|
|
|
 Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد إبراهيم علي)
|
اخص بالشكر الاخت غادة مكي على محاولتها مساعدتي للدخول على المنبر ولكن (النت في الجزيرة زي بص الجريف مرات يمش ومرات يقيف)
ولها خالص اعتذاري عن تمكني من زيارتها ولقائها لضيق الوقت
وايضا اخص بالشكر الصديق وهبة على الابديت السريع وفك الخرمة من خلال اللاتوب الرشاش بتاعو
طبعا ختاني في الصورة تماما في موضوعين حاعود لاحدهما حتما
| |
 
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد عبد الماجد الصايم)
|
| Quote: أوعك تشنف البلد ناذر أون لاين هههههه |
ناذر بقى البوليس بتاع البورد ولا شنو لوووووول الواحد شكلو فاتو الكتير فعلا
انا واحد من الناس لما قاعد امشي بركب الشريحة السودانية من مطار الرياض وطبعا دي مفيدة جدا عشان تعرف تستمتع باجازتك
المطار الناس بتجي تتلب من فوق لي راسك وتجيب واحد من اخر الصف توديهو الجوازات قدامك عادي وبتحصل من زمان وانا لو لقيت زول عملا لي حبابو
بتاعين التاكسي دايرين يطلعو حق الضحية من وراك عادي وبتحصل في ارقى البلدان
السخانة والغبار دي كمان ما عندها الا حل واحد وهو انك ما تجي السودان
الشوارع كعبة ما تبقى كعبة انا يمكن الشارع اجي بيهو مرة واحدة في اجازتي كلها المفروض ينقنق البجي بيهو كل يوم وبعد داك يبقى زيون للمنطقة الصناعية كلها
انا بقول لنفسي ولاولادي دي اجازة ونحن ماشين اهلنا وبلدنا وبحاول اخليهم يحسو بانو المتعة في لقاء الاهل والحرية والامان البحسوهو بين اهلهم
صدقني الحمد لله لغاية اليوم مافي واحد منهم ما بيتمني يرجع السودان اليوم قبل بكرة
السودان صعب على اهلو القاعدين فيهو اما نحن ناس 15 يوم ديل فمفروض نحمد ربنا انهم ادونا دقايق من زمنهم يتونسو معانا ويسمعو قصصنا البايخة ولسانا الاتعوج ده
ياخي شنيف شنو كمان انا زي الصور الحا اجيبا هنا دي عندي بالدنيا وما فيها بلا اغتراب لا بطيخ
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد إبراهيم علي)
|
فرح ابو روضة
اولا مرحب بيك في بورد بكري ده وكل سنة وانت طيب والاسرة بالف خير
المنبر ده فيهو اي شي خليك من وزيرة الهينة
فيهو العوام والخواص والنخبة فيهو ناس شايلين دوشكا وفيهو ناس ماسكين كمنجات وفيهو ناس ساي زينا كدة
الزميلة الوزيرة صيوان الفرح بتاعا اتنصب فوق راسنا ده وجاءت سيول المهنئين والمنتقدين وسيد الصيوان قال خلاص المشكلة اتحلت
لكن احتمال الزولة دي ما حلفت القسم لسه
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد البشرى الخضر)
|
Quote: فرح ابو روضة
اولا مرحب بيك في بورد بكري ده وكل سنة وانت طيب والاسرة بالف خير
المنبر ده فيهو اي شي خليك من وزيرة الهينة
فيهو العوام والخواص والنخبة فيهو ناس شايلين دوشكا وفيهو ناس ماسكين كمنجات وفيهو ناس ساي زينا كدة
الزميلة الوزيرة صيوان الفرح بتاعا اتنصب فوق راسنا ده وجاءت سيول المهنئين والمنتقدين وسيد الصيوان قال خلاص المشكلة اتحلت
لكن احتمال الزولة دي ما حلفت القسم لسه |
والله يا حبيبنا حكم الفتوى في الصيوان الاندق فوق راس الناس دا
متروك لفقها وشيوخ المنبر يردحوا فيه زي ما عايزين
لكن في شوفي في حكاية
قسم الانقاذ دا احسن منو قسم الجبجبة
وتسسلم
على بشاشة وحفاوة الترحاب
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد البشرى الخضر)
|
ود البشرى يا حبيب
كل سنة وانت والاسرة بالف خير وعيدكم مبارك (مع انكم ماكلين نعجة ههههههه )
غايتو انت كنت محور الابديت بتاع وهبة وعمك ما قصر اداني المختصر المفيد لكن ما لحقت علي البوست لانو شكلو بكري خورو
المهم اتمنى انك تكون اخدت حقك كامل
ولك علي ان اسرد ما يلي
30-10-2012 الساعة الثانية ظهرا اتصل بي معاوية عبيد (في رقمي السعودي) فهو لم يكن يعلم اني في السودان
المهم قال لي انا اريد ان اعتذر لمحمد البشرى الخضر
فقلت له يا معاوية الاعتذار يجب ان يكون من ثلاثة حاجات
انك تتأسف لمحمد واصدقائه وزوجاتهم وقراء المنبر عن ما بدر منك وتقر بانك اخطأت في حقهم وبهتهم بما لم يكن فيه حالهم
التانية انك تتعهد قدام الناس ان ما ترجع لمثلها ابدا
والثالثة ودي حقت محمد البشرى تساله فيها وتقول ليهو بالواضح كدة : انا يا زول بقر اني بهتك بما يكن عليه حالك وانا دلوقت بقر بهذا فكيف تريدني ان اصحح هذا الخطأ وانا ملتزم بذلك امام الناس
فاتمنى ان يكون قد اوفى بما التزم به
غايتو وشنا منك في الواطة دي فما علمنا عنك ممن عرفك يجعلنا نشعر بفداحة الجرم وعظم البهتان وعذرنا ال######## بقصر اليد عن العون فاعفو لنا تقصيرنا في امرك
