت إنو الكمية الحا تتوفر معاك من النداء الأولي ده ربما تكفي لقريب السنة، وهنا يجي الخوف من تراكم الدواء وسوء التخزين، وكده، فأنا رأيي إنو: تحاول تشوف لو في ناس تانيين محتاجين للدواء ده نفسو، وممكن يتشاركو في الكمية الأولى دي، وده ممكن يحصل من خلال البوست ده نفسو، يعني تعمل نداء لو في زول بعرف زول محتاج للدواء ده.
ثم تواصل في عملك الجميل وكلما الدواء يقرب يخلص تعيد فتح البوست وان شا الله كلنا ما حا نقصر وكل زول قدر قدرتو..
،
،
أعان الله الجميع على عمل الخير..
،
| |
|
|
|
|
|
|
| |
omer osman
معروف حمدين
Osama Mirghani
ismeil abbas
فيس بوك
تويتر
انستقرام
يوتيوب
بنتيريست