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد إبراهيم علي)
|
كل سنة انتم بخير وزميلة البورد سامية وعيالها طيبين
وحمد لله على سلامتكم من انفجار شرق الرياض ده
اوعى تكون من الخلعة مسحت ليك فولدر فولدرين كدة من كابشراتك العجيبة ديك هههههههههههه
ياخي صاحبك وهبة دفاااااان عديل كدة وراني العجب في فولدراتو جنس كابشرات في ناس مستعدين يدفعو فيها ويمسحها ليهم لوووول
غايتو لو انقلب لمبتز حيغنا لجنى الجنا هههههههه
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: Elawad)
|
Dear Galaledin
| Quote: then why don't you live there permanently , or at least be appreciative to the country that you live in now |
I am appreciating the country where I am now and not saying any thing negative about it today or before
I am just not happy to be an expat what is wrong with that
living in Sudan is my dream and I am working daily to make it real & praying every second for my country to be attractive for all of us including you
Why I left Sudan has nothing to do with politics or Inqaz (surprise ha) it is only because of (to surprise you more ) all my friends left and I have no one to chat with and now I have new friends there and this is a good reason for me to be happy to go back , I passed the worst times early nineties and I am sure I can do it again now , how ? this may be a subject for separate post
Eid Mubarak to you and Your family
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد إبراهيم علي)
|
Quote: I am appreciating the country where I am now and not saying any thing negative about it today or before
I am just not happy to be an expat what is wrong with that
living in Sudan is my dream and I am working daily to make it real & praying every second for my country to be attractive for all of us including you
Why I left Sudan has nothing to do with politics or Inqaz (surprise ha) it is only because of (to surprise you more ) all my friends left and I have no one to chat with and now I have new friends there and this is a good reason for me to be happy to go back , I passed the worst times early nineties and I am sure I can do it again now , how ? this may be a subject for separate post
Eid Mubarak to you and Your family |
very convincing....thanks .. and hope I wasn't being judgmental.
Happy Eid for you and your family.
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: الزبير صالح الزبير)
|
كلمو بالله يا الزبير
لكن ناس السودان معذورين الدخول للمنبر يتم عبر القفز على حيطة الجيران ومصارعة النت بتاع سوداني (زين ما جربتها)
غايتو قصة الشبكة بتاعة سوداني عجيبة (الكلام ده في الجزيرة) مرات تجيك E ومرات 3G ومرات G بس مرات مافي اي حاجة
اغرب حاجة في مدني مرة ادتني error انو انا ما عندي data roaming هههههه شكلو مدني انفصلت مع الجنوب ونحن ما جايبين خبر
لكن في الخرطوم صراحة تمام
| |
|
|
|
|
|
|
|
|
|
Re: انتو بالمناسبة زميلة المنبر الوزيرة حلفت القسم ولا لسه ؟ (Re: محمد إبراهيم علي)
|
مواصلة :
المغتربين مدني
غايتو الما عندو فيها ملف يمشي يعمل ملف طوالي
موظفات وموظفين غاية في التهذيب والرقي في التعامل وسرعة الانجاز انا بشكرهم من هنا
مدني زاتا
حسن جاد الله وطعم السمك القديم زاتو ونفس النكهة المحببة للبلطي والبياض
بس مشكلتو لما مشينا اول يوم بعد اجازة العيد قال ما في موية باردة لانو عربية التلج ما جات اليوم !!!!
اتخيل نفسك بعد ما تاكل ليك سمك تضطر تشرب موية من الماسورة حقيقي دي بالغو فيها وحشو بيها مصارينا
وصادفت كمان موسم القشطة (الفاكهة) آآآآآآآآخ انا منها
معظم البيوت في الجزيرة الان تجد عندهم اكثر من شجرة للقشطة وانتاجها غزير دي صورتها للناس الما بعرفوها ههههههه
| |
|
|
|
|
|
|
| |
محمد إبراهيم علي
Ashraf el-Halabi
محمد علي شقدي
محمد عبد الماجد الصايم
فرح الطاهر ابو روضة
محمد البشرى الخضر
د.محمد حسن
حيدر حسن ميرغني
ABUHUSSEIN
حمد عبد الغفار عمر
Hussein Mallasi
Elawad
غادة مكى محمد
ناذر محمد الخليفة
الزبير صالح الزبير
فيس بوك
تويتر
انستقرام
يوتيوب
بنتيريست